കാര്യം നിസ്സാരം | മുഖാമുഖം | നിരൂപണം | അണിയറ | ഹോളിവുഡില് നിന്ന് | ചലച്ചിത്രഗാനങ്ങള് | സിനിമാ വിലാസങ്ങള് | കഥാപുരുഷന് | സിനിമാ വാര്ത്ത | മികച്ച സിനിമകള് | മികച്ച പാട്ടുകള്
Feedback
Print
കാണാക്കിനാവിന് രണ്ടാം ഭാഗം 
ചൊവ്വ, 2 ജൂണ് 2009( 12:40 IST )
 | ||
|
ടി എ റസാഖിന്റെ തിരക്കഥയില് സിബി മലയില് സംവിധാനം ചെയ്ത കാണാക്കിനാവിന്റെ രണ്ടാം ഭാഗം വരുന്നു എന്നതാണ് പുതിയ വാര്ത്ത. യഥാര്ത്ഥ ജീവിതത്തില് നിന്നും റസാഖ് പകര്ത്തിയ കഥയാണ് കാണാക്കിനാവിന്റേത്. അതിലെ കഥാപാത്രങ്ങളില് പലരും ഇന്നും ജീവിച്ചിരിക്കുന്നവരാണ്.
ജാതിയോ മതമോ ഇല്ലാത്ത പുതിയ നാടു തേടി രണ്ടു മുസ്ലിം കുട്ടികളുമായി നായകനായ ചന്ദ്രദാസും ഭാര്യയും തോണി തുഴഞ്ഞു പോകുന്നിടത്താണ് കാണാക്കിനാവ് അവസാനിക്കുന്നത്. അവര് ഏതെങ്കിലും തീരത്ത് എത്തിയിട്ടുണ്ടാകും. ആ കുട്ടികള് വളര്ന്ന് വലുതായിട്ടുണ്ടാകും. ലോകം മതഭീകരതയില് മുങ്ങി നില്ക്കുന്ന ഈ കാലത്ത് അവരുടെ ജീവിതം എങ്ങനെയായിരിക്കും എന്ന ചിന്തയാണ് കാണാക്കിനാവിന് ഒരു തുടര്ച്ച രചിക്കാന് റസാഖിനെ പ്രേരിപ്പിച്ചത്.
കഥയ്ക്കും തിരക്കഥയ്ക്കും സംസ്ഥാന, ദേശീയ അവാര്ഡുകള് കാണാക്കിനാവ് റസാഖിന് നേടിക്കൊടുത്തു. മികച്ച നടനുള്ള സംസ്ഥാന അവാര്ഡ് മുരളിക്കും ആ ചിത്രത്തിലൂടെ ലഭിച്ചു. ചിത്രത്തിന്റെ രണ്ടാം ഭാഗം സംവിധാനം ചെയ്യുന്നതും സിബി മലയിലായിരിക്കും.
തിരച്ചിലുമായി ബന്ധപ്പെട്ട വിവരങ്ങള്
ഇതും തിരയുക: കാണാക്കിനാവ്, സിബി മലയില്, ലോഹിതദാസ്, റസാഖ്, മുരളി