മാതൃത്വം

Mothers Day Special: ഒരു അമ്മയ്‌ക്ക് മാത്രമെ ഈ ഒരു യാത്രയുടെ സുഖങ്ങളും സങ്കടങ്ങളും മനസിലാക്കാൻ കഴിയു: ഹൃദയത്തിൽ തൊടുന്ന കുറിപ്പുമായി ലിസി

Sun, 08 May 2022 11:04:00 +0530

നിരവധി മലയാള സിനിമകളിലൂടെ മലയാളികളുടെ പ്രിയ നായികമായി മാറിയ താരമാണ് ലിസി. ലിസിയുടെ പ്രിയദർശനുമായുള്ള വിവാഹവും വിവാഹമോചനവുമെല്ലാം മലയാളികൾക്കിട‌യിൽ വലിയ ചർച്ചയായിരുന്നു. ഇന്ന് മകൾ കല്യാണി മലയാളത്തിലെ മുൻനിര നായികയായി തിളങ്ങുമ്പോൾ മാതൃദിനത്തിൽ മക്കൾക്കൊപ്പമുള്ള ചിത്രത്തിനൊപ്പം ഹൃദയം തൊടുന്ന കുറിപ്പും പങ്കുവെച്ചിരിക്കുകയാണ് മലയാളത്തിന്റെ പ്രിയ നായിക.

തന്റെ കുഞ്ഞുങ്ങളുമൊത്തുള്ള പഴയ ചിത്രവും ഒപ്പം ഏറ്റവും പുതിയ ചിത്രങ്ങൾക്കു‌മൊപ്പമാണ് ലിസിയുടെ കുറിപ്പ്.

കുഞ്ഞു കുരുന്നുകളിൽ നിന്ന് മുതിർന്നവരായിട്ടുള്ള കുഞ്ഞുങ്ങളുടെ മാറ്റം എന്തൊരു ആശ്ചര്യം നിറഞ്ഞതാണ്. ഉയർച്ച താഴ്‌ചകൾ പലതും സംഭവിച്ചെ‌ങ്കിലും എന്തൊരു അവിശ്വസനീയമായ യാത്രയായിരുന്നു അത്. ഒരുപക്ഷേ ഒരു അമ്മയ്ക്ക് മാത്രമെ ആ ദുഖങ്ങ‌ളിലൂടെയും സന്തോഷങ്ങളിലൂടെയുമുള്ള ആ യാത്ര എന്തെന്ന് മനസിലാവുകയുള്ളു. ഇന്ന് അവർ രണ്ട് പേരും മുതിർന്നവരായി. ജീവിതത്തിൽ വലിയ നേട്ടങ്ങൾ വെട്ടിപിടിച്ചു. ഒരു അമ്മയെന്ന നിലയിൽ വലിയ സംതൃപ്‌തി തരുന്നതാണത്. എല്ലാ അമ്മമാർക്കും ഞാൻ മാതൃദിന ആശംസകൾ നേരുന്നു. നിങ്ങളാണ് യഥാർഥ സൂപ്പർസ്റ്റാറുകൾ ലിസി കുറിച്ചു.

പ്രായം 23, കുട്ടികൾ 21: കുറഞ്ഞത് നൂറു കുഞ്ഞുങ്ങളെങ്കിലും വേണമെന്ന് യുവതി

Wed, 28 Jul 2021 16:23:00 +0530

രണ്ടോ മൂന്നോ കുഞ്ഞുങ്ങളാകുന്നതോടെ പ്രസവം നിർത്തുന്നതാണ് ഇപ്പോൾ പതിവ്. കൂടുതൽ കുട്ടികൾ ഉണ്ടാകുമ്പോൾ കുട്ടികളെ നോക്കുക എന്നത് ചില്ലറ പണിയല്ല. സാമ്പത്തിക ഭദ്രതയില്ലെങ്കിൽ ഈ കുട്ടികളെ വളർത്തിയെടുക്കുക എന്നതും പ്രയാസമാണ്. എന്നാൽ കുട്ടികളെ വളർത്തിയെടുക്കുന്നതിനെ ഏറെ ഇഷ്ടപ്പെടുന്ന 23കാരിയായ ഒരു റഷ്യക്കാരിയായ അമ്മയാണ് വാർത്തകളിൽ നിറയുന്നത്.

23കാരിയായ റഷ്യൻ സ്വദേശിയായ ക്രിസ്റ്റീന ഓസ്‌ടുർക്കിന് നിലവിൽ 21 കുഞ്ഞുങ്ങളാണുള്ളത്. കുഞ്ഞുങ്ങൾ 100 ആകുന്നത് വരെ കുഞ്ഞുങ്ങളുണ്ടാവുന്നത് നിർത്താൻ ആഗ്രഹമില്ലെന്നാണ് ക്രിസ്റ്റീന പറയുന്നത്. ഇത് കേട്ട് ഞെട്ടിത്തരിക്കണ്ട. നിലവിലുള്ള ‌പതിനൊന്ന് കുഞ്ഞുങ്ങളിൽ ഒന്നിനെ മാത്രമെ കോടിശ്വരിയായ ക്രിസ്റ്റീന ഗർഭം ധരിച്ചിട്ടുള്ളൂ. മറ്റ് ഇരുപത് പേരെയും വാടക ഗർഭധാരണത്തിലൂടെയാണ് ക്രിസ്റ്റീന സ്വന്തമാക്കിയത്. കുട്ടികളെ നോക്കാനായി മാത്രം 16 ജോലിക്കാരാണ് ക്രിസ്റ്റീനയുടെ വീട്ടിലുള്ളത്.

View this post on Instagram

A post shared by Kristina Ozturk (@batumi_mama)

ഓരോ ഗർഭധാരണത്തിനുമായി 8,000 യൂറോയാണ് ക്രിസ്റ്റീന ചിലവാക്കിയത്. ജോർജിയയിൽ വാടക ഗർഭധാരണം നിയമാനുസൃതമാണ്. ആറ് വർഷം മുൻപാണ് ക്രിസ്റ്റീനയ്ക്ക് ആദ്യ മകൾ ജനിക്കുന്നത്. തുടക്കത്തിൽ എത്ര മക്കൾ വേണമെന്നതിനെ പറ്റി തനിക്ക് ധാരണയില്ലായിരുന്നുവെന്നും എന്നാൽ ഇപ്പോൾ നൂറുമക്കളെങ്കിലും തനിക്ക് വേണമെന്നാണ് ആഗ്രഹമെന്നും ക്രിസ്റ്റീന പറയുന്നു.

ഒറ്റ പ്രസവത്തിൽ ഒമ്പത് കുഞ്ഞുങ്ങൾ, മാലിയിൽ യുവതിയ്ക്ക് അപൂർവ പ്രസവം

Wed, 05 May 2021 13:45:00 +0530

ആഫ്രിക്കൽ രാജ്യമായ മാലിയിൽ ഇരുപത്തഞ്ചുകാരി ഒറ്റപ്രസവത്തിൽ ഒമ്പത് കുഞ്ഞുങ്ങൾക്ക് ജന്മം നൽകിയതായി മാലി ആരോഗ്യമന്ത്രാലയം അറിയിച്ചു. ഗർഭകാലത്ത് നടത്തിയ പരിശോധനയിൽ ഏഴ് കുഞ്ഞുങ്ങളാണ് യുവതിയുടെ ഉദരത്തിലുള്ളതെന്നായിരുന്നു ഡോക്ടര്‍മാരുടെ നിഗമനം. എന്നാൽ ഈ നിഗമനത്തെ തെറ്റിച്ച് കൊണ്ടാണ് യുവതി ചൊവ്വാഴ്‌ച്ച 9 കുഞ്ഞുങ്ങൾക്ക് ജന്മം നൽകിയത്.

ഇതോടെ ഒറ്റ പ്രസവത്തില്‍ കൂടുതല്‍ കുഞ്ഞുങ്ങള്‍ പിറക്കുന്ന അപൂര്‍വസൗഭാഗ്യം ഹലീമ സിസ്സെ എന്ന യുവതിയ്ക്ക് ലഭിച്ചു. മൊറോക്കോയിലെ ആശുപത്രിയില്‍ ശസ്ത്രക്രിയയിലൂടെയായിരുന്നു കുഞ്ഞുങ്ങളുടെ ജനനം. അഞ്ച് പെണ്‍കുട്ടികളും നാല് ആണ്‍കുട്ടികളുമാണ് ജനിച്ചത്. നവജാതശിശുക്കളും അമ്മയും ആരോഗ്യത്തോടെ ഇരിക്കുന്നതായി മാലി ആരോഗ്യമന്ത്രി ഫാന്റാ സിബി അറിയിച്ചു.

ഹലീമയുടെ അപൂര്‍വ ഗര്‍ഭം അധികൃതരുടേയും ശ്രദ്ധ നേടിയിരുന്നു. യുവതിയ്ക്ക് വിദഗ്ധ ചികിത്സ ആവശ്യമാണെന്ന് മാര്‍ച്ചില്‍ ഡോക്ടര്‍മാര്‍ അറിയിച്ചതിനെ തുടര്‍ന്ന് പ്രസിഡന്റ് ബാ നഡോയുടെ നിർദേശപ്രകാരം വിദഗ്ധചികിത്സയും പ്രത്യേക പരിഗണനയും ഉറപ്പാക്കാന്‍ ഹലീമയെയെ മൊറോക്കോയിലേക്ക് മാറ്റുകയായിരുന്നു. ഏതാനും ആഴ്ചകള്‍ക്കുള്ളില്‍ അമ്മയും കുഞ്ഞുങ്ങളും മാലിയിലേക്ക് മടങ്ങിയെത്തുമെന്ന് മാലി ആരോഗ്യമന്ത്രി ഫാന്റാ സിബി അറിയിച്ചു.

കുഞ്ഞ് ഉറങ്ങിക്കിടക്കുമ്പോൾ മുലയൂട്ടിയാൽ?

Wed, 28 Nov 2018 14:17:00 +0530

മുലയൂട്ടുന്ന അമ്മമാർക്ക് സംശയങ്ങൾ ഏറെയായിരിക്കും. അതിൽ ഏറ്റവും വലുതാണ് ഉറങ്ങിക്കിടക്കുമ്പോൾ മുലയൂട്ടുന്നതിന് പ്രശ്‌നങ്ങൾ ഉണ്ടോ എന്നത്. എന്നാൽ അറിഞ്ഞോളൂ ഉറങ്ങിക്കിടക്കുമ്പോൾ മുലയൂട്ടുന്നത് കുഞ്ഞിനെ കാര്യമായ രീതിയിൽ ബാധിക്കുമെന്നാണ് പഠനങ്ങൾ പറയുന്നത്.

മുലയൂട്ടുന്നതിലൂടെ കുഞ്ഞിന്റെ ആരോഗ്യവും മേനിയഴകും മനക്കരുത്തും വര്‍ദ്ധിപ്പിക്കുന്നതോടൊപ്പം തന്നെ മാതാവുമായുള്ള ബന്ധവും ശക്തമാകുകയാണ് ചെയ്യുക. ഉറങ്ങിക്കിടക്കുമ്പോൾ മുലയൂട്ടുന്നത് കുഞ്ഞിന്റെ ആരോഗ്യത്തേയാണ് ഏറ്റവും കൂടുതൽ ബാധിക്കുന്നത്.

അതുപോലെ തന്നെ മുലയൂട്ടുന്ന അമ്മമാർ ശ്രദ്ധിക്കേണ്ട മറ്റ് ചില കാര്യങ്ങളും ഉണ്ട്. മുലയൂട്ടികഴിഞ്ഞാല്‍ ഇടതു തോളില്‍ കിടത്തി പുറത്ത് കൈകൊണ്ടു തട്ടി ഉള്ളിലുള്ള വായു പുറത്തുകളയണം. മുലപ്പാല്‍ നന്നായി ലഭിക്കുന്ന കുഞ്ഞിന് വേറെ വെള്ളം നല്‍കേണ്ട ആവശ്യമില്ല. എന്നാല്‍ മുലയൂട്ടുന്ന അമ്മ ധാരാളം വെള്ളം കുടിക്കേണ്ട ആവശ്യമുണ്ട്.

മുലയില്‍ നിന്ന് അല്പം പാല്‍ പിഴിഞ്ഞു കളഞ്ഞതിന് ശേഷമേ കുഞ്ഞിന് പാൽ നൽകാവൂ എന്നതും അമ്മമാർ അറിഞ്ഞിരിക്കേണ്ട പ്രധാന കാര്യമാണ്.

തീൻമേശയിലെ മര്യാദ കുട്ടികളെ പഠിപ്പിക്കാന്‍ ഇതാ ചില വഴികള്‍

Mon, 15 Oct 2018 21:24:00 +0530

നാട്ടുകാരുടെ മുന്നിൽ ഒരിക്കലും നമ്മുടെ കുട്ടികൾ താഴ്ന്ന് നിൽക്കുന്നത് കാണാൻ ഒരു മാതാപിതാക്കളും ആഗ്രഹിക്കാറില്ല. എന്നാൽ, കുട്ടികൾ കാരണം മറ്റുള്ളവർക്ക് മുന്നിൽ ചൂളി നിൽക്കുന്ന മാതാപിതാക്കൾ വേറിട്ട സംഭവമല്ല. കുരുത്തക്കേടുകളാകാം പലപ്പോഴും കാരണം. ഇതിന് കുട്ടികളെ പഴിച്ചിട്ട് കാര്യമില്ല. ചെറുപ്പം മുതലേ അവരെ നല്ല ശീലങ്ങൾ പഠിപ്പിക്കണം. മര്യാദകൾ, ശീലങ്ങൾ, പ്രവൃത്തികൾ തുടങ്ങി പലകാര്യങ്ങളും കുട്ടികളെ പറഞ്ഞ് പഠിപ്പിക്കേണ്ടത് മാതാപിതാക്കളുടെ കടമയാണ്. ഇത് കൃത്യമായി നിർവഹിക്കുമ്പോഴാണ് അവർ ഭാവിയിലെ നല്ല പൗരന്മാർ ആകുന്നത്.

കുട്ടികൾ പഠിക്കേണ്ട, കുട്ടികളെ പഠിപ്പിക്കേണ്ട മര്യാദകളിൽ പ്രധാനം തീൻമേശയിലെ മര്യാദയാണ്. കുട്ടികളെ എപ്പോഴും ടേബിള്‍ മാനേഴ്‌സ് ശീലിപ്പിച്ചിരിക്കേണ്ടതാണ്. ഇല്ലെങ്കിൽ ആ ഒരു കാരണം കൊണ്ട് പല സാഹചര്യങ്ങളിലും നമ്മൾ നാണംകെടാൻ സാധ്യതയുണ്ട്. വലിയ വലിയ കാര്യമൊന്നുമല്ല ഇത്. എന്നാൽ ആണുതാനും. ഈ വലിയ കാര്യത്തെ വളരെ ചെറുതായി കുട്ടികൾക്ക് പറഞ്ഞ് കൊടുക്കാൻ അവരുടെ മാതാപിതാക്കൾക്കെ സാധിക്കുകയുള്ളു. എളുപ്പത്തിൽ കുട്ടികൾക്ക് മനസ്സിലാകുന്ന രീതിയിൽ ടേബിൾ മാനേഴ്സ് എങ്ങനെ പഠിപ്പിക്കാമെന്ന് നോക്കാം.

* ഭക്ഷണം കഴിക്കാൻ വരുന്നതിന് മുൻപും ശേഷവും കൈ വൃത്തിയായി കഴുക്കാൻ ശീലിപ്പിക്കുക

* കളികൾക്കിടയിലാണ് കുട്ടികളെ ഭക്ഷണം കഴിക്കാൻ വിളിക്കുന്നതെങ്കിൽ, അവരുടെ കൈവശമുള്ള കളിപ്പാട്ട വസ്തുകൾ മാറ്റി വെച്ച് ഭക്ഷണത്തിൽ മാത്രം ശ്രദ്ധിക്കാൻ പഠിപ്പിക്കുക.

* കസേരക്ക് മുകളിൽ കയറി ഇരിക്കരുതെന്ന് പറഞ്ഞ് പഠിപ്പിക്കുക. ശബ്ദമുണ്ടാക്കാതെ വളരെ സാവധാനം കസേരയിൽ ഇരിക്കാൻ പറയുക.

* എല്ലാവരും വിളമ്പിയതിനു ശേഷം ഒരുമിച്ച് കഴിക്കാൻ തുടങ്ങുക

* കഴിക്കുന്ന ഭക്ഷണത്തിന്റെ അംശം ദേഹത്ത് വീഴാതിരിക്കാൻ നാപ്‌കിൻ ഉപയോഗിക്കുന്നത് നല്ലതായിരിക്കും.

* ഭക്ഷണം ഇഷ്ടപെട്ടില്ലെങ്കിൽ പറയാതിരിക്കുക. മറിച്ച് ഇഷ്ടമായാൽ അത് തുറന്ന് പറയുക

* ഭക്ഷണം വിളമ്പുന്നവരോടും അത് ഉണ്ടാക്കുന്നവരോടും നന്ദി പറയാൻ പഠിപ്പിക്കുക.

* ശബ്ദമുണ്ടാക്കാതെ കത്തിയും ഫോർക്കും ഉപയോഗിക്കാൻ പഠിപ്പിക്കുക

* കഴിച്ച് കഴിഞ്ഞാൽ അടുത്തിരുന്ന് കഴിക്കുന്നവരോട് അനുവാദം ചോദിച്ചതിന് ശേഷം മാത്രം എഴുന്നേൽക്കുക

* ഇതിനേക്കാൾ പ്രധാനപ്പെട്ട വസ്തുത, ഭക്ഷണം കഴിക്കുന്ന സമയത്തെ സംസാര രീതി നന്നാക്കാൻ ശ്രദ്ധിക്കുക.

ഇത്രയും കാര്യങ്ങൾ പഠിപ്പിച്ചാൽ തന്നെ മര്യാദരാമനായി കുട്ടികൾ അടങ്ങിയിരുന്നോളും. മാതാപിതാക്കൾക്ക് നാണക്കേട് ഉണ്ടാകുകയുമില്ല. ആദ്യ സന്ദർഭങ്ങളിൽ ചിലപ്പോൾ അവർ പഠിച്ചെന്നോ, അംഗീകരിച്ചെന്നോ വരില്ല. എന്നാൽ, രണ്ട് മൂന്ന് തവണ പറഞ്ഞ് കൊടുത്താൽ അതിലെ ഗൗരവം ആ കുഞ്ഞു മനസ്സിന് തിരിച്ചറിയാൻ സാധിക്കും.

കുട്ടികളെ ‘മണി’ ചീത്തയാക്കുമോ ? എല്ലാ അമ്മമാരും ഇക്കാര്യങ്ങള്‍ അറിഞ്ഞേ പറ്റൂ !

Sat, 18 Nov 2017 14:17:00 +0530

പോക്കറ്റ് മണി നല്‍കിയാല്‍ കുട്ടികള്‍ ദുര്‍ചെലവ് നടത്തുമെന്ന് ഒരുപക്ഷം കരുതുമ്പോള്‍ ഇത് ആവശ്യമാണെന്നാണ് മറുപക്ഷം അവകാശപ്പെടുന്നത്. കുട്ടികള്‍ക്ക് പണം നല്‍കിയാല്‍ അവര്‍ ചീത്തയാവുമോ. പണം നല്‍കിയാല്‍ അവര്‍ അത് ദുര്‍വിനിയോഗം ചെയ്ത് ദുര്‍ന്നടപ്പുകാരായി മാറുമെന്ന് നമുക്കിടയില്‍ പ്രബലമായ ഒരു വിശ്വാസം തന്നെയുണ്ട്. എന്നാ‍ല്‍ ഇത് ശരിയാണോ?

പണം ദുര്‍വിനിയോഗം ചെയ്യുന്നത് ചീത്ത ശീലം തന്നെയാണ്. എന്നാല്‍, ഇക്കാരണത്താല്‍ കുട്ടികള്‍ക്ക് പോക്കറ്റ് മണി അനുവദിക്കാതിരിക്കരുത് എന്നാണ് വിദഗ്ധരുടെ അഭിപ്രായം. കുട്ടികളുടെ ആവശ്യങ്ങള്‍ക്കായി പോക്കറ്റ് മണി നിശ്ചയിക്കുന്നത് അവരിലും ഉത്തരവാദിത്വം വര്‍ദ്ധിപ്പിക്കുമെന്നാണ് പഠനങ്ങള്‍ തെളിയിച്ചിട്ടുള്ളത്. എന്നാല്‍, പോക്കറ്റ് മണി എത്രത്തോളം നല്‍കണമെന്നത് രക്ഷകര്‍ത്താക്കളുടെ തീരുമാനം.

വളരെ കുറച്ച് പോക്കറ്റ് മണി നല്‍കിയിട്ട് കണ്ണുമടച്ച് ഇരിക്കണമെന്നല്ല ഇതിനര്‍ത്ഥം. പോക്കറ്റ് മണി ചെലവഴിച്ച ശേഷം മോഹിപ്പിക്കുന്ന എന്തെങ്കിലും കണ്ണില്‍ പെട്ട് മകനോ മകളോ അത് വാങ്ങാനുള്ള ശുപാര്‍ശയുമായി അടുത്ത് വരുമ്പോള്‍ ഏകപക്ഷീയമായി കാര്യങ്ങള്‍ അവസാനിപ്പിക്കുന്നതു ശരിയല്ല. മക്കളുടെ ആവശ്യം കേട്ട ശേഷം അത് ന്യായമെങ്കില്‍ അവരോടൊപ്പം കൂടുക തന്നെയാണ് ഉത്തമം.

പോക്കറ്റ് മണി മാസത്തിലോ ആഴ്ചകളിലോ ആവാം. കുട്ടികള്‍ക്ക് ആഴ്ചകളിലായി നല്‍കുന്നതായിരിക്കും നല്ലത്. ഇത്തരത്തില്‍ കിട്ടുന്ന തുക ശരിയായ രീതിയില്‍ വിനിയോഗിക്കുന്നതിലൂടെ അവര്‍ പണം കൈകാര്യം ചെയ്യാനുള്ള ആദ്യപാഠങ്ങള്‍ പഠിക്കുന്നു. തെറ്റുകുറ്റങ്ങള്‍ വരികയാണെങ്കില്‍ രക്ഷകര്‍ത്താക്കളുടെ സംരക്ഷണയില്‍ തന്നെ അത് തിരുത്താനുള്ള അവസരവും ലഭിക്കുന്നു.

പണം ചെലവഴിക്കേണ്ടത് എങ്ങനെയെന്നും സമ്പാദിക്കേണ്ടത് എങ്ങനെയെന്നും പോക്കറ്റ് മണി ശരിയായി വിനിയോഗിക്കുന്നതിലൂടെ കുട്ടികള്‍ക്ക് പഠിക്കാനാവും. കൂടാതെ, സമ്പാദ്യ ശീലത്തിന്‍റെ ആദ്യ പാഠങ്ങളും അവര്‍ക്ക് ഇങ്ങനെ ലഭ്യമാവും. ഇനി തീരുമാനിക്കൂ, പോക്കറ്റ് മണി ആവശ്യമാണോ?

ഉറക്കത്തിനിടയില്‍ കുട്ടികള്‍ കിടക്ക നനയ്ക്കാറുണ്ടോ ? എങ്കില്‍ ഒന്നു സൂക്ഷിച്ചോളൂ !

Fri, 20 Oct 2017 14:40:00 +0530

ധാ‍രാളം ഉത്തരവാദിത്തമുള്ള ഒരു ജോലിയാണ് കുട്ടികളെ വളര്‍ത്തുക എന്നത്. അവരുടെ എല്ലാ കാര്യത്തിലും വലിയ ശ്രദ്ധ ആവശ്യമാണ്. അതുകൊണ്ടുതന്നെ ചെറുപ്പക്കാരായ അച്ഛനമ്മമാര്‍ക്ക് കുഞ്ഞുങ്ങളെ വളര്‍ത്തുന്നതില്‍ ധാരാളം സംശയങ്ങളുമുണ്ടാകുന്നത് സ്വാഭാവികവുമാണ്.

കുട്ടികള്‍ ഉറക്കത്തില്‍ കിടക്ക നനയ്ക്കുന്നത് ശ്രദ്ധിക്കേണ്ട സംഗതിയാണ്. വൃത്തികേടായ കിടക്കവിരിയോ കിടക്കയോ അല്ല ഇവിടെ ഗുരുതര പ്രശ്നമായി കാണേണ്ടത്. ഇതിനു കാരണമെന്തെന്നാണ് മനസ്സിലാക്കേണ്ടത്. കിടക്കയില്‍ മൂത്രമൊഴിക്കുന്ന കുട്ടികള്‍ക്ക് പ്രത്യേക ശ്രദ്ധ നല്‍കണമെന്നാണ് വിദഗ്ധരുടെ അഭിപ്രായം.

മൂത്രം നിയന്ത്രിക്കാന്‍ കഴിയാത്തതാണ് പ്രശ്നം. കുട്ടിക്ക് മാനസിക സംഘര്‍ഷം ഉണ്ടാകുന്നതും ഇതിന് കാരണമാണ്. കൂടുതല്‍ ശ്രദ്ധ വേണമെന്ന സൂചനയാണ് ഇതിലൂടെ വ്യക്തമാകുന്നത്. കുറച്ച് കാലം മാറി നിന്ന ഉറക്കത്തില്‍ മൂത്രം ഒഴിക്കുന്ന സ്വഭാവം വീണ്ടും പ്രത്യക്ഷപ്പെടുകയാണെങ്കില്‍ അത് സുരക്ഷിതത്വമില്ലായ്മയും ഭയവും കുട്ടിക്ക് ഉണ്ടെന്നാണ് അര്‍ത്ഥമാക്കുന്നത്.

പുതിയ അന്തരീക്ഷത്തിലേക്ക് മാറുക, പ്രിയപ്പെട്ടവരുടെ മരണം, സ്കൂളില്‍ ഉണ്ടാകുന്ന മനോസംഘര്‍ഷം എന്നിവ മൂലവും ഉറക്കത്തില്‍ മൂത്രം ഒഴിക്കുന്ന സ്വഭാവം ഉണ്ടാകാം. മൂത്രാശയത്തിലെ അണുബാധയും വിരശല്യവും ഉറക്കത്തില്‍ മൂത്രം പോകുന്നതിന് കാരണമാകാറുണ്ട്.

ഒരു കാരണവശാലും കിടക്ക നനയ്ക്കുന്നത് ഒരു പ്രശ്നമാക്കി മാറ്റരുത്. കിടക്ക വിരിപ്പ് മാറ്റാന്‍ കുട്ടിയെ പഠിപ്പിക്കുക. ഒപ്പം സൌഹാര്‍ദ്ദത്തോടെ മാത്രം ഈ അവസ്ഥയെ കാണുന്നു എന്ന് കുട്ടിയെ ധരിപ്പിക്കാനുതകുന്ന വിധത്തില്‍ പെരുമാറുക. ഉറക്കത്തില്‍ മൂത്രം ഒഴിക്കുന്നതിന്‍റെ പേരില്‍ കുട്ടിയെ ഒരിക്കലും ശിക്ഷിക്കാന്‍ മുതിരരുത്. കുട്ടിയുടെ പ്രശ്നങ്ങളെ കുറിച്ച് മറ്റുള്ളവരോട് പറയാതിരിക്കുകയും വേണം.

