മലയാള സിനിമയെ കുഴപ്പത്തില്ചാടിക്കാന് തീരുമാനിച്ചിറങ്ങിയിരിക്കുകയാണ് ഫാന്സ് അസോസിയേഷനുകളെന്ന് സംവിധായകന് കമല് തുറന്നടിക്കുന്നു. സൂപ്പര്താരങ്ങളെ മാത്രം സ്നേഹിക്കുന്ന ആരാധകര് സിനിമയെ അല്ല സ്നേഹിക്കുന്നത്. 'മിന്നാമിന്നിക്കട്ടം' എന്ന തന്റെ പുതിയ സിനിമയെ കുരുതിക്കൂട്ടി നശിപ്പിക്കാന് ചില ഫാന്സ് അസോസിയേഷനുകള് ഇറങ്ങിയിരിക്കുകയാണെന്നും കമല് തുറന്നടിക്കുന്നു. സൂപ്പര്താരങ്ങളെ ഒഴിവാക്കി പുതുമുഖങ്ങളെയും പുതിയ കഥാസാഹചര്യങ്ങളേയും മലയാള സിനിമയില് പരീക്ഷിക്കാന് ചങ്കൂറ്റം കാണിക്കുന്ന സംവിധായകനാണ് കമല് . ‘മിന്നാമിന്നിക്കൂട്ട’മെന്ന യുവ സിനിമയെ കുറിച്ച് കമല് മനസ് തുറക്കുന്നു
? യുവജനങ്ങള്ക്ക് വേണ്ടിയുള്ള ചിത്രമാണ് മിന്നാമിന്നികൂട്ടം. കേരളത്തിലെ യുവജനങ്ങളെ ചിത്രം ആകര്ഷിച്ചിട്ടുണ്ടോ
ഐ ടി പശ്ചാത്തലമാക്കി ഇതുവരെ മലയാളത്തില് ചിത്രങ്ങളൊന്നും ഇറങ്ങിയിട്ടില്ല. പുതിയ തലമുറയുടെ പ്രണയത്തെയും ജീവിതത്തെയും കുറിച്ച് പറയുന്ന ചിത്രമാണിത്. പുതിയ തലമുറയിലെ പെണ്കുട്ടികളുടെ പക്ഷത്താണ് മിന്നാമിന്നികൂട്ടം നില്ക്കുന്നത്. ലക്ഷ്യം വച്ച് പ്രേക്ഷകരിലേക്ക് സിനിമ എത്തുന്നു എന്നു തന്നെയാണ് ഞാന് കരുതുന്നത്.
? അത്ര നല്ല സ്വീകരണമാണ് ചിത്രത്തിന് ലഭിക്കുന്നത് എന്ന് പറയാനാകുമോ
സൂപ്പര്താരങ്ങളെ വച്ച് ചെയ്യുന്ന സിനിമകള്ക്ക് കിട്ടുന്ന അതേ സ്വീകരണം യുവ സിനിമക്ക് കിട്ടും എന്ന് പ്രതീക്ഷിക്കരുത്. താരജാഡകള് ഇല്ലാതെ വരുമ്പോള് ഇത്തരം ചിത്രങ്ങല്ക്ക് ശ്രദ്ധകിട്ടാന് സമയം എടുക്കും. വാണിജ്യവിജയം പ്രതീക്ഷിച്ച് തന്നെയാണ് ഇത്തരം സിനിമകള് ചെയ്യുന്നത്.
? സൂപ്പര്താര സിനിമകളെ ഫാന്സ് അസോസിയേഷനുകള് ആഘോഷമാക്കുന്നു. ചെറിയ ചിത്രങ്ങള്ക്ക് അങ്ങനെ ഒരു പ്രേക്ഷക അടിത്തറ ഇല്ലാത്തതല്ലേ പ്രശ്നം
ഫാന്സ് അസോസിയേഷനുകളെ കൊണ്ട് മലയാള സിനിമക്ക് എന്ത് ഗുണമാണ് ഉണ്ടായിട്ടുള്ളത്. താരങ്ങള്ക്ക് ഗുണമുണ്ടായിട്ടുണ്ട്. സിനിമക്ക് അവരെ കൊണ്ട് യാതൊരു ഗുണവും ഇല്ല. മിന്നാമിന്നികൂട്ടം എന്ന സിനിമയുടെ പേര് എഴുതി കാണിക്കുമ്പോള് മുതല് കൂവിത്തുടങ്ങുന്ന സാമൂഹ്യദ്രോഹികള് ഉണ്ട്. ഇത്തരക്കാരാണ് സിനിമയെ ബുദ്ധിമുട്ടിക്കുന്നത്.
|
അഭിപ്രായങ്ങളും പ്രതികരണങ്ങളും
സുഹൃത്തുക്കള്ക്ക് അയക്കൂ
ഈ പേജ് പ്രിന്റ് ചെയ്യൂ
