രഘുവരന്‍ ഒരിക്കലും എന്റെ സിനിമാ ജീവിതത്തെ പിന്തുണച്ചിട്ടില്ല. അതാന് വിവാഹം കഴിഞ്ഞ് കരിയറില്‍ ഒരു ബ്രേക്ക് എടുത്ത് 7 വര്‍ഷം സിനിമകളില്ലാതെ മാറി നില്‍ക്കാനുള്ള കാരണം. അങ്ങനെയുള്ള ഒരു ചുറ്റുപാടിലാണ് രഘു ജീവിച്ചത്. അവരുടെ കുടുംബത്തിലെ സ്ത്രീകളാരും പുറത്ത് പോയി ജോലി ചെയ്തിരുന്നില്ല. അദ്ദേഹത്തിനും ഭാര്യ തന്റെ സംരക്ഷണത്തിലായിരിക്കണമെന്ന ചിന്തയാണുണ്ടായിരുന്നത്. അതില്‍ നിന്ന് പുറത്ത് കടക്കാന്‍ എനിക്കും സമയമെടുത്തു.

അത്രയും പോരാടിയാണ് സിനിമയില്‍ തിരിച്ചുവന്നതും സിനിമ സംവിധാനം ചെയ്തതുമെല്ലാം. വര്‍ഷങ്ങളായി ഞാന്‍ സിനിമയിലുണ്ട്. 7 വര്‍ഷം മാത്രമാണ് ഞാന്‍ രഘുവരന്‍ എന്ന മനുഷ്യനൊപ്പം ജീവിച്ചത്. തീര്‍ച്ചയായും എന്റെ മുന്‍ ഭര്‍ത്താവും എന്റെ കുട്ടികളുടെയും അച്ഛനാണ്. എന്റെ ജീവിതം, നജന്‍ ചെയ്ത എല്ലാ കാര്യങ്ങളും രഘുവരന്‍ എന്ന ഒറ്റ മനുഷ്യന്റെ പേരില്‍ ആശ്രയിച്ചിരിക്കുന്നതില്‍ വേദനയുണ്ട്. ഞങ്ങളുടെ വിവാഹജീവിതത്തെ പറ്റിയും വേര്‍പിരിയലിനെ പറ്റിയുമെല്ലാം ഞാന്‍ ഏറെ പറഞ്ഞുകഴിഞ്ഞു. ഇനി എന്റെ സിനിമകളെ പറ്റി ചോദിക്കു. എന്നെ പറ്റി ചോദിക്കു എന്നാണ് ഞാന്‍ ഇപ്പോള്‍ പറയാറുള്ളത്. രോഹിണി പറഞ്ഞു.

 1996ലായിരുന്നു രോഹിണിയും രഘുവരനും തമ്മിലുള്ള വിവാഹം. 2004ല്‍ ഇവര്‍ വിവാഹമോചിതരായത്. ഈ ബന്ധത്തില്‍ ഋഷിവരന്‍ എന്ന മകനും ഇവര്‍ക്കുണ്ട്.

ഒരു വലിയ മിഷന്റെ ഭാഗമായി കൊല്ലാന്‍ വരെ ട്രെയിന്‍ ചെയ്യിക്കപ്പെട്ട പെണ്‍കുട്ടിയായാണ് ആലിയ സിനിമയിലെത്തുന്നത്. 18 വയസ്സിലെത്തുന്ന ആലിയക്ക് പിറന്നാള്‍ സമ്മാനമായി ആദ്യ മിഷന്‍ നല്‍കുന്ന ബോബി ഡിയോളും ചെറുപ്പം മുതല്‍ ആലിയയെ ഒരു പോരാളിയാക്കി വളര്‍ത്തുന്ന ബോബി ഡിയോളിന്റെയും രംഗങ്ങളാണ് സിനിമയിലുള്ളത്. ബോളിവുഡിലെ പത് ഗ്ലാമര്‍ റോളുകളില്‍ നിന്നും വ്യത്യസ്തമായി കഠിനമായ ആക്ഷന്‍ രംഗങ്ങള്‍ അടങ്ങിയ സിനിമയായാണ് ആല്‍ഫ ഒരുങ്ങുന്നത്.

ദ റെയില്‍വേ മാന്‍ എന്ന പ്രേക്ഷകപ്രശംസ നേടിയ സീരീസിലൂടെ ശ്രദ്ധേയനായ ശിവ് റാവലാണ് ചിത്രം സംവിധാനം ചെയ്യുന്നത്. പത്താന്‍, വാര്‍, ടൈഗര്‍ എന്നീ സിനിമകള്‍ക്ക് ശേഷം യഷ് രാജിന്റെ സ്‌പൈ സീരീസിന്റെ ഭാഗമായാണ് ചിത്രം ഒരുങ്ങുന്നത്. സ്‌പൈ സീരിസിലെ ആദ്യ നായിക സ്റ്റാന്‍ഡ് എലോണ്‍ ചിത്രമാണ് ആല്‍ഫ. ജൂലൈ 3നാണ് സിനിമ തിയേറ്ററുകളിലെത്തുന്നത്.

ALSO READ: സൂര്യയുടെ കറുപ്പ് ഒടിടിയിലേക്ക്.., എവിടെ കാണാനാകും? എന്ന് മുതൽ വിവരങ്ങൾ അറിയാം

Bharathiraja

തിരക്കഥാകൃത്ത്, അഭിനേതാവ്, സംവിധായകൻ എന്നീ നിലകളിലെല്ലാം ഭാരതിരാജ ദക്ഷിണേന്ത്യൻ സിനിമയിലെ അവിഭാജ്യ ഘടകമായിരുന്നു. 16 വയതിനിലെ ആണ് ഭാരതിരാജയുടെ ആദ്യ സിനിമ. കിഴക്കേ പോകും റെയിൽ, സിഗപ്പു റോജാക്കൽ, നിഴൽഗൾ, ടിക് ടിക് ടിക്, കാതൽ ഒവിയം തുടങ്ങി ഒട്ടേറെ ക്ലാസിക്കുകൾ ഒരുക്കി. 

21 ഓളം ചിത്രങ്ങളിൽ ഭാരതിരാജ അഭിനയിച്ചിട്ടുണ്ട്. മോഹൻലാൽ നായകനായെത്തിയ 'തുടരും' സിനിമയിൽ ഭാരതിരാജ അഭിനയിച്ചിരുന്നു. 2004 ലാണ് പത്മശ്രീ പുരസ്‌കാരം ലഭിച്ചത്. 

 1977ല്‍ പുറത്തുവന്ന 16 വയതിനിലെ എന്ന സിനിമ തമിഴ് സിനിമയില്‍ ഒരു വിപ്ലവമായിരുന്നു. കമല്‍ഹാസന്‍ നായകനായെത്തിയ സിനിമ കൃത്രിമമായ സെറ്റുകള്‍ക്കും അമിത നാടകീയതകള്‍ക്കുമെല്ലാം കര്‍ട്ടനിട്ടു. യഥാര്‍ഥ ഗ്രാമങ്ങളിലേക്ക് ഭാരതിരാജ തന്റെ കാമറ തിരിച്ചുവെച്ചു. ഗ്രാമീണ ജീവിതം അതിന്റെ പച്ചയായ തലത്തില്‍ ആവിഷ്‌കരിച്ചുകൊണ്ടാണ് ഭാരതിരാജ വിപ്ലവം തീര്‍ത്തത്.

കിഴക്കെ പോകും റെയില്‍, അലൈകള്‍ ഒയ്വതില്ലെ, മണ്‍ വാസനൈ, മുതല്‍ മര്യാദ കറുത്തമ്മ. ഒരേസമയം ഗ്രാമീണ ജീവിതവും സംഘര്‍ഷങ്ങളും ജാതിയും ദാരിദ്ര്യവും സ്ത്രീകളുടെ ജീവിതവും മനുഷ്യന്റെ സാമൂഹിക സംഘര്‍ഷങ്ങളും പ്രണയവും മാനഭംഗവുമെല്ലാം അടയാളപ്പെടുത്തിയ ജീവിതം നിറഞ്ഞുനിന്ന സിനിമകള്‍.

വെറും സ്ത്രീദേഹങ്ങളില്‍ നിന്ന് മാറി വ്യക്തിത്വമുള്ള സ്ത്രീ കഥാപാത്രങ്ങള്‍. രാധ, രേവതി, രാധിക, രേഖ, രഞ്ജിനി തുടങ്ങിയവര്‍ കഥാപാത്രങ്ങള്‍ക്ക് മുഖം നല്‍കിയപ്പോള്‍ ഈ കഥാപാത്രങ്ങള്‍ വെറും ഗാനരംഗങ്ങളില്‍ വരേണ്ടവരല്ല സ്ത്രീളെന്ന ബോധ്യമാണ് തമിഴ് സിനിമയ്ക്ക് സമ്മാനിച്ചത്. അമിതമായ മേക്കപ്പോ ഗ്ലാമറോ ഒന്നും തന്നെയില്ലാതെ ഗ്രാമീണ സ്ത്രീയുടെ സൗന്ദര്യം അതിന്റെ സ്വാഭാവികതയില്‍ ആദ്യം അവതരിപ്പിച്ച സംവിധായകരില്‍ ഒരാളായിരുന്നു ഭാരതിരാജ.

