കാര്യം നിസ്സാരം | മുഖാമുഖം | നിരൂപണം | അണിയറ | ഹോളിവുഡില് നിന്ന് | ചലച്ചിത്രഗാനങ്ങള് | സിനിമാ വിലാസങ്ങള് | കഥാപുരുഷന് | സിനിമാ വാര്ത്ത | മികച്ച സിനിമകള് | മികച്ച പാട്ടുകള്
Feedback
Print
അമീര്ഖാന് ഇനി ഗോഡ്ഫാദര്! 
ചൊവ്വ, 12 മെയ് 2009( 15:44 IST )
 | ||
|
തമിഴിലെ ബമ്പര് ഹിറ്റായ ഗജിനി ഹിന്ദിയില് കൊണ്ടു പോയി ചരിത്രവിജയമാക്കിയതോടെ തമിഴ് സിനിമയിലെ ചലനങ്ങള് കൂടുതലായി ശ്രദ്ധിച്ചു തുടങ്ങിയിരിക്കുകയാണ് അമീര്. ഇപ്പോഴിതാ, അദ്ദേഹം മറ്റൊരു റീമേക്കിന് ഒരുങ്ങുകയാണ്. കെ എസ് രവികുമാര് അജിത്തിനെ നായകനാക്കി ഒരുക്കിയ ‘വരലാറ്’(ഗോഡ്ഫാദര്) ആണ് അമീര്ഖാന് ഹിന്ദിയിലേക്ക് റീമേക്ക് ചെയ്യുന്നത്.
കെ എസ് രവികുമാര് തന്നെയായിരിക്കും ഈ ചിത്രം സംവിധാനം ചെയ്യുക. ഇതോടെ രവികുമാര് ബോളിവുഡിലേക്കും ചുവടുവയ്ക്കുകയാണ്. മൂന്നു കഥാപാത്രങ്ങളെ അമീര്ഖാന് ഈ സിനിമയില് അവതരിപ്പിക്കും. അച്ഛനും രണ്ടു മക്കളുമായാണ് അമീറിന്റെ വേഷപ്പകര്ച്ച. ഇതില് ഒരു മകന് സ്ത്രൈണതയുള്ള കഥപാത്രവുമാണ്.
തമിഴില് അജിത് ഗംഭീരമാക്കിയ ഈ മൂന്നു കഥാപാത്രങ്ങളെയും തന്റേതായ ചില മാറ്റങ്ങള് വരുത്തിയാണ് അമീര് ഹിന്ദിയിലേക്ക് പറിച്ചുനടുന്നത്. ഗജിനിയെപ്പോലെ ഗോഡ്ഫാദറും ഒരു വന് വിജയമാക്കി മാറ്റാനുള്ള അണിയറപ്രവര്ത്തനങ്ങള് അമീര് ആരംഭിച്ചുകഴിഞ്ഞു.
ദശാവതാരത്തിന്റെ തകര്പ്പന് വിജയത്തിന് ശേഷം കെ എസ് രവികുമാര് ഇപ്പോള് സൂര്യയെ നായകനാക്കി ആദവന് എന്ന ചിത്രം സംവിധാനം ചെയ്യുകയാണ്. അതിനു ശേഷം ശരത്കുമാറിനെ നായകനാക്കി ജഗ്ഗുഭായിയുടെ ചിത്രീകരണം ആരംഭിക്കും. ജഗ്ഗുഭായിക്കു ശേഷമേ ഗോഡ്ഫാദര് ആരംഭിക്കുകയുള്ളൂ.