ചൈനീസ്‌

നാലുമണിക്ക് നല്ല ക്രിസ്പി ഒനിയൻ റിംഗ് ഫ്രൈ തയ്യാറാക്കാം !

Fri, 23 Nov 2018 18:32:00 +0530

നാലുമണിക്ക് ചായയോടൊപ്പം നല്ല ഉള്ളി വട നമ്മൾ കഴിച്ചിട്ടുണ്ടാവും. എന്നാൽ ഒനിയൻ റിംഗ് ഫ്രൈ കഴിച്ചിട്ടുണ്ടോ. പേരുകേട്ട് ഞെട്ടേണ്ട. ഏറ്റവും സിംപിളായി വളരെ വേഗം വീട്ടിലുണ്ടാക്കാവുന്ന ഒരു പലഹരമാണ് ഇത്.

ക്രിസ്പി ഒനിയൻ റിംഗ് ഫ്രൈ ഉണ്ടാക്കാനാവശ്യമായ ചേരുവകൾ നോക്കാം

വലിയ ഉള്ളി - മൂന്നെണ്ണം

ഇഞ്ചി - ഒരു ചെറിയ കഷ്ണം

വെളുത്തുള്ളി - നലഞ്ച് അല്ലി

വറ്റല്‍ മുളക് - മൂന്ന് എണ്ണം

പച്ചമുളക് - ഒന്ന്

മൈദ - രണ്ടര കപ്പ്

ഗരംമസാല - അര ടീസ്പൂണ്‍

കോണ്‍ഫ്ളോര്‍ - രണ്ട് ടേബിള്‍ സ്പൂണ്‍

ബേക്കിംഗ് സോഡ - 1 ടീസ്പൂണ്‍

ഉപ്പ് - ആവശ്യത്തിന്

വറുക്കാൻ ആവശ്യമായ എണ്ണ, ഇഷ്ടാനുസരണം വെളിച്ചെണ്ണയോ, ഓയിലോ ഉഅയോഗിക്കാം

ഇനി ക്രിസ്പി ഒനിയൻ റിംഗ് ഫ്രൈ തയ്യാറാക്കാം

ആദ്യം വലിയ ഉള്ളി കനത്തിൽ വട്ടത്തിൽ അരിയുക. ശേഷം ഒരോ ഇതളുകളും വേർപ്പെടുത്തി മാറ്റിവക്കുക. ഇനി ഇഞ്ചി, വെളുത്തുള്ളി, പച്ചമുളക്. വറ്റല്‍ മുളക്, കറിവേപ്പില എന്നിവ അൽ‌പം വെള്ളം ചേർത്ത് മിക്സിയിൽ നന്നായി അരച്ച് മാറ്റി വക്കുക.

മൈദ, ഗരം മസാല, ബേക്കിംഗ് സോഡ, കോണ്‍ഫ്ളോവര്‍ എന്നിവ അരപ്പുമായി നനായി മിക്സ് ചെയ്യുക. ആവശ്യത്തിന് ഉപ്പും അൽ‌പം വെള്ളവും മിശ്രിതത്തിൽ ചേർക്കണം. ശേഷം ഒരു പാനിൽ എണ്ണ ചൂടാക്കിയ ശേഷം അരിഞ്ഞുവച്ചിരിക്കുന്ന ഉള്ളി വളയങ്ങൾ വറുത്ത് കോരുക. വറുത്തുവച്ചിരിക്കുന്ന ഉള്ളി തയ്യാറാക്കിയിരിക്കുന്ന മിശ്രിതത്തിൽ മുക്കി ഒരിക്കൽ കൂടി വറുത്തുകോരുന്നതോടെ നല്ല ക്രിസ്പി ഒനിയൻ റിംഗ് ഫ്രൈ തയ്യാർ.

കലർപ്പില്ലാത്ത ടൊമാറ്റോ സോസ് വീട്ടിലുണ്ടാക്കാം !

Sat, 03 Nov 2018 15:45:00 +0530

ടൊമാറ്റോ സോസ് ഇഷ്ടമല്ലാത്തവർ ആരുംതന്നെ ഉണ്ടാവില്ല പലഹാരങ്ങൾ സോസിൽ മുക്കി കഴിക്കാൻ ഇഷ്ടപ്പെടുന്നവരാണ് നമ്മൾ. എന്നാൽ സോസ് സാധാരണയായി നമ്മൾ കടകളിൽ നിന്നും വാങ്ങുകയാണ് പതിവ്. ഇത് അത്ര നല്ലതകല്ല. കാരണം ഒരുപാട് ദിവസം കേടുകൂടാതെ സൂക്ഷിക്കുന്നതിനായി പല തരത്തിലുള്ള രാസ വസ്തുക്കൾ ചേർത്താണ് ഇത് തയ്യാറാക്കുന്നത്. എന്നാൽ കലർപ്പില്ലാത്ത നല്ല ടൊമാറ്റോ കെച്ചപ്പ് നമുക്ക് വീട്ടിൽതന്നെയുണ്ടാക്കാം.

ടൊമറ്റോ സോസ് ഉണ്ടാക്കാൻ വേണ്ട ചേരുവകൾ

തക്കാളി - 1കിലോ

വിനാഗിരി - മുക്കാൽ കപ്പ്

പഞ്ചസാര - അര കപ്പ്

പച്ചമുളക് - 4 എണ്ണം

വറ്റല്‍മുളക് - 4 എണ്ണം

ഉപ്പ് -പാകത്തിന്

ഏലക്കാ - 4 എണ്ണം

ഗ്രാമ്ബൂ - 5 എണ്ണം

കറുവപട്ട - 1 കഷണം

പെരുംജീരകം - അര ടീസ്പൂണ്‍

ജീരകം - അര ടീസ്പൂണ്‍

ഇഞ്ചി വെള്ളുതുള്ളി പേസ്റ്റ് - ഒന്നര ടീസ്പൂണ്‍

സവാള - 1 എണ്ണം

ഇനി സോസുണ്ടാക്കുന്നത് എങ്ങനെയാണെന്ന് നോക്കാം

ആദ്യം ചെയ്യേണ്ടത് തക്കളി വെളത്തിലിട്ട് തിളപ്പിച്ച് തൊലി കളയുക എന്നതാണ് പിന്നീട് മിക്‌സിയിലിട്ട് നല്ലവണ്ണം പേസ്റ്റ് ആക്കി എടുക്കുക. ഗ്രാമ്ബൂ,കറുകപട്ട, പച്ചമുളക്, വറ്റല്‍മുളക്, സവാള, ഏലക്ക, പെരുംജീരകം, ജീരകം ഇവ ചെറുതായി ചതച്ച്‌ ,ഇഞ്ചി വെള്ളുത്തുള്ളി പേസ്റ്റും കൂടെ ചേര്‍ത്ത് ഒരു വൃത്തിയുള്ള തുണിയില്‍ കിഴി കെട്ടി എടുക്കുക.