പ്രകൃതിയും നീണ്ട ഷോട്ടുകളും വയലും മഴയുമെല്ലാം നിറഞ്ഞ ഭാരതിരാജയുടെ ദൃശ്യങ്ങള്‍ സ്റ്റുഡിയോ ലൈറ്റുകളും കൃത്രിമമായ അന്തരീക്ഷവും നിറഞ്ഞുനിന്ന തമിഴ് സിനിമയെ മാറ്റിമറിച്ചു. മണിരത്‌നം മുതല്‍ വെട്രിമാരന്‍ വരെ നീളുന്ന വലിയ വിഭാഗം തമിഴ് സംവിധായകര്‍ക്ക് പ്രചോദനമായി മാറിയതും വഴികാട്ടിയായതും ഭാരതിരാജയായിരുന്നു. ഗ്രാമത്തെ ആസ്പദമാക്കി റൂറല്‍ സിനിമകളല്ല ഭാരതിരാജ ഒരുക്കിയിരുന്നത്.ഒരേസമയം യാഥാര്‍ഥ്യത്തില്‍ അവതരിപ്പിക്കുമ്പോള്‍ പോലും അതിനെ സിനിമാറ്റിക്കായി പ്രേക്ഷകരിലെത്തിക്കാന്‍ പ്രത്യേക മിടുക്ക് ഭാരതിരാജയ്ക്കുണ്ടായിരുന്നു.

ഭാരതിരാജ സിനിമകളിലെ സംഗീതവും വ്യത്യസ്തമാണ്. സംഗീത സംവിധായകന്‍ ഇളയരാജയുമൊത്ത് തമിഴ് സിനിമാ ഗാനരംഗത്തിലെ തന്നെ ഒരുപിടി നല്ല ഗാനങ്ങള്‍ ഭാരതിരാജ പ്രേക്ഷകര്‍ക്ക് നല്‍കിയിട്ടുണ്ട്. ഭാരതിരാജയുടെ ദൃശ്യങ്ങളും ഇളയരാജയുടെ സംഗീതവും തമിഴ് സിനിമയുടെ ഭാവുകത്വം തന്നെ മാറ്റുന്നതായിരുന്നു.
 

നെപ്പോളിയന്‍, സത്യരാജ്, കമല്‍ഹാസന്‍ തുടങ്ങിയ അഭിനേതാക്കള്‍ക്ക് മികച്ച കഥാപാത്രങ്ങള്‍ സമ്മാനിക്കാന്‍ ഭാരതിരാജയ്ക്ക് സാധിച്ചു.നായകത്വത്തിന്റെ സ്ഥിരം രൂപങ്ങള്‍ തകര്‍ത്തും സാധാരണ മനുഷ്യരെ കേന്ദ്രത്തിലാക്കി സിനിമ പറയാനും അദ്ദേഹം ധൈര്യം കാണിച്ചു.  ഗ്രാമങ്ങള്‍ മാറിയെങ്കിലും മനുഷ്യരുടെ വികാരങ്ങളും സാമൂഹിക അസമത്വങ്ങളും ഇന്നും അതേപടി നിലനില്‍ക്കുന്നു എന്നതിനാല്‍ തന്നെ ഭാരതിരാജയുടെ സിനിമകള്‍ ഇന്നും പ്രസക്തമാണ്.ALSO READ: 48 വയസിലെ മനോജ് ഭാരതിരാജയുടെ അപ്രതീക്ഷിതമരണം, ഹൃദയം തകർന്ന് ഭാര്യയും നടിയുമായ നന്ദന

Suriya - Karuppu Movie

ആഗോളതലത്തില്‍ സിനിമ 300 കോടിയിലധികം രൂപ കളക്റ്റ് ചെയ്തിരുന്നു. ആമസോണ്‍ വീഡിയോയിലൂടെ ജൂണ്‍ 12 മുതലാകും സിനിമയുടെ സ്ട്രീമിംഗ് ആരംഭിക്കുക. തമിഴിന് പുറമെ മലയാളം, തെലുങ്ക്,ഹിന്ദി, കന്നഡ ഭാഷകളിലും സിനിമ റിലീസ് ചെയ്യും. സൂര്യയ്ക്ക് പുറമെ തൃഷ, ഇന്ദ്രന്‍സ്, അനഘ, സ്വാസിക ശിവദ, സുപ്രീത് റെഡ്ഡി എന്നിവരും സിനിമയില്‍ മറ്റ് പ്രധാനവേഷങ്ങളിലെത്തുന്നത്. സായ് അഭയങ്കറാണ് ആണ് സിനിമയുടെ സംഗീത സംവിധാനം നിര്‍വഹിച്ചിരിക്കുന്നത്.ALSO READ: ബോക്സ് ഓഫീസിൽ 'കറുപ്പ്' തരംഗം! 300 കോടി ക്ലബ്ബിൽ ഇടംനേടി സൂര്യ-ആർ.ജെ ബാലാജി ചിത്രം

VD Satheesan

ഫാസ്റ്റ് പാസഞ്ചര്‍ ഉള്‍പ്പടെയുള്ള ഉയര്‍ന്ന ശ്രേണിയിലുള്ള ബസുകളിലും ദീര്‍ഘദൂര സര്‍വീസുകളിലും തുടക്കത്തിലെ സൗജന്യയാത്ര അനുവദിക്കുന്നത് പ്രായോഗിക ബുദ്ധിമുട്ടുകള്‍ക്കും വരുമാന നഷ്ടത്തിനും കാരണമാകുമെന്ന് കെഎസ്ആര്‍ടിസി വിദഗ്ധ സമിതി വിലയിരുത്തിയിരുന്നു. അതിനാല്‍ തന്നെ 100 ദിവസങ്ങളില്‍ ഓര്‍ഡിനറി ബസുകളില്‍ മാത്രം സൗജന്യയാത്ര പരിമിതപ്പെടുത്തി കാര്യങ്ങള്‍ വിലയിരുത്തിയ ശേഷമാകും മറ്റ് ബസുകളിലേക്ക് കൂടി ആനുകൂല്യം വ്യാപിപിക്കുന്നത് പരിഗണിക്കുക. ഓര്‍ഡിനറി ബസുകളില്‍ മാത്രം പദ്ധതി നടപ്പിലാക്കുമ്പോള്‍ പ്രതിമാസം 57 കോടിയുടെ അധികബാധ്യതയുണ്ടാക്കുമെന്നാണ് കെഎസ്ആര്‍ടിസി കണക്കാക്കുന്നത്.

Chandhu Salim Kumar

സലിം കുമാറിനു അന്ത്യോപചാരം അർപ്പിക്കാൻ മലയാള സിനിമയിലെ പ്രമുഖരെല്ലാം എത്തിയിരുന്നു. ഇതോടെ അവിടെയുണ്ടായിരുന്ന ഓൺലൈൻ മാധ്യമങ്ങൾ തിക്കും തിരക്കും കൂട്ടി. ചടങ്ങ് നടത്താൻ പോലും കഴിയാത്ത വിധം ഉന്തും തള്ളുമായി. ഈ സമയത്താണ് തിരക്ക് നിയന്ത്രിക്കാൻ ചന്തുവിനു ഇടപെടേണ്ടി വന്നത്. 

എന്റെ ഇരുപതുകളുടെ പകുതിയിലാണ് ഞാന്‍ സിനിമയിലെത്തിയത്. മുപ്പതുകളിലേക്ക് കടക്കുമ്പോള്‍ അവര്‍ പറഞ്ഞത് നിങ്ങള്‍ക്ക് പ്രായം ഓവറായില്ലെ, ഈ പ്രായത്തില്‍ റോം കോം ചെയ്യാനാകുമോ എന്നാണ്. ഈ ചോദ്യം നിങ്ങള്‍ക്ക് ഷാറൂഖ് ഖാനോട് ചോദിക്കാനാവുമോ. അന്‍പതും അറുപതും വയസ്സുള്ള നടന്മാര്‍ ഇപ്പോഴും പകുതി പ്രായമുള്ള നായികമാര്‍ക്കൊപ്പം പ്രണയരംഗങ്ങളില്‍ അഭിനയിക്കുമ്പോള്‍ ആരും അതെന്താണ് ചോദ്യം ചെയ്യാത്തതെന്നും തപ്‌സി ചോദിക്കുന്നു.