അമ്മ കുങ്കുമപ്പൂ കഴിക്കുന്നതുകൊണ്ട് കുഞ്ഞിന് നിറമുണ്ടാകില്ല !; എന്തുകൊണ്ട് ?

Thu, 19 Oct 2017 14:44:00 +0530

ജനിക്കാന്‍ പോകുന്ന കുഞ്ഞിന് നിറം വര്‍ദ്ധിപ്പിക്കുന്നതിനും കുഞ്ഞിന്റെ ആരോഗ്യത്തിനും ബുദ്ധി വികാസത്തിനുമെല്ലാം ഗര്‍ഭിണികള്‍ കുങ്കുമപ്പൂ കഴിക്കാറുണ്ട്. എങ്കിലും കുങ്കുമപ്പൂവ് കഴിക്കുന്നതിലൂടെ ഇത്തരം ആരോഗ്യ ഗുണങ്ങള്‍ ലഭിക്കുമോ എന്ന കാര്യത്തില്‍ പലര്‍ക്കും ഇപ്പോഴും സംശയമാണ്. ഏറ്റവും വിലപിടിപ്പുള്ള ഒന്നായ കുങ്കുമപ്പൂവിന് പല ആരോഗ്യ ഗുണങ്ങളുമുണ്ട്. എങ്കിലും ഇത് കഴിക്കുമ്പോള്‍ അല്പം ശ്രദ്ധ ആവശ്യമാണ്.

കുങ്കുമപ്പൂവ് കഴിക്കുന്നതിലൂടെ പല ആരോഗ്യ ഗുണങ്ങളും ഗര്‍ഭിണിക്കും ഗര്‍ഭസ്ഥശിശുവിനും ലഭിക്കുന്നു. രക്തയോട്ടം വര്‍ദ്ധിപ്പിക്കുന്നതിനും ദഹന പ്രശ്നങ്ങള്‍ പരിഹരിക്കുന്നതിനും ഊര്‍ജ്ജം വര്‍ദ്ധിപ്പിക്കുന്നതിനുമെല്ലാം കുങ്കുമപ്പൂ സഹായകമാണ്. ഗര്‍ഭകാലത്ത് പല സ്ത്രീകളിലും രക്തസമ്മര്‍ദ്ദത്തിന്റെ തോത് കൂടുതലായിരിക്കും. എന്നാല്‍ ഇത് കൃത്യമാക്കാനും ഒരു പ്രതിസന്ധികളുമില്ലാതെ പ്രസവം നടക്കാനും കുങ്കുമപ്പൂവ് കഴിക്കുന്നതിലൂടെ സാധിക്കും.

ഏതൊരു ഗര്‍ഭിണിയുടേയും പേടി സ്വപ്നമാണ് രാവിലെയുള്ള ഛര്‍ദ്ദിയും തലചുറ്റലും മറ്റുള്ള അസ്വസ്ഥതകളും. എന്നാല്‍ കുങ്കുമപ്പൂ കഴിക്കുന്നതിലൂടെ ഇത്തരം പ്രശ്നങ്ങളെ വളരെ ഫലപ്രദമായി ഇല്ലാതാക്കാന്‍ സഹാ‍യിക്കും. ഗര്‍ഭകാലമാണെങ്കില്‍ പോലും ഹൃദയസംബന്ധമായ പ്രശ്നങ്ങള്‍ എപ്പോള്‍ ഉണ്ടാകുമെന്ന് പറയാന്‍ സാധിക്കില്ല. ഇത്തരം പ്രതിസന്ധികളെ മറികടക്കാനും കുങ്കുമപ്പൂ കഴിക്കുന്നതിലൂടെ സാധിക്കും.

മാതാപിതാക്കളേ... ഇതൊന്ന് ശ്രദ്ധിക്കൂ; ‘അധികമായാല്‍ ടിവിയും വിഷം’ !

Tue, 10 Oct 2017 14:39:00 +0530

കുട്ടികള്‍ ടിവി കാണുന്നത് ഇത്രയും വലിയ പാതകമാണോ എന്ന് ചിന്തിക്കുന്ന രക്ഷകര്‍ത്താക്കളും ഉണ്ടാവാം. ടെലിവിഷന്‍ സ്ഥിരമായി കാണുന്ന ഒരു കുട്ടി പ്രാഥമിക വിദ്യാഭ്യാസ കാലഘട്ടം കഴിയുമ്പോഴേക്ക് കൊലപാതകം ഉള്‍പ്പെടെയുള്ള ഒരു ലക്ഷത്തോളം അക്രമ രംഗങ്ങള്‍ക്ക് സാക്‍ഷ്യം വഹിക്കുമെന്നാണ് പൊതുവായ കണക്കുകള്‍ പറയുന്നത്. ടെലിവിഷന്‍ പരിപാടികള്‍ വിദ്യാര്‍ത്ഥികളുടെ ആക്രമണ പ്രവണത വര്‍ദ്ധിക്കാന്‍ കാരണമാവുന്നു എന്നും വിദ്യാഭ്യാസ മേഖലയില്‍ പ്രവര്‍ത്തിക്കുന്നവര്‍ അഭിപ്രായപ്പെടുന്നു.

കുട്ടികള്‍ക്ക് ടെലിവിഷനുമായി സല്ലപിക്കാന്‍ ഒരു ടൈംടേബിള്‍ നിശ്ചയിക്കുകയാണ് ഉത്തമം. ഇതിനായി നയപരമായി കുട്ടികളുടെ സമ്മതവും നേടേണ്ടതുണ്ട്. സ്കൂള്‍ സമയത്തിനു മുമ്പ് ടിവി കാണില്ല, ഭക്ഷണത്തിനു ശേഷം മാത്രം ടെലിവിഷന്‍, എന്നിങ്ങനെ ചിട്ടപ്പെടുത്തി ടിവി കാണുന്ന സമയം കുറയ്ക്കാ‍വുന്നതാണ്. അത്യധികം അക്രമവാസന പ്രസരിപ്പിക്കുന്ന പരിപാടികള്‍ കാണുന്നതില്‍ നിന്ന് കുട്ടികളെ ഒഴിവാക്കിയേ മതിയാവൂ.

കുട്ടികളുടെ മുറിയില്‍ ടെലിവിഷന്‍ വയ്ക്കരുത്. പൊതുവായ മുറികളില്‍ ടെലിവിഷന്‍ വയ്ക്കുക. കഴിവതും കുട്ടികള്‍ക്കൊപ്പം തന്നെ പരിപാടികള്‍ കാണാന്‍ ശ്രമിക്കുകയും വേണം. കുട്ടികള്‍ക്ക് നിയന്ത്രണം ഏര്‍പ്പെടുത്തിയ ശേഷം രക്ഷകര്‍ത്താക്കള്‍ കൂടുതല്‍ സമയം ടിവിയുടെ മുന്നില്‍ ചെലവഴിക്കുന്നത് ശരിയായ പ്രവണതയുമല്ല.

കുട്ടികളില്‍ ടെലിവിഷന്‍ ഹരം കുറയ്ക്കാന്‍ മറ്റു വിനോദോപാധികള്‍ തേടുകയാണ് നല്ലത്. ഒരു ഔട്ടിംഗ് അല്ലെങ്കില്‍ ബന്ധു വീട് സന്ദര്‍ശനം അങ്ങനെ ഓരോ ആഴ്ചയും ഓരോ പരിപാടികളുമായി മുന്നേറാം. ഒഴിവു സമയം കുട്ടികള്‍ക്കൊപ്പം കളിച്ചും തീര്‍ക്കാം. കുട്ടികളുടെ പ്രത്യേക അഭിരുചികള്‍ക്ക് പിന്തുണ നല്‍കി അതിലേക്ക് ശ്രദ്ധ തിരിച്ചുവിടുന്നതും ടിവിയുടെ പിടിയില്‍ നിന്നുള്ള മോചനത്തിന് വഴിയൊരുക്കും.

കുട്ടികള്‍ ഓണ്‍ലൈനായാല്‍ എന്തുചെയ്യും ? അമ്മമാര്‍ അറിയാന്‍ ചില കാര്യങ്ങള്‍ !

Mon, 09 Oct 2017 14:46:00 +0530

ചാറ്റ് റൂമില്‍ വ്യക്തിപരമായ വിവരങ്ങള്‍ നല്‍കരുതെന്ന് കുട്ടിയെ ബോദ്ധ്യപ്പെടുത്തേണ്ടാത് ആത്യാവശ്യമാണ്. വെബ്സൈറ്റുകളിലും മറ്റും വ്യക്തിപരമായ വിവരങ്ങള്‍ നല്‍കുമ്പോഴും സൂക്ഷിക്കണം. കുട്ടികള്‍ക്കും കൌമാരക്കാര്‍ക്കും വലിയ ഭീഷണിയാണ് അത് സൃഷ്ടിക്കുക.

ക്രഡിറ്റ് കാര്‍ഡ് വിവരങ്ങളും മറ്റും നല്‍കുന്നില്ലെന്നും ഉറപ്പുവരുത്തുക. അവരെ ഭീഷണിപ്പെടുത്താനോ, അപമാനിക്കാനോ, ഭയപ്പെടുത്താനോ നീക്കങ്ങള്‍ നടന്നു എന്നു വരാം. അപ്പോഴും അമ്മയുടെ ശ്രദ്ധ കുട്ടികള്‍ക്കു ലഭിക്കണം. പ്രശ്നങ്ങള്‍ തുറന്നു പറയാന്‍ അവര്‍ക്ക് അവസരവും ധൈര്യവും നല്‍കണം.

നെറ്റിനു മുന്നില്‍ ഏറെ സമയം ചിലവഴിക്കുന്നത് കുടുംബ ബന്ധങ്ങള്‍ തകരാറിലാക്കും. ആ ഭ്രമത്തില്‍ നിന്നു കുട്ടികളെ പിന്തിരിപ്പിക്കണം. അശ്ലീലം, കുറ്റകൃത്യങ്ങള്‍ തുടങ്ങി കുട്ടികളെ തെറ്റായ വഴിയില്‍ നയിക്കാവുന്ന ഏറെ വിവരങ്ങള്‍ നെറ്റില്‍ സുലഭമായതിനാല്‍ അക്കാര്യവും ശ്രദ്ധിക്കണം.

അവര്‍ സന്ദര്‍ശിക്കുന്ന വെബ് പേജുകള്‍ നിരീക്ഷിക്കണം. കുറ്റകരമായി എന്തെങ്കിലും കണ്ടെത്തിയാല്‍ ദേഷ്യപ്പെടാതെ കാര്യം പറഞ്ഞു മനസ്സിലാക്കുക. വീട്ടില്‍ കമ്പ്യുട്ടറുണ്ടെങ്കില്‍ അതിന്‍റെ സാങ്കേതികവശം തീര്‍ച്ചയായും നിങ്ങള്‍ അറിഞ്ഞിരിക്കണം. അല്ലെങ്കില്‍ മാതാപിതാക്കളുടെ അജ്ഞത കുട്ടി മുതലെടുത്തേക്കാം.

മക്കള്‍ക്ക് നല്ല ബാല്യം സമ്മാനിക്കൂ... നാളത്തെ സമ്മര്‍ദ്ദത്തില്‍ നിന്ന് അവരെ രക്ഷിക്കൂ !

Sun, 08 Oct 2017 14:32:00 +0530

വരാനിരിക്കുന്ന പതിറ്റാണ്ടുകളില്‍ നമ്മുടെ ആരോഗ്യത്തിന് ഏറ്റവും പ്രശ്നം സൃഷ്ടിക്കുന്ന ഘടകം എന്തായിരിക്കും എന്നു ഊഹിക്കാന്‍ കഴിയുമോ ? അത് മറ്റൊന്നുമായിരിക്കില്ല, സമ്മര്‍ദ്ദം. അതെ നാളത്തെ യുവത്വം അഭിമുഖീകരിക്കുന്ന ഏറ്റവും വലിയ പ്രതിസന്ധി സമ്മര്‍ദ്ദമായിരിക്കും.

ഇക്കാര്യത്തില്‍ അമ്മയുടെ മുന്‍‌കരുതലുകള്‍ ഏറെ പ്രസക്തമാണ്. പക്ഷേ അത് യുവത്വത്തിലല്ല, ബാല്യകാലത്താണ് വേണ്ടത്. കുട്ടിക്കാലത്തെ അനുഭവങ്ങള്‍ ഒരു വ്യക്തിയുടെ സാമൂഹ്യ ജീവിതത്തെയും കഴിവുകളെയും സ്വാധീനിക്കുന്നു എന്നാണ് ഇതു സംബന്ധിച്ച പഠനങ്ങള്‍ സൂചിപ്പിക്കുന്നത്.

കടുത്ത സമ്മര്‍ദ്ദവും പീഡന അനുഭവങ്ങളും അനുഭവിക്കുന്ന കുട്ടികളില്‍ സമ്മര്‍ദ്ദത്തെ പ്രതിരോധിക്കാനുള്ള കഴിവു കുറയും. ഇവരില്‍ സമ്മര്‍ദ്ദ ഹോര്‍മോണുകള്‍ കൂടുതലായി ഉത്പാദിപ്പിക്കപ്പെടുന്നു എന്നാണ് പഠനങ്ങള്‍ ചൂണ്ടിക്കാണിക്കുന്നത്.

അമ്മയുടെ സംരക്ഷണം ഉണ്ടാകുകയും അതിനു സ്ഥിരതയുണ്ടാകുകയും ചെയ്തെങ്കിലേ ഇക്കാര്യത്തില്‍ പരിഹാരമാകൂ. സുരക്ഷിതത്വബോധം കുട്ടികള്‍ക്കു നല്‍കാന്‍ അമ്മയുടെ സ്നേഹത്തിനു കഴിയും. അരക്ഷിതത ബോധമുള്ളവര്‍ക്ക് ജീവിതവിജയം പലപ്പോഴും അകലെയായിരിക്കും.

അച്ഛനും അമ്മയും അറിയാന്‍... ഇങ്ങനെയായിരിക്കണം നിങ്ങള്‍ !

Sat, 07 Oct 2017 13:34:00 +0530

ഗര്‍ഭാവസ്ഥ മുതല്‍ അമ്മയുടെ സംരക്ഷണത്തിനും കുട്ടിയുടെ ശരിയായ വളര്‍ച്ചയ്ക്കും ബുദ്ധി വികാസത്തിനും വേണ്ടി എന്തൊക്കെ കാര്യങ്ങളാണ് ആവശ്യമായി വരുന്നത് എന്ന് മനസ്സിലാക്കി കുടുംബ ജീവിതം തുടങ്ങിയാല്‍ മാത്രമേ നാളത്തെ നല്ല മാതാപിതാക്കളാവാന്‍ നമുക്ക് കഴിയുകയുള്ളൂ.

പ്രസവിച്ച അമ്മയ്ക്കും കുഞ്ഞിനും പ്രത്യേകിച്ച് അസുഖങ്ങളോ അപാകതകളോ ഒന്നും കാണാനില്ലെങ്കിലും ഒരു ശിശു രോഗ വിദഗ്ദ്ധനെ കൂടി കാണിച്ച് ഉപദേശം തേടേണ്ടതാണ്. അമ്മയുടെയും കുഞ്ഞിന്‍റെയും ആഹാരം, പരിചരണം, ചികിത്സ എന്നിവ ശ്രദ്ധിക്കണം.

ഒരു മനുഷ്യന്റെ വളര്‍ച്ചയുടെ ഏറ്റവും പ്രധാനപ്പെട്ട കാലമാണ് ജനനം മുതല്‍ 6 വയസ്സു വരെ. ഇതില്‍ പരമ പ്രധാനം ജനനം മുതല്‍ മൂന്ന് വയസ്സു വരെയുള്ള കാലഘട്ടമാണ്. കുട്ടിയുടെ തലച്ചോറിന്‍റെ ഭൂരിഭാഗം വളര്‍ച്ചയും ഈ കാലയളവില്‍ നടന്നിരിക്കും.

കുട്ടി പുറം ലോകവുമായി ബന്ധപ്പെടുന്ന കാലമാണ് പ്രീ പ്രൈമറി വിദ്യാഭ്യാസ കാലഘട്ടം. പുതിയ സാഹചര്യവും പുതിയ രീതികളും കുട്ടിയില്‍ ഉണ്ടാക്കുന്ന സ്വാധീനം വളരെ വലുതാണ്. ഈ മാറ്റം അനുകൂലവും അഭികാമ്യവുമാക്കാനുള്ള തയ്യാറെടുപ്പ് പ്രീ പ്രൈമറി സ്കൂളൂകളില്‍ നടത്തിയിരിക്കണം.

പഠനത്തില്‍ താത്പര്യമുണ്ടാക്കാനും പഠന വൈകല്യത്തിന്‍റെ സൂചനകള്‍ കണ്ടുപിടിക്കാനും പ്രീ-പ്രൈമറി കാലഘട്ടം പ്രയോജനപ്പെടുത്തണം. കൗമാരം മാറ്റങ്ങളുടെ കാലമാണ്. അതുമൂലമുള്ള പ്രശ്നങ്ങളും നിരവധിയാണ്. അതിനെല്ലാം പരിഹാരമുണ്ടാക്കാനും കുടുംബജീവിത വിദ്യാഭ്യാസം നല്‍കാനും ഈ കാലഘട്ടത്തില്‍ ശ്രദ്ധിക്കണം.

അങ്ങനെയല്ല, ഇങ്ങനെയാണ് കുരുന്നുകളെ വരുതിയിലാക്കേണ്ടത് !

Thu, 05 Oct 2017 16:32:00 +0530

അപ്രിയ സത്യങ്ങളോട് ഇഷ്ടക്കേട് പാടില്ല. പലപ്പോഴും മറ്റുള്ളവരുടെ മുന്നിലാകാം കുട്ടികള്‍ ഇത്തരം തുറന്നു പറച്ചിലുകള്‍ നടത്തുന്നത്. അപ്പോള്‍ ശിക്ഷിക്കുകയോ, ശാസിക്കുകയോ ചെയ്യാതെ സംയമനത്തോടെ പെരുമാറുകയാണ് വേണ്ടത്. കുട്ടിയുടെ മുന്നില്‍ തെറ്റുകള്‍ സമ്മതിക്കുന്നതില്‍ തെറ്റില്ല. തെറ്റുകള്‍ ഏറ്റുപറയുന്നത് നല്ലതാണെന്നു മനസ്സിലാക്കാനും ശരിയാണെന്നു ന്യായീകരിക്കുന്നത് ഒഴിവാക്കാനും അതു പാഠമാകും.

കുട്ടികളെ താരതമ്യം ചെയ്യുന്നത് ഏതു സാഹചര്യത്തിലും ഒഴിവാക്കേണ്ടതാണ്. ഒരോ കുട്ടിയും ഓരോ വ്യക്തിത്വവും സവിശേഷതകളും ഉള്ളവരാണ്. അത് മാതാപിതാക്കള്‍ അംഗീകരിക്കുക തന്നെ വേണം. അവരെ അഭിനന്ദിക്കാന്‍ മടിക്കരുത്. ചട്ടങ്ങളും നിയമങ്ങളും വീട്ടില്‍ ഒഴിവാക്കുക. അത് അവരുടെ ജീവിതത്തെ യാന്ത്രികമാക്കി മാറ്റും. സ്നേഹം പ്രകടിപ്പിക്കാനുള്ളതാണ്. അത് വീട്ടില്‍ നിന്നു കുട്ടിക്ക് ലഭിക്കുകയും വേണം.

സ്നേഹം മറ്റിടങ്ങളില്‍ നിന്നു ലഭിക്കുന്നത് തേടിപ്പോയാല്‍ കുട്ടികള്‍ അപകടങ്ങളില്‍ എത്തിപ്പെട്ടേക്കാം. പ്രലോഭനങ്ങള്‍ക്കും ചതികള്‍ക്കും വശംവദരാകാനും സാദ്ധ്യത അധികമാണ്. അവരുടെ ഏറ്റവും നല്ല സുഹൃത്ത് നിങ്ങള്‍ ആയിരിക്കണം. എല്ലാ സാഹചര്യത്തിലും അതു സാദ്ധ്യമായെന്നു വരില്ല. എന്തു തെറ്റും നിങ്ങളോട് ഏറ്റുപറയാനുള്ള ധൈര്യം നിങ്ങളില്‍ നിന്നു തന്നെ അവര്‍ക്കു ലഭിക്കണം. അതു കുട്ടിക്കാലത്തു തന്നെ അവര്‍ക്കു ബോദ്ധ്യമാകേണ്ടതുണ്ടെന്ന കാര്യം മാതാപിതാക്കള്‍ മറക്കരുത്.

കുട്ടികളെ സുഹൃത്തുക്കളാക്കണം... അല്ലെങ്കില്‍ ഒരുപാട് ദുഃഖിക്കേണ്ടി വരും !

Tue, 03 Oct 2017 15:10:00 +0530

ഏതൊരു മാതാപിതാക്കളും തങ്ങളുടെ കുട്ടികളുടെ വിജയത്തില്‍ ശ്രദ്ധയൂന്നേണ്ടത് വളരെ അത്യാവശ്യമാണ്. അവരുടെ പരാജയങ്ങള്‍ ഒരു കാരണവശാലും പെരുപ്പിച്ചു കാണിക്കാന്‍ പാടില്ല. കുട്ടികളുടെ ആത്മവിശ്വാസത്തെ ബാധിക്കുന്ന തരത്തിലുള്ള കടുത്ത വിമര്‍ശനങ്ങള്‍ ഒഴിവാക്കുകയും നല്ല പെരുമാറ്റത്തെ അഭിനന്ദിക്കുകയും വേണം.

എന്തിനാണ് അഭിനന്ദിച്ചതെന്ന കാര്യം കുട്ടിയെ വ്യക്തമായി പറഞ്ഞു മനസ്സിലാക്കുകയും വേണം. സത്യസന്ധതയെ അഭിനന്ദിക്കുക. പറയുന്നത് അപ്രിയ സത്യമാണെങ്കില്‍ കൂടി കുട്ടിയെ അത് മനസ്സിലാക്കാന്‍ ശ്രമിക്കുകയും വേണം. കുട്ടിയുടെ ഭയാശങ്കകള്‍ അനുഭാവപൂര്‍വ്വം കേള്‍ക്കുന്നതും നല്ലതാണ്.

അത് അപ്രധാനമെന്നു നിങ്ങള്‍ക്കു തോന്നിയാലും അനുഭാവപൂര്‍വ്വം പരിഗണിക്കാന്‍ ശ്രമിക്കണം. നിങ്ങള്‍ കുട്ടിയുടെ നല്ല സുഹൃത്താകുക. ഇതുകുട്ടിക്ക് വൈകാരികപിന്തുണ നല്‍കും. അവരുടെ ആത്മവിശ്വാസം വര്‍ദ്ധിപ്പിക്കും. അവര്‍ക്ക് സ്വാതന്ത്ര്യം നല്‍കുകയും പുതിയ കാര്യങ്ങള്‍ ചെയ്യാന്‍ അവസരം നല്‍കുകയും വേണം.

അമ്മക്കും മകള്‍ക്കും ഇടയില്‍ വലിയ പിണക്കങ്ങള്‍ വരാന്‍ കാരണമെന്ത് ?

Mon, 02 Oct 2017 13:14:00 +0530

ജീനുകളിലെ വൈരുദ്ധ്യം സ്വഭാവത്തിലും പ്രതിഫലിക്കുന്നു. ആ വൈരുദ്ധ്യം തന്നെ അമ്മ-മകള്‍ ബന്ധത്തില്‍ ധാരാളമാണ്. സസ്തനികളില്‍ ഈ കോശ വിഭജനം ഏതാണ്ട് ഒരു പോലെയാണെന്നും ഈ വിഷയത്തില്‍ നടന്ന പഠനം തെളിയിക്കുന്നു. കോശ വിഭജനത്തിന് കാലം കൂടുതല്‍ എടുക്കുമ്പോള്‍ ഈ വ്യത്യസ്തതകള്‍ വര്‍ദ്ധിക്കുകയാണ് ചെയ്യുന്നത്.

കൌമാരത്തെ സ്വതന്ത്രമാക്കൂ... ആ പ്രശ്നങ്ങളില്‍ നിന്നെല്ലാം മുക്തി നേടൂ !

Sun, 01 Oct 2017 15:47:00 +0530

വര്‍ത്തമാന കാലത്ത് മാതാപിതാക്കളെ ഏറ്റവും ബുദ്ധിമുട്ടിക്കുന്ന ഒരു വിഷയമാണ് കൌമാരക്കാര്‍ ലൈംഗികതയിലേക്കു തിരിയുന്നത്. എന്നാല്‍ മാതാപിതാക്കളുടെ അമിത നിയന്ത്രണമാണ് ഇതിനു പ്രധാനകാരണമായി മനശാസ്ത്രജ്ഞര്‍ പറയുന്നത്. മാത്രമല്ല, കുട്ടികള്‍ക്കു കൂടുതല്‍ സ്വാതന്ത്ര്യം നല്‍കുന്നതാണ് ബുദ്ധിപരമായ തീരുമാനമെന്നും ഇക്കാര്യത്തില്‍ പഠനം നടത്തിയ ഗവേഷകര്‍ പറയുന്നു.

ഊഷ്മളവും സ്വതന്ത്രവുമായ ബന്ധം കുട്ടികള്‍ക്ക് കൂടുതല്‍ മൂല്യങ്ങള്‍ ഉപദേശിച്ചു കൊടുക്കാന്‍ സഹായകമാകും എന്നാണ് കൊളേയുടെ അഭിപ്രായം. മാതാപിതാക്കളുമായി നല്ല ബന്ധം പുലര്‍ത്തുന്ന കുട്ടികള്‍ അസാന്മാര്‍ഗ്ഗിക വഴികളിലേക്ക് ആകര്‍ഷിക്കപ്പെടാനുള്ള സാദ്ധ്യത കുറവാണ്. മാതാപിതാക്കളോടുള്ള സ്നേഹവും തിരിച്ചുള്ള കരുതലും കുട്ടികളുടെ മനസ്സിനെ നിയന്ത്രിക്കും.

എന്നാല്‍ എപ്പോഴും സംശയവും നിയന്ത്രണവും ശകാരവുമായി പിന്നാലെ നടക്കുന്ന മാതാപിതാക്കളെ കുട്ടികള്‍ ഒഴിവാക്കാന്‍ ശ്രമിക്കും. അത്തരത്തില്‍ പെരുമാറുമ്പോള്‍ കുറ്റബോധം തോന്നില്ല എന്നത് പ്രശ്നങ്ങള്‍ കൂടുതല്‍ ഗുരുതരമാക്കും. ഒന്നിച്ച് ഭക്ഷണം കഴിക്കുക, പ്രാര്‍ത്ഥിക്കുക, വിനോദങ്ങളില്‍ ഏര്‍പ്പെടുക തുടങ്ങിയവയൊക്കെ കുട്ടികളുടെ മനസ്സില്‍ പോസിറ്റീവ് മാറ്റങ്ങള്‍ ഉണ്ടാക്കുമത്രേ.

