ഇഡ്‌ളി തയ്യാറാക്കുന്ന മാവിനായി ഉഴുന്നും അരിയും 1:2 അനുപാതത്തില്‍ കലര്‍ത്തുക. ഉഴുന്ന് കൂടുതല്‍ ആണെങ്കില്‍ ഇഡ്‌ളി ഹാര്‍ഡ് ആകും.

ഉഴുന്നും അരിയും 4-5 മണിക്കൂര്‍ എങ്കിലും കുതിര്‍ത്ത ശേഷം വേണം ഉപയോഗിക്കാന്‍

മിക്‌സിയില്‍ നന്നായി അരച്ച് 8-10 മണിക്കൂര്‍ നേരം ഇത് പുളിപ്പിക്കാന്‍ വെയ്ക്കാം (വേനല്‍ക്കാലത്ത് 6 മണിക്കൂര്‍ മതി).

പുളിപ്പിക്കുമ്പോള്‍ ഒരു നനഞ്ഞ തുണി കൊണ്ട് മൂടുന്നത് നന്നായിരിക്കും

ഇഡ്‌ളി മോള്‍ഡില്‍ ഒരു തുള്ളി നെയ്യ്/എണ്ണ തേച്ചാല്‍ ഇഡ്‌ളി എളുപ്പത്തില്‍ വേര്‍പെടുത്താന്‍ സാധിക്കും.

പുളിപ്പിച്ച മാവ് ക്രമമായി ഇളക്കുക ( ഒരിക്കലുംഓവര്‍മിക്‌സ് ചെയ്യരുത്).

മാവ് കട്ടിയാണെങ്കില്‍ കുറച്ച് വെള്ളം ചേര്‍ക്കുക.

ഇഡ്‌ളി കുക്കറില്‍ ലിഡ് അടച്ച് വയ്ക്കരുത് (അമര്‍ത്താതെ മാത്രം മൂടുക).10-12 മിനിറ്റ് മാത്രം നീരാവിയില്‍ വേവിക്കുക.

വേവിച്ച ഉടന്‍ ഇഡ്‌ളി എടുക്കരുത്, 2 മിനിറ്റ് കാത്തിരിക്കുക, പിന്നീട് സ്പൂണ്‍ ഉപയോഗിച്ച് എടുക്കുക.

ചൂടുള്ള ഇഡ്‌ളി സാമ്പാറും ചട്ണിയും കൂടെ കഴിക്കാവുന്നതാണ്, ഇഡ്‌ളി മാവില്‍  ഒരു പിഞ്ച് ബേക്കിംഗ് സോഡ ചേര്‍ത്താല്‍ ഇഡ്‌ളി കൂടുതല്‍ ഫ്‌ലഫി ആകും

മീനിന്റെ കണ്ണുകള്‍ കുഴിഞ്ഞു തുടങ്ങിയിട്ടുണ്ടെങ്കില്‍ അത് പഴക്കം ചെന്ന, കേടായി തുടങ്ങിയ മീന്‍ ആണ്. നല്ല മത്സ്യത്തിന് തിളക്കമുള്ള കണ്ണുകള്‍ ആയിരിക്കും. ചെകിളയ്ക്ക് ചേറിന്റെ (ചെളി) നിറമാണെങ്കില്‍ മീന്‍ കേടായിട്ടുണ്ട് എന്നാണ് അര്‍ത്ഥം. നല്ല മത്സ്യത്തിന്റെ ചെകിള രക്ത നിറമായിരിക്കും. 

തോലിന്റെ നിറം മാറിയിട്ടുണ്ടെങ്കില്‍ മീന്‍ പഴക്കം ചെന്നതാണെന്ന് അര്‍ത്ഥം. കേടായ മീന്‍ മാംസത്തില്‍ തൊട്ടാല്‍ കുഴിഞ്ഞ് പോകുകയും അത് പൂര്‍വ്വ സ്ഥിതിയില്‍ ആകാതിരിക്കുകയും ചെയ്യും. കുഴിയാതെ നല്ല കട്ടിയുള്ള മാംസമാണെങ്കില്‍ മീന്‍ ഫ്രഷ് ആണെന്ന് അര്‍ത്ഥം. കേടായ മത്സ്യത്തിന് അസഹ്യമായ ദുര്‍ഗന്ധം ഉണ്ടാകും. 

14-ാം നൂറ്റാണ്ടോടു കൂടിയാണ് സമോസ ഇന്ത്യയില്‍ പ്രചാരത്തില്‍ എത്തുന്നത്. ഇന്ത്യയിലെ എല്ലാ സംസ്ഥാനങ്ങളിലും സുലഭമായി ലഭിക്കുന്ന ഒരു പലഹാരം കൂടിയാണ് ഇപ്പോള്‍ സമോസ. ചിലയിടത്ത് ആകൃതിയിലും രുചിയിലും വ്യത്യാസങ്ങള്‍ ഉണ്ടാകുമെന്ന് മാത്രം. ഗോതമ്പോ മൈദയോ ആണ് സമോസ ഉണ്ടാക്കാന്‍ ഉപയോഗിക്കുക. 

വേവിച്ച പച്ചക്കറികള്‍ നിറച്ച സമോസ ആയിരുന്നു കേരളത്തില്‍ ആദ്യം ഉണ്ടായിരുന്നത്. കാലക്രമേണ ചിക്കന്‍, ബീഫ്, ഫിഷ് സമോസകളും ചായക്കടകളില്‍ സ്ഥാനം പിടിച്ചു. രുചികരമായ സമോസ നമുക്ക് വീടുകളിലും ഉണ്ടാക്കാവുന്നതാണ്. ലോക സമോസ ദിനമായ ഇന്ന് രുചികരമായ സമോസ കഴിച്ച് നമുക്ക് ആഘോഷിക്കാം. 

പൊരിക്കുന്നതിന് മുന്‍പ് ഉപ്പ്, മഞ്ഞള്‍പ്പൊടി, മുളകുപൊടി, ഫിഷ് മസാല എന്നിവ ചേര്‍ത്ത് മീന്‍ പുരട്ടിവയ്ക്കണം. ചുരുങ്ങിയത് 30 മിനിറ്റെങ്കിലും ഇങ്ങനെ പുരട്ടി വയ്ക്കുന്നത് മീനിന്റെ രുചി വര്‍ധിപ്പിക്കും. 

ഇഞ്ചി വെളുത്തുള്ളി പേസ്റ്റ്, ചെറുനാരങ്ങാ നീര് എന്നിവ കൂടി ചേര്‍ത്ത് മീന്‍ പുരട്ടിവയ്ക്കുന്നത് കൂടുതല്‍ നല്ലത്. 

പൊരിക്കാനെടുക്കുന്ന മീന്‍ കഷ്ണത്തില്‍ കത്തി കൊണ്ട് വരയുകയും അതിനുള്ളിലേക്ക് മസാല തേച്ച് പിടിപ്പിക്കുകയും വേണം. 

മീന്‍ പൊരിക്കാന്‍ വെളിച്ചെണ്ണയാണ് കൂടുതല്‍ നല്ലത്. 

മീന്‍ പൊരിക്കുന്ന സമയത്ത് അതിലേക്ക് അല്‍പ്പം വേപ്പില ചേര്‍ക്കുന്നത് നല്ലതാണ്. 

മസാല തേച്ച് കൂടുതല്‍ സമയം പുരട്ടിവയ്ക്കുന്നുണ്ടെങ്കില്‍ അല്‍പ്പം വിനാഗിരി ചേര്‍ക്കാവുന്നതാണ്. 

മീന്‍ വെളിച്ചെണ്ണയിലേക്ക് ഇട്ട ശേഷം ഏതാനും സെക്കന്‍ഡുകള്‍ മൂടി വയ്ക്കുന്നത് പെട്ടന്ന് വേവാന്‍ സഹായിക്കും. 

ലോ ഫ്‌ളെയ്മില്‍ ഇട്ട് വേണം മീന്‍ എപ്പോഴും വേവിക്കാന്‍. ഇല്ലെങ്കില്‍ കരിയാന്‍ സാധ്യത കൂടുതലാണ്. 

മീനിന്റെ ഉള്‍ഭാഗം വെന്തുകഴിഞ്ഞാല്‍ ഗ്യാസ് ഓഫാക്കാവുന്നതാണ്. ഉള്‍ഭാഗം വെന്തതിനു ശേഷവും മീന്‍ ഫ്‌ളെയ്മില്‍ വെച്ചാല്‍ പുറംഭാഗം കരിയാന്‍ സാധ്യത കൂടുതലാണ്. ഇത് മീനിന്റെ രുചി കുറയാന്‍ കാരണമാകും. 

പൊരിച്ചെടുത്ത മീന്‍ കഴിക്കുന്നതിനു മുന്‍പ് അതിലേക്ക് അല്‍പ്പം ചെറുനാരങ്ങാ നീര് പിഴിഞ്ഞ് ഒഴിക്കുന്നത് നല്ലതാണ്. 

ചേരുവകള്‍ 

പഞ്ചസാര-അഞ്ച് ടേബിള്‍ സ്പൂണ്‍ 

പാല്‍പ്പൊടി-മൂന്ന് ടേബിള്‍ സ്പൂണ്‍ ഏലയ്ക്ക-നാല് ടേബിള്‍ സ്പൂണ്‍

നെയ്യ്-ഒരു ടേബിള്‍സ്പൂണ്‍ 

അണ്ടിപ്പരിപ്പ്-ഒരു ടേബിള്‍ സ്പൂണ്‍ 

ഉണക്കമുന്തിരി-ഒരു ടേബിള്‍ സ്പൂണ്‍

കാരറ്റ്-മൂന്നെണ്ണം

മുട്ട-അഞ്ചെണ്ണം

തയ്യാറാക്കുന്നത് എങ്ങനെയാണെന്ന് നോക്കാം 

മൂന്ന് കാരറ്റ് തൊലി വൃത്തിയായി കളഞ്ഞ് കഷ്ണങ്ങളാക്കി വേവിച്ചെടുക്കുക.പ്രഷര്‍ കുക്കറിലാണ് വേവിക്കേണ്ടത്. തണുപ്പിച്ച ശേഷം മിക്‌സിയുടെ ജാറിലേക്കിട്ട് മുട്ട, പഞ്ചസാര ,പാല്‍പ്പൊടി, ഏലയ്ക്ക എന്നിവ ചേര്‍ത്ത് അടിച്ചെടുക്കണം.

