അക്കാരണത്താലാണ് യോഗ പോലുള്ള ചില കാര്യങ്ങള്‍ക്ക് കയ്യടിച്ചുള്ള ചികിത്സാരീതികള്‍ ആവിഷ്കരിക്കുന്നത്. കൈയ്യടിക്കുന്നത് ആരോഗ്യത്തിന് വളരെ ഗുണം ചെയ്യും. കയ്യടിക്കുന്നത് ആസ്ത്മ പോലുള്ള പ്രശ്‌നങ്ങള്‍ക്കും ഹൃദയത്തിന്റെ ആരോഗ്യത്തിനും ഏറെ ഗുണപ്രധമാണ്. 

നമ്മുടെ കയ്യിലുള്ള പല നാഡികളും ഹൃദയവും ലംഗ്‌സുമായും ബന്ധപ്പെട്ടിരിക്കുന്നു. ഇവയില്‍ മര്‍ദ്ദമേല്‍ക്കുന്നത് അവയവങ്ങളുടെ പ്രവര്‍ത്തനം മെച്ചപ്പെടുത്താന്‍ സഹായകവുമാണ്. കൂടാതെ ശരീരത്തിലെ രക്തപ്രവാഹം നന്നായി നടക്കാനും ഇതുമൂലം സാധിക്കും.

രക്തധമനികളില്‍ അടിഞ്ഞുകൂടിയ കൊഴുപ്പ് കൊളസ്‌ട്രോള്‍ എന്നിങ്ങനെയുള്ള എല്ലാ തടസങ്ങളും നീക്കാനും ഇതുമൂലം സാധിക്കും. അതുപോലെ ദിവസത്തില്‍ 1500 തവണ കൈ കൊട്ടുന്നത് ശരീരം ഫിറ്റാകുന്നതിനും നല്ലതാണെന്ന് പഠനങ്ങള്‍ ‌വ്യക്തമാക്കുന്നു. ഭക്ഷണശേഷം ഒരു മണിക്കൂര്‍ കൈ കൊട്ടുന്നത് മൂലം ശരീരത്തിന്‌ ചൂട് ലഭിക്കുകയും ദഹനം മെച്ചപ്പെടുകയും ചെയ്യും.

കുട്ടികളിലെ ഏകാഗ്രത വര്‍ദ്ധിപ്പിക്കാനും കയ്യക്ഷരം വൃത്തിയാകുന്നതിനും ബുദ്ധിവികാസത്തിനും ഈ പ്രവൃത്തി നല്ലതാണ്. അതുപോലെ ബിപി കുറയ്‌ക്കാനുള്ള നല്ലൊരു വഴികൂടിയാണ് ഇത്. ഡിപ്രഷന്‍, പ്രമേഹം, തലവേദന, നടുവേദന, പുറംവേദന, വാതസംബന്ധമായ വേദനകള്‍ എന്നിവയെ പ്രതിരോധിക്കാനുള്ള വഴികൂടിയാണിത്. കൈ കൊട്ടുന്ന വേളയില്‍ കടുകെണ്ണയോ വെളിച്ചെണ്ണയോ പുരട്ടി കൈ കൊട്ടുന്നതാണ് ഏറെ ഗുണകരം‌.

വിരലുകള്‍ ഉപയോഗിച്ച് ചര്‍മ്മത്തിലെ ചില നിശ്ചിത സ്ഥാനങ്ങളില്‍ അമര്‍ത്തുമ്പോള്‍ മാംസപേശികള്‍ അയയുകയും രക്തചംക്രമണം കൂടുകയും ചെയ്യുന്നു. ഈ മാര്‍ഗ്ഗത്തിലൂടെ അസുഖങ്ങള്‍ ഭേദമാക്കാനും കഴിയും.

അക്യുപഞ്ചറും അക്യുപ്രഷറും ചര്‍മ്മത്തിലെ ഒരേ സ്ഥാനങ്ങളില്‍ തന്നെയാണ് സമ്മര്‍ദ്ദം ഏല്‍പ്പിക്കുന്നത്. എന്നാല്‍, അക്യുപഞ്ചറില്‍ സൂചി ഉപയോഗിക്കുമ്പോള്‍ അക്യുപ്രഷറില്‍ കൈവിരലുകള്‍ ഉപയോഗിക്കുന്നു എന്ന വ്യത്യാസമാണുള്ളത്. മന:സംഘര്‍ഷം മൂലമുണ്ടാകുന്ന അസുഖങ്ങള്‍ പരിഹരിക്കുന്നതിന് മനുഷ്യന്‍റെ കൈകള്‍ക്ക് അപാരമായ കഴിവുണ്ടെന്ന് അക്യുപ്രഷറിലൂടെ വ്യക്തമാകുന്നു. 