കുഞ്ഞിന് കട്ടിയുള്ള ഭക്ഷണങ്ങള്‍ കൊടുത്തു തുടങ്ങിയോ ? എങ്കില്‍ ഇതൊന്നു ശ്രദ്ധിച്ചോളൂ !

Thu, 20 Jul 2017 15:31:00 +0530

കുഞ്ഞുങ്ങള്‍ക്ക് ആറുമാസത്തിന് ശേഷമായിരിക്കണം കട്ടിയുള്ള ഭക്ഷണസാധനങ്ങള്‍ കൊടുക്കാന്‍ ആരംഭിക്കേണ്ടത്. അതിനുമുന്‍പെല്ലാം മുലപ്പാല്‍ മാത്രമാണ് കുഞ്ഞിനുള്ള സമീകൃത ആഹാരം. ആദ്യമായി കട്ടിയുള്ള ഭക്ഷണസാധനങ്ങള്‍ കുഞ്ഞുങ്ങള്‍ക്ക് കൊടുക്കുന്ന വേളയില്‍ എന്താണ് കൊടുക്കേണ്ടത് ? എങ്ങനെയാണ് കൊടുക്കേണ്ടത് ? കുഞ്ഞിന് ഭക്ഷണം ദഹിക്കുമോ ? എന്നിങ്ങനെയുള്ള ആശങ്കകളെല്ലാം അമ്മമാര്‍ക്കുണ്ടാകുന്നത് സ്വാഭാവികമാണ്.

കുഞ്ഞ് കട്ടിയുള്ള ഭക്ഷണസാധനങ്ങള്‍ കഴിച്ചുതുടങ്ങാറായോ എന്ന കാര്യമാണ് ആദ്യം തിരിച്ചറിയേണ്ടത്. ജനിച്ചപ്പോഴുള്ളതിനെ അപേക്ഷിച്ച് ഭാരം കൂടുക, ഇരിക്കാന്‍ തുടങ്ങുക, കഴുത്തിന് ഉറപ്പു വരുക, വിശപ്പു കൂടുക, മറ്റു ഭക്ഷണസാധനങ്ങള്‍ കാണുമ്പോള്‍ താല്‍പര്യം കാണിക്കുക, പതുക്കെ ചവച്ചുതുടങ്ങുക എന്നിങ്ങനെയുള്ള ലക്ഷണങ്ങള്‍ കാണുമ്പോളാണ് കുഞ്ഞ് കട്ടിയുള്ള ഭക്ഷണം കഴിച്ചുതുടങ്ങാറായി എന്നകാര്യം മനസിലാക്കേണ്ടത്.

കുഞ്ഞിന് ആദ്യം ധാന്യങ്ങളാണ് കൊടുത്തുതുടങ്ങേണ്ടത്. വളരെ കുറഞ്ഞ അളവില്‍ മാത്രമേ ഭക്ഷണം കൊടുക്കാന്‍ പാടുള്ളൂ. നല്ലപോലെ വേവിച്ച് ഉടച്ച ഭക്ഷണമാണ് കുഞ്ഞുക്കള്‍ക്ക് നല്‍കേണ്ടത്. അല്ലെങ്കില്‍ അവര്‍ക്ക് അത് ദഹിക്കാന്‍ ബുദ്ധിമുട്ടുണ്ടാകും. ആറു മാസത്തിന് ശേഷം മുട്ട, പച്ചക്കറികള്‍, മാംസം, തൈര് എന്നിവ നല്‍കാം. തിളപ്പിച്ച വെളളത്തില്‍ മാത്രമേ കുട്ടികളുടെ ഭക്ഷണം ചേര്‍ക്കാന്‍ പാടുള്ളൂ.

കുഞ്ഞിനുളള ഭക്ഷണത്തില്‍ ഒരു കാരണവശാലും എണ്ണ ചേര്‍ക്കരുത്. ആവിയില്‍ വേവിച്ച ഭക്ഷണമാണ് കുഞ്ഞുങ്ങള്‍ക്ക് കൊടുക്കുന്നതെങ്കില്‍ അത് ഏറെ ഉത്തമവുമാണ്. ഉപ്പ്, പഞ്ചസാര, മസാലകള്‍, തേന്‍ തുടങ്ങിയവയൊന്നും കുഞ്ഞിനുള്ള ഭക്ഷണത്തില്‍ ചേര്‍ക്കരുത്. കുഞ്ഞിനുളള ഭക്ഷണം കുഴമ്പ രൂപത്തില്‍ കൊടുക്കുന്നതാണ് ദഹിക്കുവാന്‍ എളുപ്പം.

ഓട്‌സ്, ബാര്‍ലി എന്നിവയെല്ലാം കുഞ്ഞിന് കൊടുക്കാവുന്ന ഭക്ഷണസാധനങ്ങളാണ്. കഴിവതും വീട്ടില്‍ തന്നെ ഉണ്ടാക്കുന്ന ഭക്ഷണസാധനങ്ങള്‍ നല്‍കാ‍നും ശ്രദ്ധിക്കണം. ഭക്ഷണത്തിനിടയ്ക്ക് കുഞ്ഞിന് വെള്ളവും നല്‍കണം. കുഞ്ഞിന് ഭക്ഷണം നല്‍കുമ്പോള്‍ വൃത്തി വളരെ പ്രധാനമാണ്. ഭക്ഷണം കൊടുക്കാന്‍ ഉപയോഗിക്കുന്ന പാത്രവും സ്പൂണും വളരെ വൃത്തിയായിരിക്കണം. ഭക്ഷണം കൊടുക്കുന്നതിന് മുന്‍പ് കൈകളും നല്ലപോലെ കഴുകണം.

ആള്‍ക്കുട്ടത്തില്‍ നിങ്ങളുടെ കുഞ്ഞുങ്ങളും മാന്യരാകും... പക്ഷേ ഈ കാര്യങ്ങള്‍ ശീലിക്കണമെന്ന് മാത്രം !

Wed, 31 May 2017 14:40:00 +0530

എന്തിനും ഏതിനും മര്യാദകള്‍ പാലിക്കേണ്ട കാലഘട്ടമാണിത്‍. നടക്കാനും ഇരിക്കാനും തനിക്ക് ശരിയെന്ന് തോന്നുന്നത് ചെയ്യാനുമെല്ലാം മര്യാദകള്‍ പാലിക്കേണ്ട അവസ്ഥയാണ് നിലവിലുള്ളത്. ഇനി വിശക്കുമ്പോള്‍ ഭക്ഷണം കഴിക്കാന്‍ ഇതൊന്നും വേണ്ട എന്ന ചിന്തയാണോ ? എന്നാല്‍ തെറ്റി. പുറത്തായാലും വീട്ടിലായാലും ഭക്ഷണം കഴിക്കുന്നതിനും ചില മര്യാദകളുണ്ട്‍. എന്തെല്ലാമാണ് അവയെന്ന് നോക്കാം...

പല പാശ്ചാത്യ രാജ്യങ്ങളിലും കുട്ടികളെ ആദ്യം പഠിപ്പിക്കുന്ന പാഠങ്ങളില്‍ പ്രധാനപ്പെട്ട ഒന്നാണ് 'ടേബിള്‍ മാനേഴ്‌സ്'. എന്നാല്‍ എന്താണ് ഈ ടേബിള്‍ മാനേഴ്‌സ് എന്ന് അറിയാമോ ?. മറ്റൊരാളുടെ അല്ലെങ്കില്‍ ഒരു കൂട്ടം ആളുകളുടെ കൂടെ ഇരുന്ന് നമ്മള്‍ ഭക്ഷണം കഴിക്കുമ്പോള്‍ നാം എന്തെല്ലാം കാര്യങ്ങള്‍ ശ്രദ്ധിക്കണം എന്നതാണ് ടേബിള്‍ മാനേഴ്‌സ് എന്നതുകൊണ്ട് ഉദ്ദേശിക്കുന്നത്.

തീൻ മേശയിലെ മര്യാദകൾ നമ്മളിൽ നിന്നാണ് കുട്ടികൾ കണ്ടു പഠിക്കേണ്ടത്. അതുകൊണ്ടുതന്നെ ആ കാര്യത്തില്‍ നമ്മള്‍ വളരെയേറെ ശ്രദ്ധ ചെലുത്തേണ്ടത് അത്യാവശ്യമാണ്. കുട്ടികളില്‍ നല്ല രീ‍തിയിലുള്ള ടേബിള്‍ മാനേജ്മെന്റ് ഉണ്ടാക്കിയെടുക്കാന്‍ നമ്മള്‍ എന്തെല്ലാം കാര്യങ്ങള്‍ ചെയ്യണമെന്ന് നോക്കാം.

* കൈ മുട്ടുകള്‍ മേശപ്പുറത്ത്‌ വയ്‌ക്കരുതെന്ന് അവരെ പറഞ്ഞു മനസിലാക്കണം‌.

* ആഹാരത്തോട്‌ അമിതാവേശം കാണിക്കാതെ സാവധാനത്തില്‍ കുറച്ചുമാത്രം എടുത്തു കഴിക്കണം.

* കഴിക്കുമ്പോള്‍ മറ്റുള്ളവര്‍ക്ക്‌ അസ്വസ്‌ഥതയുണ്ടാകാതെ നോക്കണം. അതായത് ശബ്‌ദം കേള്‍പ്പിക്കാതെ പതിയെ ചവച്ച്‌ ഇറക്കണമെന്ന് അവരെ പഠിപ്പിക്കേണ്ടത് അത്യാവശ്യമാണ്.

* ഭക്ഷണം വായില്‍ വച്ച്‌ സംസാരിക്കരുതെന്നും അവരെ പറഞ്ഞു മനസിലാക്കണം.

* ചൂടേറിയ വിഭവങ്ങള്‍ തണുപ്പിക്കുന്നതിനായി അവയിലേക്ക് ഊതുന്നതും മര്യാദലംഘനമാണ്. സൂപ്പും പായസവുമാണ് കഴിക്കുന്നതെങ്കില്‍ ഒരു സ്പൂണുകൊണ്ട് പതുക്കെ ഇളക്കി ചൂട് തണുപ്പിക്കാം. ഖരരൂപത്തിലുള്ള വിഭവങ്ങളാണെങ്കില്‍ പ്ലേറ്റില്‍ പരത്തിയോ കഷ്ണങ്ങളായി മുറിച്ചോ ചൂടാറിക്കാം.

* ഇറച്ചിയും മറ്റും കടിച്ച് വലിക്കുന്നതിന് പകരം വിരലുകള്‍ കൊണ്ട് നുള്ളിയെടുത്ത് കഴിക്കാന്‍ ശീലിപ്പിക്കണം.

* വെള്ളം, സൂപ്പ്, രസം, മോര് എന്നിവ കുടിക്കുമ്പോഴും കാപ്പിയും ചായയും മറ്റും മധുരം ചേര്‍ത്ത് ഇളക്കുമ്പോഴും ശബ്ദമുണ്ടാകാതെ ശ്രദ്ധിക്കണം.

* വായ മലര്‍ക്കെ തുറന്ന്, വലിയ ശബ്ദത്തോടെ കഴിക്കുന്നതും വായില്‍ ഭക്ഷണം നിറച്ച് സംസാരിക്കുന്നതും ഒഴിവാക്കുക.

കുരുന്നുകള്‍ക്ക് അമിതസംരക്ഷണമരുത് !

Thu, 28 Aug 2008 18:34:33 +0530

IFM

താഴത്തുവച്ചാല്‍ പേനരിക്കും, തലയില്‍ വച്ചാല്‍ ഉറുമ്പരിക്കും എന്ന മട്ടിലാണോ നിങ്ങള്‍ കുട്ടികളെ വളര്‍ത്തുന്നത്. അങ്ങനെയാണെങ്കില്‍ അതു നിങ്ങളുടെ കുട്ടിക്ക് ഒട്ടും ഗുണം ചെയ്യില്ല. മാത്രമല്ല ആത്മവിശ്വാസമില്ലായ്മ അവരെ ബാധിക്കുകയും ചെയ്യും.

ലോകമെമ്പാടുമുള്ള 10 രാജ്യങ്ങളില്‍ നടത്തിയ പഠനങ്ങളില്‍ നിന്നാണ് ഗവേഷകര്‍ ഈ കണ്ടെത്തലുകളില്‍ എത്തിയിരിക്കുന്നത്. കുട്ടികളെ നിരന്തരം നിരീക്ഷിക്കാനും കൈപ്പിടിയില്‍ ഒത്തുക്കി നിര്‍ത്താനും ആഗ്രഹിക്കുന്ന മാതാപിതാക്കളുടെ നിരക്ക് പല രാജ്യങ്ങളിലും വ്യത്യസ്തമാണ്.

അമേരിക്കയില്‍ ഇത് 15 ശതമാനമാണ്. ബ്രിട്ടനില്‍ 19, ദക്ഷിണാഫ്രിക്കയില്‍ 14, ഫ്രാന്‍സ് 10, ചൈന എട്ട്, ബ്രസില്‍ 7, തുര്‍ക്കി 5, ഇന്ത്യ 4 എന്നിങ്ങനെയാണ് മറ്റു രാജ്യങ്ങളുടെ കണക്കുകള്‍. എന്നാല്‍ അമിത നിയന്ത്രണങ്ങളില്ലാതെ സ്വതന്ത്രമായി വളര്‍ത്തുന്നത് അവരുടെ സര്‍ഗ്ഗശക്തി വര്‍ദ്ധിപ്പിക്കുമെന്നാണ് ഗവേഷകര്‍ അഭിപ്രായപ്പെടുന്നത്.

കൂടുതല്‍ കളിക്കുന്നത് വൈകാരിക പുരോഗതിക്കും, സാമൂഹ്യബോധത്തിനും മെച്ചമുണ്ടാകുമെന്ന് പഠനം പറയുന്നു. രക്ഷിതാവിന് തന്നില്‍ വിശ്വാസമുണ്ടെന്ന ബോധം കുട്ടിയില്‍ സ്നേഹവും ആത്മവിശ്വാസവും വളര്‍ത്തും.

കുട്ടികളെ സുഹൃത്തുക്കളാക്കാം...

Sat, 23 Aug 2008 17:33:20 +0530

IFM

കുട്ടിയുടെ വിജയത്തില്‍ ശ്രദ്ധയൂന്നുക. പരാജയങ്ങള്‍ പെരുപ്പിച്ചു കാട്ടരുത്. ആത്മവിശ്വാസത്തെ ബാധിക്കുന്ന കടുത്ത വിമര്‍ശനങ്ങള്‍ ഒഴിവാക്കുക. നല്ല പെരുമാറ്റത്തെ അഭിനന്ദിക്കുക.

എന്തിനാണ് അഭിനന്ദിച്ചതെന്ന് കുട്ടിയെ വ്യക്തമായി പറഞ്ഞു മനസ്സിലാക്കുക. സത്യസന്ധതയെ അഭിനന്ദിക്കുക. പറയുന്നത് അപ്രിയ സത്യമാണെങ്കില്‍ കൂടി കുട്ടിയെ മനസ്സിലാക്കാന്‍ ശ്രമിക്കുക. കുട്ടിയുടെ ഭയാശങ്കകള്‍ അനുഭാവപൂര്‍വ്വം കേള്‍ക്കുക.

അവ അപ്രധാനമെന്നു നിങ്ങള്‍ക്കു തോന്നിയാലും അനുഭാവപൂര്‍വ്വം പരിഗണിക്കാന്‍ ശ്രമിക്കുക. നിങ്ങള്‍ കുട്ടിയുടെ നല്ല സുഹൃത്താകുക. ഇതുകുട്ടിക്ക് വൈകാരികപിന്തുണ നല്‍കും. അവരുടെ ആത്മവിശ്വാസം വര്‍ദ്ധിപ്പിക്കും.

അവര്‍ക്ക സ്വാതന്ത്ര്യം നല്‍കുക. പുതിയ കാര്യങ്ങള്‍ ചെയ്യാന്‍ അവസരം നല്‍കുക. അവര്‍ തെറ്റുകള്‍ സ്വയം തിരിച്ചറിയട്ടെ.

അമ്മക്കും മകള്‍ക്കും ഇടയിലെന്ത്?

Thu, 21 Aug 2008 18:54:56 +0530

ഒരു അമ്മയ്ക്കും മക്കള്‍ക്കും ഇടയില്‍ വലിയ പിണക്കങ്ങള്‍ വരാന്‍ കാരണമെന്താണെന്ന് ഒരിക്കലെങ്കിലും ചിന്തിച്ചിട്ടുണ്ടോ.

ജനിതകപരമായി സമത്വം പുലര്‍ത്തുന്നവര്‍ ആണെങ്കിലും ചില കോശങ്ങളുടെ കാര്യത്തില്‍ ഇവര്‍ വ്യത്യസ്തരാണത്രേ. ഈ വ്യത്യാസമാണ് അമ്മക്കും മക്കള്‍ക്കും ഇടയില്‍ വൈരുദ്ധ്യങ്ങള്‍ തീര്‍ക്കുന്നത്.

ജീനുകളിലെ വൈരുദ്ധ്യം സ്വഭാവത്തിലും പ്രതിഫലിക്കുന്നു. ആ വൈരുദ്ധ്യം തന്നെ ധാരാളമാണ് അമ്മ-മകള്‍ ബന്ധത്തില്‍. സസ്തനികളില്‍ ഈ കോശ വിഭജനം ഏതാണ്ട് ഒരു പോലെയാണെന്നും ഈ വിഷയത്തില്‍ നടന്ന പഠനം തെളിയിക്കുന്നു.

കോശ വിഭജനത്തിന് കാലം കൂടുതല്‍ എടുക്കുമ്പോള്‍ ഈ വ്യത്യസ്തതകള്‍ വര്‍ദ്ധിക്കുകയാണ് ചെയ്യുന്നത്.

അമ്മയായ സംതൃപ്തിയില്‍ ഓംകാരി പന്‍‌വര്‍

Sat, 16 Aug 2008 16:34:11 +0530

ലോകത്തിലെ ഏറ്റവും പ്രായം കൂടിയ അമ്മ 70 കാരിയായ ഓംകാര്‍ പന്‍‌വര്‍ മാതൃത്വത്തിന്‍റെ അനുഭൂതി ആസ്വദിക്കുകയാണ്.

34 ആഴ്ചകള്‍ക്കു മുന്‍പു പ്രസവിച്ച കുട്ടികളുമായി ഒത്തുചേരാന്‍ കഴിഞ്ഞതിന്‍റെ സംതൃപ്തിയില്‍. ഭാരക്കുറവു കാരണം കുട്ടികളെ ഇത്രകാലം ഐസി‌യുവില്‍ സൂക്ഷിച്ചിരിക്കുകയായിരുന്നു.

ഇപ്പോള്‍ ജീവന്‍ സുരക്ഷിതമായെന്ന് ബോദ്ധ്യപ്പെട്ടപ്പോള്‍ കുട്ടികളെ അമ്മയുടെ അടുത്തെത്തിച്ചു. പ്രായപൂര്‍ത്തിയായ രണ്ടു പെണ്‍‌മക്കളുടെ അമ്മയാണ് ഓംകാരി എന്ന ഉത്തര്‍പ്രദേശിലെ വീട്ടമ്മ.

ഒരു ആണ്‍കുട്ടി വേണമെന്ന അതിമോഹമാണ് ഈ 70ല്‍ അമ്മയാകാന്‍ അവര്‍ക്ക് ധൈര്യം നല്‍കിയത്. തുടര്‍ന്ന് 4400 പൌണ്ട് ചിലവഴിച്ച് ഐവി‌എഫ് ചിക്ത്സ തേടി. ഒടുവില്‍ ആഗ്രഹം സാധിച്ച സന്തോഷത്തിലാണ് ഓംകാറും ഭര്‍ത്താവ് ചരണും.

മുലയൂട്ടുമ്പോള്‍ ചില കാര്യങ്ങള്‍

Sat, 02 Aug 2008 17:42:38 +0530

കൃത്യമായ ഇടവേളകളില്‍ കുട്ടിയെ മുലയൂട്ടുമ്പോള്‍, മറ്റു ചില കാര്യങ്ങള്‍ കൂടി ശ്രദ്ധിക്കേണ്ടതുണ്ട്. മുലയൂട്ടുമ്പോള്‍ തന്നെ കുട്ടിക്ക് ആവശ്യത്തിന് പാല്‍ ലഭിക്കുന്നുണ്ടോ എന്നു ശ്രദ്ധിക്കണം.

ഓരോ ആഴ്ചയും കുട്ടിക്ക് സ്വാഭാവികമായി ഉണ്ടാകേണ്ട തൂക്കം ഉണ്ടാകുന്നോ എന്നു ശ്രദ്ധിക്കുക. ഇല്ലെങ്കില്‍ ഡോക്ടറുടെ ശ്രദ്ധയില്‍ പെടുത്തുക. ആവശ്യത്തിനു പാല്‍ കിട്ടുന്ന കുട്ടിയുടെ മൂത്രം ഇളമഞ്ഞ നിറത്തിലായിരിക്കും.

മൂത്രത്തിന് കടുത്ത മഞ്ഞ നിറമോ, ഓറഞ്ച് നിറമോ കണ്ടാല്‍ ഡോക്ടറുടെ ശ്രദ്ധയില്‍ പെടുത്തുക. പാല്‍ കുട്ടി ആവശ്യത്തിന് കുടിക്കുന്നുണ്ടെന്ന് സ്വയം നിരീക്ഷിച്ച് ഉറപ്പുവരുത്തുക. കുട്ടിയുമായി അടുപ്പം പുലര്‍ത്തുന്ന അമ്മക്ക് ഡോക്ടറുടെ ഉപദേശമില്ലാതെ തന്നെ ഇത്തരം കാര്യങ്ങള്‍ നിര്‍ണ്ണയിക്കാനാകും.

കുട്ടിക്ക് നല്ല ഉറക്കം കിട്ടുന്നില്ലെങ്കിലും പാല്‍ കുടിക്കുന്നതു കുറവാകാന്‍ സാദ്ധ്യതയുണ്ട്. ഇക്കാര്യങ്ങള്‍ ഡോക്ടറുമായി ചര്‍ച്ച ചെയ്തു പരിഹരിക്കാന്‍ കഴിയും.

ആനന്ദവും ആരോഗ്യവും നല്‍കുന്ന അമ്മിഞ്ഞപ്പാല്‍

Sat, 02 Aug 2008 16:31:47 +0530

PRO

അമ്മിഞ്ഞപ്പാല്‍ മനുഷ്യകുലത്തെ സുഭദ്രമാക്കുന്ന ദിവ്യ ഔഷധമാണ്, അമ്മയുടെ ശരീരത്തില്‍ നിന്നും പ്രവഹിക്കുന്ന സ്നേഹധാരയാണ്. അതുകൊണ്ട് മുലയൂട്ടല്‍ മാനവരാശിയുടെ രക്ഷക്ക് അനുപേക്ഷണീയമാണ്.

ഓഗസ്റ്റ് ഒന്ന് മുലയൂട്ടല്‍ അവകാശദിനമാണ്. അന്നുമുതല്‍ ഒരാഴ്ച ലോകം മുലയൂട്ടല്‍ വാരമായി ആചരിക്കുന്നു. അമ്മയും കുഞ്ഞും തമ്മിലുള്ള നാഭീനാള ബന്ധം പോലെ ഉല്‍പ്പാ‍ദന പ്രക്രിയയുമായി ബന്ധപ്പെട്ട ആദിയും അവസാനവുമില്ലാത്ത ഒന്നാണ് മുലയൂട്ടല്‍.

മനുഷ്യ ശിശു പിറന്നുവീണതിനു ശേഷമാണ് കാര്യങ്ങള്‍ ഓരോന്നും പഠിക്കുന്നത്. എന്നാല്‍ മുലപ്പാല്‍ കുടിക്കാനുള്ള ചോദന അതിന് ജന്മസിദ്ധമാണ്. അമ്മിഞ്ഞ പാല്‍ നുണയാന്‍ കുഞ്ഞിനെ ആരും പഠിപ്പിക്കേണ്ടതില്ല. മനുഷ്യരാശിയുടെ തുടക്കം മുതല്‍ക്കേ തന്നെ അമ്മയും കുഞ്ഞും തമ്മിലുള്ള ഈ ബന്ധം ഉണ്ടായിരിക്കും.

മുലപ്പാല്‍ കുഞ്ഞിന് അമൃതാണ്. കുഞ്ഞിനു അത് ആനന്ദം നല്‍കുന്നു ( അമ്മിഞ്ഞ നല്‍കി ആനദിപ്പിച്ചു - കൃഷ്ണഗാഥ) അത് കുടിക്കാത്ത കുഞ്ഞിന് എന്തെങ്കിലും പോരായ്മകള്‍ ഉണ്ടാവുക സ്വാഭാവികമാണ്. കുഞ്ഞിന് അമ്മിഞ്ഞ നല്‍കുന്നത് സ്ത്രീ മറ്റെന്തിനേക്കാളും വില മതിക്കുന്ന കാര്യമായിരുന്നു.

PRO

എന്നാല്‍ ജീവിത രീതിയില്‍ വന്ന വ്യത്യാസങ്ങളും അടിസ്ഥാനമില്ലാത്ത ചില സൌന്ദര്യ സങ്കല്‍പ്പങ്ങളും കാരണം ഇരുപതാം നൂറ്റാണ്ടിന്‍റെ തുടക്കത്തില്‍ തന്നെ പല പാശ്ചാത്യ രാജ്യങ്ങളിലും സ്ത്രീകള്‍ മുലയൂട്ടുന്നതില്‍ വിമുഖത പ്രകടിപ്പിച്ചു തുടങ്ങി. ഇന്നിത് ഇന്ത്യയിലും പകര്‍ച്ചവ്യാധിപോലെ വ്യാപിച്ചിട്ടുണ്ട്.

ഈ സാഹചര്യത്തിലാണ് മുലകൊടുക്കുന്നത് അമ്മയ്ക്കും കുഞ്ഞിനും എത്രമാത്രം പ്രധാനമാണ്, ആരോഗ്യദായകമാണ് എന്ന സന്ദേശം പ്രചരിപ്പിക്കാനായി ലോകത്തെമ്പാടും മുലയൂട്ടല്‍ പ്രോത്സാഹന സംഘടനകള്‍ ഉണ്ടായതും ഓഗസ്റ്റ് ഒന്ന് മുതല്‍ ഏഴ് വരെ ലോക മുലയൂ‍ട്ടല്‍ വാരമായി ആചരിക്കുന്നതും.

PRO

ചീനയില്‍ ഒളിമ്പിക്സ് നടക്കുന്ന സാഹചര്യത്തില്‍ കൂടുതല്‍ കാലം മുലയൂട്ടുന്ന അമ്മമാര്‍ക്കായി സ്വര്‍ണ്ണം, വെള്ളി, വെങ്കലം, ഇരുമ്പ് മെഡലുകള്‍ സമ്മാനിക്കാനുള്ള നീക്കം നടക്കുകയാണ്.

