വെളുത്തുള്ളി വൃത്തിയാക്കാനുള്ള ടിപ്പ്‌സ്

 ചൂടുവെള്ളത്തില്‍ കുതിര്‍ക്കുക

വെളുത്തുള്ളിയെ 5 മിനിറ്റ് ചൂടുവെള്ളത്തില്‍ കുതിര്‍ത്ത് വെയ്ക്കു. ഇതോടെ തൊലി സ്വാഭാവികമായി ഇളകിമാറും. തുടര്‍ന്നുള്ള വൃത്തിയാക്കല്‍ വളരെ ലളിതമാകും.

തല ഒടിച്ച് എടുത്തശേഷം തൊലി കളയുക

വെളുത്തുള്ളിയുടെ തല ഒടിച്ച് എടുക്കുക, പിന്നെ അതിനുശേഷം തൊലി കളയുക.തൊലി എളുപ്പം കളയാന്‍ ഇത് സഹായിക്കും

 ഷേക്ക് ചെയ്യല്‍ ടെക്നിക്

ഒരു അടപ്പുള്ള പാത്രത്തിലോ ബോട്ടിലിലോ വെളുത്തുള്ളി ഇട്ട് നന്നായി ഷേക്ക് ചെയ്യുക. 10-15 സെക്കന്റ് ശക്തിയായി കുലുക്കിയാല്‍ തൊലി നീങ്ങിമാറും

 ഫ്രിഡ്ജ് ട്രിക്ക്

വെളുത്തുള്ളിയെ കുറച്ച് നേരം ഫ്രിഡ്ജിലോ ഫ്രീസറിലോ വെക്കുക. തണുപ്പിന്റെ സ്വാധീനത്തില്‍ തൊലി എളുപ്പത്തില്‍ നീങ്ങും

 ഉപ്പ് ചേര്‍ത്ത് ചതയ്ക്കുക

കുറച്ച് ഉപ്പ് ചേര്‍ത്ത് ചതച്ചാല്‍ വെളുത്തുള്ളി കയ്യില്‍ ഒട്ടുന്ന പ്രശ്‌നം കുറയുന്നു. ഇത് കയ്യിലെ വഴുവഴുപ്പ് പോകാന്‍ എളുപ്പമാക്കുന്നു.

ഇലയുടെ ഇടത്തേ അറ്റത്ത് ആദ്യം ഉപ്പേരി വിളമ്പണം. കായ വറുത്തത്, ചേമ്പ് വറുത്തത്, ശര്‍ക്കര ഉപ്പേരി എന്നിവയാണ് ആദ്യം ഇലയുടെ ഇടതുവശത്ത് വിളമ്പേണ്ടത്. ഉപ്പ് ആവശ്യമുള്ളവര്‍ക്ക് അതും വിളമ്പാം.

തുടര്‍ന്ന് ഇഞ്ചിക്കറി, നാരങ്ങ കറി, മാങ്ങ കറി എന്നിവയും വിളമ്പും. ഇലയുടെ വലത്തെ അറ്റത്ത് അറ്റത്തായി അവിയല്‍ വിളമ്പും. അതിനു അടുത്തായി തോരന്‍, കിച്ചടി, പച്ചടി എന്നിവ വിളമ്പും. തുടര്‍ന്ന് കൂട്ടുകറിയും കാളനും ഓലനും വിളമ്പും. ഇതു കഴിഞ്ഞാണ് ചോറ് വിളമ്പുക. ചോറിനൊപ്പം പരിപ്പും നെയ്യും ഒഴിച്ച് പപ്പടം പൊട്ടിച്ച് ഊണ് തുടങ്ങാം. അതു കഴിഞ്ഞാല്‍ സാമ്പാര്‍ കൂട്ടി ചോറു കഴിക്കാം. ചോറ് കഴിച്ച് പകുതിയാകുമ്പോള്‍ ആണ് പലയിടത്തും പുളിശേരിയും കാളനും വിളമ്പുക. 

ചോറിന് ശേഷമാണ് പായസം വിളമ്പേണ്ടത്. ആദ്യം അടപ്രഥമന്‍ പിന്നീട് പഴപ്രഥമന്‍, കടലപ്രഥമന്‍ തുടങ്ങി പായസങ്ങള്‍ വിളമ്പാം. പഴം പുഴുങ്ങിയതും ഓണസദ്യയില്‍ വിളമ്പാറുണ്ട്.

വൈറ്റമിന്‍ ബി6 തീരെ കുറഞ്ഞാല്‍ ഇത് തലച്ചോറിലെ ചിലഭാഗങ്ങളുടെ പ്രവര്‍ത്തനത്തെ തന്നെ ബാധിക്കും. മീന്‍, ബീഫ്, പാലുത്പ്പന്നങ്ങള്‍ എന്നിവയില്‍ ഈ വൈറ്റമിന്‍ ധാരാളമായി ഉണ്ട്. വൈറ്റമിന്‍ ബി9നെ ഫോളിക് ആസിഡെന്നും പറയുന്നു. ഇതും തലച്ചോറിന് അത്യന്താപേക്ഷിതമാണ്. 

തോരനുവേണ്ടി പാവയ്ക്ക അരിയുമ്പോള്‍ അതിന്റെ ഉള്ളിലെ കുരു പൂര്‍ണമായും ഒഴിവാക്കണം. നുറുക്കിവച്ച പാവയ്ക്കയില്‍ കുറച്ച് കല്ലുപ്പും മഞ്ഞള്‍ പൊടിയും വിതറുക. ശേഷം നന്നായി ഇളക്കുക. കല്ലുപ്പും മഞ്ഞള്‍പൊടിയും വിതറിയ പാവയ്ക്ക നന്നായി ഇളക്കിയ ശേഷം ചുരുങ്ങിയത് ഒരു മണിക്കൂര്‍ എങ്കിലും അനക്കാതെ വയ്ക്കണം. അങ്ങനെ ചെയ്യുന്നത് പാവയ്ക്കയുടെ കയ്പ്പ് ഇല്ലാതാകാന്‍ സഹായിക്കും. പാവയ്ക്ക വേവിച്ചെടുക്കാന്‍ വേറെ വെള്ളം ഒഴിക്കേണ്ട ആവശ്യവുമില്ല. ഉപ്പും മഞ്ഞള്‍ പൊടിയും ചേര്‍ത്തുവയ്ക്കുന്ന പാവയ്ക്കയില്‍ ഒരു മണിക്കൂര്‍ കഴിയുമ്പോഴേക്കും നന്നായി വെള്ളം വരും. ഈ വെള്ളം മാത്രം മതി പാവയ്ക്ക വേവാന്‍. വേറെ വെള്ളം ഒഴിക്കേണ്ട ആവശ്യമില്ല. 

മരുന്ന് തന്നെയാണ് ആഹാരവും. മാംസാഹാരം കഴിക്കുന്നവരെക്കാള്‍ ആരോഗ്യം സസ്യാഹാരികളില്‍ കാണുന്നു. ഇവര്‍ക്ക് ജീവിത ശൈലി രോഗങ്ങളും കുറവായിരിക്കും. അധികമാര്‍ക്കും പ്രിയങ്കരമല്ലാത്തതാണ് ഇലക്കറികള്‍. എന്നാല്‍ രുചിയെക്കാളേറെ ഗുണങ്ങള്‍ അടങ്ങിയവയാണ് ഇലക്കറികള്‍. കണ്ണിന്റെ ആരോഗ്യത്തിന് ഏറ്റവും ആവശ്യമായ വിറ്റാമിന്‍ ആണ് വിറ്റമിന്‍ എ. വിറ്റമിന്‍ എയുടെ കലവറയാണ് ഇലക്കറികള്‍ എന്നു തന്നെ പറയാം. അതുപോയെ തന്നെ അയണ്‍ പോലുള്ള ധാരാളം ധാതുക്കളും ഇവയില്‍ അടങ്ങിയിട്ടുണ്ട്. 

രക്തസമ്മര്‍ദ്ദം കുറയ്ക്കാനും അതുവഴി ഹൃദയ സംബന്ധമായി ഉണ്ടാകുന്ന അസുഖങ്ങള്‍ ഒരു പരിധി വരെ ചെറുക്കാനും ഇവ സഹായിക്കുന്നു. ധാരാളം ആന്റി ഓക്‌സിഡന്റുകള്‍ അടങ്ങിയതിനാല്‍ കാന്‍സര്‍ പോലുള്ള മാരക രോഗങ്ങളെ ചെറുക്കാനും ഇലക്കറികള്‍ കഴിക്കുന്നതിലൂടെ സാധിക്കുന്നു. നമ്മുടെ മസിലുകളുടെ ശക്തി വര്‍ദ്ധിപ്പിക്കാനാവാശ്യമായ ഘടകങ്ങളും അടങ്ങിയ ഒരു പോഷക ആഹാരമാണ് ഇലക്കറികള്‍. പലതരത്തിലും പലരുചിയിലും ഇവ പാകം ചെയ്തും അല്ലാതെയും കഴിക്കുന്നത് ആരോഗ്യത്തിന് നല്ലതാണ്.

ആവശ്യമുള്ള ഇനങ്ങള്‍:

മുരിങ്ങപ്പൂ അരിഞ്ഞത്‌ - 2 കപ്പ്‌

ചുവന്നുള്ളി - 1 ടേബിള്‍ സ്‌പൂണ്‍

പച്ചമുളക്‌ - 4 എണ്ണം

കടുക്‌ - 1 സ്‌പൂണ്‍

ഉഴുന്നുപരിപ്പ്‌ - 1 സ്‌പൂണ്‍ 

കടലപ്പരിപ്പ്‌ - 1 സ്‌പൂണ്‍ 

ഗരം മസാല - 1/4 സ്‌പൂണ്‍

തേങ്ങ ചിരകിയത്‌ - 1 1/2 ടേബിള്‍ സ്‌പൂണ്‍

കറിവേപ്പില - പാകത്തിന്‌ 

എണ്ണ - 1 ടേബിള്‍ സ്‌പൂണ്‍

ഉപ്പ്‌ - പാകത്തിന്‌

പാകം ചെയ്യേണ്ട വിധം:

ഒരു പാത്രത്തില്‍ നാലുകപ്പ്‌ വെള്ളം ഒഴിച്ച്‌ അടുപ്പത്ത്‌ വയ്ക്കുക. വെട്ടിത്തിളയ്ക്കുമ്പോള്‍ അരിഞ്ഞുവച്ച മുരിങ്ങപ്പൂവിട്ട് മൂടി വയ്ക്കുക. അഞ്ചു മിനിറ്റ്‌ കഴിഞ്ഞ് ഇറക്കി വെള്ളം വാര്‍ത്തു കളയുക. ചീനച്ചട്ടി അടുപ്പില്‍ വെച്ച്‌ എണ്ണയൊഴിക്കുക. കടുക്‌ ഇട്ട്‌ പൊട്ടുമ്പോള്‍ ഉഴുന്നുപരിപ്പും കടലപ്പരിപ്പും ഇടുക. ഇത്‌ ചുവന്നാല്‍ ചുവന്നുള്ളിയും പച്ചമുളകുമിട്ട്‌ ഇളക്കുക. ഇത്‌ ചുവക്കുമ്പോള്‍ മസാലയും നാളികേരം ചിരകിയതും ചേര്‍ത്ത്‌ ഇളക്കി മുരിങ്ങപ്പൂ‍വും ചേര്‍ത്ത്‌ യോജിപ്പിക്കുക. വെള്ളം വറ്റുമ്പോള്‍ ഇറക്കിവയ്ക്കുക.

സോയ രണ്ടാക്കി നുറുക്കിയത്- 3 കപ്പ്.

ചുവന്നുള്ളി നീളത്തിൽ രണ്ടാക്കി നുറുക്കിയത്‌ ഒന്നരക്കപ്പ്.

തേങ്ങ ചിരകിയത് അരക്കപ്പ്.

ഇഞ്ചിയും വെളുത്തുള്ളിയും ചേർത്ത്. അരച്ചത് ഒന്നര ടേബിൾസ്പൂൺ.

മഞ്ഞൾപ്പൊടി- അര ടീസ്പൂൺ.

കുരുമുളക് പൊടി- മുക്കാൽ ടീസ്പൂൺ. മസാലപ്പൊടി- 3 നുള്ള്.

കറിവേപ്പില- 1 തണ്ട്.

വെളിച്ചെണ്ണ- 8 ടേബിൾസ്പൂൺ.

ഉപ്പ് ആവശ്യത്തിന്.

സോയ ഫ്രൈ തയാറാക്കുന്നത്:-

കഴുകിയെടുത്ത സോയയില്‍ കുറച്ച് ചൂടുവെള്ളമൊഴിച്ച് ഉപ്പിട്ട് വയ്‌ക്കണം. 10 മിനിറ്റ് ശേഷം സോയ പിഴിഞ്ഞെടുത്ത് ചെറിയ കഷണങ്ങളാക്കി മുറിച്ചുവയ്‌ക്കുക.

ഫ്രൈ ഉണ്ടാക്കാന്‍ ഉപയോഗിക്കുന്ന പാത്രത്തില്‍ ആവശ്യത്തിന് വെളിച്ചെണ്ണയൊഴിച്ച ശേഷം എണ്ണ ചൂടാകുമ്പോള്‍ അതിലേക്ക് ഇഞ്ചി, വെളുത്തുള്ളി അരച്ചത് ചേര്‍ത്ത് നന്നായി വഴറ്റിയശേഷം അതിലേക്ക് തേങ്ങാപ്പാല്‍ ചേര്‍ത്ത് നല്ലതു പോലെ ഇളക്കി യോജിപ്പിക്കണം. നന്നായി ചൂടായ ശേഷം അതിലേക്ക് ചുമന്നുള്ളി ചേര്‍ത്ത് ഉപ്പിടണം. ഇതിനുശേഷം സോയ ചേര്‍ത്ത് ഇളക്കുക.