ഒരു തരത്തിലുള്ള പാര്‍ശ്വഫലങ്ങളും ഇല്ലെന്നുള്ളതാണ് അക്യുപ്രഷറിന്‍റെ പ്രത്യേകത. മരുന്നുകള്‍ ഇല്ലാത്ത ചികിത്സാ സമ്പ്രദായമാണ് അക്യുപ്രഷര്‍. കണ്ണുകള്‍ക്കുണ്ടാകുന്ന വേദന, സൈനസ്, കഴുത്ത് വേദന, നടുവേദന, വാതം, മാംസ പേശികളുടെ വേദന, മനസംഘര്‍ഷം എന്നിവയ്ക്ക് ഉത്തമ ചികിത്സയാണ് അക്യുപ്രഷറിലുള്ളത്. 

അള്‍സര്‍ മൂലമുണ്ടാകുന്ന വേദന, സ്തീകള്‍ക്ക് മാസമുറ സമയത്തുണ്ടാകുന്ന വേദന, മലബന്ധം, ദഹനക്കേട് എന്നിവയ്ക്ക് അക്യുപ്രഷറിലൂടെ പരിഹാരം കാണാനാകും. മനസിന്‍റെ ആശങ്ക അകറ്റാനും നന്നായി ഉറക്കം ലഭിക്കാനും ഈ ചികിത്സാ സമ്പ്രദായം വഴി കഴിയും.

ശരീരത്തിന്‍റെ താളവും ആരോഗ്യവും കാത്ത് സൂക്ഷിക്കാനും അക്യുപ്രഷര്‍ വഴി കഴിയുന്നതാണ്. സംഘര്‍ഷം കുറയ്ക്കാന്‍ സഹായിക്കുക വഴി രോഗത്തെ പ്രതിരോധിക്കാനും ഇതിലൂടെ കഴിയും.

തികച്ചും സമഗ്രവും സമ്പൂര്‍ണ്ണവുമായ സിദ്ധവൈദ്യം ശൈവവിജ്ഞാനമാണെന്ന ഐതീഹ്യവും പ്രചാരത്തിലുണ്ട്. അഗസ്ത്യരും അദ്ദേഹത്തിന്റെ 18 ശിഷ്യന്മാരും പ്രാചീന തമിഴ് ഭാഷയില്‍ രചിച്ച നൂറുകണക്കിന് ഗ്രന്ഥങ്ങളിലാണ് സിദ്ധവൈദ്യ വിജ്ഞാനം പരന്നുകിടക്കുന്നത്. ആദിനൂല്‍, നാരമാമിസനൂല്‍ 4000, ഗുണവാടകം, അഗസ്ത്യര്‍ 12000, പഞ്ചവിദപതിവടങ്കല്‍ 1000, അഗസ്ത്യര്‍ പരിപൂര്‍ണ്ണം, മര്‍മ്മസൂത്തിരം, അമൃതകലൈജ്ഞാനം, അഗസ്ത്യ വൈദ്യ രത്നചുരുക്കം തുടങ്ങിയവ സിദ്ദവൈദ്യശാഖയുടെ പ്രാമാണിക ഗ്രന്ഥങ്ങളില്‍ ചിലതുമാത്രമാണ്.

ശരീരവും മനസും ആത്മാവും ചേര്‍ന്ന് സമഗ്ര രൂപമാര്‍ജ്ജിക്കുന്ന മനുഷ്യനെന്ന സവിശേഷ സൃഷ്ടിയെ ബാധിക്കുന്ന രോഗങ്ങളും രോഗാവസ്ഥകളും ആരോഗ്യപ്രശ്നങ്ങളും ദശനാഡികളുടെ സ്പന്ദനവേഗം അപഗ്രഥിച്ച് നിര്‍ണ്ണയിച്ച്, പ്രകൃതി മൂലികകളില്‍ നിന്ന് ആചാര്യ വിധിപ്രകാരം തയ്യാറാക്കുന്ന ദിവ്യൗഷധങ്ങള്‍ ഉപയോഗിച്ച് ഹ്രസ്വകാലം കൊണ്ട് ചികിത്സിച്ച് സുഖപ്പെടുത്തുന്ന ചികിത്സാ പദ്ധതിയാണ് സിദ്ധവൈദ്യമെന്ന ലളിതമായ നിര്‍വചനം പ്രചാരത്തിലുണ്ട്.