ഒരു സോസ്പാനില്‍ നെയ്യ് ഒഴിച്ച് ചൂടാകുമ്പോള്‍ അതിലേക്ക് അണ്ടിപ്പരിപ്പ്, മുന്തിരി എന്നിവ വറത്തു കോരി മാറ്റുക. ഇതേ നെയ്യിലേക്ക് അടിച്ചെടുത്ത കാരറ്റ് കൂടി ചേര്‍ത്തു കുറഞ്ഞ തീയില്‍ ഇരുപതു മിനിറ്റ് വേവിക്കണം. ചെറുത്തായി വെന്തു വരുമ്പോള്‍ വറുത്ത അണ്ടിപ്പരിപ്പ്, മുന്തിരി എന്നിവ മുകളില്‍ വിതറി അടച്ചു വച്ചു വേവിക്കാം. ശേഷം ചൂടോടെ മുറിച്ച് എടുത്തു വിളമ്പാം.

ഒന്നാമതായി ചിക്കൻ നിങ്ങൾ ഫ്രിഡ്ജിൽ നിന്നുമെടുത്ത് രണ്ടും മൂന്നും തവണ ചൂടാക്കി കഴിക്കരുത്. ആവർത്തിച്ച് ചൂടാക്കുമ്പോൾ ചിക്കനിലെ പ്രോട്ടീൻ സംയുക്തങ്ങൾ വിഘടിക്കുകയും ഇത് ദഹനപ്രശ്നങ്ങളുണ്ടാക്കുകയും ചെയ്യുന്നു. കൂടാതെ കൂടുതൽ തവണ ചൂടാക്കുമ്പോൾ രുചിവ്യത്യാസവും സംഭവിക്കുന്നു. ഉരുളകിഴങ്ങാണ് ഇത്തരത്തിൽ വീണ്ടും ചൂടാക്കുമ്പോൾ ദോഷം ചെയ്യുന്ന മറ്റൊരു വസ്തു. ഉരുളകിഴങ്ങിൽ ധാരാളം അന്നജം അടങ്ങിയിരിക്കുന്നു. വീണ്ടും വീണ്ടും ഉരുളകിഴങ്ങ് ചൂടാക്കുന്നത് ബോട്ടുലിൻ എന്ന ബാക്ടീരിയയുടെ വളർച്ചയ്ക്ക് കാരണമാകുകയും ഭക്ഷ്യവിഷബാധ സംഭവിക്കുകയും ചെയ്യുന്നു.

എണ്ണയാണ് മറ്റൊരു വസ്തു. അതായത് ഒരിക്കൽ ഉപയോഗിച്ച എണ്ണ വീണ്ടും വീണ്ടും ഉപയോഗിക്കുന്നത് ശരീരത്തിന് ദോഷം ചെയ്യും. ചൂടാക്കുമ്പോൾ ഉണ്ടാകുന്ന പുക ശ്വാസകോശത്തിന് നല്ലതല്ല.  ചീരയാണ് നമ്മൾ വീണ്ടും ചൂടാക്കി ഉപയോഗിക്കാൻ പാടില്ലാത്ത മറ്റൊരു ഭക്ഷണം. ചീരയിൽ നൈട്രേറ്റ് അടങ്ങിയിരിക്കുന്നു. ചീര ചൂടാക്കുമ്പോൾ അത് കാർസിനോജെനിക് ആയി മാറും. ഇത് പോലെ തന്നെയുള്ള മറ്റൊരു പച്ചക്കറിയാണ് ബീറ്റ്‌റൂട്ട്. ബീറ്റ്‌റൂട്ടിലും നൈട്രേറ്റ് അടങ്ങിയിരിക്കുന്നു. വീണ്ടും ചൂടാക്കി ഉപയോഗിക്കാൻ പാടില്ലാത്ത മറ്റൊരു വസ്തു മുട്ടയാണ്. ആദ്യത്തെ ചൂടാക്കലിൽ തന്നെ മുട്ടയുടെ പ്രോട്ടീൻ സാന്നിധ്യം നഷ്ടമാകും എന്നതിനാൽ പിന്നെയും ചൂടാക്കുമ്പോൾ മുട്ടയെ കൊണ്ട് യാതൊരു പ്രയോജനവും ശരീരത്തിന് ലഭിക്കില്ല.

സാധാരണയായി മൈദയിലാണ് സമൂസകള്‍ പാകം ചെയ്യുന്നത്. മൈദയില്‍ ധാരാളം കാര്‍ബോഹൈഡ്രേറ്റ് ഉണ്ട് എന്നതിനാല്‍ അനാരോഗ്യകരമാണ്. മൈദയ്ക്ക് പകരം ആട്ട ഉപയോഗിക്കാവുന്നതാണ്. ഫില്ലറായി ഉരുളകിഴങ്ങ് മാത്രം ഉപയോഗിക്കാതെ പനീര്‍, ക്യാരറ്റ്,ക്യാപ്‌സിക്കം എന്നിവയെല്ലാം ഉപയോഗിക്കാം. ഇത് പോഷകമൂല്യം കൂട്ടും. എണ്ണയില്‍ പൊരിക്കുന്നതിന് പകരമായി ഓവനിലോ ഫ്രൈയറോ ഉപയോഗിക്കുന്നത് എണ്ണ ഒഴിവാക്കാം എന്നത് കൊണ്ട് മാത്രമല്ല സമൂസ കൂടുതല്‍ ക്രിസ്പിയാകാനും സഹായിക്കും.

എത്രയെല്ലാം മുന്‍കരുതലുകള്‍ പാചകത്തില്‍ നടത്തിയാലും ആരോഗ്യകരമായ രീതിയില്‍ കഴിക്കുന്നതിന് അമിതമായി സമൂസ കഴിക്കുന്നത് ഒഴിവാക്കേണ്ടതാണ്. മിതമായ അളവില്‍ മാത്രം കഴിക്കാന്‍ ശ്രമിക്കുക. സമൂസയ്‌ക്കൊപ്പം വിവിധ തരം ച്ട്‌നികള്‍ ഉപയോഗിക്കാം. പുതിന ഉപയോഗിച്ചുള്ള ചട്‌നി ദഹനത്തെയും സഹായിക്കും.

സാധാരണയായി മൈദയിലാണ് സമൂസകള്‍ പാകം ചെയ്യുന്നത്. മൈദയില്‍ ധാരാളം കാര്‍ബോഹൈഡ്രേറ്റ് ഉണ്ട് എന്നതിനാല്‍ അനാരോഗ്യകരമാണ്. മൈദയ്ക്ക് പകരം ആട്ട ഉപയോഗിക്കാവുന്നതാണ്. ഫില്ലറായി ഉരുളകിഴങ്ങ് മാത്രം ഉപയോഗിക്കാതെ പനീര്‍, ക്യാരറ്റ്,ക്യാപ്‌സിക്കം എന്നിവയെല്ലാം ഉപയോഗിക്കാം. ഇത് പോഷകമൂല്യം കൂട്ടും. എണ്ണയില്‍ പൊരിക്കുന്നതിന് പകരമായി ഓവനിലോ ഫ്രൈയറോ ഉപയോഗിക്കുന്നത് എണ്ണ ഒഴിവാക്കാം എന്നത് കൊണ്ട് മാത്രമല്ല സമൂസ കൂടുതല്‍ ക്രിസ്പിയാകാനും സഹായിക്കും.

എത്രയെല്ലാം മുന്‍കരുതലുകള്‍ പാചകത്തില്‍ നടത്തിയാലും ആരോഗ്യകരമായ രീതിയില്‍ കഴിക്കുന്നതിന് അമിതമായി സമൂസ കഴിക്കുന്നത് ഒഴിവാക്കേണ്ടതാണ്. മിതമായ അളവില്‍ മാത്രം കഴിക്കാന്‍ ശ്രമിക്കുക. സമൂസയ്‌ക്കൊപ്പം വിവിധ തരം ച്ട്‌നികള്‍ ഉപയോഗിക്കാം. പുതിന ഉപയോഗിച്ചുള്ള ചട്‌നി ദഹനത്തെയും സഹായിക്കും.

ദഹനവ്യവസ്ഥയുടെ ആരോഗ്യത്തിന് ഏറെ ഗുണകരമായ ഒന്നാണ് കായം. ദഹനപ്രശ്‌നങ്ങളായ ഗ്യാസ്ട്രിക് പ്രശ്‌നങ്ങള്‍ക്കും ബ്ലോട്ടിംഗിനും കായം ഗുണകരമാണ്. ദഹനവ്യവസ്ഥയെ സഹായിക്കുന്ന എന്‍സൈമുകളെ പുറപ്പെടുവിക്കാനും കായം സഹായിക്കുന്നു.ആന്റി ഇന്‍ഫ്‌ളമേറ്ററി ഗുണങ്ങളടങ്ങിയ കായം ഇറിറ്റബിള്‍ ബൊവല്‍ സിന്‍ഡ്രോമിന് പരിഹാരമാണ്. ദഹനനാളിയിലെ വീക്കം കുറയ്ക്കാനും കായം സഹായിക്കും.

ഉദരത്തിനകത്ത് ഗ്യാസ് നിറയുന്നത് തടയാനും കായം സഹായിക്കും. ഭക്ഷണശേഷം ഗ്യാസ്ട്രിക് പ്രശ്‌നങ്ങള്‍ അനുഭവിക്കുന്നവര്‍ക്ക് അതിനാല്‍ തന്നെ കായം ഏറെ ഗുണം ചെയ്യും. ഇത് കൂടാതെ ശ്വസനസംബന്ധമായ പ്രശ്‌നങ്ങളായ ആസ്ത്മ,ബ്രോങ്കൈറ്റീസ്, ചുമ എന്നിവ കുറയ്ക്കുന്നതിനും കായം സഹായകരമാണ്. രക്തസമ്മര്‍ദ്ദം കുറയ്ക്കാനും കായം സഹായിക്കും അതിനാല്‍ തന്നെ ഹൃദയത്തിന്റെ ആരോഗ്യത്തിനും കായം ഗുണകരമാണ്.

ചേരുവകള്‍:-

നാടന്‍ കോഴിയിറച്ചി - 2 കിലോ.

സവാള - ഒരു കിലോ.

വെളിച്ചെണ്ണ ആവശ്യത്തിന്.

മഞ്ഞള്‍ പൊടി - അര സ്‌പൂള്‍.

മല്ലിപ്പൊടി - 3 സ്‌പൂള്‍.

മുളക് പൊടി - അര സ്‌പൂള്‍.

കുരുമുളക് - 1 ടേബിൾ സ്പൂൺ

പച്ചക്കുരുമുളക് - 4 ടേബിൾ സ്പൂൺ

വെളുത്തുള്ളി – 10 അല്ലി.

വലിയ ഒരു കഷണം ഇഞ്ചി

ഉപ്പ് – പാകത്തിന്

കറിവേപ്പില- ആവശ്യത്തിന്

മല്ലിയില - ആവശ്യത്തിന്

തയ്യാറാക്കുന്ന വിധം:-

മൂന്ന് സ്‌പൂള്‍ പച്ചക്കുരുമുളകിനൊപ്പം ഇഞ്ചിയും വെളുത്തുള്ളിയും ചേര്‍ത്ത് അരച്ചെടുക്കുക. ഇതിലേക്ക് കുരുമുളക് പൊടി ചേര്‍ക്കണം. ഈ മിശ്രിതം നന്നായി കഴുകി വൃത്തിയാക്കിയ ചിക്കനില്‍ പുരട്ടിവയ്‌ക്കണം. ഒരു പാനില്‍ കട്ടി കുറച്ച് അരിഞ്ഞെടുത്ത സവാളയും കറിവേപ്പിലയും എണ്ണയൊഴിച്ച് വഴറ്റിയെടുക്കുക.