ഇതിലേക്ക് കാല്‍ കപ്പ് വെള്ളം ചേര്‍ത്ത് അതില്‍ മുളക് പൊടി, മല്ലിപ്പൊടി, ഉപ്പ്, മഞ്ഞള്‍പ്പൊടി, കുരുമുളക് പൊടി എന്നിവ ചേര്‍ത്ത ശേഷം അടപ്പ് വെച്ച് മൂടി വേവിക്കുക. വെള്ളം വലിഞ്ഞാല്‍ അതില്‍ കറിവേപ്പിലെയും കുറച്ച് വെളിച്ചെണ്ണയും ചെര്‍ത്ത് നല്ലതുപോലെ ഇളക്കുക. തീ കുറച്ച് വേണം ഇനി എല്ലാം ചെയ്യാന്‍. വേവിച്ച് വെച്ചതിലേക്ക് കുറച്ച് വെളിച്ചെണ്ണ ചേര്‍ത്ത് ബ്രൌണ്‍ ആകുന്നതുവരെ ഇളക്കുക. തുടര്‍ന്ന് 3 നുള്ള് മസാലപ്പൊടി ചേര്‍ത്ത് നന്നായി ഇളക്കണം. ഇതോടെ സ്വാദിഷ്‌ടമായ സോയ ഫ്രൈ തയാറായി.

ചേരുവകള്‍

1. കാബേജ്, ചീര, മുള്ളങ്കി, ബീന്ഡസ്, ക്യാരറ്റ് എന്നിവ ചെറുതായി അരിഞ്ഞത് - 250 ഗ്രാം

2. സവാള നീളത്തിലരിഞ്ഞ് - കാല്‍ കപ്പ്

3. ഇഞ്ചി അരിഞ്ഞത് - 1 ടീസ്പൂണ്‍

4. മല്ലിയില - അല്‍പം 

5. കോണ്‍ഫ്‌ളവര്‍ - 1 ടീസ്പൂണ്‍

6. കുരുമുളകുപൊടി - അര ടീസ്പൂണ്‍

7. പഞ്ചസാര - അര ടീസ്പൂണ്‍

8. ഉപ്പ് - പാകത്തിന്

പാകം ചെയ്യുന്ന വിധം:
 

പച്ചക്കറികള്‍ ഒരു കപ്പ് വെള്ളമൊഴിച്ച്  കുക്കറില്‍ 20 മിനിട്ട് ചെറു തീയില്‍  വേവിക്കുക. വെന്തു കുറുകിയ സൂപ്പ് അല്പം വെള്ളം ഒഴിച്ച് വലിയ കണ്ണുള്ള അരിപ്പയില്‍ അരിച്ചെടുക്കുക. കോണ്‍ ഫ്‌ളവര്‍ കാല്‍ കപ്പ് വെള്ളത്തില്‍ കലക്കി  ഇതില്‍ ചേര്‍ത്ത് പാകത്തിന് കുറുക്കുക. പാകത്തിന് ഉപ്പും കുരുമുളകുപൊടിയും ഇട്ട് ചൂടോടെ കഴിക്കാം.

ചേര്‍ക്കേണ്ട ഇനങ്ങള്‍:

മാങ്ങ അരിഞ്ഞത് - 3 കപ്പ്‌

ഉപ്പ്‌ - പാകത്തിന്‌

മുളകുപൊടി - കാല്‍ കപ്പ്‌

മഞ്ഞള്‍പ്പൊടി - കാല്‍ കപ്പ്‌

കടുക്‌ - കാല്‍ കപ്പ്‌

നല്ലെണ്ണ - അരകപ്പ്‌

പാകം ചെയ്യേണ്ട വിധം:

മുളകുപൊടി, മഞ്ഞള്‍പ്പൊടി, ഉപ്പ്‌, കടുക്‌ പൊടിച്ചത്‌ ഇവയെല്ലാം ഒന്നിച്ച്‌ ചേര്‍ത്ത്‌ യോജിപ്പിക്കുക. മാങ്ങയില്‍ ആദ്യം എണ്ണയും പിന്നെ മസാലയും പുരട്ടി വയ്ക്കുക. വൃത്തിയുള്ള ഭരണി എടുത്ത്‌ മസാല പുരട്ടിയ മാങ്ങ അതിനുള്ളീലാക്കി അടച്ച്‌ സൂക്ഷിക്കുക.

ആവശ്യമായ സാധനങ്ങള്‍:

ഉണങ്ങിയ കടല 1/2 കിലോ

ചെറുനാരങ്ങ 1

പച്ചമുളക്‌ 8 എണ്ണം

മല്ലിയില 2 പിടി

ഇഞ്ചി 2 കഷണം

മുളകുപൊടി 2 സ്പൂണ്‍

മസാല 1 സ്പൂണ്‍

പൊടിച്ച ജീരകം 1 സ്പൂണ്‍

ഉപ്പ്‌ പാകത്തിന്‌

പാചകം ചെയ്യുന്ന വിധം:

കടല ഉപ്പ്‌ ചേര്‍ത്ത്‌ നാല്‌ മണിക്കൂര്‍ വെള്ളത്തിലിട്ട്‌ കുതിര്‍ക്കുക. അതില്‍ വെള്ളം ചേര്‍ത്ത്‌ വേവിക്കുക. നാരങ്ങാ പിഴിഞ്ഞ്‌ നീരൊഴിച്ച്‌ ആവശ്യത്തിന്‌ ഉപ്പ്‌ ചേര്‍ക്കുക. ഇഞ്ചിയും പച്ചമുളകും ചെറുതായി അരിഞ്ഞ്‌ കുറച്ച്‌ എണ്ണയില്‍ വഴറ്റി മല്ലിയിലയും മുളകുപൊടിയും മസാലപ്പൊടിയും ജീരകപ്പൊടിയും ചേര്‍ത്തിളക്കുക. ചീനച്ചട്ടിയില്‍ കുറച്ച്‌ എണ്ണ ഒഴിച്ച്‌ കടുകും കറിവേപ്പിലയും വറ്റല്‍മുളകും ചേര്‍ത്ത്‌ താളിച്ച്‌ അതിലൊഴിച്ച്‌ ഇളക്കി ഉപയോഗിക്കാം.

ചേരുവകള്‍:

ക്യാരറ്റ് - 2

ഉള്ളി - 10

തൈര് - അര കപ്പ്

പച്ചമുളക് - 3

ചുവന്ന് മുളക് - 2

കടുക് - അര ടീസ്പൂണ്‍

വെളിച്ചെണ്ണ - പാകത്തിന്

പാകം ചെയ്യുന്ന വിധം:

ക്യാരറ്റും ഉള്ളിയും ചെറുതായി അരിയുക. എന്നിട്ട് വെളിച്ചെണ്ണ ചൂടാക്കി കടുക് പൊട്ടിച്ച് ചുവന്ന മുളകും ഇട്ട് വറുക്കുക. അതില്‍ അരിഞ്ഞു വച്ചിരിക്കുന്ന പച്ചക്കറി ഉപ്പും ചേര്‍ത്ത് വഴറ്റി വേവിക്കുക. നന്നായി വെന്തതിനുശേഷം തൈര് ചേർക്കുക. 

ചേര്‍ക്കേണ്ട ഇനങ്ങള്‍:

ഉരുളക്കിഴങ്ങ് - 3/4 കിലോ

കടലമാവ് - 11/2 കപ്പ്

ഉപ്പ് - പാകത്തിന്

വെളിച്ചെണ്ണ - 2 വലിയ സ്പൂണ്‍

ജീരകം - 1 സ്പൂണ്‍

സവാള അരിഞ്ഞത് - 1/2 കപ്പ്

പച്ചമുളക് അരിഞ്ഞത് - 3 സ്പൂണ്‍

അരിപ്പൊടി - 1/2 കപ്പ്

അമേരിക്കന്‍ മാവ് - 2 വലിയ സ്പൂണ്‍

സോഡാപ്പൊടി - 2 നുള്ള്

ഇഞ്ചി അരിഞ്ഞത് - 1/2 സ്പൂണ്‍

പാകം ചെയ്യേണ്ട വിധം:

ഉരുളക്കിഴങ്ങ് പുഴുങ്ങി തൊലികളഞ്ഞ് പൊടിക്കുക. കടലമാവും അരിപ്പൊടിയും അമേരിക്കന്‍ മാവും വെള്ളവും ഉപ്പും പാകത്തിനു ചേര്‍ത്ത് കട്ടകെട്ടാതെ കുഴയ്ക്കണം. ഉരുളക്കിഴങ്ങ് പൊടിച്ചതും രണ്ടു നുള്ള് സോഡാപ്പൊടിയും ചേര്‍ത്ത് ദോശയ്ക്ക് കലക്കുന്നതുപോലെ കലക്കുക. ചീനച്ചട്ടി അടുപ്പത്ത് വച്ച് ചൂടാക്കുമ്പോള്‍ വെളിച്ചെണ്ണ ഒഴിച്ച് കൊത്തിയരിഞ്ഞ ഉള്ളി, പച്ചമുളക്, ഇഞ്ചി, ഇവ ഇട്ട് വഴറ്റി മാവില്‍ ചേര്‍ക്കുക. ദോശക്കല്ലില്‍ ഒഴിച്ച് ഇരുപുറവും ചുട്ടെടുക്കുക.

ചേര്‍ക്കേണ്ട സാധനങ്ങള്‍:

ഉലുവ ഇല - 1 കിലോ

ചീര - 1 കിലോ

മുളകുപൊടി - 5 സ്പൂണ്‍

ഇഞ്ചി - 4 കഷണം

ഉള്ളി - 10 കഷണം

ഉപ്പ്‌ - പാകത്തിന്‌

നെയ്യ്‌ - 70 ഗ്രാം

പാചകം ചെയ്യുന്ന രീതി:

ഉലുവയിലയും ചീരയും കഴുകി ചെറുതായി അരിഞ്ഞ്‌ മൂന്ന്‌ കപ്പ്‌ വെള്ളത്തില്‍ വേവിക്കുക. അതില്‍ മുളകുപൊടിയും ഇഞ്ചിയും ചേര്‍ത്ത്‌ ചെറു തീയില്‍ വേവിക്കുക. വെന്തശേഷം നല്ലവണ്ണം ഉടയ്ക്കുക. ചീനചട്ടിയില്‍ നെയ്യൊഴിച്ച്‌ തിളയ്ക്കുമ്പോള്‍ ചെറുതായി അരിഞ്ഞ ഉള്ളിയും ഇഞ്ചിയും ഇട്ട്‌ വറുത്തെടുക്കുക. ഉള്ളി ചുവക്കുമ്പോള്‍ വെന്ത ചീര ചേര്‍ത്ത്‌ ഇളക്കി കുറച്ച്‌ സമയം കഴിഞ്ഞ്‌ ഉപയോഗിക്കാം.

ചേര്‍ക്കേണ്ട ഇനങ്ങള്‍:

ചാമ്പക്ക - 15 എണ്ണം

പച്ചമുളക് - 6 എണ്ണം

മുളകുപൊടി - 2 ടീസ്പൂണ്‍

ചെറുനാരങ്ങ മുറിച്ചത് - 3 എണ്ണം

കായപ്പൊടി - 1/4 ടീസ്പൂണ്‍

കടുക് - 2 ടേബിള്‍ സ്പൂണ്‍

ഇഞ്ചി അരിഞ്ഞത് - 3/4 ടേബിള്‍ സ്പൂണ്‍

ഉപ്പ് - പാകത്തിന്

പാകം ചെയ്യേണ്ട വിധം:

ചാമ്പക്ക, പച്ചമുളക്, എന്നിവ ചെറിയ കഷണങ്ങളാക്കുക. ചെറുനാരങ്ങ പിഴിഞ്ഞ് നീരു ചേര്‍ക്കുക. പകുതി കടുകിന്‍റെ പരിപ്പെടുത്ത് ഇതിനോടൊപ്പം മുളകുപൊടി, കായപ്പൊടി, ഇഞ്ചി എന്നിവ ചേര്‍ത്ത് നല്ലവണ്ണം യോജിപ്പിക്കണം. അടുപ്പത്തു വച്ച തിളപ്പിച്ച് കടുകുവറുത്ത് എടുക്കുക. കുറച്ചുനേരം കഴിഞ്ഞ് വൃത്തിയുള്ള കുപ്പികളിലാക്കി സൂക്ഷിക്കുക. 

ചേര്‍ക്കേണ്ട ഇനങ്ങള്‍:

തക്കാളി - 300 ഗ്രാം

പഞ്ചസാര - 250 ഗ്രാം

ചുവന്ന മുളക് - 20 ഗ്രാം

ഉപ്പ് - പാകത്തിന്

വെളുത്തുള്ളി - 1/2 ചുള

പാകം ചെയ്യേണ്ട വിധം:

ഇഞ്ചിയും ചുവന്ന മുളകും വെളുത്തുള്ളിയും അരച്ചെടുക്കുക. തക്കാളി തൊലി മാറ്റി ചെറിയ കഷണങ്ങളാക്കി മുറിക്കുക. ഇതും അരച്ചു വച്ച ചേരുവകളും ചേര്‍ത്ത് ചട്ണിക്കു പാകമാകുന്നതുവരെ വേവിച്ച് ഇറക്കി വയ്ക്കുക. മല്ലിയില വിതറി ചൂടോടെ ഉപയോഗിക്കുക.

ചേരുവകള്‍:

നാരങ്ങ - 10

നല്ലെണ്ണ - പാകത്തിന്

ഉപ്പ് - പാകത്തിന്

മഞ്ഞള്‍പ്പൊടി - ഒന്നര ടിസ്പൂണ്‍

മുളകുപൊടി - 3 ടിസ്പൂണ്‍

കായപ്പൊടി - അര ടീസ്പൂണ്‍

കടുക് - 1ടീസ്പൂണ്‍

പാകം ചെയ്യുന്ന വിധം:

നാരങ്ങ കഴുകി വെള്ളം കളഞ്ഞ് രണ്ടായി അരിയുക. അതിലേക്ക് എണ്ണ പുരട്ടി വയ്ക്കുക. എന്നിട്ട് നല്ലെണ്ണ ചൂടാക്കി മുളകുപൊടി, മഞ്ഞള്‍പ്പൊടി, കായപ്പൊടി, ഉപ്പ് എന്നിവ ചേര്‍ത്ത് വഴറ്റി അതിലേക്ക് നാരങ്ങയും വഴറ്റി വെള്ളവും ചേര്‍ത്ത് തിളപ്പിച്ചെടുക്കുക.