കുഞ്ഞിന് രണ്ട് വര്‍ഷമെങ്കിലും മുലപ്പാല്‍ കൊടുക്കുന്നതാണ് ഉചിതം. ജനിച്ചതു മുതല്‍ ആറ് മാസം വരെ മുലപ്പാല്‍ മാത്രമേ കൊടുക്കാവൂ. ഇതാണ് ലോക മുലയൂട്ടല്‍ വാരത്തിന്‍റെ പ്രധാന സന്ദേശം. മുലയൂട്ടുന്നത് സ്തനസൌന്ദര്യം കുറയ്ക്കുകയില്ല എന്ന സന്ദേശവും ഈ വാരാചരണം നല്‍കുന്നു.

ഇതിനായി ഇന്തോനേഷ്യ പോലുള്ള രാജ്യങ്ങളില്‍ സമൂഹ മുലയൂട്ടല്‍ ചടങ്ങുകള്‍ സംഘടിപ്പിക്കാറുണ്ട്. ഇതില്‍ യുവതികള്‍ അടക്കം ആയിരക്കണക്കിന് ആളുകള്‍ പങ്കെടുക്കുകയും ചെയ്യുന്നു.

മുലകള്‍ ലൈംഗിക ആകര്‍ഷണ വസ്തുവും ലൈംഗിക ചോദന വസ്തുവും ആയതുകൊണ്ട് പല യുവതികള്‍ക്കും പരസ്യമായി മുലയൂട്ടല്‍ നടത്താന്‍ ആവാത്ത സാഹചര്യമാണ് ഇന്നുള്ളത്. ക്ഷീരമുള്ളോരകിടിന്‍ ചുവട്ടിലും ചോര തന്നെ കൊതുകിനു കൌതുകം എന്ന മട്ടില്‍ പൊതുസ്ഥലങ്ങളിലും തീവണ്ടികളിലും മുലയൂട്ടുന്ന അമ്മമാരെ മൊബൈല്‍ ക്യാമറ കൊണ്ട് വേട്ടയാടുന്ന ആളുകളെയാണ് നാമിന്നു കാണുക.

PRO

മുലപ്പാലിന്‍റെ ഗുണങ്ങളെ കുറിച്ചും അത് കുട്ടികള്‍ക്ക് നല്‍കുന്ന സംരക്ഷണത്തെ കുറിച്ചും പലരും ബോധവാന്മാരാകേണ്ടതുണ്ട്.

ചില പാശ്ചാത്യ നാടുകളില്‍ ഭാര്യ മുലയൂട്ടുന്നത് സഹിക്കാന്‍ കഴിയാത്ത പല പുരുഷന്മാരും ഉണ്ട് എന്നത് വലിയൊരു മാനസിക ആരോഗ്യ പ്രശ്നമായും വളര്‍ന്നു വരുന്നുണ്ട്. അത്തരം സ്ഥലങ്ങളില്‍ ഭര്‍ത്താവിന്‍റെ കൂടി സഹായത്തോടും പങ്കാളിത്തത്തോടും കൂടി മുലയൂട്ടല്‍ വ്യാപകം ആക്കാനുള്ള ശ്രമങ്ങളാണ് നടന്നുവരുന്നത്.

സമ്മര്‍ദ്ദമകറ്റാന്‍ നല്ല ബാല്യം

Fri, 01 Aug 2008 16:51:39 +0530

IFM

വരാനിരിക്കുന്ന പതിറ്റാണ്ടുകളില്‍ നമ്മുടെ ആരോഗ്യത്തിന് ഏറ്റവും പ്രശ്നം സൃഷ്ടിക്കുന്ന ഘടകം എന്തായിരിക്കും എന്നു പറയാമോ? സമ്മര്‍ദ്ദം. അതെ നാളത്തെ യുവത്വം അഭിമുഖീകരിക്കുന്ന വലിയ പ്രതിസന്ധി സമ്മര്‍ദ്ദമായിരിക്കും.

അമ്മയുടെ മുന്‍‌കരുതലുകള്‍ ഇക്കാര്യത്തില്‍ ഏറെ പ്രസക്തമാണ്. യുവത്വത്തിലല്ല. ബാല്യകാലത്ത്. കുട്ടിക്കാലത്തെ അനുഭവങ്ങള്‍ ഒരു വ്യക്തിയുടെ സാമൂഹ്യ ജീവിതത്തെയും കഴിവുകളെയും സ്വാധീനിക്കുന്നു എന്നാണ് ഇതു സംബന്ധിച്ച പഠനങ്ങള്‍ സൂചിപ്പിക്കുന്നത്.

കടുത്ത സമ്മര്‍ദ്ദവും പീഡന അനുഭവങ്ങളും അനുഭവിക്കുന്ന കുട്ടികളില്‍ സമ്മര്‍ദ്ദത്തെ പ്രതിരോധിക്കാനുള്ള കഴിവു കുറയും. ഇവരില്‍ സമ്മര്‍ദ്ദ ഹോര്‍മോണുകള്‍ കൂടുതലായി ഉത്പാദിപ്പിക്കപ്പെടുന്നു എന്നാണ് പഠനങ്ങള്‍ ചൂണ്ടിക്കാണിക്കുന്നത്.

അമ്മയുടെ സംരക്ഷണം ഉണ്ടാകുകയും അതിനു സ്ഥിരതയുണ്ടാകുകയും ചെയ്തെങ്കിലേ ഇക്കാര്യത്തില്‍ പരിഹാരമാകൂ. സുരക്ഷിതത്വബോധം കുട്ടികള്‍ക്കു നല്‍കാന്‍ അമ്മയുടെ സ്നേഹത്തിനു കഴിയും. അരക്ഷിതത ബോധമുള്ളവര്‍ക്ക് ജീവിതവിജയം പലപ്പോഴും അകലെയായിരിക്കും.

കൌമാരത്തെ സ്വതന്ത്രമാക്കൂ

Tue, 29 Jul 2008 18:20:11 +0530

IFM

കൌമാരക്കാര്‍ ലൈംഗികതയിലേക്കു തിരിയുന്നത് വര്‍ത്തമാന കാലത്ത് മാതാപിതാക്കളെ ഏറ്റവും ബുദ്ധിമുട്ടിക്കുന്ന വിഷയമാണ്.

എന്നാല്‍ ഇതിനു പ്രധാനകാരണമായി മനശാസ്ത്രജ്ഞര്‍ പറയുന്നത് മാതാപിതാക്കളുടെ അമിത നിയന്ത്രണമാണ്. ഇക്കാര്യം പഠനങ്ങള്‍ സ്ഥിരീകരിച്ചിട്ടില്ല. എന്നാല്‍ കുട്ടികള്‍ക്കു കൂടുതല്‍ സ്വാതന്ത്ര്യം നല്‍കുന്നതാണ് ബുദ്ധിപരമായ തീരുമാനമെന്നാണ് ഇക്കാര്യത്തില്‍ പഠനം നടത്തുന്ന ലെവിന്‍ കൊളെ എന്ന ഗവേഷക പറയുന്നത്.

ഊഷ്മളവും സ്വതന്ത്രവുമായ ബന്ധം കുട്ടികള്‍ക്ക് കൂടുതല്‍ മൂല്യങ്ങള്‍ ഉപദേശിച്ചു കൊടുക്കാന്‍ സഹായകമാകും എന്നാണ് കൊളേയുടെ അഭിപ്രായം.

IFM

മാതാപിതാക്കളുമായി നല്ല ബന്ധം പുലര്‍ത്തുന്ന കുട്ടികള്‍ അസാന്മാര്‍ഗ്ഗിക വഴികളിലേക്ക് ആകര്‍ഷിക്കപ്പെടാനുള്ള സാദ്ധ്യത കുറവാണ്. മാതാപിതാക്കളോടുള്ള സ്നേഹവും തിരിച്ചുള്ള കരുതലും കുട്ടികളുടെ മനസ്സിനെ നിയന്ത്രിക്കും.

എന്നാല്‍ എപ്പോഴും സംശയവും നിയന്ത്രണവും ശകാരവുമായി പിന്നാലെ നടക്കുന്ന മാതാപിതാക്കളെ കുട്ടികള്‍ ഒഴിവാക്കാന്‍ ശ്രമിക്കും. അത്തരത്തില്‍ പെരുമാറുമ്പോള്‍ കുറ്റബോധം തോന്നില്ല എന്നത് പ്രശ്നങ്ങള്‍ കൂടുതല്‍ ഗുരുതരമാക്കും.

ഒന്നിച്ച് ഭക്ഷണം കഴിക്കുക, പ്രാര്‍ത്ഥിക്കുക, വിനോദങ്ങളില്‍ ഏര്‍പ്പെടുക തുടങ്ങിയവയൊക്കെ കുട്ടികളുടെ മനസ്സില്‍ പോസിറ്റീവ് മാറ്റങ്ങള്‍ ഉണ്ടാക്കുമത്രേ.

കുട്ടികള്‍ ഓണ്‍ലൈനായാല്‍...

Tue, 22 Jul 2008 18:08:57 +0530

IFM

കാലം നന്നല്ലെന്ന് ഓര്‍മ്മിപ്പിച്ചു വളര്‍ത്തിയിട്ട് എന്തു കാര്യം. സൈബര്‍ കുറ്റകൃത്യങ്ങളില്‍ കുട്ടികള്‍ ഇരയാക്കപ്പെടുന്നതിന് ഒരു കുറവും വന്നിട്ടില്ല. കമ്പ്യൂട്ടറും ബ്രോഡ്ബാന്‍ഡ് കണക്ഷനുമൊക്കെ കുട്ടികള്‍ക്ക് എടുത്തു കൊടുക്കുമ്പോള്‍ അമ്മ ഒരല്‍പ്പം ശ്രദ്ധ കൂടി നല്‍കണം.

ചാറ്റ് റൂമില്‍ വ്യക്തിപരമായ വിവരങ്ങള്‍ നല്‍കരുതെന്ന് കുട്ടിയെ ബോദ്ധ്യപ്പെടുത്തുക. വെബ്സൈറ്റുകളിലും മറ്റും വ്യക്തിപരമായ വിവരങ്ങള്‍ നല്‍കുമ്പോഴും സൂക്ഷിക്കണം. കുട്ടികള്‍ക്കും കൌമാരക്കാര്‍ക്കും വലിയ ഭീഷണിയാണത് സൃഷ്ടിക്കുന്നത്.

ക്രഡിറ്റ് കാര്‍ഡ് വിവരങ്ങളും മറ്റും നല്‍കുന്നില്ലെന്നും ഉറപ്പുവരുത്തുക. അവരെ ഭീഷണിപ്പെടുത്താനോ, അപമാനിക്കാനോ, ഭയപ്പെടുത്താനോ നീക്കങ്ങള്‍ നടന്നു എന്നു വരാം. അപ്പോഴും അമ്മയുടെ ശ്രദ്ധ കുട്ടികള്‍ക്കു ലഭിക്കണം. പ്രശ്നങ്ങള്‍ തുറന്നു പറയാന്‍ അവസരവും ധൈര്യവും നല്‍കണം.

നെറ്റിനു മുന്നില്‍ ഏറെ സമയം ചിലവഴിക്കുന്നത് കുടുംബ ബന്ധങ്ങള്‍ തകരാറിലാക്കും. ആ ഭ്രമത്തില്‍ നിന്നു കുട്ടികളെ പിന്തിരിപ്പിക്കണം. അശ്ലീലം, കുറ്റകൃത്യങ്ങള്‍ തുടങ്ങി കുട്ടികളെ തെറ്റായ വഴിയില്‍ നയിക്കാവുന്ന ഏറെ വിവരങ്ങള്‍ നെറ്റില്‍ സുലഭമായതിനാല്‍ അക്കാര്യവും ശ്രദ്ധിക്കണം.

അവര്‍ സന്ദര്‍ശിക്കുന്ന വെബ് പേജുകള്‍ നിരീക്ഷിക്കണം. കുറ്റകരമായി എന്തെങ്കിലും കണ്ടെത്തിയാല്‍ ദേഷ്യപ്പെടാതെ കാര്യം പറഞ്ഞു മനസ്സിലാക്കുക. വീട്ടില്‍ കമ്പ്യുട്ടറുണ്ടെങ്കില്‍ അതിന്‍റെ സാങ്കേതികവശം തീര്‍ച്ചയായും നിങ്ങള്‍ അറിഞ്ഞിരിക്കണം. അതിനു കമ്പ്യൂട്ടര്‍ പഠന കേന്ദ്രങ്ങളെ ആശ്രയിക്കാം. അല്ലെങ്കില്‍ മാതാപിതാക്കളുടെ അജ്ഞത കുട്ടി മുതലെടുത്തേക്കാം.

കുരുന്നുകളെ വരുതിയിലാക്കാം

Fri, 11 Jul 2008 18:31:57 +0530

IFM

സമൂഹത്തില്‍ നിന്നാണ് കുട്ടികള്‍ പഠിക്കുന്നത്. വീടുകള്‍ ചേര്‍ന്നാണ് സമൂഹമുണ്ടാകുന്നത്. പഠനം വീട്ടില്‍ നിന്നാണ് തുടങ്ങുന്നതെന്നതാണ് മാതാപിതാക്കള്‍ മറക്കരുതാത്ത ഒരു പാഠം.

ശരികള്‍ ആവര്‍ത്തിച്ചു ചൊല്ലിക്കൊടുക്കുന്നവര്‍ പലവഴിയില്‍ തെറ്റു ചെയ്യുന്നതു കാണുന്ന കുട്ടിക്ക് ആശയക്കുഴപ്പമുണ്ടാകാം. ശരികള്‍ പറയാനുള്ളതും പ്രവര്‍ത്തികള്‍ തന്നിഷ്ടപ്രകാരവുമെന്ന പാഠം കുട്ടി അഭ്യസിക്കുന്നത് ഇത്തരത്തിലാണ്. മാതാപിതാക്കളുടെ വാക്കും പ്രവര്‍ത്തിയും പൊരുത്തപ്പെട്ടെങ്കിലേ ഇതിനു പരിഹാരമാകൂ.

അപ്രിയ സത്യങ്ങളോട് ഇഷ്ടക്കേട് പാടില്ല. പലപ്പോഴും മറ്റുള്ളവരുടെ മുന്നിലാകാം കുട്ടികള്‍ ഇത്തരം തുറന്നു പറച്ചിലുകള്‍ നടത്തുന്നത്. അപ്പോള്‍ ശിക്ഷിക്കുകയോ, ശാസിക്കുകയോ ചെയ്യാതെ സംയമനത്തോടെ പെരുമാറുക. കുട്ടിയുടെ മുന്നില്‍ തെറ്റുകള്‍ സമ്മതിക്കുന്നതില്‍ തെറ്റില്ല. തെറ്റുകള്‍ ഏറ്റുപറയുന്നത് നല്ലതാണെന്നു മനസ്സിലാക്കാനും ശരിയാണെന്നു ന്യായീകരിക്കുന്നത് ഒഴിവാക്കാനും അതു പാഠമാകും.

കുട്ടികളെ താരതമ്യം ചെയ്യുന്നത് ഏതു സാഹചര്യത്തിലും ഒഴിവാക്കാം. ഒരോ കുട്ടിയും ഓരോ വ്യക്തിത്വവും സവിശേഷതകളും ഉള്ളവരാണ്. അത് അംഗീകരിക്കുക. അഭിനന്ദിക്കാന്‍ മടിക്കരുത്. ചട്ടങ്ങളും നിയമങ്ങളും വീട്ടില്‍ ഒഴിവാക്കുക. അത് അവരുടെ ജീവിതത്തെ യാന്ത്രികമാക്കും. സ്നേഹം പ്രകടിപ്പിക്കാനുള്ളതാണ്. അത് വീട്ടില്‍ നിന്നു കുട്ടിക്ക് ലഭിക്കുകയും വേണം.

സ്നേഹം മറ്റിടങ്ങളില്‍ നിന്നു ലഭിക്കുന്നത് തേടിപ്പോയാല്‍ കുട്ടികള്‍ അപകടങ്ങളില്‍ എത്തിപ്പെട്ടേക്കാം. പ്രലോഭനങ്ങള്‍ക്കും ചതികള്‍ക്കും വശംവദരാകാനും സാദ്ധ്യത അധികമാണ്. അവരുടെ ഏറ്റവും നല്ല സുഹൃത്ത് നിങ്ങള്‍ ആയിരിക്കണം. എല്ലാ സാഹചര്യത്തിലും അതു സാദ്ധ്യമായെന്നു വരില്ല. എന്തു തെറ്റും നിങ്ങളോട് ഏറ്റുപറയാനുള്ള ധൈര്യം നിങ്ങളില്‍ നിന്നു തന്നെ അവര്‍ക്കു ലഭിക്കണം. അതു കുട്ടിക്കാലത്തു തന്നെ അവര്‍ക്കു ബോദ്ധ്യമാകേണ്ടതുണ്ട്.

അച്ഛനും അമ്മയും അറിയാന്‍

Thu, 26 Jun 2008 16:00:05 +0530

ഗര്‍ഭാവസ്ഥ മുതല്‍ അമ്മയുടെ സംരക്ഷണത്തിനും, കുട്ടിയുടെ ശരിയായ വളര്‍ച്ചയ്ക്കും, ബുദ്ധി വികാസത്തിനും വേണ്ടി എന്തൊക്കെ കാര്യങ്ങളാണ് ആവശ്യമായി വരുന്നത് എന്ന് മനസ്സിലാക്കി കുടുംബ ജ-ീവിതം തുടങ്ങിയാല്‍ മാത്രമേ നാളത്തെ നല്ല മാതാപിതാക്കളാവാന്‍ നമുക്ക് കഴിയുകയുള്ളൂ.

പ്രസവിച്ച അമ്മയ്ക്കും കുഞ്ഞിനും പ്രത്യേകിച്ച് അസുഖങ്ങളോ അപാകതകളോ ഒന്നും കാണാനില്ലെങ്കിലും ഒരു ശിശു രോഗ വിദഗ്ദ്ധനെ കൂടി കാണിച്ച് ഉപദേശം തേടേണ്ടതാണ്. അമ്മയുടെയും, കുഞ്ഞിന്‍റെയും, ആഹാരം, പരിചരണം, ചികിത്സ എന്നിവ ശ്രദ്ധിക്കണം.

ഒരു മനുഷ്യന്‍റെ വളര്‍ച്ചയുടെ ഏറ്റവും പ്രധാനപ്പെട്ട കാലമാണ് ജ-നനം മുതല്‍ 6 വയസ്സു വരെ. ഇതില്‍ പരമ പ്രധാനം ജ-നനം മുതല്‍ 3 വയസ്സു വരെയുള്ള കാലഘട്ടമാണ്. കുട്ടിയുടെ തലച്ചോറിന്‍റെ ഭൂരിഭാഗം വളര്‍ച്ചയും ഈ കാലയളവില്‍ നടന്നിരിക്കും.

കുട്ടി പുറം ലോകവുമായി ബന്ധപ്പെടുന്ന കാലമാണ് പ്രീ പ്രൈമറി വിദ്യാഭ്യാസ കാലഘട്ടം. പുതിയ സാഹചര്യവും, പുതിയ രീതികളും കുട്ടിയില്‍ ഉണ്ടാക്കുന്ന സ്വാധീനം വളരെ വലുതാണ്. ഈ മാറ്റം അനുകൂലവും അഭികാമ്യവുമാക്കാനുള്ള തയ്യാറെടുപ്പ് പ്രീ പ്രൈമറി സ്കൂളൂകളില്‍ നടത്തിയിരിക്കണം.

പഠനത്തില്‍ താത്പര്യമുണ്ടാക്കാനും പഠന വൈകല്യത്തിന്‍റെ സൂചനകള്‍ കണ്ടുപിടിക്കാനും പ്രീ-പ്രൈമറി കാലഘട്ടം പ്രയോജ-നപ്പെടുത്തണം.

കൗമാരം മാറ്റങ്ങളുടെ കാലമാണ്. അതുമൂലമുള്ള പ്രശ്നങ്ങളും നിരവധിയാണ്. അതിനെല്ലാം പരിഹാരമുണ്ടാക്കാനും കുടുംബജ-ീവിത വിദ്യാഭ്യാസം നല്‍കാനും ഈ കാലഘട്ടത്തില്‍ ശ്രദ്ധിക്കണം.

‘അധികമായാല്‍ ടിവിയും വിഷം’

Wed, 11 Jun 2008 18:34:20 +0530

ടെലിവിഷന്‍ കുട്ടികളുടെ മുഖ്യ വിനോദ ഉപാധിയാവണോ? വേണ്ട എന്നാണ് വിദഗ്ധര്‍ അഭിപ്രായപ്പെടുന്നത്. വെള്ളിത്തിരയിലെന്നപോലെ ചെറിയ സ്ക്രീനിലേക്കും കടന്നു കയറിയ അക്രമ രംഗങ്ങളാണ് ഇവിടെ വില്ലന്‍ വേഷം കെട്ടുന്നത്.

കുട്ടികളെ ടെലിവിഷനില്‍ നിന്ന് അകറ്റി നിര്‍ത്തുക എന്നത് മാതാപിതാക്കളെ സംബന്ധിച്ചിടത്തോളം ശരിക്കും ഒരു വെല്ലുവിളി തന്നെയാണ്. അടിച്ചേല്‍പ്പിക്കല്‍ മനോഭാവത്തിലൂടെയല്ലാതെ വേണം ഇതിനായി ശ്രമിക്കേണ്ടത്.

കുട്ടികള്‍ ടിവി കാണുന്നത് ഇത്രയും വലിയ പാതകമാണോ എന്ന് ചിന്തിക്കുന്ന രക്ഷകര്‍ത്താക്കളും ഉണ്ടാവാം. ടെലിവിഷന്‍ സ്ഥിരമായി കാണുന്ന ഒരു കുട്ടി പ്രാഥമിക വിദ്യാഭ്യാസ കാലഘട്ടം കഴിയുമ്പോഴേക്ക് കൊലപാതകം ഉള്‍പ്പെടെയുള്ള ഒരു ലക്ഷത്തോളം അക്രമ രംഗങ്ങള്‍ക്ക് സാക്‍ഷ്യം വഹിക്കുമെന്നാണ് പൊതുവായ കണക്കുകള്‍ പറയുന്നത്. ടെലിവിഷന്‍ പരിപാടികള്‍ വിദ്യാര്‍ത്ഥികളുടെ ആക്രമണ പ്രവണത വര്‍ദ്ധിക്കാന്‍ കാരണമാവുന്നു എന്നും വിദ്യാഭ്യാസ മേഖലയില്‍ പ്രവര്‍ത്തിക്കുന്നവര്‍ അഭിപ്രായപ്പെടുന്നു.

കുട്ടികള്‍ക്ക് ടെലിവിഷനുമായി സല്ലപിക്കാന്‍ ഒരു ടൈംടേബിള്‍ നിശ്ചയിക്കുകയാണ് ഉത്തമം. ഇതിനായി നയപരമായി കുട്ടികളുടെ സമ്മതവും നേടേണ്ടതുണ്ട്. സ്കൂള്‍ സമയത്തിനു മുമ്പ് ടിവി കാണില്ല, ഭക്ഷണത്തിനു ശേഷം മാത്രം ടെലിവിഷന്‍, എന്നിങ്ങനെ ചിട്ടപ്പെടുത്തി ടിവി കാണുന്ന സമയം കുറയ്ക്കാ‍വുന്നതാണ്. അത്യധികം അക്രമവാസന പ്രസരിപ്പിക്കുന്ന പരിപാടികള്‍ കാണുന്നതില്‍ നിന്ന് കുട്ടികളെ ഒഴിവാക്കിയേ മതിയാവൂ.

കുട്ടികളുടെ മുറിയില്‍ ടെലിവിഷന്‍ വയ്ക്കരുത്. പൊതുവായ മുറികളില്‍ ടെലിവിഷന്‍ വയ്ക്കുക. കഴിവതും കുട്ടികള്‍ക്കൊപ്പം തന്നെ പരിപാടികള്‍ കാണാന്‍ ശ്രമിക്കുകയും വേണം. കുട്ടികള്‍ക്ക് നിയന്ത്രണം ഏര്‍പ്പെടുത്തിയ ശേഷം രക്ഷകര്‍ത്താക്കള്‍ കൂടുതല്‍ സമയം ടിവിയുടെ മുന്നില്‍ ചെലവഴിക്കുന്നത് ശരിയായ പ്രവണതയുമല്ല.

കുട്ടികളില്‍ ടെലിവിഷന്‍ ഹരം കുറയ്ക്കാന്‍ മറ്റു വിനോദോപാധികള്‍ തേടുകയാണ് നല്ലത്. ഒരു ഔട്ടിംഗ് അല്ലെങ്കില്‍ ബന്ധു വീട് സന്ദര്‍ശനം അങ്ങനെ ഓരോ ആഴ്ചയും ഓരോ പരിപാടികളുമായി മുന്നേറാം. ഒഴിവു സമയം കുട്ടികള്‍ക്കൊപ്പം കളിച്ചും തീര്‍ക്കാം. കുട്ടികളുടെ പ്രത്യേക അഭിരുചികള്‍ക്ക് പിന്തുണ നല്‍കി അതിലേക്ക് ശ്രദ്ധ തിരിച്ചുവിടുന്നതും ടിവിയുടെ പിടിയില്‍ നിന്നുള്ള മോചനത്തിന് വഴിയൊരുക്കും.

മാതൃദിനം: ആഘോഷത്തിന് വഴി തെറ്റുന്നു

Sat, 10 May 2008 10:26:01 +0530

സ്നേഹത്തിന്‍റെയും വാല്‍സല്യത്തിന്‍റേയും ത്യാഗത്തിന്‍റേയും ആഘോഷമാകേണ്ടതിന് പകരം അമ്മ ദിനം കച്ചവടവല്‍ക്കരിക്കപ്പെട്ടതിന്‍റെ നൊമ്പരവും പേറിയാണ് അനാ മരിച്ചത്.

ഒരു കാര്‍ഡ് അയയ്ക്കലില്‍ ഒരു ഫോണ്‍ വിളിയില്‍ ഇന്ന് നാം എല്ലാം ഒതുക്കുന്നു. കച്ചവടത്തിന്‍റെ പുതിയ മുഖം. നമുക്ക് അമ്മയെ ഓര്‍ക്കാന്‍ സമയമില്ലാതാകുന്നുവോ? അതോ അമ്മയെ വേണ്ടാതായി മാറുന്നുവോ?

ഒരിക്കല്‍ താന്‍ ഊട്ടാതെ ഉണ്ണാത്ത, താരാട്ട് പാടിയില്ലെങ്കില്‍ ഉറങ്ങാത്ത മക്കളെ ഒന്നടുത്ത് കാണാന്‍ അമ്മ എത്ര കൊതിക്കുന്നുണ്ടാവണം. അമ്മ പഠിപ്പിച്ച ആദ്യാക്ഷരങ്ങളുമായി ഒരുപാട് അക്ഷരങ്ങളിലേയ്ക്ക് വളര്‍ന്നുപോയ മക്കള്‍ക്ക് അമ്മമാരുടെ ഈ ദിനത്തിലെങ്കിലും ആ അരികില്‍ ഓടിയെത്തിയെങ്കില്‍.