സാവാള ബ്രൌണ്‍ കളറാകുമ്പോള്‍ അതിലേക്ക് തയ്യാറാക്കി വച്ചിരിക്കുന്ന മുളക് പൊടി, മഞ്ഞള്‍ പൊടി, മല്ലിപ്പൊടി എന്നിവ ചേര്‍ത്ത് ഇളക്കുക. പച്ചമണം മാറുന്നതുവരെ ഇളക്കണം. തുടര്‍ന്ന് ഇതിലേക്ക് ചിക്കന്‍ ഇട്ട് ഉടായാതെ ഇളക്കിയെടുക്കുക. ആവശ്യത്തിനുള്ള ഉപ്പും കറിവേപ്പിലയും ഇടാവുന്നതാണ്. വെള്ളം ഒഴിക്കാതെ വേണം തയ്യാറാക്കാന്‍. ചിക്കന്‍ 95ശതമാനം വെന്തുകഴിഞ്ഞാല്‍ മിച്ചമുള്ള ഒരു സ്‌പൂള്‍ പച്ചക്കുരുമുളകും മല്ലിയിലയും ചതച്ച് ചിക്കനില്‍ വിതറി അടച്ചു വയ്‌ക്കണം. തുടര്‍ന്ന് വിളമ്പാം

മല്ലിയിലെ കഴുകി വൃത്തിയാക്കിയതിന് ശേഷം വേരുകള്‍ മുറിച്ചുമാറ്റി വിനാഗിരി ചേര്‍ത്ത വെള്ളത്തില്‍ അഞ്ച് മിനിറ്റ് നേരം മുക്കിവെയ്ക്കാം. ശേഷം ശുദ്ധമായ വെള്ളത്തില്‍ കഴുകുകയും വെള്ളം തോര്‍ന്ന ശേഷം ഉണക്കിയെടുത്ത് ഉപയോഗിക്കാം. ഇത്തരത്തില്‍ ചെയ്താല്‍ മല്ലിയില കേടുകൂടാതെ ഇരിക്കും. പാത്രത്തില്‍ വെള്ളം എടുത്ത് അതില്‍ വേരോട് കൂടി മല്ലിയില ഇട്ടുവെച്ചാല്‍ ദിവസങ്ങളോളം കേടാകാതെ നില്‍ക്കും.

മല്ലിയിലയുടെ വേരുഭാഗം മുറിച്ച് മാറ്റുകയും ശേഷം ടിഷ്യൂ പേപ്പറിലോ പത്ര പേപ്പറിലോ പൊതിഞ്ഞ് വായു കയറാത്ത കണ്ടെയ്‌നറിയില്‍ അടച്ച് ഫ്രിഡ്ജില്‍ സൂക്ഷിക്കാനാകും. ഇത്തരത്തില്‍ മാസങ്ങളോളം മല്ലിയില വാടാതെ ഫ്രഷായി വെയ്ക്കാനാകും.

ഏകദേശം 10 ദിവസം വരെയാണ് മുട്ട കേടാകാതെയിരിക്കുക. അതിനാല്‍ പത്ത് ദിവസത്തില്‍ കൂടുതല്‍ മുട്ട ഫ്രിഡ്ജില്‍ സൂക്ഷിക്കുന്നത് അത്ര നല്ല കാര്യമല്ല. മാത്രമല്ല, ഫ്രിഡ്ജില്‍ നിന്ന് എടുക്കുന്ന മുട്ട കേടായിട്ടുണ്ടോ എന്നറിയാന്‍ ഒരു എളുപ്പവഴിയുണ്ട്. ഒരു ഗ്ലാസ് വെള്ളം മാത്രം മതി ഇതിന്. 

ആദ്യം ചെയ്യേണ്ടത് ഒരു ഗ്ലാസില്‍ നിറച്ച് വെള്ളമെടുക്കുകയാണ്. ഇനി ഈ വെള്ളത്തിലേക്ക് ഓരോ മുട്ടയായി ഇട്ടു നോക്കുക. വെള്ളത്തില്‍ മുട്ടയുടെ കിടപ്പു ശ്രദ്ധിച്ചാല്‍ തന്നെ വളരെ കൃത്യമായി ഓരോ മുട്ടയുടെയും പഴക്കം നമുക്ക് കണ്ടെത്താം. ഒരു മുട്ട താഴ്ന്നു കിടക്കാന്‍ ആവശ്യമായ വിധം വെള്ളം ഗ്ലാസില്‍ എടുക്കണം. അതിലേക്ക് വളരെ സൂക്ഷിച്ച് മുട്ട ഇടുക. അതില്‍ വെള്ളത്തില്‍ താഴ്ന്നുകിടക്കുന്ന മുട്ട പുതിയതും പൊങ്ങിക്കിടക്കുന്ന മുട്ട പഴകിയതുമായിരിക്കും. ഗ്ലാസിന്റെ താഴെ ഒരു വശത്തായി താഴ്ന്നു കിടക്കുന്ന മുട്ട കേടില്ലാത്തതാണ്. എന്നാല്‍, ഗ്ലാസിന്റെ മുകളില്‍ പൊങ്ങിക്കിടക്കുന്ന മുട്ട ഉപയോഗിക്കാതിരിക്കുകയാണ് ഉചിതം. 

പുതിയ മുട്ടയില്‍ വായുവിന്റെ അംശം കുറവായിരിക്കും. സ്വാഭാവികമായും ഈ മുട്ട വെള്ളത്തില്‍ താഴ്ന്നായിരിക്കും കിടക്കുക. പഴകുന്തോറും മുട്ടയിലെ ജലാംശം കുറയുക മാത്രമല്ല മുട്ടത്തോടിലെ ചെറിയ സുഷിരങ്ങളിലൂടെ വായു മുട്ടയ്ക്കുള്ളില്‍ കടക്കുകയും ചെയ്യും.

മിക്ക വീടുകളിലും ഇപ്പോൾ രാത്രിയിൽ തീൻ‌മേശയിൽ സ്ഥാനം പിടിക്കുന്നത് ചപ്പാത്തിയാണ്. രാവിലേയും ചപ്പാത്തി കഴിക്കുന്നവർ വിരളമല്ല. ചുരുക്കി പറഞ്ഞാൽ ഇക്കൂട്ടർ ഒരു നേരം മാത്രമാണ് ചോറ് കഴിക്കുന്നത്. രാത്രിയിൽ ചോറ് ഒഴിവാക്കി ഗോതമ്പ് കൊണ്ടുള്ള വിഭവങ്ങൾ കഴിക്കൂ എന്നാണ് പലരും  ഉപദേശിക്കുന്നത് പോലും. ചോറ് കഴിക്കണമെന്ന് പറയുന്നതിന്റെ കാരണമെന്തെന്നറിയാമോ? 

അരിയാഹാരം ദഹിക്കാന്‍ വളരെ എളുപ്പമാണ് കൂടാതെ സുഖമായ ഉറക്കവും കിട്ടും. അരി ലെപ്റ്റിന്‍ സെന്‍സിറ്റിവിറ്റി കൂട്ടുന്നു. ഒരു കൊഴുപ്പു കോശമാണ് ലെപ്റ്റിന്‍ ഉല്പ്പാദിപ്പിക്കുന്നത്. ഇത് ശരീരത്തിലെ കൊഴുപ്പിന്റെ ശേഖരണം നിയന്ത്രിക്കുന്നു.  വാത–പിത്ത–കഫ ദോഷങ്ങള്‍ക്കെല്ലാം യോജിച്ചതാണ് അരിഭക്ഷണം എന്നാണ് ആയുര്‍വേദം പറയുന്നത്.

ദഹനത്തിന് അരിയാഹാരം പ്രശ്നമാകുമെന്നാണ് ചോറ് കേട്ടുകൊണ്ടിരിക്കുന്ന ഒരു പേരുദോഷം. അത് വെറുതേയാണ്. ദഹനത്തിന് ചോറ് നല്ലതാണ്. ചോറുണ്ടാല്‍ വണ്ണം കൂടുമെന്ന് കരുതുന്നവരും ഉണ്ട്. എന്നാൽ അത് വെറുതേ ആണ്. വണ്ണം കൂടും എന്ന തെറ്റായ പ്രചരണം വരാന്‍ കാര്യം, ചിലപ്പോള്‍ ഒരു ഡയറ്റ് പ്ലാനിലും അരിയാഹാരം ഉള്‍പ്പെടുന്നില്ല എന്നുള്ളതാവാം. എന്തായാലും അരിയാഹാരം വേഗം ദഹിക്കും. കൊഴുപ്പ് വളരെ കുറവാണ് കൊളസ്‌ട്രോള്‍ ഇല്ലേയില്ല. അന്നജം അടങ്ങിയതിനാല്‍ ഊര്‍ജ്ജത്തിന്റെ കലവറ കൂടിയാണ് അരി.

മുട്ട പുഴുങ്ങിയത് എണ്ണത്തിന്

നീളത്തിൽ അരിഞ്ഞ സവോള 5 എണ്ണം

പച്ചമുളക് 3 എണ്ണം

തക്കാളി 2

ഇഞ്ചി വെളുത്തുള്ളി പേസ്റ്റ്

1 ടി സ്പൂണ്‍ മല്ലിപ്പൊടി

മുളകുപൊടി 1 ടി സ്പൂണ്‍

മഞ്ഞൾപ്പൊടി കാൽ ടി സ്പൂണ്‍

ഗരം മസാല 1 ടി സ്പൂണ്‍

കറി വേപ്പില ഒരിതൾ

വെളിച്ചെണ്ണ

ഉപ്പ് ആവശ്യത്തിന്

പാൻ അടുപ്പിൽ വെച്ച് ചൂടാവുമ്പോൾ ഓയിൽ ഒഴിച് സവോള വഴറ്റുക. ഇഞ്ചി വെളുത്തുള്ളി പേസ്റ്റ് ,പച്ചമുളക്,കറി വേപ്പില ചേർത്ത് നന്നായി വഴറ്റുക. ശേഷം എടുത്തുവെച്ച പൊടികൾ ഒരോന്നായി ഇട്ട് നന്നായി വഴറ്റുക. തക്കാളി ചേർക്കുക. ഉപ്പു ചേർക്കുക .തക്കാളി നല്ല വെന്തതിനു ശേഷം 1 കപ്പ്‌ വെള്ളമൊഴിച്ച് പുഴുങ്ങിവെച്ച മുട്ട രണ്ടായി കീറി മുറിച്ച ശേഷം പാനിൽ ഇടുക. മുട്ട ചേർത്ത് 5 മിനിറ്റ് തിളപ്പിക്കുക. കറിവേപ്പില ഇട്ട് വാങ്ങിവെയ്ക്കുക.