ചേര്‍ക്കേണ്ട സാധനങ്ങള്‍:

ഉലുവ ഇല - 1 കിലോ

ചീര - 1 കിലോ

മുളകുപൊടി - 5 സ്പൂണ്‍

ഇഞ്ചി - 4 കഷണം

ഉള്ളി - 10 കഷണം

ഉപ്പ്‌ - പാകത്തിന്‌

നെയ്യ്‌ - 70 ഗ്രാം

പാചകം ചെയ്യുന്ന രീതി:

ഉലുവയിലയും ചീരയും കഴുകി ചെറുതായി അരിഞ്ഞ്‌ മൂന്ന്‌ കപ്പ്‌ വെള്ളത്തില്‍ വേവിക്കുക. അതില്‍ മുളകുപൊടിയും ഇഞ്ചിയും ചേര്‍ത്ത്‌ ചെറു തീയില്‍ വേവിക്കുക. വെന്തശേഷം നല്ലവണ്ണം ഉടയ്ക്കുക. ചീനചട്ടിയില്‍ നെയ്യൊഴിച്ച്‌ തിളയ്ക്കുമ്പോള്‍ ചെറുതായി അരിഞ്ഞ ഉള്ളിയും ഇഞ്ചിയും ഇട്ട്‌ വറുത്തെടുക്കുക. ഉള്ളി ചുവക്കുമ്പോള്‍ വെന്ത ചീര ചേര്‍ത്ത്‌ ഇളക്കി കുറച്ച്‌ സമയം കഴിഞ്ഞ്‌ ഉപയോഗിക്കാം.

ചേര്‍ക്കേണ്ട ഇനങ്ങള്‍: 

പച്ച മാങ്ങ - 500 ഗ്രാം

തേങ്ങ -1 (വലുത്)

മുളകുപൊടി - 75 ഗ്രാം

മഞ്ഞള്‍പൊടി - 75 ഗ്രാം

ഉപ്പ് - ആവശ്യത്തിന്

ഇഞ്ചി- 1 കഷ്ണം

കറിവേപ്പില- 2 തണ്ട് 

പാകം ചെയ്യേണ്ട രീതി:

മാങ്ങാക്കറി ഉണ്ടാക്കാന്‍ എത്ര എളുപ്പം എന്ന് തോന്നും. പച്ചമാങ്ങ കനം കുറച്ച് ചെറുതായി അരിയുക. അതില്‍ മഞ്ഞപ്പൊടിയും മുളക്‍പൊടിയും ഇട്ട് പാകത്തിന് ഇളക്കുക. അടുപ്പത്ത്‌വയ്ക്കുക. തിളക്കുമ്പോള്‍ തേങ്ങ, ഇഞ്ചി എന്നിവ അരച്ചുചേര്‍ത്ത് കറിവേപ്പിലയും ഉപ്പും ഇട്ടിളക്കി യോജിപ്പിച്ച് ഇറക്കി വയ്ക്കുക. മാങ്ങാക്കറി റെഡി.

ചേര്‍ക്കേണ്ട ഇനങ്ങള്‍

തേങ്ങ - 1 എണ്ണം

വറ്റല്‍ മുളക് - 75 ഗ്രാം

പുളി - 10 ഗ്രാം

എണ്ണ - 1 ടേബിള്‍ സ്പൂണ്‍

കടുക് - 1 ടേബിള്‍ സ്പൂണ്‍

ഉപ്പ് - പാകത്തിന് 

പാകം ചെയ്യെണ്ട വിധം

വറ്റല്‍ മുളക് നല്ലവണ്ണം ഉണക്കി അരിയെടുക്കണം. എന്നിട്ട് മുളകിന്‍റെ അരി, പുളി, ചിരകിയ തേങ്ങ, ഉപ്പ് എന്നിവ നല്ലവണ്ണം അരയ്ക്കണം. പിന്നീട് ഫ്രൈയിംഗ് പാനില്‍ എണ്ണ ചൂടാക്കി കടുകിട്ടു പൊട്ടുമ്പോള്‍ അരപ്പു ചേര്‍ത്തിളക്കണം. മുളകരി ചട്ണി റെഡിയായി.

ചേരുവകള്‍:

മത്തങ്ങ - 250ഗ്രാം

തേങ്ങ - 2കപ്പ്

വെളുത്തുള്ളി - 5 അല്ലി

മുളകുപൊടി - 2 ടീസ്പൂണ്‍

മഞ്ഞള്‍പ്പൊടി - 2 ടീസ്പൂണ്‍

കുരുമുളകുപൊടി‌ - 1/4 ടീസ്പൂണ്‍

ചുവന്ന മുളക് - 2

കടുക് - 1/2 ടീസൂണ്‍

ജീരകം - 1/2 ടീസ്പൂണ്‍

കറിവേപ്പില - 

ഉപ്പ് - പാകത്തിന്

വെളിച്ചെണ്ണ - 2 ടീസ്പൂണ്‍

പാകം ചെയ്യുന്ന വിധം:

കഷണങ്ങളാ‍ക്കിയ മത്തങ്ങ അല്പം മഞ്ഞള്‍പ്പൊടി ചേര്‍ത്ത് വേവിക്കുക. തേങ്ങ മുളകുപൊടി, മഞ്ഞള്‍പ്പൊടി, വെളുത്തുള്ളി, ജീരകം, കുരുമുളകുപൊടി എന്നിവ ചേര്‍ത്ത് നന്നായി അരയ്ക്കുക. അരച്ച മിശ്രിതവും ഉപ്പും കറിവേപ്പിലയും വേവിച്ചുവച്ചിരിക്കുന്ന ചേരുവയിലേക്കിട്ട് നന്നായി ഇളക്കുക. വെളിച്ചെണ്ണയില്‍ കടുക് വറുത്ത് ചുവന്ന മുളകും ചേര്‍ത്ത് കറിയിലേക്കൊഴിക്കുക. (കുറിപ്പ് - വെള്ളം കൂടിപ്പോകാതെ ശ്രദ്ധിക്കണം) 

ആവശ്യമുള്ള ഇനങ്ങള്‍:

മുരിങ്ങപ്പൂ അരിഞ്ഞത്‌ - 2 കപ്പ്‌

ചുവന്നുള്ളി - 1 ടേബിള്‍ സ്‌പൂണ്‍

പച്ചമുളക്‌ - 4 എണ്ണം

മുട്ട - 2 എണ്ണം 

കടുക്‌ - 1 സ്‌പൂണ്‍

ഉഴുന്നുപരിപ്പ്‌ - 1 സ്‌പൂണ്‍ 

കടലപ്പരിപ്പ്‌ - 1 സ്‌പൂണ്‍ 

ഗരം മസാല - 1/4 സ്‌പൂണ്‍

തേങ്ങ ചിരകിയത്‌ - 1 1/2 ടേബിള്‍ സ്‌പൂണ്‍

കറിവേപ്പില - പാകത്തിന്‌ 

എണ്ണ - 1 ടേബിള്‍ സ്‌പൂണ്‍

ഉപ്പ്‌ - പാകത്തിന്‌

പാകം ചെയ്യേണ്ട വിധം:

ഒരു പാത്രത്തില്‍ നാലുകപ്പ്‌ വെള്ളം ഒഴിച്ച്‌ അടുപ്പത്ത്‌ വയ്ക്കുക. വെട്ടിത്തിളയ്ക്കുമ്പോള്‍ അരിഞ്ഞുവച്ച മുരിങ്ങപ്പൂവിട്ട് മൂടി വയ്ക്കുക. അഞ്ചു മിനിറ്റ്‌ കഴിഞ്ഞ് ഇറക്കി വെള്ളം വാര്‍ത്തു കളയുക. ചീനച്ചട്ടി അടുപ്പില്‍ വെച്ച്‌ എണ്ണയൊഴിക്കുക. കടുക്‌ ഇട്ട്‌ പൊട്ടുമ്പോള്‍ ഉഴുന്നുപരിപ്പും കടലപ്പരിപ്പും ഇടുക. ഇത്‌ ചുവന്നാല്‍ ചുവന്നുള്ളിയും പച്ചമുളകുമിട്ട്‌ ഇളക്കുക. ഇത്‌ ചുവക്കുമ്പോള്‍ മുട്ട പൊട്ടിച്ച് ഒഴിക്കുക. ശേഷം മസാലയും നാളികേരം ചിരകിയതും ചേര്‍ത്ത്‌ ഇളക്കി മുരിങ്ങപ്പൂ‍വും ചേര്‍ത്ത്‌ യോജിപ്പിക്കുക. വെള്ളം വറ്റുമ്പോള്‍ ഇറക്കിവയ്ക്കുക.

ചേരുവകള്‍

മുരിങ്ങയ്ക്ക - 5

ഉള്ളി - 150 ഗ്രാം

മഞ്ഞള്‍പ്പൊടി - 1ടീസ്പൂണ്‍

മുളക് പൊടി - 2 ടീസ്പൂണ്‍

തേങ്ങ - 1(തിരുമ്മിയത്)

പച്ചമുളക് - 4

പുളി

കറിവേപ്പില

പാകം ചെയ്യുന്ന വിധം

തേങ്ങ തിരുമ്മി ഒന്നാം പാല്‍, രണ്ടാം പാല്‍ എന്നിവ എടുത്തുവയ്ക്കുക. അതുപോലെ മുരിങ്ങയ്ക്ക, ഉള്ളി, പച്ചമുളക് എന്നിവ രണ്ടായി നീളത്തില്‍ കീറുക. വെളിച്ചെണ്ണ ചൂടാക്കി അതിലേക്ക് അരിഞ്ഞു വച്ചിരിക്കുന്ന പച്ചക്കറികള്‍ നന്നായി വഴറ്റുക. എന്നിട്ടതിലേക്ക് തേങ്ങയുടെ രണ്ടാം പാലും കറിപ്പൊടികളും ഉപ്പും ചേര്‍ത്ത് വേവിക്കുക. നന്നായി വെന്തതിനുശേഷം അതിലേക്ക് പുളിപിഴിഞ്ഞതും തേങ്ങയുടെ ഒന്നാം പാലും കറിവേപ്പിലയും ചേര്‍ത്ത് തിളപ്പിച്ചെടുക്കുക.

ചേര്‍ക്കേണ്ടവ:

കൂണ്‍ നുറുക്കിയത് 250 ഗ്രാം 

ഉള്ളി 150 ഗ്രാം 

മസാല 1 ടീസ്പൂണ്‍ 

കുരുമുളക്പൊടി പാകത്തിന്‌ 

മഞ്ഞള്‍പ്പൊടി അര ടീസ്പൂണ്‍ 

ജീരകം അര ടീസ്പൂണ്‍

ഉണ്ടാക്കുന്ന വിധം:

കൂണ്‍ കഷ്ണങ്ങള്‍ കഴുകി പാത്രത്തിലിട്ട്‌ നികക്കെ വെള്ളം ഒഴിച്ച്‌ വേവിക്കുക. തിളയ്ക്കുന്നതിന് അനുസരിച്ച് കൂടുതല്‍ വെള്ളം ചേര്‍ക്കുക. നല്ലവണ്ണം വെന്തുചേരുമ്പോള്‍ ഉള്ളി പോളിച്ചതും മസാലപ്പൊടി, കുരുമുളക്പൊടി, മഞ്ഞള്‍പ്പൊടി, ജീരകം എന്നിവ ഇട്ട്‌ ആറു കപ്പ് വെള്ളമാക്കി തിളപ്പിക്കണം. വെള്ളം വറ്റിച്ച്‌ 2 കപ്പാക്കി അരിച്ച്‌ എടുത്ത്‌ ഉപയോഗിക്കാം. സ്വാദിന് സോസു ചേര്‍ത്തോ, ഉപ്പും കുരുമുളകും വിതറിയോ കഴിക്കാം.

ചേരുവകള്‍:

പടവലങ്ങ - 100 ഗ്രാം

ഉള്ളി - 100 ഗ്രാം (അരിഞ്ഞത്)

വെളുത്തുള്ളി - 3

തേങ്ങ - 1(തിരുമ്മിയത്)

മഞ്ഞള്‍പ്പൊടി - 1/2 ടിസ്പൂണ്‍

മുളകുപൊടി - 2 ടീസ്പൂണ്‍

മല്ലിപ്പൊടി - 2ടീസ്പൂണ്‍

കുരുമുളകുപൊടി - 1/2 ടീസ്പൂണ്‍

ഉലുവാപ്പൊടി - 1/4 ടീസ്പൂണ്‍

പച്ചമുളക് - 3എണ്ണം

കറിവേപ്പില - പാകത്തിന്

പുളി - പാകത്തിന്

ഉപ്പ് - പാകത്തിന്

കടുക് - 1/2ടീസ്പൂണ്‍

വെളിച്ചെണ്ണ - പാകത്തിന്

പാകം ചെയ്യുന്ന വിധം:

തേങ്ങ ഉലുവാപ്പൊടി, കുരുമുളകുപൊടി എന്നിവ ചേര്‍ത്ത് കടുത്ത ബ്രൌണ്‍ നിറമാകുന്നതുവരെ നന്നായി വറുക്കുക (എണ്ണ ചേര്‍ക്കരുത്). പകുതി സമയം കഴിയുമ്പോള്‍ മുളകുപൊടി, മഞ്ഞള്‍പ്പൊടി, മല്ലിപ്പൊടി എന്നിവയും ചേര്‍ത്ത് വറുക്കുക. അതിനുശേഷം വറുത്ത ചേരുവകള്‍ വെള്ളം കുറച്ച് ചേര്‍ത്ത് അരച്ചെടുക്കുക. എന്നിട്ട് വെളിച്ചെണ്ണ ചൂടാക്കി അതില്‍ അരിഞ്ഞ പടവലങ്ങ, ഉള്ളി, പച്ചമുളക് കീറിയത്, വെളുത്തുള്ളി എന്നിവ ബ്രൌണ്‍ നിറമാകുന്നതുവരെ വഴറ്റുക. നന്നായി വഴറ്റിയ ഈ ചേരുവകളിലേക്ക് പുളി പിഴിഞ്ഞതും അരച്ച ചേരുവയും ഉപ്പും വെള്ളവും ചേര്‍ത്ത് അല്പസമയം തിളപ്പിക്കുക. എന്നിട്ട് വെളിച്ചെണ്ണയില്‍ കടുക് വറുത്ത് ചുവന്ന മുളകും കറിവേപ്പിലയും ചേര്‍ത്ത് കറിയിലേക്ക് ഒഴിക്കുക.