ശേഷം കട്ടിയുള്ള ഒരു പാൻ അടുപ്പത്ത് വച്ച് പേസ്റ്റ് ആക്കി വച്ചിരിക്കുന്ന തക്കാളി പാനിൽ ചേർത്ത് ചൂടാക്കുക. നേരത്തെ കിഴി കെട്ടി വച്ചിരിക്കുന്നതുകൂടി തക്കാളി പേസ്റ്റി ചേർത്ത് ചൂടാക്കുക. ഇത് നന്നായി ചൂടായി വരുമ്പോൾ തന്നെ വിനാഗിരിയും പഞ്ചസാരയും പാകത്തിന് ഉപ്പും ഇതിൽ ചേർക്കാം

കുറുകുന്നത് വരെ ഈ മിശ്രിതം ഇളക്കിക്കൊണ്ടിരിക്കുക. ഇനി കിഴി കെട്ടിവച്ചിരിക്കുന്നത് നന്നായി പിഴിഞ്ഞ് അതിലെ സത്ത് മുഴുവനായും താക്കളിയിൽ ലയിപ്പിച്ച് ചേർക്കുക. അടിയിൽ പിടിക്കാതെ എപ്പോഴും ഇളക്കിക്കൊണ്ടിരിക്കുക എന്നതാണ് ഇനി ചെയ്യേണ്ടത്. 20 മിനിറ്റോളം ഇത്തരത്തിൽ ഇളക്കി സ്റ്റൌ ഓഫ് ചെയ്യാം. ഇത് തണുപ്പിച്ച ശേഷം ഫ്രിഡ്ജിൽ വച്ച് ഉപയോഗിക്കാവുന്നതാണ്.

കൊതിയൂറുന്ന ചൈനീസ് ചിക്കന്‍ റോള്‍ തയ്യാറാക്കാം

Mon, 13 Aug 2018 14:59:00 +0530

പുതിയ തലമുറയ്‌ക്ക് ഇഷ്‌ടപ്പെടുന്ന ഒന്നാണ് ചൈനീസ് വിഭവങ്ങള്‍. വളരെ വേഗത്തില്‍ രുചികരമായി തയ്യാറാക്കാവുന്ന ഭക്ഷണമായതിനാലാണ് ഭൂരിഭാഗം പേരും ചൈനീസ് ഭക്ഷണങ്ങളില്‍ ആകൃഷ്‌ടരാകുന്നത്.

ചിക്കന്‍ ഷവര്‍മ കഴിക്കാത്തവരായി ആരും തന്നെയുണ്ടാകില്ല. എന്നാല്‍ ഇതില്‍ കൂടുതല്‍ സ്വാദ് പകരുന്ന ഒന്നാണ് എളുപ്പത്തില്‍ തയ്യാറാക്കാന്‍ കഴിയുന്ന ചൈനീസ് ചിക്കന്‍ റോള്‍. ഇത് തയ്യാറാക്കാന്‍ വളരെ കുറച്ച് സമയവും സാധനങ്ങളും മാത്രം മതിയാകും.

ആവശ്യമായ സാധനങ്ങള്‍

ചീകിയെടുത്ത ചിക്കന്‍ പീസുകള്‍ ഒരു കപ്പ്
അരക്കിലോ സവാള അരിഞ്ഞത്
മൈദ രണ്ടു കിലോ
ഉരുളക്കിഴങ്ങ് അര കിലോ
ചെറിയ കാപ്‌സിക്കോ
സെല്ലറി ആവശ്യത്തിന്
പച്ചമുളക് ആവശ്യത്തിന്
മല്ലിയില കുറച്ച്
അഞ്ച് സ്‌പൂള്‍ ചില്ലി സോസ്
സോയാസോസ് - 100 എം.എല്‍
300 ഗ്രാം വെളിച്ചെണ്ണ
ഉപ്പ് ആവശ്യത്തിന്

തയ്യാറാക്കുന്ന വിധം:

വെള്ളവും ആവശ്യത്തിന് ഉപ്പും ചേര്‍ത്ത് മൈദമാവ് വട്ടത്തില്‍ കട്ടികുറച്ച് പരത്തി ചുട്ടെടുത്ത് മാറ്റിവക്കുക. (എണ്ണ ചേര്‍ക്കരുത്). സവാള, ഉരുളക്കിഴങ്ങ്, പച്ചമുളക്, കാപ്‌സിക്കം എന്നിവ നന്നായി വഴറ്റിയ ശേഷം കുറച്ച് വെള്ളമൊഴിച്ച് ചൂടാക്കിയ ശേഷം ആവശ്യത്തിന് ഉപ്പ് ഇടണം. ഇതിലേക്ക് തയ്യാറാക്കിവച്ച ചിക്കനിട്ട് ഇളക്കിയ ശേഷം ചെറു ചൂടില്‍ അടച്ചു വയ്‌ക്കണം.

ചിക്കന്‍ മുക്കാല്‍ ശതമാനം വെന്തുവെന്ന് വ്യക്തമായാല്‍ അതിലേക്ക് പൊടിയായി അരിഞ്ഞ മല്ലിയില, സെല്ലറി, ചില്ലിസോസ്, സോയസോസ് എന്നിവ ചേര്‍ത്ത് ഇളക്കണം. തീ കുറച്ചു വെച്ചുവേണം ഇളക്കി കൊടുക്കാന്‍. ചീനച്ചട്ടിയിലെ ഗ്രേവി വറ്റുന്നതുവരെ വേവിക്കണം.

ചിക്കനും മസാലയും വെന്ത് വെള്ളം വറ്റി കഴിഞ്ഞാല്‍ അവ മറ്റൊരു പാത്രത്തിലേക്ക് പകര്‍ത്തി മാറ്റിവയ്‌ക്കണം. ഇതിനു ശേഷം മുമ്പ് മൈദ ഉപയോഗിച്ച് പരത്തി ചുട്ടെടുത്ത അടയിലേക്ക് തയ്യാറാക്കിവച്ച ചിക്കനും മസാലയും പരത്തി വെച്ച ശേഷം അട റോളാക്കണം. രണ്ടറ്റവും മധ്യഭാഗവും വിട്ടു പോകാതെ മൈദമാവ് കൊണ്ട് അടച്ച ശേഷം റോള്‍ എണ്ണയി വറുത്തെടുത്താല്‍ രുചികരമായ ചൈനീസ് ചിക്കന്‍ റോള്‍ ആകും.

ചില്ലി ചിക്കൻ കഴിക്കാൻ ഇനി ചൈനീസ് റെസ്റ്റൊറെന്റിൽ പോവേണ്ട !

Wed, 11 Jul 2018 14:02:00 +0530

ചില്ലി ചിക്കൻ ഇഷ്ടമില്ലാത്തവർ ആരുമുണ്ടാകില്ല. നാവില്‍‌ വെള്ളമൂറും ചില്ലി ചിക്കന്‍‌ പാകപ്പെടുത്തുന്നതെങ്ങനെയെന്ന് നോക്കൂ.

ചേരുവകള്‍‌:

ചിക്കന്‍‌ - 1 കിലോ

സോയാസോസ് - 1 ടേബിള്‍‌ സ്പൂണ്‍‌

ടൊമോറ്റോ സോസ് - 1 ടേബിള്‍‌ സ്പൂണ്‍‌

കാപ്‌സിക്കം - 5

പച്ചമുളക് - 10

പഞ്ചസാര - 1 ടേബിള്‍‌ സ്പൂണ്‍‌

വെളുത്തുള്ളി - 6

നാരങ്ങാ നീര് - 2 ടീസ്പൂണ്‍‌

എണ്ണ - 1 കപ്പ്

പാകം ചെയ്യുന്നവിധം:

സോസ് ചേരുവകളും നാരങ്ങാനീരും എന്നിവ ഉപ്പ് ചേര്‍‌ത്തിളക്കുക. അതിലേക്ക് പഞ്ചസാര ബ്രൌണ്‍‌ നിറമാകുന്നതുവരെ ഇളക്കുക. പച്ചമുളക്, വെളുത്തുള്ളി എന്നിവ അരിയുക. എന്നിട്ടിവ പഞ്ചസാരയില്‍‌ ചേര്‍‌ത്തിളക്കുക. എന്നിട്ട് കഷണങ്ങളാക്കിയ ചിക്കന്‍‌ ചേര്‍‌ത്തിളക്കുക. അതിലേക്ക് ആദ്യം യോജിപ്പിച്ച ചേരുവകള്‍‌ ചേര്‍‌ത്ത് 15 മിനിറ്റ് മാറ്റി വയ്‌ക്കുക. തീ കുറച്ച് ഇറച്ചി വേവിക്കുക. അതിനുശേഷം കാപ്‌സിക്കം ചേര്‍‌ത്ത് എണ്ണ മുകളില്‍‌ വരുന്നതുവരെ വറുക്കണം.