തിരക്കുകള്‍ക്കിടയില്‍ മനസ്വസ്ഥത തേടി ആള്‍ദൈവങ്ങളുടെ കാല്‍ക്കല്‍ സാഷ്ടാംഗം നമസ്കരിച്ച് കിടക്കുമ്പോഴും നാം അറിയുന്നില്ല വാല്‍സല്യത്തിന്‍റെ നിറകുടമായി ഏറ്റവും വലിയ സാന്ത്വനമായി അമ്മ നമ്മെ കാത്തിരിക്കുന്നു എന്ന്.

ആ അമ്മ ചേര്‍ത്ത് നിര്‍ത്തി നില്‍കുന്ന ചുംബനത്തിന് എല്ലാ നൊമ്പരങ്ങളേയും സംഹരിയ്ക്കാന്‍ ശേഷിയുണ്ടെന്ന്. എന്നിട്ടും നാം മറക്കുന്നില്ലേ. എത്ര വേദനിപ്പിച്ചാലും അമ്മയുടെ മക്കളോടുള്ള സ്നേഹവും വാല്‍സല്യവും ഒട്ടും കുറയുന്നില്ല. ഗര്‍ഭപാത്രത്തിന്‍റെ നൊമ്പരം എപ്പോഴും മക്കളുടെ ഭാവിയെ ഓര്‍ത്തായിരിക്കും.

ഇതാ വീണ്ടും ഒരു അമ്മമാരുടെ ദിനംകൂടി കടന്നുപോകാനൊരുങ്ങുന്നു. ഓര്‍മ്മകള്‍ മനസിലുണരുന്നുണ്ടോ. ആ അരികിലേയ്ക്ക് ഓടിയണയുവാന്‍ കൊതിയാകുന്നുവോ.

എന്‍റെ വീട് അപ്പൂന്‍റേം എന്ന ചിത്രത്തിലെ ഒരു രംഗം അമ്മയെ സ്നേഹപൂര്‍വ്വം എടോ എന്ന് വിളിയ്ക്കുന്ന കുട്ടി. ഒരു വേള പറയുന്നു.

എടോ ഞാനൊരു കാര്യം പറയട്ടെ

എന്താ? വാത്സല്യപൂര്‍വ്വം അമ്മയുടെ ചോദ്യം

ഈ വേള്‍ഡിലെനിയ്ക്കേറ്റവും ഇഷ്ടം തന്നെയാ.

അതെ ഏറ്റവും ഇഷ്ടപ്പെടുന്ന ആ അരികെ നമുക്കിരിയ്ക്കാം, കഥകള്‍ കേള്‍ക്കാം, പാട്ട് കേള്‍ക്കാം. ആ മടിയില്‍ ഒന്ന് മയങ്ങാം. ഒരു ദിനം അമ്മയ്ക്കായ് നല്‍കാം.

കുട്ടി കിടക്ക നനയ്ക്കാറുണ്ടോ?

Wed, 30 Apr 2008 17:28:28 +0530

PRO

കുട്ടികളെ വളര്‍ത്തുക ധാ‍രാളം ഉത്തരവാദിത്തമുള്ള ജോലിയാണ്. എല്ലാ കാര്യത്തിനും ശ്രദ്ധ വേണം. ചെറുപ്പക്കാരായ അച്ഛനമ്മമാര്‍ക്ക് കുഞ്ഞുങ്ങളെ വളര്‍ത്തുന്നതില്‍ ധാരാളം സംശയങ്ങളുമുണ്ടാകാം.

കുട്ടികള്‍ ഉറക്കത്തില്‍ കിടക്ക നനയ്ക്കുന്നത് ശ്രദ്ധിക്കേണ്ട സംഗതിയാണ്. വൃത്തികേടായ കിടക്കവിരിയോ കിടക്കയോ അല്ല ഇവിടെ ഗുരുതര പ്രശ്നമായി കാണേണ്ടത്. ഇതിനു കാരണമെന്തെന്നാണ് മനസ്സിലാക്കേണ്ടത്. കിടക്കയില്‍ മൂത്രമൊഴിക്കുന്ന കുട്ടികള്‍ക്ക് പ്രത്യേക ശ്രദ്ധ നല്‍കേണ്ടതുണ്ടോ? ഉണ്ടെന്നാണ് വിദഗ്ധരുടെ അഭിപ്രായം.

മൂത്രം നിയന്ത്രിക്കാന്‍ കഴിയാത്തതാണ് പ്രശ്നം. കുട്ടിക്ക് മാനസിക സംഘര്‍ഷം ഉണ്ടാകുന്നതും കാരണമാണ്. കൂടുതല്‍ ശ്രദ്ധ വേണമെന്ന സുചനയാണ് ഇതിലൂടെ വ്യക്തമാകുന്നത്.

കുറച്ച് കാലം മാറി നിന്ന ഉറക്കത്തില്‍ മൂത്രം ഒഴിക്കുന്ന സ്വഭാവം വീണ്ടും പ്രത്യക്ഷപ്പെടുകയാണെങ്കില്‍ അത് സുരക്ഷിതത്വമില്ലായ്മയും ഭയവും കുട്ടിക്ക് ഉണ്ടെന്നാണ് അര്‍ത്ഥമാക്കുന്നത്. പുതിയ അന്തരീക്ഷത്തിലേക്ക് മാറുക, പ്രിയപ്പെട്ടവരുടെ മരണം, സ്കൂളില്‍ ഉണ്ടാകുന്ന മനോസംഘര്‍ഷം എന്നിവ മൂലവും ഉറക്കത്തില്‍ മൂത്രം ഒഴിക്കുന്ന സ്വഭാവം ഉണ്ടാകാം.

മൂത്രാശയത്തിലെ അണുബാധയും വിരശല്യവും ഉറക്കത്തില്‍ മൂത്രം പോകുന്നതിന് കാരണമാകാറുണ്ട്.

എങ്ങനെ പരിഹരിക്കാം

ഒരു കാരണവശാലും കിടക്ക നനയ്ക്കുന്നത് ഒരു പ്രശ്നമാക്കി മാറ്റരുത്. കിടക്ക വിരിപ്പ് മാറ്റാന്‍ കുട്ടിയെ പഠിപ്പിക്കുക. ഒപ്പം സൌഹാര്‍ദ്ദത്തോടെ മാത്രം ഈ അവസ്ഥയെ കാണുന്നു എന്ന് കുട്ടിയെ ധരിപ്പിക്കാനുതകുന്ന വിധത്തില്‍ പെരുമാറുക.

ഉറക്കത്തില്‍ മൂത്രം ഒഴിക്കുന്നതിന്‍റെ പേരില്‍ കുട്ടിയെ ഒരിക്കലും ശിക്ഷിക്കാന്‍ മുതിരരുത്. കുട്ടിയുടെ പ്രശ്നങ്ങളെ കുറിച്ച് മറ്റുള്ളവരോട് പറയാതിരിക്കുക.

കുട്ടിയെ ‘മണി’ ചീത്തയാക്കുമോ?

Fri, 08 Feb 2008 13:50:21 +0530

P.S. Abhayan

“ഈ കുട്ടിയെക്കൊണ്ടു തോറ്റു. ഈ മാസം ആദ്യം പോക്കറ്റ് മണി നല്‍കിയതാണ്. അത് പൊടിച്ച ശേഷം വീണ്ടും ഇതാ പുതിയ ആവശ്യവുമായി കൈയ്യും നീട്ടി എത്തിയിരിക്കുന്നു, ഇതു നടപ്പില്ല,” വീടുകളില്‍ അമ്മമാരും കുട്ടികളും തമ്മില്‍ സാധാരണ നടക്കുന്ന ഒരു വഴക്കിന്‍റെ തുടക്കം ഇങ്ങനെയാവാം. പോക്കറ്റ് മണിയാണ് ഇവിടെ പ്രശ്നം.

പോക്കറ്റ് മണിയെ കുറിച്ച് രക്ഷകര്‍ത്താക്കള്‍ക്കിടയില്‍ ഏകാഭിപ്രായമില്ല. പോക്കറ്റ് മണി നല്‍കിയാല്‍ കുട്ടികള്‍ ദുര്‍ചെലവ് നടത്തുമെന്ന് ഒരുപക്ഷം കരുതുമ്പോള്‍ ഇത് ആവശ്യമാണെന്നാണ് മറുപക്ഷം അവകാശപ്പെടുന്നത്. കുട്ടികള്‍ക്ക് പണം നല്‍കിയാല്‍ അവര്‍ ചീത്തയാവുമോ. പണം നല്‍കിയാല്‍ അവരത് ദുര്‍വിനിയോഗം ചെയ്ത് ദുര്‍ന്നടപ്പുകാരായി മാറുമെന്ന് നമുക്കിടയില്‍ പ്രബലമായ ഒരു വിശ്വാസം തന്നെയുണ്ട്. എന്നാ‍ല്‍ ഇത് ശരിയാണോ?

പണം ദുര്‍വിനിയോഗം ചെയ്യുന്നത് ചീത്ത ശീലം തന്നെയാണ്. എന്നാല്‍, ഇക്കാരണത്താല്‍ കുട്ടികള്‍ക്ക് പോക്കറ്റ് മണി അനുവദിക്കാതിരിക്കരുത് എന്നാണ് വിദഗ്ധരുടെ അഭിപ്രായം.

കുട്ടികളുടെ ആവശ്യങ്ങള്‍ക്കായി പോക്കറ്റ് മണി നിശ്ചയിക്കുന്നത് അവരിലും ഉത്തരവാദിത്വം വര്‍ദ്ധിപ്പിക്കുമെന്നാണ് പഠനങ്ങള്‍ തെളിയിച്ചിട്ടുള്ളത്. എന്നാല്‍, പോക്കറ്റ് മണി എത്രത്തോളം നല്‍കണമെന്നത് രക്ഷകര്‍ത്താക്കളുടെ തീരുമാനം.

വളരെ കുറച്ച് പോക്കറ്റ് മണി നല്‍കിയിട്ട് കണ്ണുമടച്ച് ഇരിക്കണമെന്നല്ല ഇതിനര്‍ത്ഥം. പോക്കറ്റ് മണി ചെലവഴിച്ച ശേഷം മോഹിപ്പിക്കുന്ന എന്തെങ്കിലും കണ്ണില്‍ പെട്ട് മകനോ മകളോ അത് വാങ്ങാനുള്ള ശുപാര്‍ശയുമായി അടുത്ത് വരുമ്പോള്‍ ഏകപക്ഷീയമായി കാര്യങ്ങള്‍ അവസാനിപ്പിക്കുന്നതു ശരിയല്ല. മക്കളുടെ ആവശ്യം കേട്ട ശേഷം അത് ന്യായമെങ്കില്‍ അവരോടൊപ്പം കൂടുക തന്നെയാണ് ഉത്തമം.

പോക്കറ്റ് മണി മാസത്തിലോ ആഴ്ചകളിലോ ആവാം. കുട്ടികള്‍ക്ക് ആഴ്ചകളിലായി നല്‍കുന്നതായിരിക്കും നല്ലത്. ഇത്തരത്തില്‍ കിട്ടുന്ന തുക ശരിയായ രീതിയില്‍ വിനിയോഗിക്കുന്നതിലൂടെ അവര്‍ പണം കൈകാര്യം ചെയ്യാനുള്ള ആദ്യപാഠങ്ങള്‍ പഠിക്കുന്നു. തെറ്റുകുറ്റങ്ങള്‍ വരികയാണെങ്കില്‍ രക്ഷകര്‍ത്താക്കളുടെ സംരക്ഷണയില്‍ തന്നെ അത് തിരുത്താനുള്ള അവസരവും ലഭിക്കുന്നു.

പണം ചെലവഴിക്കേണ്ടത് എങ്ങനെയെന്നും സമ്പാദിക്കേണ്ടത് എങ്ങനെയെന്നും പോക്കറ്റ് മണി ശരിയായി വിനിയോഗിക്കുന്നതിലൂടെ കുട്ടികള്‍ക്ക് പഠിക്കാനാവും. കൂടാതെ, സമ്പാദ്യ ശീലത്തിന്‍റെ ആദ്യ പാഠങ്ങളും അവര്‍ക്ക് ഇങ്ങനെ ലഭ്യമാവും. ഇനി തീരുമാനിക്കൂ, പോക്കറ്റ് മണി ആവശ്യമാണോ?

കുഞ്ഞ് കരയുന്നതെന്തിന്?

Tue, 05 Feb 2008 10:43:39 +0530

കൊച്ചുകുഞ്ഞു കരഞ്ഞാല്‍ പിടയുന്നത് മാതാപിതാക്കളുടെ മനസ്സാണ്. കുഞ്ഞ് കരയുന്നതിന് കാരണം പലപ്പോഴും ദേഹാസ്വസ്ഥതയായിരിക്കാം. കുഞ്ഞുങ്ങള്‍ക്ക് അസുഖമുണ്ടോയെന്ന് കണ്ടെത്താന്‍ ചില വഴികളുണ്ട്. പക്ഷെ കുഞ്ഞിന് ചെറിയ അസുഖം തോന്നുമ്പോള്‍തന്നെ ഡോക്ടറെ കാണിക്കുകയാണ് ഉത്തമം.

വയറുവേദന

1) കുഞ്ഞിനെ തോളില്‍ ചേര്‍ത്ത് കിടത്തുമ്പോഴോ കമഴ്ത്തി കിടത്തുമ്പോഴോ കരച്ചില്‍ കുറയുകയാണെങ്കില്‍ കുഞ്ഞിന് വയറു വേദനയാകാം.

2) കുഞ്ഞുങ്ങള്‍ പാല്‍ കുടിക്കുമ്പോള്‍ വായു അതോടൊപ്പം ഉള്ളില്‍പ്പോകും. ഈ വായു കുഞ്ഞിന് വയറുവേദന ഉണ്ടാക്കും. ഇത് ഒഴിവാക്കുവാന്‍ അമ്മമാര്‍ ഇരുന്നു വേണം കുഞ്ഞുങ്ങളെ മുലയൂട്ടുവാന്‍. എന്നിട്ട് കുഞ്ഞിന് തോളില്‍ കിടത്തി പുറത്തു തട്ടണം. ഏമ്പക്കം പോയാല്‍ കുഞ്ഞിന് വയറിന് ആശ്വാസം ലഭിയ്ക്കും. അതൊടൊപ്പം കുട്ടി പാല്‍ ഛര്‍ദ്ദിക്കാതെയും ഇരിക്കും.

ജന്നി

കരഞ്ഞു കരഞ്ഞു തളര്‍ന്ന് ഉറങ്ങുക, വിയര്‍ക്കുക, കണ്ണിന്‍റെ കൃഷ്ണമണി കുറേനേരം ഒരേപോലെ നില്‍ക്കുക, കൃഷ്ണമണിയുടെ ചലനങ്ങള്‍ വല്ലാതെ ആകുക, മുഖം ചുമക്കുക എന്നിവ ജന്നിയുടെ(ഫിറ്റ്സ്) ലക്ഷണമാണ്.
മൂത്രതടസ്സം

1) ആണ്‍കുട്ടികള്‍ ആയാസപ്പെട്ട് മൂത്രമൊഴിക്കുന്നുണ്ടെങ്കില്‍ അത് മൂത്രടസ്സം മൂലമായിരിക്കും. മൂത്രം തുള്ളി തുള്ളിയായി ഒഴിയ്ക്കുന്നതും കാലില്‍ കൂടി ഒഴുകുന്ന രീതിയില്‍ ഒഴിക്കുന്നതും ഇതിന്‍റെ ലക്ഷണങ്ങളാണ്.

2) പെണ്‍കുഞ്ഞുങ്ങളില്‍ ലക്ഷണങ്ങള്‍ അത്ര വ്യക്തമല്ല. എന്നാല്‍ അല്പാല്പമായി മൂത്രമൊഴിക്കുകയാണെങ്കില്‍ മൂത്രതടസ്സമാകാം കാരണം.

3) മൂത്രതടസ്സം ചിലപ്പോള്‍ ആന്തരികാവയവങ്ങളുടെ തകരാറു മൂലമാകും . അതുകൊണ്ട് കുഞ്ഞുങ്ങള്‍ക്ക് മൂത്രതടസ്സമുണ്ടെങ്കില്‍ നിസാരമായി കാണരുത്.

മൂക്കടപ്പ്

മൂക്കടപ്പ് കാരണം കുഞ്ഞുങ്ങള്‍ക്ക് ഉറങ്ങാന്‍ കഴിയാതെ വരും. എന്നാല്‍ ഡോക്ടറിനെ സമീപിയ്ക്കാതെ കുഞ്ഞിന്‍റെ മുക്കില്‍ തുള്ളി മരുന്നുകള്‍ ഒഴിയ്ക്കുന്നത് അപകടമാണ്.

പകരം ഉപ്പിട്ട വെള്ളം തിളപ്പിച്ച് ആറ്റി അത് ഒന്നോ രണ്ടോ തുള്ളി കുഞ്ഞിന്‍റെ മൂക്കില്‍ ഒഴിയ്ക്കുക. അല്ലെങ്കില്‍ ഈ വെള്ളം പഞ്ഞിയില്‍ മുക്കി മൂക്ക് വൃത്തിയാക്കുക. കുഞ്ഞിന് ആശ്വാസം ലഭിയ്ക്കും.

ചെവിവേദന

ചെറിയ മൂക്കൊലിപ്പും തുടര്‍ന്ന് രാത്രി കാതില്‍ പിടിച്ച് കരച്ചിലും ഉണ്ടെങ്കില്‍ കുഞ്ഞിനെ ചെവിവേദന അലട്ടുന്നുണ്ടാവാം.

ചെവിവേദന തുടക്കത്തില്‍ തന്നെ ഡോക്ടറെ കാണിക്കണം. അല്ലെങ്കില്‍ ചെവിയില്‍നിന്ന് പഴുപ്പ് ഒഴുകുവാന്‍ ഇടയുണ്ട്. ചെവിവേദനയുടെ മരുന്ന് കുഞ്ഞുങ്ങള്‍ക്ക് നല്‍കിത്തുടങ്ങിയാല്‍ വേദന തീര്‍ന്നാലും മരുന്ന് നിര്‍ത്തരുത്. ആ കോഴ്സ് തീരുന്നതുവരെ തുടരണം.

മലബന്ധം

1) മുലപ്പാല്‍ മാത്രം കുടിക്കുന്ന കുഞ്ഞുങ്ങള്‍ക്ക് മലബന്ധം ഉണ്ടാകാറില്ല. വയറ്റില്‍ നിന്നും പോകുന്നില്ലെങ്കില്‍ കുഞ്ഞിന് കൂടുതല്‍ മുലപ്പാല്‍ നല്‍കാന്‍ അമ്മമാര്‍ ശ്രദ്ധിയ്ക്കണം. വെള്ളവും ധാരാളം കൊടുക്കണം..

2) ഉണക്കമുന്തിരിങ്ങ വെള്ളത്തിലിട്ട് അതിന്‍റെ സത്ത് കുഞ്ഞുങ്ങള്‍ക്ക് മലബന്ധം മാറ്റാന്‍ നല്‍കാറുണ്ട്. പക്ഷെ മുന്തിരിങ്ങാ നല്‍കുമ്പോള്‍ നല്ലതുപോലെ കഴുകി വൃത്തിയാക്കിയതിനു ശേഷം മാത്രമേ സത്തെടുത്തു നല്‍കാവു..

വയറിളക്കം

കൊച്ചു കുഞ്ഞുങ്ങള്‍ക്ക് വയറിളക്കം സ്വാഭാവികമാണ് എന്നാല്‍ വയറിളക്കവും ഛര്‍ദ്ദിയും ഒരുമിച്ച് ഉണ്ടെങ്കിലും മലബന്ധത്തോടൊപ്പം ചളിയും ചോരയും ഉണ്ടെങ്കിലും ഉടനെ കുഞ്ഞിനെ ഡോക്ടറെ കാണിക്കണം

1) വയറിളക്കമുണ്ടായാല്‍ ശരീരത്തിലെ വെള്ളം നഷ്ടപ്പെടും. അതുകൊണ്ട് കുഞ്ഞിന് ധാരാളം വെള്ളം കൊടുക്കണം. പക്ഷെ ഇത് രോഗപരിഹാരമല്ല.

2) കുഞ്ഞിന്‍റെ വയറ്റില്‍ നിന്നു പോയാല്‍ തുടര്‍ച്ചയായി തുണികൊണ്ട് തുടച്ചെടുക്കരുത്. കുഞ്ഞുങ്ങളുടെ മാര്‍ദ്ദവമുള്ള തൊലിയില്‍ വീണ്ടു വീണ്ടും തുടയ്ക്കുന്നത് നീറ്റലുണ്ടാക്കും. അതൊഴിവാക്കാന്‍ വയറ്റില്‍ നിന്നും പോയാല്‍ തുണികൊണ്ട് ഒപ്പിയെടുക്കുന്നതാണ് നല്ലത്.

പനി

1) കാലാവസ്ഥ മാറുന്നതോടൊപ്പം വൈറല്‍ പനി കുഞ്ഞുങ്ങള്‍ക്ക് പിടിപെടാറുണ്ട്. വീട്ടില്‍ പനിയുള്ളവരുമായുള്ള സമ്പര്‍ക്കം പുലര്‍ത്താതെ കുഞ്ഞുങ്ങളെ ശ്രദ്ധിച്ചാല്‍ പനി പടരുന്നത് ഒഴിവാക്കാം.

2) പനിയും ശക്തമായ തലവേദനയും ഛര്‍ദ്ദിയും മെനിഞ്ചൈറ്റിസിന്‍റെ ലക്ഷണങ്ങളാണ്. പനിയുള്ളപ്പോള്‍ കുഞ്ഞിന്‍റെ മുഖം വല്ലാതെ ചുമന്നാല്‍ തലവേദനയുടെ ലക്ഷണമാണ്

3) അഞ്ചാം പനിയാണെങ്കില്‍ ദേഹത്തു ചുമന്ന കുരുക്കള്‍ പ്രത്യക്ഷപ്പെടും. ചിക്കന്‍പോക്സ് പിടിപെട്ടാലും ദേഹത്തു കുമിളകള്‍ ഉണ്ടാകും.

4) പനിയൊടൊപ്പം കുഞ്ഞുങ്ങള്‍ക്ക് ഹൃദയമിടിപ്പ് കൂടിയാല്‍ ശ്വാസമെടുക്കുമ്പോള്‍ കുഞ്ഞിന് നെഞ്ചു വേദന അനുഭവപ്പെടാം.

ചുമ

കൊച്ചു കുഞ്ഞുങ്ങള്‍ക്ക് ചുമയും ചെറിയ ശ്വാസം മുട്ടലും സ്വാഭാവികമാണ്. അത് ആസ്തമ ആണെന്ന ഭീതി വേണ്ട. പക്ഷെ ഒരു വയസ്സിനുശേഷം ആസ്തമ ഉണ്ടാകാനുള്ള സാധ്യതയുണ്ട്.

പൊന്നുമ്മ നല്‍കിയാലേ ഉണരാറുള്ളൂ...

Fri, 04 Jan 2008 18:16:28 +0530

Sasi

അമ്മയും മക്കളും തമ്മിലും അച്ഛനും മക്കളും തമ്മിലുമുള്ള ആഴത്തിലുള്ള ബന്ധത്തെക്കുറിച്ച് പ്രതിപാദിക്കുന്ന വരികള്‍ നമ്മള്‍ ശ്രദ്ധിക്കാറുണ്ട്. കുട്ടികളില്‍ പലരും ആ നഷ്ട വസന്തത്തെ ഒരു നിമിഷത്തേക്ക് സ്വന്തമാക്കാനുള്ള ആര്‍ത്തിയിലാവും ഈ ഗാന ശകലങ്ങള്‍ക്ക് ചെവി കൊടുക്കുന്നത്.

രക്ഷകര്‍ത്താക്കള്‍ പകര്‍ന്ന് നല്‍കാതെ പോയ അപൂര്‍വ നിമിഷങ്ങളാകും മിക്ക കുട്ടികള്‍ക്കും വേദനയാവുന്നത്. ഇത്തരം ‘നൊസ്റ്റാള്‍ജിയ’ക്ക് കാരണം രക്ഷകര്‍ത്താക്കളുടെ അലംഭാവമാണ്. വേണ്ടത് വേണ്ട സമയത്ത് പകര്‍ന്ന് നല്‍കാന്‍ കഴിയാതെ പോയതിന്‍റെ പരിണിത ഫലം!

നല്ലൊരു രക്ഷകര്‍ത്താവ് ആവാന്‍ കുറച്ചൊരു തയ്യാറെടുപ്പ് ആവശ്യമാണ്. രക്ഷകര്‍ത്താവിന്‍റെ സ്ഥാനം ഇതുവരെ തുടര്‍ന്ന ജീവിതത്തില്‍ നിന്ന് വ്യത്യസ്തമാണെന്ന് മനസ്സിലാക്കണം. അതോടൊപ്പം എന്തൊക്കെ കരുതലോടെ ചെയ്യണം എന്നും മനസ്സിലാക്കണം. ഇത്രയുമൊക്കെ കാര്യങ്ങള്‍ ശ്രദ്ധിച്ചാല്‍ നല്ല മാതാപിതാക്കന്‍‌മാരായി കുട്ടികള്‍ തന്നെ നിങ്ങളെ അംഗീകരിക്കും.

സ്നേഹം പ്രകടിപ്പിക്കൂ

കുട്ടികളില്‍ അവര്‍ സ്നേഹിക്കപ്പെടുന്നു എന്ന ബോധം സൃഷ്ടിച്ചെടുക്കണം. ഇതിനായി മാതാപിതാക്കള്‍ സ്നേഹം ഉള്ളില്‍ ഒളിച്ചു വയ്ക്കാതെ അത് പ്രകടിപ്പിക്കാന്‍ ലഭിക്കുന്ന അവസരങ്ങള്‍ വിനിയോഗിക്കുകയാണ് വേണ്ടത്.

ഇതിനായി, പിഞ്ചോമനയെ ഒന്ന് ചേര്‍ത്ത് നിര്‍ത്തുക, ഒന്ന് തലോടുക. ചെറിയ ചെറിയ കാര്യങ്ങള്‍ക്കു പോലും അഭിനന്ദിക്കുക. പിന്നെ സ്നേഹത്തോടെ ചുംബനം നല്‍കുക.സുരക്ഷയും അനുഭവിക്കട്ടെ

മാതാപിതാക്കള്‍ വ്യക്തിപരമായ കാര്യങ്ങളില്‍ പാലിക്കുന്ന മാന്യത കുട്ടികളോടും കാണിക്കണം. അവരുടെ മുറിയില്‍ കടന്ന് ചെന്നാലും അവരുടെ മേശ വലിപ്പോ ഡയറിയോ പരിശോധിക്കാന്‍ മുതിരാതിരിക്കുക. കുട്ടികളില്‍ ആരോടും പ്രത്യേക സ്നേഹ പ്രകടനം വേണ്ട. എല്ലാവര്‍ക്കും ഒരേ പരിഗണനയാണ് ഉത്തമം.

