കേരളത്തിലൂടെ

ഗൂഗിള്‍ മാപ്പിൽ പോലും ദൃശ്യമല്ലാത്ത കാനനഭംഗി അടുത്തറിയാന്‍ ഒരു യാത്ര, വയനാട്ടിലേക്ക് !

Tue, 03 Jul 2018 15:28:00 +0530

യാത്രകള്‍ ഇഷ്ടപ്പെടാത്തവരായി ആരുണ്ട്? ആ യാത്ര വയനാട്ടിലേക്കാണെങ്കിലോ? നോ പറയാന്‍ കഴിയില്ല. യാത്രയെ ഇഷ്ടപ്പെടുന്നവര്‍ക്കായി ഇതാ ഒരു അവസരം. ഒരുകൂട്ടം ചെറുപ്പക്കാരുടെ സ്വപ്‌നസംരംഭമായ 'നൊമാഡിക് ട്രൈബ്' ആ അവസരം ഒരുക്കുകയാണ്.

യാത്രയെ ഇഷ്‌ടപ്പെടുന്ന ഇവര്‍ നിങ്ങള്‍ക്കായി ജൂലൈ 21, 22 എന്നീ തീയതികളില്‍ 'ഇന്‍ടു ദി വൈല്‍ഡ്' എന്ന മണ്‍സൂണ്‍ ട്രക്കിംഗ് ട്രിപ്പ് സംഘടിപ്പിക്കുകയാണ്. പരിചയസമ്പന്നരായ ഗൈഡുകള്‍ക്കൊപ്പം രണ്ട് ദിവസം കൊണ്ട് ജീവിതകാലം മുഴുവന്‍ ഓര്‍ത്തുവയ്‌ക്കാന്‍ കഴിയുന്നൊരു ട്രക്കിംഗ് അനുഭവം സ്വന്തമാക്കാന്‍ കഴിയും.

ട്രക്കിംഗും ഹൈക്കിംഗും സാഹസികത നിറഞ്ഞ മറ്റ് കായിക വിനോദങ്ങളും മുന്നില്‍‌ക്കണ്ടുകൊണ്ടാണ് ഇവര്‍ ഈ സ്വപ്‌നപദ്ധതിയ്‌ക്ക് തുടക്കം കുറിച്ചിരിക്കുന്നത്. ട്രക്കിംഗ്, ക്യാമ്പിംഗ്, ഹൈക്കിംഗ് എന്നിവ ഉള്‍പ്പെടെ സാഹസികത നിറഞ്ഞ മറ്റ് ടൂര്‍ പാക്കേജുകളും ഇവര്‍ പരിചയപ്പെടുത്തുന്നു. ഇന്ത്യയിലുടനീളം നിരവധി ടൂര്‍ പാക്കേജുകളില്‍ പങ്കെടുത്ത് അതിന്റെ അനുകൂല-പ്രതികൂല സാഹചര്യങ്ങള്‍ പഠിച്ച് അവയില്‍ നിന്നെല്ലാം വ്യത്യസ്‌തമായൊരു അനുഭവം നിങ്ങള്‍ക്ക് നല്‍കുക എന്നതാണ് 'നൊമാഡിക് ട്രൈബി'ന്റെ ലക്ഷ്യം. സാധാരണ ട്രക്കിംഗ് പരിമിതികളെല്ലാം മറികടന്നുകൊണ്ടാണ് ഇങ്ങനെ ഒരു സംരംഭം ആരംഭിച്ചിരിക്കുന്നത്.

സമാനതകളില്ലാത്ത സുന്ദര പ്രകൃതിയാണ് വയനാട്. സമുദ്രനിരപ്പില്‍ നിന്ന് 700 മുതല്‍ 2100 വരെ മീറ്റര്‍ ഉയരത്തില്‍ സ്ഥിതി ചെയ്യുന്ന വയനാട്ടില്‍ എത്ര കണ്ടാലും മതിവരാത്ത കാഴ്‌ചകളുണ്ട്. അതുകൊണ്ട് തന്നെയാണ് ഇവിടം വിനോദസഞ്ചാരികള്‍ക്ക് പ്രിയങ്കരമാകുന്നതും.

ഏറ്റവും കൂടുതല്‍ ആളുകള്‍ വയനാട്ടിലേക്ക് വണ്ടികയറുന്നത് ട്രക്കിംഗിനുവേണ്ടി തന്നെയാണ്. 'ചെമ്പ്രാ പീക്ക്', 'ബാണാസുര ഹിൽ‍' തുടങ്ങി അങ്ങോട്ട് നിരന്നുകിടക്കുകയാണ് വയനാട്ടിലെ ട്രക്കിംഗ് സൈറ്റുക‍ൾ. സമുദ്ര നിരപ്പില്‍ നിന്ന് ഏകദേശം 2100 മീറ്റര്‍ ഉയരത്തില്‍ വയനാടിനു തെക്ക് മേപ്പാടിക്കു സമീപമാണ് ചെമ്പ്ര കൊടുമുടിയുടെ സ്ഥാനം.

ട്രക്കിംഗ് ഇഷ്‌ടപ്പെടുന്നവരുടെ ശാരീരിക ക്ഷമതയെ പരീക്ഷിക്കുന്ന ചെമ്പ്ര, വയനാട്ടിലെ ഏറ്റവും ഉയരമുള്ള കൊടുമുടിയാണ്. കൊടുമുടിയുടെ മുകളിലെത്തിയാലാകട്ടെ അത് വേറിട്ടൊരു അനുഭവവുമായിരിക്കും.

അതുപോലെ തന്നെ മനോഹരമായ ട്രക്കിംഗ് അനുഭവം നമുക്ക് നല്‍കുന്ന ഇടമാണ് എലിമ്പിലേരി. മണ്‍സൂണ്‍ ട്രക്കിംഗിന് പോകാന്‍ ആഗ്രഹിക്കുന്നവര്‍ക്ക് പറ്റിയ ഒരു സ്ഥലം. ഗൂഗിള്‍ മാപ്പില്‍ പോലും പറയാത്ത, കാടിന്റെ മനോഹാരിതയും ഓഫ്റോഡിന്റെ ത്രില്ലും ഒരുപോലെ അനുഭവിക്കാന്‍ കഴിയുന്നയിടമാണ് ഇത്. എലിമ്പിലേരി ഗിരിശൃംഗത്തിന്‍റെ മുകളിലെത്തുമ്പോഴുള്ള അനുഭവം പറഞ്ഞറിയിക്കാന്‍ പറ്റാത്തതാണ്.

ദൃശ്യചാരുതയാര്‍ന്ന കുന്നിന്‍ ചരിവുകളും സുഗന്ധ വ്യഞ്ജനതോട്ടങ്ങളും വനങ്ങളും സമ്പന്നമായ സാംസ്‌കാരിക പാരമ്പര്യവും വയനാടിനെ മറ്റ് ജില്ലകളില്‍ നിന്നും വ്യത്യസ്തമാക്കുന്നു. ട്രക്കിംഗിനായാലും വിനോദസഞ്ചാരത്തിനായാലും വയനാട് നമുക്കായി ഒരുക്കുന്നത് മനോഹരമായ നിമിഷങ്ങളാണ്.

താമരശ്ശേരി ചുരം മുതല്‍ അങ്ങോട്ട് പിന്നെ പരന്നുകിടക്കുകയാണ് വയനാടിന്റെ മനോഹരമായ കാഴ്‌ചകൾ. ആരും ഒന്ന് പോകാന്‍ കൊതിക്കുന്ന സ്ഥലം. പ്രകൃതിയെ അറിയാന്‍ ആഗ്രഹിക്കുന്നവര്‍ക്ക് മണ്‍സൂണില്‍ പോകാന്‍ ഏറ്റവും ഉത്തമമായ സ്ഥലം തന്നെയാണ് വയനാട്.

യാത്രയെക്കുറിച്ചുള്ള കൂടുതൽ വിവരങ്ങൾക്ക് ബന്ധപ്പെടുക:

മൊബൈൽ: 9747202046, 8281627301

ഇമെയിൽ: mail@thenomadictribe.com

ഫേസ്‌ബുക്ക് ഐഡി: https://www.facebook.com/thenomadictribe/

പ്രകൃതിയുമായി ഏറ്റവും കൂടുതല്‍ സമരസപ്പെട്ട കേരളത്തിന്റെ വൃന്ദാവനമെന്ന മലമ്പുഴ !

Sat, 04 Nov 2017 14:52:00 +0530

മലമ്പുഴ കേരളത്തിന്റെ വൃന്ദാവനമെന്നാണ് അറിയപ്പെടുന്നത്. പ്രകൃതിയുമായി ഏറ്റവും കൂടുതല്‍ സമരസപ്പെട്ട ഒരു സ്ഥലമാണ് മലമ്പുഴ ഗാര്‍ഡന്‍സ് എന്ന് പറയുന്നതില്‍ തെല്ലും അതിശയോക്തി ഉണ്ടാവില്ല. മാമലകള്‍ അതിരു കാക്കുന്ന ഇവിടം തെളിനീരൊഴുകുന്ന അരുവികളാലും പൂക്കളാലും ചെടികളാലും അതി മനോഹരമാണ്. മലമ്പുഴ ഗാര്‍ഡന്‍റെ രാത്രി കാഴ്ച ദീപാലങ്കാരങ്ങളാല്‍ അതി വിശിഷ്ടമാണ്.

റോക്ക് ഗാര്‍ഡന്‍

ദക്ഷിണേന്ത്യയിലെ ആദ്യ റോക്ക് ഗാര്‍ഡനാണ് മലമ്പുഴയിലേത്. ഇവിടെ പാഴ്‌വസ്തുക്കളും വളപ്പൊട്ടുകളും കല്ലുകളും എല്ലാം കാവ്യ ഭാവനയുടെ ചെപ്പില്‍ നിരത്തി ഒരുക്കിയിരിക്കുന്നത് ഒരു അത്ഭുത കാഴ്ച തന്നെയാണ്.

റോപ്പ് വേ

മലയാളികള്‍ക്ക് അത്ര പരിചിതമല്ലാത്ത ഒരു സങ്കേതമാണല്ലോ റോപ്പ് വേ. ഇതിന്‍റെ ആനന്ദവും അല്‍പ്പം സാഹസികതയും മലമ്പുഴയില്‍ ആസ്വദിക്കാന്‍ അവസരമുണ്ട്. ഗാര്‍ഡന് മുകളിലൂടെ 20 മിനിറ്റ് നീളുന്ന ഈ യാത്ര ഒരു പ്രത്യേക അനുഭവം തന്നെയാവും തീര്‍ച്ച!

മലമ്പുഴയിലെ യക്ഷി

സൌന്ദര്യത്തിന്‍റെ പ്രശസ്തി അതി വേഗമാണ് പരക്കുന്നത്. മലമ്പുഴയിലെ യക്ഷിയുടെ കാര്യവും അതേ പോലെ തന്നെയാണ്. കാനായി കുഞ്ഞുരാമന്‍ എന്ന അതുല്യ ശില്‍പ്പിയുടെ കര വിരുതാണ് മലമ്പുഴയില്‍ ഏവരുടെയും ശ്രദ്ധ ആകര്‍ഷിക്കുന്ന യക്ഷി പ്രതിമ.

അക്വേറിയം, സ്നേക്ക് പാര്‍ക്ക്

മലമ്പുഴയിലെ അക്വേറിയവും സ്നേക്ക് പാര്‍ക്കും സഞ്ചാരികളെ ആകര്‍ഷിക്കുന്നു. മത്സ്യത്തിന്‍റെ ആകൃതിയിലാണ് അക്വേറിയം നിര്‍മ്മിച്ചിരിക്കുന്നത്. ഇതിനോട് ചേര്‍ന്നാണ് കുട്ടികളുടെ പാര്‍ക്ക്.

ഫാന്‍റസി പാര്‍ക്ക്

കേരളത്തിലെ ആദ്യ അമ്യൂസ്മെന്‍റ് പാര്‍ക്കാണിത്. ഇവിടെ കുട്ടികള്‍ക്കും മുതിര്‍ന്നവര്‍ക്കും ഹരം പകരുന്നതും സാഹസികങ്ങളുമായ വിനോദ ഉപാധികള്‍ ഒരുക്കിയിരിക്കുന്നു.

പാശ്ചാത്യവും പരമ്പരാഗതവുമായ വാസ്തുവിദ്യകള്‍ സമന്വയിക്കുന്ന കിഴക്കേ കോട്ട

Fri, 03 Nov 2017 16:08:00 +0530

കിഴക്കേകോട്ട എന്നാണ് സ്ഥലപ്പേരെങ്കിലും നഗരത്തിലെ കോട്ടയിലേക്കുള്ള പ്രവേശന കവാടം മാത്രമാണ് കിഴക്കേകോട്ട. ഇതിനോട് ചേര്‍ന്ന് തെക്ക് ഭാഗത്തായി വെട്ടി മുറിച്ച കോട്ട, പിന്‍വശത്തായി പടിഞ്ഞാറെക്കോട്ട എന്നിവയും സ്ഥിതി ചെയ്യുന്നു.

സംസ്ഥാന സര്‍ക്കാര്‍ പൈതൃക കേന്ദ്രമായി പ്രഖ്യാപിച്ച് കിഴക്കേ കോട്ട പ്രദേശത്തിന് തലയെടുപ്പ് നല്‍കുന്നത് വെള്ള നിറത്തിലുള്ള കിഴക്കേകോട്ട തന്നെയാണ്. ഫ്രഞ്ച് വാസ്തു‌വിദ്യയുടെ ഓര്‍മ്മ ഉണര്‍ത്തുന്ന കിഴക്കേകോട്ട പടുത്തുയര്‍ത്തിയത് മാര്‍ത്താണ്ഡ വര്‍മ്മയുടെ ഭരണകാലത്ത് 1747ലാണ്. വശങ്ങളില്‍ സൈനികര്‍ക്ക് ഇരിക്കാനുള്ള മുറികളുള്ള കിഴക്കേകോട്ടയുടെ മുകള്‍ ഭാഗത്തായി രണ്ട് മണ്ഡപങ്ങളും കാണാം. രാജഭരണ കാലത്ത് വിളംബരങ്ങള്‍ നടത്തിയിരുന്നത് ഇവിടെ നിന്നാണ്.

ഈ കോട്ടയോട് ഏറെ സമാനതകളുള്ളതാണ് ചുവപ്പ് നിറത്തിലുള്ള വെട്ടിമുറിച്ച കോട്ട. വിശാഖം തിരുനാളിന്‍റെ ഭരണകാലത്താണ് ഇത് നിര്‍മ്മിച്ചത്. ഇരു കോട്ടകള്‍ക്കും ഉള്ളിലായാണ് പത്മനാഭ സ്വാമി ക്ഷേത്രം സ്ഥിതി ചെയ്യുന്നത്. ദ്രാവിഡന്‍ ശൈലിയില്‍ നിര്‍മ്മിച്ച ഈ ക്ഷേത്രം തിരുവതാംകൂര്‍ രാജവംശത്തിന്‍റെ കുടുംബ ക്ഷേത്രമാണ്. ഇവിടത്തെ ആരാധനാമൂര്‍ത്തിയായ ശ്രീ പത്മനാഭന് മാര്‍ത്താണ്ഡ വര്‍മ്മ രാജ്യം സമര്‍പ്പിച്ചെന്നും ഇതേ തുടര്‍ന്ന് പത്മനാഭ ദാസന്‍മാരെന്ന നിലയില്‍ രാജകുടുംബം നാട് ഭരിക്കുന്നു എന്നുമാണ് വിശ്വാസം.