പൂര്‍ണ്ണവികാസം പ്രാപിച്ച ഔഷധ നിര്‍മ്മാണ ശാഖയും സമഗ്രസ്വഭാവമുള്ള മര്‍മ്മശാസ്ത്രശാഖയും സിദ്ധവൈദ്യത്തിന്റെ പ്രധാന സവിശേഷതകളാണ്. പച്ചമരുന്നുകള്‍, അങ്ങാടിമരുന്നുകള്‍, പ്രകൃതിമൂലികകള്‍ തുടങ്ങിയവയില്‍ നിന്നും സ്വര്‍ണ്ണം, വെള്ളി, മെര്‍ക്കുറി, സള്‍ഫര്‍, ചെമ്പ്, ഇരുമ്പ്, വിവിധയിനം ഉപ്പുകള്‍, പാഷാണങ്ങള്‍ എന്നിവയില്‍ നിന്നും തയാറാക്കുന്ന ഔഷധങ്ങളാണ് പ്രധാനമായും സിദ്ധവൈദ്യചികിത്സകള്‍ക്കായി ഉപയോഗപ്പെടുത്തുന്നത്. 

മറ്റ് സസ്യ ഉല്‍പ്പന്നങ്ങളില്‍ നിന്നും വ്യത്യസ്തമാണ് അവശ്യ എണ്ണകള്‍. അവശ്യ എണ്ണകള്‍ ഉപയോഗിക്കുന്നതും ചിലപ്പോഴെങ്കിലും മറ്റ് വൈദ്യശാഖകളുമായി സംയോജിപ്പിച്ചും ഈശ്വര വിശ്വാസത്തില്‍ അധിഷ്ഠിതമായതും ആയ ചികിത്സാ പദ്ധതികൂടിയാണ് ആരോമതെറാപ്പി .

1920കളിലാണ് ആരോമതെറാപ്പി എന്ന വാക്ക് പ്രചാരത്തില്‍ വരുന്നത്. ഫ്രഞ്ച് രസതന്ത്രജ്ഞനായ റെനെ മോറിസ് ഗറ്റഫോസ് ആണ് ആദ്യമായി ഈ പേര് ഉപയോഗിക്കുന്നത്. സസ്യങ്ങളില്‍ നിന്ന് ലഭിക്കുന്ന അവശ്യ എണ്ണകള്‍ക്ക് അസുഖം ഭേദമാക്കാനുള്ള കഴിവിനെ കുറിച്ച് ഗവേഷണം നടത്തുന്നതിനായി ജിവിതം നീക്കിവയ്ക്കുകയായിരുന്നു റെനെ.

തന്റെ പരീക്ഷണശാലയില്‍ ഉണ്ടായ ഒരു അപകടമാണ് സസ്യങ്ങളില്‍ നിന്ന് ലഭിക്കുന്ന അവശ്യ എണ്ണകളുടെ രോഗനിവാരണ ശേഷിയെ കുറിച്ച് പഠിക്കുന്നതിന് അദ്ദേഹത്തെ പ്രേരിപ്പിച്ചത്. പരീക്ഷണ ശാലയില്‍ ഉണ്ടായ അപകടത്തില്‍ റെനെയുടെ കൈയ്ക്ക് പൊള്ളലേറ്റിരുന്നു. പൊള്ളല്‍ മൂലമുളള വേദനയില്‍ നിന്ന് രക്ഷ നേടാനായി സമീപമുണ്ടായിരുന്ന തണുത്ത വെള്ളത്തില്‍ അദ്ദേഹം കൈ മുക്കി. ഇത് സസ്യങ്ങളില്‍ നിന്ന് ഉല്പാദിപ്പിച്ച ലാവന്‍ഡര്‍ എണ്ണയായിരുന്നു. 