ചേരുവകള്‍:

ഉള്ളി - 200 ഗ്രാം (അരിഞ്ഞത്)

വെളുത്തുള്ളി - 3

തേങ്ങ - 1(തിരുമ്മിയത്)

മഞ്ഞള്‍പ്പൊടി - 1/2 ടിസ്പൂണ്‍

മുളകുപൊടി - 2 ടീസ്പൂണ്‍

മല്ലിപ്പൊടി - 2 ടീസ്പൂണ്‍

കുരുമുളകുപൊടി - 1/2 ടീസ്പൂണ്‍

ഉലുവാപ്പൊടി - 1/4 ടീസ്പൂണ്‍

പച്ചമുളക് - 3എണ്ണം

കറിവേപ്പില

പുളി

ഉപ്പ് - പാകത്തിന്

കടുക് - 1/2 ടീസ്പൂണ്‍

വെളിച്ചെണ്ണ

പാകം ചെയ്യുന്ന വിധം: 

തേങ്ങ ഉലുവാപ്പൊടി, കുരുമുളകുപൊടി എന്നിവ ചേര്‍ത്ത് കടുത്ത ബ്രൌണ്‍ നിറമാകുന്നതുവരെ നന്നായി വറുക്കുക (എണ്ണ ചേര്‍ക്കരുത്). പകുതി സമയം കഴിയുമ്പോള്‍ മുളകുപൊടി, മഞ്ഞള്‍പ്പൊടി, മല്ലിപ്പൊടി എന്നിവയും ചേര്‍ത്ത് വറുക്കുക. അതിനുശേഷം വറുത്ത ചേരുവകള്‍ വെള്ളം കുറച്ച് ചേര്‍ത്ത് അരച്ചെടുക്കുക. എന്നിട്ട് വെളിച്ചെണ്ണ ചൂടാക്കി അതില്‍ ഉള്ളി, പച്ചമുളക് കീറിയത്, വെളുത്തുള്ളി എന്നിവ ബ്രൌണ്‍ നിറമാകുന്നതുവരെ വഴറ്റുക. നന്നായി വഴറ്റിയ ഈ ചേരുവകളിലേക്ക് പുളി പിഴിഞ്ഞതും അരച്ച ചേരുവയും ഉപ്പും അല്പം വെള്ളവും ചേര്‍ത്ത് അല്പസമയം തിളപ്പിക്കുക. എന്നിട്ട് വെളിച്ചെണ്ണയില്‍ കടുക് വറുത്ത് ചുവന്ന മുളകും കറിവേപ്പിലയും ചേര്‍ത്ത് കറിയിലേക്ക് ഒഴിക്കുക.

ചേര്‍ക്കേണ്ടവ:

അരിപ്പൊടി - മൂന്ന് കപ്പ്

റവ - മൂന്ന് സ്പൂണ്‍

തേങ്ങ - ഒന്ന്

മുട്ട - ഒന്ന്

യീസ്റ്റ് - രണ്ട് സ്പൂണ്‍

പഞ്ചസാര - നാല് സ്പൂണ്‍

ഉപ്പ് - പാകത്തിന് 

ഉണ്ടാക്കേണ്ട വിധം:

തേങ്ങ ചിരകി അരച്ച് വയ്ക്കുക. തേങ്ങാവെള്ളം കളയരുത്. റവ ഒരുകപ്പ് വെള്ളത്തില്‍ കുറുക്കിയ ശേഷം യീസ്റ്റ് ചേര്‍ത്ത് കുഴയ്ക്കണം. അരിപ്പൊടിയും തേങ്ങാവെള്ളവും പഞ്ചസാരയും ചേര്‍ത്ത് കുഴച്ചെടുത്ത് റവ കുറുക്കിയതുമായി യോജിപ്പിക്കുക. ഇനി ആറുമണിക്കൂര്‍ നേരം മാവ് വച്ചേക്കണം. അതിനുശേഷം ഇത് തേങ്ങ അരച്ചതും മുട്ടയും ഉപ്പും ചേര്‍ത്ത് നന്നായി യോജിപ്പിക്കണം. വീണ്ടും അരമണിക്കൂര്‍ കഴിഞ്ഞാല്‍ വെള്ളയപ്പം ചുട്ടെടുക്കാം

ഫൈബര്‍, വിറ്റാമിന്‍ സി, വിറ്റാമിന്‍ എ, വിറ്റാമിന്‍ കെ, വിറ്റാമിന്‍ കെ1, വിറ്റാമിന്‍ ബി6, മഗ്നീഷ്യം, ബീറ്റാ കരോട്ടിന്‍ തുടങ്ങി നിരവധി പോഷകങ്ങളുടെ കലവറയാണ് വെണ്ടക്ക.

വെണ്ടയ്ക്കയില്‍ നാരുകള്‍ അടങ്ങിയിട്ടുള്ളതിനാല്‍ ദഹന സംബന്ധമായ പ്രശ്നങ്ങള്‍ അകറ്റാന്‍ നല്ലതാണ്. ചര്‍മ്മസംരക്ഷണത്തിന് ഏറ്റവും നല്ലതാണ് വെണ്ടയ്ക്ക. ത്വക്ക് രോഗങ്ങള്‍ ഇല്ലാതാക്കാന്‍ വെണ്ടയ്‌ക്ക മികച്ചതാണ്.

വെണ്ടയ്‌ക്കയിലെ വൈറ്റമിന്‍ സി ഇമ്മ്യൂണ്‍ സിസ്റ്റത്തെ ഉദ്ദീപിപ്പിക്കുകയും അതുവഴി ശ്വേതരക്താണുക്കളുടെ അളവ് കൂട്ടുകയും ചെയ്യുന്നു.

എല്ലുകളുടെയും ശരീരത്തിന്റെയും ആരോഗ്യം നിലനിര്‍ത്താനാവശ്യമായ വൈറ്റമിനുകളാലും മിനറലുകളാലും സമ്പുഷ്‌ടമാണ് വെണ്ടയ്‌ക്ക. ആന്‍റിഓക്‌സിഡന്‍റുകളായ ബീറ്റ കരോട്ടിന്‍, സെന്തീന്‍, ലുട്ടീന്‍ എന്നിവയുമുള്ളതിനാല്‍ കാഴ്‌ചശക്‌തി കൂട്ടാനും ഉത്തമമാണ്.

വെണ്ടയ്‌ക്ക രക്തസമ്മര്‍ദം കുറയ്ക്കാനും ഹൃദയത്തെ കഠിനാധ്വാനത്തില്‍ നിന്നു മോചിപ്പിക്കാനും സഹായിക്കുന്നു. എന്നാല്‍ ഇതിലടങ്ങിയിരിക്കുന്ന ഓക്‌സലേറ്റുകള്‍ കിഡ്‌നി സ്‌റ്റോണിന് കാരണമാകുന്നതായും വിദഗ്ധര്‍ പറയുന്നു.

ഇതാ വെണ്ടയ്ക്ക കൊണ്ട് തയ്യാറാക്കാവുന്ന രുചികരമായ ഒരു കറി

വെണ്ടയ്ക്ക ഫിംഗര്‍ മസാല

വെണ്ടയ്ക്ക പ്രിയമല്ലാത്തവര്‍ ജീവിതത്തില്‍ ഒരിക്കലെങ്കിലും ഈ കൂട്ട്‌ പരീക്ഷിക്കണം. പിന്നെ അവര്‍ വെണ്ടയ്ക്കയുടെ ആരാധകരാകും.

ചേര്‍ക്കേണ്ട ഇനങ്ങള്‍

വെണ്ടയ്ക്ക - ഒരു കിലോ

മഞ്ഞള്‍പ്പൊടി - ഒരു ടീസ്പൂണ്‍

മുളക്‌ പൊടി - ഒരു ടീസ്പൂണ്‍

പച്ചമുളക്‌ - 4

മല്ലിപ്പൊടി - 2 ടീസ്പൂണ്‍

ഉപ്പ്‌ - പാകത്തിന്‌

എണ്ണ - 120 ഗ്രാം

പാകം ചെയ്യേണ്ട വിധം

വെണ്ടയ്ക്ക ചെറിയ കഷണങ്ങളായി മുറിക്കുക. പച്ചമുളക്‌ കഴുകി ചെറിയ കഷണങ്ങളായി മുറിക്കണം. പാന്‍ ചൂടാകുമ്പോള്‍ എണ്ണ ഒഴിച്ച്‌ തിളപ്പിച്ച്‌ നുറുക്കി വെച്ചിരിക്കുന്ന വെണ്ടയ്ക്ക പച്ചമുളകും മഞ്ഞള്‍പൊടി, മല്ലിപ്പൊടി, മുളക്പൊടി, ഉപ്പ്‌ ചേര്‍ത്ത്‌ ഇളക്കി അടച്ചു മൂടി ചെറുതീയില്‍ അരമണിക്കൂര്‍ വേവിച്ച ശേഷം അടുപ്പില്‍ നിന്നിറക്കി വെച്ച്‌ ചൂടോടെ ഉപയോഗിക്കാം.

ഇടിച്ചക്ക ഫ്രൈ ഉണ്ടാക്കാൻ വേണ്ട ചേരുവകൾ നോക്കാം 

ഇടിചക്ക 

മുളകുപൊടി _ നാല് ടീസ്പൂണ്‍

മഞ്ഞള്‍പൊടി - ഒരു ടീസ്പൂൺ ‘

കോണ്‍ഫ്ലോര് -  രണ്ട് ടീസ്പൂൺ

ഉപ്പ് - പാകത്തിന്

എണ്ണ - ഫ്രൈ ചെയ്യാൻ ആവശ്യത്തിന് 

ഇനി ഇടിച്ചക്ക ഫ്രൈ തയ്യാറാക്കുന്നത് എങ്ങനെയാണെന്ന് നോക്കാം 

ഇടിചക്ക വലിയ കഷ്ണങ്ങളാക്കി മുറിച്ച് പുഴുങ്ങുക. ശേഷം ഇത് നിളത്തിൽ ചെറുതായി അരിഞ്ഞ മാറ്റിവക്കുക. ഇനി ഉപ്പ് മുളകുപൊടി, മഞ്ഞൾപൊടി കോൺഫ്ലോർ എന്നിവ നന്നായി മിക്സ് ചെയ്ത ശേഷം മുറിച്ചുവച്ചിരികുന്ന ഇടച്ചക്കയിൽ നന്നായി പുരട്ടുക. അരമണിക്കൂർ കഴിഞ്ഞ് ഇത് വറുത്തുകോരാം.  

ഒനിയൻ പൊറോട്ട ഉണ്ടാക്കാൻ വേണ്ട ചേരുവകള്‍ നോക്കാം 

ഗോതമ്പ് പൊടി - രണ്ട് കപ്പ്

ഉപ്പ് - ആവശ്യത്തിന്

എണ്ണ - ആവശ്യത്തിന

ഉള്ളി - ഒന്ന് ചെറുതായി അരിഞ്ഞത്

പച്ചമുളക് - ഒന്ന് ചെറുതായി അരിഞ്ഞത്

മുളക് പൊടി - ഒരു ടീസ്പൂണ്‍

ഗരം മസാല - ഒരു ടീസ്പൂണ്‍

ജീരകപൊടി - ഒരു ടീസ്പൂണ്‍

മല്ലി - ഒരു ടീസ്പൂണ്‍

ഇനി ഒനിയൻ പൊറോട്ട തയ്യാറാക്കുന്നത് എങ്ങനെ എന്ന് നോക്കാം 

ആദ്യം ഗോതമ്പ് പൊടിയും ആവശ്യത്തിന് ഉപ്പും വെള്ളവും ചേർത്ത് ചപ്പാത്തിക്ക് കുഴക്കുന്നതുപോലെ നന്നായി കുഴച്ച പാകമാക്കി വക്കുക. ഇതിനു മുകളിലേക്ക് ഒരു ടീസ്പൂൺ എണ്ണ ഒഴിച്ച് എല്ലാ ഭാഗത്തേക്കും തടവി കുറച്ചുനേരത്തേക്ക് മൂടി മാറ്റിവക്കുക. 

ഉള്ളി, പച്ചമുളക്, മുളക് പൊടി, ഗരം മസാല, ജീരകപൊടി, മല്ലി എന്നിവ ഒരു ബൌളിലേക്ക് ചേത്ത് ആവശ്യത്തിന് ഉപ്പ് ചേത്ത് മിക്സ് ചെയ്ത് മാറ്റിവക്കുക. ഇനി തയ്യാറാക്കുന്ന മാവ് ചാപ്പാത്തിക്കായി ഉരുളയുണ്ടാക്കി അല്പം പരത്തി നടുവിൽ അൽ‌പം ഫില്ലിങ്ങ് ഇടുക ശേഷം ഇത് വീണ്ടും  ഉരുളയാക്കി അ‌ൽ‌പം കട്ടിയിൽ പരത്തിയെടുത്ത് ചപ്പാത്തി ചുടുന്നതുപോലെ ചുട്ടെടുക്കാം. ഒനിയൻ പൊറോട്ട തയ്യാർ  

ഇഡലി ചില്ലി തയ്യാറാക്കാൻ വേണ്ട ചേരുവകൾ 

ഇഡലി - അഞ്ചെണ്ണം 

പച്ചമുളക് - രണ്ടെണ്ണം നീളത്തിൽ കീറിയത്

ഇഞ്ചി വെളുത്തുള്ളി പേസ്റ്റ് - ഒരു ടീസ്പൂണ്‍

മുളക്‌പൊടി - ഒരു ടീസ്പൂണ്‍

സവാള - രണ്ടെണ്ണം ചെതുരത്തിൽ അരിഞ്ഞത്

ക്യാപ്‌സിക്കം - ഉള്ളിലെ അരി കളഞ്ഞ് ചെതുരത്തിൽ അരിഞ്ഞത്

സോയാ സോസ് - രണ്ടര ടീസ്പൂണ്‍

റ്റൊമാറ്റൊ സോസ് - രണ്ടര ടീസ്പൂണ്‍

ചില്ലി സോസ് - ഒന്നര ടീസ്പൂണ്‍

കോണ്‍ ഫ്ലോര്‍ - അര കപ്പ്

അരിപൊടി - ഒരു ടേബിള്‍ സ്പൂണ്‍

ഉപ്പ് - ആവശ്യത്തിന്

എണ്ണ - ആവശ്യത്തിന്

ചില്ലി ഇഡലി തയ്യാറാക്കുന്നത് എങ്ങനെ എന്ന് നോക്കാം 

ആദ്യം തന്നെ ചെയ്യേണ്ടത് സോയസോസ്, മുക്കാൽ ടീസ്പൂൺ ഇഞ്ചി വെളുത്തുള്ളി പേസ്റ്റ് അരിപ്പൊടി, കോൺഫ്ലോർ, ഉപ്പ്, എന്നിവ അൽ‌പം വെള്ളം ചെർത്ത് നന്നായി മിക്സ് ചെയ്ത് വക്കുക. ശേഷം ഇഡലി തയ്യാറാക്കിവച്ചിരിക്കുന്ന മിക്സിൽ മുക്കി വറുത്തെകൊരുക. പാനിൽനിന്നും അൽ‌പം എണ്ണമാത്രം ഒഴിച്ച് സവാള വഴറ്റുക. 