കുട്ടികളുടെ മുന്നില്‍ വച്ച് വഴക്കടിക്കാതിരിക്കാന്‍ ശ്രദ്ധിക്കണം. അഭിപ്രായ വ്യത്യാസം ഉണ്ടെങ്കില്‍ അത് രമ്യമായി ചര്‍ച്ച ചെയ്ത് പരിഹരിക്കുന്നത് കുട്ടികള്‍ക്ക് മുന്നില്‍ വച്ച് ആയിരിക്കണം. ഇത് കുട്ടികളിലും ഈ നല്ല ശീലം വളര്‍ത്തും.

അടുക്കും ചിട്ടയും വേണം

പഠിക്കേണ്ട സമയം കളിക്കേണ്ട സമയം, ചെയ്യേണ്ടവ, ചെയ്യരുതാത്തവ എന്നിങ്ങനെ ചില ചിട്ടകള്‍ ഏര്‍പ്പെടുത്തേണ്ടതുണ്ട്. ഈ നിയന്ത്രണങ്ങള്‍ കുട്ടികള്‍ മറി കടന്നേക്കാം, എന്നാല്‍ മാതാപിതാക്കള്‍ തങ്ങളെ ശ്രദ്ധിക്കുന്നു എന്ന ബോധത്തോടെ.

കുട്ടികളെ സ്വയം പര്യാപ്തരാക്കാനും ശ്രദ്ധിക്കേണ്ടതുണ്ട്. അവരുടെ സ്വന്തം കാര്യങ്ങള്‍ സ്വന്തമായി ചെയ്യാന്‍ ശീലിക്കണം. കിടക്കയും മുറിയും ശുചിയാക്കാനും അടുക്കും ചിട്ടയും വരുത്താനും അവര്‍ സ്വയം ശ്രമിക്കട്ടെ.

കുറ്റപ്പെടുത്തണോ?

കുട്ടികള്‍ തെറ്റ് ചെയ്യുമ്പോള്‍ കുറ്റപ്പെടുത്തുന്നതിന് പകരം കാര്യങ്ങള്‍ പറഞ്ഞ് മനസ്സിലാക്കണം, നിയന്ത്രണം നഷ്ടപ്പെടാതെ. ‘നീയൊരു ചീത്തയാണ്’ എന്ന് അറുത്ത് മുറിച്ച് പറയരുത്. ചീത്തവശങ്ങള്‍ ബോധ്യപ്പെടുത്തിയ ശേഷം അത് ആവര്‍ത്തിക്കാതിരിക്കാന്‍ ഉറപ്പ് വാങ്ങുക.

കുട്ടികളെ പരസ്യമായി വിമര്‍ശിക്കരുത്. ഇത്തരം സാഹചര്യമുണ്ടാവുകയാണെങ്കില്‍ അത് അവര്‍ക്ക് സമൂഹത്തിനെ അഭിമുഖീകരിക്കാന്‍ പ്രയാസമുണ്ടാക്കും. അതിനാല്‍, വിമര്‍ശനം മൃദുവാക്കി സ്വകര്യതയില്‍ മാത്രം തെറ്റുകള്‍ ചൂണ്ടിക്കാണിക്കുക.

കുട്ടികളുടെ മുന്നില്‍ എപ്പോഴും ഒരു മാതൃകയാവാന്‍ ശ്രദ്ധിക്കണം. അവരുടെ കാര്യങ്ങള്‍ക്ക് ചെവി കൊടുക്കണം. ശ്രദ്ധയോടെ കളിക്കളത്തിലെ അല്ലെങ്കില്‍ സ്കൂളിലെ വിവരം കേള്‍ക്കുമ്പോള്‍ അവര്‍ക്ക് അംഗീക്കരിക്കപ്പെട്ടു എന്ന വികാരം ഉണ്ടാവാന്‍ സഹായിക്കും.

പുരാണത്തിലേക്ക് ഒരു ‘പേരോട്ടം‘

Mon, 17 Dec 2007 17:07:21 +0530

‘എനിക്കും ഒരു നാവുണ്ടെങ്കില്‍...’ എന്ന് തുടങ്ങുന്ന സിനിമാ ഗാനത്തില്‍ കവി ചോദിച്ചു നിര്‍ത്തുന്നത് പ്രാണേശ്വരനെ അല്ലെങ്കില്‍ പ്രാണേശ്വരിയെ ഏതു പേരിട്ട് വിളിക്കുമെന്നാണ്. ഈ ആശങ്ക തന്നെയാണ് പൊന്നോമനകളുടെ കാര്യത്തില്‍ മാതാപിതാക്കള്‍ കാലാ കാലങ്ങളായി അനുഭവിച്ചു വരുന്നതും.

പണ്ടൊക്കെ മുത്തശ്ശിമാരും മുത്തച്ഛന്മാരും മുന്‍‌കൈയെടുത്ത് പേരിടുന്ന പതിവുണ്ടായിരുന്നു. ഇന്നും നിലനില്‍ക്കുന്ന പേരിടീല്‍ ചടങ്ങ് അതിന്‍റെ പ്രതീകമാണെന്ന് പറയാം. ഇന്ന് മുത്തച്ഛന്‍ കുഞ്ഞിന്‍റെ കാതിലോതുന്ന പേര് സ്വന്തം കണ്ടെത്തലാവില്ല മറിച്ച്, അച്ഛന്‍റെയും അമ്മയുടെയും ഉറക്കമില്ലാത്ത രാവുകളുടെ സമ്പാദ്യമായിരിക്കുമെന്ന് മാത്രം!

ഇപ്പോള്‍, പുരാണത്തിലെ പേരുകള്‍ക്ക് വീണ്ടും പ്രചാരമേറുകയാണ്. പാര്‍ത്ഥ സാരഥിയും ഗണപതിയും വീണ്ടും ഹാജര്‍ പുസ്തകങ്ങളിലേക്ക് വഴിതേടുന്നു. ഇതോടൊപ്പം തന്നെ പ്രശസ്തരുടെയും പേരുകള്‍ പുതു തലമുറ ഇഷ്ടപ്പെടുന്നു.

ഒരു പേരിടാന്‍ പക്ഷേ എന്തിനിത്ര ആലോചിക്കണമെന്ന് നമുക്ക് തോന്നാം. പക്ഷേ, ആലോചന വേണ്ടാതിരിക്കാന്‍ കാരണമൊന്നുമുണ്ടാവില്ല എന്നതാണ് സത്യം. ഒരു പേര് തിരഞ്ഞെടുക്കുമ്പോള്‍ ഒത്തിരി കാര്യങ്ങള്‍ ശ്രദ്ധിക്കാനുണ്ടാവും.

പേരുകള്‍ തിരഞ്ഞടുക്കുമ്പോള്‍ ഇംഗ്ലീഷ് അക്ഷരമാലയുമായി അനായാസ പൊരുത്തമുണ്ടോ എന്ന് മാതാപിതാക്കള്‍ ശ്രദ്ധിക്കാറുണ്ട്. ചിലരാണെങ്കില്‍ നാമസംഖ്യയില്‍ വിശ്വസിക്കുന്നവരാവും. അതിനായി പ്രിയപ്പെട്ട പേര് നഷ്ടമാവാതെ ലോപിപ്പിക്കാനും നീട്ടാനും പ്രയാസപ്പെടുക തന്നെ വേണ്ടേ- ജയലളിത പേര് നീട്ടിയതും യദിയൂരപ്പ യദ്യൂരപ്പ ആയതും നമുക്കിവിടെ ഓര്‍ക്കാം.

ആധുനിക കാലത്തെ മാതാപിതാക്കള്‍ക്ക് കുരുന്നിന്‍റെ പേര് കണ്ടുപിടിക്കാനും ഇന്ന് എളുപ്പമാണ്. ഇന്ത്യ പേരന്‍റിംഗ് ഡോട്ട് കോം പോലെയുള്ള സൈറ്റുകളാണ് ഇതിനായി മിക്കവരും സന്ദര്‍ശിക്കുന്നത്. ഇതിനു പുറമേ കുട്ടികളുടെ പേരുകള്‍ പ്രതിപാദിക്കുന്ന നിരവധി പുസ്തകങ്ങളും ലഭ്യമാണ്.

പൊന്നോമനയെ കുറിച്ച്

Mon, 26 Nov 2007 15:25:54 +0530

കുഞ്ഞിനെ വരവേല്‍ക്കാന്‍ കാത്തിരിക്കുന്ന അമ്മമാര്‍ എന്തൊക്കെ അറിയണം. ആദ്യത്തെ കുട്ടിയാണല്ലോ, എല്ലാം ഈശ്വരനും പിന്നെ ഡോക്ടറും ചേര്‍ന്ന് എല്ലാം നടത്തി തരും എന്ന് കരുതി ഇരിക്കരുത്. പുതിയ അമ്മമാരും നവജാതരെ കുറിച്ച് ചില കാര്യങ്ങള്‍ അറിഞ്ഞിരിക്കേണ്ടതുണ്ട്.

നവജാത ശിശുവിന്‍റെ ശരാശരി തൂക്കം, നീളം തുടങ്ങിയ അറിവുകള്‍ അമ്മയ്ക്ക് ഉണ്ടാവുന്നത് നല്ലതാണ്.

നാല്‍പ്പത് ആഴ്ചയാണ് ശരാശരി ഗര്‍ഭകാലമായി കണക്കാക്കുന്നത്. പിറന്ന് വീഴുമ്പോള്‍ കുഞ്ഞിന് ഏതാണ്ട് 2.8 കിലോഗ്രാം വരെ തൂക്കം ഉണ്ടായിരിക്കും. തൂക്കം 2.5 കിലോഗ്രാമില്‍ താഴെയാണെങ്കില്‍ കുട്ടിക്ക് തൂക്ക കുറവാണെന്ന് പറയാം.

നവജാത ശിശുക്കള്‍ക്ക് 2.5 കിലോ മുതല്‍ 3.5 കിലോ വരെ ശരാശരി ഭാരമുണ്ടായിരിക്കും. കുഞ്ഞിന്‍റെ നീളം 50 സെന്‍റീമീറ്റര്‍ വരെയായിരിക്കും. തലയുടെ ശരാശരി ചുറ്റളവ് 35 സെന്‍റീമീറ്റര്‍ ആയിരിക്കും.

നവജാതരുടെ ഹൃദയമിടിപ്പ് മിനിറ്റില്‍ 120-140 വരെയും ശ്വസനം മിനിറ്റില്‍ 30-40 എന്ന നിരക്കിലും ആയിരിക്കും. കുഞ്ഞ് പിറന്നു വീഴുമ്പോള്‍ നീലയുടെ ലാഞ്ചനയുള്ള നിറമായിരിക്കും. മണിക്കൂറുകള്‍ക്കുള്ളില്‍ പിങ്ക് നിറമായി മാറുകയും ചെയ്യും.

കുട്ടി പിറന്ന ഉടനെ അല്ലെങ്കില്‍ 24 മണിക്കൂറിനുള്ളില്‍ മല-മൂത്ര വിസര്‍ജ്ജനം നടത്തും. വിസര്‍ജ്ജ്യത്തിന്‍റെ നിറം സാധാരണ നിലയിലാവാന്‍ മൂന്ന് ദിവസമെങ്കിലും എടുക്കുമെന്നാണ് ഡോക്ടര്‍മാരുടെ അഭിപ്രായം.

പിറന്ന് വീണ് മണിക്കൂറുകള്‍ക്കകം ശിശുക്കള്‍ക്ക് മുലപ്പാല്‍ നല്‍കാം. ശിശുക്കള്‍ പിറന്ന ശേഷം 3-4 മണിക്കൂറിനുള്ളില്‍ തന്നെ മുലയൂട്ടല്‍ ആരംഭിക്കാം.

തളരാത്ത ആത്മവിശ്വാസത്തിന്

Wed, 31 Oct 2007 19:24:44 +0530

കുട്ടികള്‍ ആത്വിശ്വാസം ഉള്ളവരാകേണ്ടത് ഈ കാലത്ത് അത്യാവശ്യമാണ്. അതിനു മാതാപിതാക്കള്‍ ശ്രദ്ധിക്കേണ്ട ചില കാര്യങ്ങള്‍ ഉണ്ട്. ഒന്നു പരീക്ഷിച്ചുനോക്കൂ. അവരിലെ മാറ്റങ്ങള്‍ നിങ്ങള്‍ക്ക് മനസ്സിലാകും.

കുട്ടിയെ അഭിനന്ദിക്കാനും പിന്തുണയ്ക്കാനും മടിക്കണ്ട. നിങ്ങള്‍ അവരെപ്പറ്റി നല്ലത് ചിന്തിക്കുന്നത് കുട്ടി സ്വന്തം നേട്ടമായി കാണും. കുട്ടിയുടെ തെറ്റുകള്‍ ക്ഷമിക്കാന്‍ നിങ്ങള്‍ക്ക് കഴിയണം. തെറ്റുകള്‍ വളര്‍ച്ചയുടെ ഭാഗമാണെന്ന് അവര്‍ മനസ്സിലാക്കട്ടെ.

കുട്ടിയെ രൂക്ഷമായി വിമര്‍ശിക്കരുത്. അത് അവരുടെ ആത്മവിശ്വാസത്തെ പ്രതികൂലമായി ബാധിക്കും. കുട്ടിയെ വിമര്‍ശിക്കരുത്, കുട്ടിയുടെ പെരുമാറ്റത്തെയേ ആകാവൂ. ദേഷ്യം കുട്ടിയോടല്ല പെരുമാറ്റത്തോടാണെന്ന് കുട്ടിക്ക് മനസ്സിലാകണം.

കൂട്ടുകാരെക്കുറിച്ചും സ്കൂളിനെക്കുറിച്ചും കേള്‍ക്കാന്‍ താത്പര്യം കാട്ടുക. കേള്‍ക്കുമ്പോ കുട്ടിയോട് ഇടയ്ക്കിടെ ചോദ്യങ്ങള്‍ ചോദിക്കുക. കുട്ടിയുടെ താല്‍പ്പര്യങ്ങള്‍ ബഹുമാനിക്കുക. അവ നിങ്ങള്‍ക്ക് വിരസമായി തോന്നിയാലും. നിങ്ങള്‍ കുട്ടിയുടെ നല്ല സുഹൃത്താകുക. ഇതുകുട്ടിക്ക് വൈകാരികപിന്തുണ നല്‍കും. അവരുടെ ആത്മവിശ്വാസം വര്‍ദ്ധിപ്പിക്കും.

അവര്‍ക്ക സ്വാതന്ത്ര്യം നല്‍കുക. പുതിയ കാര്യങ്ങള്‍ ചെയ്യാന്‍ അവസരം നല്‍കുക. അവര്‍ തെറ്റുകള്‍ സ്വയം തിരിച്ചറിയട്ടെ.കുട്ടിയുടെ ഭയാശങ്കകള്‍ അനുഭാവപൂര്‍വ്വം കേള്‍ക്കുക. അവ അപ്രധാനമെന്നു നിങ്ങള്‍ക്കു തോന്നിയാലും അനുഭാവപൂര്‍വ്വം പരിഗണിക്കാന്‍ ശ്രമിക്കുക.

സത്യസന്ധതയെ അഭിനന്ദിക്കുക. പറയുന്നത് അപ്രിയ സത്യമാണെങ്കില്‍ കൂടി കുട്ടിയെ മനസ്സിലാക്കാന്‍ ശ്രമിക്കുക. നല്ല പെരുമാറ്റത്തെ അഭിനന്ദിക്കുക. എന്തിനാണ് അഭിനന്ദിച്ചതെന്ന് കുട്ടിയെ വ്യക്തമായി പറഞ്ഞു മനസ്സിലാക്കുക. കുട്ടിയുടെ വിജയത്തില്‍ ശ്രദ്ധയൂന്നുക. പരാജയങ്ങള്‍ പെരുപ്പിച്ചു കാട്ടരുത്. ആത്മവിശ്വാസത്തെ ബാധിക്കുന്ന കടുത്ത വിമര്‍ശനങ്ങള്‍ ഒഴിവാക്കുക.

കുഞ്ഞിക്കാല്‍ വളരുമ്പോള്‍

Sat, 06 Oct 2007 15:33:01 +0530

FILE

കുഞ്ഞോമനയ്ക്ക് നാലുമാസം പ്രായമായാല്‍ പിന്നെ ഒരുനൂറു സംശയങ്ങളാണ്. എന്താ‍ണ് കഴിക്കാന്‍ കൊടുക്കേണ്ടത്, കട്ടിയാഹാരം കൊടുക്കാമോ, മുലപ്പാല്‍ മാത്രം മതിയാകുമോ, പോഷകാഹാരക്കുറവ് ഉണ്ടാകുമോ ഇങ്ങനെ പോകും സംശയങ്ങള്‍...

മുത്തശ്ശിമാരുടെയും വീട്ടിലെ ‘വൈദ്യന്മാരു’ടെയും ഉപദേശം കൂടിയാകുമ്പോള്‍ അമ്മയ്ക്ക് വീണ്ടും കണ്‍ഫ്യൂഷന്‍. അതുകൊടുക്കാമെന്ന് ഒരാള്‍ പറഞ്ഞാല്‍ പാടില്ലെന്ന് മറ്റൊരാള്‍ പറയും. അമൃതെന്നു പറഞ്ഞു കൊടുക്കുന്നത് ചിലപ്പോള്‍ കുട്ടിക്ക് വയറ്റിന് പിടിക്കില്ല.

ഇത്തരം കണ്‍ഫ്യൂഷനുകള്‍ക്ക് അവസാനമാകട്ടെ. ഇതിനൊക്കെ കൃത്യമായ ചില കണക്കുകളുണ്ട്. ആറുമാസം വരെ കുട്ടിക്കു മുലപ്പാല്‍ മാത്രം കൊടുത്താല്‍ മതിയെന്നാണ് ലോകാരോഗ്യസംഘടന നിര്‍ദ്ദേശിക്കുന്നത്. എന്നാല്‍ നാലുമാസം പിന്നിടുമ്പോള്‍ അമ്മയ്ക്ക് വീട്ടില്‍ നിന്നു മാറിനില്‍ക്കേണ്ട സാഹചര്യം ഉണ്ടായാല്‍ കുഞ്ഞിന് കുറുക്കുകള്‍ നല്‍കാം.

കൂവരക് (റാഗി), ഏത്തയ്ക്കാപ്പൊടി എന്നിവയാണ് കുട്ടികള്‍ക്ക് സാധാരണ നല്‍കിവരുന്നത്. പുതിയ ആഹാരങ്ങള്‍ നല്‍കിത്തുടങ്ങുന്നത് പ്രഭാതങ്ങളിലാക്കാം. പരിചയിച്ച ആഹാരം വൈകുന്നേരങ്ങളില്‍ നല്‍കാം. ഇപ്രകാരം ചെയ്താല്‍ കുട്ടിക്ക് അസ്വസ്ഥതയുണ്ടെങ്കില്‍ ശ്രദ്ധിക്കാനും പരിചരിക്കാനും കൂടുതല്‍ സമയം കിട്ടും.

പഴച്ചാറുകള്‍ ആണ് ആഹാരത്തിന്‍റെ അടുത്ത ഘട്ടം. പിന്നീട് ധാന്യങ്ങളും പയര്‍വര്‍ഗ്ഗങ്ങളും പൊടിച്ചതു കൊണ്ട് കുറുക്ക് ഉണ്ടാക്കി നല്‍കാം. ആറുമാസം പിന്നിടുമ്പോള്‍ ചോറ്, ഇഡലി, മുട്ട, ഉരുളക്കിഴങ്ങ്, ദോശ, ഉപ്പുമാവ് എന്നിവയൊക്കെ കൈകൊണ്ട് മയപ്പെടുത്തി നല്‍കാം.

ഒരു വയസ്സിനുള്ളില്‍ വീട്ടിലുണ്ടാക്കുന്ന എല്ലാ ആഹാരവും ശീലിപ്പിക്കാം. പശുവിന്‍ പാല്‍ നല്‍കുന്നത് ഒരു വര്‍ഷത്തിനു ശേഷം മതി. മുലയൂട്ടല്‍ നിര്‍ബന്ധമായും രണ്ടുവയസ്സുവരെ തുടരുക.

കുഞ്ഞുങ്ങളെ കുളിപ്പിക്കുമ്പോള്‍

Wed, 12 Sep 2007 10:12:27 +0530

മുതിര്‍ന്നവരെ പോലെ തന്നെ കുട്ടികളുടെ ആരോഗ്യത്തിനും ഉത്തമമാണ് തേച്ചുകുളി. പ്രസവിച്ച ഉടനെ കുഞ്ഞിനെ ബലാതൈലം തേച്ച് കുളിപ്പിക്കാറുണ്ട്. പിന്നീട് നിത്യവും ശുദ്ധമായ വെളിച്ചെണ്ണയാണ് ഉപയോഗിക്കേണ്ടത്. തേങ്ങ വെന്ത വെളിച്ചെണ്ണയാണ് അത്യുത്തമം.

കുഞ്ഞിനെ കുളിപ്പിക്കുമ്പോള്‍ കിണറ്റിലേയോ ചിറയിലേയോ കുളത്തിലേയോ തണുപ്പുള്ള വെള്ളം തലയില്‍ ഒഴിക്കാം. കഴുത്തിനു താഴെ പേരാലിലയോ പനിക്കൂര്‍ക്കയുടെ ഇലയോ ഇട്ടു തിളപ്പിച്ച വെള്ളം അല്‍പ്പം ചൂടോടെ ഒഴിക്കാം. സാധാരണ വൈകുന്നേരത്താണ് കുട്ടികളെ തേച്ചുകുളിപ്പിക്കുക.

തേച്ചുകുളി കുഞ്ഞുങ്ങള്‍ക്ക് നല്ല ഉറക്കം നല്‍കും. ഉണര്‍വ്വ്, പ്രസരിപ്പ്, രോഗമില്ലാത്ത അവസ്ഥ, ബുദ്ധിക്ക് ഉണര്‍വ്വ്, വളര്‍ച്ച എന്നിവ ലഭിക്കും. ചര്‍മ്മത്തിന് നിറവും ഭംഗിയും മാര്‍ദ്ദവവും ലഭിക്കും. പനിയോ മറ്റ് അസുഖങ്ങളോ ഉള്ള കുട്ടികളെ തേച്ചുകുളിപ്പിക്കരുത്.

താരാട്ടിന്‍റെ രസതന്ത്രം

Thu, 30 Aug 2007 11:21:48 +0530

FILE

നിലാവ് പരന്ന, മാമ്പൂക്കള്‍ കൊഴിഞ്ഞ് വീണ മുറ്റത്ത് പാദചലനങ്ങളുടെ തനിയാവര്‍ത്തനം. അമ്മയുടെ മാറോട് ചേര്‍ന്ന് തലോടലിലും താരാട്ടിലും ലയിച്ച് മയങ്ങാനൊരുങ്ങുമ്പോള്‍ പൂമരങ്ങള്‍ തഴുകിയെത്തുന്ന ചെറുകാറ്റ് അവര്‍ക്ക് ചുറ്റും സുഗന്ധം നിറയ്ക്കും.

കുഞ്ഞിനെ താരാട്ട് പാടിയുറക്കുന്നത് കേരളത്തിലെ വീടുകളില്‍ പതിവ് കാഴ്ചയാ‍യിരുന്നു. ഇരയിമ്മന്‍ തമ്പി രചിച്ച ‘ഓമന തിങ്കള്‍ കിടാവോ’ എന്നു തുടങ്ങുന്ന താരാട്ട് പാട്ട് ആസ്വദിച്ചുറങ്ങിയ തലമുറയില്‍ പെട്ടവര്‍ സുകൃതം ചെയ്തവര്‍! പുതു തലമുറയ്ക്ക് അന്യമാവുന്ന സൌഭാഗ്യമാണത്.

കാലം രൌദ്ര ഭാവം പൂണ്ട് കുതിക്കുമ്പോള്‍, കുഞ്ഞിനെ തഴുകാനും താരാട്ട് പാടിയുറക്കാനുമൊക്കെയുള്ള ക്ഷമ മാതാപിതാക്കള്‍ക്ക് നഷ്ടമാവുന്നു. ആകാരവടിവിന് അമിത പ്രാധാന്യം നല്‍കുമ്പോഴും സ്തന ഭംഗി നില നിര്‍ത്താന്‍ നൂതന മാര്‍ഗ്ഗങ്ങള്‍ ആരായുമ്പോഴും കുഞ്ഞിന് നഷ്ടമാവുന്നതെന്തെന്ന് അമ്മമാര്‍ തിരിച്ചറിയണം. മുലയൂട്ടലും ഉറക്ക് പാട്ടുമൊക്കെ ലോകത്തെ അറിയുന്നതിന്‍റെ ആരംഭമാണ്-പരസ്പര ബന്ധത്തെ ഇറുകെ പുണര്‍ന്നിരിക്കുന്ന കാണാ ചരട്.

FILE

നവജാത ശിശുക്കളുടെ ബുദ്ധി വികാസത്തിന് താരാട്ട് ഗുണകരമാണെന്ന് ഇതു സംബന്ധിച്ച് പഠനം നടത്തുന്ന ഗവേഷകരില്‍ ഒരു വിഭാഗം അഭിപ്രായപ്പെടുന്നു. കുഞ്ഞിന്‍റെ ബുദ്ധി വളര്‍ച്ചയെ സംഗീതം സ്വാധീനിക്കുമെന്ന് അവര്‍ അഭിപ്രായപ്പെടുന്നു. ആവര്‍ത്തിക്കുന്ന താള ക്രമമുള്ള സംഗീതം കുഞ്ഞുങ്ങളുടെ ശ്രദ്ധ ആകര്‍ഷിക്കുനുണ്ട്. അത് കുഞ്ഞുങ്ങളെ ആനന്ദിപ്പിക്കുന്നുമുണ്ട്.

കൂടാതെ, സംഗീതം ഗര്‍ഭസ്ഥ ശിശുവിന്‍റെ ബുദ്ധി വികാസത്തെ സ്വാധീനിക്കുന്നു എന്ന നിഗമനങ്ങളും ദശകങ്ങള്‍ക്ക് മുമ്പ് തന്നെ സജീവ ചര്‍ച്ചകള്‍ക്ക് വഴിതുറന്നതാണ്. പക്ഷേ, വിവിധ രാജ്യങ്ങളിലെ ന്യൂറോ സയന്‍റിസ്റ്റുകളും സൈക്കോളജിസ്റ്റുകളുമൊക്കെ ഇക്കാര്യത്തില്‍ ഭിന്നാഭിപ്രായമാണ് പുലര്‍ത്തുന്നത്.

പിറവിക്ക് മുമ്പുള്ള 30 ഓളം ആഴ്ചകളില്‍ വ്യത്യസ്ത ശബ്ദങ്ങളോട് ഗര്‍ഭസ്ഥ ശിശു അനുകൂലമായി പ്രതികരിക്കുന്നു എന്ന് ഗവേഷകര്‍ പറയുന്നു. തരംഗ ദൈര്‍ഘ്യം കുറഞ്ഞ ശബ്ദ വീചികള്‍ താരതമ്യേന വേഗത്തില്‍ ഗര്‍ഭാശയത്തില്‍ എത്തുന്നു എന്നും ചില സവിശേഷതകള്‍ ഉള്ള സംഗീതം ബുദ്ധി വികാസത്തെ സ്വാധീനിക്കുന്നു എന്നും ആണ് അവരുടെ വാദം.