അന്തശയനം നടത്തുന്ന ശ്രീ പത്മനാഭന്‍റെ 18 നീളമുള്ള പ്രതിഷ്ഠയാണ് ഇവിടെയുള്ളത്. അത്ഭുതകരമായ ശില്‍പ്പ വൈഭവമാണ് പത്മനാഭ് സ്വാമി ക്ഷേത്രത്തില്‍ കാണാന്‍ കഴിയുക. ഏഴു നിലകളുള്ള ഗോപുരമാണ് ക്ഷേത്രത്തിനുള്ളത്. ക്ഷേത്രത്തിലേക്കുള്ള വഴിയില്‍ കാണുന്ന ‘മേത്തന്‍ മണി’ എന്ന പുരാതന ക്ലോക്ക്, കോട്ടയുടെ വിവിധ കവാടങ്ങളായ അഴീക്കോട്ട്, ആശുപ്ത്രിക്കോട്ട തുടങ്ങിയവയും ഏതൊരു സഞ്ചാരിയെയും പിടിച്ചു നിര്‍ത്തുന്ന കാഴ്ചകളാണ്.

പാശ്ചാത്യവും പരമ്പരാഗതവുമായ വാസ്തുവിദ്യകള്‍ സമന്വയിക്കുന്ന നിരവധി നിര്‍മ്മിതികള്‍ കോട്ടയ്ക്കുള്ളില്‍ കാണാന്‍ സാധിക്കും. അനന്തവിലാസം കൊട്ടാരം, കുതിരമാളിക, അമ്മ വീടുകള്‍ തുടങ്ങി ചെറുതും വലുതുമായ നിരവധി കൊട്ടാരങ്ങളാണ് ഇവിടെയുള്ളത്.

കുതിരമാളികയ്ക്ക് സമീപമുള്ള നവരാത്രി മണ്ഡപവും പത്മനാഭ സ്വാമി ക്ഷേത്രത്തിന് മുന്നിലുള്ള പത്മതീര്‍ത്ഥ കുളവും നിരവധി സാംസ്കാരിക, ചരിത്ര സമരണകള്‍ ഉറങ്ങുന്നവയാണ്

ചരിത്രമുറങ്ങുന്ന കല്‍ക്കുളം കൊട്ടാരമെന്ന പദ്‌മനാഭപുരം കൊട്ടാരം

Thu, 02 Nov 2017 15:36:00 +0530

കല്‍ക്കുളം കൊട്ടാരമെന്നായിരുന്നു ഇതിന്‍റെ പേര് പിന്നീട് അനിഴം തിരുന്നാള്‍ മാര്‍ത്താണ്ഡവര്‍മ്മ ഇതിന്‍റെ പേര് പദ്‌മനാഭ പുരം കൊട്ടാരമെന്നാക്കി മാറ്റി. 6.5 ഏക്കറിയിലാണ് ഈ കൊട്ടാരം സ്ഥിതി ചെയ്യുന്നത്.

പിന്നീട് അധികാരമേറിയ ധര്‍മ്മരാജ തിരുവിതാംകൂറിന്‍റെ തലസ്ഥാനം പദ്‌മനാഭപുരത്ത് നിന്ന് തിരുവിതാംകൂറിലേക്ക് മാറ്റി. പിന്നീട്, തിരുവിതാംകൂര്‍ കുടുംബം ഈ കൊട്ടാരം പൈതൃക സ്വത്താ‍യി സംരക്ഷിച്ചു.

1956 ല്‍ കേരള സംസ്ഥാനം രൂപികരിച്ചപ്പോള്‍ ഇതിന്‍റെ ഉടമസ്ഥാവകാശം കേരള സര്‍ക്കാരിനായി. കൊട്ടാരത്തില്‍ നിന്നുള്ള വരുമാനം കേരളവും തമിഴ്നാടും ഒരുമിച്ച് പങ്കിടുന്നു.

മരം കൊണ്ടും, കല്ലു കൊണ്ടുമുള്ള ശില്‍പ്പങ്ങള്‍, തോക്കുകള്‍, പരിചകള്‍, തിരുവിതാംകൂറിലെ നാണയങ്ങള്‍, കുന്തങ്ങള്‍ എന്നിവയും ഇവിടെ പ്രദര്‍ശിപ്പിച്ചിട്ടുണ്ട്. 1994 ല്‍ പുരാതന ശൈലിയില്‍ ഒരു കെട്ടിടം പണിത് എല്ലാ പുരാതന വസ്തുക്കളും അങ്ങോട്ട് മാറ്റി.

കൊട്ടാ‍രത്തെ പല ഭാഗങ്ങളായി തിരിച്ചിട്ടുണ്ട്.

1 പൂമുഖം

2 മന്ത്രശാല( കൌണ്‍സില്‍ ഹാള്‍)

3 മണിമേട( ക്ലോക്ക് ടവര്‍)

4 നാടകശാല( കഥകളി നടന്നിരുന്ന സ്ഥലം)

5 ഊട്ടുപ്പുര( ഡൈനിംഗ് ഹാള്‍)

6 തൈക്കൊട്ടാരം( അമ്മ കൊട്ടാരം)

7 നവരാത്രി മണ്ഡപം

8 ഇന്ദ്ര വിലാസം

9 ചന്ദ്രവിലാസം എന്നിവയാണ് അവ.

പ്രകൃതിയുടെ വന്യ സൗന്ദര്യം അനുഭവിച്ചറിയണോ ? വരൂ... ഇടുക്കിയിലേക്ക് പോകാം !

Wed, 01 Nov 2017 14:36:00 +0530

വനത്തിലൂടെയുള്ള ഒരു സാഹസികയാത്ര !. ഏതൊരു വിനോദസഞ്ചാരിയുടെയും അഭിലാഷമാണത്. വനത്തിന്റെ സൗന്ദര്യവും വന്യതയും അനുഭവിച്ചറിയാനുള്ള വെമ്പല്‍. അതാവാം സഞ്ചാരികളെ ഇടുക്കിയിലേക്ക് ആകര്‍ഷിക്കുന്നത്.

ഇടുക്കിയെന്നു കേട്ടാല്‍ നമ്മുടെ മനസിലുദിക്കുന്ന ചിത്രം കൊടും വനങ്ങളാണ്. ആനകളും കടുവകളുമടങ്ങുന്ന വന്‍ ജീവജാലങ്ങളെ നേരില്‍ കാണാനുള്ള സുവര്‍ണ്ണാവസരമാണ് ഇടുക്കിയാത്രയിലൂടെ സഞ്ചാരിക്ക് ലഭിക്കുന്നത്. ആനയേയും കടുവയേയും കാണാനെന്തിരിക്കുന്നു എന്ന് ചിലരെങ്കിലും ചോദിച്ചേക്കാം. കൂട്ടിലടച്ച വന്യമൃഗങ്ങളെ കാണാന്‍ എന്തുഭംഗി ? പ്രകൃതിയുമായി ഉല്ലാസത്തിലേര്‍പ്പെട്ടിരിക്കുന്ന അവയുടെ ഭാവം, ചലനം എന്നിവ കാണേണ്ടതുതന്നെയാണ്.

ഭാഗ്യമുണ്ടെങ്കില്‍ ലോകത്തിലെ ഏറ്റവും ഭംഗിയുള്ള വന്യമൃഗമായ കടുവയെ നമുക്കിവിടെ കാണാം. മുഖത്ത് പുള്ളികളുമായി പച്ചപ്പിലെവിടെയെങ്കിലും അവന്‍ ഒളിച്ചിരിക്കുന്നുണ്ടാകും. തേക്കടിയിലെ പെരിയാര്‍ വനമേഖലയില്‍ ഏകദേശം 40 കടുവകളുണ്ടെന്നാണ് കരുതുന്നത്. വിവിധ തരം മാനുകള്‍, കുരങ്ങുകള്‍, കാട്ടുപോത്ത്എന്നിവ നമ്മുടെ മനസില്‍ മായാതെ കിടക്കും.

വനാന്തര്‍ ഭാഗത്ത് ചെന്നാല്‍ പറക്കും അണ്ണാന്മാരെ കാണാം. സിംഹവാലന്‍ കുരങ്ങുകളുടെ കലപില ശബ്ദം നമ്മുടെ ഭാവനകളെ ഉണര്‍ത്തുന്നു. ഇന്ത്യയിലെ വനങ്ങളുടെ കണക്കെടുത്ത് പരിശോധിച്ചാല്‍ ഇടുക്കി ജില്ലയിലാണ് ഏറ്റവും ഹരിതാഭവും പ്രകൃതിജീവികളുടെ ബാഹുല്യം കൂടുതല്‍ കാണപ്പെടുന്നതുമായ വനങ്ങളുള്ളത്. ഇരവികുളം ദേശീയ ഉദ്യാനമാണ് സഞ്ചാരികളെ ആകര്‍ഷിക്കുന്ന ഇടുക്കിയിലെ മറ്റൊരു മനോഹര ഭൂമി. താഴ്വരകളാണധികവും. മലനിലകള്‍ പച്ചപ്പുല്ലണിഞ്ഞുനില്‍ക്കുന്നു.

ഏകദേശം 100 ചതുരശ്രമൈല്‍ പരന്നു കിടക്കുന്ന ചിന്നാര്‍ വനമേഖലയാണ് മറ്റൊരു ആകര്‍ഷണം. 2200 മീറ്റര്‍ വരെ ഉയരം വരുന്ന കൊടുമുടികള്‍ സഞ്ചാരികളെ ആകര്‍ഷിക്കുന്നു. ലോകത്ത് അപൂര്‍വ്വം കണ്ടുവരുന്ന ചില മരങ്ങള്‍ ഇവിടെയുണ്ട്. ദേവീകുളം താലൂക്കിലെ തട്ടേക്കാട് കേരളത്തിലെ വനമേഖലയില്‍ കണ്ടുവരുന്ന ഏറ്റവും പ്രധാനപ്പെട്ട പക്ഷിസംരക്ഷണകേന്ദ്രമാണ്. ഇവിടെ കണ്ടുവരുന്ന ഏകദേശം 290 ഇനം പക്ഷികളെ തിരിച്ചറിഞ്ഞിട്ടുണ്ട്.

ഘോരവനങ്ങളില്‍ നിന്നും സന്ദര്‍ശനത്തിനെത്തുന്ന ആനകളെ നിങ്ങള്‍ക്കിവിടെ കാണാം. പുലി, കരടി, മലമ്പാമ്പ്, മൂര്‍ഖന്‍ എന്നിവയേയും കാണാം. വര്‍ണ്ണനകള്‍ക്കതീതമാണിവിടം. തേക്കടിയും, ഇരവികുളവും, ചിന്നാറും തട്ടേക്കാടും ഉള്‍പ്പെടുന്ന വനമേഖലയെ മറക്കാനാവുന്നതെങ്ങനെ?

ചരിത്രവും ആചാരങ്ങളും കൈകോര്‍ക്കുന്ന കേരളത്തിന്റെ സാംസ്കാരിക തലസ്ഥാനത്തിലൂടെ ഒരു യാത്ര

Tue, 31 Oct 2017 14:15:00 +0530

എന്നാല്‍, ചരിത്രാന്വേഷികളെ സംബന്ധിച്ചിടത്തോളം തൃശൂര്‍ മറ്റൊരനുഭവമാവുന്നു. കേരള ചരിത്രത്തില്‍ നിറഞ്ഞു നില്‍ക്കുന്ന ശക്തന്‍ തമ്പുരാന്റെ ഓര്‍മ്മകള്‍ പേറി നില്‍ക്കുന്ന കൊട്ടാരം അവരെ ഹഠാകര്‍ഷിക്കുന്നു. രാജ രാമവര്‍മ്മ പണികഴിപ്പിച്ച ശക്തന്‍ തമ്പുരാന്‍ കൊട്ടാരം അപൂര്‍വമായ ഡച്ച്-കേരള നിര്‍മ്മിതിയുടെ ഉദാഹരണമാണ്. രണ്ട് നിലകളുള്ള ഈ കൊട്ടാരം നാല്കെട്ടായാണ് പണികഴിപ്പിച്ചിരിക്കുന്നത്.

ഏതു കാലാവസ്ഥയിലും സുഖമായി താമസിക്കാവുന്ന രീതിയില്‍ പണികഴിപ്പിച്ചിരിക്കുന്ന ഈ കൊട്ടാരത്തിലെ മുറികള്‍ വിസ്താരമുള്ളതും കനത്ത ഭിത്തികളോടു കൂടിയതുമാണ്. നിലത്ത് ഇറ്റാലിയന്‍ മാര്‍ബിളാണ് പതിച്ചിരിക്കുന്നത്. മൈസൂര്‍ രാജാക്കന്‍‌മാര്‍ വരെ ഇവിടെ താമസിച്ചിട്ടുള്ളതായാണ് പറയപ്പെടുന്നത്.

കൊട്ടാരത്തോട് ചേര്‍ന്നുള്ള സര്‍പ്പക്കാവില്‍ ഇപ്പോഴും ആരാധന തുടരുന്നു എന്നതും ശ്രദ്ധേയമാണ്. ഇപ്പോള്‍ കേരള പുരാവസ്തു വകുപ്പ് സംരക്ഷിക്കുന്ന ഈ കൊട്ടാരത്തില്‍ അപൂര്‍വങ്ങളായ പലവസ്തുക്കളും ശേഖരിച്ചിരിക്കുന്നു. ചെമ്പ്, പിത്തള ഉപകരണങ്ങളും പുരാതന ലിഖിതങ്ങളും പ്രതിമകളും ഈ ശേഖരത്തിന് മാറ്റുകൂട്ടുന്നു.

കൊച്ചി അന്താരാഷ്ട്ര വിമാന താവളത്തില്‍ നിന്ന് 57 കിലോമീറ്ററും തൃശൂര്‍ റയില്‍‌വെ സ്റ്റേഷന് രണ്ട് കിലോമീറ്ററും അകലെയാണ് കൊട്ടാരം സ്ഥിതി ചെയ്യുന്നത്. തൃശൂര്‍ ബസ് സ്റ്റേഷനില്‍ നിന്ന് ഇത് വഴി കടന്ന് പോവുന്ന ബസുകളും സുലഭമാ‍ണ്.

തിരുമുല്ലവാരം ബീച്ചിലേക്ക് വരൂ... പ്രകൃതിയുടെ കരുതലായുള്ള മോഹന ദൃശ്യങ്ങള്‍ കാണാം !

Mon, 30 Oct 2017 15:56:00 +0530

‘കൊല്ലം കണ്ടാല്‍ ഇല്ലം വേണ്ട’ എന്നൊരു പഴഞ്ചൊല്ലുതന്നെയുണ്ട്. അത് ഈ മനോഹരമായ തുറമുഖ പട്ടണത്തിന്‍റെ ആകര്‍ഷണത്തെ ദ്യോതിപ്പിക്കുന്ന ഒരു ഉദാഹരണമാണ്. ചൈനയുമായുള്ള പഴയ വ്യാപാ‍രബന്ധത്തിന്‍റെ കഥ പറയുന്ന ഇവിടം മനോഹരമായ ബീച്ചുകള്‍ക്കും പേരുകേട്ടിടമാണ്.

പ്രശാന്ത സുന്ദരമായ ഒന്നാണ് തിരുമുല്ലവാരം ബീച്ച്. കോപവും താപവുമെല്ലാം മറന്ന് അറബിക്കടല്‍ ശാന്ത ഭാവത്തിലെത്തുന്ന അപൂര്‍വ്വം സ്ഥലങ്ങളിലൊന്നാണിത്. പ്രഭാതത്തിലെയും സായാഹ്നത്തിലെയും നടത്തയ്ക്കിടയില്‍ ഈ ബീച്ച് മോഹന ദൃശ്യങ്ങള്‍ നമുക്കായി കാത്ത് വയ്ക്കുന്നു...പ്രകൃതിയുടെ കരുതലായി.