ഇതിലേക്ക് പച്ചമുളകും ബാക്കിയുള്ള ഇഞ്ചി വെളുത്തുള്ളി പേസ്റ്റും ചേർത്ത് നന്നായി വഴറ്റുക. പച്ചമണം മാറിയാൽ ക്യാപ്സികം ചേർക്കാം. ക്യപ്സിക്കം ഒന്ന് വാടിക്കഴിഞ്ഞാൽ സോയാ സോസ്, ചില്ലി സോസ്, റ്റൊമാറ്റൊ സോസ് എന്നിവയും ആവശ്യത്തിന് ഉപ്പും ചേർത്ത് വഴറ്റുക. ഇതിലേക്ക് വറുത്ത് വച്ചിരിക്കുന്ന ഇഡലികൂടി ചേർത്ത് നന്നായി മിക്സ് ചെയ്ത് അ‌ൽ‌പനേരംകൂടി വേവിക്കുക. ഇഡലി ചില്ലി തയ്യാർ. 

ചെറുപയർ കട്ലറ്റ് ഉണ്ടാക്കാൻ ആവശ്യമായ ചേരുവകൾ 

ചെറുപയര്‍ - ഒരു കപ്പ്‌

സവാള - ഒന്ന് പൊടിയായി അരിഞ്ഞത്

പച്ചമുളക് - മൂന്നെണ്ണം 

ഇഞ്ചി - ചെറിയ കഷ്ണം

ഓയില്‍ - ആവശ്യത്തിന്

ഉപ്പ് - ആവിശ്യത്തിന് 

മുളക് പൊടി - അര സ്പൂണ്‍ 

ഗരം മസാല- അര സ്പൂണ്‍ 

മുട്ട- രണ്ടെണ്ണം 

ബ്രെഡ് പൊടി - ആവിശ്യത്തിന്

ഇനി ചെറുപയർ കട്ലറ്റ് ഉണ്ടാക്കുന്നത് എങ്ങനെയെന്ന് നോക്കം 

ചെറുപയറ് വെള്ളത്തിൽ കുതിർത്തുവക്കുകയാണ് ആദ്യം ചെയ്യേണ്ടത്. വൈകുന്നേരമാണ് ഉണ്ടാക്കുന്നത് എങ്കിൽ രാവിലെ തന്നെ വെള്ളത്തിൽ കുതിർത്ത് വക്കുക. ശേഷം ചെറുപയർ വെളത്തിൽ നിന്നും ഊറ്റി. മിക്സിയിൽ ഇട്ട് വെള്ളം ചേർക്കാതെ അരച്ചെടുക്കുക. 

അരച്ചെടുത്ത ചെറുപയർ ഒരു ബൌളിലേക്ക് മാറ്റിവക്കുക. ഇതിലേക്ക് ഓരോ ചേരുവകളും നന്നായി മിക്സ് ചെയ്തെടുക്കുക. ബ്രഡ് പൊടി മിശ്രിതത്തിൽ ചേർക്കുകയും ആവശ്യത്തിന് മാറ്റിവക്കുകയും വേണം. ഇനി ഇത് കട്ലറ്റിന്റെ ആകൃതിയിൽ പരത്തിയെടുത്ത് മുട്ടയിലും ബ്രഡ് പൊടിയിലും മുക്കി എണ്ണയിൽ വറുത്തുകോരാം. ചെറുപയർ കട്ലറ്റ് റെഡി. 

ഫൈബര്‍, വിറ്റാമിന്‍ സി, വിറ്റാമിന്‍ എ, വിറ്റാമിന്‍ കെ, വിറ്റാമിന്‍ കെ1, വിറ്റാമിന്‍ ബി6, മഗ്നീഷ്യം, ബീറ്റാ കരോട്ടിന്‍ തുടങ്ങി നിരവധി പോഷകങ്ങളുടെ കലവറയാണ് വെണ്ടക്ക.

വെണ്ടയ്ക്കയില്‍ നാരുകള്‍ അടങ്ങിയിട്ടുള്ളതിനാല്‍ ദഹന സംബന്ധമായ പ്രശ്നങ്ങള്‍ അകറ്റാന്‍ നല്ലതാണ്. ചര്‍മ്മസംരക്ഷണത്തിന് ഏറ്റവും നല്ലതാണ് വെണ്ടയ്ക്ക. ത്വക്ക് രോഗങ്ങള്‍ ഇല്ലാതാക്കാന്‍ വെണ്ടയ്‌ക്ക മികച്ചതാണ്.

വെണ്ടയ്‌ക്കയിലെ വൈറ്റമിന്‍ സി ഇമ്മ്യൂണ്‍ സിസ്റ്റത്തെ ഉദ്ദീപിപ്പിക്കുകയും അതുവഴി ശ്വേതരക്താണുക്കളുടെ അളവ് കൂട്ടുകയും ചെയ്യുന്നു.

എല്ലുകളുടെയും ശരീരത്തിന്റെയും ആരോഗ്യം നിലനിര്‍ത്താനാവശ്യമായ വൈറ്റമിനുകളാലും മിനറലുകളാലും സമ്പുഷ്‌ടമാണ് വെണ്ടയ്‌ക്ക. ആന്‍റിഓക്‌സിഡന്‍റുകളായ ബീറ്റ കരോട്ടിന്‍, സെന്തീന്‍, ലുട്ടീന്‍ എന്നിവയുമുള്ളതിനാല്‍ കാഴ്‌ചശക്‌തി കൂട്ടാനും ഉത്തമമാണ്.

വെണ്ടയ്‌ക്ക രക്തസമ്മര്‍ദം കുറയ്ക്കാനും ഹൃദയത്തെ കഠിനാധ്വാനത്തില്‍ നിന്നു മോചിപ്പിക്കാനും സഹായിക്കുന്നു. എന്നാല്‍ ഇതിലടങ്ങിയിരിക്കുന്ന ഓക്‌സലേറ്റുകള്‍ കിഡ്‌നി സ്‌റ്റോണിന് കാരണമാകുന്നതായും വിദഗ്ധര്‍ പറയുന്നു.

ഇതാ വെണ്ടയ്ക്ക കൊണ്ട് തയ്യാറാക്കാവുന്ന രുചികരമായ ഒരു കറി

വെണ്ടയ്ക്ക ഫിംഗര്‍ മസാല

വെണ്ടയ്ക്ക പ്രിയമല്ലാത്തവര്‍ ജീവിതത്തില്‍ ഒരിക്കലെങ്കിലും ഈ കൂട്ട്‌ പരീക്ഷിക്കണം. പിന്നെ അവര്‍ വെണ്ടയ്ക്കയുടെ ആരാധകരാകും.

ചേര്‍ക്കേണ്ട ഇനങ്ങള്‍

വെണ്ടയ്ക്ക - ഒരു കിലോ 

മഞ്ഞള്‍പ്പൊടി - ഒരു ടീസ്പൂണ്‍ 

മുളക്‌ പൊടി - ഒരു ടീസ്പൂണ്‍ 

പച്ചമുളക്‌ - 4 

മല്ലിപ്പൊടി - 2 ടീസ്പൂണ്‍ 

ഉപ്പ്‌ - പാകത്തിന്‌ 

എണ്ണ - 120 ഗ്രാം

പാകം ചെയ്യേണ്ട വിധം

വെണ്ടയ്ക്ക ചെറിയ കഷണങ്ങളായി മുറിക്കുക. പച്ചമുളക്‌ കഴുകി ചെറിയ കഷണങ്ങളായി മുറിക്കണം. പാന്‍ ചൂടാകുമ്പോള്‍ എണ്ണ ഒഴിച്ച്‌ തിളപ്പിച്ച്‌ നുറുക്കി വെച്ചിരിക്കുന്ന വെണ്ടയ്ക്ക പച്ചമുളകും മഞ്ഞള്‍പൊടി, മല്ലിപ്പൊടി, മുളക്പൊടി, ഉപ്പ്‌ ചേര്‍ത്ത്‌ ഇളക്കി അടച്ചു മൂടി ചെറുതീയില്‍ അരമണിക്കൂര്‍ വേവിച്ച ശേഷം അടുപ്പില്‍ നിന്നിറക്കി വെച്ച്‌ ചൂടോടെ ഉപയോഗിക്കാം.

ഗോബി മഞ്ചൂരിയന്‍ തയ്യാറാക്കാന്‍ ആവശ്യമുള്ളവ:

കോളിഫ്ളവര്‍ - 1 

സവാള - 1

വെളുത്തുള്ളി - 4/5 അല്ലി

ഇഞ്ചി - ഒരു ചെറിയ കഷണം

കുരുമുളകുപൊടി - ഒരു ടീസ്പൂണ്‍

സ്പ്രിംഗ് ഒണിയന്‍ - ഒരു തണ്ട്

സെലറി - ഒരു തണ്ട്

കോണ്‍ഫ്ളവര്‍ - ഒരു ടേബിള്‍ സ്പൂണ്‍

സോയാസോസ് - രണ്ട് ടേബിള്‍ സ്പൂണ്‍

വിനഗര്‍ - ഒരു ടേബിള്‍ സ്പൂണ്‍

പഞ്ചസാര - ഒരു ടേബിള്‍ സ്പൂണ്‍

മൈദ - 4 മുതല്‍ 5 വരെ ടേബിള്‍ സ്പൂണ്‍

ബേക്കിംഗ് പൗഡര്‍ - ഒരു നുള്ള്

എണ്ണ - ആവശ്യത്തിന്

ഉപ്പ് - ആവശ്യത്തിന്

തയ്യാറാക്കുന്ന വിധം:

ആദ്യം കോളിഫ്ളവര്‍ ചെറുതായി മുറിക്കുക. 4-5 ടേബിള്‍ സ്പൂണ്‍ മൈദ, ഒരു നുള്ള് ബേക്കിംഗ് പൗഡര്‍, ഒരു നുള്ള് ഉപ്പ്, അര ടേബിള്‍ സ്പൂണ്‍ സോയാസോസ്, കുറച്ചു വെള്ളം എന്നിവ ചേര്‍ത്ത് കോളിഫ്ളവര്‍ കുഴയ്ക്കുക. 

ഒരു പാത്രത്തില്‍ എണ്ണയൊഴിച്ച് ചൂടാക്കുക. തീ ചെറുതാക്കി അഡ്ജസ്റ്റ് ചെയ്തു വയ്ക്കുക. നല്ല ചൂടായ എണ്ണയില്‍ കുഴച്ചുവച്ചിരിക്കുന്ന കോളിഫ്ളവര്‍ വറുത്ത് കോരുക. 

ഒരു കപ്പ് വെള്ളത്തില്‍ സോയാസോസ്, വിനിഗര്‍, കുരുമുളകുപൊടി, കോണ്‍ഫ്ളവര്‍, പഞ്ചസാര എന്നിവ ആവശ്യത്തിന് ഉപ്പും ചേര്‍ത്ത് വയ്ക്കുക. സവാള, ഇഞ്ചി, വെളുത്തുള്ളി, സെലറി, സ്പ്രിംഗ് ഒണിയന്‍ എന്നിവയും ചെറുതായി അരിഞ്ഞ്, മറ്റൊരു പാത്രത്തില്‍ 2 ടേബിള്‍ സ്പൂണ്‍ എണ്ണ ചൂടാക്കിയതില്‍ വഴറ്റുക. 

സോയാസോസും വിനഗറും ചേര്‍ത്ത് തയ്യാറാക്കിയ മിശ്രിതവും, വറുത്തുകോരിയ കോളിഫ്ളവറും സ്പ്രിംഗ് ഒണിയന്‍, സെലറി എന്നിവ ചേര്‍ത്ത് തിളപ്പിക്കുക. മിശ്രിതം കുറുകുമ്പോള്‍ ചെറുചൂടോടുകൂടി ഉപയോഗിക്കാം.

ചേരുവകള്‍:

കോളിഫ്ലവര്‍ - 1 ചെറുത്

മുട്ട - 2

കുരുമുളകുപൊടി - 1 ടീസ്പൂണ്‍

മുളകുപൊടി - 1 ടീസ്പൂണ്‍

മസാലപ്പൊടി - 1/2 ടീസ്പൂണ്‍

ഉപ്പ് - പാകത്തിന്

നാരങ്ങാ നീര് - 2 ടീസ്പൂണ്‍

റൊട്ടിപ്പൊടി - 1 1/2 കപ്പ്

വെളിച്ചെണ്ണ - വറുക്കാന്‍ പാകത്തിന്

പാകം ചെയ്യുന്ന വിധം:

കോളിഫ്ലവര്‍ ഇതളുകളായി മുറിച്ച് കഴുകി വൃത്തിയാക്കുക. അവയെ നാരങ്ങാ നീര് ചേര്‍ത്ത വെള്ളത്തില്‍ തിളപ്പിക്കുക. കോളിഫ്ലവര്‍ വാടിവരുമ്പോള്‍ വാങ്ങിവച്ച് ഉണങ്ങിയ തുണിയില്‍ പൊതിഞ്ഞ് ഈര്‍പ്പം കളയുക. 

അതിനുശേഷം മുട്ട, കുരുമുളകുപൊടി, മുളകുപൊടി, മസാലപ്പൊടി, ഉപ്പ് എന്നിവ നന്നായി യോജിപ്പിക്കുക. ഈ മിശ്രിതത്തില്‍ കോളിഫ്ലവര്‍ ഇതളുകള്‍ മുക്കി റൊട്ടിപ്പൊടിയില്‍ പൊതിഞ്ഞ് തിളച്ച വെളിച്ചെണ്ണയില്‍ വറുത്തെടുക്കുക.