എന്നാല്‍, മറു വിഭാഗം ഗവേഷകര്‍ ഇതിനോട് യോജിക്കുന്നില്ല. ഇത്തരം കാര്യങ്ങള്‍ ശാസ്ത്രീയമായി തെളിയിക്കപ്പെട്ടിട്ടില്ല. ‘സ്ഥിരീകരിക്കപ്പെടാത്ത കരുതലുകള്‍’ മാത്രമാണിതെന്ന് അവര്‍ പറയുന്നു. ഗര്‍ഭാവസ്ഥയില്‍ സംഗീതം ആസ്വദിക്കുന്നത് പില്‍ക്കാലത്ത് കുഞ്ഞുങ്ങളെ കൂടുതല്‍ ചുറുചുറുക്കും ബുദ്ധി ശക്തിയുള്ളവരും ആക്കുന്നു എന്ന വാദത്തെയും അവര്‍ ഖണ്ഡിക്കുന്നു.

FILE

ഗര്‍ഭധാരണ വേളയില്‍ സംഗീതം ആസ്വദിക്കുന്നത് മനസ്സിന്‍റെ പിരിമുറുക്കം കുറയ്ക്കാനും കൂടുതല്‍ പ്രസന്നവതികളാവാനും നന്നായി ഉറങ്ങാനുമൊക്കെ സഹായിക്കുന്നുണ്ട് എങ്കില്‍ അത് ഗര്‍ഭസ്ഥ ശിശുവിനും ഗുണകരമാണ്. അതു തന്നെയാണ് ഗര്‍ഭസ്ഥ ശിശുവിന് മേല്‍ സംഗീതത്തിന്‍റെ പരോക്ഷ സ്വാധീനമെന്നും അവര്‍ വ്യക്തമാക്കുന്നു.

ഗര്‍ഭധാരണ വേളയില്‍ സംഗീതം ആസ്വദിക്കുന്നത് ശാന്തമായ അന്തരീക്ഷം സൃഷ്ടിക്കാനും മനസ്സിന്‍റെ പിരിമുറുക്കം കുറയ്ക്കാനും സുഖമായി ഉറങ്ങാനും സഹായിക്കുന്നു എങ്കില്‍ ഉദരത്തിലുള്ള കുഞ്ഞിനും അത് ഗുണകരമാവുമെന്നതില്‍ തര്‍ക്കമില്ല. താരാട്ട് പാട്ടിലും മൃദു സ്പര്‍ശത്തിലും ഒളിഞ്ഞിരിക്കുന്ന മാജിക് എന്തായാലും ‘ നീ എന്‍റേതാണ്, എന്‍റെ ജീവനാണ്’ എന്നൊക്കെ രൂപമില്ലാതെയുള്ള അടയാളങ്ങള്‍ കുഞ്ഞു മാനസ്സുകളില്‍ കോറിയിടുന്നുണ്ട്. ‘പറയാതെ പറയുന്നതൊക്കെ’ തലോടലില്‍ ഒളിഞ്ഞിരിക്കുന്നു.

കുഞ്ഞുങ്ങളെ ശാന്തരാക്കാനും ഉറക്കാനുമൊക്കെ താരാട്ട് പാട്ടുകളുടെ സി ഡികള്‍ വിപണിയിലുണ്ട്. കുഞ്ഞ് ആ താളത്തില്‍ ലയിച്ചിരിക്കുന്നുമുണ്ടാവാം. എന്നാല്‍, ശബ്ദമാധുര്യമില്ലെങ്കില്‍ കൂടി പാടുന്നതിനൊപ്പം കുഞ്ഞിന്‍റെ പുറത്ത് തലോടുമ്പോഴോ താളം പിടിക്കുമ്പോഴോ കുഞ്ഞിന് ലഭിക്കുന്ന സ്നേഹവായ്പിനൊപ്പമാവില്ല മറ്റൊന്നും. ബന്ധത്തിന്‍റെ ഇഴയടുപ്പം കൂട്ടാന്‍ ഇത്തരം മാന്ത്രിക സ്പര്‍ശങ്ങള്‍ക്കാവുന്നുണ്ട്.

മഹാനഗരത്തിലെ അംബര ചുംബിയായ ബഹുനില കെട്ടിടത്തില്‍ മാതൃഭാഷയില്‍ സംസാരിച്ചാല്‍ മനസ്സിലാവാത്ത പങ്കാളിക്കൊപ്പം ഫാസ്റ്റ് ഫുഡിന്‍റെ രുചിയില്‍ മയങ്ങി ബ്ലൂടൂത്തും ഐഫോണുമൊക്കെയായി മുന്നോട്ട് പോവുമ്പോഴും ഇലഞ്ഞിപ്പൂക്കളും അരളിപ്പൂക്കളുമൊക്കെ വീണു കിടക്കുന്ന തൊടിയും പാടങ്ങളും ചീവീടുകളുടെ കരച്ചിലുമൊക്കെ ഇടയ്ക്കെങ്കിലും സുഖദമായ ഓര്‍മ്മയായി പെയ്തിറങ്ങുന്നു എങ്കില്‍ നന്ദി പറയേണ്ടത് ബാല്യകാലത്ത് പകര്‍ന്ന് കിട്ടിയ സ്നേഹ വായ്പിനാണ്.

തലോടലിനും താരാട്ട് പാട്ടിനും പിന്നിലുള്ള രസതന്ത്രം എന്തുമാവട്ടെ. ഗവേഷകര്‍ പരസ്പരം കലഹിക്കട്ടെ. ഈ സംവാദങ്ങള്‍ തുടരുകയും ചെയ്യട്ടെ. നമുക്ക് ലഭിച്ച സൌഭാഗ്യങ്ങളൊക്കെ വരും തലമുറയും അര്‍ഹിക്കുന്നു. അത് നിഷേധിക്കുമ്പോള്‍ ദുരന്ത ഭൂവിലെ സ്മാരകങ്ങള്‍ പോലെ വൃദ്ധ സദനങ്ങള്‍ നിരനിരയായി ഉയര്‍ന്നേക്കാം.

മുലപ്പാല്‍ എന്ന അമൃത്

Wed, 01 Aug 2007 12:56:19 +0530

മുലപ്പാല്‍ എന്ന അമൃത്

അമ്മയുടെയും കുട്ടിയുടെയും ആരോഗ്യത്തിന് മുലപ്പാല്‍ മാത്രമാണെന്ന ആഹ്വാനവുമായി ഓഗസ്റ്റ് ഒന്നുമുതല്‍ മുലയൂട്ടല്‍ വാരം തുടങ്ങുന്നു. കൃത്രിമ പാനീയത്തിലൂടെയും ഭക്ഷണത്തിലൂടെയും കുട്ടിക്ക് അനാരോഗ്യകരമായ ചുറ്റുപാട് ഒരുക്കരുതെന്നാണ് ഇക്കൊല്ലത്തെ മുദ്രാവാക്യം.

ആറു മസം വരെ കുഞ്ഞിന് മുലപ്പാല്‍ മാത്രം നല്‍കാനാണ് ലാ ലെച്ചേ ലീഗ് ഇന്‍റര്‍നാഷണല്‍ (എല്‍.എല്‍.എല്‍.ഐ) ആഹ്വാനം ചെയ്തിരിക്കുന്നത്. മലിനീകരണമുള്ള മറ്റു ഭക്ഷണത്തെക്കാല്‍ ഏറ്റവും സുരക്ഷിതവും ആരോഗ്യപ്രദവുമാണ് മുലപ്പാല്‍.

ആറു മാസം വരെയുള്ള ഫലപ്രദമായ മുലയൂട്ടല്‍ ദിനംപ്രതി 3500 കുട്ടികളെ ജ-ീവിതത്തില്‍ നിലനിര്‍ത്താന്‍ സഹായിക്കുന്നുവെന്ന് യുനിസെഫ് പറയുന്നു. അലര്‍ജ-ി, ചെവികളെ ബാധിക്കുന്ന അണുബാധ, മസ്തിഷ്ക ചര്‍മ്മവീക്കം, സഡന്‍ ഇന്ഫന്‍റ് ഡെത്ത് സിന്‍ഡ്രോം, വയറിളക്കം, ന്യുമോണിയ എന്നീ രോഗങ്ങളെ പ്രതിരോധിക്കാന്‍ മുലയൂട്ടലിന് കഴിയുമെന്ന് എല്‍.എല്‍.എല്‍.ഐ പറയുന്നു.

ലോകം മുഴുവന്‍ മുലയൂട്ടല്‍ വാരത്തിന് ആഹ്വാനം ചെയ്തിരിക്കുന്നത് എല്‍.എല്‍.എല്‍.ഐ ആണ്. 1956 ല്‍ മുലയൂട്ടലിന്‍റെ പ്രാധാന്യം കൈമാറാന്‍ ഒത്തുചേര്‍ന്ന ഏഴ് അമ്മമാരുടെ കൂട്ടായ്മയില്‍ നിന്നാണ് എല്‍.എല്‍.എല്‍.ഐ എന്ന ആശയമുണ്ടായത്. ഇന്ന് 60 രാജ-്യങ്ങളില്‍ അമ്മമാരുടെ സഹായമായി പ്രവര്‍ത്തിക്കുന്നു ഈ സംഘടന.

മുലയൂട്ടലിന്‍റെ പ്രാധാന്യത്തെ പറ്റി ബോധവത്കരണം നടത്തുന്നതോടൊപ്പം അമ്മയുടെയും കുട്ടിയുടെയും സുരക്ഷിതമായ ഭക്ഷണ ക്രമത്തെ കുറിച്ച് നിര്‍ദ്ദേശങ്ങളും നല്‍കുന്നുണ്ട് ലാ ലെച്ച ലീഗ് ഇന്‍റര്‍നാഷണല്‍.

കുട്ടികള്‍ വളരുമ്പോള്‍ മാതാപിതാക്കള്‍ ചെയ്യേണ്ടത്

Tue, 31 Jul 2007 13:52:00 +0530

കുട്ടികളുടെ സ്വഭാവരൂപീകരണമാണ് അവര്‍ക്കു വേണ്ടി അച്ഛനമ്മമാര്‍ക്കു ചെയ്യാവുന്ന ഏറ്റവും നല്ല കാര്യം. നല്ല ശീലങ്ങള്‍ കുട്ടികള്‍ക്ക് വീട്ടില്‍ നിന്നാണ് കിട്ടുന്നത്. സമൂഹത്തില്‍ ജീവിക്കുമ്പോള്‍ ശ്രദ്ധിക്കേണ്ട കാര്യങ്ങള്‍ കുട്ടികള്‍ക്ക് ബാല്യത്തില്‍ തന്നെ പറഞ്ഞു കൊടുക്കുക.

കുട്ടികള്‍ അതിഥികള്‍ക്കു മുന്നില്‍ മോശമായി പെരുമാറുന്നത് അരോചകത്വമുണ്ടാക്കും. കുട്ടിക്കാലം മുതലെ കുട്ടികളെ വിനയവും സത്യസന്ധതയും പരിശീലിപ്പിക്കുക. അപ്രിയ സത്യങ്ങള്‍ പറഞ്ഞാല്‍ കുട്ടികളെ ശിക്ഷിക്കരുത്. സത്യം പറയുന്നത് നിങ്ങള്‍ക്ക് ഇഷ്ടമല്ല എന്ന തിരിച്ചറിവ് കുട്ടിയെ വിഷമത്തിലാക്കും എന്ന് മനസ്സിലാക്കുക.

നിങ്ങള്‍ കുട്ടിക്ക് നല്ല മാതൃകയാകുക. നിങ്ങള്‍ക്ക് തെറ്റുപറ്റിയാല്‍ കുട്ടിയുടെ മുന്നില്‍ അത് അംഗീകരിക്കുക. കുടുംബത്തിനുള്ളില്‍ നിങ്ങള്‍ മറ്റുള്ളവരോട് പെരുമാറുന്നത് സത്യസന്ധവും വിനയപൂര്‍വ്വവും ആകണം. കുട്ടിക്കത് നല്ല മാതൃകയാകും.

നല്ല കാര്യങ്ങള്‍ എത്ര ചെറുതായാലും കുട്ടിയെ അഭിനന്ദിക്കുക. ഇതു ദിവസവും ആകാം. ക്രമേണ കുട്ടി നല്ലത് സ്വയം തിരിച്ചറിയാന്‍ തുടങ്ങും. നല്ല കാര്യങ്ങള്‍ക്കേ അഭിനന്ദനം ആകാവൂ. ജിജ്ഞാസയോടെ കണ്ണുകളില്‍ നോക്കി അഭിനന്ദിക്കുക. ഓരോതവണയും വാക്കുകള്‍ക്ക് വ്യത്യസ്തത വേണം.

പിടിവാശി കാട്ടുന്ന കുട്ടിയോട് അതിന്‍റെ ദോഷഫലങ്ങള്‍ പറഞ്ഞു മനസ്സിലാക്കുക. തെറ്റു തിരുത്തുന്നതിലൂടെ തന്നെ മുന്നോട്ടുപോകുക. ചട്ടങ്ങളും നിയമങ്ങളും മാതാപിതാക്കളോ അദ്ധ്യാപകരോ അടിച്ചേല്‍പ്പിച്ചാ‍ല്‍ കുട്ടികള്‍ കടുത്ത പിടിവാശിയും അസ്വസ്ഥതയും കാണിക്കും.

നല്ല പെരുമാറ്റത്തിന് അപ്പോള്‍ തന്നെ അഭിനന്ദനം നല്‍കുക. കൊച്ചുകുട്ടിയാണെങ്കില്‍ ആശ്ലേഷിക്കുകയോ ചുംബിക്കുകയോ തലോടുകയോ ആകാം. പിടിവാശിക്കു ശേഷം കുട്ടി ശാന്തനാകുമ്പോള്‍ പകരം നിങ്ങള്‍ക്കും സ്വീകാര്യമായ ചെറിയൊരു വാഗ്ദാനം കുട്ടിക്കു നല്‍കുന്നത് അവരെ സന്തോഷിപ്പിക്കും.

പേരന്‍റിംഗ് എന്ത് ?

Wed, 30 May 2007 14:03:39 +0530

1) കുട്ടികളുടെ ശരിയായ വികസനത്തിനും, പരിപലനത്തിനും മാതാപിതാക്കളുടെയും, കുഞ്ഞുമായി നേരിട്ട് ഇടപെടുന്നവരുടെയും കടമകളാണ് പേരന്‍റിംഗ് എന്ന പദം കൊണ്ട് വിവക്ഷിക്കുന്നത്.

2) ശിശുപരിപാലനത്തിന് പൊതുവായി നിര്‍ദ്ദേശിക്കാവുന്ന ഒരു മാര്‍"മോ, രീതിയോ ഉണ്ടാക്കിയെടുക്കാന്‍ സാദ്ധ്യമല്ല.

3) സ്ഥലകാല സംസ്കാര വ്യത്യാസങ്ങളനുസരിച്ച് വ്യത്യസ്ത സമൂഹങ്ങളില്‍ വിഭിന്നങ്ങളായ ശിശുപരിപാലന രീതികള്‍ നിലവിലുണ്ട്.

4) അതിനാല്‍ ഓരോ സംസ്കാരത്തിനും യോജിച്ചതും, ശാസ്ത്രീയമായി അംഗീകരിക്കപ്പെട്ടതുമായ ശിശുപരിപാലന രീതികള്‍ പുഷ്ടിപ്പെടുത്തി പ്രായോഗികമാക്കുകയാണ് ഏറ്റവും അഭികാമ്യം.

5) കുട്ടികളുമായി ഇടപഴകുന്ന എല്ലാപേരും പൊതുവായി ശ്രദ്ധിക്കേണ്ട ചില പ്രധാന കാര്യങ്ങള്‍ ചുവടെ ചേര്‍ക്കുന്നു.

6) ഓരോ പ്രായവും സാഹചര്യവും അനുസരിച്ച് കുട്ടിക്ക് പലതരം ആവശ്യങ്ങളുണ്ട്. ഈ ആവശ്യങ്ങള്‍ നിറവേറ്റിക്കൊടുക്കേണ്ടത് നമ്മുടെ കടമയാണ്.

7) കുട്ടിയുടെ ശാരീരികവും മാനസികവുമായ ആരോഗ്യപരിപാലനത്തില്‍ അതീവ ശ്രദ്ധ ഉണ്ടായി രിക്കണം.

8) പല രക്ഷിതാക്കളും മനസ്സില്‍ സ്നേഹം ഒളിച്ചുവയ്ക്കുന്നവരാണ്. എന്നാല്‍ പ്രകടിപ്പിക്കുന്ന സ്നേഹമാണ് കുട്ടിക്ക് ആവശ്യം. അതിനാല്‍ കുട്ടിയെ സ്നേഹിക്കുകയും സ്നേഹം പ്രകടിപ്പിക്കുകയും ചെയ്യണം.

9) ജോലിത്തിരക്കും മറ്റ് അസൗകര്യങ്ങളും കാരണം കുട്ടികളോടൊപ്പം കൂടുതല്‍ സമയം ചെലവഴിക്കാന്‍ പല മാതാപിതാക്കള്‍ക്കും കഴിയാറില്ല. എന്നാല്‍ ചെറിയ കുട്ടികളോടൊപ്പം ഉപകാരപ്രദമായ രീതിയില്‍ സമയം ചെലവഴിക്കുന്നത് കുട്ടിയുടെ വികസനത്തിന് സഹായകരമായിരിക്കും.

10) ഓരോ കുട്ടിയും ഓരോ വ്യക്തിയാണ്. അതുകൊണ്ടുതന്നെ എല്ലാ കുട്ടികളും വ്യത്യസ്തരുമായിരിക്കും. അതിനാല്‍ കുട്ടിയെ അറിഞ്ഞ് പഠനത്തിനും വികസനത്തിനും വേണ്ട കാര്യങ്ങള്‍ ചെയ്തു കൊടുക്കുവാന്‍ നാം പരിശ്രമിക്കണം.

11) കുട്ടികള്‍ക്ക് പ്രാപ്തിയുണ്ടാകണമെങ്കില്‍ അവര്‍ക്ക് പ്രശ്നങ്ങളെ അഭിമുഖീകരിക്കാനും, വ്യത്യസ്ത സാഹചര്യങ്ങളുമായി പൊരുത്തപ്പെടാനുമുള്ള അവസരങ്ങള്‍ ഉണ്ടാകണം. ഈ അവസരങ്ങള്‍ ഉണ്ടാക്കികൊടുക്കുവാന്‍ നാം പ്രത്യേകം ശ്രദ്ധിക്കണം.

12) കുട്ടികളെ മനസ്സിലാക്കുവാന്‍ അവനെ / അവളെ സുസൂക്ഷ്മം നിരീക്ഷിക്കുക. കുട്ടികളുടെ വ്യത്യസ്തമായ ഓരോ പെരുമാറ്റത്തിനും വ്യക്തമായ അര്‍ത്ഥവും വ്യാപ്തിയും ഉണ്ട്. അത് ഉള്‍ക്കൊള്ളൂവാനും അവയ്ക്ക് പരിഹാരം ഉണ്ടാക്കുവാനും നമുക്ക് കഴിയണം.

13) അംഗീകാരവും പ്രശംസയും കുട്ടിയുടെ വളര്‍ച്ചയുടെ ചവിട്ടുപടികളാണ്. കുട്ടികളുടെ എല്ലാ നേട്ടങ്ങളേയും, കഴിവുകളേയും അംഗീകരിക്കുകയും പ്രശംസിക്കുകയും, പ്രോത്സാഹിപ്പിക്കുകയും ചെയ്യുക.

14) മൂല്യബോധമാണ് ഉത്തമ ജീവിതത്തിന്‍റെ അടിത്തറ. അതിനാല്‍ ചെറുപ്പത്തിലേ തന്നെ ധാര്‍മ്മിക ബോധവും, അഹിംസയും, സഹകരണവും, സന്തുലിതസ്വഭാവവും വളര്‍ത്തിയെടുക്കണം.

15) ആത്മവിശ്വാസവും, ആത്മാഭിമാനവും വികസനത്തെ ത്വരിതപ്പെടുത്തുന്ന വ്യക്തിത്വ ഗുണങ്ങളാണ്. അതിനാല്‍ കുട്ടികളില്‍ ഈ ഗുണങ്ങള്‍ വളര്‍ത്തിയെടുക്കണം.

16) കുട്ടികളുടെ അവകാശങ്ങള്‍ സംരക്ഷിക്കുന്നതിന് വിവിധ നിയമങ്ങള്‍ നിലവിലുണ്ട്. കുട്ടികളുടെ അവകാശങ്ങള്‍ ലംഘിക്കുന്നതും, അവരോട് ക്രൂരത കാണിക്കുന്നതും, അതിന് സഹായകരമായ രീതിയില്‍ പ്രവര്‍ത്തിക്കുന്നതും കുറ്റകരമാണ്.

പേരന്‍റിംഗ് അഥവാ ശിശുപരിപാലനം

Wed, 30 May 2007 13:58:30 +0530

കുട്ടികളെ വളര്‍ത്തലാണ് പേരന്‍റിംഗ്. ഇത് മാതാപിതാക്കള്‍ തന്നെ ചെയ്യണമെന്നില്ല. ചേച്ചിയോ, ചേട്ടനോ, മുത്തശ്ശനോ, മുത്തശ്ശിയോ, മറ്റു മുതിര്‍ന്ന ആളുകളോ, പേരന്‍റ് എന്ന രക്ഷിതാവും വളര്‍ത്തു മാതാപിതാക്കളും ആകാം.

അച്ഛന്‍ ജോലിക്കു പോവുകയും അമ്മ വീട്ടുകാര്യങ്ങളും നോക്കി കുഞ്ഞുങ്ങളെ വളര്‍ത്തിയിരുന്ന പഴയ രീതിയില്‍ നിന്ന് അച്ഛനും അമ്മയും ജോലിക്കു പോവുന്ന പുതിയ സമ്പ്രദായത്തിലേക്ക് നാം മാറിക്കൊണ്ടിരിക്കുകയാണ്. കൂട്ടുകുടുംബ വ്യവസ്ഥിതിയില്‍ നിന്നും അണുകുടുംബത്തിലേക്കുള്ള മാറ്റവും, തൊഴിലും അനുബന്ധ ജോലികളും കാരണം മാതാപിതാക്കള്‍ക്കുണ്ടാകുന്ന തിരക്കും, ഗല്‍ഫ് മേഖലയിലും മറ്റ് വിദേശ ജോലികളും കുട്ടികളുടെ പരിപാലനത്തെ ബാധിക്കുന്നുണ്ട്.

മാതാപിതാക്കളുടെ തിരക്കും, നിയന്ത്രണമില്ലാതെ പ്രവര്‍ത്തിക്കുന്ന ശിശുപരിപാലന കേന്ദ്രങ്ങളും കുട്ടിയുടെ ശൈശവാവസ്ഥയിലെ ശരിയായ വളര്‍ച്ചയ്ക്ക് വിഘാതം സൃഷ്ടിക്കുന്നു. ശിശുപരിപാലന രീതികളെക്കുറിച്ച് അറിയാത്ത ഇളം തലമുറക്കാരായ അമ്മമാര്‍ കുട്ടികളെ ശരിയായ രീതിയില്‍ വളര്‍ത്താന്‍ കഴിയാതെ വളരെയധികം വിഷമിക്കുകയാണെന്നാണ് പഠനങ്ങള്‍ സൂചിപ്പിക്കുന്നത്

ശിശുപരിപാലനത്തിന്‍റെ പശ്ചാത്തലം

ജന്തു വര്‍ഗ്ഗത്തിന്‍റെ ഒരു സവിശേഷതയാണ് ശിശുപരിപാലനം. കരയിലും കടലിലുമുള്ള ജീവികള്‍, സാഹചര്യത്തിന് അനുസരണമായ ശിശുപരിപാലന പ്രക്രിയ പ്രകടിപ്പിക്കുന്നുണ്ട്.

പൂച്ച, പശു, കോഴി, ആന, കങ്കാരു തുടങ്ങിയ ജീവിസമൂഹത്തെ ശ്രദ്ധിച്ചാല്‍ ശിശുപരിപാലന ത്തിന്‍റെ വ്യത്യസ്തമായ പല ഭാവങ്ങളും നമുക്ക് കാണാന്‍ കഴിയും.

ദീര്‍ഘകാല ശിശുപരിപാലനം മനുഷ്യരിലല്ലാതെ മറ്റൊരു ജീവിയിലും ദൃശ്യമല്ല. മനുഷ്യന്‍ ഇതിന് ഉത്തമ സ്ഥാനം നല്‍കിയിട്ടുമുണ്ട്.

ശിശുപരിപാലനം ഒരു ദിശയിലേക്ക് മാത്രമുള്ള ഒരു പ്രക്രിയ അല്ല. ഇത് അങ്ങോട്ടും ഇങ്ങോട്ടും പ്രതിഫലിക്കുന്ന ഒരു മഹത്തായ കര്‍മ്മമാണ്.

പുരാണേതിഹാസങ്ങളില്‍ ശിശുപരിപാലനത്തിന്‍റെ മഹത്തായ മാതൃകകള്‍ക്ക് പല ഉദാഹരണങ്ങളുമുണ്ട്. സ്വന്തം സുഖസൗകര്യങ്ങള്‍ ത്യജിച്ച് കുരുടരായ മാതാപിതാക്കളെ പരിചരിച്ച ശരവണകുമാരന്‍ അബദ്ധവശാല്‍ ദശരഥമഹാരാജാവിന്‍റെ അമ്പേറ്റ് മരിക്കാനിയയായപ്പോള്‍ മകനോടൊപ്പം ജീവന്‍ വെടിയാന്‍ തയ്യാറായ അച്ഛനും അമ്മയും കുടുംബബന്ധങ്ങളുടെ ആഴവും വ്യാപ്തിയും വ്യക്തമാക്കുന്ന മകുടോദാഹരണമാണ്.

ശിശുപരിപാലനം ഒരു കൂട്ടായ പ്രവൃത്തിയാണ്. നമ്മുടെ കുടുംബബന്ധങ്ങളുടെയും സമകാലിക സാമൂഹ്യ വ്യവസ്ഥിതിയുടെയും സാഹചര്യങ്ങളുടെയും പ്രതിഫലനമാണ്.

ശിശുപരിപാലനം ഒരു കൂട്ടായ പ്രവൃത്തിയാണ്. നമ്മുടെ കുടുംബബന്ധങ്ങളുടെയും സമകാലിക സാമൂഹ്യ വ്യവസ്ഥിതിയുടെയും സാഹചര്യങ്ങളുടെയും പ്രതിഫലനമാണ്.

ഈ പരിപാവന കര്‍മ്മം നിര്‍വഹിക്കാന്‍ പരിശീലനവും വൈദഗ്ദ്ധ്യവും മാത്രം പോരാ, സന്മനസ്സും ആവശ്യമാണ്.ശിശുപരിപാലനത്തിന്‍റെ അടിത്തറ കുടുംബമായതിനാല്‍ ഭദ്രമായ കുടുംബ ബന്ധം ഇതിന് അത്യാവശ്യമാണ്.