അപ്പോള്‍ തന്നെ പൊള്ളലേറ്റ ഭാഗത്തുണ്ടായ ആശ്വാസം അദ്ദേഹം ശ്രദ്ധിക്കുകയായിരുന്നു. പൊള്ളല്‍ വളരെ വേഗം തന്നെ സുഖപ്പെടുകയും ചെയ്തു. പിന്നീട് ജീന്‍ വാല്‍നറ്റ്, റെനെയുടെ ഗവേഷണം മുന്നോട്ട് കൊണ്ടു പോയി. രണ്ടാം ലോക മഹായുദ്ധത്തില്‍ പരിക്കേറ്റ ഭടന്‍‌മാരെ വാല്‍നറ്റ് ആരോമതെറാപ്പിയിലൂടെ ചികിത്സിക്കുകയുണ്ടായി.യുദ്ധകാലത്ത് പരീക്ഷിച്ച് വിജയിച്ചതോടെ വന്‍ പ്രചാരമാണ് ആരോമതെറാപ്പിക്ക് പിന്നീട് ലോകമെമ്പാടും ലഭിച്ചത്.

എല്ലാ കോശങ്ങള്‍ക്കും വിഭിന്നവും പ്രത്യേകതരത്തിലുള്ളതുമായ കാന്തിക കമ്പനമുണ്ട്. ഒരു വ്യക്തിയുടെ ആരോഗ്യം തകരാറിലാകുമ്പോള്‍ ഈ കാന്തിക കമ്പനത്തിന്‍റെ താളം തെറ്റുന്നു. തുടര്‍ന്ന് ശരീരത്തിന്റെ പൊതുവായ കമ്പനവും തകരാറിലാകുന്നു. ഇവിടെയാണ് കാന്തിക ചികിത്സ തുണയാകുന്നത്.കോശങ്ങളുടെ കമ്പനം പൂര്‍വസ്ഥിതിയിലാക്കി ആരോഗ്യം വീണ്ടെടുക്കാന്‍ ഈ ചികിത്സ തുണയാകുന്നു.

തലവേദന, അള്‍സര്‍, വാത രോഗങ്ങള്‍, പക്ഷാഘാതം, മാനസിക സമ്മര്‍ദ്ദം എന്നിവ ചികിത്സിച്ച് മാറ്റാന്‍ കാന്തിക ചികിത്സയിലുടെ കഴിയും. ഒരു കാന്തത്തിന്റെ ഉത്തരധ്രുവത്തിനും ദക്ഷിണ ധ്രുവത്തിനും വ്യത്യസ്ത സ്വഭാവങ്ങളാണുള്ളത്. ദക്ഷിണ ധ്രുവത്തിന് തണുപ്പ് പ്രദാനം ചെയ്യാനുള്ള കഴിവുണ്ട്. വാതം, സ്പോണ്ടിലൈറ്റിസ്, ശരീര വീക്കം എന്നിവ സുഖപ്പെടുത്താനും അര്‍ബുദ കോശങ്ങളെ നശിപ്പിക്കാനും ഇതിലൂടെ കഴിയും. 

ചുഴലി ഉറക്കക്കുറവ്, മാനസിക സമ്മര്‍ദ്ദം എന്നിവയ്ക്കും കാന്തത്തിന്‍റെ ദക്ഷിണ ധ്രുവം ഗുണം ചെയ്യും. കാന്തത്തിന്‍റെ ഉത്തരധ്രുവം ആമാശയ രോഗങ്ങള്‍, ഹെര്‍ണിയ, പക്ഷാഘാതം എനിവ ഭേദമാക്കാന്‍ ഉപയോഗിക്കുന്നു. കാന്തിക ജലം കുടിക്കുന്നത് ഈ ചികിത്സയില്‍ പ്രധാനമാണ്. പതിവായി ഈ വെള്ളം കുടിക്കുന്നത് ആരോഗ്യം മെച്ചപ്പെടുത്തും. കാന്തിക ജലം പതിവായി കുടിക്കുന്നവരില്‍ വൃക്കകളില്‍ കല്ലുകള്‍ ഉണ്ടാകുന്ന രോഗമുണ്ടാകാന്‍ സാധ്യത കുറവാണ്.

വായുവില്‍ കൂടി ശരീരത്തിലെത്തുന്ന അലര്‍ജി ഇന്‍‌ഹേലന്‍സ് എന്നും സ്പര്‍ശനം മൂലമുണ്ടാവുന്നവ കോണ്‍‌ടാക്ടന്‍സ് എന്നും ഭക്ഷണം മൂലമുണ്ടാവുന്നവ ഇന്‍‌ജസ്റ്റന്‍സ് എന്നും അറിയപ്പെടുന്നു. ശരീരത്തിന്റെ അതിജീവന ശേഷി വര്‍ദ്ധിപ്പിക്കുകയാണ് അലര്‍ജിയില്‍ നിന്ന് മോചനം നേടാന്‍ പ്രകൃതി ചികിത്സയിലെ ഉപാധി.