ഒരു നടിക്ക് പ്രായമാകുമ്പോള്‍ അവര്‍ ഇനി അമ്മ വേഷങ്ങളോ ചേച്ചി വേഷങ്ങളോ ചെയ്യണം എന്ന ധാരണയാണ് ഇവിടെ പലര്‍ക്കുമുള്ളത്. എന്നാല്‍ ഇതേ ചോദ്യം 60 വയസ്സിലേക്ക് അടുക്കുന്ന ഷാരൂഖ് ഖാനോട് ചോദിക്കാന്‍ നിങ്ങള്‍ക്ക് ധൈര്യമുണ്ടോ? അദ്ദേഹം ഇപ്പോഴും ആക്ഷന്‍ ഹീറോയായും പ്രണയ നായകനായും തിളങ്ങുമ്പോള്‍ പ്രേക്ഷകര്‍ അത് ആഘോഷമാക്കുകയാണ്. എന്നാല്‍ നടിമാര്‍ക്ക് മാത്രം എന്തുകൊണ്ടാണ് ഈ നിയമം ബാധകമാകാത്തത്?  

സിനിമയിലെ ഈ ഇരട്ടത്താപ്പ് മാറണമെങ്കില്‍ നടിമാര്‍ തങ്ങള്‍ക്ക് ലഭിക്കുന്ന അവസരങ്ങളില്‍ മാറ്റം വരുത്തണമെന്ന് തപ്സി പറയുന്നു. പ്രായമല്ല, മറിച്ച് ഒരു നടിയുടെ കഴിവും അവര്‍ സ്‌ക്രീനില്‍ കൊണ്ടുവരുന്ന ഊര്‍ജ്ജവുമാണ് പ്രധാനം. 'സാന്ദ് കി ആംഖ്' പോലുള്ള ചിത്രങ്ങളില്‍ പ്രായമായ സ്ത്രീയുടെ വേഷം താന്‍ മുന്‍പ് ചെയ്തിട്ടുണ്ടെന്നും, എന്നാല്‍ അത് കരിയറിന്റെ അവസാനമല്ലെന്നും താരം ഓര്‍മ്മിപ്പിച്ചു. തന്റെ പ്രായത്തെക്കുറിച്ചോ ലുക്കിനെക്കുറിച്ചോ വരുന്ന അനാവശ്യ കമന്റുകളെ താന്‍ ഒട്ടും ഗൌനിക്കാറില്ലെന്നും, ഒരു അഭിനേത്രി എന്ന നിലയില്‍ തനിക്ക് ചെയ്യാന്‍ കഴിയുന്ന മികച്ച കഥാപാത്രങ്ങള്‍ തിരഞ്ഞെടുക്കാനാണ് താന്‍ എപ്പോഴും ശ്രമിക്കുന്നതെന്നും തപ്സി വ്യക്തമാക്കി.

ഇപ്പോഴിതാ സിനിമയുടെ സിനിമയുടെ ട്രെയ്ലര്‍ കഴിഞ്ഞ ദിവസം പുറത്തുവന്നതോടെ സിനിമയിലെ പ്രധാന സ്ത്രീ കഥാപാത്രത്തെ അവതരിപ്പിച്ച നടി ആരെന്ന തിരിച്ചിലിലായിരുന്നു സോഷ്യല്‍ മീഡിയ. സിനിമയുടെ ടൈറ്റില്‍ റോളില്‍ ആദിശേഷന്‍ എന്ന ബാലതാരമാണ് എത്തുന്നത്. അതേസമയം ബാലന്റെ അമ്മയായി എത്തുന്നത് പുതുമുഖ താരമായ ഫര്‍സാന പാലത്തിങ്കലാണ്. ഒരു പുതുമുഖ നടിക്ക് തന്റെ ആദ്യ ചിത്രത്തിന്റെ ട്രെയിലറിലൂടെ തന്നെ ഇത്രയും വലിയ പ്രേക്ഷകശ്രദ്ധ ലഭിക്കുന്നത് മലയാള സിനിമയില്‍ അടുത്ത കാലത്തൊന്നും കണ്ടിട്ടില്ലാത്ത ഒരു പ്രതിഭാസമാണ്.

മലയാള സിനിമയില്‍ ഇതുവരെ കാണാത്ത മുഖമാണെങ്കിലും അഭിനയത്തെ സീരിയസായി കാണുന്ന തിയേറ്റര്‍ പശ്ചാത്തലമുള്ള കലാകാരിയാണ് ഫര്‍സാന. തിയറ്റര്‍ ആര്‍ട്ടിസ്റ്റ് എന്നതിനൊപ്പം മോഡലും പീഡിയാട്രിക് ഒക്കുപ്പേഷണല്‍ തെറാപ്പിസ്റ്റുമാണ് ഫര്‍സാന. മലയാളി ആണെങ്കിലും ദുബായിലാണ് ഫര്‍സാന പഠിച്ചതും വളര്‍ന്നതും.ബിരുദ പഠനകാലത്താണ് ഫര്‍സാന നാടകത്തില്‍ സജീവമായത്. 2015ല്‍ ഫെമിന മിസ് ഇന്ത്യയുടെ ക്യാമ്പസ് പ്രിന്‍സസ് മത്സരത്തിലേക്ക് ഫര്‍സാന തിരെഞ്ഞെടുക്കപ്പെട്ടിരുന്നു. വിവിധ ആഗോള ബ്രാന്‍ഡുകളുടെ പരസ്യചിത്രങ്ങളിലും അഭിനയിച്ചിട്ടുണ്ട്.

 ബോളിവുഡ് സംവിധായകന്‍ അനുരാഗ് കശ്യപിന്റെ മെട്രോ ഇന്‍ ദിനോ, ഐ ജെ ഇന്‍സ്‌പെക്ടര്‍ ജംഷീദ് എന്നീ ചിത്രങ്ങളിലും ചില ശ്രദ്ധേയ മ്യൂസിക് വീഡിയോകളിലും ഫര്‍സാന അഭിനയിച്ചിട്ടുണ്ട്.
 

Mollywood Times Review

കുട്ടിക്കാനത്തെ ഒരു സാധാരണ കുടുംബത്തിൽ ജനിച്ച വിനീത് മാധവനിലൂടെയാണ് സിനിമയുടെ കഥ പറച്ചിൽ. ഹൊറർ നോവലുകളോടു അടങ്ങാത്ത അഭിനിവേശമുള്ള പയ്യൻ. പ്രേക്ഷകരെ ഭയപ്പെടുത്തുന്ന ഹോളിവുഡ് നിലവാരത്തിലുള്ള സിനിമ ചെയ്യണമെന്നാണ് വിനീത് മാധവന്റെ ആഗ്രഹം. ഓരോരുത്തരുടെയും വിധിയും തലവരയും തീരുമാനിക്കേണ്ടത് അവരവർ തന്നെയാണെന്ന് വിനീത് ഉറച്ചുവിശ്വസിക്കുന്നു. അതിനായി പരിശ്രമങ്ങൾ നടത്തുന്നു. 

Read Here: Dharmajan Bolgatty: 'അദ്ദേഹം കഴിച്ചിട്ടില്ല'; ധർമജൻ മദ്യപിച്ചാണ് എത്തിയതെന്ന വിമർശനങ്ങൾക്കു ബിബിന്റെ മറുപടി
 

എത്ര വലിയ വീഴ്ചകളിലും ഉയർന്നുപൊങ്ങും താനെന്ന് കഥാനായകനു ആത്മവിശ്വാസമുണ്ട്. അതുകൊണ്ട് സിനിമയെന്ന വലിയ സ്വപ്നത്തിലേക്കുള്ള ഏത് പ്രതിസന്ധിയെയും തരണം ചെയ്യാൻ തീരുമാനിച്ചുറച്ച മനസാണ് വിനീതിന്റേത്. മുകുന്ദൻ ഉണ്ണി അസോസിയേറ്റ്സ് പോലെ മോണോലോഗിലൂടെയാണ് കഥ പ്രേക്ഷകരുമായി സംവദിക്കുന്നത്. മറ്റുള്ള കഥാപാത്രങ്ങളുടെ വികാരവിചാരങ്ങളെ പോലും വിനീതാണ് പ്രേക്ഷകർക്കു പറഞ്ഞുതരുന്നത്. മലയാളത്തിനു അത്രത്തോളം പരിചിതമല്ലാത്ത കഥപറച്ചിൽ രീതി കെട്ടുറപ്പുള്ള തിരക്കഥയുടെ ബലത്തിൽ വിജയകരമായി പൂർത്തിയാക്കുന്നുണ്ട് അഭിനവ്. 

രണ്ടാം പകുതിയിലേക്ക് എത്തുമ്പോൾ സിനിമയുടെ ഒഴുക്കിനു ആദ്യപകുതിയിൽ നിന്ന് അൽപ്പം കൈമോശം സംഭവിക്കുന്നു. സിനിമ ഇൻഡസ്ട്രിക്കുള്ളിലെ രാഷ്ട്രീയമാണ് രണ്ടാം പകുതി പ്രധാനമായും കൈകാര്യം ചെയ്യുന്നത്. സിനിമയിലെ പവർ പൊളിറ്റിക്സിന്റെ ഇരയാകുന്നു വിനീത്. ആത്മാർഥമായ പരിശ്രമങ്ങൾക്കൊടുവിൽ വീഴ്ചകളിൽ നിന്ന് വീഴ്ചകളിലേക്കാണ് കഥാനായകൻ പോയിക്കൊണ്ടിരിക്കുന്നത്. 'എന്റെ വിധി തീരുമാനിക്കുന്നത് ഞാനല്ല, മറ്റു പലരുമാണ്' എന്ന പരുക്കൻ യാഥാർഥ്യം വിനീത് തിരിച്ചറിയുന്നത് ഈ വീഴ്ചകളിലാണ്. അവിടെയും പോരാട്ടം നിർത്തുന്നില്ല, ജീവിതവും സിനിമയും തുടരുകയാണ്...! 

