കാര്യം നിസ്സാരം | മുഖാമുഖം | നിരൂപണം | അണിയറ | ഹോളിവുഡില് നിന്ന് | ചലച്ചിത്രഗാനങ്ങള് | സിനിമാ വിലാസങ്ങള് | കഥാപുരുഷന് | സിനിമാ വാര്ത്ത | മികച്ച സിനിമകള് | മികച്ച പാട്ടുകള്
Feedback
Print
ചിരിപ്പിക്കാന് ഷാഫി റെഡി
 | |||
|
സിനിമ പ്രേക്ഷകന് ആസ്വദിക്കാന് വേണ്ടിയുള്ളതാണെന്ന് ഷാഫി ആത്മാര്ത്ഥമായി വിശ്വസിക്കുന്ന ഷാഫി പ്രേക്ഷകരില് വിടര്ത്തുന്ന ചിരി തന്നെ നിര്മ്മാതാക്കളുടെ മുഖത്തും വരുത്തുന്നു. സിദ്ധിക്-ലാല്മാരുടെ ചുവടുപിടിച്ച് സിനിമയിലെത്തിയ ഷാഫി ചിരിയുടെ വഴിയെ മിനിമം ഗ്യാരണ്ടി ചിത്രങ്ങള് ഒരുക്കണമെന്ന് മാത്രമേ ആഗ്രഹിച്ചിട്ടുള്ളു. നിറഞ്ഞ ചിരിയോടെ തന്നെ ഷാഫി മനസ്സു തുറക്കുകയാണ്
ചോദ്യം:സലിം കുമാര് നിങ്ങളുടെ പ്രിയ നടനാണല്ലോ?
ഉത്തരം:ഞങ്ങള് തമ്മില് വളരെ നല്ല ബന്ധമാണ്. സലിം കുമാറിന്റെ നിര്ദേശങ്ങള് നല്ല ചിരി ഉണ്ടാക്കുന്നവയായിരിക്കും. മായാവിയില് സലിം കുമാറിന്റെ നല്ല പിന്തുണ ഉണ്ടായിരുന്നു.
ചോദ്യം: എന്താണ് ഷാഫി ചിത്രങ്ങളുടെ വിജയ രഹസ്യം?
ഉത്തരം: കഠിനപ്രയത്നം. നല്ല വിനോദചിത്രങ്ങള് ഉണ്ടാക്കുന്നതിന് പിന്നില് ഒരു പാട് ആലോചനകളും ചിന്തയും ഉണ്ടാകും. ചോക്ലേറ്റിനും അത് ഉണ്ടായിരുന്നു. പൂര്ണമായ എന്റര്ടെയ്നര് ആണെങ്കിലും ഒരു പുതിയ സമീപനമാണ് സിനിമയില് സ്വീകരിച്ചത്
ചോദ്യം:ചോക്ലേറ്റിന് കിട്ടിയ എറ്റവും നല്ല പ്രോത്സാഹനം ആരില് നിന്നാണ്?
ഉത്തരം: എന്റെ സിനിമ ഗുരുക്കന്മാരായ സിദ്ധിക്-ലാലും, റാഫി-മെക്കാര്ട്ടിനും രാജസേനന്സാറുമാണ് ചിത്രം നന്നായി എന്ന് ആദ്യം പറഞ്ഞത്.
ചോദ്യം: ഷാഫിയുടെ പതിവ് മേഖലയല്ല, കാമ്പസ്, എന്തുകൊണ്ട് ഒരു കാമ്പസ് പശ്ചാത്തലമായി?
ഉത്തരം:കഥയുടെ പ്രമേയത്തില് ഞങ്ങള്ക്ക് വിശ്വാസമുണ്ടായിരുന്നു. ചുറ്റും യുവാക്കളുടെ ഒരു കൂട്ടവുമായി സിനിമയുടെ ചിത്രീകരണം വളരെ രസകരമായിരുന്നു.
ചോദ്യം:ഷാഫി ചിത്രങ്ങളുടെ ഒരു പ്രത്യേകതയായി തോന്നുന്നത് ഗൗരവ മുഹൂര്ത്തങ്ങളേയും കോമഡിയായിട്ടാണ് അവതരിപ്പിക്കുന്നത്?
ഉത്തരം: മനപൂര്വ്വം ചെയ്യുന്നതല്ല. ചോക്ലേറ്റിന്റെ ശൈലി അതായിരുന്നു. കോമഡിക്ക് എന്നും മലയാളത്തില് പ്രേക്ഷകരുണ്ടല്ലോ
ചോദ്യം: ഷാഫി പുതിയ ചിത്രത്തില് യുവതാരങ്ങളെ പരീക്ഷിച്ച് വിജയിച്ചു, എന്നാല് മലയാളത്തില് സാധാരണ യുവതാരങ്ങളെ അംഗീകരിക്കാറില്ല, അന്യഭാഷകളില് സ്ഥിതി വ്യത്യാസമാണ്?.
ഉത്തരം: പരീക്ഷണങ്ങള് നടത്താന് മലയാളി സംവിധായകര് ഭയക്കുന്നതായിരിക്കും പ്രധാന കാരണം. തെന്നിന്ത്യയില് മറ്റ് ഭാഷകളില് യുവസംവിധായകര് വാണിജ്യസിനിമയില് പുതിയ തന്ത്രങ്ങള് പരീക്ഷിക്കുകയാണ്.
ചോദ്യം:പുതിയ പദ്ധതി?
ഉത്തരം:ബെന്നി പി നായരമ്പലത്തിന്റെ തിരക്കഥ. ജൂലൈയില് ആരംഭിക്കും. ദിലീപ് ആയിരിക്കും നായകന്. മമ്മൂട്ടി, മോഹന്ലാല് ചിത്രങ്ങളും പദ്ധതിയിലുണ്ട്. പുതുമുഖങ്ങളെ വച്ചുള്ള ഒരു ചിത്രവും മനസിലുണ്ട്