ചമ്മന്തിക്ക് വേണ്ട ചേരുകകൾ 

വലിയ ഉള്ളി - ഒന്ന് പൊടിയായി അരിഞ്ഞത്

മുളകുപൊടി - രണ്ട് ടീസ്പൂൺ

ഉപ്പ് - ആവശ്യത്തിന്

വെളിച്ചെണ്ണ - ഒരു ടേബിൾ സ്പൂൺ

ചമ്മന്തി ഉണ്ടാക്കുന്നത് എങ്ങനെയെന്ന് നോക്കാം 

പൊടിയായി അരിഞ്ഞുവച്ചിരിക്കുന്ന വലിയ ഉള്ളിയിൽ ആവശ്യത്തിന് ഉപ്പ് ചേർത്ത് നന്നായി ചതക്കുക. ശേഷം അൽപ‌നേരം ഇത് മാറ്റിവക്കണം. ഉള്ളിയുടെ കുത്ത് മാറാനായിട്ടാണ് ഇങ്ങനെ ചെയ്യുന്നത്. ഇനി ഇതിലേക്ക് മുളകുപൊടി ചേർത്ത് നന്നായി മിക്സ് ചെയ്ത് ഒന്നുകൂടി ചതക്കുക. ശേഷം വെളിച്ച ചേർത്ത് നന്നായി മിക്സ് ചെയ്യുന്നതോടെ ചമ്മന്തി റെഡി. വേവിക്കാത്ത ചമ്മന്തി ഇഷ്ടമല്ലാത്തവർക്ക് ഇത് ചെറു ചൂടിൽ വാട്ടിയെടുക്കാവുന്നതാണ്. 

ആവശ്യമായ ചേരുവകള്‍

കപ്പ പുഴുങ്ങിയത് കഷ്ണങ്ങള്‍ ആക്കിയത് - രണ്ട് കപ്പ്

ചെറിയുള്ളി - അഞ്ച് എണ്ണം

മുളക്‌പൊടി - ഒരു ടേബിള്‍ സ്പൂണ്‍

കടുക് - ആവശ്യത്തിന്

കറിവേപ്പില - ആവശ്യത്തിന്

ഉപ്പ്- ആവശ്യത്തിന്

വെളിച്ചെണ്ണ - ആവശ്യത്തിന്

തയ്യാറാക്കുന്നത് എങ്ങനെയെന്ന് നോക്കാം 

ഒരു പാനിൽ എണ്ണ ചൂടാക്കുക. ഇതിലേക്ക് കടുകിട്ട് പൊട്ടിച്ച ശേഷം ചെറിയ ഉള്ളി അരിഞ്ഞതും കറിവേപ്പിലയും ചേർത്ത് മൂപ്പിച്ചെടുക്കുക. ഇത് നന്നായി മൂത്തുകഴിയുമ്പോൾ മുളകുപൊടി ചേർത്ത് പച്ചമണം മറുന്നത് വരെ മൂപ്പിക്കുക. 

ഇനി ചെറുതായി മുറിച്ചുവച്ചിരിക്കുന്ന പുഴുങ്ങിയ കപ്പ ഇതിലേക്ക് ചേർത്ത് നന്നായി ഇളക്കാം. ഈ സമയം ഉപ്പും ചേർക്കണം ഇനി അൽ‌പ നേരം ചെറിയ തീയിൽ വേവിച്ച് തീ ഓഫ് ചെയ്യാം. നല്ല രുചിയുള്ള ഒരു കപ്പ പലഹാരം അനായാസം തയ്യാർ. 

ഈന്തപ്പഴം അച്ചാർ ഉണ്ടാക്കാൻ വേണ്ട ചേരുവകൽ തയ്യാറാക്കി വക്കാം

ഇന്തപ്പഴം കനം കുറഞ്ഞ് നീളത്തിൽ അരിഞ്ഞത് - ഒരു കപ്പ്

വറ്റല്‍മുളക് (ഉള്ളിലെ അരികളഞ്ഞത്) - പത്ത് എണ്ണം 

കടുക് - അര ടീസ്പൂണ്‍

വെളുത്തുള്ളി - ആറ് അല്ലി

നല്ലെണ്ണ - രണ്ടു ടേബിൾ സ്പൂണ്‍

വിനാഗിരി - അരക്കപ്പ്

ഉപ്പ് - പാകത്തിന്

ശര്‍ക്കര (ചീകിയത്) - രണ്ട് ടേബിൾ സ്പൂണ്‍

ഇനി ഈന്തപ്പഴം അച്ചാർ തയ്യാറാക്കുന്നത് എങ്ങനെയെന്ന് നോക്കാം  

കുരുകളഞ്ഞ വറ്റൽമുളകും വെളുത്തുള്ളിയും നന്നായി അരച്ചെടുക്കുകയാണ് ആദ്യം വേണ്ടത്. ശേഷം ഒരു പാനിൽ എണ്ണ ചൂടാക്കിയ ശേഷം കടുക് പൊട്ടിച്ച് വറ്റൽ അരപ്പ് നന്നായി മൂപ്പിച്ചെടുക്കുക. ഇതിലേക്ക് അരിഞ്ഞുവച്ചിരിക്കുന്ന ഈന്തപ്പഴംകൂടി  ചേർത്ത് നന്നായി വഴറ്റുക.

ഇനി വിനാഗിരിയും ഉപ്പും ചേർത്തിളക്കാം. ഉപ്പിന്റെ അളവ് കൃത്യമായിരിക്കണം. ഇവ ചേർത്തതിന് പിന്നാലെതന്നെ ചീകിവച്ചിരിക്കുന്ന ശർക്കരയും ചേർക്കണം. ഇത് നന്നായി തിളപ്പിച്ച് കുറുക്കിയെടുക്കുക. ഈന്തപ്പഴം അച്ചാർ തയ്യാർ. 

നെയ്യ് പത്തിരിക്ക് വേണ്ട ചേരുകൾ എന്തോക്കെയെന്നു നോക്കാം ! 

പുഴുങ്ങലരി - രണ്ട് കപ്പ്

ചെറിയ ഉള്ളി - നാലെണ്ണം

പെരുംജീരകം - ഒരുസ്പൂണ്‍

ഉപ്പ് -ആവശ്യത്തിന്

തേങ്ങ (ചിരവിയത്) -ഒരു കപ്പ്

അരിപൊടി- ആവശ്യമെങ്കിൽ മാത്രം 

നെയ്യ്- ആവശ്യത്തിന്

എണ്ണ- വറുക്കാൻ ആവശ്യത്തിന്

ഇനി മലബാർ നെയ്പത്തിരി ഉണ്ടാക്കുന്നതെങ്ങനെയെന്ന് നോക്കാം 

ആരി നേരത്തെ തന്നെ ചൂടുവെള്ളത്തിൽ കുതിർത്തുവക്കണം ചുരുങ്ങിയത് 5 മണിക്കുറെങ്കിലും വെള്ളത്തിൽ കുതിർത്തുവക്കണം. ശേഷം അരി ഊറ്റി മിക്സിൽ തരിതരിയായി അരച്ചെടുക്കുക. ഇതിലേക്ക് ചെറിയ ഉള്ളി, പെരും ജീരകം, ചിരകിയ തേങ്ങ ആവശ്യത്തിന് ഉപ്പ് എന്നിവ ചേർത്ത് ഒന്നുകൂടി അരക്കുക.

ഇപ്പോൾ മാവ് ലൂസാണെങ്കിൽ മാത്രം അല്പം അരിപ്പോടി ചേർക്കാം. പത്തിരിമാവിന്റേതിനു സമാനമായി ഇത് കുഴച്ചെടുക്കുക, അരിപ്പോടി ചേർക്കുന്നെങ്കിൽ ഉപ്പ് പാകമാക്കാൻ ശ്രദ്ധിക്കണം. ഇനി മാവ് ഉരുറ്റിയെടുത്ത് ഒരു പ്ലാസ്റ്റിക് കവറിന് മുകളിലോ വാഴയിലയിലോ വച്ച് നെയ്യ് തടവി പരത്തിയെടുക്ക. പരത്തിവച്ചിരിക്കുന്ന പത്തിരി എണ്ണയിലിട്ട് പൂരി വറുക്കുന്നതുപോലെ വറുത്തു കോരം. നെയ്പത്തിരി തയ്യാർ 

കപ്പ കറി ഉണ്ടാക്കാൻ വേണ്ട ചേരുവകൾ ആദ്യം തയ്യാറാക്കി വക്കാം

കപ്പ പുഴുങ്ങിയത് - രണ്ട് കപ്പ് 

ചെറിയ ഉള്ളി - നാലെണ്ണം 

വെളുത്തുള്ളി - 6 അല്ലി 

പച്ചമുളക് - രണ്ടെണ്ണം 

കറിവേപ്പില - ഒരു തണ്ട് 

മുളകുപൊടി - ഒന്നര ടീസ്പൂൺ 

മഞ്ഞള്‍ പൊടി - കാൽ ടീസ്പൂണ്‍ 

തേങ്ങാപ്പാല്‍ (ഒന്നാം പാല്‍) - കാൽകപ്പ് 

കടുക് - കാൽ ടീസ്പൂണ്‍ 

ഉപ്പ് - ആവശ്യത്തിന് 

പാകം ചെയ്യാൻ ആവശ്യത്തിന് എണ്ണ

കപ്പ കറി ഉണ്ടാക്കുന്നത് എങ്ങനെയെന്ന് നോക്കാം 

കപ്പ നേരത്തെ തന്നെ പുഴുങ്ങി ഊറ്റി വക്കുക. തുടർന്ന് വെളുത്തുള്ളിയും ചെറിയ ഉള്ളിയും ചതച്ചു മാറ്റി വക്കണം. ഒരു പാനിൽ എണ്ണ ചൂടാക്കി കടുക് പൊട്ടിച്ച ശേഷം ചതച്ചുവച്ചിരിക്കുന്ന വെളുത്തുള്ളിയും ചെറിയ ഉള്ളിയും ചെർത്ത് മൂപ്പിക്കുക പിന്നാലെ തന്നെ പച്ചമുളകും കറിവേപ്പിലയും ചേർത്ത് നന്നായി മൂപ്പിച്ചെടുക്കുക.  