ചേര്‍ക്കേണ്ട ഇനങ്ങൾ‍:

ഉരുളക്കിഴങ്ങ് - 1/4 കിലോ

ബീന്‍സ് - 1/4 കിലോ

സവാള - 1/4 കിലോ

കാരറ്റ് - 100 ഗ്രാം

പച്ചമുളക് - 10 എണ്ണം

ഇഞ്ചി - 1 കഷണം

വെളുത്തുള്ളി - 5 അല്ലി

ഗ്രാമ്പൂ - 4 എണ്ണം

കറുവാപ്പട്ട - 1 കഷണം

ഏലയ്ക്ക - 4 എണ്ണം

പെരുംജീരകം - 1 ടീസ്പൂണ്‍

കശകശ - 1 ടീസ്പൂണ്‍

മല്ലിപ്പൊടി - 1 ടേബിള്‍ സ്പൂണ്‍

മഞ്ഞള്‍പ്പൊടി - 1/2 ടീസ്പൂണ്‍

കുരുമുളക് - 1 ടീസ്പൂണ്‍

അണ്ടിപ്പരിപ്പ് അരച്ചത് - 25 ഗ്രാം

തേങ്ങാപ്പാല്‍ കട്ടി - 1/2 കപ്പ് 

മല്ലിയില - 1/2 കപ്പ്

എണ്ണ - 3 ടേബിള്‍ സ്പൂണ്‍

വിനാഗിരി - 1 ടീസ്പൂണ്‍

ഉപ്പ് - പാകത്തിന്

പാകം ചെയ്യേണ്ട വിധം

എണ്ണ ചൂടാക്കി പച്ചമുളക്, ഇഞ്ചി, വെളുത്തുള്ളി, ഗ്രാമ്പൂ, പട്ട, ഏലയ്ക്ക, പെരുംജീരകം, കശകശ, മല്ലിപ്പൊടി, മഞ്ഞള്‍പ്പൊടി, കുരുമുളക് എന്നിവ ചേര്‍ത്ത് വഴറ്റുക. ഈ ചേരുവകളെ മിക്സിയിലിട്ട് പേയ്‌സ്‌റ്റ് പരുവത്തില്‍ അരയ്ക്കുക. ഉരുളക്കിഴങ്ങ്, ബീന്‍സ്, സവാള, കാരറ്റ് എന്നിവയും ഈ മസാല പേയ്സ്റ്റും അരക്കപ്പ് വെള്ളവും പാകത്തിന് ഉപ്പും ഒരു ടീസ്പൂണ്‍ വിനാഗിരിയും ചേര്‍ത്ത് കുക്കറില്‍ വേവിയ്ക്കണം കഷ്ണങ്ങള്‍ വെന്ത് ചാറ്‌ കുറുകിക്കഴിയുമ്പോള്‍ അണ്ടിപ്പരിപ്പ് അരച്ചത് ഒരു കപ്പ് തേങ്ങാപ്പാലില്‍ കലക്കി ഒഴിച്ച് വീണ്ടും അഞ്ചുമിനിറ്റ് തിളപ്പിക്കുക. ചാറ്‌ കുറുകി കഴിയുമ്പോള്‍ മല്ലിയില അരിഞ്ഞത് തൂവി വിളമ്പുക.

ഊണിനൊപ്പം കഴിക്കാന്‍ ക്യാരറ്റ് പച്ചടിയുണ്ടാക്കാന്‍ പഠിക്കാം.

ചേരുവകള്‍

ക്യാരറ്റ് - 2

ഉള്ളി - 10

തൈര് - അര കപ്പ്

പച്ചമുളക് - 3

ചുവന്ന് മുളക് - 2

കടുക് - അര ടീസ്പൂണ്‍

വെളിച്ചെണ്ണ - പാകത്തിന്

പാകം ചെയ്യുന്ന വിധം

ക്യാരറ്റും ഉള്ളിയും ചെറുതായി അരിയുക. എന്നിട്ട് വെളിച്ചെണ്ണ ചൂടാക്കി കടുക് പൊട്ടിച്ച് ചുവന്ന മുളകും ഇട്ട് വറുക്കുക. അതില്‍ അരിഞ്ഞു വച്ചിരിക്കുന്ന പച്ചക്കറി ഉപ്പും ചേര്‍ത്ത് വഴറ്റി വേവിക്കുക. നന്നായി വെന്തതിനുശേഷം തൈര് ചേര്‍ത്തിളക്കി മാറ്റുക.

ചേര്‍ക്കേണ്ട ഇനങ്ങള്‍: 

പച്ച മാങ്ങ - 500 ഗ്രാം

തേങ്ങ -1 (വലുത്)

മുളകുപൊടി - 75 ഗ്രാം

മഞ്ഞള്‍പൊടി - 75 ഗ്രാം

ഉപ്പ് - ആവശ്യത്തിന്

ഇഞ്ചി- 1 കഷ്ണം

കറിവേപ്പില- 2 തണ്ട് 

പാകം ചെയ്യേണ്ട രീതി:

മാങ്ങാക്കറി ഉണ്ടാക്കാന്‍ എത്ര എളുപ്പം എന്ന് തോന്നും. പച്ചമാങ്ങ കനം കുറച്ച് ചെറുതായി അരിയുക. അതില്‍ മഞ്ഞപ്പൊടിയും മുളക്‍പൊടിയും ഇട്ട് പാകത്തിന് ഇളക്കുക. അടുപ്പത്ത്‌വയ്ക്കുക. തിളക്കുമ്പോള്‍ തേങ്ങ, ഇഞ്ചി എന്നിവ അരച്ചുചേര്‍ത്ത് കറിവേപ്പിലയും ഉപ്പും ഇട്ടിളക്കി യോജിപ്പിച്ച് ഇറക്കി വയ്ക്കുക. മാങ്ങാക്കറി റെഡി.

മത്തങ്ങ - 250ഗ്രാം

തേങ്ങ - 2കപ്പ്

വെളുത്തുള്ളി - 5 അല്ലി

മുളകുപൊടി - 2 ടീസ്പൂണ്‍

മഞ്ഞള്‍പ്പൊടി - 2 ടീസ്പൂണ്‍

കുരുമുളകുപൊടി‌ - 1/4 ടീസ്പൂണ്‍

ചുവന്ന മുളക് - 2

കടുക് - 1/2 ടീസൂണ്‍

ജീരകം - 1/2 ടീസ്പൂണ്‍

കറിവേപ്പില - 

ഉപ്പ് - പാകത്തിന്

വെളിച്ചെണ്ണ - 2 ടീസ്പൂണ്‍

പാകം ചെയ്യുന്ന വിധം:

കഷണങ്ങളാ‍ക്കിയ മത്തങ്ങ അല്പം മഞ്ഞള്‍പ്പൊടി ചേര്‍ത്ത് വേവിക്കുക. തേങ്ങ മുളകുപൊടി, മഞ്ഞള്‍പ്പൊടി, വെളുത്തുള്ളി, ജീരകം, കുരുമുളകുപൊടി എന്നിവ ചേര്‍ത്ത് നന്നായി അരയ്ക്കുക. അരച്ച മിശ്രിതവും ഉപ്പും കറിവേപ്പിലയും വേവിച്ചുവച്ചിരിക്കുന്ന ചേരുവയിലേക്കിട്ട് നന്നായി ഇളക്കുക. വെളിച്ചെണ്ണയില്‍ കടുക് വറുത്ത് ചുവന്ന മുളകും ചേര്‍ത്ത് കറിയിലേക്കൊഴിക്കുക. (കുറിപ്പ് - വെള്ളം കൂടിപ്പോകാതെ ശ്രദ്ധിക്കണം)

ചേരുവകള്‍ 

ഇഞ്ചി 100 ഗ്രാം 

പച്ചമുളക് 6 

വെളിച്ചെണ്ണ കാല്‍ കപ്പ്

മുളകുപൊടി 1ടീസ്പൂണ്‍ 

മഞ്ഞള്‍പ്പൊടി കാല്‍ ടീസ്പൂണ്‍ 

ഉലുവപ്പൊടി കാല്‍ടീസ്പൂണ്‍ 

പുളി ചെറുനാരങ്ങയോളം 

വെള്ളം 2 കപ്പ് 

ഉപ്പ് പാകത്തിന് 

ശര്‍ക്കര കാല്‍ ഉണ്ട

കടുകു വറുക്കുന്നതിന് 

വെളിച്ചെണ്ണ 1 ടേബിള്‍സ്പൂണ്‍ 

കടുക് 2 ടീസ്പൂണ്‍ 

വറ്റല്‍മുളക് മുറിച്ചത് 2 എണ്ണം 

കറിവേപ്പില 2 കതിര്‍പ്പ്

ഇഞ്ചി വൃത്തിയായി കഴുകി ചുരണ്ടി വയ്ക്കുക. കനം കുറച്ച് വട്ടത്തില്‍ അരിയുക. പച്ചമുളക് വട്ടത്തില്‍ വേറെ അരിഞ്ഞു വയ്ക്കുക. ചീനച്ചട്ടിയില്‍ വെളിച്ചെണ്ണ ചൂടാക്കി പച്ചമുളക് അരിഞ്ഞത് വാട്ടി കോരിയെടുക്കണം. ഇതേ എണ്ണയില്‍ ഇഞ്ചി അരിഞ്ഞത് വറുത്ത് കോരണം. ഇഞ്ചി നല്ല പോലെ ചുവന്ന് മൂക്കണം.

ഒരു കല്‍ച്ചട്ടിയില്‍ പുളി കഴുകി പിഴിഞ്ഞ് അരിച്ച 2 കപ്പ് വെള്ളം ഒഴിക്കുക. ഇതില്‍ മുളകുപൊടി, മഞ്ഞള്‍പ്പൊടി, ഉലുവപ്പൊടി ഇവയും പാകത്തിന് ഉപ്പും ചേര്‍ക്കുക. ഇത് അടുപ്പത്തു വച്ചു തിളപ്പിക്കുക. ഇതില്‍ വറുത്തു വച്ച ഇഞ്ചി ഒരുവിധം പൊടിച്ചു ചേര്‍ക്കുക. പച്ചമുളക് വഴറ്റിയതും ചേര്‍ക്കുക. വീണ്ടും തിളപ്പിക്കുക. നന്നായി തിളച്ചാല്‍ ശര്‍ക്കര ചേര്‍ക്കുക. നല്ലവണ്ണം തിളച്ചു കുറുകാറായാല്‍ വാങ്ങുക. വെളിച്ചെണ്ണയില്‍ കടുകു വറുക്കുക.

അച്ചാറുകളില്‍ വ്യത്യസ്ത പാചകത്താല്‍ വ്യത്യസ്തത പകരൂ. ഇതാ ഇലുമ്പിന്‍ പുളി അച്ചാര്‍.

ചേര്‍ക്കേണ്ട ഇനങ്ങള്‍:

ഇലുമ്പിന്‍ പുളി 2.5 കിലോ 

വറ്റല്‍ മുളക്‌ 30 എണ്ണം 

കായം 2 ചെറിയ കഷണം 

നല്ലെണ്ണ 5 ടേബിള്‍ സ്പൂണ്‍ 

കടുക്‌ 2 ടേബിള്‍ സ്പൂണ്‍ 

വീണ്ടും കായം 2 ചെറിയ കഷണം 

ഉപ്പ്‌ പാകത്തിന്‌ 

പാകം ചെയ്യേണ്ട വിധം:

ഇലുമ്പിൻ പുളി കഴുകിയശേഷം വെള്ളം തുടച്ചെടുത്ത്‌ കഷണങ്ങളായി മുറിക്കുക. വറ്റല്‍ മുളക്‌, കടുക്‌ ഇവ പ്രത്യേകം വറുത്ത്‌ മൂപ്പിച്ച്‌ കോരി പൊടിച്ചെടുക്കുക. എണ്ണ ചൂടാക്കിയ കടുകും കായവും വറുത്തെടുത്ത്‌ മാറ്റി വയ്ക്കുക. കഴുകി വച്ചിരിക്കുന്ന ഇലുമ്പിൻ പുളിയില്‍ അരപ്പ്‌ ഒഴിച്ച്‌ നന്നായി ഇളക്കി പൊടിച്ച്‌ വച്ചിരിക്കുന്ന കായവും കടുകും ചേര്‍ത്ത്‌ ഉപയോഗിക്കാം.

ചേര്‍ക്കേണ്ട ഇനങ്ങള്‍: 

പച്ച മാങ്ങ - 500 ഗ്രാം

തേങ്ങ -1 (വലുത്)

മുളകുപൊടി - 75 ഗ്രാം

മഞ്ഞള്‍പൊടി - 75 ഗ്രാം

ഉപ്പ് - ആവശ്യത്തിന്

ഇഞ്ചി- 1 കഷ്ണം

കറിവേപ്പില- 2 തണ്ട് 

പാകം ചെയ്യേണ്ട രീതി:

മാങ്ങാക്കറി ഉണ്ടാക്കാന്‍ എത്ര എളുപ്പം എന്ന് തോന്നും. പച്ചമാങ്ങ കനം കുറച്ച് ചെറുതായി അരിയുക. അതില്‍ മഞ്ഞപ്പൊടിയും മുളക്‍പൊടിയും ഇട്ട് പാകത്തിന് ഇളക്കുക. അടുപ്പത്ത്‌വയ്ക്കുക. തിളക്കുമ്പോള്‍ തേങ്ങ, ഇഞ്ചി എന്നിവ അരച്ചുചേര്‍ത്ത് കറിവേപ്പിലയും ഉപ്പും ഇട്ടിളക്കി യോജിപ്പിച്ച് ഇറക്കി വയ്ക്കുക. മാങ്ങാക്കറി റെഡി.

സ്ത്രീകൾ അടുക്കളയിൽ നിന്നും അരങ്ങത്തേക്ക് എത്തണമെന്ന് എല്ലാവരും ആഗ്രഹിക്കുന്നത്. എത്രയൊക്കെ ഉയരത്തിലെത്തിയാലും പാചകം സ്ത്രീകളുടെ കുത്തക തന്നെ. ജോലിയ്ക്ക് പോകുമ്പോഴും അടുക്കളപ്പണിയെല്ലാം കഴിഞ്ഞേ പറ്റുകയുള്ളു. പാചകം സ്ത്രീകളുടെ കലയാണെന്ന് പറയേണ്ടി വരുന്നു. അതിനർത്ഥം, പുരുഷന്മാർ പാചകത്തിൽ പുറകിലാണെന്നല്ല. ആവശ്യമെങ്കിൽ മാത്രമേ അവർ പാചകം ചെയ്യാറുള്ളുവെന്ന് സാരം.