ചില്ലി ചിക്കൻ ഇനി മുതൽ വീട്ടിലും ഉണ്ടാക്കാം

Mon, 23 Apr 2018 16:44:00 +0530

ചേരുവകള്‍‌:

ചിക്കന്‍‌ - 1 കിലോ

സോയാസോസ് - 1 ടേബിള്‍‌ സ്പൂണ്‍‌

ടൊമോറ്റോ സോസ് - 1 ടേബിള്‍‌ സ്പൂണ്‍‌

കാപ്‌സിക്കം - 5

പച്ചമുളക് - 10

പഞ്ചസാര - 1 ടേബിള്‍‌ സ്പൂണ്‍‌

വെളുത്തുള്ളി - 6

നാരങ്ങാ നീര് - 2 ടീസ്പൂണ്‍‌

എണ്ണ - 1 കപ്പ്

പാകം ചെയ്യുന്നവിധം:

ചൈനീസ് സലാഡ്

Thu, 21 Aug 2008 17:03:33 +0530

ആരോഗ്യത്തിന്‌ ഉത്തമമെന്നതു മാത്രമല്ല ഭക്ഷണത്തിന്‌ ഒരു വിഭവം കൂടിയാകുമെന്ന ഗുണവും ഈ ചൈനീസ് സലാഡിനുണ്ട്‌.

ചേര്‍ക്കേണ്ടവ:

തക്കാളി രണ്ട്‌
ലെറ്റൂസ്‌ രണ്ട്‌
കാപ്സിക്കം ഒന്ന്‌
പൈനാപ്പിള്‍ ചെറുതായി അരിഞ്ഞത്‌ 1 കപ്പ്‌
ചീസ്‌ കഷ്ണങ്ങളാക്കിയത്‌ രണ്ട്‌
മുട്ട പുഴുങ്ങിയത്‌ രണ്ട്‌
സവാള ഒന്ന്‌
സ്പ്രിംഗ് ഒണിയന്‍
നാരങ്ങാ 1

ഉണ്ടാക്കുന്ന വിധം:

പച്ചക്കറികള്‍ നീളത്തില്‍ അരിഞ്ഞുവയ്ക്കുക. മൂട്ടയും നീളത്തില്‍ മുറിക്കുക. ലെറ്റൂസ്‌ ഇലകള്‍ നിരത്തി മീതേ കഷ്ണങ്ങള്‍ വിതറി നാരങ്ങാ നീരും ചേര്‍ത്ത്‌ കഴിക്കുക.

മേയോണിസ്‌ സോസ്‌

Mon, 28 Jul 2008 17:16:11 +0530

മേയോണിസ് സോസ്. രുചികരമായ ചൈനീസ് സ്വാദ് സ്വയം പരീക്ഷിക്കാം.

ചേരുവകള്‍:

മുട്ടയുടെ മഞ്ഞക്കരു 2 എണ്ണം
കടുക്‌ നേര്‍മ്മയായി പൊടിച്ചത്‌ 4 ടീസ്പൂണ്‍
ഉപ്പ്‌ ഒരു ടീസ്പൂണ്‍
കുരുമുളക്‌ പൊടിച്ചത്‌ കാല്‍ ടീസ്പൂണ്‍
പഞ്ചസാര ഒരു ടീസ്പൂണ്‍
സലാഡ്‌ ഓയില്‍ മുക്കാല്‍ കുപ്പി
ചെറുനാരങ്ങാനീര്‌ അര ടീസ്പൂണ്‍
വിനാഗിരി 4 ടീസ്പൂണ്‍

തയ്യാറാക്കുന്ന വിധം:

മുട്ടയുടെ മഞ്ഞക്കരു എടുത്ത്‌ ഉടച്ച്‌ കടുക്‌, കുരുമുളക്‌ ഇവ പൊടിച്ചതും ഉപ്പും ചേര്‍ത്ത്‌ സലാഡ്‌ ഒയില്‍ തുള്ളി തുള്ളിയായി അതിലൊഴിക്കുക. കരണ്ടി കൊണ്ട്‌ എണ്ണ തീരുന്നതുവരെ യോജിപ്പിക്കണം. ഇളം മഞ്ഞ നിറത്തിലുള്ള ചേരുവയയി തീരുമ്പോള്‍ ചെറുനാരങ്ങാനീരും വിനാഗിരിയും സാവധാനത്തില്‍ ചേര്‍ത്തിളക്കുക. സോസ്‌ തയ്യാറാക്കി കുപ്പിയില്‍ അടച്ച്‌ സൂക്ഷിക്കാം.

ഹോട്ട്‌ വെജിറ്റബിള്‍സ്

Tue, 22 Jul 2008 17:14:11 +0530

ഭക്ഷണ നേരങ്ങള്‍ക്ക് വ്യത്യസ്തത പകരാന്‍ ഒരു വിഭവം. ആരോഗ്യത്തിനും ഉത്തമം

ചേരുവകള്‍:

ക്യാബേജ്‌ വലുതായി അരിഞ്ഞത്‌ 600 ഗ്രാം
തക്കാളി അരിഞ്ഞത് 2 എണ്ണം
എണ്ണ- 4 ടേബിള്‍ സ്പൂണ്‍
പഞ്ചസാര- 5 ടേബിള്‍ സ്പൂണ്‍
ഉണക്കമുളക്‌ മുറിച്ചത്‌- 4 എണ്ണം
അജിനാമോട്ടോ- 4 ടേബിള്‍ സ്പൂണ്‍
വിനാഗിരി- 4 ടേബിള്‍ സ്പൂണ്‍
ഉപ്പ്‌- പാകത്തിന്‌

തയ്യാറാക്കുന്ന വിധം:

എണ്ണ ചൂടാക്കി മുളക്‌, ക്യാബേജ്‌ ഇവ വറുക്കുക. മറ്റെല്ലാ ചേരുവകളും ചേര്‍ത്ത്‌ നന്നായി യോജിപ്പിച്ച്‌ തണുപ്പിച്ച്‌ ഉപയോഗിക്കാം.

ചൈനീസ് ടീ ജെല്‍ സലാഡ്

Sat, 19 Jul 2008 17:14:20 +0530

ചൈനീസ് വിഭവങ്ങള്‍ക്ക് എവിടെയും എന്നതുപോലെ മലയാളികളിലും ഏറെ ആരാധകരുണ്ട്. ചൈനീസ് ടീ ജെല്‍-ഒ സലാഡ്. സ്വന്തം അടുക്കളയിലും പരീക്ഷിച്ചോളൂ...