ഇതിലേക്ക് മുളകുപൊടിയും മഞ്ഞൾപ്പൊടിയും ചേർക്കാം ഇത് നന്നായി എണ്ണയിൽ മൂത്തുകഴിഞ്ഞാൽ വേവിച്ചു വച്ചിരിക്കുന്ന കപ്പ ഇതിലേക്ക് ചേർത്ത് ഒന്നുടച്ച് മിക്സ് ചെയ്തെടുക്കുക. സേഷം അൽ‌പം വെള്ളമൊഴിച്ച് ആവശ്യത്തിന് ഉപ്പ് ചേർത്ത് വേവിക്കാം.

കപ്പ വെന്ത് ഏകദേഷം കുഴമ്പ് രൂപത്തിലാകുമ്പോൾ ഇതിലേക്ക് കട്ടിയുള്ള തേങ്ങാപാൽ ചേർത്ത് അൽ‌പനേരംകൂടി വേവിക്കാം. തേങ്ങാപാൽ ചേർത്ത ശേഷം അധികനേരം വേവിക്കാതിരിക്കാൻ പ്രത്യേകം ശ്രദ്ധിക്കണം. ഇത്ര സിംപിളാണ് കപ്പ കറി എന്ന വിഭവം. 

വേണ്ട ചേരുവകൾ ആദ്യം തയ്യാറാക്കിവക്കാം 

വലിയ ഉള്ളി - ഒരെണ്ണം

തക്കാളി - ഒരെണ്ണം

ഇഞ്ചി, വെളുത്തുള്ളി ചതച്ചത്- ഒരു ടീസ്പൂണ്‍

പച്ചമുളക് -മൂന്ന് എണ്ണം

മഞ്ഞള്‍പൊടി- കാല്‍ ടീസ്പൂണ്‍

കാശ്മീരി മുളകുപൊടി- ഒരു ടേബിള്‍സ്പൂണ്‍

മുളകുപൊടി - അര ടേബള്‍സ്പൂണ്‍

മല്ലിപ്പൊടി - അര ടീസ്പൂണ്‍

ഉലുവാപ്പൊടി - രണ്ട് നുള്ള്

കുടം‌പുളി- മൂന്നെണ്ണം ചെറുത്

തേങ്ങാപ്പാല്‍, രണ്ടാം പാൽ - ഒരു കപ്പ്

തേങ്ങാപ്പാല്‍, ഒന്നാം പാൽ - അര കപ്പ്

വെളിച്ചെണ്ണ - രണ്ട് ടേബിള്‍സ്പൂണ്‍

ചെറിയ ഉള്ളി- നാലെണ്ണം, ചെറുതായി വട്ടത്തില്‍ അരിഞ്ഞത്

ഉണക്കമുളക് - മൂന്നെണ്ണം

കറിവേപ്പില - രണ്ട് തണ്ട്

ഏത്തക്കായ- ഒന്ന് കഷ്ണങ്ങളാക്കിയത് 

ഇനി മീനില്ലാത്ത മീൻ‌കറി ഉണ്ടാക്കുന്നത് എങ്ങനെയെന്ന് നോക്കാം

മൺചട്ടിയിൽ ഉണ്ടാക്കുന്നതാണ് നല്ലത്. ഒരു മൺചട്ടിയിൽ വെളിച്ചെണ്ണ ചൂടാക്കുക. ഇതിലേക്ക് വലിയ ഉള്ളി, പച്ചമുളക്, ഇഞ്ചി വെളുത്തുള്ളി പേസ്റ്റ് എന്നിവ ഓരോന്നായി ചേർത്ത് നന്നായി മൂപ്പിക്കുക. ഇതിലേക്ക് മല്ലിപ്പോടി, മുളകുപൊടി, കശ്മീരി ചില്ലി പൌഡർ ഉലുവപ്പൊടി എന്നിവ ചേർത്ത് വീണ്ടും മൂപ്പിക്കുക. 

ഇപ്പോൾ കുടം‌പുളിയും തക്കാളിയും ചേർക്കാം. അ‌ൽ‌പനേരം ചട്ടി അടച്ചുവച്ച് തക്കാളി നന്നായി വേവിക്കുക. ഇതിലേക്ക് കഷ്ണങ്ങളാക്കി വച്ചിരിക്കുന്ന കായ ചേർത്ത്, രണ്ടാം തേണ്ടാപാൽ ചേർത്ത് വേവിക്കാം. ഉപ്പ് ഈ സമയമാണ് ചേർക്കേണ്ടത്.

കായ വെന്തു കഴിഞ്ഞാൽ ഒന്നാം തേങ്ങാപാൽ ചേർത്ത് അൽ‌പനേരം ചൂടാക്കി അടുപ്പിൽ നിന്നും വാങ്ങാം. മറ്റൊരു ചട്ടി അടുപ്പത്തുവച്ച്. എണ്ണ ചൂടാക്കി ചെറിയ ഉള്ളി കറിവേപ്പില ഉണക്കമുളക് കടുക് എന്നിവ മൂപ്പിച്ച് കറിയിലേക്ക് ഒഴിക്കാം ഇതോടെ മീനില്ലാത്ത മീൻ‌ലറി തയ്യാർ.  

ഇറച്ചി ചമ്മന്തിപ്പോടി ഉണ്ടാക്കാൻ വേണ്ട ചേരുവകൾ 

ബീഫ് - ഒരു കിലോ

ഉണക്കമുളക് - പത്തെണ്ണം

ചുവന്നുള്ളി - 100 ഗ്രാം

വെളുത്തുള്ളി - പത്തല്ലി

ഇഞ്ചി - ഒരു വലിയ കഷ്ണം

കടുക് - ഒരു ടീസ്പൂണ്‍

ഗ്രാമ്ബു - മൂന്നെണ്ണം

ഏലയ്ക്ക - അഞ്ചെണ്ണം

എണ്ണ - ആവശ്യത്തിന്

വിനാഗിരി - രണ്ട് ടേബിള്‍സ്പൂണ്‍

ജീരകം - ഒരു ടീസ്പൂണ്‍

പെരുംജീരകം - ഒരു ടീസ്പൂണ്‍

കറിവേപ്പില - ഒരു പിടി

ഉണക്കത്തേങ്ങ - ഒരെണ്ണം

ഇനി ഉണ്ടാക്കുന്നത് എങ്ങനെയാണെന്ന് നോക്കാം

ആദ്യം ചെയ്യേണ്ടത് ഗ്രാമ്ബു, ഏലയ്ക്ക, പെരുംജീരകം എന്നിവ ചെറുതായി ചൂടാക്കി പൊടിച്ച്‌ വിനാഗിരിയും ഉപ്പും ചേര്‍ത്ത് ബീഫ് വേവിക്കുക എന്നതാണ് .വേവിച്ച ബീഫ് എണ്ണയില്‍ ഡ്രൈയായി വറത്തുകോരുക. 

മറ്റു ചേരുവകളെല്ലാം ബീഫിലേക്ക് ചേർത്ത് നന്നായി ചുവക്കുനതുവരെ വീണ്ടും എണ്ണയില്ലാതെ വറുക്കുക. ഇവയെല്ലാം നന്നായി മിൿസൊയിലിട്ട് പൊടിച്ചെടുക്കുക. ഇത് എണ്ണയില്ലാതെ വീണ്ടും ഡ്രൈയാക്കി എടുക്കുക. ഇറച്ചി ചമ്മന്തിപ്പൊടി തയ്യാർ.  

കക്ക തോരനുണ്ടാക്കാൻ വേണ്ട ചേരുവകൾ

കക്കാ ഇറച്ചി - 500ഗ്രാം

ചെറിയ ഉള്ളി - അഞ്ച് എണ്ണം

പച്ചമുളക് - അഞ്ച് എണ്ണം

ഇഞ്ചി - ചെറിയ കഷ്ണം

വെള്ളുള്ളി - മൂന്ന് അല്ലി നീളത്തിൽ അരിഞ്ഞത്

ഉണക്ക മൃളക് - രണ്ട് എണ്ണം വലുത്

കുരുമുളക് - ഒരു ടേബിള്‍ സ്പൂണ്‍

ചെറിയ ജീരകം - കാല്‍ ടീ സ്പൂണ്‍ 

മഞ്ഞൾ പൊടി - ഒരു ടീസ്പൂണ്‍

മല്ലിപൊടി - ഒരു ടീസ്പൂണ്‍

തേങ്ങാ - അര മുറി ചിരവിയത്

വെളിച്ചെണ്ണ ആവശ്യത്തിന്

ഇനി കക്ക തോരൻ തയ്യാറാക്കേണ്ടത് എങ്ങനെയെന്ന് നോക്കാം 

ആ‍ദ്യത്തെ ജോലി കക്കയിറച്ചി ഉപ്പും മഞ്ഞൾപ്പൊടിയും ചേർത്ത് വേവിച്ചുവക്കുക എന്നതാണ്. ഇത് മാറ്റി വക്കുക. ചിരവി വച്ചിരിക്കുന്ന തേങ്ങ, മഞ്ഞൾപ്പൊടി, ജീരകം, മല്ലിപ്പൊടി, കുരുമുളകുപൊടി എന്നിവ മിക്സിയിൽ അടിച്ചെടുത്ത് മാറ്റി വക്കുക. 

തുടർന്ന് ഒരു പാനിൽ അൽ‌പം വെളിച്ചെണ്ണ ഒഴിച്ച് കടുക് പൊട്ടിക്കുക. ഇതിലേക്ക് ഉള്ളി, ഇഞ്ചി, വെളുത്തുള്ളി എന്നിവ ചേർക്കുക. ഇത് അധികം മൂന്നുന്നതിന് മുൻപ് തന്നെ തേങ്ങ അരപ്പ് ചേർത്ത് പച്ചമണം മാറുന്നതുവരെ മൂപ്പിക്കുക. ഇതിലേക്ക് വേവിച്ച് വച്ച കക്കയിറച്ചി ചേർക്കാം ആവശ്യത്തിന് ഉപ്പ് ഈ  സമയം തന്നെ ചേർക്കണം. അൽ‌പനേരം മൂടിവച്ച് വേവിക്കുന്നതോടെ കക്ക തോരൻ തയ്യാർ. 

എന്നാൽ കടകളിൽ നിന്നും സാമ്പാർ പൊടി വാങ്ങി സാമ്പാർ ഉണ്ടാക്കിയിരുന്നവരാണോ നമ്മൾ ? അല്ല. രാസപഥാർത്ഥങ്ങൾ ചേർക്കാതെ ശുദ്ധമായ സാമ്പാർപൊടി നമ്മൾ വീട്ടിലുണ്ടാക്കുകയിരുന്നു പതിവ്. അത് നമുക്കെപ്പോഴൊ കൈമോഷം വന്നു

അത് നമുക്കൊന്ന് തിരികെപ്പിടിച്ചാലോ. നല്ല ശുദ്ധമായ നാടൻ സാമ്പാർപ്പൊടി വീട്ടിലുണ്ടാക്കൊണ്ട് ?