കടലില്‍ കുളിക്കണം എന്ന് ആഗ്രഹിക്കുന്ന സഞ്ചാരികള്‍ക്ക് തിരുമുല്ലവാരം ഏറ്റവും നല്ല അവസരമാണ് നല്‍കുന്നത്. അതേപോലെ ശാന്തമായ ഈ മണല്‍തിട്ടില്‍ കുട്ടികള്‍ക്കും സ്ത്രീകള്‍ക്കും വിനോദത്തിന്‍റെ പുത്തന്‍ പാഠങ്ങള്‍ പരീക്ഷിക്കുകയുമാവാം, തെല്ലും ആപത്‌ശങ്കയില്ലാതെ.

കൊല്ലം നഗരത്തില്‍ നിന്ന് അഞ്ച് കിലോമീറ്റര്‍ സഞ്ചരിച്ചാല്‍ തിരുമുല്ലവാരം ബീച്ചിലെത്താം. തിരുവനന്തപുരത്തു നിന്ന് റോഡുമാര്‍ഗ്ഗം 72 കിലോമീറ്റര്‍ സഞ്ചരിച്ചാല്‍ കൊല്ലത്ത് എത്തിച്ചേരാം. എല്ലാ നഗരങ്ങളില്‍ നിന്നും റയില്‍ മാര്‍ഗ്ഗവും ഇവിടെ എത്തിച്ചേരാം.

വിസമയകരമായ ദൃശ്യാനുഭൂതി സമ്മാനിക്കുന്ന പെരുന്തേനരുവിയിലേക്ക് ഒരു യാത്ര പോയാലോ ?

Sat, 28 Oct 2017 11:54:00 +0530

കേരളത്തിലെ പുതിയ ടൂറിസം ആകര്‍ഷണമാണ് പത്തനംതിട്ട ജില്ലയിലെ പെരുന്തേനരുവി വെള്ളച്ചാട്ടം. ആതിരപ്പിള്ളിയും കുറ്റാലവും പാലരുവിയും പോലെ തന്നെ വിനോദസഞ്ചാരികളുടെ മനം കവരുന്ന പ്രകൃതി സൌന്ദര്യമാണ് പെരുന്തേനരുവിക്കുമുള്ളത്. ചരല്‍ക്കുന്നിന് സമീപമുള്ള പെരുന്തേനരുവി കേരളത്തിന്‍റെ ടൂറിസം ഭൂപടത്തില്‍ ഇതുവരെ ഇടം നേടിയിട്ടില്ലെങ്കിലും പ്രാദേശിക ടൂറിസ്റ്റുകളുടെ ഇഷ്ട ലക്ഷ്യമായി വളര്‍ന്നു കഴിഞ്ഞു.

റാന്നി എന്ന മലയോര ഗ്രാമത്തിലൂടെയാണ് പെരുന്തേനരുവി ഒഴുക്കുന്നത്. നൂറടി ഉയരത്തില്‍ നീന്ന് താഴേയ്ക്കുള്ള ജലപ്രവാഹം കാഴ്ചക്കാര്‍ക്ക് വിസമയകരമായ ദൃശ്യാനുഭൂതിയാണ് സമ്മാനിക്കുന്നത്. മലനിരകളിലൂടെ ശാന്തമായി ഒഴുകിയെത്തി രൌദ്രഭാവം പൂണ്ട് താഴേയ്ക്ക് പതിക്കുന്ന് പെരുന്തേനരുവിയുടെ യാത്ര കാണേണ്ട കാഴ്ച തന്നെയാണെന്ന് ഇവിടെയെത്തിയിട്ടുള്ള സഞ്ചാരികള്‍ സാക്‌ഷ്യപ്പെടുത്തുന്നു.

പമ്പയുടെ കരയിലുള്ള പെരുന്തേനരുവി ശബരിമലയുടെ താഴ്‌വാരത്തിലാണ്.തിരുവല്ലയില്‍ നിന്ന് 30 കിലോമീറ്റര്‍ ദൂരമാണ് പെരുന്തേനരുവിയിലേക്കുള്ളത്. പത്തനംതിട്ടയില്‍ നിന്ന് റാന്നി വഴിയും എരുമേലി വഴിയും ഇവിടെ എത്തിച്ചേരാം. എന്നാല്‍ ഇവിടേയ്ക്കുള്ള റോഡ് യാത്ര ദുര്‍ഘടമാണ്.

സമിപത്ത് എങ്ങും താമസ സൌകര്യമുള്ള ഹോട്ടലുകള്‍ ഇല്ല എന്നതും പോരായമയാണ്. എന്നാല്‍ തിരുവല്ലയിലും പത്തനംതിട്ടയിലും ഭേദപ്പെട്ട ഹോട്ടലുകള്‍ ഉണ്ട്. തിരുവല്ലയും 28 കിലോമീറ്റര്‍ അകലെയുള്ള ചെങ്ങന്നൂരുമാണ് പെരുന്തേനരുവിക്ക് അടുത്തുള്ള റെയില്‍‌വേ സ്റ്റേഷനുകള്‍. തിരുവനന്തപുരമാണ് അടുത്ത എയര്‍പോര്‍ട്ട്.

ചെമ്പ്ര കൊടുമുടിയിലേക്ക് വരൂ... വന്യ ജീവികളുടെ കണ്‍‌വെട്ടത്ത് തീകൂട്ടി ഒരു തണുപ്പുള്ള രാത്രി ആസ്വദിക്കാം !

Wed, 25 Oct 2017 14:29:00 +0530

സാഹസികത ഇഷ്ടപ്പെടുന്ന വ്യക്തിയാണോ നിങ്ങള്‍? മലകയറ്റവും സാഹസികതയും ഒപ്പം വന ഭംഗി ആസ്വദിക്കുകയുമാണ് നിങ്ങളുടെ ലക്ഷ്യമെങ്കില്‍ ചെമ്പ്രയിലേക്ക് പോവൂ... ഇപ്പറഞ്ഞവയെല്ലാം അവിടെ നിന്നും അനുഭവിച്ചറിയാന്‍ സാധിക്കും.

വയനാട്ടിലെ ഏറ്റവും ഉയരമുള്ള കൊടുമുടിയാണിത്. മലകയറ്റത്തിന്റെ സാഹസിക പാഠങ്ങള്‍ ഈ കൊടുമുടി പകര്‍ന്ന് നല്‍കും. അതിനാല്‍ തന്നെ മലകയറ്റം ആസ്വദിക്കുന്ന വിനോദ സഞ്ചാരികളുടെ പ്രധാന ആകര്‍ഷണ കേന്ദ്രമാണ് ഇവിടം.

കൊടുമുടിയുടെ മുകളിലെത്താന്‍ ഒരു ദിവസത്തെ യാത്ര വേണ്ടിവരും. വഴുക്കലുള്ള മലമ്പാതയിലൂടെ കാട്ടരിവിയുടെ കിന്നാരം കേട്ടുള്ള ഈ യാത്ര അവസാനിക്കുമ്പോള്‍ മലമുകളില്‍ ഒരിക്കലും വറ്റാത്ത ഒരു ചെറു ജലാശയം കാത്തിരിക്കുന്നുണ്ടാവും, ഔഷധ ഗുണമുള്ള ജല ശേഖരവുമായി നിങ്ങളെയും കാത്ത്!

ഇനി നിങ്ങള്‍ ഭാഗ്യമുള്ള ഒരു സഞ്ചാരിയാണെങ്കില്‍ വഴിയില്‍ എവിടെയെങ്കിലും ഒരു പുള്ളിപ്പുലിയെയോ അല്ലെങ്കില്‍ മറ്റൊരു വന്യമൃഗത്തെയും കണ്ടു എന്നും വരാം. വയനാട്ടിലെ കല്‍പ്പറ്റയില്‍ നിന്ന് 14 കിലോമീറ്റര്‍ പടിഞ്ഞാറ് മാറിയാണ് ചെമ്പ്ര കൊടുമുടി സ്ഥിതി ചെയ്യുന്നത്.

സഞ്ചാരികള്‍ക്കായി ക്യാന്‍‌വാസ് ടെന്‍റ്, മലകയറ്റ സാമഗ്രികള്‍ എന്നിവയും വഴികാട്ടികളെയും വിനോദ സഞ്ചാരവകുപ്പ് ഇവിടെ ഒരുക്കിയിട്ടുണ്ട്. വന മധ്യത്തില്‍ വന്യ ജീവികളുടെ കണ്‍‌വെട്ടത്ത് തീകൂട്ടി ഒരു തണുപ്പുള്ള രാത്രി കഴിയണോ? പുറപ്പെട്ടോളൂ കല്‍പ്പറ്റയിലേക്ക്.

മലനിരകള്‍ അതിരുകാക്കുന്ന ആറളം മാടി വിളിക്കുന്നു... ഒരു യാത്ര പോയാലോ ?

Tue, 24 Oct 2017 14:54:00 +0530

മലനിരകള്‍ അതിരുകാക്കുന്ന ആറളം വിവിധയിനം അപൂര്‍വ്വ സസ്യലതാദികള്‍ക്കും വീടൊരുക്കുന്നു. പുലി, കാട്ടുപോത്ത്, പന്നി, ആന, മാന്‍, മലയണ്ണാന്‍ തുടങ്ങിയ വന്യമൃഗങ്ങള്‍ ഇവിടെ പ്രകൃതിയുടെ മടിത്തട്ടില്‍ വിഹാരം നടത്തുന്നു.തലശേരിയിലെ ഒരു ഗ്രാമമാണ് ആറളം. ഏകദേശം 55 ചതുരശ്ര കി മീ വ്യാപിച്ചു കിടക്കുന്നതാണ് ഇവിടത്തെ വന്യജീവി സംരക്ഷണ കേന്ദ്രം.

1971 ല്‍ കേന്ദ്ര സര്‍ക്കാര്‍ സ്ഥാപിച്ച ആറളം ഫാമും ഇവിടെയാണ്. 3060 ഹെക്ടറിലാണ് ഈ ഫാം വ്യാപിച്ചു കിടക്കുന്നത്. തലശേരിയില്‍ നിന്ന് 35 കിമീ റോഡ് മാര്‍ഗ്ഗം സഞ്ചരിച്ചാല്‍ ആറളത്ത് എത്തിച്ചേരാന്‍ സാധിക്കും. 71 കി മീ അകലെയുള്ള കോഴിക്കോട് കരിപ്പൂര്‍ അന്താരാഷ്ട വിമാനത്താവളമാണ് ആകാശമാര്‍ഗ്ഗം എത്തിച്ചേരാനുള്ള ഏറ്റവും എളുപ്പ വഴി.

പ്രകൃതിയുടെയും മാനവ ജീവിതത്തിന്‍റെയും തനിമയില്‍ അട്ടപ്പാടി !

Mon, 23 Oct 2017 15:05:00 +0530

കാടും മലകളും പുഴകളും പ്രകൃതിയോട് ഇണങ്ങി ജീവിക്കുന്ന മനുഷ്യരും എല്ലാം ചേരുന്ന ഒരു അപൂര്‍വ്വ സുന്ദര പ്രദേശമാണ് അട്ടപ്പാടി. കേരളത്തിലെ ഏറ്റവും വലിയ ആദിവാസി സെറ്റില്‍മെന്‍റുകളില്‍ ഒന്നാണ് അട്ടപ്പാടി. ഇരുളര്‍ മുദുഗര്‍ തുടങ്ങി നിരവധി ആദിവാസി വിഭാഗങ്ങള്‍ അട്ടപ്പാടിയിലുണ്ട്.

ഇവരുടേതായ പ്രത്യേക ആഘോഷങ്ങളും ഉത്സവങ്ങളും നിറമുള്ള കാഴ്ചകളാണ് ഒരു സഞ്ചാരിക്ക് സമ്മാനിക്കുന്നത്. മല്ലീശ്വരന്‍ എന്ന കൊടുമുടി ശിവലിംഗമായി കരുതി ആരാധിക്കുന്നവരാണ് ഇവിടത്തെ ആദിവാസികള്‍. മല്ലീശ്വര ക്ഷേത്രത്തിലെ ശിവരാത്രി ഉത്സവമാണ് ഇവരുടെ ഏറ്റവും വലിയ ആഘോഷം.

കാവേരി നദിയുടെ കൈവഴികളാണ് അട്ടപ്പാടിയുടെ ജൈവ വ്യവസഥയെ സമ്പന്നമാക്കുന്നത്. ഇതിന്‍ പുറമേ അട്ടപ്പാടിയുടെ വികസനത്തിനായി രൂപീകരിച്ച അഹാഡ്സിന്‍റെ പ്രവര്‍ത്തനത്തിന്‍റെ ഫലമായി വന്ന മാറ്റങ്ങളും സഞ്ചാരികള്‍ക്ക് അപൂര്‍വ്വ അനുഭവമാകും.

മണ്ണാര്‍കാട് നിന്ന് 38 കിലോമീറ്റര്‍ അകലെയാണ് അട്ടപ്പാടി. അഗളിയിലെ ചില ഹോട്ടലുകളും ഗസ്റ്റ് ഹൌസുകളുമാണ് ഇവിടെ ലഭ്യമായ താമസ സൌകര്യം. നാല്‍പ്പത് കിലോമീറ്റര്‍ അകലെയുള്ള പാലക്കാടാണ് ഏറ്റവും അടുത്ത റെയില്‍‌വേ സ്റ്റേഷന്‍. കോയമ്പത്തൂരിലാണ് അട്ടപ്പാടിയുടെ ഏറ്റവും അടുത്ത വിമാനത്താവളം ഉള്ളത്.

പ്രകൃതിയുടെ തനിമയില്‍ അട്ടപ്പാടി

Thu, 28 Aug 2008 19:02:38 +0530

PRO

പ്രകൃതിയുടെയും മാനവ ജീവിതത്തിന്‍റെയും തനിമ തേടിയുള്ള യാത്രകള്‍ ഇഷ്ടപ്പെടുന്ന സഞ്ചാരികള്‍ക്ക് ആത്മസംതൃപ്തി നല്‍കുന്ന യാത്രയാകും പാലക്കാട് ജില്ലയിലെ മലനിരയായ അട്ടപ്പാടിയിലേക്കുള്ളത്. പാലക്കാടിന്‍റെ വടക്ക് കിഴക്കന്‍ മേഖലയില്‍ 827 ചതുരശ്ര കിലോമീറ്റര്‍ വിസ്തൃതിയിലാണ് അട്ടപ്പാടി മലകള്‍.

കാടും മലകളും പുഴകളും പ്രകൃതിയോട് ഇണങ്ങി ജീവിക്കുന്ന മനുഷ്യരും എല്ലാം ചേരുന്ന ഒരു അപൂര്‍വ്വ സുന്ദര പ്രദേശമാണ് അട്ടപ്പാടി. കേരളത്തിലെ ഏറ്റവും വലിയ ആദിവാസി സെറ്റില്‍മെന്‍റുകളില്‍ ഒന്നാണ് അട്ടപ്പാടി. ഇരുളര്‍ മുദുഗര്‍ തുടങ്ങി നിരവധി ആദിവാസി വിഭാഗങ്ങള്‍ അട്ടപ്പാടിയിലുണ്ട്.

ഇവരുടേതായ പ്രത്യേക ആഘോഷങ്ങളും ഉത്സവങ്ങളും നിറമുള്ള കാഴ്ചകളാണ് ഒരു സഞ്ചാരിക്ക് സമ്മാനിക്കുന്നത്. മല്ലീശ്വരന്‍ എന്ന കൊടുമുടി ശിവലിംഗമായി കരുതി ആരാധിക്കുന്നവരാണ് ഇവിടത്തെ ആദിവാസികള്‍. മല്ലീശ്വര ക്ഷേത്രത്തിലെ ശിവരാത്രി ഉത്സവമാണ് ഇവരുടെ ഏറ്റവും വലിയ ആഘോഷം.