മുകുന്ദൻ ഉണ്ണി അസോസിയേറ്റ് ഇഷ്ടപ്പെട്ട പ്രേക്ഷകർക്കു മോളിവുഡ് ടൈംസ് നല്ലൊരു വിഷ്വൽ ട്രീറ്റായിരിക്കും. രണ്ടാം പകുതിയിലെ മേക്കിങ് പാളിച്ചകൾ സിനിമയുടെ കുറവാകുമ്പോഴും മലയാളത്തിലെ വേറിട്ട പരിശ്രമമെന്ന നിലയിൽ സംവിധായകൻ കൈയടി അർഹിക്കുന്നു. 

Mollywood Times Malayalam Review

നായകൻ നസ്ലൻ തന്റെ കരിയറിലെ ഏറ്റവും ബോൾഡ് ആയ കഥാപാത്രത്തെയാണ് മോളിവുഡ് ടൈംസിൽ അവതരിപ്പിച്ചിരിക്കുന്നത്. വ്യത്യസ്ത കാലഘട്ടങ്ങളെ അതിന്റെ പക്വതയോടെ അഭിനയിച്ചു ഫലിപ്പിക്കുന്നതിൽ നസ്ലൻ വിജയിച്ചു. ചോക്ലേറ്റ് ബോയ് വേഷങ്ങൾക്കപ്പുറം മികച്ച കഥാപാത്രങ്ങൾ ചെയ്യാൻ നസ്ലനു അവസരം തുറന്നിടുക കൂടി ചെയ്യുന്നുണ്ട് മോളിവുഡ് ടൈംസ്. ഷറഫുദ്ദീൻ, സംഗീത് പ്രതീപ്, റോഷൻ ഷാനവാസ് എന്നിവരുടെ പ്രകടനങ്ങളും എടുത്തുപറയേണ്ടതാണ്. 

സിനിമയുടെ ഴോണറിനനുസരിച്ചുള്ള സംഗീതമാണ് ജേക്സ് ബിജോയ് നൽകിയിരിക്കുന്നത്. വിശ്വജിത്തിന്റെ ക്യാമറയും അഭിനവ് സുന്ദർ, നിധിൻ രാജ് എന്നിവരുടെ എഡിറ്റും സിനിമയുടെ വിഷ്വൽ ഗ്രാഫ് ഉയർത്തുന്നു. 

എല്ലാവിധ പ്രേക്ഷകരെയും തൃപ്തിപ്പെടുത്താൻ മോളിവുഡ് ടൈംസിനു കഴിയില്ലെങ്കിലും സിനിമയെ ഗൗരവത്തിൽ കാണുന്ന പ്രേക്ഷകർ തീർച്ചയായും തിയറ്ററിൽ നിന്ന് തന്നെ ആസ്വദിക്കേണ്ടതാണ്.

Dharmajan Bolgatty and Bibin George

രാവിലെ തന്നെ മദ്യപിച്ച് എത്തിയിരിക്കുന്നു, നാല് കാലിലാണോ ഉദ്ഘാടനത്തിനു വരുന്നത്, ഷർട്ടിന്റെ ബട്ടൺ വരെ തെറ്റിച്ചിട്ടിരിക്കുന്നു...തുടങ്ങി ധർമജനെതിരെ ധാരാളം കമന്റുകളുണ്ട്. ഒരാളുടെ സഹായമില്ലാതെ നിൽക്കാൻ പോലും പറ്റാത്ത അവസ്ഥയാണല്ലോ എന്ന് അതിരുകടന്ന് കമന്റ് ചെയ്തവരുമുണ്ട്. 

വിമർശനങ്ങളും പരിഹാസങ്ങളും അതിരുകടന്നതോടെ ബിബിൻ ജോർജ് തന്നെ ധർമജനെ പിന്തുണച്ച് രംഗത്തെത്തി. 'രാവിലെ തന്നെ വെള്ളം, ഷർട്ടിന്റെ ബട്ടൺ വരെ തെറ്റിച്ചാണ് ഇട്ടിരിക്കുന്നത്' എന്നൊരു കമന്റിനോടു പ്രതികരിക്കുകയായിരുന്നു ബിബിൻ ജോർജ്.

'നിങ്ങളുടെ വർക്കിനെ ബഹുമാനിക്കുന്നു. പക്ഷെ ദൈവം സത്യം. അദ്ദേഹം കഴിച്ചിട്ടില്ല. ദൈവം നിങ്ങളെ അനുഗ്രഹിക്കട്ടെ' എന്നാണ് ബിബിൻ ജോർജ് നൽകിയ മറുപടി. 

Read Here: താൻ ഗർഭിണിയാണെന്ന സൂചന നൽകി സജ്‌ന; റസൂൽ പൂക്കുട്ടിക്കൊപ്പമുള്ള ചിത്രവും പങ്കുവെച്ചു

ഉദ്ഘാടനത്തിനെത്തിയ ധർമജന്റെ ശരീരഭാഷ കണ്ടാണ് പലരും നടനെതിരെ കമന്റിടുന്നത്. വീഡിയോയിൽ ധർമജനു ബാലൻസ് നഷ്ടമാകുന്നതും വീഴാതിരിക്കാൻ ബിബിൻ ജോർജ് പിടിക്കുന്നതും കാണാം. 

അതേസമയം ധർമജനെ അനുകൂലിച്ചും നിരവധി പേർ രംഗത്തെത്തിയിട്ടുണ്ട്. ധർമജനു എന്തെങ്കിലും ശാരീരിക ബുദ്ധിമുട്ടുകൾ ഉണ്ടെങ്കിലോ എന്നാണ് അവരുടെ ചോദ്യം. ആരോഗ്യപരമായ ബുദ്ധിമുട്ടുകൾ കാരണമായിരിക്കാം ചിലപ്പോൾ അങ്ങനെ കാണപ്പെട്ടത്. എന്തിനാണ് ആളുകൾ ഇത്രയും മോശക്കാരനായി അദ്ദേഹത്തെ ചിത്രീകരിക്കുന്നതെന്നും ധർമജനെ പ്രതിരോധിച്ചു സംസാരിക്കുന്നവർ ചോദിക്കുന്നു. 

Santhosh Trophy Movie

മറ്റു പ്രൊജക്ടുകളുടെ തിരക്ക് മൂലമാണ് പൃഥ്വിരാജ് ഈ ചിത്രത്തിൽ നിന്ന് പിന്മാറിയതെന്നാണ് വിവരം. ചിത്രത്തിന്റെ സെക്കന്റ് ഷെഡ്യൂൾ ഷൂട്ടിങ് ആരംഭിച്ചു. 'ഗുരുവായൂരമ്പലനടയിൽ' എന്ന സൂപ്പർഹിറ്റ് ചിത്രത്തിനു ശേഷം വിപിൻ ദാസ് സംവിധാനം ചെയ്യുന്ന ചിത്രമാണ് 'സന്തോഷ് ട്രോഫി'. ലിസ്റ്റിൻ സ്റ്റീഫനാണ് നിർമാണം. 

ഈ സിനിമയിലൂടെ 60 പുതുമുഖങ്ങളാണ് വെള്ളിത്തിരയിലേക്ക് എത്തുന്നത്. അങ്കിത് മേനോൻ ആണ് സംഗീതം. 

പതുക്കെ റിലാക്‌സ് ചെയ്തിട്ട് വേറെ ഴോണറുകള്‍ ചെയ്യാനുള്ള ശ്രമത്തിലാണ്. അങ്ങനെ കിട്ടണമെന്നാണ് ആഗ്രഹം. അതിനുള്ള ശ്രമത്തിലാണ്. ഹൊറര്‍, മ്യൂസിക്കല്‍ അതുപോലെ കുട്ടികളുടെ സിനിമ. പണ്ട് രാജുവിനോട് ഒരു കഥ പറഞ്ഞിരുന്നു. അതൊരു സീരിയസ് സിനിമയാണ്. മെമ്മറീസിന്റെ സമയത്തായിരുന്നു. എപ്പോള്‍ എഴുതി തീര്‍ത്തോ ഡേറ്റ് തരാമെന്നാണ് രാജു പറഞ്ഞത്. ഒരു ത്രില്ലറോ മറ്റോ ഒന്നുമല്ല. ഒരു ഫാമിലി ഡ്രാമയാണ്. ചിലപ്പോള്‍ അത് ഫെസ്റ്റിവലിന് അയക്കേണ്ട സിനിമയാകും. കൊമേഴ്ഷ്യലി റിലീസ് ചെയ്താല്‍ എങ്ങനെയാകുമെന്ന് എനിക്കറിയില്ല. ജീത്തു ജോസഫ് പറഞ്ഞു.