അമ്മയുടെ ഭക്ഷണത്തിന്റെ രുചി ഒന്നു വേറെ തന്നെയാണ്. അടുക്കളയിൽ സ്ത്രീകളാണ് പചകറാണിയെങ്കിൽ ഒരു വിശേഷദിവസം വരുമ്പോൾ റാണിപ്പട്ടം മാറി രാജാവ് ആയിരിക്കും തലയുയർത്തി നിൽക്കുക. വിവാഹം, മരണാനന്തര ചടങ്ങുകൾ ഇതിനെല്ലാം ഭക്ഷണം ഒരുക്കുന്നത് പുരുഷന്മാരാണെന്ന കാര്യം സ്ത്രീകളും അംഗീകരിക്കുന്ന കാര്യമാണ്.

വീട്ടിൽ പാചകം സ്ത്രീകളുടെ കലയും വിവാഹം പോലുള്ള മംഗള കർമങ്ങൾക്ക് പാചകം പുരുഷന്മാരുടെ കലയുമായി മാറുന്നതിന്റെ കാരണം ചിന്തിച്ചാൽ പിടുത്തംകിട്ടില്ല. പണ്ടുമുതൽക്കേ അതങ്ങനെയാണ്. പക്ഷേ, എന്തൊക്കെയായാലും പാചകം സ്ത്രീകളുടെ കല തന്നെയെന്ന് പറയാൻ ആണ് പൊതുവെ എല്ലാവർക്കും താൽപ്പര്യം.

കായ

ചേന

കുമ്പളങ്ങ/വെള്ളരി

പാവയ്ക്ക

കാരറ്റ്

കൊത്തമര

ബീൻസ്/പയർ

മുരിങ്ങക്കായ

വഴുതനങ്ങ

എല്ലാംകൂടി എകദേശം ഒരു കിലോ എന്നു കണക്കാക്കുക

പച്ചമുളക് - 8 -10 എണ്ണം

തേങ്ങ ചിരകിയത് - കഷണത്തില്‍ പാതി തേങ്ങ എന്നാണ്, അതിനാല്‍ തേങ്ങ നന്നായി വേണം

തൈര് - ആവശ്യത്തിന്

ജീരകം 

മുളകുപൊടി 

മഞ്ഞൾപ്പൊടി

ഉപ്പ്

കറിവേപ്പില

വെളിച്ചെണ്ണ - ആവശ്യത്തിന്

ഉണ്ടാക്കുന്ന വിധം:

പച്ചക്കറികള്‍ കനം കുറച്ച് നീളത്തില്‍ അരിഞ്ഞെടുക്കുക. പച്ചമുളകും രണ്ടായി കീറി പച്ചക്കറിയില്‍ ഇടുക. പാകത്തിന് ഉപ്പും മുളകുപൊടിയും മഞ്ഞള്പ്പൊ‍ടിയും ചേര്‍ത്ത് ഇളക്കുക. ശേഷം ചുവടു കട്ടിയുള്ള പാത്രത്തില്‍ നികക്കെ വെള്ളമൊഴിച്ച് വേവിക്കാന്‍ വയ്ക്കുക. ചൂടായാല്‍ തൈര് ചേര്‍ക്കാം. ഇടയ്ക്കിടെ ഇളക്കി കൊടുക്കണം. തേങ്ങ ജീരകം ചേര്‍ത്ത് ചതച്ചെടുക്കുക. കഷണങ്ങള്‍ വെന്ത് വെള്ളം നിശ്ശേഷം വറ്റിക്കഴിഞ്ഞാല്‍ വാങ്ങി വെയ്ക്കാം. അതിനുശേഷം ചതച്ചു വെച്ചിരിക്കുന്ന തേങ്ങ ചേര്‍ത്ത് നന്നായി ഇളക്കുക. തുടര്‍ന്ന്, കറിവേപ്പില ഇട്ട്, വെളിച്ചെണ്ണ ഒഴിച്ച് ഒന്നുകൂടി ഇളക്കി യോജിപ്പിക്കുക.

ചേരുവകള്‍

1. കാബേജ്, ചീര, മുള്ളങ്കി, ബീന്ഡസ്, ക്യാരറ്റ് എന്നിവ ചെറുതായി അരിഞ്ഞത് - 250 ഗ്രാം

2. സവാള നീളത്തിലരിഞ്ഞ് - കാല്‍ കപ്പ്

3. ഇഞ്ചി അരിഞ്ഞത് - 1 ടീസ്പൂണ്‍

4. മല്ലിയില - അല്‍പം 

5. കോണ്‍ഫ്‌ളവര്‍ - 1 ടീസ്പൂണ്‍

6. കുരുമുളകുപൊടി - അര ടീസ്പൂണ്‍

7. പഞ്ചസാര - അര ടീസ്പൂണ്‍

8. ഉപ്പ് - പാകത്തിന്

പാകം ചെയ്യുന്ന വിധം:

പച്ചക്കറികള്‍ ഒരു കപ്പ് വെള്ളമൊഴിച്ച്  കുക്കറില്‍ 20 മിനിട്ട് ചെറു തീയില്‍  വേവിക്കുക. വെന്തു കുറുകിയ സൂപ്പ് അല്പം വെള്ളം ഒഴിച്ച് വലിയ കണ്ണുള്ള അരിപ്പയില്‍ അരിച്ചെടുക്കുക. കോണ്‍ ഫ്‌ളവര്‍ കാല്‍ കപ്പ് വെള്ളത്തില്‍ കലക്കി  ഇതില്‍ ചേര്‍ത്ത് പാകത്തിന് കുറുക്കുക. പാകത്തിന് ഉപ്പും കുരുമുളകുപൊടിയും ഇട്ട് ചൂടോടെ കഴിക്കാം.

പുട്ടും കടലക്കറിയും: 

സാധാരണയായി പുട്ടും കടലയും ഇഷ്ടപ്പെടാത്ത മലയാളികള്‍‍ വളരെ ചുരുക്കമാണ്‍‍. പ്രഭാതഭക്ഷണങ്ങളില്‍ മലയാളിക്ക് ഏറ്റവും പ്രിയപ്പെട്ടതാണ് പുട്ടും കടലക്കറിയും. ആവിയില്‍ വേവിക്കുന്ന ഏറ്റവും രുചികരമായ വിഭവങ്ങളില്‍ ഒന്നാണ് ഇത്. ദക്ഷിണമലബാറിലും തൃശ്ശൂർ ജില്ലയിലെ തലപ്പിള്ളിയിലും‍ പിട്ട് എന്നും തൃശൂർ ജില്ലയിലെ മറ്റു ചിലയിടങ്ങളിൽ പൂട്ട് എന്നും അറിയപ്പെടുന്നുണ്ട്. കടല പ്രധാന ചേരുവയായി ഉപയോഗിച്ചുണ്ടാക്കുന്ന ഒരിനം കറിയാണ് കടലക്കറി. പുട്ടിനു പുറമേ അപ്പം, ചപ്പാത്തി എന്നിവയുടെ കൂടേയും ഈ കറി ഉപയോഗിക്കാറുണ്ട്. 

കേരള സദ്യ: 

കേരളത്തിന്റെ പരമ്പരാഗത സസ്യഭക്ഷണമാണ് സദ്യ. ഉച്ചഭക്ഷണമാണ് ഇത്. വാഴയിലയില്‍ വിളമ്പുന്ന സദ്യയില്‍ ചോറ്, വിവിധതരം കറികള്‍, അച്ചാറുകള്‍, പായസം തുടങ്ങിയവയും ഉള്‍പ്പെടും. കഴിക്കാന്‍ ഇരിക്കുന്ന ആളിന്റെ ഇടതുവശത്തേക്ക് അഗ്രം വരത്തക്കവിധമാണ് ഇലയിടുക. ഇലയുടെ പകുതിയ്ക്കു താഴെയാണ് ചോറുവിളമ്പുക. സദ്യയില്‍ ഒഴിവാക്കാനാവാത്ത ഒരു വിഭവമാണ് അവിയല്‍. കൂടാതെ തോരന്‍, ഓലന്‍, ഉപ്പേരി, പപ്പടം, ഇഞ്ചിക്കറി, പച്ചടി, കിച്ചടി, പായസം, രസം, മോര്, പരിപ്പ്, അച്ചാര്‍ എന്നിങ്ങനെ വിവിധങ്ങളായ വിഭവങ്ങളാണ് സദ്യയില്‍ ഉണ്ടാകുക.

മലബാര്‍ ബിരിയാണി: 

നമ്മുടെ കേരളത്തില്‍ ഏറ്റവും കൂടുതല്‍ അറിയപ്പെടുന്ന ഒരു ഭക്ഷണം ആണ് മലബാര്‍ ബിരിയാണ്. ജീരകശാല അരി അല്ലെങ്കിൽ കൈമ കൊണ്ട് തയ്യാറാകുന്ന ബിരിയാണിയാണ് മലബാര്‍ ബിരിയാണി. ഈ അരി നെയ്യിൽ വറുത്തശേഷം മസാലക്കൂട്ടുകളും കോഴിയിറച്ചിയുമിട്ട് ദം ചെയ്‌തെടുക്കുകയാണ് ചെയ്യുക. 

കരിമീന്‍ പൊള്ളിച്ചത്: 

വാഴയിലയും കരിമീനുമായാൽ കരിമീൻ പൊള്ളിച്ചത് തയ്യാർ എന്നരീതിയിലാണ് കരിമീൻ പൊള്ളിച്ചതിന്റെ അവസ്ഥ. നാട്ടിലെ റെസ്റ്റോറന്റുകളും ഇങ്ങനെതന്നെയാണ് ഈ വിഭവം വിളമ്പുന്നത്.  പക്ഷെ, രുചിയറിഞ്ഞു കഴിക്കണമെങ്കില്‍ നല്ല രീതിയില്‍ തന്നെ തയ്യാറാക്കണം. മറ്റുമീനുകളെക്കാളും ഫ്ലേവർ നന്നായിട്ടു മീനിൽ പിടിക്കുമെന്നുള്ളതാണ് കരിമീനിന്റെ പ്രത്യേകത. ആലപ്പുഴയിലും കോട്ടയത്തുമൊക്കെയാണ് കരിമീന്‍ സുലഭമായി ലഭിക്കുന്നത്. കരിമീന്‍ പൊള്ളിച്ചതില്‍ നാരങ്ങനീരും ചുവന്ന മുളകും കുരുമുളകും ചേരുന്നതോടെ വിശിഷ്ടമായ രുചിയാണ് ലഭിക്കുന്നത്.

കപ്പയും മീന്‍ കറിയും: 

കപ്പയും മീന്‍കറിയുമെന്നത് നാട്ടുംപുറത്തുകാരുടെ ജീവനാണ്. വേവിച്ചുടച്ച കപ്പയും കൂടെ നല്ല എരിവുള്ള മീന്‍കറിയും , കേള്‍ക്കുമ്പോള്‍ തന്നെ വായില്‍ വെള്ളമൂറുന്ന വിഭവമാണ്. കേരളത്തിന്റെ വടക്കു മുതല്‍ തെക്കു വരെ വ്യത്യസ്ത രീതിയിലാണ് കപ്പ പാചകം ചെയ്യുന്നത്. പ്രധാനമായും മത്തിക്കറിയാണ് ഇതിന്റെ കൂടെ കഴിക്കാവുന്ന വിഭവം.

ഹൈദരാബാദി ബിരിയാണി:

അരി കൊണ്ട് ഉണ്ടാക്കിയ ഒരു തെക്കേ ഇന്ത്യൻ ഭക്ഷണവിഭവമാണ് ഹൈദരാബാദി ബിരിയാണി. പ്രധാനമായും ബസ്മതി അരി, ആട്ടിറച്ചി എന്നിവയാണ് ഇതിലെ ഘടകങ്ങൾ. ജനപ്രിയമായ ചില തരങ്ങളിൽ ആട്ടിറച്ചിക്ക് പകരം കോഴിയിറച്ചിയും, ബീഫും ഉപയോഗിക്കാറുണ്ട്. പതിനെട്ടാം നൂറ്റാണ്ടിലെ ഹൈദരബാദ് സംസ്ഥാനത്തിന്റെ ഭരണാധികാരിയായിരുന്ന നിസാം അധികാരത്തിലിരുന്ന സമയത്ത് മുഗൾ, തെലുങ്കാന വിഭവങ്ങളുടെ ഒരു മിശ്രിതരൂപമായിട്ടായിരുന്നു ഇന്നത്തെ ഹൈദരാബാദി ബിരിയാണി ഉടലെടുത്തത്.

ഡിണ്ടിഗല്‍ ബിരിയാണി:

തമിഴ്‌നാട്ടിലെ ചെന്നൈയിലെ ഒരു പ്രധാന വിഭവമാണ് ഡിണ്ടിഗല്‍ ബിരിയാണി. തൈരും നാരങ്ങയും ചേര്‍ന്നുള്ള രുചിയാണ് ഡിണ്ടിഗല്‍ ബിരിയാണിയുടെ മുഖമുദ്ര. സ്വാദിഷ്ഠമായ ഈ ബിരിയാണിയില്‍ തക്കാളിയും തേങ്ങയും ഉപയോഗിക്കാറില്ല. ആട്ടിറച്ചികൊണ്ടും, കോഴി ഇറച്ചി ഉപയോഗിച്ചും ഈ ബിരിയാണി ഉണ്ടാക്കാറുണ്ട്. രുചിഭേദമായ മസാലക്കൂട്ടുകള്‍ക്ക് പുറമേ കുരുമുളകോ കുരുമുളക് പൊടിയോ ധാരാളമായി ഈ വിഭവത്തില്‍ ചേര്‍ക്കാറുണ്ട്. ഡിണ്ടിഗല്‍ ബിരിയാണിയിലൂടെ പ്രശസ്തമായ തലപ്പകട്ടി റെസ്‌റ്റോറന്റിന് ഇന്ന് തമിഴ്‌നാട്ടിലും വിദേശത്തും ധാരാളം ശാഖകളുണ്ട്.