കാവേരി നദിയുടെ കൈവഴികളാണ് അട്ടപ്പാടിയുടെ ജൈവ വ്യവസഥയെ സമ്പന്നമാക്കുന്നത്. ഇതിന്‍ പുറമേ അട്ടപ്പാടിയുടെ വികസനത്തിനായി രൂപീകരിച്ച അഹാഡ്സിന്‍റെ പ്രവര്‍ത്തനത്തിന്‍റെ ഫലമായി വന്ന മാറ്റങ്ങളും സഞ്ചാരികള്‍ക്ക് അപൂര്‍വ്വ അനുഭവമാകും.

മണ്ണാര്‍കാട് നിന്ന് 38 കിലോമീറ്റര്‍ അകലെയാണ് അട്ടപ്പാടി. അഗളിയിലെ ചില ഹോട്ടലുകളും ഗസ്റ്റ് ഹൌസുകളുമാണ് ഇവിടെ ലഭ്യമായ താമസ സൌകര്യം. നാല്‍പ്പത് കിലോമീറ്റര്‍ അകലെയുള്ള പാലക്കാടാണ് ഏറ്റവും അടുത്ത റെയില്‍‌വേ സ്റ്റേഷന്‍. കോയമ്പത്തൂരിലാണ് അട്ടപ്പാടിയുടെ ഏറ്റവും അടുത്ത വിമാനത്താവളം ഉള്ളത്.

ചരിത്രസ്മരണയില്‍ കിഴക്കേകോട്ട

Mon, 25 Aug 2008 17:28:58 +0530

കോവളം മുതല്‍ അഗസ്ത്യാര്‍കൂടം വരെയുള്ള വിനോദസഞ്ചാര കേന്ദ്രങ്ങളിലൂടെ ലോക ടൂറിസം ഭൂപടത്തില്‍ തന്നെ ഇടം നേടിയ തിരുവന്തപുരത്ത് ചരിത്ര പരവും സാംസ്ക്കാരികവുമായ പ്രാധാന്യം കൊണ്ട് സഞ്ചാരികളെ ആകര്‍ഷിക്കുന്ന പ്രദേശമാണ് നഗര മധ്യത്തിലുള്ള കിഴക്കേ കോട്ട.

കിഴക്കേകോട്ട എന്നാണ് സ്ഥലപ്പേരെങ്കിലും നഗരത്തിലെ കോട്ടയിലേക്കുള്ള പ്രവേശന കവാടം മാത്രമാണ് കിഴക്കേകോട്ട. ഇതിനോട് ചേര്‍ന്ന് തെക്ക് ഭാഗത്തായി വെട്ടി മുറിച്ച കോട്ട, പിന്‍വശത്തായി പടിഞ്ഞാറെക്കോട്ട എന്നിവയും സ്ഥിതി ചെയ്യുന്നു.

സംസ്ഥാന സര്‍ക്കാര്‍ പൈതൃക കേന്ദ്രമായി പ്രഖ്യാപിച്ച് കിഴക്കേ കോട്ട പ്രദേശത്തിന് തലയെടുപ്പ് നല്‍കുന്നത് വെള്ള നിറത്തിലുള്ള കിഴക്കേകോട്ട തന്നെയാണ്. ഫ്രഞ്ച് വാസ്തു‌വിദ്യയുടെ ഓര്‍മ്മ ഉണര്‍ത്തുന്ന കിഴക്കേകോട്ട പടുത്തുയര്‍ത്തിയത് മാര്‍ത്താണ്ഡ വര്‍മ്മയുടെ ഭരണകാലത്ത് 1747ലാണ്. വശങ്ങളില്‍ സൈനികര്‍ക്ക് ഇരിക്കാനുള്ള മുറികളുള്ള കിഴക്കേകോട്ടയുടെ മുകള്‍ ഭാഗത്തായി രണ്ട് മണ്ഡപങ്ങളും കാണാം. രാജഭരണ കാലത്ത് വിളംബരങ്ങള്‍ നടത്തിയിരുന്നത് ഇവിടെ നിന്നാണ്.

ഈ കോട്ടയോട് ഏറെ സമാനതകളുള്ളതാണ് ചുവപ്പ് നിറത്തിലുള്ള വെട്ടിമുറിച്ച കോട്ട. വിശാഖം തിരുനാളിന്‍റെ ഭരണകാലത്താണ് ഇത് നിര്‍മ്മിച്ചത്. ഇരു കോട്ടകള്‍ക്കും ഉള്ളിലായാണ് പത്മനാഭ സ്വാമി ക്ഷേത്രം സ്ഥിതി ചെയ്യുന്നത്. ദ്രാവിഡന്‍ ശൈലിയില്‍ നിര്‍മ്മിച്ച ഈ ക്ഷേത്രം തിരുവതാംകൂര്‍ രാജവംശത്തിന്‍റെ കുടുംബ ക്ഷേത്രമാണ്. ഇവിടത്തെ ആരാധനാമൂര്‍ത്തിയായ ശ്രീ പത്മനാഭന് മാര്‍ത്താണ്ഡ വര്‍മ്മ രാജ്യം സമര്‍പ്പിച്ചെന്നും ഇതേ തുടര്‍ന്ന് പത്മനാഭ ദാസന്‍മാരെന്ന നിലയില്‍ രാജകുടുംബം നാട് ഭരിക്കുന്നു എന്നുമാണ് വിശ്വാസം.

അന്തശയനം നടത്തുന്ന ശ്രീ പത്മനാഭന്‍റെ 18 നീളമുള്ള പ്രതിഷ്ഠയാണ് ഇവിടെയുള്ളത്. അത്ഭുതകരമായ ശില്‍പ്പ വൈഭവമാണ് പത്മനാഭ് സ്വാമി ക്ഷേത്രത്തില്‍ കാണാന്‍ കഴിയുക. ഏഴു നിലകളുള്ള ഗോപുരമാണ് ക്ഷേത്രത്തിനുള്ളത്. ക്ഷേത്രത്തിലേക്കുള്ള വഴിയില്‍ കാണുന്ന ‘മേത്തന്‍ മണി’ എന്ന പുരാതന ക്ലോക്ക്, കോട്ടയുടെ വിവിധ കവാടങ്ങളായ അഴീക്കോട്ട്, ആശുപ്ത്രിക്കോട്ട തുടങ്ങിയവയും ഏതൊരു സഞ്ചാരിയെയും പിടിച്ചു നിര്‍ത്തുന്ന കാഴ്ചകളാണ്.

പാശ്ചാത്യവും പരമ്പരാഗതവുമായ വാസ്തുവിദ്യകള്‍ സമന്വയിക്കുന്ന നിരവധി നിര്‍മ്മിതികള്‍ കോട്ടയ്ക്കുള്ളില്‍ കാണാന്‍ സാധിക്കും. അനന്തവിലാസം കൊട്ടാരം, കുതിരമാളിക, അമ്മ വീടുകള്‍ തുടങ്ങി ചെറുതും വലുതുമായ നിരവധി കൊട്ടാരങ്ങളാണ് ഇവിടെയുള്ളത്.

കുതിരമാളികയ്ക്ക് സമീപമുള്ള നവരാത്രി മണ്ഡപവും പത്മനാഭ സ്വാമി ക്ഷേത്രത്തിന് മുന്നിലുള്ള പത്മതീര്‍ത്ഥ കുളവും നിരവധി സാംസ്കാരിക, ചരിത്ര സമരണകള്‍ ഉറങ്ങുന്നവയാണ്

നെഹ്‌റു സ്മരണയിലൊരു മ്യൂസിയം

Wed, 13 Aug 2008 14:28:07 +0530

PRO

തിരുവനന്തപുരം നഗരത്തില്‍ പഠനയാത്രയ്ക്ക് എത്തുന്ന വിദ്യാര്‍ത്ഥി സംഘങ്ങളുടെ ഒരു പ്രധാന ആകര്‍ഷണമാണ് ചാച്ചാ നെഹ്‌റു ചില്‍ഡ്രന്‍സ് മ്യൂസിയം. ഇന്ത്യയുടെ വൈവിധ്യങ്ങളെ കുറിച്ചും സംസ്കൃതിയെ കുറിച്ചും കുട്ടികള്‍ക്ക് ഉള്‍ക്കാഴ്ച നല്‍കാന്‍ പ്രാപ്തമായ പ്രദര്‍ശന വസ്തുക്കളുടെ സാന്നിധ്യമാണ് ചാച്ചാ നെഹ്‌റു കുട്ടികളുടെ മ്യൂസിയത്തെ ജനപ്രീയമാക്കുന്നത്.

തിരുവനന്തപുരം ബസ് സ്റ്റാന്‍ഡില്‍ നിന്ന് ഒരു കിലോമീറ്റര്‍ അകലെ തൈക്കാടാണ് ഈ മ്യൂസിയം സ്ഥിതി ചെയ്യുന്നത്. കുട്ടികളെ ഏറെ സ്നേഹിച്ചിരുന്ന പണ്ഡിറ്റ് ജവഹര്‍ലാല്‍ നെഹ്‌റുവിന്‍റെ സ്മരാണാര്‍ത്ഥം സ്ഥാപിതമായ ഈ മ്യൂസിയം പണ്ഡിറ്റ്ജിയുടെ ഭാരത സങ്കല്‍പ്പത്തിന് ഉതകുന്ന രീതിയില്‍ തന്നെയാണ് സ്ജ്ജീകരിച്ചിരിക്കുന്നത്.

രണ്ടായിരത്തിലധികം ഇന്ത്യന്‍ വേഷവിധാനങ്ങളാണ് ഇവിടത്തെ ഒരു പ്രധാന പ്രദര്‍ശന ഇനം. ഇതിന് പുറമെ അമേരിക്കന്‍ പ്രസിഡന്‍റുമാരുടെ ചിത്രങ്ങള്‍, ആരോഗ്യ വിദ്യാഭ്യാസത്തിന് വേണ്ടിയുള്ള പ്രദര്‍ശന വസ്തുക്കള്‍, കുട്ടികള്‍ക്ക് വേണ്ടിയുള്ള സാഹിത്യകൃതികള്‍ തുടങ്ങിയവയും ഇവിടെ പ്രദര്‍ശിപ്പിച്ചിരിക്കുന്നു. ജല ജീവിതത്തിന്‍റെ വൈവിധ്യങ്ങള്‍ വെളിവാക്കുന്ന ഒരു മിനി അക്വേറിയവും ഇവിടെയുണ്ട്.

ക്ലാസ് മുറികളില്‍ നിന്ന് ദിവസങ്ങള്‍ കൊണ്ട് പഠിച്ച് തീര്‍ക്കാന്‍ കഴിയാത്ത കാര്യങ്ങള്‍ പോലും കുട്ടികള്‍ക്ക് ഇവിടേയ്ക്കുള്ള ഒരു സന്ദര്‍ശനം കൊണ്ട് മനസിലാക്കാന്‍ സാധിക്കുമെന്നതും ചാച്ചാ നെഹ്‌റു മ്യൂസിയത്തെ വ്യത്യസ്തമാക്കുന്നു.

പൊതു അവധി ദിനങ്ങളും തിങ്കളാഴ്ചയും ഒഴികേയുള്ള എല്ലാ ദിവസവും മ്യൂസിയം തുറന്ന് പ്രവര്‍ത്തിക്കാറുണ്ട്. രാവിലെ പത്ത് മുതല്‍ അഞ്ച് മണി വരെയാണ് പ്രവര്‍ത്തന സമയം. ഇവിടത്തെ പ്രദര്‍ശന വസ്തുക്കളുടെ ഫോട്ടൊ എടുക്കുന്നതിന് കര്‍ശന നിരോധനമുണ്ട്.

സാഹസികയാത്രയ്ക്ക് അഗസ്ത്യകൂടം

Mon, 04 Aug 2008 19:40:48 +0530

PRO

തിരക്ക് പിടിച്ച നഗരജിവിതത്തില്‍ നിന്ന് ഒഴിഞ്ഞ് പ്രകൃതിമായി ചേര്‍ന്ന് ശാന്തവും എന്നാല്‍ അല്‍പ്പം സാഹസികവുമായ ഒരു അവധിക്കാലം ആഗ്രഹിക്കുന്നവര്‍ക്ക് ഏറ്റവും യോജിച്ച വിനോദസഞ്ചാര കേന്ദ്രമാണ് അഗസ്ത്യാര്‍കൂടം. അഗസ്ത്യ മുനിയുടെ പര്‍ണ്ണശാല ഇവിടെയാണ് സ്ഥിതി ചെയ്തിരുന്നതെന്ന് വിശ്വസിക്കപ്പെടുന്നതിനാലാണ് ഈ മലയ്ക്ക് അഗസ്ത്യാര്‍കൂടം എന്ന പേര് വന്നത്.

പശ്ചിമഘട്ട മലനിരകളില്‍ സമുദ്ര നിരപ്പില്‍ നിന്ന് 1890 മീറ്റര്‍ ഉയരത്തിലാണ് അഗസ്ത്യാര്‍കൂടം സ്ഥിതിചെയ്യുന്നത്. കുത്തനെയുള്ള ഈ മല അപൂര്‍വമായ നിരവധി ഔഷ്ധ ചെടികളുടെയും ജൈവ വൈവിധ്യത്തിന്‍റെയും വിളനിലമാണ്. നീലഗിരി മലകളെ അനുസമരിപ്പിക്കുന്ന തരത്തില്‍ ഇവിടെയും പന്ത്രണ്ട് വര്‍ഷങ്ങളിലൊരിക്കല്‍ നീലക്കുറിഞ്ഞി പൂക്കാറുണ്ട്. എതോരു സഞ്ചാരിയുടെയും മനസ് കീഴ്ടക്കുന്ന് മായക്കാഴ്ച തന്നെയാണ് കുറിഞ്ഞികള്‍ പൂത്ത അഗസ്ത്യാര്‍കൂടം.

എന്നാല്‍ ഈ പ്രകൃതി സൌന്ദര്യം ആസ്വദിക്കണമെങ്കില്‍ അല്‍പ്പം സാഹസികമായ യാത്രയ്ക്കും കൂടി സഞ്ചാരി തയാറായിരിക്കണ. ആനയും പുലിയും വിരഹിക്കുന്ന കാട്ടുപാതകളിലൂട വഴുക്കലുള്ള പാറകളും കടന്നു മാത്രമെ അഗസ്ത്യാര്‍ കൂടത്തില്‍ എത്തനാക്കു. ഇതിനായി വനം വകുപ്പില്‍ നിന്ന് മുന്‍കൂട്ടി പാസും സ്വന്തമാക്കിയിരിക്കണം.

നിത്യ ബ്രഹ്മാചാരിയായിരുന്ന അഗസ്ത്യ മുനിയുടെ ആവാസ സ്ഥാനത്തേയ്ക്ക് സ്ത്രീകള്‍ക്ക് പ്രവേശനം ഇല്ല എന്നതാണ് മറ്റൊരു പ്രത്യേകത. ഇവിടത്തെ ആദിവാസികള്‍ സ്ത്രീകളെ ഇങ്ങോട്ട് പ്രവേശിക്കുന്നതിനാലാണ് സര്‍ക്കാരും ഇതിന് അനുമതി നല്‍കാത്തത്.