ചേരുവകള്‍:

മാന്‍ഡാറിന്‍ ഓറഞ്ച് 10 എണ്ണം
പൈനാപ്പിള്‍ നുറുക്കിയത് 7 കഷ്ണം
ഓറഞ്ച് ജെല്‍ 3 ടേബിള്‍ സ്പൂണ്‍
മറ്റു പഴച്ചാറുകള്‍ 1 കപ്പ്
വാട്ടര്‍ ചെസ്റ്റ്‌നട്ട് 1 കപ്പ്
മയോണിസ് 1/2 കപ്പ്
വിപ്പിംഗ് ക്രീം
ഓറഞ്ച് ചെറുതായി നുറുക്കിത്
തെയിലയിട്ട് തിളപ്പിച്ച വെള്ളം ചൂടോടെ 1കപ്പ്

തയ്യാറാക്കുന്ന വിധം:

ഓറഞ്ച്, പൈനാപ്പിള്‍ എന്നിവ ചെറുതായി നുറുക്കുക. ഇത് ചൂട് കടുംചായയും മറ്റു പഴച്ചാറുകളും ചേര്‍ത്ത് ഇളക്കി അതില്‍ ഓറഞ്ച് ജെല്‍ ചേര്‍ത്ത് തണുപ്പിക്കുക. പകുതി കട്ടിയാകുമ്പോള്‍ നുറുക്കിയ കഷ്ണങ്ങളും വാട്ടര്‍ ചെസ്റ്റ്‌നട്ടും ചേര്‍ത്ത് ഇളക്കുക. ഇതു ഏതാനും കപ്പുകളിലാക്കി വീണ്ടും തണുപ്പിക്കുക. ഇതില്‍ മയോണിസ്, വിപ്പിംഗ് ക്രീം, നുറുക്കിയ ഓറഞ്ച് എന്നിവ ചേര്‍ക്കുക. ലെറ്റൂസ് ചെറുതായി നുറുക്കി സലാഡ് അലങ്കരിച്ച് വിളമ്പുക.

കാഷ്യു നട്ട് പ്രോണ്‍സ്

Fri, 30 May 2008 10:48:18 +0530

ചൈനീസ് വിഭവങ്ങള്‍ ആസ്വദിക്കാന്‍ ഇഷ്ടമാണോ? എങ്കില്‍ ഇതാ രുചികരമായ ഒരു വിഭവം. കാഷ്യൂ നട്ട് പ്രോണ്‍സ്. ചൈനീസ് വിഭവങ്ങള്‍ വീടുകളില്‍ ഉണ്ടാക്കാന്‍ ബുദ്ധിമുട്ടാണെന്ന് കരുതുന്നവര്‍ക്കും വളരെ ലളിതമായി ഉണ്ടാക്കാവുന്ന ഒരു വിഭവമാണിത്.

ചേര്‍ക്കേണ്ടവ

കൊഞ്ച് - അര കിലോ

ചോളം - ഒരെണ്ണം

സെലറി - രണ്ടെണ്ണം

ഉള്ളി - രണ്ടെണ്ണം

കശുവണ്ടി - അര കപ്പ്

വെള്ളം - രണ്ട് കപ്പ്

ഉപ്പ് - ഒരു ടീസ്പൂണ്‍

എണ്ണ -ഒരു ടേബിള്‍സ്പൂണ്‍

എണ്ണ - 200 ഗ്രാം (നന്നായി വറുക്കുന്നതിന്)

കട്ടി കുറഞ്ഞ സോയ സോസ് - ഒരു ടീസ്പൂണ്‍

കട്ടി കൂടിയ സോയ സോസ് - അര ടീസ്പൂണ്‍

കുരുമുളക്- അഞ്ചെണ്ണം

ചോളമാവ്-ഒന്നരടീസ്പൂണ്‍

ഉണ്ടാക്കേണ്ടവിധം

കൊഞ്ച് നന്നായി വൃത്തിയാക്കുക. ഇനി രണ്ട് കപ്പ് വെള്ളത്തില്‍ ഒരു ടീസ്പൂണ്‍ ഉപ്പ് ചേര്‍ക്കുക. കൊഞ്ച് ഇതില്‍ ചേര്‍ത്ത് ഒരു മണിക്കൂര്‍ മുക്കിവയ്ക്കുക.

ചോളം കുറുകെ രണ്ടായി മുറിക്കുക. ഒന്നര ഇഞ്ച് കഷണങ്ങളായി സെലറി മുറിച്ചെടുക്കുക. ഇനി ഓരോ കഷണവും നീളത്തില്‍ നുറുക്കുക. ഉള്ളി മുക്കാല്‍ ഇഞ്ച് നീളത്തില്‍ മുറിക്കുക. കൊഞ്ച് നന്നായി തുടച്ച് ഉണക്കുക. ഇനി ചെറിയ പാത്രത്തില്‍ ഒരു കപ്പ് എണ്ണ ഒഴിച്ച് ചൂടാക്കുക. തുടര്‍ന്ന് കശുവണ്ടി മൂക്കും വരെ ചൂടാക്കുക. അധികമുള്ള എണ്ണ മാറ്റുക.

കശുവണ്ടി ചൂടാക്കാനുള്ള എണ്ണ ഉപയോഗിച്ച് കൊഞ്ച് മൂന്നോ നാലോ മിനിട്ട് ചൂടാക്കുക. ഇനി ചൂടാക്കിയ ഫ്രയിംഗ് പാനില്‍ ഒരു ടേബിള്‍സ്പൂണ്‍ എണ്ണ, സെലറി, ചോളം, ഉള്ളി എന്നിവയിട്ട് മൂപ്പിക്കുക. ഒരു മിനിട്ടിന് ശേഷം അല്പ പഞ്ചസാരയും ഉപ്പും വിതറുക. ഇനി കൊഞ്ച് ഇടുക. അടുത്തതായി ഒരു പാത്രത്തില്‍ കുരുമുളക്, സോസുകള്‍ ചോളമാവ് എന്നിവ കൂട്ടിക്കലര്‍ത്തുക. നന്നായി ഇളക്കിയ ശേഷം കൊഞ്ചിനോട് ചേര്‍ക്കുക. രണ്ട് മിനിട്ട് വേവിച്ച ശേഷം കശുവണ്ടി ചേര്‍ത്ത് കഴിക്കാം.

ഏഷ്യന്‍ ഫയര്‍ മീറ്റ്

Sat, 09 Feb 2008 12:41:39 +0530

ചൈനയില്‍ നിന്നുള്ള മറ്റൊരു രുചികരമായ വിഭവമാണ് ഏഷ്യന്‍ ഫയര്‍ മീറ്റ്. ഇത് വീടുകളില്‍ ഉണ്ടാക്കാന്‍ വളരെ എളുപ്പമുള്ള ഒരു വിഭവമാണ്.

ചേര്‍ക്കേണ്ടവ

സോയാബീന്‍ സോസ് - അരക്കപ്പ്
എള്ളെണ്ണ - ഒരു സ്പൂണ്‍
പഞ്ചസാര ചൂടാക്കി ബ്രൌണ്‍ നിറമായത് - രണ്ട് സ്പൂണ്‍
വെളുത്തുള്ളി - മൂന്നിതള്‍
അരിഞ്ഞ സവാല - ഒരെണ്ണം
കുരുമുളക് ആവശ്യത്തിന്
പഴുത്ത കുരുമുളക് - ആവശ്യത്തിന്
എള്ള് - രണ്ടു സ്പൂണ്‍
ലീക്ക് അരിഞ്ഞത് - രണ്ടെണ്ണം
കാരറ്റ് - ചെറിയ ഒരെണ്ണം
കനം കുറഞ്ഞ് അരിഞ്ഞെടുത്ത ബീഫ് - ഒരു കിലോ

ഉണ്ടാക്കേണ്ടവിധം.

വലിയ പാത്രത്തില്‍ സോയബീബ് സോസ്, എള്ളെണ്ണ, പഞ്ചസാര, വെളുത്തുള്ളി, സവാള എന്നിവ സംയോജിപ്പിക്കുക. കുരുമുളക്. പഴുത്ത കുരുമുളക്, എള്ള്, ലീക്ക്, കാരറ്റ് എന്നിവ കൂട്ടിയിളക്കുക. ഈ ചേരുവകള്‍ മാംസവുമായി ചേര്‍ന്ന് നന്നായി തിരുമ്മി എകദേശം രണ്ടുമണിക്കൂറെങ്കിലും സൂക്ഷിക്കുക. പിന്നീട് പാചക എണ്ണയില്‍ മാംസം നല്ല ചൂടില്‍ പൊരിച്ചെടുക്കുക. തുടര്‍ന്ന് ചോറിനൊപ്പമോ നൂഡില്‍‌സിനൊപ്പമോ വിളമ്പാം.