കുടുംബത്തിന്‍റെ സാമ്പത്തിക സ്ഥിതി, വിദ്യാഭ്യാസ നിലവാരം, സംസ്കാരം എന്നിവ കുട്ടിയുടെ വളര്‍ച്ചയിലും വികസനത്തിലും സ്ഥായിയായ പങ്ക് വഹിക്കുന്നുണ്ട്.

കുടുംബത്തില്‍ നിന്ന് ലഭിക്കുന്ന അറിവിന്‍റെയും മൂല്യബോധത്തിന്‍റെയും പ്രതിഫലനമാണ് കുട്ടിയുടെ പെരുമാറ്റം.

കുട്ടിയുടെ ജന്മസിദ്ധമായ കഴിവുകളെ പ്രോത്സാഹിപ്പിക്കുകയും പരിപോഷിപ്പിക്കുകയും ചെയ്യേണ്ടത് കുടുംബമാണ്.

കുട്ടിയുടെ മാനസികാരോഗ്യം കുടുംബാംഗങ്ങളുടെ മാനസികാരോഗ്യത്തെ ആശ്രയിച്ചാണിരിക്കുന്നത്. കുടുംബാംഗങ്ങള്‍ തമ്മിലുള്ള സ്നേഹവും വിശ്വാസവും സഹകരണവും മാനസികാരോഗ്യം മെച്ചപ്പെടുത്തും.

കുട്ടിയുടെ ആദ്യത്തെ പരിശീലന കളരിയാണ് കുടുംബം. കുട്ടിക്ക് തന്‍റെ വികാരങ്ങളും വിചാരങ്ങളും പ്രകടിപ്പിക്കുന്നതിനും അവയിലെ നേട്ടങ്ങളും കോട്ടങ്ങളും വിലയിരുത്തുന്നതിനും കുടുംബം വേദിയൊരുക്കുന്നു.

സാഹചര്യങ്ങളുടെ സമ്മര്‍ദ്ദങ്ങളില്‍ അടിപതറാതെ, അവസരങ്ങള്‍ പരിപൂര്‍ണ്ണമായി പ്രയോജനപ്പെടുത്താനുള്ള ബാലപാഠം കുട്ടിക്ക് കുടുംബത്തില്‍ നിന്നും കിട്ടണം.

സാമ്പത്തിക ഭദ്രത കുടുംബത്തിന് ആവശ്യം വേണ്ട ഒരു ഘടകമാണ്. ഇതിന്‍റെ പോരായ്മ കുട്ടിയുടെ പരിപാലനത്തെ ബാധിക്കും. അതിനാല്‍ ഉള്ള വരുമാനം കൊണ്ട് കടക്കെണിയില്‍ പെടാതെ ജീവിക്കാന്‍ മാതാപിതാക്കള്‍ പഠിക്കണം.

പാഴ്ചിലവുകള്‍ നിയന്ത്രിച്ച്, പരിമിതികള്‍ അറിഞ്ഞ് മാതാപിതാക്കള്‍ പരസ്പര ധാരണയോടെ ജീവിക്കാന്‍ ശ്രമിക്കണം.

വീട്ടിലെ പരിമിതി മറച്ചുവച്ച് കടംവാങ്ങിപ്പോലും കുട്ടികളുടെ ആവശ്യങ്ങള്‍ തൃപ്തിപ്പെടുത്തുന്ന ജീവിതരീതി അഭിലക്ഷണീയമല്ല.

മാതാപിതാക്കളുടെ വരവും അവസ്ഥയും അറിഞ്ഞ് കുട്ടിക്ക് വളരാനുള്ള സാഹചര്യം സൃഷ്ടിക്കണം.

കുട്ടികളെ മറ്റുള്ളവരുമായി ഇടപഴകാനുള്ള അവസരം സൃഷ്ടിക്കണം. അങ്ങനെ കിട്ടുന്ന അനുഭവവും അറിവും, കളികൂട്ടുകാരോടൊപ്പമുള്ള, വ്യായാമവും ഉല്ലാസവും, കുട്ടികളുടെ ശാരീരിക ബൗദ്ധിക വികാസത്തിന് വഴിയൊരുക്കും.

മാതാപിതാക്കളില്‍ നിന്നും കുട്ടികള്‍ക്ക് ലഭിക്കുന്ന ശരിയായ സംരക്ഷണവും, ശുശ്രൂഷയും സ്നേഹവും സഹകരണവും കുട്ടികളുടെ വളര്‍ച്ചയെ സഹായിക്കുന്ന പ്രധാന ഘടകങ്ങളാണ്.

ശിശുപരിപാലനം ഒരു വശത്തേക്കു മാത്രം നടക്കുന്ന പ്രക്രിയ അല്ല. പല ഘടകങ്ങള്‍ അങ്ങോട്ടും ഇങ്ങോട്ടും സ്വാധീനിക്കുന്ന ഒരു പ്രക്രിയ ആണ്.

കുട്ടികളോട് സംസാരിക്കുമ്പോള്‍

Wed, 30 May 2007 13:47:09 +0530

കുട്ടികള്‍ അടുത്തുള്ളപ്പോള്‍ മുതിര്‍ന്നവര്‍ക്ക് ഏറെ കാര്യങ്ങള്‍ ശ്രദ്ധിക്കേണ്ടതുണ്ട്. അവരുടെ മുന്‍പില്‍ വാക്കുകള്‍ പ്രയോഗിക്കുമ്പോള്‍ വളരെ കണ്ടും ശ്രദ്ധിച്ചും വേണം ചെയ്യാന്‍.

കുട്ടികളുടെ മുന്‍പില്‍ വേണ്ടാത്ത വാക്കുകള്‍, ദ്വയാര്‍ത്ഥ പ്രയോഗങ്ങള്‍, കള്ളങ്ങള്‍ തുടങ്ങിയവ കഴിവതും ഒഴിവാക്കാന്‍ നോക്കുക.ബുദ്ധിവളര്‍ച്ചയുടെ ഘട്ടത്തില്‍ കുട്ടികള്‍ ചുറ്റുമുള്ള കാര്യങ്ങള്‍ വളരെ വേഗത്തില്‍ ഉള്‍ക്കൊള്ളും.മനസ്സിലാക്കിയും അര്‍ത്ഥം മനസ്സിലാക്കാതെയും അവര്‍ വാക്കുകള്‍ പ്രയോഗിക്കും.ഇങ്ങനെയുള്ള സാഹചര്യങ്ങള്‍ വീട്ടില്‍ മാത്രമല്ല ഉണ്ടാകുന്നത്.സ്കൂളില്‍ നിന്നും കൂട്ടുകാരില്‍ നിന്നുമൊക്കെ കുട്ടികള്‍ പല അനാവശ്യ കാര്യങ്ങളും പഠിച്ചെടുത്തേക്കാം.

കുട്ടികളുടെ ചില പദപ്രയോഗങ്ങള്‍ രക്ഷിതാക്കളെ അക്ഷരാര്‍ത്ഥത്തില്‍ തന്നെ ഞെട്ടിക്കാറുണ്ട്. മാതാപിതാക്കളുടെ അമ്പരപ്പ് ബുദ്ധികൂര്‍മ്മതയുള്ള കുട്ടികള്‍ ആയുധമാക്കുന്നു.പിന്നെ തുടരെത്തുടരെ ആ വാക്കുകള്‍ തന്നെ അവര്‍ പ്രയോഗിക്കുന്നു.
വിരുന്നുകാരുടെ മുന്‍പില്‍ കുട്ടികളുടെ ഇത്തരത്തിലുള്ള പദപ്രയോഗം രക്ഷിതാക്കള്‍ക്ക് പലപ്പോഴും അപമാനമുണ്ടാക്കുന്നു.അതോടെ കുട്ടികളുടെ മേല്‍ ശിക്ഷാനടപടികള്‍ ആരംഭിക്കുകയായി.

തീര്‍ച്ചയായും കുട്ടികള്‍ സ്വയം കണ്ടെത്തുന്നതല്ല ഇത്തരം വാക്കുകള്‍.സ്വന്തം വീട്ടില്‍ നിന്നും, കൂട്ടുകാരില്‍ നിന്നും, സ്കൂളില്‍ നിന്നുമൊക്കെ ഇത്തരം വാക്കുകള്‍ കുട്ടിക്ക് ലഭിക്കുന്നു. ഈ വാക്കുകള്‍ എവിടെ നിന്ന് കുട്ടി പഠിച്ചെടുക്കുന്നു എന്ന് മനസ്സിലാക്കി അത്തരം സാഹചര്യങ്ങള്‍ കഴിയുന്നത്ര ഒഴിവാക്കുക.

അരുതാത്ത വാക്കുകള്‍ വിളിച്ചു പറയുമ്പോള്‍ , കള്ളം പറയുമ്പോള്‍ അതിന്‍റെ ഭവിഷ്യത്തും അര്‍ത്ഥവും കുഞ്ഞിനെ പറഞ്ഞു മനസ്സിലാക്കാന്‍ ശ്രമിക്കണം.അവയെ മഹാ അപരാധമായിക്കണ്ട് ശിക്ഷാനടപടികള്‍ക്ക് മുതിരുന്നത് മഠയത്തമാണ്.

കുഞ്ഞ് കരയുന്നതെന്തിന്?

Wed, 30 May 2007 13:44:40 +0530

കുഞ്ഞു കരഞ്ഞാല്‍ പിടയുന്നത് മാതാപിതാക്കളുടെ മനസ്സാണ്. കുഞ്ഞ് കരയുന്നതിന് കാരണം പലപ്പോഴും ദേഹാസ്വസ്ഥതയായിരിക്കാം. കുഞ്ഞുങ്ങള്‍ക്ക് അസുഖമുണ്ടോയെന്ന് കണ്ടെത്താന്‍ ചില വഴികളുണ്ട്. പക്ഷെ കുഞ്ഞിന് ചെറിയ അസുഖം തോന്നുമ്പോള്‍തന്നെ ഡോക്ടറെ കാണിക്കുകയാണ് ഉത്തമം.

വയറുവേദന

1) കുഞ്ഞിനെ തോളില്‍ ചേര്‍ത്ത് കിടത്തുമ്പോഴോ കമഴ്ത്തി കിടത്തുമ്പോഴോ കരച്ചില്‍ കുറയുകയാണെങ്കില്‍ കുഞ്ഞിന് വയറു വേദനയാകാം.

2) കുഞ്ഞുങ്ങള്‍ പാല്‍ കുടിക്കുമ്പോള്‍ വായു അതോടൊപ്പം ഉള്ളില്‍പ്പോകും. ഈ വായു കുഞ്ഞിന് വയറുവേദന ഉണ്ടാക്കും. ഇത് ഒഴിവാക്കുവാന്‍ അമ്മമാര്‍ ഇരുന്നു വേണം കുഞ്ഞുങ്ങളെ മുലയൂട്ടുവാന്‍. എന്നിട്ട് കുഞ്ഞിന് തോളില്‍ കിടത്തി പുറത്തു തട്ടണം. ഏമ്പക്കം പോയാല്‍ കുഞ്ഞിന് വയറിന് ആശ്വാസം ലഭിയ്ക്കും. അതൊടൊപ്പം കുട്ടി പാല്‍ ഛര്‍ദ്ദിക്കാതെയും ഇരിക്കും.
ജന്നി

കരഞ്ഞു കരഞ്ഞു തളര്‍ന്ന് ഉറങ്ങുക, വിയര്‍ക്കുക, കണ്ണിന്‍റെ കൃഷ്ണമണി കുറേനേരം ഒരേപോലെ നില്‍ക്കുക, കൃഷ്ണമണിയുടെ ചലനങ്ങള്‍ വല്ലാതെ ആകുക, മുഖം ചുമക്കുക എന്നിവ ജന്നിയുടെ(ഫിറ്റ്സ്) ലക്ഷണമാണ്.

മൂത്രതടസ്സം

1) ആണ്‍കുട്ടികള്‍ ആയാസപ്പെട്ട് മൂത്രമൊഴിക്കുന്നുണ്ടെങ്കില്‍ അത് മൂത്രടസ്സം മൂലമായിരിക്കും. മൂത്രം തുള്ളി തുള്ളിയായി ഒഴിയ്ക്കുന്നതും കാലില്‍ കൂടി ഒഴുകുന്ന രീതിയില്‍ ഒഴിക്കുന്നതും ഇതിന്‍റെ ലക്ഷണങ്ങളാണ്.

2) പെണ്‍കുഞ്ഞുങ്ങളില്‍ ലക്ഷണങ്ങള്‍ അത്ര വ്യക്തമല്ല. എന്നാല്‍ അല്പാല്പമായി മൂത്രമൊഴിക്കുകയാണെങ്കില്‍ മൂത്രതടസ്സമാകാം കാരണം.

3) മൂത്രതടസ്സം ചിലപ്പോള്‍ ആന്തരികാവയവങ്ങളുടെ തകരാറു മൂലമാകും . അതുകൊണ്ട് കുഞ്ഞുങ്ങള്‍ക്ക് മൂത്രതടസ്സമുണ്ടെങ്കില്‍ നിസാരമായി കാണരുത്.

മൂക്കടപ്പ്

മൂക്കടപ്പ് കാരണം കുഞ്ഞുങ്ങള്‍ക്ക് ഉറങ്ങാന്‍ കഴിയാതെ വരും. എന്നാല്‍ ഡോക്ടറിനെ സമീപിയ്ക്കാതെ കുഞ്ഞിന്‍റെ മുക്കില്‍ തുള്ളി മരുന്നുകള്‍ ഒഴിയ്ക്കുന്നത് അപകടമാണ്.

പകരം ഉപ്പിട്ട വെള്ളം തിളപ്പിച്ച് ആറ്റി അത് ഒന്നോ രണ്ടോ തുള്ളി കുഞ്ഞിന്‍റെ മൂക്കില്‍ ഒഴിയ്ക്കുക. അല്ലെങ്കില്‍ ഈ വെള്ളം പഞ്ഞിയില്‍ മുക്കി മൂക്ക് വൃത്തിയാക്കുക. കുഞ്ഞിന് ആശ്വാസം ലഭിയ്ക്കും.

ചെവിവേദന

ചെറിയ മൂക്കൊലിപ്പും തുടര്‍ന്ന് രാത്രി കാതില്‍ പിടിച്ച് കരച്ചിലും ഉണ്ടെങ്കില്‍ കുഞ്ഞിനെ ചെവിവേദന അലട്ടുന്നുണ്ടാവാം.

ചെവിവേദന തുടക്കത്തില്‍ തന്നെ ഡോക്ടറെ കാണിക്കണം. അല്ലെങ്കില്‍ ചെവിയില്‍നിന്ന് പഴുപ്പ് ഒഴുകുവാന്‍ ഇടയുണ്ട്. ചെവിവേദനയുടെ മരുന്ന് കുഞ്ഞുങ്ങള്‍ക്ക് നല്‍കിത്തുടങ്ങിയാല്‍ വേദന തീര്‍ന്നാലും മരുന്ന് നിര്‍ത്തരുത്. ആ കോഴ്സ് തീരുന്നതുവരെ തുടരണം.
മലബന്ധം

1) മുലപ്പാല്‍ മാത്രം കുടിക്കുന്ന കുഞ്ഞുങ്ങള്‍ക്ക് മലബന്ധം ഉണ്ടാകാറില്ല. വയറ്റില്‍ നിന്നും പോകുന്നില്ലെങ്കില്‍ കുഞ്ഞിന് കൂടുതല്‍ മുലപ്പാല്‍ നല്‍കാന്‍ അമ്മമാര്‍ ശ്രദ്ധിയ്ക്കണം. വെള്ളവും ധാരാളം കൊടുക്കണം..

2) ഉണക്കമുന്തിരിങ്ങ വെള്ളത്തിലിട്ട് അതിന്‍റെ സത്ത് കുഞ്ഞുങ്ങള്‍ക്ക് മലബന്ധം മാറ്റാന്‍ നല്‍കാറുണ്ട്. പക്ഷെ മുന്തിരിങ്ങാ നല്‍കുമ്പോള്‍ നല്ലതുപോലെ കഴുകി വൃത്തിയാക്കിയതിനു ശേഷം മാത്രമേ സത്തെടുത്തു നല്‍കാവു..

വയറിളക്കം

കൊച്ചു കുഞ്ഞുങ്ങള്‍ക്ക് വയറിളക്കം സ്വാഭാവികമാണ് എന്നാല്‍ വയറിളക്കവും ഛര്‍ദ്ദിയും ഒരുമിച്ച് ഉണ്ടെങ്കിലും മലബന്ധത്തോടൊപ്പം ചളിയും ചോരയും ഉണ്ടെങ്കിലും ഉടനെ കുഞ്ഞിനെ ഡോക്ടറെ കാണിക്കണം

1) വയറിളക്കമുണ്ടായാല്‍ ശരീരത്തിലെ വെള്ളം നഷ്ടപ്പെടും. അതുകൊണ്ട് കുഞ്ഞിന് ധാരാളം വെള്ളം കൊടുക്കണം. പക്ഷെ ഇത് രോഗപരിഹാരമല്ല.

2) കുഞ്ഞിന്‍റെ വയറ്റില്‍ നിന്നു പോയാല്‍ തുടര്‍ച്ചയായി തുണികൊണ്ട് തുടച്ചെടുക്കരുത്. കുഞ്ഞുങ്ങളുടെ മാര്‍ദ്ദവമുള്ള തൊലിയില്‍ വീണ്ടു വീണ്ടും തുടയ്ക്കുന്നത് നീറ്റലുണ്ടാക്കും. അതൊഴിവാക്കാന്‍ വയറ്റില്‍ നിന്നും പോയാല്‍ തുണികൊണ്ട് ഒപ്പിയെടുക്കുന്നതാണ് നല്ലത്.
പനി

1) കാലാവസ്ഥ മാറുന്നതോടൊപ്പം വൈറല്‍ പനി കുഞ്ഞുങ്ങള്‍ക്ക് പിടിപെടാറുണ്ട്. വീട്ടില്‍ പനിയുള്ളവരുമായുള്ള സമ്പര്‍ക്കം പുലര്‍ത്താതെ കുഞ്ഞുങ്ങളെ ശ്രദ്ധിച്ചാല്‍ പനി പടരുന്നത് ഒഴിവാക്കാം.

2) പനിയും ശക്തമായ തലവേദനയും ഛര്‍ദ്ദിയും മെനിഞ്ചൈറ്റിസിന്‍റെ ലക്ഷണങ്ങളാണ്. പനിയുള്ളപ്പോള്‍ കുഞ്ഞിന്‍റെ മുഖം വല്ലാതെ ചുമന്നാല്‍ തലവേദനയുടെ ലക്ഷണമാണ്

3) അഞ്ചാം പനിയാണെങ്കില്‍ ദേഹത്തു ചുമന്ന കുരുക്കള്‍ പ്രത്യക്ഷപ്പെടും. ചിക്കന്‍പോക്സ് പിടിപെട്ടാലും ദേഹത്തു കുമിളകള്‍ ഉണ്ടാകും.

4) പനിയൊടൊപ്പം കുഞ്ഞുങ്ങള്‍ക്ക് ഹൃദയമിടിപ്പ് കൂടിയാല്‍ ശ്വാസമെടുക്കുമ്പോള്‍ കുഞ്ഞിന് നെഞ്ചു വേദന അനുഭവപ്പെടാം.

ചുമ

കൊച്ചു കുഞ്ഞുങ്ങള്‍ക്ക് ചുമയും ചെറിയ ശ്വാസം മുട്ടലും സ്വാഭാവികമാണ്. അത് ആസ്തമ ആണെന്ന ഭീതി വേണ്ട. പക്ഷെ ഒരു വയസ്സിനുശേഷം ആസ്തമ ഉണ്ടാകാനുള്ള സാധ്യതയുണ്ട്.

കുട്ടികളെ വര്‍ണത്തുമ്പികളാക്കാന്‍

Wed, 23 May 2007 18:15:32 +0530

വെല്‍വെറ്റ് ഉടുപ്പ്

അളവുകള്‍

ഷോള്‍ഡര്‍ - 14 ഇഞ്ച്
ചെസ്റ്റ് - 32 ഇഞ്ച് (32+8)
വെയ്സ്റ്റ് - 30 ഇഞ്ച് (30 +8)
ഇറക്കം - 47 ഇഞ്ച്
കൈ നീളം - 8 ഇഞ്ച്
കൈ വണ്ണം - 8 ഇഞ്ച്
കഴുത്തിന്‍റെ ഇറക്കം - നാലര ഇഞ്ച്
കൈക്കുഴി - 8 ഇഞ്ച്

തയ്ക്കുന്ന വിധം

തുണി മടക്കിയിട് 15 ഇഞ്ച് വീതിയിലും 48 ഇഞ്ച് നീളത്തിലും രണ്ടു പീസെടുക്കുക. കഴുത്തിന്‍റെ അകലം നാലിഞ്ചും കഴുത്തിന്‍റെ ഇറക്കം നാലര ഇഞ്ചും തോള്‍ മൂന്ന് ഇഞ്ചും കൈക്കുഴി എട്ടിഞ്ചും മാര്‍ക്ക് ചെയ്ത് വെട്ടുക. 11 ഇഞ്ചില്‍ നിന്നും 18 ഇഞ്ച് വരെ രണ്ടു റ്റക്ക് അര ഇഞ്ച് വീതിയില്‍ മുന്‍വശത്തും പുറകു വശത്തും ഇടുക.

ജാക്കറ്റ് : 12 ഇഞ്ച് നീളത്തിലും 10 ഇഞ്ച് വീതിയിലും രണ്ടു പീസ് എടുക്കുക. മൂന്നര ഇഞ്ച് കഴുത്തിന്‍റെ അകലവും മൂന്നര ഇഞ്ച് തോളും എട്ടിഞ്ച് കൈക്കുഴിയും മാര്‍ക്ക് ചെയ്ത് മുന്‍വശം റൗണ്ട് ഷേപ്പ് ചെയ്തു വെട്ടുക. എട്ടിഞ്ച് നീളത്തിലും ഒന്‍പതിഞ്ച് വീതിയിലും തുണി മടക്കി മൂന്നിഞ്ച് കൈക്കുഴി അകലം എടുത്തിട്ട് ആറിഞ്ച് കൈവണ്ണം മാര്‍ക്ക് ചെയ്ത് സ്ളീവ് വെട്ടുക. സ്ളീവിന്‍റെ താഴെ ലേസ് പിടിപ്പിക്കുക.

കോട്ടും പാന്‍റ്സും ആണ്‍കുട്ടികള്‍ക്ക്

കോട്ട്-അളവുകള്‍

നീളം 13 ഇഞ്ച്, വണ്ണം 24 ഇഞ്ച്

തയ്ക്കുന്ന വിധം

മടക്കിയിട്ട് തുണി 14 ഇഞ്ച് നീളത്തിലും ആറിഞ്ച് വണ്ണത്തിലും എടുക്കുക. മുന്‍വശത്തെ പീസില്‍ ഏഴിഞ്ച് കഴുത്തിന്‍റെ താഴ്ചയും രണ്ടിഞ്ചു കഴുത്തും അടയാളപ്പെടുത്തുക. രണ്ടിഞ്ചു തോളും തോളില്‍ നിന്നു താഴോട്ട് 6.5 ഇഞ്ച് കൈക്കുഴിയും അടയാളപ്പെടുത്തുക. ഫ്രണ്ട് പീസ് ഒരിഞ്ച് ബാക്ക് പീസിനെക്കാളും കൂട്ടിയിടണം. ഓവര്‍ലോപ്പ് ചെയ്യാന്‍ 1.5 ഇഞ്ച് വണ്ണം കൂടിയിടണം. മുന്‍വശവും പിന്‍വശവും ലൈനിങ് അടിച്ചു മിച്ചെടുക്കണം. ഫ്രണ്ട് പീസില്‍ രണ്ടു വശത്തു കോട്ട് ഓവര്‍ലോപ്പി ചെയ്ത് ബട്ടണ്‍ പിടിപ്പിക്കണം.

പാന്‍റ്സ്-അളവുകള്‍

വെയ്സ്റ്റ് 21 നീലം - 19 ഇന്‍സൈഡ് - 14 ബോട്ടം ലൂസ് - 12

തയ്ക്കുന്ന വിധം

മടക്കിയിട്ട തുണി 21 ഇഞ്ച് നീളത്തിലും 7 ഇഞ്ച് വണ്ണത്തിലും ഫ്രണ്ട് പീസ്. അതിനെക്കാള്‍ രണ്ടിഞ്ചു നീളത്തിലും 11/2 ഇഞ്ച് വീതിയിലും കൂടുതലായി ബാക്ക് പീസ് എടുക്കുക. ഫ്രണ്ട് പീസില്‍ രണ്ടു ഫ്ളീറ്റ് അടിക്കുക. ഫ്രണ്ടില്‍ ബട്ടണ്‍ ഫ്ളൈ കൊടുത്തശേഷം ബാക്കും ഫ്രണ്ടും ഓരോ പീസ് ഇന്‍സൈഡ് ബോട്ടം ലൂസ് 12 ഇഞ്ചിട്ടു യോജിപ്പിയ്ക്കുക. രണ്ടു പീസിന്‍റെയും സീറ്റ് യോജിപ്പിച്ചതിനു ശേഷം ബാക്കില്‍ ഇലാസ്റ്റിക്കിട്ട് ചുരുക്കിടുക.

ഫ്രോക്ക്-അളവുകള്‍

ഇറക്കം - 36 ഇഞ്ച്
നെഞ്ചുവണ്ണം - 28 ഇഞ്ച്
ഷോള്‍ഡര്‍ - 12.5 ഇഞ്ച്
കൈനീളം - 6 ഇഞ്ച്
കൈവണ്ണം - 8 ഇഞ്ച്
യോക്ക് ഇറക്കം - 16 ഇഞ്ച്

തയ്ക്കുന്ന വിധം

10 ഇഞ്ച് വീതിയിലും 16 ഇഞ്ച് വീതിയിലും തുണി രണ്ടായി മടക്കി ഷോള്‍ഡര്‍ അടയാളപ്പെടുത്തി കൈക്കുഴി ഏഴിഞ്ച് കുഴിച്ചു വെട്ടുക. മുന്‍ കഴുത്ത് വട്ടത്തിലും പിന്‍ കഴുത് വി ഷേപ്പിലും വെട്ടുക. മുന്നിലും പിറകിലും വി ഷേപ്പ് വരത്തക്കവിധത്തില്‍ നാലിഞ്ച് വീതിയില്‍ കോളര്‍ വെട്ടുക. തുണി ക്രോസായെടുത്തു രണ്ടായി മടക്കി കൈ വെട്ടിയെടുക്കുക.

22 ഇഞ്ച് നീളവും 40 ഇഞ്ച് വീതിയുമുള്ള രണ്ട് പീസ് യോജിപ്പിച്ചു സ്കര്‍ട്ട് തയാറാക്കി യോക്കുമായി ചേര്‍ക്കുക. രണ്ടു വശത്തും കെട്ടുകള്‍ വയ്ക്കുക.