 ഇതുവരെ ആ പ്രൊജക്റ്റിനായി എഴുതാന്‍ പറ്റിയിട്ടില്ലെന്നും അതെഴുതുന്ന കാര്യം വരുമ്പോള്‍ തന്നെ ഞാന്‍ മടി പിടിച്ച് ഇരിക്കുകയാണെന്നും ജീത്തു പറയുന്നു. ഈയിടെ മോള്‍ എന്നോട് ചോദിച്ചു. എന്താണ് ആ സ്‌ക്രിപ്റ്റ് എഴുതാത്തതെന്ന്, എപ്പോഴും കൊമേഴ്ഷ്യല്‍ മാത്രം ചിന്തിക്കാതെ അത്തരമൊരു ചിത്രം കൂടി ചെയ്തൂടെ എന്ന് ചോദിച്ചു. ജീത്തു ജോസഫ് പറഞ്ഞു.

ദൃശ്യം 3 ചിത്രീകരണം പൂര്‍ത്തിയായി. കഴിഞ്ഞ കുറെ മാസങ്ങളായി ഒട്ടനവധി രാപ്പകലുകള്‍ സിനിമയ്ക്കായി ചെലവഴിച്ചു. വെല്ലുവിളികളെ അതിജീവിച്ചു. സാവധാനം ഈ കഥയ്ക്ക് ജീവന്‍ നല്‍കി. സിനിമയ്ക്ക് പുറകില്‍ പ്രവര്‍ത്തിച്ച എല്ലാ അവിശ്വസനീയമായ വ്യക്തികള്‍ക്കും എന്റെ നന്ദി. അഭിഷേക് പഥക് കുറിച്ചു.

 

 

 

 

View this post on Instagram

 

 

 

 

 

 

 

 

 

 

 

A post shared by ABHISHEK PATHAK (@abhishekpathakk)

 മലയാളം പതിപ്പില്‍ നിന്ന് വ്യത്യസ്തമായ കഥയാകും സിനിമയ്‌ക്കെന്ന് അഭിഷേക് പഥക് പറയുന്നു. മലയാളം പതിപ്പ് ഫാമിലി ഡ്രാമയ്ക്കാണ് പ്രാധാന്യം നല്‍കിയത്. എന്നാല്‍ ഫാമിലി ത്രില്ലറായിരിക്കും ദൃശ്യം 3. സിനിമയുടെ ഘടന്‍ അങ്ങനെയാണ്. ട്രെയ്ലര്‍ പുറത്തുവരുമ്പോള്‍ നിങ്ങള്‍ക്കത് മനസിലാകും. പഥക് പറഞ്ഞു. ഒക്ടോബര്‍ 2നാണ് സിനിമ തിയേറ്ററുകളിലെത്തുക.

Sajna Noor

'മാഷാ അള്ളാ, ഒൻപത് ആഴ്ച ഗർഭിണി' എന്നാണ് ബേബി ബംപ് ചിത്രം പങ്കുവെച്ച് സജ്‌ന കുറിച്ചത്. ഇതിനൊപ്പം റസൂൽ പൂക്കുട്ടിക്കൊപ്പം ചേർന്നുനിൽക്കുന്ന ചിത്രവും സജ്‌ന നൽകിയിരുന്നു. ഇരുവരും പ്രണയത്തിലാണെന്ന് നേരത്തെ ഗോസിപ്പുകൾ ഉണ്ടായിരുന്നെങ്കിലും സജ്‌നയോ റസൂലോ പരസ്യമായി വെളിപ്പെടുത്തിയിരുന്നില്ല. 

ഗർഭിണിയാണെന്ന സൂചനകൾ സജ്‌ന നേരത്തെയും നൽകിയിട്ടുണ്ടെങ്കിലും കൃത്യമായ വിവരങ്ങൾ പുറത്തുവിടുന്നത് ആദ്യമായാണ്. റസൂലിനൊപ്പമുള്ള ചിത്രവും ആദ്യമായാണ് സോഷ്യൽ മീഡിയയിൽ പങ്കുവയ്ക്കുന്നത്. 'ഇരുവരുടെയും വിവാഹം കഴിഞ്ഞോ?', 'അപ്പോൾ ഫിറോസ് പറഞ്ഞതൊക്കെ ശരിയാണല്ലേ?' തുടങ്ങിയ നിരവധി ചോദ്യങ്ങളാണ് പോസ്റ്റിനു താഴെ വന്നത്. ഇതിനു പിന്നാലെയാണ് പോസ്റ്റ് പിൻവലിച്ചത്. 

Sajna Noor and Rasool Pookutty

നടനും ബിഗ് ബോസ് മലയാളം മത്സരാർഥിയുമായിരുന്ന ഫിറോസ് ഖാനാണ് സജ്‌നയുടെ മുൻ ഭർത്താവ്. ബിഗ് ബോസിൽ ഫിറോസും സജ്‌നയും ഒന്നിച്ചാണ് എത്തിയത്. ഇരുവരുടെയും രണ്ടാം വിവാഹമായിരുന്നു. എന്നാൽ ബിഗ് ബോസ് ഷോ കഴിഞ്ഞ് അധികം ആകും മുൻപ് ഇരുവരും പിരിഞ്ഞു. 

Aamir Khan and Gauri

ആമിർ ഖാന്റെ മൂന്നാം വിവാഹമാണിത്. നേരത്തെ റീന ദത്ത, കിരൺ റാവു എന്നിവരെയാണ് ആമിർ വിവാഹം ചെയ്തത്. ഗൗരിയും നേരത്തെ വിവാഹിതയാണ്. അവർക്ക് ഏഴ് വയസുള്ള കുട്ടിയുണ്ടെന്നാണ് എൻഡിടിവി റിപ്പോർട്ട് ചെയ്യുന്നത്. 

കഴിഞ്ഞ വർഷം തന്റെ 60-ാം ജന്മദിനത്തിലാണ് ആമിർ തന്റെ കാമുകിയായ ഗൗരിയെ പരസ്യമായി പരിചയപ്പെടുത്തുന്നത്. ബെംഗളൂരു സ്വദേശിനിയാണ് ഗൗരി. മുംബൈയിൽ സ്വന്തമായി ഒരു സലൂൺ ഗൗരിക്കുണ്ട്. ഇരുവരും ലിവിങ് ടുഗെദറിൽ ആണെന്ന് നേരത്തെ റിപ്പോർട്ടുകളുണ്ടായിരുന്നു. 

Sajna Noor and Rasool Pookutty

ഓസ്‌കർ ജേതാവും സൗണ്ട് ഡിസൈനറുമായ റസൂൽ പൂക്കുട്ടിക്കൊപ്പമുള്ള ചിത്രവും സജ്‌ന പങ്കുവെച്ചിട്ടുണ്ട്. റസൂൽ പൂക്കുട്ടിയാണ് കുഞ്ഞിന്റെ പിതാവെന്ന സൂചനയാണ് സജ്‌ന ഇൻസ്റ്റഗ്രാം പോസ്റ്റിലൂടെ നൽകുന്നത്. 

 

 

 

 

View this post on Instagram

 

 

 

 

 

 

 

 

 

 

 

A post shared by SAJNANOOR (@sajnanoor_)

കോട്ടയം, ചങ്ങനാശ്ശേരി, കുട്ടനാട് എന്നിവിടങ്ങളിലായി 65 ദിവസങ്ങള്‍ നീണ്ടുനിന്ന ചിത്രീകരണമാണ് ഇപ്പോള്‍ വിജയകരമായി പാക്ക്അപ്പായിരിക്കുന്നത്.  ഭര്‍ത്താവിന്റെ അപ്രതീക്ഷിത മരണത്തെത്തുടര്‍ന്ന് ആശ്രിത നിയമനത്തിലൂടെ പോലീസ് കോണ്‍സ്റ്റബിളായി ചാര്‍ജെടുക്കുന്ന ഒരു സാധാരണ വനിതയുടെ ഔദ്യോഗിക ജീവിതമാണ് സിനിമയുടെ പ്രമേയം.

പാര്‍വതി തിരുവോത്തിനൊപ്പം മാത്യു തോമസ്, തമിഴ് നടന്‍ ആര്‍. പാര്‍ത്ഥിപന്‍, വിജയരാഘവന്‍, സായ് കുമാര്‍, വിനയ് ഫോര്‍ട്ട്, അസീസ് നെടുമങ്ങാട്, സിദ്ധാര്‍ത്ഥ് ഭരതന്‍, ഉണ്ണിമായ പ്രസാദ് എന്നിവരും സിനിമയില്‍ മറ്റ് പ്രധാന വേഷങ്ങളില്‍ എത്തുന്നു. രചന പി. എസ്. സുബ്രഹ്‌മണ്യവും വിജേഷ് തോട്ടുങ്കലും ചേര്‍ന്നാണ് നിര്‍വഹിച്ചിരിക്കുന്നത്. റോബി രാജ് ഛായാഗ്രഹണവും ചമന്‍ ചാക്കോ എഡിറ്റിങ്ങും നിര്‍വഹിക്കുന്നു.