സാധാരണഗതിയില്‍ ഡിസംബര്‍ രണ്ടാം വാരം മുതല്‍ ഫെബ്രുവരി വരെയാണ് അഗസ്ത്യ വനത്തിലേക്കുള്ള ട്രെക്കിങ്ങിന് ഏറ്റവും യോജിച്ച സമയമായി കണക്കാക്കപ്പെടുന്നത്.

തിരുവനന്തപുരം നഗരത്തില്‍ നിന്ന് 70 കിലോമീറ്റര്‍ അകലെയായാണ് അഗസ്ത്യാര്‍ കൂടം. നെടുമങ്ങാടാണ് ഏറ്റവും സമീപത്തുള്ള പട്ടണം. തിരുവനന്തപുരത്ത് നിന്ന് റോഡ് മാര്‍ഗം മാത്രമെ അഗസ്ത്യാര്‍കൂടത്തില്‍ എത്താന്‍ സാധിക്കുകയുള്ളു. തിരുവനന്തപുരത്ത് തന്നെയാണ് ഏറ്റവും അടുത്ത റെയില്‍‌വേ സ്റ്റേഷനും, എയര്‍പ്പോര്‍ട്ടും. മികച്ച താമസ സൌകര്യമുള്ളതും തിരുവനന്തപുരത്താണ്.

വിസ്മയമായി പെരുന്തേനരുവി

Mon, 28 Jul 2008 19:29:57 +0530

PRO

കേരളത്തിലെ പുതിയ ടൂറിസം ആകര്‍ഷണം ആകാന്‍ ഒരുങ്ങുന്ന പത്തനംതിട്ട ജില്ലയിലെ ഏറെ വികസന സാധ്യതയുള്ള ടൂറിസ്റ്റ് കേന്ദ്രമാണ് പെരുന്തേനരുവി വെള്ളച്ചാട്ടം. ആതിരപ്പളിയും കുറ്റാലവും പാലരുവിയും പോലെ തന്നെ വിനോദസഞച്കാരികളുടെ മനം കവരുന്ന പ്രകൃതി സൌന്ദര്യമാണ് പെരുന്തേനരുവിക്കുമുള്ളത്.

ചരല്‍ക്കുന്നിന് സമീപമുള്ള പെരുന്തേനരുവി കേരളത്തിന്‍റെ ടൂറിസം ഭൂപടത്തില്‍ ഇതുവരെ ഇടം നേടിയിട്ടില്ലെങ്കിലും പ്രാദേശിക ടൂറിസ്റ്റുകളുടെ ഇഷ്ട ലക്ഷ്യമായി വളര്‍ന്നു കഴിഞ്ഞു. റാന്നി എന്ന മലയോര ഗ്രാമത്തിലൂടെയാണ് പെരുന്തേനരുവി ഒഴുക്കുന്നത്. നൂറടി ഉയരത്തില്‍ നീന്ന് താഴേയ്ക്കുള്ള ജലപ്രവാഹം കാഴ്ചക്കാര്‍ക്ക് വിസമയകരമായ ദൃശ്യാനുഭൂതിയാണ് സമ്മാനിക്കുന്നത്.

മലനിരകളിലൂടെ ശാന്തമായി ഒഴുകിയെത്തി രൌദ്രഭാവം പൂണ്ട് താഴേയ്ക്ക് പതിക്കുന്ന് പെരുന്തേനരുവിയുടെ യാത്ര കാണേണ്ട് കാഴ്ച തന്നെയാണെന്ന് ഇവിടെയെത്തിയിട്ടുള്ള സഞ്ചാരികള്‍ സാക്‌ഷ്യപ്പെടുത്തുന്നു. പമ്പയുടെ കരയിലുള്ള പെരുന്തേനരുവി ശബരിമലയുടെ താഴ്വാരത്തിലാണ്.

തിരുവല്ലയില്‍ നിന്ന് 30 കിലോമീറ്റര്‍ ദൂരമാണ് പെരുന്തേനരുവിയിലേക്കുള്ളത്. പത്തനംതിട്ടയില്‍ നിന്ന് റാന്നി വഴിയും എരുമേലി വഴിയും ഇവിടെ എത്തിച്ചേരാം. എന്നാല്‍ ഇവിടേയ്ക്കുള്ള റോഡ് യാത്ര ദുര്‍ഘടമാണ്. സമിപത്ത് എങ്ങും താമസ സൌകര്യമുള്ള ഹോട്ടലുകള്‍ ഇല്ല എന്നതും പോരായമയാണ്. എന്നാല്‍ തിരുവല്ലയിലും പത്തനംതിട്ടയിലും ഭേദപ്പെട്ട ഹോട്ടലുകള്‍ ഉണ്ട്.

തിരുവല്ലയും 28 കിലോമീറ്റര്‍ അകലെയുള്ള ചെങ്ങന്നൂരുമാണ് പെരുന്തേനരുവിക്ക് അടുത്തുള്ള റെയില്‍‌വേ സ്റ്റേഷനുകള്‍. തിരുവനന്തപുരമാണ് അടുത്ത എയര്‍പോര്‍ട്ട്.

ജൂതന്‍മാരുടെ മട്ടാഞ്ചേരി

Thu, 24 Jul 2008 17:10:34 +0530

PRO

ലോകത്തിന്‍റെ ഏതു കോണിലും ഒരു മലയാളിയുണ്ടാകുമെന്ന പ്രയോഗം മലയാളിയെയും കേരളത്തെയും കുറിച്ചുള്ള ഏത് ചര്‍ച്ചയിലും ഉയര്‍ന്നു കേള്‍ക്കാറുണ്ട്. എന്നാല്‍ മലയാളികള്‍ ലോക പൌരന്‍മാരായി മാറുന്നതിന് നൂറ്റാണ്ടുകള്‍ക്ക് മുന്‍പ് തന്നെ ലോകത്തിന്‍റെ വിവിധ കോണുകളില്‍ നിന്ന് കേരളത്തിലെത്തിയ അഭയാര്‍ഥികള്‍ക്കും സഞ്ചാരികള്‍ക്കുമൊക്കെ തങ്ങളുടെ പൂര്‍വികന്‍മാര്‍ അഭയം നല്‍കിയിരുന്നു എന്ന സത്യം മലയാളികള്‍ പോലും പോകാറുണ്ട്.

അറബികളും,പോര്‍ച്ചുഗീസുകാരും, ഫ്രഞ്ചുകാരും, ജര്‍മ്മന്‍കാരും എല്ലാം ഇത്തരത്തില്‍ മലയാളികളുടെ ആതിഥ്യ മര്യാദ അറിഞ്ഞവരാണെങ്കിലും കേരളത്തിന് ചരിത്രപരമായി ഏറ്റവും പഴക്കമുള്ള സാംസ്കാരിക ബന്ധമുള്ളത് ജൂത വംശജരുമായാണ്. ഒന്നാം നൂറ്റാണ്ടില്‍ തന്നെ ഇസ്രായേലില്‍ നിന്നുള്ള ജൂതര്‍ കേരളത്തിലെത്തിയിരുന്നു എന്നാണ് ചരിത്രം രേഖപ്പെടുത്തിയിട്ടുള്ളത്.

കൊച്ചിയിലെ മട്ടാഞ്ചേരിയിലുള്ള ജൂത തെരുവില്‍ ഇന്നും നിരവധി ജൂത കൂടുംബങ്ങള്‍ താമസിക്കുന്നുണ്ട്. ജന്‍മം കൊണ്ടും കര്‍മ്മം കൊണ്ടുമെല്ലാം കൊച്ചിക്കാരണെങ്കിലും തങ്ങളുടെ സാംസ്കാരിക തനിമ നിലനിര്‍ത്തുന്നതില്‍ ഇവര്‍ പ്രത്യേക ശ്രദ്ധ നല്‍ക്കുന്നു. അതിനാല്‍ തന്നെ ജൂത തെരുവിലെ കാഴ്ചകളും ജൂതരുടെ ഉത്സവങ്ങളുമൊക്കെ വലിയ ടൂറിസം ആകര്‍ഷണങ്ങളായി വളരുകയാണ്.

മട്ടാഞ്ചേരിയിലെ സിനഗോഗും ജൂതരുടെ വീടുകളും കച്ചവട സ്ഥാപനങ്ങളും നിറഞ്ഞ തെരുവുമൊക്കെ നേരത്തെ തന്നെ മലയാളികളുടെ ഇഷ്ട വിനോദസഞ്ചാര കേന്ദ്രമാണെങ്കിലും ടൂറിസം മേഖല വളര്‍ന്നതോടെ ദേശീയ, വിദേശ ടൂറിസ്റ്റുകളും ഇങ്ങോട്ടേയ്ക്ക് ആകര്‍ഷിക്കപ്പെട്ട് തുടങ്ങിയിരിക്കുന്നു.

ജൂത ഉത്സവങ്ങളാണ് ഇവിടത്തെ മറ്റൊരു പ്രധാന ടൂറിസ്റ്റ് ആകര്‍ഷണം. മാര്‍ച്ച് മാസം മുതല്‍ ഡിസംബര്‍ വരെ വിവിധ ഉത്സവങ്ങളാണ് ജൂതരുടേതായി മട്ടാഞ്ചേരിയില്‍ അരങ്ങേറുന്നത്. ഈജിപ്തിന്‍റെ അടിമത്വത്തില്‍ നിന്ന് ഇസ്രായേലികള്‍ക്ക് മോചനം ലഭിച്ചതിന്‍റെ ഓര്‍മ്മ പുതുക്കുന്ന പെസഹയാണ് ഇവരുടെ ഏറ്റവും പ്രധാന ആഘോഷം. മാര്‍ച്ച് മാസത്തിലൊ ഏപ്രിലിലൊ ആണ് പെസഹാ അഘോഷം. ഇതിന് അമ്പത് ദിവസങ്ങള്‍ക്ക് ശേഷം പെന്തക്കോസ്ത് ദിനം ആചരിക്കും. സെപ്തംബറിലൊ ഒക്ടോബറിലൊ ആണ് ജൂതരുടെ പുതുവര്‍ഷം വന്ന് ചേരുന്നത്. ഈ ദിനത്തിലും വന്‍ ആഘോഷ പരിപാടികള്‍ അരങ്ങേറും. ജൂതരുടെ പുനരര്‍പ്പണ ദിനമായ ഹനൂക്കയാണ് വര്‍ഷത്തിലെ അവസാന ജൂത ഉത്സവം. നവംബറിലൊ ഡിസംബറിലൊ നടക്കുന്ന ഹനൂക്ക ‘ദീപങ്ങളുടെ ഉത്സവം’ എന്നും അറിയപ്പെടുന്നു.

ക്രിസ്തു വര്‍ഷം 72ലാണ് ജൂതര്‍ ആദ്യമായി കൊച്ചിയില്‍ എത്തിയതെന്ന് പറയപ്പെടുന്നു. ജെറുസലേമിലെ രണ്ടാം ജൂത ദേവാലയം തകര്‍ക്കപ്പെട്ട ശേഷം ഇവര്‍ കൊച്ചിയിലേക്ക് പാലായനം ചെയ്യുകയായിരുന്നുവത്രെ. മട്ടാഞ്ചേരിയിലും പരിസരപ്രദേശങ്ങളുമായി ഇവര്‍ പിന്നീട് സ്ഥിരതാമസമാക്കുകയായിരുന്നു.

കൊച്ചി നഗരത്തില്‍ നിന്ന് മട്ടാഞ്ചേരിയിലേക്ക് പത്ത് കിലോമീറ്റര്‍ മാത്രമാണ് ദൂരം. ഏറ്റവും അടുത്ത എയര്‍പോര്‍ട്ട് കൊച്ചിയും റെയില്‍വേ സ്റ്റേഷന്‍ എറണാകുളവുമാണ്. കൊച്ചിയില്‍ നിന്ന് റോഡ് മാര്‍ഗം മട്ടാഞ്ചേരിയില്‍ എത്തിച്ചേരാവുന്നതാണ്. പോര്‍ച്ചൂഗീസുകാര്‍ നിര്‍മ്മിച്ച മട്ടാഞ്ചേരി കൊട്ടാരം, നൂറ് വര്‍ഷത്തിലേറെ പഴക്കമുള്ള ധര്‍മ്മനാഥ് ജൈന ക്ഷേത്രം തുടങ്ങിയവയാണ് ഇവിടത്തെ മറ്റ് പ്രധാന ആ‍കര്‍ഷണങ്ങള്‍.

തിരുമുല്ലവാരം ബീച്ച്

Tue, 15 Apr 2008 16:54:50 +0530

PRO

‘കൊല്ലം കണ്ടാല്‍ ഇല്ലം വേണ്ട’ എന്നൊരു പഴഞ്ചൊല്ലുണ്ട്. അത് ഈ മനോഹരമായ തുറമുഖ പട്ടണത്തിന്‍റെ ആകര്‍ഷണത്തെ ദ്യോതിപ്പിക്കുന്ന ഒരു ഉദാഹരണമാണ്. ചൈനയുമായുള്ള പഴയ വ്യാപാ‍രബന്ധത്തിന്‍റെ കഥ പറയുന്ന ഇവിടം മനോഹരമായ ബീച്ചുകള്‍ക്കും പേരുകേട്ടിടമാണ്.

തിരുമുല്ല വാരംബീച്ച് പ്രശാന്ത സുന്ദരമാണ്. കോപവും താപവുമെല്ലാം മറന്ന് അറബിക്കടല്‍ ശാന്ത ഭാവത്തിലെത്തുന്ന അപൂര്‍വ്വം സ്ഥലങ്ങളിലൊന്നാണിത്. പ്രഭാതത്തിലെയും സായാഹ്നത്തിലെയും നടത്തയ്ക്കിടയില്‍ ഈ ബീച്ച് മോഹന ദൃശ്യങ്ങള്‍ നമുക്കായി കാത്ത് വയ്ക്കുന്നു...പ്രകൃതിയുടെ കരുതലായി.

കടലില്‍ കുളിക്കണം എന്ന് ആഗ്രഹിക്കുന്ന സഞ്ചാരികള്‍ക്ക് തിരുമുല്ലവാരം ഏറ്റവും നല്ല അവസരമാണ് നല്‍കുന്നത്. അതേപോലെ ശാന്തമായ ഈ മണല്‍തിട്ടില്‍ കുട്ടികള്‍ക്കും സ്ത്രീകള്‍ക്കും വിനോദത്തിന്‍റെ പുത്തന്‍ പാഠങ്ങള്‍ പരീക്ഷിക്കുകയുമാവാം, തെല്ലും ആപത്‌ശങ്കയില്ലാതെ.

കൊല്ലം നഗരത്തില്‍ നിന്ന് അഞ്ച് കിലോമീറ്റര്‍ സഞ്ചരിച്ചാല്‍ തിരുമുല്ലവാരം ബീച്ചിലെത്താം. തിരുവനന്തപുരത്തു നിന്ന് റോഡുമാര്‍ഗ്ഗം 72 കിലോമീറ്റര്‍ സഞ്ചരിച്ചാല്‍ കൊല്ലത്ത് എത്തിച്ചേരാം. എല്ലാ നഗരങ്ങളില്‍ നിന്നും റയില്‍ മാര്‍ഗ്ഗവും ഇവിടെ എത്തിച്ചേരാം.

ആറളം മാടി വിളിക്കുന്നു

Tue, 05 Feb 2008 18:50:21 +0530

PTI

വന്യജീവി സംരക്ഷണ കേന്ദ്രങ്ങള്‍ എന്നും സഞ്ചാരികള്‍ക്ക് ഹരമാണ്. വന മേഖലയിലൂടെയുള്ള യാത്രകളും വന്യജീവികളുമായുള്ള ഒരു അപ്രതീക്ഷിത കൂടിക്കാഴ്ചയും ആരെയാണ് ആകര്‍ഷിക്കാത്തത്.