കൃത്രിമ ഭക്ഷണം ഒഴിവാക്കുക. പ്രകൃതി ജന്യ ഭക്ഷണങ്ങള്‍ കഴിച്ച് ജീവച്ഛക്തി വര്‍ദ്ധിപ്പിക്കുക എന്നിവ പ്രകൃതി ജീവനത്തിന്റെ ഭാഗമാണ്. ഭക്ഷണം ക്രമമാവുന്നതോടെ വിസര്‍ജ്ജനവും യഥാവിധി നടക്കും. ശരീരത്തിന് ആവശ്യമില്ലാത്തവയെ പുറന്തള്ളാനുള്ള കഴിവ് ലഭിക്കുന്നതോടെ അലര്‍ജിയെ പടിക്ക് പുറത്താക്കാനാവുമെന്നും പ്രകൃതി ചികിത്സകര്‍ പറയുന്നു.

വിരലുകള്‍ ഉപയോഗിച്ച് ചര്‍മ്മത്തിലെ ചില നിശ്ചിത സ്ഥാനങ്ങളില്‍ അമര്‍ത്തുമ്പോള്‍ മാംസപേശികള്‍ അയയുകയും രക്തചംക്രമണം കൂടുകയും ചെയ്യുന്നു. ഈ മാര്‍ഗ്ഗത്തിലൂടെ അസുഖങ്ങള്‍ ഭേദമാക്കാനും കഴിയും.അക്യുപഞ്ചറും അക്യുപ്രഷറും ചര്‍മ്മത്തിലെ ഒരേ സ്ഥാനങ്ങളില്‍ തന്നെയാണ് സമ്മര്‍ദ്ദം ഏല്‍പ്പിക്കുന്നത്.

അക്യുപഞ്ചറില്‍ സൂചി ഉപയോഗിക്കുമ്പോള്‍ അക്യുപ്രഷറില്‍ കൈവിരലുകള്‍ ഉപയോഗിക്കുന്നു എന്ന വ്യത്യാസമാണുള്ളത്. മന:സംഘര്‍ഷം മൂലമുണ്ടാകുന്ന അസുഖങ്ങള്‍ പരിഹരിക്കുന്നതിന് മനുഷ്യന്റെ കൈകള്‍ക്ക് അപാരമായ കഴിവുണ്ടെന്നാണ് അക്യുപ്രഷറിലൂടെ വ്യക്തമാകുന്നു. 

ഒരുതരത്തിലുള്ള പാര്‍ശ്വഫലങ്ങളും ഇല്ലെന്നുള്ളതാണ് അക്യുപ്രഷറിന്‍റെ പ്രത്യേകത. മരുന്നുകള്‍ ഇല്ലാത്ത ചികിത്സാ സമ്പ്രദായമാണ് അക്യുപ്രഷര്‍. കണ്ണുകള്‍ക്കുണ്ടാകുന്ന വേദന, സൈനസ്, കഴുത്ത് വേദന, നടുവേദന, വാതം, മാംസ പേശികളുടെ വേദന, മനസംഘര്‍ഷം എന്നിവയ്ക്കെല്ലാം ഉത്തമ ചികിത്സയാണ് അക്യുപ്രഷറിലുള്ളത്. 

അള്‍സര്‍ മൂലമുണ്ടാകുന്ന വേദന, സ്തീകള്‍ക്ക് മാസമുറ സമയത്തുണ്ടാകുന്ന വേദന, മലബന്ധം, ദഹനക്കേട് എന്നിവയ്ക്ക് അക്യുപ്രഷറിലൂടെ പരിഹാരം കാണാനാകും. മനസിന്റെ ആശങ്ക അകറ്റാനും നന്നായി ഉറക്കം ലഭിക്കാനും ഈ ചികിത്സാ സമ്പ്രദായം വഴി കഴിയും.

ശരീരത്തിന്‍റെ താളവും ആരോഗ്യവും കാത്ത് സൂക്ഷിക്കാനും അക്യുപ്രഷര്‍ വഴി കഴിയുന്നതാണ്. സംഘര്‍ഷം കുറയ്ക്കാന്‍ സഹായിക്കുക വഴി രോഗത്തെ പ്രതിരോധിക്കാനും ഇതിലൂടെ കഴിയും.