സാമ്പാർപ്പൊടിക്ക് വേണ്ട ചേരുവകൾ എന്തൊക്കെയെന്ന് നോക്കാം 

മല്ലി-അര കപ്പ് 

ചുവന്ന മുളക്-15 എണ്ണം വലുത്

ഉലുവ-ഒരു ടീ സ്പൂണ്‍ .

കടലപ്പരിപ്പ്-ഒരു ടേബിള്‍ സ്പൂണ്‍ 

ഉഴുന്നു പരിപ്പ്-ഒരു ടേബിള്‍ സ്പൂണ്‍ 

കായം-ഒരു കഷ്ണം 

കറിവേപ്പില-രണ്ടു തണ്ട് 

ജീരകം-അര ടീ സ്പൂണ്‍ 

ഇനി സാമ്പാർപ്പൊടി ഉണ്ടാക്കുന്നത് എങ്ങനെയെന്ന് നോക്കാം 

ഒരു ചീനച്ചട്ടി ചൂടാക്കി മല്ലി, കടലപ്പരിപ്പ്, ഉഴുന്നു പരിപ്പ്, ജീരകം എന്നിവ വറുത്തെടുത്ത് മാറ്റി വയ്ക്കുക. അല്‍പം വെളിച്ചെണ്ണയൊഴിച്ച്‌ കായം വറുത്തെടുക്കാം. ഇത് ഒരുവിധം പാകമാകുമ്പോള്‍ ഉലുവയും ഇതിൽതന്നെയിട്ട് വറുത്തെടുക്കുക.

പിന്നീട് ചുവന്ന മുളക് വെളിച്ചെണ്ണയിൽ വറുത്തെടുക്കണം. കറിവേപ്പിലയും നല്ലപോലെ വറുക്കുക. വറുത്ത് ചേരുവകളെല്ലാം നന്നാ‍ായി തണുത്തതിന് ശേഷം മിക്സിയിലിട്ട് നന്നായി പൊടിച്ചെടുക്കുക. ഇത് ഈർപ്പം കടക്കാത്ത ഒരു പാത്രത്തിൽ സൂക്ഷിക്കാം. കടയിൽ നിന്നും വാങ്ങുന്ന സാമ്പാർപ്പൊടിയേക്കാൾ എത്രയോ രുചികരമായിരിക്കും ഈ പൊടികൊണ്ടുണ്ടാക്കുന്ന സാമ്പാർ. 

ചെമ്മീൻ പരിപ്പുവട ഉണ്ടാക്കാൻ വേണ്ട ചേരുവകൾ 

വൃത്തിയാക്കിയ ചെമ്മീന്‍ - 250 ഗ്രാം 

പരിപ്പ്- അര കിലോഗ്രാം

ഇഞ്ചി- ഒരു കഷണം 

ഉള്ളി- 100 ഗ്രാം 

പച്ചമുളക്- അഞ്ചെണ്ണം 

കറിവേപ്പില- മൂന്ന് തണ്ട്

ഉപ്പ് - പാകത്തിന് 

പരിപ്പുവട ഉണ്ടാക്കുന്ന അതേ രീതി തന്നെയാണ് ചെമ്മീന്ന് കുടി ചേരും എന്നുമാത്രം. പരിപ്പ് ഒരു മണിക്കുർ മുൻപ് തന്നെ വെള്ളത്തിലിട്ട് കുതിർത്തണം. ശേഷം തരിതരിപ്പായി പരിപ്പ് അരച്ചെടുക്കണം. ചെമ്മീനും ചതച്ച് മാറ്റിവക്കുക.

അടുത്തതായി ചെയ്യേണ്ടത് ഉള്ളി, ഇഞ്ചി, പച്ചമുളക്, കറിവേപ്പിൽ എന്നിവ ഒന്നൊന്നായി ചതച്ചെടുക്കുക എന്നതാണ് ചതച്ചുവച്ചതെല്ലാം ഒന്നിച്ചു ചേർത്ത് നന്നായി കുഴക്കണം. ഈ സമയത്താണ് ഉപ്പ് ചേർക്കേണ്ടത്. പാനിൽ എണ്ണ ചൂടാക്കിയ ശേഷം വടയുടെ രൂപത്തിൽ മിശ്രിതം പരത്തി വറുത്തെടുക്കാം. 

കപ്പവടക്ക് വേണ്ട ചേരുവകൾ 

കപ്പ - 1 കിലോ 

മൈദ - 2 ടേബിള്‍ സ്പൂണ്‍ 

വലിയ ഉള്ളി - 1 എണ്ണം അരിഞ്ഞത്

ഇഞ്ചി - ചെറിയ കഷ്ണം ചെറിയ (കഷ്ണങ്ങളാക്കി അരിഞ്ഞത്) 

മുളക് പൊടി - 1 ടേബിള്‍ സ്പൂണ്‍ 

പച്ചമുളക് - 5 എണ്ണം 

എണ്ണ വറുക്കാന്‍ പാകത്തിന്

കപ്പവട ഉണ്ടാക്കുന്നത് എങ്ങനെയെന്ന് നോക്കാം

ആദ്യം തന്നെ കപ്പ നന്നായി പുഴുങ്ങി ഉടച്ചു വക്കുക. ഇതിലേക്ക് അരിഞ്ഞ വലിയ ഉള്ളി, ഇഞ്ചി പച്ചമുളക്, എന്നിവയും മുളകുപൊടിയും മൈദയും ചേർത്ത് നാന്നായി കുഴക്കുക, ഇവ നന്നായി തമ്മിൽ ചേരണം. ശേഷം. ചെറിയ ഉരുളകളാക്കി വടയുടെ ആകൃതിയിൽ പരത്തി എണ്ണയിൽ വറുത്തെടുക്കാം. ഇത്രയേ ചെയ്യേണ്ടതുള്ളു രുചികരമായ കപ്പ വട ഉണ്ടാക്കാൻ.  

ഏത്തപ്പഴ ദോശയുണ്ടാക്കാൻ വേണ്ട ചേരുവകൾ

വളുതായി നുറുക്കിയ ഏത്തപ്പഴം - രണ്ടെണ്ണം

പച്ചരി - ഒരു കപ്പ്

തേങ്ങ ചിരവിയത് - കാല്‍ കപ്പ്

ഉപ്പ് - ആവശ്യത്തിന്

ഏത്തപ്പഴ ദോശ ഉണ്ടാക്കുന്നത് എങ്ങനെയെന്ന് നോക്കാം 

സാധാരണ ദോശക്ക് മാവുണ്ടാക്കുന്നതുപ്പൊലെ പച്ചരി രണ്ടു മണിക്കൂർ നേരം വെള്ളത്തിലിട്ട് കുതിർത്തുക. ശേഷം അരിയുടെ കൂടെ 

നുറുക്കി വച്ചിരിക്കുന്ന ഏത്തപ്പഴവും തേങ്ങയും ചേർത്ത് മിക്സിയിൽ മാവ് അരക്കുക. ഇനി ദോശ ചുടാവുന്നതാണ്. മാവുണ്ടാക്കി അപ്പോൾ തന്നെ ദോശ ചുടാം. 

വളരെ വേഗത്തിൽ പ്രയാസമേതുമില്ലാതെ വീട്ടിൽതന്നെ ഉണ്ടാക്കാവുന്നതേയുള്ളു കുഴലപ്പം. കുഴലപ്പം ഉണ്ടാക്കുന്നതിന് വേണ്ട ചേരുവകളെന്തൊക്കെയെന്ന് നോക്കാം 

അരിപൊടി- ഒന്നര കപ്പ്

തേങ്ങ -രണ്ട് സ്പൂണ്‍

കറുത്ത എള്ള് -രണ്ട് ടീസ്പൂണ്‍

ഉപ്പ് പാകത്തിന്

എണ്ണ ഫ്രൈ ചെയ്യാന്‍ ആവശ്യത്തിന്

ഇനി നാടൻ കുഴലപ്പത്തിന്റെ പാചക വിധി എങ്ങനെയാണെന്ന് നോക്കാം

ആദ്യമായി ചേയ്യേണ്ടത് ഒരു പാത്രത്തിൽ അൽ‌പം വെള്ളം തിളപ്പിക്കൻ വക്കുക. തിളച്ചു വെള്ളത്തിലേക്ക് എടുത്തുവച്ചിരിക്കുന്ന തേങ്ങയും, അരിപൊടിയും, ഉപ്പും, എള്ളും ചേര്‍ത്ത് തീ ഓഫ് ചെയ്യുക ശേഷം ഇത്   കൈ കൊണ്ട് നന്നായി കുഴച്ചെടുക്കുക. 

ഇങ്ങനെ നന്നായി കുഴച്ചെടുത്ത മാവ് ചെറിയ ഉരുളകളാക്കി വെക്കുക.

ഈ ഉരുള ഒരു പ്ലാസ്റ്റിക് ഷീറ്റില്‍ വച്ച് എണ്ണ തടവി ചപ്പാത്തി പരത്തുന്നതുപോലെ ഓരോന്നായി പരത്തി കുഴൽ രൂപത്തിൽ ചുരുട്ടി വക്കുക. ഇത് ചൂടായ എണ്ണയിലിട്ട് വറുത്തെടുത്താൽ നല്ല നാടൻ കുഴലപ്പം റെഡി. 

അവൽ ഉപ്പുമാവ് ഉണ്ടാക്കാനുള്ള ചേരുവകൾ 

അവല്‍ – 2 കപ്പ്

സവാള – നീളത്തിൽ അരിഞ്ഞ സവാൾ 1

കറിവേപ്പില – ഒരു തണ്ട്

പച്ചമുളക് – 2

കടുക് – 1 ടി സ്പൂണ്‍

കടല പരിപ്പ് – 1 ടി സ്പൂണ്‍

ജീരകം – ഒരു നുള്ള്

മഞ്ഞള്‍പൊടി – ഒരു നുള്ള്

കായം – ഒരു നുള്ള്

ഉപ്പ്‌ – ആവശ്യത്തിന്

എണ്ണ – 1 ടേബിള്‍സ്പൂണ്‍

അവൽ ഉപ്പുമാവ് ഉണ്ടാക്കുന്നത് നോക്കാം 

അവല്‍ നനച്ചു മാറ്റി വെക്കുക രണ്ട് കപ്പ് അവലിലിന് ഒരു കപ്പ് വെള്ളം എന്നതാണ് കണക്ക്. തുടർന്ന് ഒരു പാനില്‍ എണ്ണ ചൂടാക്കി കടുക്, ജീരകം ഇവ പൊട്ടികുക. കറിവേപ്പില ചേര്‍ക്കുക. കടല പരിപ്പ്, കപ്പലണ്ടിയും ഇളം ബ്രൌൺ നിറം വരുന്നതു വരെ മൂപ്പിച്ചെടുക്കുക വറക്കുക.