കേരളത്തിലെ പ്രധാന വന്യജീവി സംരക്ഷണ കേന്ദ്രങ്ങളില്‍ ഒന്നാണ് ആറളം. പശ്ചിമഘട്ടത്തിന്‍റെ മടിത്തട്ടിലാണ് ഈ സ്വാഭാവിക വനപ്രകൃതി സഞ്ചാരികളെ കാത്ത് നിലകൊള്ളുന്നത്.

മലനിരകള്‍ അതിരുകാക്കുന്ന ആറളം വിവിധയിനം അപൂര്‍വ്വ സസ്യലതാദികള്‍ക്കും വീടൊരുക്കുന്നു. പുലി, കാട്ടുപോത്ത്, പന്നി, ആന, മാന്‍, മലയണ്ണാന്‍ തുടങ്ങിയ വന്യമൃഗങ്ങള്‍ ഇവിടെ പ്രകൃതിയുടെ മടിത്തട്ടില്‍ വിഹാരം നടത്തുന്നു.

തലശേരിയിലെ ഒരു ഗ്രാമമാണ് ആറളം. ഏകദേശം 55 ചതുരശ്ര കി മീ വ്യാപിച്ചു കിടക്കുന്നതാണ് ഇവിടത്തെ വന്യജീവി സംരക്ഷണ കേന്ദ്രം. 1971 ല്‍ കേന്ദ്ര സര്‍ക്കാര്‍ സ്ഥാപിച്ച ആറളം ഫാമും ഇവിടെയാണ്. 3060 ഹെക്ടറിലാണ് ഫാം വ്യാപിച്ചുകിടക്കുന്നത്.

എത്തിച്ചേരാന്‍

തലശേരിയില്‍ നിന്ന് 35 കിമീ റോഡ് മാര്‍ഗ്ഗം സഞ്ചരിച്ചാല്‍ ആറളത്ത് എത്തിച്ചേരാം. 71 കി മീ അകലെയുള്ള കോഴിക്കോട് കരിപ്പൂര്‍ അന്താരാഷ്ട വിമാനത്താവളം ആണ് ആകാശമാര്‍ഗ്ഗം എത്തിച്ചേരാനുള്ള ഏറ്റവും എളുപ്പ വഴി.

സാഹസികമായി ചേംബ്ര കൊടുമുടിയിലേക്ക്

Tue, 01 Jan 2008 16:48:10 +0530

PTI

സാഹസികത ഇഷ്ടപ്പെടുന്ന ആളാണോ നിങ്ങള്‍? മലകയയറ്റവും സാഹസികതയും ഒപ്പം വന ഭംഗി ആസ്വദിക്കുകയുമാണ് നിങ്ങളുടെ ലക്‍ഷ്യമെങ്കില്‍ ചേംബ്രയിലേക്ക് പോവൂ, ഇപ്പറഞ്ഞവയെല്ലാം അവിടെ അനുഭവിച്ചറിയാം.

വയനാട്ടിലെ ഏറ്റവും ഉയരമുള്ള കൊടുമുടിയാണിത്. മലകയറ്റത്തിന്‍റെ സാഹസിക പാഠങ്ങള്‍ ഈ കൊടുമുടി പകര്‍ന്ന് നല്‍കും. അതിനാല്‍ തന്നെ മലകയറ്റം ആസ്വദിക്കുന്ന വിനോദ സഞ്ചാരികളുടെ പ്രധാന ആകര്‍ഷണ കേന്ദ്രമാണിവിടം.

കൊടുമുടിയുടെ മുകളിലെത്താന്‍ ഒരു ദിവസത്തെ യാത്ര വേണ്ടിവരും. വഴുക്കലുള്ള മലമ്പാതയിലൂടെ കാട്ടരിവിയുടെ കിന്നാരം കേട്ടുള്ള ഈ യാത്ര അവസാനിക്കുമ്പോള്‍ മലമുകളില്‍ ഒരിക്കലും വറ്റാത്ത ഒരു ചെറു ജലാശയം കാത്തിരിക്കുന്നുണ്ടാവും, ഔഷധ ഗുണമുള്ള ജല ശേഖരവുമായി നിങ്ങളെ കാത്ത്!

ഇനി നിങ്ങള്‍ ഭാഗ്യമുള്ള ഒരു സഞ്ചാരിയാണെങ്കില്‍ വഴിയില്‍ എവിടെയെങ്കിലും ഒരു പുള്ളിപ്പുലിയെ അല്ലെങ്കില്‍ മറ്റൊരു വന്യമൃഗത്തെയും കണ്ടു എന്ന് വരാം.

വയനാട്ടിലെ കല്‍പ്പറ്റയില്‍ നിന്ന് 14 കിലോമീറ്റര്‍ പടിഞ്ഞാറ് മാറിയാണ് ചേംബ്ര കൊടുമുടി സ്ഥിതി ചെയ്യുന്നത്. സഞ്ചാരികള്‍ക്കായി ക്യാന്വാസ് ടെന്‍റ്, മലകയറ്റ സാമഗ്രികള്‍ എനിവയും വഴികാട്ടികളെയും വിനോദ സഞ്ചാരവകുപ്പ് ഒരുക്കിയിരിക്കുന്നു.

വന മധ്യത്തില്‍ വന്യ ജീവികളുടെ കണ്‍‌വെട്ടത്ത് തീകൂട്ടി ഒരു തണുപ്പുള്ള രാത്രി കഴിയണോ? പുറപ്പെട്ടോളൂ കല്‍പ്പറ്റയിലേക്ക്.

പള്ളിപ്പുറം കോട്ട

Tue, 27 Nov 2007 18:04:09 +0530

കേരളത്തിലെ പ്രധാനപ്പെട്ട ചരിത്ര സ്മാരകങ്ങളില്‍ ഒന്നാണ് പള്ളിപ്പുറം കോട്ട. 1503 ല്‍ പോര്‍ച്ചുഗീസുകാര്‍ പണികഴിപ്പിച്ച ഈ കോട്ട ഡച്ചുകാരും പോര്‍ച്ചുഗീസുകാരും തമ്മിലുണ്ടായ അനേകം ഏറ്റുമുട്ടലുകളുടെ സാക്ഷിയാണ്.

ഷഡ്ഭുജാകൃതിയിലാണ് പള്ളിപ്പുറം കോട്ട പണികഴിപ്പിച്ചിരിക്കുന്നത്. 1661 ല്‍ ഡച്ചുകാര്‍ പള്ളിപ്പുറം കോട്ട പിടിച്ചെടുത്തു. പിന്നീട് ഈ കോട്ട 1789 ല്‍ തിരുവിതാംകൂര്‍ രാജ്യത്തിന് വില്‍ക്കുകയായിരുന്നു.

കേരളത്തിലെ ഏറ്റവും പഴക്കം ചെന്ന യൂറോപ്യന്‍ സ്മാരകം എന്ന ബഹുമതിയും പള്ളിപ്പുറം കോട്ടയ്ക്കാണ്.

കോട്ടയ്ക്ക് അടുത്തുള്ള കത്തോലിക്ക പള്ളി പ്രശസ്തമായ ഒരു തീര്‍ത്ഥാടന കേന്ദ്രമാണ്.

മലമ്പുഴ-കേരള വൃന്ദാവനം

Sat, 24 Nov 2007 10:57:04 +0530

മലമ്പുഴ കേരളത്തിന്‍റെ വൃന്ദാവനമെന്നാണ് അറിയപ്പെടുന്നത്. പ്രകൃതിയുമായി ഏറ്റവും കൂടുതല്‍ സമരസപ്പെട്ട ഒരു സ്ഥലമാണ് മലമ്പുഴ ഗാര്‍ഡന്‍സ് എന്ന് പറയുന്നതില്‍ തെല്ലും അതിശയോക്തി ഉണ്ടാവില്ല. മാമലകള്‍ അതിരു കാക്കുന്ന ഇവിടം തെളിനീരൊഴുകുന്ന അരുവികളാലും പൂക്കളാലും ചെടികളാലും അതി മനോഹരമാണ്. മലമ്പുഴ ഗാര്‍ഡന്‍റെ രാത്രി കാഴ്ച ദീപാലങ്കാരങ്ങളാല്‍ അതി വിശിഷ്ടമാണ്.

റോക്ക് ഗാര്‍ഡന്‍

ദക്ഷിണേന്ത്യയിലെ ആദ്യ റോക്ക് ഗാര്‍ഡനാണ് മലമ്പുഴയിലേത്. ഇവിടെ പാഴ് വസ്തുക്കളും വളപ്പൊട്ടുകളും കല്ലുകളും എല്ലാം കാവ്യ ഭാവനയുടെ ചെപ്പില്‍ നിരത്തി ഒരുക്കിയിരിക്കുന്നത് ഒരു അത്ഭുത കാഴ്ച തന്നെയാണ്.

റോപ്പ് വേ

മലയാളികള്‍ക്ക് അത്ര പരിചിതമല്ലാത്ത ഒരു സങ്കേതമാണല്ലോ റോപ്പ് വേ. ഇതിന്‍റെ ആനന്ദവും അല്‍പ്പം സാഹസികതയും മലമ്പുഴയില്‍ ആസ്വദിക്കാന്‍ അവസരമുണ്ട്. ഗാര്‍ഡന് മുകളിലൂടെ 20 മിനിറ്റ് നീളുന്ന ഈ യാത്ര ഒരു പ്രത്യേക അനുഭവം തന്നെയാവും തീര്‍ച്ച!

മലമ്പുഴയിലെ യക്ഷി

സൌന്ദര്യത്തിന്‍റെ പ്രശസ്തി അതി വേഗമാണ് പരക്കുന്നത്. മലമ്പുഴയിലെ യക്ഷിയുടെ കാര്യവും അതേ പോലെ തന്നെയാണ്. കാനായി കുഞ്ഞുരാമന്‍ എന്ന അതുല്യ ശില്‍പ്പിയുടെ കര വിരുതാണ് മലമ്പുഴയില്‍ ഏവരുടെയും ശ്രദ്ധ ആകര്‍ഷിക്കുന്ന യക്ഷി പ്രതിമ.

അക്വേറിയം, സ്നേക്ക് പാര്‍ക്ക്

മലമ്പുഴയിലെ അക്വേറിയവും സ്നേക്ക് പാര്‍ക്കും സഞ്ചാരികളെ ആകര്‍ഷിക്കുന്നു. മത്സ്യത്തിന്‍റെ ആകൃതിയിലാണ് അക്വേറിയം നിര്‍മ്മിച്ചിരിക്കുന്നത്. ഇതിനോട് ചേര്‍ന്നാണ് കുട്ടികളുടെ പാര്‍ക്ക്.

ഫാന്‍റസി പാര്‍ക്ക്

കേരളത്തിലെ ആദ്യ അമ്യൂസ്മെന്‍റ് പാര്‍ക്കാണിത്. ഇവിടെ കുട്ടികള്‍ക്കും മുതിര്‍ന്നവര്‍ക്കും ഹരം പകരുന്നതും സാഹസികങ്ങളുമായ വിനോദ ഉപാധികള്‍ ഒരുക്കിയിരിക്കുന്നു.

തമ്പുരാന്‍റെ ഓര്‍മ്മയിലേക്ക് ഒരു യാത്ര

Tue, 07 Aug 2007 18:34:15 +0530

FILE

ദൈവത്തിന്‍റെ നാടെന്ന് പേരുകേട്ട കേരളത്തിന്‍റെ സാംസ്കാരിക തലസ്ഥാനമാണ് തൃശൂര്‍. ഇവിടെ ചരിത്രവും ആചാരങ്ങളും കൈകോര്‍ക്കുന്നു.

ഒരുവശത്ത് പൂരങ്ങളുടെ പൂരമായ തൃശൂര്‍ പൂരത്തിന്‍റെ മേളക്കൊഴുപ്പ് സഞ്ചാരികള്‍ക്ക് എന്നും ഹരമാവുമ്പോള്‍ ആന പ്രേമികളുടെ പറുദീസയാവുന്നു പൂരപ്പറമ്പ്.

എന്നാല്‍, ചരിത്രാന്വേഷികളെ സംബന്ധിച്ചിടത്തോളം തൃശൂര്‍ മറ്റൊരനുഭവമാവുന്നു. കേരള ചരിത്രത്തില്‍ നിറഞ്ഞു നില്‍ക്കുന്ന ശക്തന്‍ തമ്പുരാന്‍റെ ഓര്‍മ്മകള്‍ പേറി നില്‍ക്കുന്ന കൊട്ടാരം അവരെ ഹഠാകര്‍ഷിക്കുന്നു.

രാജ രാമവര്‍മ്മ പണികഴിപ്പിച്ച ശക്തന്‍ തമ്പുരാന്‍ കൊട്ടാരം അപൂര്‍വമായ ഡച്ച്-കേരള നിര്‍മ്മിതിയുടെ ഉദാഹരണമാണ്. രണ്ട് നിലകളുള്ള ഈ കൊട്ടാരം നാല്കെട്ടായാണ് പണികഴിപ്പിച്ചിരിക്കുന്നത്.

ഏതു കാലാവസ്ഥയിലും സുഖമായി താമസിക്കാവുന്ന രീതിയില്‍ പണികഴിപ്പിച്ചിരിക്കുന്ന ഈ കൊട്ടാരത്തിലെ മുറികള്‍ വിസ്താരമുള്ളതും കനത്ത ഭിത്തികളോടു കൂടിയതുമാണ്. നിലത്ത് ഇറ്റാലിയന്‍ മാര്‍ബിളാണ് പതിച്ചിരിക്കുന്നത്.

മൈസൂര്‍ രാജാക്കന്‍‌മാര്‍ വരെ ഇവിടെ താമസിച്ചിട്ടുള്ളതായാണ് പറയപ്പെടുന്നത്. കൊട്ടാരത്തോട് ചേര്‍ന്നുള്ള സര്‍പ്പക്കാവില്‍ ഇപ്പോഴും ആരാധന തുടരുന്നു എന്നതും ശ്രദ്ധേയമാണ്.

FILE

ഇപ്പോള്‍ കേരള പുരാവസ്തു വകുപ്പ് സംരക്ഷിക്കുന്ന ഈ കൊട്ടാരത്തില്‍ അപൂര്‍വങ്ങളായ പലവസ്തുക്കളും ശേഖരിച്ചിരിക്കുന്നു. ചെമ്പ്, പിത്തള ഉപകരണങ്ങളും പുരാതന ലിഖിതങ്ങളും പ്രതിമകളും ഈ ശേഖരത്തിന് മാറ്റുകൂട്ടുന്നു.

യാത്ര

കൊച്ചി അന്താരാഷ്ട്ര വിമാന താവളത്തില്‍ നിന്ന് 57 കിലോമീറ്ററും തൃശൂര്‍ റയില്‍‌വെ സ്റ്റേഷന് രണ്ട് കിലോമീറ്ററും അകലെയാണ് കൊട്ടാരം സ്ഥിതി ചെയ്യുന്നത്. തൃശൂര്‍ ബസ് സ്റ്റേഷനില്‍ നിന്ന് ഇത് വഴി കടന്ന് പോവുന്ന ബസുകള്‍ സുലഭമാ‍ണ്.

കൃഷ്ണപുരം-ചരിത്രവും പുരാണവും ഒന്നിച്ച്

Wed, 18 Jul 2007 13:12:46 +0530

FILE

ചരിത്രവും പുരാണവും ഈ കൊട്ടാരത്തിന്‍റെ അകത്തളങ്ങളില്‍ സമ്മേളിക്കുന്നു. കഴിഞ്ഞ കാലത്തെ ഭരണ താളങ്ങളുടെ നേര്‍ത്ത ശബ്ദങ്ങളും പുരാണങ്ങളുടെ മായിക നിറങ്ങളും സ്വപ്നം കാണുന്ന സഞ്ചാരികള്‍ക്ക് എന്നും ഹരം നല്‍കുന്ന ഇടമാണ് കൃഷ്ണപുരം കൊട്ടാരം.

