PRO
‘സെയ്ത്താന്’ എന്ന സിനിമയിലൂടെ പ്രശസ്തനായ ബിജോയ് നമ്പ്യാരാണ് ‘നത്തോലി’ റീമേക്ക് ചെയ്യുന്നത്. നത്തോലിയുടെ തിരക്കഥാകൃത്ത് ശങ്കര് രാമകൃഷ്ണനാണ് ഇക്കാര്യം വെളിപ്പെടുത്തിയത്.
ചിത്രത്തിലെ നായിക കമാലിനിയുടെ സുഹൃത്താണ് ബിജോയ് നമ്പ്യാര്. അങ്ങനെയാണ് ബിജോയ് ഈ പ്രൊജക്ടിനെക്കുറിച്ച് അറിയുന്നതും ഇത് റീമേക്ക് ചെയ്യാന് താല്പ്പര്യം പ്രകടിപ്പിക്കുന്നതും. കമാലിനി ഈ റീമേക്കിന്റെയും ഭാഗമാകുമെന്നാണ് സൂചന. എന്നാല് ഫഹദ് ഫാസില് ഈ സിനിമയിലൂടെ ഹിന്ദിയില് അരങ്ങേറ്റം കുറിക്കുമോ എന്നാണ് ഏവരും ഉറ്റുനോക്കുന്നത്.
ഒരു തിരക്കഥാകൃത്തായും അയാളുടെ കഥാപാത്രമായുമാണ് ഫഹദ് ഈ ചിത്രത്തില് അഭിനയിക്കുന്നത്. തിരക്കഥാകൃത്തിനെ എല്ലാവരും ‘നത്തോലി’ എന്നാണ് വിളിച്ചിരുന്നത്. അയാള് സൃഷ്ടിച്ച കഥാപാത്രമായ നരേന്ദ്രനാകട്ടെ ഒരു അതിമാനുഷനും. ‘നത്തോലി ഒരു ചെറിയ മീനല്ല’ എന്ന് നരേന്ദ്രന് തെളിയിക്കുന്നതാണ് സിനിമയുടെ രസകരമായ വഴിത്തിരിവ്.
ബന്ധപ്പെട്ടവ
