കാര്യം നിസ്സാരം | മുഖാമുഖം | നിരൂപണം | അണിയറ | ഹോളിവുഡില് നിന്ന് | ചലച്ചിത്രഗാനങ്ങള് | സിനിമാ വിലാസങ്ങള് | കഥാപുരുഷന് | സിനിമാ വാര്ത്ത | മികച്ച സിനിമകള് | മികച്ച പാട്ടുകള്
Feedback
Print
അഭിനയം തന്നെ ജീവിതം
 | |||
|
അഭിനയം ഹൃദയത്തില് നിന്ന് വരുന്നതാണെന്ന് മീരാജാസ്മിന് പറയുന്നു. ബ്ലസിയുടെ ‘കൊല്ക്കൊത്ത ന്യൂസിലും’ മീരക്ക് കാമ്പുള്ള കഥാപാത്രത്തെയാണ് അവതരിപ്പിക്കാനുള്ളത്. ചെറിയ കാലഘട്ടം കൊണ്ട് തന്നെ തെന്നിന്ത്യയില് മികച്ച നടിയായി അറിയപ്പെട്ട മീര കൂടുതല് ശക്തമായ കഥാപാത്രങ്ങള് കാത്തിരിക്കുന്നു.
ചോദ്യം: ‘ഒരേ കടല്’ തിയേറ്ററില് അലയടിക്കുകയാണല്ലോ?
ഉത്തരം: ഇതുവരെ ലഭിക്കാത്ത പ്രതികരണമാണ് ലഭിക്കുന്നത്. ഇത്രയധികം ഫോണ്കോളുകള് എനിക്ക് മുമ്പ് ലഭിച്ചിട്ടില്ല. അഭിനന്ദിച്ചുകൊണ്ട് എനിക്ക് അപരിചിതരായ ഒരുപാട് പേര് വിളിച്ചു.
ചോദ്യം: ‘ഒരേ കടലിലെ’ നായികാവേഷം ചെയ്യുമ്പോള് പേടി ഉണ്ടായിരുന്നോ, പ്രേക്ഷകര് എങ്ങനെ സ്വീകരിക്കും എന്നതിനെ ചൊല്ലി?
ഉത്തരം: കഥാപാത്രത്തിന്റേ ധാര്മ്മിക ബോധത്തെ കുറിച്ച് പലര്ക്കും പല അഭിപ്രായമായിരിക്കും. ഇതുവരെ അധികം പരീക്ഷിക്കപ്പെട്ടില്ല സിനിമയില് ഇത്തരം പ്രമേയങ്ങള്. സിനിമയുടചിത്രീകരണത്തിലുടനീളം കഥാപാത്രത്തിന്റേ മാനസിക പിരിമുറുക്കം എന്നെ അലട്ടിയിരുന്നു.
ചോദ്യം: ഇപ്പോള് എന്തു തോന്നുന്നു?
ഉത്തരം: സിനിമ കഴിഞ്ഞിട്ടും വളരെ സമയമെടുത്തു ആ അവസ്ഥയില് നിന്ന് മോചിതയാകാന്, എല്ലായ്പ്പോഴും ഞാന് അങ്ങനെയാണ്. കഥാപാത്രത്തിലേക്ക് മാറി പോകുന്ന അവസ്ഥയുണ്ടാകും.
ചോദ്യം: കഥാപാത്രങ്ങളെ ഉപേക്ഷിക്കാന് മടിയാണല്ലേ?
ഉത്തരം: കൂട്ടുകാര് തൊട്ടാവാടി എന്ന് കളിയാക്കാറുണ്ട്. പക്ഷെ അതൊക്കെയാണ് എന്നെ ഞാനാക്കുന്നത്. എന്റേ കഥാപാത്രങ്ങളെയെല്ലാം ഞാന് മനസുകൊണ്ടാണ് സ്വീകരിക്കുന്നത്.
ചോദ്യം: ജീവിതത്തിലും അങ്ങനെയാണോ?
ഉത്തരം: ജീവിതത്തില് സങ്കീര്ണമായ ഒരു പാട് സാഹചര്യങ്ങളിലൂടെ കടന്നു പോയിട്ടുള്ളത് കൊണ്ട് വഞ്ചനയും വേദനയും ഒറ്റപ്പെടലും എല്ലാം എനിക്ക് മനസിലാകും. അതുകൊണ്ട് എന്റേ കഥാപാത്രങ്ങളെ വൈകാരികമായി മനസിലാക്കാന് കഴിയും.ജീവിതാനുഭവങ്ങള് സിനിമാഭിനയത്തിന് പ്രയോജനപ്പെടുമെന്നാണ് എന്റെ നിഗമനം.
ചോദ്യം: നല്ല കഥാപാത്രങ്ങള് എന്തുകൊണ്ടാണ് മീരയെമാത്രം തേടി എത്തുന്നത്?
ഉത്തരം: ദൈവാനുഗ്രഹം. ഞാന് അഭിനയിച്ച എല്ലാ ഭാഷകളിലും നല്ല കഥാപാത്രങ്ങളെ അവതരിപ്പിക്കാന് എനിക്ക് ഭാഗ്യമുണ്ടായിട്ടുണ്ട്. മലയാളത്തില് നല്ല സ്ത്രീകഥാപാത്രങ്ങള് ഉണ്ടായത് എഴുപതുകളിലും എണ്പതുകളിലുമാണ്. ശക്തമായ അത്തരം വേഷങ്ങള് ഇപ്പോള് ലഭിക്കാന് പ്രയാസമാണ്.
ചോദ്യം:‘കൊല്ക്കൊത്താ ന്യൂസിന്’ ശേഷം?
ഉത്തരം: തമിഴില് ‘നേപ്പാളി’, തെലുങ്കില് ‘യാമഗോള’