ചിക്കന്‍ നൂഡില്‍സ് സൂപ്പ്

Thu, 17 Jan 2008 16:53:51 +0530

വൈവിധ്യങ്ങളായ ഭക്ഷണ വിഭവങ്ങള്‍ നിറഞ്ഞതാണ് ചൈനീസ് ഭക്ഷണ ലോകം. അതില്‍ നിന്ന് രുചികരമായ ഒരു വിഭവത്തെ നിങ്ങള്‍ക്കായി പരിചയപ്പെടുത്തുന്നു. വളരെ പെട്ടെന്ന് ഉണ്ടാക്കാവുന്നതും രുചികരവുമായ ചിക്കന്‍ നൂഡില്‍സ് സൂപ്പ് എങ്ങനെയാണ് തയാറാക്കുന്നതെന്ന് നോക്കാം. ഏകദേശം മുപ്പതു മിനിറ്റ് ചെലവഴിച്ചാന്‍ നിങ്ങല്‍ക്ക് സ്വാദിഷമാ‍യ ഈ വിഭവം തയാറാക്കാം.

ചേര്‍ക്കേണ്ടവ.

ചൈനീസ് നൂഡില്‍‌സ് - നാലു ഔണ്‍സ്
കോഴിയിറച്ചി സൂപ്പ് - പതിനഞ്ച് ഔണ്‍സ്
നുറുക്കിയ കൂണ്‍ - ആറെണ്ണം
പച്ച ഉള്ളി - രണ്ടെണ്ണം
കോഴി ഇറച്ചി - നെഞ്ചിന്‍ ഭാഗത്തെ പാതിയിറച്ചി
മുട്ട - രണ്ടെണ്ണം

ഉണ്ടാക്കേണ്ടവിധം.

ആദ്യം വലിയ പാത്രത്തില്‍ വെള്ളം തിളപ്പിക്കുക. നൂഡില്‍‌സ് നന്നായി വേവുന്നതിനായി പത്തു മിനിറ്റു നേരം തിളപ്പിക്കണം. നന്നായി വെന്ത് പൊങ്ങുമ്പോള്‍ കുറച്ചു തണുത്ത വെള്ളം ചേര്‍ക്കുക. വീണ്ടു തിളക്കുന്നതു വരെ കാക്കുക. തുടര്‍ന്ന് നൂഡില്‍സ് രണ്ട് പാത്രത്തിലാക്കുക. കോഴി സൂപ്‍, കൂണ്‍, പച്ച ഉള്ളി എന്നിവ ചേര്‍ത്ത് വേവിക്കുക.

പിന്നീട് ഇതോടൊപ്പം നന്നായരിഞ്ഞ കോഴി മാംസം ചേര്‍ക്കുക. ഇത് ഒരുമിച്ച് നന്നായി തിളച്ചു കഴിയുമ്പോള്‍ മുട്ട ഉടച്ചു ചേര്‍ക്കുക. ഇറച്ചി ഒരു പിങ്ക് നിറമാവുന്നതു വരെ വേവിക്കുക. തുടര്‍ന്ന് ഈ കോഴി സൂപ്പ് നൂഡില്‍സുമായി സംയോജിപ്പിക്കുക. ചിക്കന്‍ നൂഡില്‍‌സ് തയാര്‍.

ചിക്കന്‍ ഫോദ

Thu, 13 Dec 2007 17:36:01 +0530

കൊതിയൂറുന്ന മാംസാഹാര വിഭങ്ങള്‍ ചൈനീസ് ഭക്ഷണരീതിയുടെ പ്രത്യേകതയാണ്. അക്കൂട്ടത്തില്‍ ഏറെ സ്വാദേറിയ വിഭവമാണ് ചിക്കന്‍ ഫോദ. വളരെ എളുപ്പത്തില്‍ പാകം ചെയ്യാവുന്ന ഇത് എങ്ങനെയാണ് ഉണ്ടാക്കുന്നതെന്നു നോക്കാം

ചേര്‍ക്കേണ്ടവ.

കോഴിയിറച്ചി - ഒന്നര കിലോഗ്രാം
സവാള ചെറുതായരിഞ്ഞത് - ഇരുനൂറ് ഗ്രാം
മഞ്ഞപ്പൊടി - ഒന്നര സ്പൂണ്‍
കടുക് - ആവശ്യത്തിന്
ഇഞ്ചി അരച്ചെടുത്തത് - രണ്ട് സ്പൂണ്‍
വിനാഗരി - രണ്ട് സ്പൂണ്‍
വെളിത്തുള്ളി - ഒരു സ്പൂണ്‍
പച്ചമുളക് നന്നായരച്ചത് - നൂറ്റമ്പതു ഗ്രാം
തേങ്ങാപ്പാല്‍ - ഒരു തേങ്ങയുടെ പാല്‍
ഉപ്പ് - ആവശ്യത്തിന്

ഉണ്ടാക്കേണ്ട വിധം

ചെറുതായരിഞ്ഞ സവാള എണ്ണയില്‍ വഴറ്റിയെടുക്കണം. വെളുത്തുള്ളി, കടുക്, ഇഞ്ചി എന്നിവ പ്രത്യേകം അരച്ചെടുത്തത് നന്നായി വെന്ത സവാളക്കൊപ്പം വീണ്ടും വഴറ്റുക. ഇത് പാകമായാല്‍ ഇറച്ചിയിട്ട് ആവശ്യത്തിന് വെള്ളമൊഴിച്ച് വേവിക്കുക.

ഇറച്ചി നല്ല വേവായി കഴിഞ്ഞാല്‍ തേങ്ങാപ്പാലും വിനാഗരിയും ചേര്‍ത്ത് ഇറക്കി വയ്ക്കുക. ചിക്കന്‍ ഫോദ റെഡി.

ചിക്കന്‍ ലോഫ്

Wed, 05 Dec 2007 17:10:27 +0530

ചിക്കന്‍ ഇഷ്ടപ്പെടുന്നവര്‍ക്കായി ഉള്ള ഒരു നൂതന വിഭവമാണ് ചിക്കന്‍ ലോഫ്. ബ്രഡും ചിക്കനും മുഖ്യമായി ഉപയോഗിക്കുന്ന ഈ ഭക്ഷണം എല്ലാവര്‍ക്കും ഇഷ്ടമാവുമെന്ന് ഉറപ്പ്.

ചേര്‍ക്കേണ്ടവ

ചിക്കന്‍- 1 കിലോഗ്രാം
സവാള- 500 ഗ്രാം
ബ്രഡ്- ഒരു പാക്ക്
ഇഞ്ചി-ഒരു കഷണം
വെള്ളുള്ളി- ആവശ്യത്തിന്
പച്ചമുളക്-4 എണ്ണം
മഞ്ഞള്‍പ്പൊടി-മൂന്ന് സ്പൂണ്‍
മസാല-രണ്ട് സ്പൂണ്‍
പാല്‍-1കപ്പ്
മുട്ട-4 എണ്ണം
വെണ്ണ- ആവശ്യത്തിന്
ഉപ്പ്-പാകത്തിന്
മല്ലിയില-ആവശ്യത്തിന്

ഉണ്ടാക്കേണ്ട വിധം

കോഴി കഷണങ്ങളാക്കി വേവിച്ച് ചതച്ച് എടുക്കുക. സവാള, പച്ചമുളക്, ഇഞ്ചി, വെള്ളുള്ളി എന്നിവ എണ്ണയില്‍ വഴറ്റി എടുക്കണം. മസാലപ്പൊടി മഞ്ഞള്‍പ്പൊടി, മല്ലിയില എന്നിവയും കോഴിക്കഷണങ്ങളുമായി ചേര്‍ക്കുക. രണ്ട് കൂട്ടുകളും നന്നായി ഇളക്കി യോജിപ്പിക്കണം. ബ്രഡ് അരികുക് കളഞ്ഞാണ് ഉപയോഗിക്കേണ്ടത്. ബേക്കിംഗ് ട്രേയില്‍ വെണ്ണ പുരട്ടിയ ശേഷം ബ്രഡ് കഷണങ്ങള്‍ നിരത്തി അതിനു മേല്‍ നേരത്തെ തയ്യാറാക്കിയ കൂട്ടുകളുടെ മിശ്രിതം നിരത്തണം. ഇതിനു മുകളില്‍ വീണ്ടും ബ്രഡ് നിരത്തണം. ഇനി ഇതിനെല്ലാം മുകളില്‍ മുട്ട്യും പാലും ചേര്‍ത്ത മിശ്രിതം ഒഴിച്ച് ബേക്ക് ചെയ്താല്‍ ചിക്കന്‍ ലോഫ് റഡി.