തെലുങ്ക് വെബ് സീരീസായ 'ദൂത'യില്‍ താരം മുന്‍പ് പോലീസ് വേഷം ചെയ്തിട്ടുണ്ടെങ്കിലും മലയാളത്തില്‍ ഇത് ആദ്യമായാണ് പാര്‍വതി പോലീസ് വേഷത്തിലെത്തുന്നത്.സംവിധായകന്‍ ഷഹദിന്റെ മുന്‍ ചിത്രങ്ങളില്‍ നിന്നും തികച്ചും വ്യത്യസ്തമായ ഒരു ഡാര്‍ക്ക്-ത്രില്ലര്‍ മൂഡിലാണ് ഈ ചിത്രം ഒരുങ്ങുന്നത് എന്നതും സിനിമയുടെ ഹൈലൈറ്റാണ്.

 8 വര്‍ഷത്തിന് ശേഷമാണ് മമ്മൂട്ടി വീണ്ടും തമിഴില്‍ എത്തുന്നതെന്ന പ്രത്യേകതയും സിനിമയ്ക്കുണ്ട്. 2018ല്‍ പുറത്തിറങ്ങിയ റാം ചിത്രമായ പേരന്‍പിലാണ് മമ്മൂട്ടി അവസാനമായി തമിഴിലെത്തിയത്. വീണ്ടും ഒരു ഇടവേളയ്ക്ക് ശേഷം മമ്മൂട്ടി തമിഴില്‍ എത്തുമ്പോള്‍ സിനിമയെ പറ്റിയുള്ള പ്രതീക്ഷകളും വലുതാണ്. മമ്മൂട്ടി, ധനുഷ് എന്നിവരെ കൂടാതെ സായ് പല്ലവിയും ശ്രീലീലയും ചിത്രത്തിലെ പ്രധാനവേഷങ്ങളെ അവതരിപ്പിക്കുന്നു.

 ഇപ്പോഴിതാ സിനിമകള്‍ ഇല്ലാതിരുന്ന തന്റെ മോശം സമയത്തെ പറ്റി മനസ്സ് തുറന്നിരിക്കുകയാണ് താരം. രജത് ശര്‍മയുടെ ആപ്കി അദാലത് എന്ന പരിപാടിയില്‍ സംസാരിക്കവെയാണ് താരം മനസ്സ് തുറന്നത്.നിങ്ങള്‍ നിരാശനായിരിക്കുമ്പോള്‍ സ്വയം സഹതാപം തോന്നും, മനുഷ്യസഹജമാണ്. ആരും നിങ്ങളെ ഇഷ്ടപ്പെടുന്നില്ലെന്നും ചുറ്റുമുള്ള ലോകം അവസാനിച്ചു എന്നെല്ലാം തോന്നും. അങ്ങനെയാണ് ലഹരിയില്‍ അടിമയാവുക. എന്റെ പിതാവിനും മദ്യപാനം ഇഷ്ടമായിരുന്നു. കരിയറില്‍ ഒരു മോശം സമയം വന്നപ്പോള്‍ ഞാനും മദ്യത്തില്‍ അടിമയായി മാറി. ബോബി ഡിയോള്‍ പറയുന്നു.

 താന്യ എന്റെ ജീവിതത്തില്‍ ഇല്ലായിരുന്നെങ്കില്‍ ഇപ്പോള്‍ ഞാന്‍ ഇങ്ങനെ ഇവിടെ ഇരിക്കുമായിരുന്നില്ല. എന്റെ മോശം സമയത്ത് കുടുംബത്തിന്റെ സാമ്പത്തികമെല്ലാം കൈകാര്യം ചെയ്തത് അവളാണ്.എന്തുകൊണ്ടാണ് പപ്പാ ജോലിയ്ക്ക് പോകാത്തതെന്നും അമ്മയാണല്ലോ ഓഫീസില്‍ പോകുന്നതെന്നും കുട്ടികള്‍ ചോദിച്ചു തുടങ്ങിയപ്പോഴാണ് സ്വയം മാറാന്‍ തയ്യാറായതെന്നും ബോബി ഡിയോള്‍ പറഞ്ഞു.

നിലവില്‍ അനിരാഗ് കശ്യപിന്റെ ബന്ദര്‍, ആലിയ ഭട്ട് നായികയാകുന്ന ആല്‍ഫ, വിജയ് ചിത്രം ജനനായകന്‍ തുടങ്ങി നിരവധി സിനിമകളിലെ സജീവ സാന്നിധ്യമാണ് ബോബി ഡിയോള്‍. ബന്ദറാണ് താരത്തിന്റെ റിലീസാകാന്‍ ഇരിക്കുന്ന ഏറ്റവും പുതിയ സിനിമ.

Mammootty - Santhi Maya Devi

'നല്ല നല്ല വാർത്തകൾ വരുന്നത് സന്തോഷമുള്ള കാര്യമല്ലേ? പക്ഷേ ഇവിടെ ഒന്നും പറയാറായിട്ടില്ല. ചർച്ചകളൊക്കെ നടക്കുന്നതേയുള്ളൂ. ശരിയായ സമയം ആകുമ്പോൾ പറയാനാണ് ഞാൻ കൂടുതൽ താല്പര്യപ്പെടുന്നത്. ആ ഒരു സമയത്തിനായി ഞാനും കാത്തിരിക്കുകയാണ്. അതിനെപ്പറ്റി ഇപ്പോൾ കൂടുതൽ കമന്റ് ചെയ്യാറായിട്ടില്ല, ഞാനും പ്രാർത്ഥിക്കുന്നുണ്ട്.' മനോരമ ഓൺലൈനിനു നൽകിയ അഭിമുഖത്തിൽ ശാന്തി പറഞ്ഞു. 

മോഹൻലാൽ ചിത്രം 'നേരി'ന്റെ തിരക്കഥാകൃത്തും ദൃശ്യം 2, ദൃശ്യം 3 സിനിമകളിലെ വേഷങ്ങളിലൂടെ ശ്രദ്ധേയയായ നടിയുമാണ് ശാന്തി. മമ്മൂട്ടി - ശാന്തി മായാദേവി ചിത്രത്തിന്റെ ഷൂട്ടിങ് അടുത്ത വർഷമായിരിക്കും നടക്കുകയെന്നും കോർട്ട് റൂം ഡ്രാമയായിരിക്കും ഴോണറെന്നും റിപ്പോർട്ടുകളുണ്ടായിരുന്നു. മമ്മൂട്ടിയുടേത് വക്കീൽ വേഷമാണെന്നും റിപ്പോർട്ടുകളുണ്ട്. അഭിഭാഷകയായ ശാന്തി ഗാനഗന്ധർവൻ എന്ന മമ്മൂട്ടി ചിത്രത്തിലൂടെയാണ് സിനിമ രംഗത്തേക്ക് എത്തിയത്. ശാന്തി മായാദേവി - മമ്മൂട്ടി ചിത്രം നിർമിക്കുക മമ്മൂട്ടി കമ്പനിയായിരിക്കും. 

ഒരു പ്രമുഖ മാധ്യമത്തിന് നല്‍കിയ അഭിമുഖത്തിലാണ് താരത്തിന്റെ തുറന്നുപറച്ചില്‍. സിനിമയില്‍ കഥാപാത്രങ്ങള്‍ക്ക് വേണ്ടിയും അല്ലാതെയും ശരീരഭാരം കുറയ്ക്കാന്‍ താന്‍ പല പരീക്ഷണങ്ങളിലൂടെയും പോയിട്ടുണ്ടെന്ന് തപ്‌സി പറയുന്നു. ജിമ്മില്‍ മണിക്കൂറുകളോളം കഠിനമായി പ്രയത്‌നിക്കുകയും ശരീരത്തിന് ആവശ്യമായ ഭക്ഷണം നല്‍കാതിരിക്കുകയും ചെയ്തിട്ടുണ്ട്. അതിന് ശേഷമാണ് ഇതെല്ലാം ശരീരത്തെ അത് എത്രത്തോളം മോശമായി ബാധിച്ചെന്ന് മനസിലാക്കുന്നത്. തപ്‌സി പറഞ്ഞു.

തന്റെ അനുഭവത്തില്‍ നിന്നാണ് 'പെര്‍ഫെക്റ്റ് ബോഡി' ചിത്രങ്ങളില്‍ വീണുപോകരുതെന്നാണ് തപ്സി പെണ്‍കുട്ടികളോട് ആവശ്യപ്പെടുന്നത്. മെലിഞ്ഞിരിക്കുന്നത് മാത്രമല്ല ഫിറ്റ്‌നസെന്നും ആരോഗ്യമുള്ളവരായിരിക്കുക എന്നതാണ് പ്രധാനമെന്നും തപ്‌സി പറയുന്നു.

