ബോളിവുഡ് ഹോട്ട് നായിക ദീപിക പദുക്കോണ് ഒരു ഐറ്റം നമ്പര് ഗാനരംഗത്ത് അഭിനയിക്കാന് ഒരുങ്ങുന്നു. എന്നാല് ഈ ഗാനരംഗം ഒരു ഹിന്ദി ചിത്രത്തില് അല്ലെന്നുള്ളതാണ് പ്രത്യേകത. തെലുങ്ക് ചിത്രത്തിലാണ് ദീപിക ഗ്ലാമറിന്റെ പരിധികള് ലംഘിച്ച് ഒരു ഗാനരംഗത്തില് അഭിനയിക്കുന്നത്.
IFM
IFM
‘ലവ് ഫോര് എവര്’ എന്ന തെലുങ്ക് ചിത്രത്തിലാണ് ദീപിക നൃത്തമാടുന്നത്. ഹൈദരാബാദുകാരിയായ ദീപികയുടെ ആദ്യ തെലുങ്ക് ചിത്രമാണിത്. ഈ മാസം 24 മുതല് ഈ സിനിമയുടെ ചിത്രീകരണത്തില് ദീപിക പങ്കെടുക്കും. പരമാവധി ശരീരപ്രദര്ശനം ആവശ്യപ്പെടുന്ന ഒരു ഗാനരംഗമായിരിക്കും ഇതെന്ന് അറിയുന്നു.
ജയന്ത് സി പരന്ജി സംവിധാനം ചെയ്യുന്ന ലവ് ഫോര് എവറില് രണദീപും മൃദുലയുമാണ് പ്രധാന വേഷങ്ങള് കൈകാര്യം ചെയ്യുന്നത്. ലാഫിംഗ് വാട്ടേഴ്സ് എന്റര്ടെയ്ന്മെന്റ് നിര്മ്മിക്കുന്ന ഈ സിനിമയുടെ ഹൈലൈറ്റ് ദീപികയുടെ നൃത്തരംഗമായിരിക്കുമെന്നാണ് അണിയറപ്രവര്ത്തകര് പറയുന്നത്.
ഐശ്വര്യ എന്ന കന്നഡച്ചിത്രത്തിലൂടെ സിനിമയില് അരങ്ങേറ്റം നടത്തിയ ദീപിക പദുക്കോണ് ഓം ശാന്തി ഓമിലൂടെയാണ് ബോളിവുഡില് തരംഗമായത്. ബച്നാ ഏ ഹസീനോ, ചാന്ദ്നി ചൌക് ടു ചൈന എന്നീ സിനിമകളിലൂടെ ബോളിവുഡിലെ നമ്പര്വണ് സ്ഥാനത്തേക്ക് ദീപിക അടുത്തുകൊണ്ടിരിക്കുകയാണ്.
തെലുങ്ക് ചിത്രത്തില് നൃത്തരംഗത്തില് അഭിനയിക്കുന്നതിലൂടെ മറ്റ് ഭാഷകളിലും തന്റെ ആധിപത്യം സ്ഥാപിക്കാനാണ് അവര് ശ്രമിക്കുന്നത്. താമസിയാതെ തമിഴ് ചിത്രത്തിലും ദീപികയൂടെ സാന്നിധ്യമുണ്ടാകുമെന്ന് കോളിവുഡ് പ്രേക്ഷകരും പ്രതീക്ഷിക്കുന്നു.