പിന്നീട് മഞ്ഞള്‍ പൊടിയും, കായവും ചേര്‍ത്ത് അതിലേക്കു ഉള്ളിയും പച്ചമുളകും  ഇട്ട് വഴറ്റുക ആവശ്യത്തിന് ഉപ്പ് ഈ സമയം ചേർക്കാം. ഉള്ളിയുടെ നിറം മാറി തുടങ്ങുമ്പോള്‍ നനച്ച അവല്‍ ചേര്‍ത്ത് ഇളക്കി 2 മിനിറ്റ് അടച്ചുവച്ച് വേവിക്കുക ഇപ്പോൾ അവൽ ഉപ്പുമാവ് തയ്യാർ. 

നല്ല നാടൻ പൊടി ചമ്മന്തി എൺഗനെ ഉണ്ടാക്കാം എന്നാണ് ഇനി പറയാൻ പോകുന്നത്. 

ചേരുവകൾ 

തേങ്ങ തിരുമ്മിയത്‌ – അര കപ്പ്

മുളക് പൊടി – അര ടി സ്പൂണ്‍

ചെറിയ ഉള്ളി – 2 എണ്ണം

ഉപ്പ് – പാകത്തിന്

എണ്ണ – ഒരു ടി സ്പൂണ്‍

കടുക് – അര ടി സ്പൂണ്‍

കറിവേപ്പില – കുറച്ച്

വറ്റല്‍ മുളക് – 1 (മൂന്നായി കീറി മുറിച്ചത് )

ഇനി എങ്ങനെയാണ് തയ്യാറാക്കുന്നത് എന്ന് നോക്കാം 

തേങ്ങ, ഉള്ളി ,മുളക് പൊടി ,ഉപ്പ് എന്നിവ ചേര്‍ത്ത് ചതച്ച് എടുക്കുക അരക്കരുത് ചതക്കുക മാത്രമേ ചെയ്യാവു. ചറ്റക്കുമ്പൊൾ വെൾലം ചേർക്കാനും പാടില്ല. തുടർന്ന് ഒരു പാനില്‍ എണ്ണ ചൂടാക്കി കടുക് ,വറ്റല്‍ മുളക് ,കറിവേപ്പില എന്നിവ ഒന്നൊന്നായി ഇട്ട് മൂപ്പിച്ചെടുക്കുക  മൂപ്പിച്ചെടുക്കുക. 

കടുക് പൊട്ടി കഴിയുമ്പോള്‍ തേങ്ങ ചതച്ചത് ചേര്‍ത്ത് ചെറുതായി ചൂടാക്കുക. ഒന്ന് ചൂടായി വരുന്നത് വരെ ഇളക്കുക. അധിക നേരം ചൂടാക്കാൻ പാടില്ല. അതിനു ശേഷം തീ അണച്ച് അടുപ്പില്‍ നിന്നും മാറ്റുക. ഇത്രയെ ചെയ്യേണ്ടതുള്ളു നല്ല നാടൻ പൊടി ചമ്മന്തി തയ്യാറാക്കാൻ. 

കറിവേപ്പിലയെക്കുറിച്ചാണ് പറയുന്നത്. മീൻ വറുക്കാനായി എണ്ണ ചൂടാക്കിയ ശേഷം ആ എണ്ണയിലേക്ക് അൽ‌പം കറിവേപ്പില ഇട്ട് മൂപ്പിച്ച ശേഷം മീൻ വറുത്താൽ ചട്ടിയുടെ അടിയിൽ മീനോ മസാലയോ പിടിക്കില്ല. മാത്രമല്ല വറുത്ത മിനിന് കറിവേപ്പിലയുടെ പ്രത്യേകമായ സ്വാദ്കൂടി ലഭിക്കും.

മീൻ വറുക്കുമ്പൊൾ ചില കാര്യങ്ങൾ നമ്മൾ പ്രത്യേകം ശ്രദ്ധിക്കേണ്ടതുണ്ട്. ഇതിൽ ഏറ്റവും പ്രധാനം തീ കുറച്ച് വക്കുക എന്നതാണ്. മീനിന് മസാല ഒരുക്കുന്ന കൂട്ടത്തിൽ അൽ‌പം നാരങ്ങാ നീരുകൂടി ചേർക്കുന്നത് മീൻ കരിയാതിരിക്കാൻ സഹായിക്കും.  

രുചികരമായ കുടമ്പുളിയിട്ട മീന്‍ കറി ഉണ്ടാക്കുന്ന വിധം.

ചേരുവ:

മീന്‍ കഷണങ്ങളാക്കിയത്‌ - അര കിലോ

മുളക് എണ്ണയില്‍ വറുത്ത് പൊടിച്ചത്-  3 ടീസ്പൂണ്‍

മല്ലിപ്പൊടി-1/2 ടീസ്പൂണ്‍

കടുക്- ചെറിയ അളവ് 

ഇഞ്ചി- ഒരു ചെറിയ കഷ്ണം

വെളുത്തുള്ളി- 6 അല്ലി

കുടമ്പുളി - 2 അല്ലി

വെളിച്ചെണ്ണ- ഒരു ടേബിള്‍ സ്പൂണ്‍

കറിവേപ്പില- 2 ഇതള്‍

ഉണ്ടാക്കുന്ന വിധം:

ഒരു ചീനച്ചട്ടിയില്‍ വെളിച്ചെണ്ണ ഒഴിച്ച്‌ ചൂടാകുമ്പോള്‍ അല്‍പ്പം കടുക് ഇട്ട് പൊട്ടിയ ശേഷം കുനുകുനെയരിഞ്ഞ വെളുത്തുള്ളി, ഇഞ്ചി എന്നീ ചേരുവകള്‍ നല്ലതുപോലെ മൂപ്പിക്കുക. ഇതില്‍ കറിവേപ്പില ഇട്ട് ഇളക്കി മുളകും മല്ലിയും കൂടി ഇട്ട് ഇളക്കുക. ഈ മിശ്രിതത്തില്‍ ആവശ്യത്തിനു വെള്ളം ചേര്‍ത്ത് മീന്‍ കഷ്ണങ്ങള്‍ കൂടി ഇട്ടു വേവിക്കുക. പുളി ഇതളായിത്തന്നെ ഇടുക. വെന്തു കുറുകിക്കഴിയുമ്പോള്‍ താത്തുവയ്ക്കുക. മരച്ചീനിയോടൊപ്പം ഒന്നാംതരം കറിയാണ് കുടമ്പുളിയിട്ട മീന്‍ കറി.

ചേരുവകള്‍ 

ഇഞ്ചി 100 ഗ്രാം 

പച്ചമുളക് 6 

വെളിച്ചെണ്ണ കാല്‍ കപ്പ്

മുളകുപൊടി 1ടീസ്പൂണ്‍ 

മഞ്ഞള്‍പ്പൊടി കാല്‍ ടീസ്പൂണ്‍ 

ഉലുവപ്പൊടി കാല്‍ടീസ്പൂണ്‍ 

പുളി ചെറുനാരങ്ങയോളം 

വെള്ളം 2 കപ്പ് 

ഉപ്പ് പാകത്തിന് 

ശര്‍ക്കര കാല്‍ ഉണ്ട

കടുകു വറുക്കുന്നതിന് 

വെളിച്ചെണ്ണ 1 ടേബിള്‍സ്പൂണ്‍ 

കടുക് 2 ടീസ്പൂണ്‍ 

വറ്റല്‍മുളക് മുറിച്ചത് 2 എണ്ണം 

കറിവേപ്പില 2 കതിര്‍പ്പ്

ഇഞ്ചി വൃത്തിയായി കഴുകി ചുരണ്ടി വയ്ക്കുക. കനം കുറച്ച് വട്ടത്തില്‍ അരിയുക. പച്ചമുളക് വട്ടത്തില്‍ വേറെ അരിഞ്ഞു വയ്ക്കുക. ചീനച്ചട്ടിയില്‍ വെളിച്ചെണ്ണ ചൂടാക്കി പച്ചമുളക് അരിഞ്ഞത് വാട്ടി കോരിയെടുക്കണം. ഇതേ എണ്ണയില്‍ ഇഞ്ചി അരിഞ്ഞത് വറുത്ത് കോരണം. ഇഞ്ചി നല്ല പോലെ ചുവന്ന് മൂക്കണം.

ഒരു കല്‍ച്ചട്ടിയില്‍ പുളി കഴുകി പിഴിഞ്ഞ് അരിച്ച 2 കപ്പ് വെള്ളം ഒഴിക്കുക. ഇതില്‍ മുളകുപൊടി, മഞ്ഞള്‍പ്പൊടി, ഉലുവപ്പൊടി ഇവയും പാകത്തിന് ഉപ്പും ചേര്‍ക്കുക. ഇത് അടുപ്പത്തു വച്ചു തിളപ്പിക്കുക. ഇതില്‍ വറുത്തു വച്ച ഇഞ്ചി ഒരുവിധം പൊടിച്ചു ചേര്‍ക്കുക. പച്ചമുളക് വഴറ്റിയതും ചേര്‍ക്കുക. വീണ്ടും തിളപ്പിക്കുക. നന്നായി തിളച്ചാല്‍ ശര്‍ക്കര ചേര്‍ക്കുക. നല്ലവണ്ണം തിളച്ചു കുറുകാറായാല്‍ വാങ്ങുക. വെളിച്ചെണ്ണയില്‍ കടുകു വറുക്കുക.

ചേരുവകള്‍:

ചിക്കന്‍ - 1 കിലോ

സവാള - 2

ഇഞ്ചി - 1 വലിയ കഷണം

മുളകുപൊടി - 2 ടീസ്പൂണ്‍

മഞ്ഞള്‍പ്പൊടി - 1 ടീസ്പൂണ്‍

കുരുമുളകുപൊടി - 1

വെളുത്തുള്ളി - 4

തക്കാളി - 1/2 കപ്പ് (അരിഞ്ഞത്)

സോയാസോസ് - 1 1/2 ടീസ്പൂണ്‍

ഉപ്പ് - പാകത്തിന്

ഡാല്‍ഡ - 3 ടേബിള്‍ സ്പൂണ്‍

പാകം ചെയ്യുന്ന വിധം:

കോഴി വലിയ കഷണങ്ങളാക്കി ഫോര്‍ക്കു കൊണ്ട് വരയുക. എന്നിട്ട് സോയാസോസ്, മുളകുപൊടി, മഞ്ഞള്‍പ്പൊടി, കുരുമുളകുപൊടി, ഉപ്പ് എന്നിവ ചേര്‍ത്ത് പുരട്ടി ഒരു മണിക്കൂര്‍ മാറ്റി വയ്ക്കുക. എന്നിട്ട് ഡാല്‍ഡ ചൂടാക്കി അതില്‍ അരിഞ്ഞ സവാള, ഇഞ്ചി എന്നിവ വഴറ്റുക. നന്നായി മൂത്തുവരുമ്പോള്‍ ഇറച്ചി ചേര്‍ത്ത് വറുക്കുക. നിറം മാ‍റിവരുമ്പോള്‍ തക്കാളി ചേര്‍ക്കുക. നല്ലവണ്ണം മൊരിഞ്ഞുവരുമ്പോള്‍ വാങ്ങുക.