അമ്പൂര്‍ ബിരിയാണി:

ഹൈദരാബാദിന്റെ തെക്കോട്ടുള്ള ദേശങ്ങള്‍ വാണിരുന്ന ആര്‍ക്കോട്ട് നവാബുമാരുടെ ചരിത്രമാണ് അമ്പൂര്‍ ബിരിയാണിക്ക് പറയാനുള്ളത്. വെള്ളയടിച്ചിരിക്കുന്ന മലബാര്‍ ബിരിയാണി കണ്ടു ശീലിച്ചവര്‍ക്ക് അമ്പൂര്‍ ബിരിയാണി നല്ലവണ്ണം കളര്‍ഫുളായി തോന്നും. അവിടുത്തെ മട്ടണ്‍ ബിരിയാണി ആണ് ഏറ്റവും പ്രധാനപ്പെട്ട വിഭവം. ഹൈദരാബാദികളുടെ ബസുമതിക്കു പകരം നമ്മുടെ ജീരകശാല അരിയാണ് ഈ ബിരിയാണിക്കായി ഉപയോഗിക്കുന്നത്. ചോറും ഇറച്ചിയും വെവ്വേറെ വേവിച്ച് ദമ്മിലുടന്ന പരിപാടി തന്നെയാണ് ഈ ബിരിയാണി പാചകം ചെയ്യുമ്പോളും ചെയ്യുന്നത്.

ഭട്ട്കളി ബിരിയാണി:

കൃത്യമായ അളവില്‍ എല്ലാ രസക്കൂട്ടുകളും ചേര്‍ത്ത് ഉണ്ടാക്കുന്ന ഈ ബിരിയാണി കര്‍ണാടകയിലെ ഒരു പ്രധാന വിഭവമാണ്. കര്‍ണാടകയില്‍ ഒരു തീരദേശ പ്രദേശമായ നവായത്ത് എന്ന ഒരു മുസ്ലിം സമുദായമാണ് ഈ വിഭവം ആദ്യമായി രൂപപ്പെടുത്തിയെടുത്തത്. ഉള്ളിയും പച്ചമുളകുമാണ് ഈ വിഭവത്തിലെ പ്രധാന ഘടകങ്ങള്‍. ആട്ടിറച്ചി കഷ്ണങ്ങളും ചിക്കന്‍ കഷ്ണങ്ങളും തൈരിലിട്ടാണ് ഈ ബിരിയാണിക്കായി വേവിച്ചെടുക്കുന്നത്. അതുകൊണ്ടുതന്നെ അമ്പൂര്‍ ബിരിയാണിയില്‍ നിന്നും വളരെ വ്യത്യസ്തമായ ഒരു വിഭവമാണ് ഭട്ട്കളി ബിരിയാണി. 

ലക്നോവി ബിരിയാണി: 

പേര്‍ഷ്യന്‍ രീതില്‍ പാചകം ചെയ്യുന്ന നവാബ്മാരുടെ നാട്ടിലെ ബിരിയാണി അധികം സ്‌പൈസിയല്ല. ഈ ബിരിയാണിയില്‍ ഉപയോഗിക്കുന്ന അരിയും മാംസങ്ങളും വളരെ ചെറിയ തോതില്‍ മാത്രമേ വേവിച്ചെടുക്കാറുള്ളൂ. അധികം സ്പൈസിയില്ലാത്തതിനാല്‍ തന്നെ വയറിനു കാര്യമായ പ്രശ്നങ്ങള്‍ ഒന്നും തന്നെ വരുകയുമില്ല.

കൊല്‍ക്കത്ത ബിരിയാണി:

അല്‍പം മധുരത്തോട് കൂടിയ കൊല്‍ക്കത്ത സ്‌റ്റൈലില്‍ നല്ല സ്‌പൈസി ഉരുളക്കിഴങ്ങുകളുടേയും വേവിച്ച കോഴിമുട്ടകളുടേയും അകമ്പടിയോടെയാണ് കൊല്‍ക്കത്ത ബിരിയാണിയുടെ വരവ്. ബസ്‌മതി അരി ഉപയോഗിച്ച് നിര്‍മ്മിക്കുന്ന ഈ ബിരിയാണിയില്‍ സാധാരണയായി ആട്ടിറച്ചിയാണ് ഉപയോഗിക്കുന്നത്. നെയ്യ് ഈ ബിരിയാണിയുടെ അവിഭാജ്യ ഘടകമാണ്. 

മലബാര്‍ ബിരിയാണി:

കേരളത്തിലെ ഒരു പ്രധാന വിഭവമാണ് ഇത്. പ്രധാനമായും തലശ്ശേരി, മലപ്പുറം, കോഴിക്കോട് തുടങ്ങിയ സ്ഥലങ്ങളിലാണ് ഈ ബിരിയാണി കണ്ടു വരുന്നത്. വളരെയേറെ സ്പൈസസ് ഉള്‍പ്പെടുത്തിയിട്ടുള്ള ഈ ബിരിയാണിയില്‍ ഉണക്ക മുന്തിരിയും അണ്ടിപരിപ്പും ധാരാളമായി ചേര്‍ക്കറുണ്ട്. അരിയും ഇറച്ചിയും രണ്ടായി വേവിച്ച ശേഷം വിളമ്പുന്ന വേളയില്‍ ഒരുമിച്ച് ചേര്‍ക്കുകയാണ് ചെയ്യാറുള്ളത്.

സിന്ധി ബിരിയാണി: 

പാകിസ്ഥാനില്‍ നിന്നും ഉല്‍ഭവിച്ച വിഭവമാണ് സിന്ധി ബിരിയാണി. ധാരാളം മസാലക്കൂട്ടുകള്‍ ഉപയോഗിച്ചാണ് ഈ വിഭവം ഉണ്ടാക്കുന്നത്. കൂടാതെ ഇതില്‍ ഇറചിക്കു പുറമേ ഉരുളക്കിഴങ്ങുകളും പ്ലം പഴവും ഉപയോഗിക്കുന്നു.

ബോംബെ ബിരിയാണി:

വെജിറ്റേറിയന്‍ ബിരിയാണിയായാലും നോണ്‍ വെജിറ്റേറിയന്‍ ബിരിയാണിയായാലും ബോംബെ ബിരിയാണിയിലെ ഒരു ഒഴിച്ചുകൂടാനാവാത്ത വസ്തുവാണ് ഉരുളക്കിഴങ്ങ്. പകുതി വേവിച്ച ബസ്‌മതി അരിയും മുഴുവനായി വേവിച്ച ഇറച്ചിയും ചേര്‍ത്തി ദം ഇട്ടാണ് ഈ ബിരിയാണി പാചകം ചെയ്യുന്നത്.

മറ്റു ജീവികളുടെ പാല്‍ കുടിക്കുന്ന ഒരേ ഒരു ജീവി മനുഷ്യനാണ്. മാറേണ്ട രീതിയാണിത്, ഇതിനെല്ലാം തടയിടുന്ന ജീവിതരീതിയാണ് വീഗനിസം. സസ്യാഹാരം മാത്രം കഴിക്കുന്നതിനെ ‘വെജിറ്റേറിയനിസം‍’ എന്നാണ് പറയുക. വീഗനിസം എന്നാല്‍ വെജിറ്റേറിയൻ ആവുക എന്നതിനപ്പുറം പാലും വെണ്ണയും തോൽ ഉൽപന്നങ്ങളും അടക്കം മൃഗങ്ങളുമായി ബന്ധപ്പെട്ട ഒന്നും ഉപയോഗിക്കാതെയുള്ള ജീവിത രീതിയാണ്. ‘ഇന്റര്‍നാഷണല്‍ വെജിറ്റേറിയന്‍ ഡേ’ ആയിട്ട് ഒക്ടോബര്‍ ഒന്ന് ആചരിക്കുന്നുമുണ്ട്.

ഇന്ത്യാക്കാര്‍ക്ക് തീരെ പരിചയമില്ലാത്ത ഭക്ഷണരീതിയാണ് വീഗനിസം. വെജിറ്റേറിയന്‍ എന്നു പറയുമ്പോള്‍ അതില്‍ പാലും മുട്ടയും ചിലപ്പോള്‍ ഉള്‍പ്പെട്ടേക്കാം. എന്നാല്‍ ഒരു പടി കൂടി കടന്ന് പാലും പാലുല്‍പ്പന്നങ്ങളും മുട്ടയും എന്നു വേണ്ട തേനും കമ്പിളിയുമുള്‍പ്പെടെ ജന്തുജന്യമായ എല്ലാറ്റിനെയും ഉപേക്ഷിക്കുക. സസ്യഭക്ഷണം മാത്രം കഴിച്ച്, സസ്യോല്‍പ്പന്നങ്ങളെ മാത്രം ആശ്രയിച്ച് ജീവിക്കുക. ഇതാണ് വീഗനിസത്തിന്റെ രീതി.

സസ്യാഹാരങ്ങള്‍ മാനസിക, ശാരീരിക, ആരോഗ്യ പ്രശ്നങ്ങള്‍ക്ക് ഉത്തമ പരിഹാര മാര്‍ഗമാണെന്നാണ് സസ്യഭുക്കുകളുടെ വാദം. ഇത് ശരിവെക്കുന്ന രീതിയിലാണ് പഠനങ്ങളും. ഇതോടൊപ്പം ശുദ്ധ വെജിറ്റേറിയന്മാര്‍ക്ക് സംഘടനകള്‍ വരെയുണ്ട്. രക്തസമ്മര്‍ദം, ഹൃദയരോഗം ഇതിനെയെല്ലാം എളുപ്പത്തില്‍ ചെറുത്തു നില്‍ക്കാന്‍ സസ്യഭുക്കുകള്‍ക്ക് സാധിക്കാറുണ്ട്. കാന്‍സര്‍ സാധ്യതയും കുറയും.

ചെറിയ കുട്ടികള്‍ക്ക് പാല്‍ നല്‍കുന്നത്  അലര്‍ജിയും മറ്റ് അസ്വസ്ഥതകളും ഉണ്ടാക്കും എന്ന് ശാസ്ത്രീയമായി തെളിഞ്ഞിട്ടുണ്ട്. അതിനാല്‍ ഏതു പ്രായക്കാര്‍ക്കും, തരക്കാര്‍ക്കും (അത്‌ലറ്റുകള്‍ക്കു വരെ) വീഗന്‍ ഡയറ്റ് പിന്തുടരാവുന്നതേയുള്ളൂ.

വീഗനിസം പിന്തുടരുന്നവര്‍ പാല്‍ ഉപേക്ഷിക്കുന്നതിന് മറ്റൊരു കാരണം കൂടി ഉണ്ട്. മൃഗങ്ങളോടുള്ള ചൂഷണമായിട്ടാണ് അവര്‍ ഇതിനെ കാണുന്നത്. പശുവിന്റെ പാല്‍ പശുകുട്ടിക്ക് നല്‍കാതെ മനുഷ്യന്‍ കവര്‍ന്നെടുക്കുന്നുവെന്നാണ് ഇവര്‍ പറയുന്നത്. പാല്‍ മത്രമല്ല നെയ്യ്, പനീര്‍, തൈര്, മോര്, തേന്‍ ഇവയൊന്നും വീഗന്‍ ദിനചര്യയില്‍ ഇല്ല.

ചിത്രത്തിന് കടപ്പാട്: വീഗന്‍ സൊസൈറ്റി ഡോട് കോം
 

ചേരുവകള്‍

ക്യാരറ്റ് - 2

ഉള്ളി - 10

തൈര് - അര കപ്പ്

പച്ചമുളക് - 3

ചുവന്ന് മുളക് - 2

കടുക് - അര ടീസ്പൂണ്‍

വെളിച്ചെണ്ണ - പാകത്തിന്

പാകം ചെയ്യുന്ന വിധം

ക്യാരറ്റും ഉള്ളിയും ചെറുതായി അരിയുക. എന്നിട്ട് വെളിച്ചെണ്ണ ചൂടാക്കി കടുക് പൊട്ടിച്ച് ചുവന്ന മുളകും ഇട്ട് വറുക്കുക. അതില്‍ അരിഞ്ഞു വച്ചിരിക്കുന്ന പച്ചക്കറി ഉപ്പും ചേര്‍ത്ത് വഴറ്റി വേവിക്കുക. നന്നായി വെന്തതിനുശേഷം തൈര് ചേര്‍ത്തിളക്കി മാറ്റുക.

പുട്ടും കടലയും മലയാളികളുടെ ഏറ്റവും പ്രിയപ്പട്ട കോമ്പിനേഷനുകളിലൊന്നാണ്‍.  പുട്ടും നല്ല ചൂടു കടലക്കറിയും കൂട്ടി കഴിക്കൊന്നതൊന്ന് ആലോചിച്ച് നോക്കൂ.... ആഹാ... കടലക്കറിയുണ്ടാക്കും..

ആവശ്യമായ സാധനങ്ങള്‍:

ഉണങ്ങിയ കടല 1/2 കിലോ

ചെറുനാരങ്ങ 1

പച്ചമുളക്‌ 8 എണ്ണം

മല്ലിയില 2 പിടി

ഇഞ്ചി 2 കഷണം

മുളകുപൊടി 2 സ്പൂണ്‍

മസാല 1 സ്പൂണ്‍

പൊടിച്ച ജീരകം 1 സ്പൂണ്‍

ഉപ്പ്‌ പാകത്തിന്‌

പാചകം ചെയ്യുന്ന വിധം:

കടല ഉപ്പ്‌ ചേര്‍ത്ത്‌ നാല്‌ മണിക്കൂര്‍ വെള്ളത്തിലിട്ട്‌ കുതിര്‍ക്കുക. അതില്‍ വെള്ളം ചേര്‍ത്ത്‌ വേവിക്കുക. നാരങ്ങാ പിഴിഞ്ഞ്‌ നിരൊഴിച്ച്‌ ആവശ്യത്തിന്‌ ഉപ്പ്‌ ചേര്‍ക്കുക. ഇഞ്ചിയും പച്ചമുളകും ചെറുതായി അരിഞ്ഞ്‌ കുറച്ച്‌ എണ്ണയില്‍ വഴറ്റി മല്ലിയിലയും മുളകുപൊടിയും മസാലപ്പൊടിയും ജീരകപ്പൊടിയും ചേര്‍ത്തിളക്കുക. ചീനച്ചട്ടിയില്‍ കുറച്ച്‌ എണ്ണ ഒഴിച്ച്‌ കടുകും കരിവേപ്പിലയും വറ്റല്‍മുളകും ചേര്‍ത്ത്‌ താളിച്ച്‌ അതിലൊഴിച്ച്‌ ഇളക്കി ഉപയോഗിക്കാം.

മലയാളം വെബ്‌ദുനിയയുടെ ആന്‍‌ഡ്രോയ്ഡ് മൊബൈല്‍ ആപ്പ് ഡൌണ്‍‌ലോഡ് ചെയ്യാന്‍ ഇവിടെ ക്ലിക്ക്  ചെയ്യുക. ഫേസ്ബുക്കിലും   ട്വിറ്ററിലും  പിന്തുടരുക.