കാര്യം നിസ്സാരം | മുഖാമുഖം | നിരൂപണം | അണിയറ | ഹോളിവുഡില് നിന്ന് | ചലച്ചിത്രഗാനങ്ങള് | സിനിമാ വിലാസങ്ങള് | കഥാപുരുഷന് | സിനിമാ വാര്ത്ത | മികച്ച സിനിമകള് | മികച്ച പാട്ടുകള്
പ്രധാന താള് 
വിനോദം » സിനിമ » സിനിമാ വാര്ത്ത » രാജാവിന്റെ മകന് ജൂലൈ 16ന് തുടങ്ങും (Thampy Kannanthanam remakes Rajavinte Makan)
വിനോദം » സിനിമ » സിനിമാ വാര്ത്ത » രാജാവിന്റെ മകന് ജൂലൈ 16ന് തുടങ്ങും (Thampy Kannanthanam remakes Rajavinte Makan)
Feedback
Printരാജാവിന്റെ മകന് ജൂലൈ 16ന് തുടങ്ങും 
വ്യാഴം, 4 ഫെബ്രുവരി 2010( 14:21 IST )
PRO
ഡെന്നീസ് ജോസഫ് എഴുതിയ തിരക്കഥ തമ്പി കണ്ണന്താനം സംവിധാനം ചെയ്തു. 1986 ജൂലൈ 16ന് ആ ചിത്രം പ്രദര്ശനത്തിനെത്തി. മോഹന്ലാലും സുരേഷ്ഗോപിയും രതീഷും അംബികയും അഭിനയിച്ച ആ സിനിമയുടെ പേര് ‘രാജാവിന്റെ മകന്’. പിന്നീട് സംഭവിച്ചതെല്ലാം ചരിത്രം.
ആ ചിത്രത്തിന്റെ മഹാവിജയത്തിലൂടെ മോഹന്ലാല് സൂപ്പര്താരമായി. വിന്സന്റ് ഗോമസ് എന്ന കഥാപാത്രം ലാലിന്റെ അഭിനയജീവിതത്തിലെ തന്നെ ഏറ്റവും മികച്ച ആക്ഷന് സൃഷ്ടിയായി. സുരേഷ്ഗോപി എന്ന നടന്റെ ശക്തമായ കടന്നുവരവും രാജാവിന്റെ മകനിലൂടെയായിരുന്നു.
ഈ ജൂലൈ 16 രാജാവിന്റെ മകന് റിലീസായിട്ട് 25 വര്ഷം തികയുകയാണ്. ഇത് ആഘോഷമാക്കണമെന്ന് നിര്മ്മാതാവ് ആന്റണി പെരുമ്പാവൂരിന് ആഗ്രഹം. അതിനിടെ അദ്ദേഹത്തിന് മറ്റൊരു മോഹം തോന്നി. ‘രാജാവിന്റെ മകന്’ റീമേക്ക് ചെയ്താലോ? മോഹന്ലാലിനോടും സുരേഷ് ഗോപിയോടും ഡെന്നീസ് ജോസഫിനോടും തമ്പി കണ്ണന്താനത്തിനോടും ആന്റണി ഇക്കാര്യം ചര്ച്ച ചെയ്തു. എല്ലാവര്ക്കും ആവേശമായി.
അതെ, ഈ ജൂലൈ 16ന് രാജാവിന്റെ മകന് റീമേക്കിന്റെ ചിത്രീകരണം ആരംഭിക്കും. വിന്സന്റ് ഗോമസ് മറ്റാരുമല്ല, യൂണിവേഴ്സല് സ്റ്റാര് മോഹന്ലാല് തന്നെ. സുരേഷ്ഗോപിയും ചിത്രത്തിന്റെ ഭാഗമാകും. ക്യാമറ ജയാനന് വിന്സന്റ്. പഴയ നായിക അംബികയും അതിഥി വേഷത്തിലെത്തും. നായികമാര് മറ്റു ഭാഷകളില് നിന്ന് പറന്നെത്തും.
അധോലോകങ്ങളുടെ രാജകുമാരന് കഥ തുടരുകയാണ്. എതിരാളികളില്ലാത്ത വിന്സന്റ് ഗോമസ് എന്ന കഥാപാത്രം 25 വര്ഷത്തിന് ശേഷം പുനരവതരിക്കുമ്പോള്, പഴയ മോഹന്ലാല് അല്ല ഇന്ന്. അദ്ദേഹം താരചക്രവര്ത്തിയാണ്. ലാലിന്റെ പുതിയ ഇമേജിനും പുതിയ കാലത്തിനും അനുസരിച്ചുള്ള തിരക്കഥ രചിക്കാനായി ഡെന്നീസ് ജോസഫ് ഏതോ ഹോട്ടല് മുറിയില് ഉറക്കമിളപ്പ് തുടങ്ങിക്കഴിഞ്ഞു.
തിരച്ചിലുമായി ബന്ധപ്പെട്ട വിവരങ്ങള്
ഇതും തിരയുക: രാജാവിന്റെ മകന്, മമ്മൂട്ടി, മോഹന്ലാല്, ഡെന്നീസ് ജോസഫ്, ഡോണ് ദേവരാമന്, ജോഷി