'രണ്ടു ദിവസമായി എന്റെ ശ്രദ്ധയിൽപ്പെട്ട ഒരു കാര്യത്തിന്റെ സത്യാവസ്ഥ നിങ്ങളെ ഒന്ന് ബോധ്യപ്പെടുത്താൻ വേണ്ടിയാണ് ഈ വിഡിയോ ഇടുന്നത്. ചത്തിട്ടില്ല മക്കളെ ഞാൻ ചത്തിട്ടില്ല! രണ്ടു ദിവസമായി ' എന്റെ ശബ്ദം നഷ്ടപ്പെട്ടു, ഞാൻ മരണം കാത്തു കിടക്കുകയാണ്, എനിക്ക് അനങ്ങാൻ പറ്റില്ല ' എന്നൊക്കെ പറഞ്ഞ് കുറച്ചു പേർ എന്നെ കൊന്ന് എന്റെ അടിയന്തരത്തിന്റെ കാർഡ് അടിച്ചു കൊണ്ടിരിക്കുന്നുണ്ട്. പക്ഷേ, നമ്മൾ ഫിനിഷ്ഡ് അല്ല.,' താരം പറയുന്നു. 

2023 ലാണ് എനിക്ക് കാൻസർ വന്ന കാര്യം പൊതുപരിപാടിയിൽ പറഞ്ഞത്. എന്നാൽ ഇപ്പോൾ അന്ന് പറഞ്ഞ കാര്യങ്ങൾ വെച്ച് അങ്ങനെയാണെന്ന ധ്വനിയിൽ തെറ്റിദ്ധരിപ്പിക്കുന്ന ക്യാപ്ഷൻ കൊടുത്ത് പ്രചരിപ്പിക്കുകയാണ്. എന്റെ മരിപ്പിനുള്ള ചായ എവിടെയും കൊടുക്കാറായിട്ടില്ല. ഞാൻ മരിച്ചിട്ടില്ല. നല്ല ജീവനോടെ സന്തോഷത്തോടെ ഇവിടെ തന്നെയുണ്ട് - ജുവൽ പറഞ്ഞു.

' ബാലൻ പൂർത്തിയായി. അടുത്ത ചിത്രത്തിലേക്ക്' എന്ന ക്യാപ്ഷനോടെ മോഹൻലാൽ ചിദംബരം സിനിമ വരുന്ന എന്ന കാർഡ് സതീഷ് പൊതുവാൾ പോസ്റ്റ് ചെയ്തിട്ടുണ്ട്. ഷൈജു ഖാലിദ് ആണ് ക്യാമറയെന്ന് ഈ പോസ്റ്ററിൽ പറയുന്നു. ഒക്ടോബറിൽ ചിത്രീകരണം ആരംഭിക്കുമെന്നാണ് പറഞ്ഞിരിക്കുന്നത്. 

അതേസമയം മോഹൻലാലോ ചിദംബരമോ ഈ പ്രൊജക്ടിനെ കുറിച്ച് പ്രതികരിച്ചിട്ടില്ല. തരുൺ മൂർത്തി സംവിധാനം ചെയ്യുന്ന അതിമനോഹരത്തിൽ ആണ് ലാൽ ഇപ്പോൾ അഭിനയിച്ചുകൊണ്ടിരിക്കുന്നത്. 

ഗലാട്ട പ്ലസിന് നല്‍കിയ അഭിമുഖത്തിലാണ് താരം ഇങ്ങനെ അഭിപ്രായപ്പെട്ടത്. തീര്‍ച്ചയായും ആളുകള്‍ക്ക് കുറച്ച് ശ്രദ്ധയുണ്ടായിരുന്നു. ഞാന്‍ എന്റെ ജീവിതം ജീവിക്കുന്നു. അവര്‍ എന്നില്‍ നിന്ന് എന്ത് പ്രതികരണമാണ് പ്രതീക്ഷിച്ചതെന്ന കാര്യം എനിക്കറിയില്ല. എന്റെ ജീവിതത്തില്‍ ഞാന്‍ ഒരു മികച്ച സ്ഥാനത്താണ്.എല്ലാ കാര്യങ്ങളെക്കുറിച്ചും പൊതുവെ ചൂടുപിടിച്ച ചര്‍ച്ച ആളുകള്‍ നടത്താറുണ്ട്. സമൂഹം കാലവസ്ഥ പോലെയാണ്. അതിനെ അത്ര ഗൗരവമായി എടുക്കേണ്ടതില്ല. കാരണം കാലാവസ്ഥ എപ്പോഴും മാറും. ശോഭിത പറഞ്ഞു.

Welcome to the universe @iam_RaviMohan sir #Benz @offl_Lawrence @nivinofficial @iamsamyuktha_ @Dir_Lokesh @PassionStudios_ @TheRoute @GSquadOffl @Sudhans2017 @Jagadishbliss @bakkiyaraj_k @SaiAbhyankkar pic.twitter.com/kxF51Vtb9Z

— Lokesh Kanagaraj (@Dir_Lokesh) May 31, 2026

സിനിമയില്‍ വില്ലന്‍ വേഷത്തിലെത്തുന്നത് മലയാളത്തിന്റെ സ്വന്തം നിവിന്‍ പോളിയാണ്. ചിത്രത്തില്‍ വാള്‍ട്ടര്‍ എന്ന കഥാപാത്രത്തെയാണ് നിവിന്‍ അവതരിപ്പിക്കുന്നത്.നേരത്തെ റെമോ, സുല്‍ത്താന്‍ എന്നീ സിനിമകളിലൂടെ പ്രശസ്തനാണ് സംവിധായകന്‍ ഭാഗ്യരാജ് കണ്ണന്‍. സായ് അഭയങ്കറാണ് സംഗീതം നിര്‍വഹിക്കുന്നത്.

 കഴിഞ്ഞ ദിവസമാണ് ഭരണമാറ്റത്തെ തുടര്‍ന്ന് കെഎസ്എഫ്ഡിസി ചെയര്‍മാന്‍ സ്ഥാനം കെ മധു രാജിവെച്ചത്. ഷാജി എന്‍ കരുണിന്റെ മരണത്തെ തുടര്‍ന്നാണ് കെ മധു സ്ഥാനത്തെത്തിയത്.

1988ല്‍ പുറത്തിറങ്ങിയ ഒരു സിബിഐ ഡയറിക്കുറിപ്പ് എന്ന സിനിമയോടെയാണ് സിബിഐ സീരീസ് മലയാളത്തില്‍ ആരംഭിച്ചത്. പിന്നീട് 1989ല്‍ ജാഗ്രത, 2004ല്‍ സേതുരാമയ്യര്‍ സിബിഐ, 2005ല്‍ നേരറിയാന്‍ സിബിഐ, 2022ല്‍ സിബിഐ 5 ദി ബ്രെയ്ന്‍ എന്നീ സിനിമകളാണ് പുറത്തിറങ്ങിയത്. ഇതില്‍ അവസാനം ഇറങ്ങിയ സിബിഐ ചിത്രത്തിന് പ്രതീക്ഷിച്ച ബോക്‌സോഫീസ് പ്രകടനം നടത്താനായിരുന്നില്ല.

 നടിയും അമ്മ വൈസ് പ്രസിഡന്റുമായ ലക്ഷ്മിപ്രിയയ്ക്കും തൃപ്പൂണിത്തറ വനിതാ എസ് ഐ ആയ ആര്‍ രേഷ്മക്കുമെതിരായ പരാതിയില്‍ മൊഴി നല്‍കാന്‍ എത്തിയതായിരുന്നു താരം. ടിനി ടോം ചെയ്ത ദ്രോഹം എന്നോട് മാത്രമല്ല. കേരളത്തിലെ മതനിരപേക്ഷ സമൂഹത്തോട് കൂടിയാണ്. വ്യക്തിവൈരാഗ്യം തീര്‍ക്കാന്‍ ഒരാള്‍ക്കെതിരെ ഒന്നും കിട്ടാത്തപ്പോള്‍ മതപരമായി പേര് തന്നെ ഉപയോഗിച്ചേക്കാം എന്ന തെറ്റായ സന്ദേശമാണ് ടിനി ടോം നല്‍കുന്നത്. ഭാഗ്യവശാല്‍ കേരളത്തിലെ ജനങ്ങള്‍ക്ക് കാര്യം മനസിലായി, ന്യായീകരിക്കാവുന്ന കാര്യമല്ല ചെയ്തത്. അതിന്റെ തെറ്റ് അദ്ദേഹം അനുഭവിച്ചെ പറ്റു. അന്‍സിബ പറഞ്ഞു. അമ്മയില്‍ നേരത്തെ പരാതി നല്‍കിയിരുന്നെന്നും ഇപ്പോള്‍ മാധ്യമങ്ങളുടെ സമ്മര്‍ദ്ദം കാരണമാണ് പരാതി കേള്‍ക്കാന്‍ അമ്മ തീരുമാനിച്ചതെന്നും അന്‍സിബ പറഞ്ഞു.

