നിരൂപണം | അണിയറ | കാര്യം നിസ്സാരം | മുഖാമുഖം | സിനിമാ വാര്‍ത്ത
പ്രധാന താള്‍ വിനോദം » സിനിമ » അണിയറ » പൃഥ്വിക്ക് ഡേറ്റില്ലെന്ന് അമല്‍, മമ്മൂട്ടിയെ കിട്ടാനില്ലെന്ന് പൃഥ്വി!
PRO
മമ്മൂട്ടിയും പൃഥ്വിരാജും അഭിനയിക്കുന്ന ‘അരിവാള്‍ ചുറ്റിക നക്ഷത്രം’ എന്ന സിനിമ 2013 സെപ്റ്റംബറില്‍ ചിത്രീകരണം ആരംഭിക്കും എന്ന് മലയാളം വെബ്‌ദുനിയ റിപ്പോര്‍ട്ട് ചെയ്തിരുന്നല്ലോ. ഈ പ്രൊജക്ട് എന്തുകൊണ്ടാണ് വൈകുന്നത് എന്നതിന് തൃപ്തികരമായ വിശദീകരണം ആരുടെ ഭാഗത്തുനിന്നും ലഭിച്ചിട്ടില്ല എന്നതാണ് വസ്തുത. ‘ബാച്ച്‌ലര്‍ പാര്‍ട്ടി’ക്ക് മുമ്പ് അമല്‍ നീരദ് ചെയ്യാനിരുന്നതാണ് ‘അരിവാള്‍ ചുറ്റിക നക്ഷത്രം’ അഥവാ എ സി എന്‍. വെനീസിലെ വ്യാപാരിക്ക് ശേഷം മമ്മൂട്ടി ഈ സിനിമ ചെയ്യുമെന്ന് സൂചനകളുണ്ടായിരുന്നു. എന്നാല്‍ എല്ലാ ഡേറ്റുകളും മാറിമാറിപ്പോയി.

ഒടുവില്‍ ഈ സിനിമ ഉപേക്ഷിച്ചതായിപ്പോലും വാര്‍ത്തകള്‍ വന്നു. ഇപ്പോള്‍ വരുന്ന വാര്‍ത്ത ആശാവഹമാണ്. എ സി എന്‍ ഉപേക്ഷിച്ചിട്ടില്ല. സെപ്റ്റംബറില്‍ സിനിമ തുടങ്ങും. വലിയ ബജറ്റ് ആവശ്യമുള്ളതുകൊണ്ടാണോ എ സി എന്‍ വൈകുന്നത്? അതോ ത്രീ ഡി സിനിമ ആയതിനാല്‍ ആവശ്യമായ സാങ്കേതിക കാലതാമസമാണോ? ഇനി അഥവാ, പറഞ്ഞുകേള്‍ക്കുന്നതുപോലെ, ചരിത്ര സിനിമയോട് മമ്മൂട്ടിക്ക് താല്‍പ്പര്യമില്ലാത്തതാണോ?

“പൃഥ്വിരാജിന്‍റെ ഡേറ്റ് ശരിയായിട്ടില്ല. അതുകൊണ്ടാണ് വൈകുന്നത്. അടുത്ത വര്‍ഷമേ അതുകൊണ്ട് ചിത്രം ആരംഭിക്കാന്‍ കഴിയൂ” - ഒരു ഇംഗ്ലീഷ് മാധ്യമത്തിന് അനുവദിച്ച അഭിമുഖത്തില്‍ അമല്‍ നീരദ് വ്യക്തമാക്കി.

ഈ സിനിമയുടെ നിര്‍മ്മാതാവ് പൃഥ്വിരാജാണ്. അപ്പോള്‍ പൃഥ്വി വിചാരിച്ചാല്‍ തന്‍റെ ഡേറ്റ് അഡ്ജസ്റ്റ് ചെയ്യാവുന്നതല്ലേയുള്ളൂ. എന്നാല്‍ പൃഥ്വിക്ക് ഇതേക്കുറിച്ച് പറയാനുള്ളത് കേള്‍ക്കുമ്പോഴേ ഈ പ്രൊജക്ടിന് പിന്നിലെ ആശയക്കുഴപ്പം പിടികിട്ടുകയുള്ളൂ.

“മമ്മൂട്ടിയുടെ ഡേറ്റിനായി കാത്തിരിക്കുന്നു. അദ്ദേഹമാണ് ഇനി എല്ലാം തീരുമാനിക്കേണ്ടത്” - എന്നാണ് പൃഥ്വി പറയുന്നത്. അപ്പോള്‍ ആര്‍ക്കാണ് ഡേറ്റില്ലാത്തത്? മമ്മൂട്ടിക്കോ പൃഥ്വിരാജിനോ?
Webdunia Webdunia