തനി കേരളീയ മാതൃകയിലുള്ള കൃഷ്ണപുരം കൊട്ടാരത്തിന്‍റെ പഴക്കത്തെക്കുറിച്ച് ചരിത്ര പണ്ഡിതന്‍‌മാര്‍ക്ക് പോലും ഏകാഭിപ്രായമില്ല. പതിനെട്ടാം നൂറ്റാണ്ടില്‍ ഇത് പുതുക്കി പണിഞ്ഞു എങ്കിലും തനിമയില്‍ മാറ്റമൊന്നും വരുത്തിയിട്ടില്ല.

കേരളത്തില്‍ കണ്ടെത്തിയതില്‍ വച്ച് ഏറ്റവും വലിയ ചുമര്‍ ചിത്രമുള്ളത് ഇവിടെയാണ്. ‘ഗജേന്ദ്ര മോക്ഷം’ എന്ന ചുവര്‍ ചിത്രത്തിന് 49 ചതുരശ്ര അടി വലിപ്പമാണുള്ളത്.

ഈ ചിത്രത്തിനും ഒരു കഥ പറയാനുണ്ട്. വിഷ്ണു ഭക്തരായ കായം കുളം രാജാക്കന്‍‌മാരുടെ കഥ. കായംകുളം രാജാക്കന്‍‌മാര്‍ ദിവസവും പള്ളിനീരാട്ട് കഴിഞ്ഞ് ഈ ചിത്രത്തെ വന്ദിക്കുമായിരുന്നത്രേ. അതാണ് ചിത്രം കുളത്തിന് അഭിമുഖമായി വരാന്‍ കാരണമെന്നും പറയപ്പെടുന്നു.

ഇപ്പോള്‍ കൃഷ്ണപുരം കൊട്ടാരം പുരാവസ്തു വകുപ്പ് ഏറ്റെടുത്തിരിക്കുകയാണ്. ചിത്രങ്ങളുടെയും രാജ ശാസനങ്ങളുടേയും അപൂര്‍വ കലവറയാണീ കൊട്ടാരം.

ആലപ്പുഴ നിന്ന് 47 കിലോമീറ്റര്‍ അകലെ കായംകുളത്താണ് കൃഷ്ണപുരം കൊട്ടാരം സ്ഥിതിചെയ്യുന്നത്. തിങ്കള്‍ ഒഴികെ എല്ലാ ദിവസവും രാവിലെ 9 മണി മുതല്‍ വൈകിട്ട് 5 മണി വരെ സന്ദര്‍ശകരെ അനുവദിക്കും.

പദ്‌മനാഭപുരം കൊട്ടാരം

Sat, 30 Jun 2007 17:30:38 +0530

തിരുവനന്തപുരത്ത് നിന്ന് 50 കീലോമീറ്റര്‍ അകലെ തമിഴ്‌നാട്ടിലെ തക്കലെയിലാണ് പദ്‌മനാഭപുരം കൊട്ടാരം സ്ഥിതി ചെയ്യുന്നത്. തിരുവിതാംകൂര്‍ രാ‍ജ വംശത്തിന്‍റെ ഔദ്യോഗിക വസതിയായിരുന്നിത്.

1601 എ.ഡിയില്‍ ഇര്‍വി ഇര്‍വി വര്‍മ്മ കുലശേഖര പെരുമാളാണ് ഇത് പണി കഴിപ്പിച്ചത്. കല്‍ക്കുളം കൊട്ടാരമെന്നായിരുന്നു ഇതിന്‍റെ പേര് പിന്നീട് അനിഴം തിരുന്നാള്‍ മാര്‍ത്താണ്ഡവര്‍മ്മ ഇതിന്‍റെ പേര് പദ്‌മനാഭ പുരം കൊട്ടാരമെന്നാക്കി മാറ്റി. 6.5 ഏക്കറിയിലാണ് ഈ കൊട്ടാരം സ്ഥിതി ചെയ്യുന്നത്.

പിന്നീട് അധികാരമേറിയ ധര്‍മ്മരാജ തിരുവിതാംകൂറിന്‍റെ തലസ്ഥാനം പദ്‌മനാഭപുരത്ത് നിന്ന് തിരുവിതാംകൂറിലേക്ക് മാറ്റി. പിന്നീട്, തിരുവിതാംകൂര്‍ കുടുംബം ഈ കൊട്ടാരം പൈതൃക സ്വത്താ‍യി സംരക്ഷിച്ചു.

1956 ല്‍ കേരള സംസ്ഥാനം രൂപികരിച്ചപ്പോള്‍ ഇതിന്‍റെ ഉടമസ്ഥാവകാശം കേരള സര്‍ക്കാരിനായി. കൊട്ടാരത്തില്‍ നിന്നുള്ള വരുമാനം കേരളവും, തമിഴ്നാടും ഒരുമിച്ച് പങ്കിടുന്നു.

മരം കൊണ്ടും, കല്ലു കൊണ്ടുമുള്ള ശില്‍പ്പങ്ങള്‍, തോക്കുകള്‍, പരിചകള്‍, തിരുവിതാംകൂറിലെ നാണയങ്ങള്‍, കുന്തങ്ങള്‍ എന്നിവയും ഇവിടെ പ്രദര്‍ശിപ്പിച്ചിട്ടുണ്ട്. 1994 ല്‍ പുരാതന ശൈലിയില്‍ ഒരു കെട്ടിടം പണിത് എല്ലാ പുരാതന വസ്തുക്കളും അങ്ങോട്ട് മാറ്റി.

കൊട്ടാ‍രത്തെ പല ഭാഗങ്ങളായി തിരിച്ചിട്ടുണ്ട്.

1 പൂമുഖം

2 മന്ത്രശാല( കൌണ്‍സില്‍ ഹാള്‍)

3 മണിമേട( ക്ലോക്ക് ടവര്‍)

4 നാടകശാല( കഥകളി നടന്നിരുന്ന സ്ഥലം)

5 ഊട്ടുപ്പുര( ഡൈനിംഗ് ഹാള്‍)

6 തൈക്കൊട്ടാരം( അമ്മ കൊട്ടാരം)

7 നവരാത്രി മണ്ഡപം
8 ഇന്ദ്ര വിലാസം

9 ചന്ദ്രവിലാസം

ഫോണ്‍ നമ്പര്‍: 04651 250255

കൊച്ചി ഹില്‍ പാലസ്

Sat, 30 Jun 2007 15:30:47 +0530

File

അറബിക്കടലിന്‍റെ റാണിയായ കൊച്ചിയിലാണ് ഹില്‍ പാലസ് സ്ഥിതി ചെയ്യുന്നത്. കൊച്ചി രാജ്യ കുടുംബത്തിന്‍റെ ഔദ്യോഗിക വസതിയായിരുന്നു ഈ കൊട്ടാരം. കേരളത്തിലെ ഏറ്റവും വലിയ പുരാവസ്തു മ്യൂസിയമാ‍ണിത്.

1865 ലാണ് കൊച്ചി ഹില്‍ പാലസിന്‍റെ പണി പൂര്‍ത്തിയായത്. 49 കെട്ടിടങ്ങള്‍ ചേര്‍ന്നതാണ് ഈ കൊട്ടാര സമുച്ചയം. 52 ഏക്കറില്‍ സ്ഥിതി ചെയ്യുന്ന ഈ കൊട്ടാരം കേരളീയ പാരമ്പര്യ ശൈലിയിലാണ് പണി കഴിപ്പിച്ചിട്ടുള്ളത്.

മാനുകള്‍ക്കായുള്ള പാര്‍ക്ക്, കുതിര സവാരിക്കുള്ള സൌകര്യം എന്നിവ ഇവിടം സഞ്ചാരികളുടെ പറുദീസയാക്കുന്നു. അപൂര്‍വയിനം സസ്യലതാദികള്‍ ഇവിടെ വളരുന്നു. കൊച്ചി രാജ്യ കുടുംബത്തിന്‍റെ നാണയങ്ങള്‍, കൈയെഴുത്തു പ്രതികള്‍, എന്നിവയും എണ്ണഛായ ചിത്രങ്ങള്‍, ചുമര്‍ ചിത്രങ്ങള്‍, കല്ലു കൊണ്ടുള്ള ശില്‍പ്പങ്ങള്‍ എന്നിവ ഇവിടെ പ്രദര്‍ശിപ്പിച്ചിട്ടുണ്ട്.

കൊച്ചി രാജ്യ കുടുംബത്തിന്‍റെ സിംഹാസനം വളരെയധികം കാഴ്‌ച്ചക്കാരെ ആകര്‍ഷിക്കുന്ന ഒന്നാണ്. ജപ്പാനില്‍ നിന്നും, ചൈനയില്‍ നിന്നുമുള്ള 200 വിശേഷ പാത്രങ്ങള്‍ ഇവിടത്തെ മറ്റൊരു പ്രത്യേകതയാണ്.

ഇടുക്കി:പ്രകൃതിയുടെ വന്യ സൗന്ദര്യം

Fri, 25 May 2007 09:41:55 +0530

വനത്തിലൂടെയുള്ള ഒരു സാഹസികയാത്ര! ഏതൊരു വിനോദസഞ്ചാരിയുടെയും അഭിലാഷമാണത്. വനത്തിന്‍െറ സൗന്ദര്യവും, വന്യതയും അനുഭവിച്ചറിയാനുള്ള വെമ്പല്‍. അതാവാം സഞ്ചാരികളെ ഇടുക്കിയിലേക്ക് ആകര്‍ഷിക്കുന്നത്.

ഇടുക്കിയെന്നു കേട്ടാല്‍ നമ്മുടെ മനസിലുദിക്കുന്ന ചിത്രം കൊടും വനങ്ങളാണ്. ആനകളും, കടുവകളുമടങ്ങുന്ന വന്‍ ജീവജാലങ്ങളെ നേരില്‍ കാണാനുള്ള സുവര്‍ണ്ണാവസരമാണ് ഇടുക്കിയാത്രയിലൂടെ സഞ്ചാരിക്ക് ലഭിക്കുന്നത്. ആനയേയും കടുവയേയും കാണാനെന്തിരിക്കുന്നു എന്ന് ചിലരെങ്കിലും ചോദിച്ചേക്കാം. കൂട്ടിലടച്ച വന്യമൃഗങ്ങളെ കാണാന്‍ എന്തുഭംഗി? പ്രകൃതിയുമായി ഉല്ലാസത്തിലേര്‍പ്പെട്ടിരിക്കുന്ന അവയുടെ ഭാവം, ചലനം എന്നിവ കാണേണ്ടതുതന്നെ.

ഭാഗ്യമുണ്ടെങ്കില്‍ ലോകത്തിലെ ഏറ്റവും ഭംഗിയുള്ള വന്യമൃഗമായ കടുവയെ നമുക്കിവിടെ കാണാം. മുഖത്ത് പുള്ളികളുമായി പച്ചപ്പിലെവിടെയെങ്കിലും അവന്‍ ഒളിച്ചിരിക്കുന്നുണ്ടാകും. തേക്കടിയിലെ പെരിയാര്‍ വനമേഖലയില്‍ ഏകദേശം 40 കടുവകളുണ്ടെന്നാണ് കരുതുന്നത്. വിവിധ തരം മാനുകള്‍, കുരങ്ങുകള്‍, കാട്ടുപോത്ത്എന്നിവ നമ്മുടെ മനസില്‍ മായാതെ കിടക്കും.

വനാന്തര്‍ ഭാഗത്ത് ചെന്നാല്‍ പറക്കും അണ്ണാന്മാരെ കാണാം, സിംഹവാലന്‍ കുരങ്ങുകളുടെ കലപില ശബ്ദം നമ്മുടെ ഭാവനകളെ ഉണര്‍ത്തുന്നു. ഇന്ത്യയിലെ വനങ്ങളുടെ കണക്കെടുത്ത് പരിശോധിച്ചാല്‍ ഇടുക്കി ജില്ലയിലാണ് ഏറ്റവും ഹരിതാഭവും പ്രകൃതിജീവികളുടെ ബാഹുല്യം കൂടുതല്‍ കാണപ്പെടുന്നതുമായ വനങ്ങളുള്ളത്. ഇരവികുളം ദേശീയ ഉദ്യാനമാണ് സഞ്ചാരികളെ ആകര്‍ഷിക്കുന്ന ഇടുക്കിയിലെ മറ്റൊരു മനോഹര ഭൂമി. താഴ്വരകളാണധികവും. മലനിലകള്‍ പച്ചപ്പുല്ലണിഞ്ഞുനില്‍ക്കുന്നു.

ഏകദേശം 100 ചതുരശ്രമൈല്‍ പരന്നു കിടക്കുന്ന ചിന്നാര്‍ വനമേഖലയാണ് മറ്റൊരു ആകര്‍ഷണം. 2200 മീറ്റര്‍ വരെ ഉയരം വരുന്ന കൊടുമുടികള്‍ സഞ്ചാരികളെ ആകര്‍ഷിക്കുന്നു. ലോകത്ത് അപൂര്‍വ്വം കണ്ടുവരുന്ന ചില മരങ്ങള്‍ ഇവിടെയുണ്ട്. ദേവീകുളം താലൂക്കിലെ തട്ടേക്കാട് കേരളത്തിലെ വനമേഖലയില്‍ കണ്ടുവരുന്ന ഏറ്റവും പ്രധാനപ്പെട്ട പക്ഷിസംരക്ഷണകേന്ദ്രമാണ്. ഇവിടെ കണ്ടുവരുന്ന ഏകദേശം 290 ഇനം പക്ഷികളെ തിരിച്ചറിഞ്ഞിട്ടുണ്ട്.

ഘോരവനങ്ങളില്‍ നിന്നും സന്ദര്‍ശനത്തിനെത്തുന്ന ആനകളെ നിങ്ങള്‍ക്കിവിടെ കാണാം. പുലി, കരടി, മലമ്പാമ്പ്, മൂര്‍ഖന്‍ എന്നിവയേയും കാണാം. വര്‍ണ്ണനകള്‍ക്കതീതമാണിവിടം. തേക്കടിയും, ഇരവികുളവും, ചിന്നാറും തട്ടേക്കാടും ഉള്‍പ്പെടുന്ന വനമേഖലയെ മറക്കാനാവുന്നതെങ്ങനെ?

കണ്ണില്‍ തങ്ങിനില്‍ക്കും കണ്ണൂര്‍

Fri, 25 May 2007 08:47:28 +0530

പയ്യാമ്പലം, കേരളത്തിലെ മനം മയക്കുന്ന കടല്‍ത്തീരങ്ങളില്‍ പ്രധാനപ്പെട്ട, കണ്ണൂരിലെ തീരം. കമ്മ്യൂണിസ്റ്റ് ആചാര്യന്‍ എ.കെ.ജി.യടക്കം ഒട്ടേറെ പേര്‍ അന്ത്യ വിശ്രമം കൊള്ളുന്ന തീരം.

കടലിലേക്ക് തള്ളിനില്‍ക്കുന്ന പാറക്കെട്ടുകള്‍ നിറഞ്ഞ ഈ സ്ഥലത്തെത്തിയാല്‍ മൂന്നു വശവും കടലിനാല്‍ ചുറ്റപ്പെട്ട ഉപദ്വീപില്‍ നില്‍ക്കുന്ന അനുഭവമാണ്. പയ്യാമ്പലം തീരത്തിന്‍റെ വിദൂരദൃശ്യവും ഇവിടെനിന്നാല്‍ ലഭിക്കും. 39 സെന്‍റ് സ്ഥലത്താണ് സീവ്യൂ പോയിന്‍റ് .