ചിക്കന്‍ റോള്‍

Thu, 04 Oct 2007 18:08:26 +0530

FILE

ചിക്കന്‍ സര്‍വ്വ സമ്മതമായ ആഹാരമായി മാറിക്കഴിഞ്ഞു. ചൈനീസ് ചിക്കന്‍ റോളിനെ കുറിച്ച് ചിക്കന്‍റെ ആരാധകര്‍ കേട്ടിട്ടുണ്ടോ? ഇല്ലെങ്കില്‍ ഇതാ ചൈനീസ് ചിക്കന്‍ റോള്‍ ഉണ്ടാക്കുന്ന വിധം പഠിക്കാം,

ചേര്‍ക്കേണ്ടവ

ചിക്കന്‍ - ഏകദേശം ഒരു കി.ഗ്രാം
മൈദ - ചിക്കന്‍റെ തൂക്കത്തിന് ഇരട്ടി
സവാള- 500 ഗ്രാം
ഉരുളക്കിഴങ്ങ്- 500 ഗ്രാം
പച്ചമുളക് -100
സോയസോസ്- 100 എം എല്‍
ചില്ലി സോസ്- 50 എം എല്‍
ക്യാപ്സിക്കം- 300 ഗ്രാം
സെലറി- 100 ഗ്രാം
വെളിച്ചെണ്ണ, ഉപ്പ്- ആവശ്യത്തിന്
മല്ലിയില- ഒരു പിടി

ഉണ്ടാക്കേണ്ട വിധം

ചിക്കന്‍ കഴുകി വൃത്തിയാക്കി എല്ലില്ലാതെ തീരെ ചെറിയ കഷണങ്ങളാക്കി മുറിക്കുക. ഉരുളക്കിഴങ്ങ്, സവാള, പച്ചമുളക്, ക്യാപ്സിക്കം എന്നിവ ചെറുതായി അരിഞ്ഞ് എണ്ണയില്‍ വഴറ്റി എടുക്കണം. ഇതില്‍ വെള്ളം ചേര്‍ത്ത് ഇറച്ചികഷണങ്ങള്‍ ഇട്ട് നല്ലവണ്ണം വേവിക്കണം.

ഇറച്ചി വെന്ത് കഴിയുമ്പോള്‍, മല്ലിയില, സോസുകള്‍, സെല്ലറി ഇവ ചേര്‍ത്ത് വാങ്ങാം.

കുറച്ച് മൈദ വെള്ളം ചേര്‍ത്ത് കുഴമ്പാക്കി വയ്ക്കണം. ബാക്കി മൈദ ഉപയോഗിച്ച് ചപ്പാത്തി ചുട്ടെടുക്കുക. അധികം വേവ് വേണ്ട. ഈ ചപ്പാത്തിയില്‍ വേവിച്ചെടുത്ത മിശ്രിതം വച്ച് റോളാക്കുക. റോളിന്‍റെ രണ്ടറ്റവും മൈദ കുഴമ്പ് വച്ച് ഒട്ടിക്കണം. ഇത് ഓരോന്നായി വെളിച്ചെണ്ണയില്‍ വറുത്ത് കോരുക. ഇപ്പോള്‍ ചൈനീസ് ചിക്കന്‍ റോള്‍ റഡി.

ചൈനീസ് ചില്ലി ചിക്കന്‍

Thu, 27 Sep 2007 15:33:37 +0530

FILE

ഇക്കാലത്ത് ചിക്കന്‍ കഴിക്കാത്തവര്‍ വളരെ ചുരുക്കമാണ്. അതിനാല്‍ ചിക്കന്‍റെ വൈവിധ്യമാര്‍ന്ന പല ഡിഷുകളും മലയാളിക്ക് പ്രിയപ്പെട്ടതുമാണ്. എളുപ്പം തയ്യാറാക്കാന്‍ കഴിയുന്ന തരം ചിക്കനാണ് ചൈനീസ് ചില്ലി ചിക്കന്‍.

ചേര്‍ക്കേണ്ടവ

ചിക്കന്‍ - 1 കിലോ
ചില്ലി സോസ്- 1ടീ സ്പൂണ്‍
സോയസോസ്- 1 ടീസ്പൂണ്‍
ടൊമാറ്റോസോസ്- 1 ടീ സ്പൂണ്‍
ഗാര്‍ലിക്- 8 അല്ലി
പച്ചമുളക് - 4 എണ്ണം
കാപ്സിക്കം -3 എണ്ണം
വിനഗര്‍- 1 കപ്പ്
എണ്ണ- ആവശ്യത്തിന്
പഞ്ചസാര- 1 ടീ സ്പൂണ്‍
ഉപ്പ്- ആവശ്യത്തിന്
അജിനമോട്ടോ- 1 ടീസ്പൂണ്‍

ഉണ്ടാക്കേണ്ട വിധം

ചിക്കന്‍ കഷണങ്ങളാക്കുക. പിന്നീട് സോസുകളും വിനഗറും അജിനോ മോട്ടോയും ഉപ്പ് ചേര്‍ത്ത് മിശ്രിതമാക്കണം. ഗാര്‍ളിക്, പച്ചമുളക് എന്നിവ വട്ടത്തില്‍ അരിഞ്ഞ് അടുപ്പത്ത് വച്ചിരിക്കുന്ന എണ്ണ യില്‍ വഴറ്റി എടുക്കണം. പച്ചമുളകും ഗാര്‍ളിക്കും ഇടും മുമ്പ് പഞ്ചസാര ചുവക്കുന്നത് വരെ എണ്ണയില്‍ മൂപ്പിക്കാന്‍ മറക്കേണ്ട.

ഇനി കോഴിക്കഷണങ്ങള്‍ എണ്ണയിലേക്ക് ഇടാം. നല്ലതീയില്‍ കോഴി വേവും വരെ കാക്കണം. ഇതിന് ശേഷം കാപ്സിക്കം ചേര്‍ക്കാം. എണ്ണ തെളിവാകുന്നത് വരെ വറുക്കണം. ഇപ്പോള്‍ ചൈനീസ് ചില്ലി ചിക്കന്‍ റഡി.