പരമ്പരാഗതമായി പ്രമേഹ രോഗികളാരും മധുരം ഉപയോഗിക്കാറില്ല. കരിമ്പ് നീര് ശീലമാക്കിയ പ്രമേഹരോഗികള്‍ക്ക് കരിമ്പ് നീരോ ശര്‍ക്കര ചേര്‍ത്ത ഭക്ഷണമോ കഴിച്ചാല്‍ പ്രമേഹം കൂടില്ലെന്നാണ് ഇവരുടെ വാദം.

പ്രകൃതിഭക്ഷണം എന്ന് കേള്‍ക്കുമ്പോള്‍ വേവിക്കാത്ത പച്ചക്കറിയും പച്ചിലകളുമാകും ഓര്‍മ്മവരിക. എന്നാല്‍ തെറ്റി. കൊതിയൂറുന്ന ഭക്ഷണ വിഭവങ്ങളാണ് ഇന്ന് പ്രകൃതിഭക്ഷണങ്ങള്‍. അനാരോഗ്യകരമായ ഭക്ഷണ വിഭവങ്ങളും രീതിയും രോഗങ്ങള്‍ക്ക് കാരണമാകുന്നത് പ്രകൃതി വിഭവങ്ങളുടെ ആവശ്യകത കൂട്ടി. എങ്കിലും പ്രകൃതി വിഭവങ്ങള്‍ ശൈലിയില്‍ മാറ്റം വരുത്താതെ ഇവയ്ക്ക് ആവശ്യക്കാരെ കിട്ടില്ലെന്ന് പ്രകൃതി ഭക്ഷണശാലക്കാര്‍ മനസ്സിലാക്കി.

പ്രകൃതിവിഭവങ്ങള്‍ പഞ്ചസാര, ഉള്ളി, ചുവന്ന മുളക്, മൃഗക്കൊഴുപ്പ്, മൈദ, ഡാല്‍ഡ, വെളുത്തുള്ളി, കായം, മല്ലി, ഉഴുന്ന്, കടുക് എന്നിവ ഉപയോഗിക്കാതെ തയാറാക്കുന്നവയാണ്. രാസവളം ഉപയോഗിക്കാതെ വിളയിക്കുന്ന ധാന്യങ്ങളും പച്ചക്കറികളുമാണ് പ്രകൃതി ഭക്ഷണത്തില്‍ അടങ്ങിയിരിക്കുന്നത്. ഇവ വേണ്ടത്ര ലഭിക്കാത്തതാണ് പ്രകൃതി ഭക്ഷണശാലക്കാര്‍ ഇപ്പോള്‍ നേരിടുന്ന പ്രശ്നം. 

പ്രകൃതി ഭക്ഷണശാല ഉടമസ്ഥര്‍ ജൈവവളകൃഷി (ഓര്‍ഗാനിക് ഫാമിംഗ്) വ്യാപകമാക്കാനുള്ള ശ്രമത്തിലാണിപ്പോള്‍. മാംസാഹാരം ശീലമാക്കിയ അനേകമാളുകള്‍ ഇപ്പോള്‍ പ്രകൃതി ഭക്ഷണത്തില്‍ ആകൃഷ്ടരാണ്. നാളികേരം കൊളസ്ട്രോള്‍ വര്‍ദ്ധിപ്പിക്കുമെന്ന വാദം അടിസ്ഥാനരഹിതമാണെന്നും പ്രകൃതി ഭക്ഷണശാലക്കാര്‍ പറയുന്നു.

കുട്ടികളും മുതിര്‍ന്നവരും തണുത്ത ആഹാരപ്രിയരണ്. കുട്ടികള്‍ക്ക് തണുത്ത ആഹാരമാണ് ഏറെ പ്രിയം. പ്രകൃതി ഭക്ഷണരീതി പ്രകാരം തണുപ്പിച്ച ആഹാരം വിഷമാണ്. മൂന്നു മണിക്കൂറിലധികം പഴകിയ ആഹാരം വിഷമാണത്രെ. അങ്ങനെയാകുമ്പോള്‍ ഫ്രിഡ്ജില്‍ വച്ചവയൊന്നും കഴിക്കാന്‍ കൊള്ളില്ല. ഐസില്‍ ക്ളോറിന്റെ അംശം ഉള്ളതിനാല്‍ ഐസ് ഉപയോഗിക്കാതെ പഴച്ചാറ് കഴിക്കുന്നതും പ്രകൃതിഭക്ഷണ രീതിയാണ്.

PTI PTI

PTI PTI

WD