പാറക്കെട്ടുകള്‍ നിറഞ്ഞ സ്ഥലം കെട്ടിപ്പൊക്കിയെടുത്ത് മണ്ണിട്ട് നിരപ്പാക്കി ഇരിപ്പിട സൗകര്യമൊരുക്കാനാണ് പദ്ധതി. പൂന്തോട്ടവും ഉദ്ദേശിക്കുന്നുണ്ട്. നിര്‍മിതികേന്ദ്രമാണ് നിര്‍മാണ കരാര്‍ ഏറ്റെടുത്തിരിക്കുന്നത്. അടുത്ത മാര്‍ച്ചിനുള്ളില്‍ പണി പൂര്‍ത്തിയാക്കും.ഗസ്റ്റ് ഹൗസിനു സമീപത്തുനിന്ന് സീവ്യൂ പോയിന്‍റിലേക്ക് കടലോരപ്പാത നിലവിലുണ്ട്. വൈകുന്നേരങ്ങളില്‍ ഒട്ടേറെപ്പേര്‍ ഇപ്പോള്‍തന്നെ ഇവിടെയെത്താറുമുണ്ട്. സീവ്യൂ പോയിന്‍റ് യാഥാര്‍ഥ്യമാകുന്നതോടെ സായാഹ്നങ്ങള്‍ ചെലവഴിക്കാന്‍ പയ്യാമ്പലം ബീച്ചുപോലെതന്നെ മറ്റൊരിടമായി ഇവിടം മാറും

കണ്ണന്‍റെ ഊര്

കേരളത്തിനു വടക്ക്, കാസര്‍കോടിനു തൊട്ടു തെക്കായി തെയ്യങ്ങളുടെ ഈ പുണ്യഭൂമി-കണ്ണൂര്‍. കളരിയുടെയും സര്‍ക്കസിന്‍റേയും ജന്മഭൂമി. സഹകരണ പ്രസ്ഥാനത്തിന്‍റെ വിളഭൂമി. കണ്ണൂര്‍. ഇത് കണ്ണന്‍റെ, കൃഷ്ണന്‍റെ ഊര്. ചൈനാക്കാര്‍ക്കും അറബികള്‍ക്കും യുറോപിലുള്ളവര്‍ക്കും ഒരുപോലെ പ്രിയപ്പെട്ട ഊരായിരുന്നു കണ്ണൂരെന്ന് ക്രിസ്തുവിനു ശേഷം 1250 ല്‍ ഇന്ത്യ സന്ദര്‍ശിച്ച മാര്‍ക്കോ പോളോ യാത്രാവിവരണത്തില്‍ വിവരിക്കുന്നുണ്ട്.ഫാഹിയാനും ബുദ്ധ സന്യാസിയായ ഇബￔ് ബത്തൂത്ത എന്നിവരുടെ യാത്രാവിവരണത്തിലും കണ്ണൂരിനെപ്പറ്റി പരാമര്‍ശമുണ്ട്.

മീന്‍കുന്ന് കടപ്പുറം: അഴീക്കോട് പട്ടണത്തിനു വളരെയടുത്ത് സ്ഥിതിചെയ്യുന്ന മീന്‍ കുന്ന് കടല്‍പ്പുറം സഞ്ചാരികളൂടെ പ്രിയതീരമാണ്.കേരളതീരങ്ങളുടെ സവിശേഷതയായ സുവര്‍ണ മണല്‍ത്തീരമാണീ കടപ്പുറത്തിന്‍റേയും പ്രത്യേകത.

മാപ്പിളബേ കടപ്പുറം : പ്രസിദ്ധമായ സെയ്ന്‍റ് ആഞ്ചലോസ് കോട്ടയ്ക്കു സമീപത്തായി കവിത പോലെ മനോഹരമായൊരു കടപ്പുറ ദൃശ്യം. ഇന്തോ-നോര്‍വീജിയന്‍ പദ്ധതിയുടെ ഭാഗമായി നിര്‍മ്മിച്ച മത്സ്യബന്ധന തുറമുഖം പ്രസിദ്ധമാണ്. അനുയോജ്യമായ കാലാവസ്ഥയില്‍ കടലില്‍ നടത്താവുന്ന സവാരി മറക്കാനാവാത്ത അനുഭൂതി തരുന്നു. ക്ഷേത്രത്തിന്‍റെയും കോട്ടയുടെയും അവശിഷ്ടങ്ങള്‍ ഇപ്പോഴും ഈ തീരത്തവശേഷിക്കുന്നു.

മുഴുപ്പിലങ്ങാട് കടപ്പുറം : കണ്ണൂരില്‍ നിന്നു 15 കിലോമീറ്റര്‍ തെക്കായും തലശ്ശേരിയില്‍ നിന്നു എട്ട് കിലോമീറ്റര്‍ വടക്കായും സ്ഥിതിചെയ്യുന്നു. പ്രകൃതിരമണീയമായ വൃത്തിയുള്ള ബീച്ചില്‍ സൂര്യസ്നാനം, കടല്‍ സവാരി എന്നിവ നടത്താം. നാല് കിലോമീറ്റര്‍ നീളമുള്ള ബീച്ചില്‍ വാഹനമോടിക്കാനുള്ള സൗകര്യവുമുണ്ട്.

പഴശ്ശി ഡാം : കണ്ണൂര്‍ നഗരത്തില്‍ നിന്നു 37 കിലോമീറ്റര്‍ ദൂരെ മട്ടന്നൂരിനടുത്തു പഴശ്ശി ഡാമും അനുബന്ധഉദ്യാനവും നയനമനോഹരമായ കാഴ്ചസമ്മാനിക്കുന്നു. ജില്ലാ ടൂറിസ്റ്റ് പ്രാമോഷന്‍ കൗണ്‍സില്‍ ബോട്ടു സവാരിയും ഏര്‍പ്പെടുത്തിയിട്ടുണ്ട്്. ൗയിടെ നിര്‍മ്മിച്ച അമ്യൂസ്മെന്‍റ് പാര്‍ക്ക് ടൂറിസ്റ്റുകളെ വളരെയേറെ ആകര്‍ഷിക്കുന്നു. കേരള സിംഹം പഴശ്ശി രാജാവിന്‍റെ പ്രതിമയാണു മറ്റൊരു മുഖ്യ ആകര്‍ഷണം.

ധര്‍മ്മടം തുരുത്ത് : മുഴുപ്പിലങ്ങാട് കടപ്പുറത്തിനടുത്തായി 100 മീറ്ററോളം അകലെയാണ് ധര്‍മ്മടം തുരുത്ത് .കടലും നദികളും ഇതിനെചുറ്റിക്കിടക്കുന്നു. വേലിയിറക്ക സമയത്ത് കാല്‍നടയായിത്തന്നെ തുരുത്തിലെത്താം. ബുദ്ധമതാനുയായികളുടെ കേന്ദ്രമായിരുന്നധര്‍മ്മടം പണ്ട് ധര്‍മ്മപട്ടണം എന്ന പേരിലാണറിയപ്പെട്ടിരുന്നത്.

സെയ്ന്‍റ് ആഞ്ചലോ കോട്ട : 1505 ഏ.ഡി. യില്‍ ഇന്ത്യയിലെ ആദ്യത്തെ പോര്‍ച്ചുഗീസ് വൈസ്രോയി ഡോണ്‍ ഫ്രാന്‍സിസ്കോ ഡി.അല്‍മേഡാ നിര്‍മ്മിച്ച കോട്ട. പിന്നീട് ഡച്ചുകാരുടെയും, അറയ്ക്കല്‍ രാജാവായ അലി രാജാവിന്‍റെയും പിന്നീട് ബ്രിട്ടീഷുകാരുടെയും നിയന്ത്രണത്തിലായി. കോട്ടകൊത്തളങ്ങളുടെയും പീരങ്കികളുടെയും മറ്റും അവശിഷ്ടങ്ങള്‍ ഈ തീരത്തുണ്ടിപ്പോഴും. ഭരത സര്‍ക്കാരിന്‍റെപുരാവസ്തു ഗവേഷണ വകുപ്പിന്‍റെ സംരക്ഷണത്തിലാണീ കോട്ടയിപ്പോള്‍. മൂന്നു ചുറ്റും കടല്‍ മൂടിയ കോട്ടയില്‍ ചെലവിടുന്ന നിമിഷങ്ങള്‍ സഞ്ചാരികള്‍ക്ക് അനര്‍ഘ നിമിഷങ്ങല്‍ തന്നെ. ടി. പത്മനാഭന്‍ തന്‍റെ 'പ്രകാശം പരത്തുന്ന പെണ്‍കുട്ടി"യിലും പല സിനിമകളിലെ ഗാനരംഗങ്ങളിലും പശ്ഛാത്തലമായ ഇടം.

പ്രതാപത്തിന്‍റെ ഓര്‍മ്മകളുമായി തലശ്ശേരി

Fri, 25 May 2007 08:46:48 +0530

ഞാന്‍ 55 നോടടുത്ത് പ്രായമുള്ള ഒരു സഞ്ചാരി. പേരൊന്നും ചോദിക്കേണ്ട. തലശ്ശേരി കാണാനെത്തിയതാണ്. ലോകത്തിന്‍െറ പല ഭാഗങ്ങളില്‍, ഇന്ത്യയുടെ പല സ്ഥലങ്ങളില്‍ ചുറ്റി സഞ്ചരിച്ച എനിക്ക് സ്വന്തം നാട്ടിലെ കാഴ്ചകളും കൗതുകങ്ങളും കാണാന്‍ സമയം കിട്ടിയില്ല. അല്ല. എനിക്ക് താല്പര്യമുണ്ടായില്ല എന്നു വേണമെങ്കില്‍ പറയാം.

കേരളത്തനിമ ഞാനറിഞ്ഞത് ടി.വിചാനലുകളിലൂടെയാണ്. വടക്കെ ഇന്ത്യയില്‍ കുറച്ചു സ്ഥലത്തൈക്കെ യാത്ര ചെയ്തു കഴിഞ്ഞയാഴ്ച നാട്ടില്‍ മടങ്ങിയെത്തിയതേ ഉള്ളൂ. കുറെ വായിച്ചു. ചരിത്രങ്ങള്‍ പറഞ്ഞുതരാന്‍ പുസ്തകങ്ങളുണ്ടല്ലോ.

തലശ്ശേരി അറിയപ്പെടുന്നത് സര്‍ക്കസിന്‍െറ നാടായിട്ടാണ് . കണ്ണൂരില്‍ നിന്ന് തെക്കുമാറി 20 കിലോമീറ്റര്‍ അകലെയാണ് തലശ്ശേരി പട്ടണം. ഇന്ത്യയില്‍ അറിയപ്പെട്ടിരുന്ന സര്‍ക്കസ്സ്അഭ്യാസികള്‍ ഇവിടുത്തുകാരായിരുന്നു. ജര്‍മ്മന്‍ മിഷനറിമാരായിരുന്നു തലശ്ശേരിക്ക് ജിംനാസ്റ്റിക്ക് എന്ന അഭ്യാസമുറ പകര്‍ന്നുനല്‍കിയത്. മുന്‍സിപ്പാല്‍ സ്റ്റേഡിയത്തിന് അടുത്താണ് ഇന്ത്യയിലെ ആദ്യത്തെ സര്‍ക്കസ് പരിശീലനകേന്ദ്രം. പ്രതാപം നഷ്ടപ്പെട്ടുകൊണ്ടിരിക്കുന്ന സര്‍ക്കസ്കലയുടെ അവസാന ശ്വാസം!

റവന്യൂ റഫറന്‍സ് ലൈബ്രറിയും ഒന്നു കയറി ഇറങ്ങേണ്ടതാണ്. ഏതാണ്ട് 3500 ഓളം പഴയപുസ്തകങ്ങളുള്ള ഒരു പഴയ ലൈബ്രറി. ബ്രിട്ടീഷ് ഭരണകാലത്തെകുറിച്ചും, മലബാറില്‍ അന്ന് നിലവിലുണ്ടായിരുന്ന സാമൂഹിക-സാമ്പത്തിക കാര്യങ്ങളെക്കുറിച്ചു പ്രതിപാദിക്കുന്ന ഈ ഗ്രന്ഥശാല ഗവേഷണവിദ്യാര്‍ത്ഥികള്‍ക്ക് ഒരു മുതല്‍കുട്ടാവുമെന്നതില്‍ സംശയമില്ല.

ജര്‍മ്മന്‍ പാതിരിയായ ഡോ. ഹെര്‍മന്‍ ഗുണ്ടര്‍ട്ടിന്‍െറ ബംഗ്ളാവും എന്നെ ആകര്‍ഷിച്ചു. തലശ്ശേരിയിലെ ഇല്ലികുന്നിലാണ് ഗുണ്ടര്‍ട്ടിന്‍െറ ബംഗ്ളാവ്. 1839മുതല്‍ 20 വര്‍ഷം അദ്ദേഹം ഇവിടെ താമസിച്ചു. മലയാളത്തിലെ ആദ്യത്തെ നിഘണ്ടു തയ്യാറാക്കിയ ഗുണ്ടര്‍ട്ടിനെ മറക്കുന്നതെങ്ങിനെ?

അടുത്തതായി തലശ്ശേരി കോട്ടയാണ്. ബ്രിട്ടീഷ് സാമ്രാജ്യത്തിന്‍െറ കരുത്തിന്‍െറ പ്രതീകമായ തലശ്ശേരി കോട്ട ഇന്നും സഞ്ചാരികളെ ആകര്‍ഷിക്കുന്നു. തിരുവള്ളിപ്പാട് കുന്നില്‍ 1708 ലാണ് തലശ്ശേരി കോട്ട പണിതുയര്‍ത്തിയത്.

ധര്‍മ്മടം തുരുത്താണ് മറ്റൊരു ആകര്‍ഷണം. ധര്‍മ്മടത്തില്‍ നിന്ന് 100 മീറ്റര്‍ കടലില്‍ സ്ഥിതിചെയ്യുന്ന ധര്‍മ്മടം തുരുത്തിനെ ഒരു മനോഹര സഞ്ചാരകേന്ദ്രമാക്കി മാറ്റാം. 5 ഏക്കറാണ് ഈ കൊച്ചു ദ്വീപിന്‍െറ വിസ്ത്രീര്‍ണ്ണം. തെങ്ങുകളും മറ്റു പച്ചപ്പും പുതച്ചുകിടക്കുന്ന ഈ ദ്വീപ് സ്വകാര്യ സ്വത്താണ്.

മുഴപ്പിലാങ്ങാട്ബീച്ചാണ് അടുത്തത്. തലശ്ശേരിയില്‍ നിന്ന് 8 കിലോമീറ്റര്‍ അകലെയാണിത്. നല്ല വൃത്തിയും കണ്ണെത്താദൂരത്ത് നീണ്ടുകിടക്കുന്ന ഈ കടല്‍ത്തീരം കേരളത്തിലെ ഏക ഡ്രൈവ് -ഇന്‍- ബീച്ചാണ്. കടല്‍തീരത്തിലൂടെ തടസ്സമില്ലാതെ 4 കിലോമീറ്റര്‍ വാഹനമോടിച്ചു പോകാം.

ഇനിയുമുണ്ട് സ്ഥലങ്ങളേറെ കാണാന്‍. ഇനിയുമെത്ര കാഴ്ചകള്‍!. ഈ നാട് സ്വര്‍ഗ്ഗമാണ്. ഇവിടെ ജനിച്ചവര്‍ ഭാഗ്യവാന്മാരും.