ഗോബി മഞ്ചൂരിയന്‍

Sun, 22 Jul 2007 10:57:10 +0530

േനഗോബി മഞ്ചൂരിയന്‍

ആവശ്യമുള്ളവ :

കോളിഫ്ളവര്‍ -1
സവാള -1
വെളുത്തുള്ളി - 4/5 അല്ലി
ഇഞ്ചി - ഒരു ചെറിയ കഷണം
കുരുമുളകുപൊടി - ഏകദേശം ഒരു ടീസ്പൂണ്‍
സ്പ്രിംഗ് ഒണിയന്‍ - ഒരു തണ്ട്
സെലറി - ഒരു തണ്ട്
കോണ്‍ഫ്ളവര്‍ - ഒരു ടേബിള്‍ സ്പൂണ്‍
സോയാസോസ് - രണ്ട് ടേബിള്‍ സ്പൂണ്‍
അജ-ിനോമോട്ടോ - അര ടീസ്പൂണ്‍(വേണമെങ്കില്‍ ഇത് ഒഴിവാക്കാം )
വിനിഗര്‍ - ഒരു ടേബിള്‍ സ്പൂണ്‍
പഞ്ചസാര - ഒരു ടേബിള്‍ സ്പൂണ്‍
മൈദ - 4-5 ടേബിള്‍ സ്പൂണ്‍
ബേക്കിംഗ് പൗഡര്‍ - ഒരു നുള്ള്
എണ്ണ - ആവശ്യത്തിന്
ഉപ്പ് - ആവശ്യത്തിന്

തയ്യാറാക്കുന്ന വിധം :

ആദ്യം കോളിഫ്ളവര്‍ ചെറുതായി മുറിക്കുക. 4-5 ടേബിള്‍ സ്പൂണ്‍ മൈദ, ഒരു നുള്ള് ബേക്കിംഗ് പൗഡര്‍, ഒരു നുള്ള് ഉപ്പ്, അര ടേബിള്‍ സ്പൂണ്‍ സോയാസോസ്, കുറച്ചു വെള്ളം എന്നിവ ചേര്‍ത്ത് കോളിഫ്ളവര്‍ കുഴയ്ക്കുക.

ഒരു പാത്രത്തില്‍ എണ്ണയൊഴിച്ച് ചൂടാക്കുക. തീ ചെറുതാക്കി അഡ്ജ-സ്റ്റ് ചെയ്തു വയ്ക്കുക. നല്ല ചൂടായ എണ്ണയില്‍ കുഴച്ചുവച്ചിരിക്കുന്ന കോളിഫ്ളവര്‍ വറുത്ത് കോരുക.

ഒരു കപ്പ് വെള്ളത്തില്‍ സോയാസോസ്, വിനിഗര്‍, അജ-ിനോമോട്ടോ, കുരുമുളകുപൊടി, കോണ്‍ഫ്ളവര്‍, പഞ്ചസാര എന്നിവ ആവശ്യത്തിന് ഉപ്പും ചേര്‍ത്ത് വയ്ക്കുക. സവാള, ഇഞ്ചി, വെളുത്തുള്ളി, സെലറി, സ്പ്രിംഗ് ഒണിയന്‍ എന്നിവയും ചെറുതായി അരിഞ്ഞ്, മറ്റൊരു പാത്രത്തില്‍ 2 ടേബിള്‍ സ്പൂണ്‍ എണ്ണ ചൂടാക്കിയതില്‍ വഴറ്റുക.

സോയാസോസും വിനിഗറും ചേര്‍ത്ത് തയ്യാറാക്കിയ മിശ്രിതവും, വറുത്തുകോരിയ കോളിഫ്ളവറും സ്പ്രിംഗ് ഒണിയന്‍, സെലറി എന്നിവ ചേര്‍ത്ത് തിളപ്പിക്കുക. മിശ്രിതം കുറുകുമ്പോള്‍ ചെറുചൂടോടുകൂടി ഉപയോഗിക്കാം

ചിക്കന്‍ റോള്‍

Wed, 23 May 2007 17:55:28 +0530

ചേര്‍ക്കേണ്ട ഇനങ്ങള്‍:

കോഴിയിറച്ചി 250 ഗ്രാം
മുളകു പൊടി 1 ടീസ്പൂണ്‍
ഇറച്ചിമസാല 1/2 ടീസ്പൂണ്‍
പച്ചമുളക് അരിഞ്ഞത് 4 എണ്ണം
ഇഞ്ചി അരിഞ്ഞത് 1 കഷ്ണം
സവാള 1 കപ്പ്
മഞ്ഞള്‍പ്പൊടി 1 ടീസ്പൂണ്‍
വിനാഗിരി 1 ടീസ്പൂണ്‍
വെണ്ണ 2 ടേബിള്‍ സ്പൂണ്‍
വെര്‍മിസെല്ലി 200 ഗ്രാം
മൈദ കുറച്ച്
സവാള 1 കപ്പ്
വിനാഗിരി 1 ടീസ്പൂണ്‍
എണ്ണ 250 ഗ്രാം
റൊട്ടി 12 കഷ്ണം
ഉപ്പ് പാകത്തിന്

പാകം ചെയ്യേണ്ട വിധം:

മഞ്ഞള്‍, വിനാഗിരി ഉപ്പ് എന്നിവ ചേര്‍ത്ത് ഇറച്ചി വേവിക്കുക. എല്ലു നീക്കി ഇറച്ചി പൊടിച്ചെടുക്കണം. ചീനച്ചട്ടിയില്‍ എണ്ണ ചൂടാകുമ്പോള്‍ കോഴിയിറച്ചി, മുളകുപൊടി, മസാല, പച്ചമുളക് ഇഞ്ചി എന്നിവ ഒരുമിച്ച് വഴറ്റുക. റൊട്ടി ഓരോ കഷ്ണമായി എടുത്ത് വെള്ളത്തില്‍ മുക്കി എടുത്ത് കൈവെള്ളയില്‍ വച്ചമര്‍ത്തി വെള്ളം മുഴുവന്‍ കളയുക. റൊട്ടിയില്‍ വെണ്ണപുരട്ടിയ ശേഷം ഒരു ടേബിള്‍ സ്പൂണ്‍ വഴറ്റിയ ഇറച്ചി നിരത്തി സാവധാനം തെറുത്തെടുക്കുക. ഇപ്പോള്‍ ചിക്കന്‍ റോളുകള്‍ റെഡിയായി. ഇവ പൊടിച്ച വെര്‍മിസെല്ലിയില്‍ ഉരുട്ടിയെടുക്കുക. മൈദ കൊണ്ട് കുഴമ്പുണ്ടാക്കി റൊട്ടിയുടെ അറ്റം ഒട്ടിക്കണം. ഒടിവിലായി അത് തിളച്ച എണ്ണയില്‍ വറുത്തെടുക്കുക.

വെജിറ്റബിള്‍ നൂഡില്‍‌സ്

Wed, 23 May 2007 17:55:18 +0530

ചേര്‍ക്കേണ്ട ഇനങ്ങള്‍:

കാബേജ് അരിഞ്ഞത് 1 കപ്പ്
സവാള അരിഞ്ഞത് 1 കപ്പ്
സ്പ്രിംഗ് ഒനിയന്‍ 1 ഒരു കപ്പ്
ബീന്‍സ് അരിഞ്ഞത് 1 കപ്പ്
കാരറ്റ് അരിഞ്ഞത് 1 കപ്പ്
നൂഡില്‍‌സ് 100 ഗ്രാം
കുരുമുളക് പൊടി 1/2 സ്പൂണ്‍
സോയാസോസ് 1 സ്പൂണ്‍
അജിനാമോട്ടോ ഒരു നുള്ള്
എണ്ണ 100 ഗ്രാം
ഉപ്പ് പാകത്തിന്

പാകം ചെയ്യേണ്ട വിധം:

കാബേജ്, സവാള, സ്പ്രിംഗ് ഒനിയന്‍ ബീന്‍സ്, ക്യാരറ്റ് എന്നിവ ഓരോന്നായി ചേര്‍ത്ത് വഴറ്റുക. വഴന്നു കഴിഞ്ഞ ശേഷം കുറച്ചു വെള്ളം ചേര്‍ക്കണം. പിന്നീട് സോയാ സോസും ഉപ്പും ചേര്‍ത്ത് ചെറുതീയില്‍ വേവിക്കണം. അടുത്തതായി തിളച്ച വെള്ളത്തില്‍ നൂഡില്‍‌സ് ചേര്‍ത്ത് കുറച്ച് എണ്ണയൊഴിച്ച് ഊറ്റിയെടുക്കണം. ഇത് ആദ്യമേ തയ്യാറാക്കിയ കൂട്ടില്‍ ചേര്‍ക്കുക. അവസാനമായി അജിനോമോട്ടോ ചേര്‍ത്ത് ഇളക്കി ചൂടോടെ ഉപയോഗിക്കാം.