കേരളത്തില്‍ തന്നെ മലബാര്‍ സാമ്പാര്‍ എന്നതു തന്നെ പാലക്കാടന്‍ സമ്പാര്‍, കോഴിക്കോടന്‍ സാമ്പാര്‍, വള്ളുവനാടന്‍ സാമ്പാര്‍ എന്നിങ്ങനെ വകഭേദവും രുചിഭേദവും ഉണ്ട്. തൃശ്ശൂരിലെയും എറണാകുളത്തേയും സാമ്പാറിനു അല്‍പം രുചിവ്യത്യാസം കാണും. എന്നാല്‍ മധ്യ തിരുവിതാം കൂറിലേയും തിരുവനന്തപുരത്തേയും സാമ്പാര്‍ ഏതാണ്ട് ഒരേ പോലെയാണ്. ഊണിന്‍റെ കൂടെ മാത്രമല്ല, ഇഡ്ഡലി, വട, ദോശ എന്നിവയുടെ കൂടെയും സാമ്പാര്‍ ഇന്നൊരു വിശിഷ്ട ഭോജ്യമാണ്. സാമ്പാര്‍ സാദം, സാമ്പാര്‍ വടൈ എന്നിങ്ങനെ പ്രാധാന്യമുള്ള വിഭവങ്ങളും ഏറെയുണ്ട്. 

പരിപ്പും പച്ചക്കറികളും കായവും മല്ലിയിലയും മറ്റും ചേരുന്ന സാമ്പാര്‍ നല്ലൊരു സമീകൃത ആഹാരവും ആരോഗ്യത്തിന് ഗുണകരമായതുമാണെന്ന് പോഷകാഹാര വിദഗ്ദ്ധര്‍ പറയുന്നു. വാളന്‍ പുളി മാത്രമാണ് സാമ്പാറിലെ കുഴപ്പക്കാരന്‍ എന്നാണ് അവരുടെ പക്ഷം. സമ്പാറിന്‍റെ തുടക്കം മഹാരാഷ്ട്രയില്‍ നിന്നാണ്. ദാല്‍ എന്ന പരിപ്പുകറിയാണ് സാമ്പാറിന്റെ മുത്തശ്ശന്‍. ഡെക്കാന്‍ ഭരിച്ച മറാത്തികളാണ് തെക്കേ ഇന്ത്യയില്‍ സാമ്പാര്‍ പ്രചരിപ്പിച്ചത്. ദേശ്യഭേദങ്ങളോടെ സാമ്പാര്‍ പ്രചരിച്ചു. രുചിഭേദങ്ങള്‍ വന്നു ചേരുവകളില്‍ മാറ്റം വന്നു.

ദാലില്‍ പുളിചേര്‍ത്തു പാചകം ചെയ്തതാണ് സമ്പാര്‍ ആയത്. ഇതിനു പിന്നില്‍ ഒരു കഥയുണ്ട്. കഥയില്‍ ചോദ്യമില്ല കേട്ടൊ. മറാത്ത ചക്രവര്‍ത്തി ഛത്രപതി ശിവജിയുടെ മകന്‍ സാംബാജി ഒരുദിവസം വീട്ടില്‍- കൊട്ടാരത്തില്‍- വന്നപ്പോള്‍ അവിടെ ഭാര്യയും മകനും ഇല്ലായിരുന്നു. വല്ലാത്ത വിശപ്പ്. ആരവിടെ എന്നു ചോദിച്ച് വല്ല ആഹാരവും വരുത്തി കഴിക്കാമായിരുന്നു. എന്നാല്‍ അന്ന് തന്‍റെ പാചകനൈപുണ്യം പരീക്ഷിക്കാനാണ് സാംബാജിയുടെ ശ്രമം. ദാല്‍ ഉണ്ടാക്കാമെന്ന് വിചാരിച്ച് പരിപ്പു വേവിച്ച് അതിലല്‍പ്പം പൂളിപിഴിഞ്ഞ് ഒഴിച്ചു എരിവും ഉപ്പും ചേര്‍ത്തു. 

എന്നാല്‍ ആ കറി പതിവ് ദാല്‍ ആയില്ല, എങ്കിലെന്ത് രുചിവ്യത്യാസമുള്ള മറ്റൊരു കറി കിട്ടിയല്ലോ. സാംബാജി ഉണ്ടാക്കിയ ആ പുതിയ കറിയാണ് സാമ്പാര്‍ എന്നറിയപ്പെട്ടതെന്നാണ് പറയപ്പെടുന്നത്. മറാത്തികള്‍, ഡെക്കാണും തമിഴ്നാടും ഭരിച്ച സമയത്ത് മറാത്ത താമസക്കാരാണ് തമിഴ്നാട്ടില്‍ സാമ്പാര്‍ പരിചിതമാക്കിയത്. തഞ്ചാവൂരിലെ തമിഴന്മാരാണ് ഈ കറിക്ക് സവിശേഷമായ രുചിഭേദം ഉണ്ടാക്കിയെടുത്തത്. അവരതില്‍ പച്ചക്കറികള്‍ ചേര്‍ത്തു. സ്വാദിനായി കായവും ഉപയോഗിച്ചു.

അങ്ങനെയാണ് സാമ്പാര്‍ കായം ചേര്‍ത്ത കൂട്ടാനായി മാറുന്നത്. സ്വാഭാവികമായും തമിഴ്നാട്ടില്‍ നിന്നും കര്‍ണ്ണാടകത്തില്‍ നിന്നും സാമ്പാര്‍ കേരളത്തിലും എത്തി. പ്രധാനമായും പുളി ചേര്‍ത്ത പരിപ്പ് കറി എന്നതില്‍ നിന്ന് മാറി. ഇത് ക്രമേണ പച്ചക്കറികള്‍ പരിപ്പ് ചേര്‍ത്ത് വേവിച്ച ഒഴിച്ചുകൂട്ടാനായി മാറുകയായിരുന്നു. മലബാറിലെ സാമ്പാറിന്റെ ഏറ്റവും വലിയ സവിശേഷത അതില്‍ തേങ്ങ ചേര്‍ക്കുന്നു എന്നതാണ്. വള്ളുവനാട്ടിലും കോഴിക്കോട്ടും തേങ്ങയും മല്ലിയും മുളകുമെല്ലാം വറുത്തരച്ചാണ് സാമ്പാറുണ്ടാക്കുന്നത്. കായം ഇതില്‍ പേരിന് മാത്രമേ ചേര്‍ക്കൂ.  

പാലക്കാട്ടാകട്ടെ മറ്റ് ചേരുവകളെല്ലാം വറുത്തരച്ച ശേഷം തേങ്ങ പച്ചയ്ക്കരച്ച് ആണ് സാമ്പാറില്‍ ചേര്‍ക്കുന്നത്. തിരുവിതാംകൂറിലേക്ക് എത്തുമ്പോള്‍ സാമ്പാറില്‍ തഞ്ചാവൂര്‍ കാരുടേതുപോലെ കായത്തിന് പ്രാധാന്യം വരുന്നു. നന്നായി കായം ചേര്‍ത്തില്ലെങ്കില്‍ അതിനെയാരും സാമ്പാറെന്ന് വിളിക്കുകകൂടിയില്ല. മലബാര്‍ ഭാഗത്തും തമിഴ്നാട്ടിലെ ചിലയിടത്തും സാമ്പാറില്‍ ഒരു പച്ചക്കറിയേ ഉപയോഗിക്കാറുള്ളു. പ്രധാനമായും വെണ്ടക്ക. പിന്നെ തമിഴ്നാട്ടില്‍ ഉള്ളി ഉപയോഗിച്ച് തനി വെങ്കായ സാമ്പാര്‍ ഉണ്ടാക്കാറുണ്ട്.

മുരിങ്ങക്കാ സാമ്പാര്‍, മുള്ളങ്കി സാമ്പാര്‍, വഴുതനങ്ങ സാമ്പാര്‍, സവാളയും ഉരുളക്കിഴങ്ങും മാത്രം ചേര്‍ത്ത സാമ്പാര്‍ എന്നിങ്ങനെ പലവിധം സാമ്പാറുകള്‍ ഇവിടങ്ങളിലുണ്ട്. തെക്കന്‍ കേരളത്തില്‍ അവിയല്‍ പോലെ തന്നെയാണ് സാമ്പാറിന്‍റേയും സ്ഥിതി. ഒരുവിധം എല്ലാ മലക്കറികളും അതില്‍ ചേര്‍ക്കാം. കൂട്ടത്തില്‍ ഒഴിച്ചുകൂട്ടാനാവാത്ത രണ്ടിനങ്ങളാണ് ചീനി അമരയ്ക്കാ എന്ന കൊത്തമരയ്ക്കായും ചെറിയ ഉള്ളിയും. വെണ്ടയ്ക്ക, വെള്ളരിക്ക, കത്തിരിക്ക, പടവലങ്ങ, ഉരുളക്കിഴങ്ങ്, മത്തന്‍, ഇളവന്‍, കാരറ്റ് എന്നിവ കൂടാതെ ചിലയിടങ്ങളില്‍ ചേന, ഏത്തയ്ക്കാ, പാവയ്ക്ക എന്നിവയും സാമ്പാറില്‍ ഉപയോഗിക്കുന്നു. 

സാമ്പാറില്‍ മണവും ഗുണവും ഉണ്ടാക്കാനായി അവസാനം അതില്‍ മല്ലിയില ചേര്‍ക്കാറുണ്ട്. ചിലയിടങ്ങളില്‍ സാമ്പാറുണ്ടാക്കിയ ശേഷം ഉലുവ വറുത്തു പൊടിച്ച് തൂവാറുണ്ട്. മലബാറിലെ സാമ്പാറില്‍ മല്ലി, മുളക്, തേങ്ങ, മഞ്ഞള്‍, ഉള്ളി, ഒരു ചെറിയ കഷണം വെളുത്തുള്ളി എന്നിവയാണ് വറുത്തരയ്ക്കാന്‍ ഉപയോഗിക്കുന്നത്. കര്‍ണ്ണാടകത്തിലെ സാമ്പാറിന് അല്‍പം മധുരം ഉണ്ടായിരിക്കും. മഹാരാഷ്ട്രയിലും കര്‍ണ്ണാടകത്തിലും സാമ്പാറില്‍ അല്‍പം ശര്‍ക്കര ഇടാറുണ്ട്. തമിഴ്നാട്ടിലെ സാമ്പാറില്‍ ഉലുവയുടെ അംശം കൂടിയിരിക്കും. 

WD WD

WD

WD

WD

WD

WD

WD

WD

FILE FILE