ചിക്കന്‍ കബാബ്

Wed, 23 May 2007 17:55:10 +0530

ചേര്‍ക്കേണ്ട ഇനങ്ങള്‍:

കോഴി 1/2 കിലോ
മുട്ട 2
റൊട്ടി 4 കഷ്ണം
പാല്‍ 1/2 കപ്പ്
ഇഞ്ച് 1 കഷ്ണം
ഗരം മസാല 2 ടീസ്പൂണ്‍
പച്ചമുളക് 3
മല്ലിയില കുറച്ച്
പുതിന കുറച്ച്
ഉപ്പ് പാകത്തിന്

പാകം ചെയ്യേണ്ട വിധം :

കോഴി മുഴുവനോടെ കഴുകി വൃത്തിയാക്കിയ ശേഷം ഉപ്പ് ചേര്‍ത്ത് വേവിച്ച് എല്ലില്‍ നിന്ന് ഇറച്ചി മാറ്റി വയ്ക്കണം. റൊട്ടി പാലില്‍ കുതിര്‍ത്ത് പിഴിഞെടുക്കുക. ഇഞ്ചി, മല്ലിയില,പച്ചമുളക്, പുതിന എന്നിവ അരച്ച് കോഴിയും റൊട്ടിയും ചേര്‍ത്ത് മയത്തില്‍ കുഴച്ചുവയ്ക്കുക. ഇതില്‍ നിന്ന് അല്‍പ്പാല്‍പ്പമായി എടുത്ത് കയ്യില്‍ വച്ച് നെയ്മയം വരുത്തിയ കബാബ് കോലില്‍ കുത്തിക്കയറ്റുക. ഇപ്രകാരം മൂന്നോ നാലോ കബാബ് വച്ചശേഷം ഗ്രില്ലില്‍ വച്ചോ തീക്കനലില്‍ വച്ചോ ചുട്ടെടുക്കണം. ഇടയ്ക്ക് കുറച്ച് നെയ് തടവിക്കൊടുക്കണം. വെന്ത് തവിട്ടുനിറമാകുമ്പോള്‍ എടുത്ത് പ്ലേയിറ്റില്‍ വയ്ക്കണം. കബാബിനെ ഉള്ളിവളയങ്ങളും ചെറുനാരങ്ങാ കഷ്ണങ്ങളും വച്ച് അലങ്കരിക്കാം.

ചൈനീസ് റ്റൊമാറ്റൊ സൂപ്പ്

Wed, 23 May 2007 17:54:44 +0530

ചേര്‍ക്കേണ്ട ഇനങ്ങള്‍

തക്കാളി അരിഞ്ഞത് 1 കഷ്ണം
കോണ്‍ഫ്ലവര്‍ 3 ടീ സ്പൂണ്‍
നെയ്യ് 3 ടീ സ്പൂണ്‍
പാല്‍ 1/2 കപ്പ്
മൊരിച്ച റൊട്ടി 4 സ്ലൈസ്
സോഡാപ്പൊടി ഒരു നുള്ള്
കുരുമുളക് പൊടി 1/4 ടീസ്പൂണ്‍
ഉപ്പ് പാകത്തിന്

പാകം ചെയ്യേണ്ട വിധം

നെയ്യ്, കോണ്‍ഫ്ലവ്വര്‍, പാല്‍ രെന്നിവ നന്നായി കുഴച്ച് സോസാക്കണം. പിന്നീട് വേവിച്ച തക്കാളി പിഴിഞ്ഞെടുത്ത് ഒരുനുള്ള് സോഡാപ്പൊടി ചേര്‍ക്കുക. സോസ് നല്ലവണ്ണം ചൂടാക്കിയ ശേഷം അതില്‍ തക്കാളിനീര് ചേര്‍ക്കുക. മൊരിച്ച് റൊട്ടിക്കഷ്ണങ്ങള്‍ ചേര്‍ത്ത് ചൂടോടെ വിളമ്പാം.

ഗോബി മഞ്ചൂരിയന്‍

Wed, 23 May 2007 17:54:37 +0530

ചേര്‍ക്കേണ്ട ഇനങ്ങള്‍:

കോളീഫ്ലവര്‍ അടര്‍ത്തിയത് ചെറുത് 1
കാപ്സിക്കം ചെറുതായി മുറിച്ചത് 1
സവാള ചതുരക്കഷ്ണങ്ങളാക്കിയത് 1
സെലറി അരിഞ്ഞത് 2 ടേബിള്‍ സ്പൂണ്‍
കാപ്സിക്കം അരിഞ്ഞത് 1 എണ്ണം
കോണ്‍ഫ്ലവര്‍ 1/4 കപ്പ്
സോയാസോസ് 2 ടേബിള്‍ സ്പൂണ്‍
കുരുമുളകുപൊടി 1 1/2 ടീസ്പൂണ്‍
പച്ചമുളക് 2 എണ്ണം
ഇഞ്ചി അരിഞ്ഞത് 1 കഷ്ണം
പഞ്ചസാര 1 ടീസ്പൂണ്‍
വെളുത്തുള്ളി 2 ടേബിള്‍ സ്പൂണ്‍
മൈദ 1/4 കപ്പ്
വെള്ളം 1 കപ്പ്
എണ്ണ ആവശ്യത്തിന്
ഉപ്പ് പാകത്തിന്

പാകം ചെയ്യേണ്ട വിധം:

കോണ്‍ഫ്ലവര്‍, മൈദ, ഒരുനുള്ള് ഉപ്പ് എന്നിവ ചേര്‍ത്ത് പാകത്തിന് വെള്ളം ഒഴിച്ച് നല്ല കട്ടിയില്‍ കലക്കണം. പിന്നീട് കോളീ ഫ്ലവര്‍ ചെറിയ ഇതളുകളായി മുറിച്ച് എണ്ണയില്‍ നിറം‌ മാറാതെ വറുത്തു കോരണം. ശേഷം ഫ്രൈയിംഗ് പാനില്‍ എണ്ണയൊഴിച്ച് ചൂടാക്കി 3-7 ചേരുവകള്‍ വഴറ്റണം. ഇതിനോടൊപ്പം കാപ്സിക്കം കഷ്ണങ്ങള്‍ ചേര്‍ത്ത് വീണ്ടും വഴറ്റണം.

പിന്നീട് ഇതില്‍ സോയാസോസ് ചേര്‍ത്ത് വഴറ്റി ഒരുകപ്പ് വെള്ളം ഒഴിക്കുക. എന്നിട്ട് കുരുമുളക് പൊടി പഞ്ചസാര, ഇത്തിരി ഉപ്പ് എന്നിവ ചേര്‍ത്ത് തിളപ്പിക്കണം. വെള്ളം തിളച്ച് കാല്‍ക്കപ്പായി വറ്റിക്കഴിഞ്ഞാല്‍ വറുത്തുവെച്ചിരിക്കുന്ന കോളീഫ്ലവര്‍ ചേര്‍ത്ത് നന്നായി യോജിപ്പിക്കണം. ഗോപി മഞ്ചൂരിയന്‍ തയ്യാര്‍.