ഒരു ടിവി ഷോയുടെ  ഓഡിഷന് പോയപ്പോള്‍ കാസ്റ്റിംഗ് ഡയറക്ടര്‍ തന്റെ ചിരി കാണാം ഭംഗിയില്ലെന്ന് പറഞ്ഞെന്നും പിന്നീട് മിസ് ഇന്ത്യ പട്ടം നേടിയപ്പോള്‍ പോലും ചിരിക്കാനുള്ള ആത്മവിശ്വാസം തനിക്കുണ്ടായില്ലെന്നും നേഹ പറയുന്നു. 10 വര്‍ഷത്തോളം എടുത്തു ഈ അപകര്‍ഷതാ ബോധം മാറ്റിയെടുക്കാനെന്നും താരം പറഞ്ഞു. കരിയറിന്റെ തുടക്കകാലത്താണ് ഒരു ടിവി ഷോയുടെ ഓഡിഷനില്‍ പോയത്. കാസ്റ്റിംഗ് ഡയറക്ടര്‍ എന്നെ നോക്കിയപ്പോള്‍ ഞാന്‍ ചിരിച്ചു. നീ ചിരിക്കരുത്, നിന്റെ ചിരി ഒട്ടും ഭംഗിയില്ലെന്നാണ് അയാള്‍ പറഞ്ഞത്. പിന്നീട് മിസ് ഇന്ത്യ നേടിയപ്പോഴും ആത്മവിശ്വാസത്തോടെ ചിരിക്കാനായില്ല. 8-10 വര്‍ഷത്തോളമെടുത്തു. അത് മാറ്റിയെടുക്കാന്‍. നേഹ പറയുന്നു.

Suriya - Karuppu Movie

തമിഴ്നാടിന് പുറമെ കര്‍ണാടക, ആന്ധ്രപ്രദേശിനൊപ്പം വിദേശ വിപണികളിലും ചിത്രത്തിന് മികച്ച പ്രതികരണമാണ് ലഭിക്കുന്നത്. കേരളത്തില്‍ മാത്രമാണ് സിനിമയ്ക്ക് ശരാശരി അഭിപ്രായം ലഭിച്ചത്. യു.എസ്.എ, യു.കെ, ഗള്‍ഫ് രാജ്യങ്ങള്‍ എന്നിവിടങ്ങളില്‍ സമീപകാലത്ത് ഒരു തമിഴ് ചിത്രത്തിന് ലഭിക്കുന്ന ഏറ്റവും ഉയര്‍ന്ന കളക്ഷനാണ് 'കറുപ്പ്' സ്വന്തമാക്കിയത്. 2 പതിറ്റാണ്ടിന് ശേഷം സൂര്യയും തൃഷയും ഒന്നിക്കുന്നുവെന്ന പ്രത്യേകതയും സിനിമയ്ക്കുണ്ടായിരുന്നു.

സാമൂഹിക പ്രസക്തിയുള്ള ഒരു വിഷയത്തെ മാസ്സ്-കമേര്‍ഷ്യല്‍ ചേരുവകളും തമിഴ്നാട്ടിലെ ഭക്തി കള്‍ട്ടും ചേര്‍ത്താണ് സിനിമ ഒരുക്കിയിരിക്കുന്നത്. വ്യത്യസ്തമായ ഗെറ്റപ്പുകളില്‍ സൂര്യ എത്തുന്നു എന്നതും സിനിമയുടെ പ്രത്യേകതയാണ്. നിയമവ്യവസ്ഥയിലെ അഴിമതിക്കെതിരെ പോരാടാന്‍ വേട്ടക്കറുപ്പ് എന്ന കാവല്‍ദൈവം അഭിഭാഷകനായി എത്തുന്നതാണ് സിനിമയുടെ ഇതിവൃത്തം. സൂര്യ, തൃഷ എന്നിവര്‍ക്ക് പുറമെ ആര്‍ ജെ ബാലാജി, ഇന്‍സ്രന്‍സ്, നട്ടി സുബ്രഹ്‌മണ്യം,സ്വാസിക,ശിവദ, സുപ്രീത് റെഡ്ഡി എന്നിവരും സിനിമയില്‍ പ്രധാനവേഷങ്ങള്‍ അവതരിപ്പിച്ചിട്ടുണ്ട്.

ഈ സാഹചര്യത്തിലാണ് അമ്മ വിഷയത്തില്‍ ആലപ്പി അഷറഫ് പ്രതികരണവുമായി എത്തിയിരിക്കുന്നത്. പണ്ട് സഹപ്രവര്‍ത്തകയായ നടി ആക്രമിക്കപ്പെട്ടപ്പോള്‍ ആ നടിയുടെ കണ്ണീരും കരച്ചിലും കണ്ടിലെന്ന് പറഞ്ഞ് നിഷ്‌കരണം തള്ളികളഞ്ഞവരാണ് ഇന്ന് അമ്മയിലെ തലപ്പത്തുള്ള പലരുമെന്നും ഇത് കാലത്തിന്റെ കാവ്യനീതിയാണെന്നുമാണ് ആലപ്പി അഷ്‌റഫ് പറയുന്നത്.

സംഘടനയ്ക്കുള്ളില്‍ അടുത്തിടെയുണ്ടായ നടിമാരുടെ വാക്‌പോരുകളെയാണ് ആലപ്പി അഷറഫ് പ്രധാനമായും ലക്ഷ്യം വെച്ചിരിക്കുന്നത്. ബിഗ് ബോസ് ഷോയിലൂടെയും സിനിമകളിലൂടെയും ശ്രദ്ധേയരായ അന്‍സിബ ഹസ്സന്‍, ലക്ഷ്മിപ്രിയ എന്നിവരുടെ നിലപാടുകളെ പരോക്ഷമായി വിമര്‍ശിച്ചുകൊണ്ടാണ് ആലപ്പി അഷ്‌റഫിന്റെ പ്രതികരണം.

അമ്മയിലെ പ്രശ്‌നങ്ങള്‍ ചീഞ്ഞുനാറുന്ന ബോംബുകളായി വന്നുകൊണ്ടിരിക്കുകയാണ്. പണം തട്ടിപ്പ്, കുടുംബ കലഹം ഉണ്ടാക്കിയതിന്റെ പ്രശ്‌നം, തെറി വിളിച്ചതിന്റെ പ്രശ്‌നം അവിഹിതം, കയ്യേറ്റം ചെയ്യാന്‍ ശ്രമിച്ചതിന്റെ പ്രശ്‌നം, പണം കൈയ്യിട്ട് വാരി എന്ന് പ്രശ്‌നം. ജാതിയുടെയും മതത്തീന്റെയും പേരില്‍ പോരും പ്രശ്‌നം. എന്റെ അടുത്ത സുഹൃത്തായ ഒരു നടന്‍ വിഷമത്തോടെ പറഞ്ഞ ഒരു കാര്യമുണ്ടായിരുന്നു. സ്ഥാനാര്‍ഥി ലിസ്റ്റില്‍ അന്‍സിബയുടെ പേര് കണ്ടപ്പോള്‍ നമ്മളെല്ലാം ബഹുമാനത്തോടെ കാണുന്ന ഒരു നടന്‍ പറഞ്ഞത് ആ മേത്തച്ചിയുടെ പേര് വേണ്ട, അവള്‍ മോഹന്‍ലാലിന്..... ബാക്കി ഞാന്‍ പറയുന്നില്ല. അത് അശ്ലീലമാണ്. ഇത്രയും ഉന്നതിയില്‍ നില്‍ക്കുന്ന ഒരാളില്‍ നിന്ന് ഞാനത് പ്രതീക്ഷിച്ചതല്ല. അവിടന്ന് തുടങ്ങിയതാണ് അന്‍സിബക്കെതിരായ വിവേചനം. 

 പിന്നീട് അങ്ങോട്ട് അത് ജിഹാദി, തീവ്രവാദി, മതം മാറ്റം നടത്തുന്നവള്‍ എന്നെല്ലാമായി. കഴിഞ്ഞ ഭരണകാലഘട്ടങ്ങളിലൊന്നും അമ്മയില്‍ ജാതീയമായ അധിക്ഷേപങ്ങളോ, വേര്‍തിരുവോ ഉണ്ടായതായി കേട്ടുകേള്‍വി പോലുമില്ല. പരാതിക്കാരിയെ ഒറ്റപ്പെടുത്തി ആക്രമിക്കുന്നതും കുറ്റവാളിയായ പുരുഷന്മാരെ സംരക്ഷിക്കുന്നതും അമ്മയില്‍ ഇപ്പോഴും തുടരുന്നു. ഇപ്പോഴത്തെ സംവിധാനത്തില്‍ തീവ്രമത നിലപാടുള്ള ചില സ്ത്രീകളുണ്ട്. അവരെല്ലാം കൂടി ഇതിനെ കയ്യടിച്ച് പ്രോത്സാഹിപ്പിക്കുന്നു. ഒരു സ്ത്രീയോട് ടിനി ടോം അസഭ്യം പറഞ്ഞിട്ടും അതിനെ ന്യായീകരിച്ച് വരാന്‍ ഈ സ്ത്രീകള്‍ക്ക് നാണവും മാനവുമില്ലെ?, നാറിയവനെ ചുമന്നാല്‍ ചുമന്നവനും നാറും. ആലപ്പി അഷ്‌റഫ് പറഞ്ഞു.

ടിനി ടോം തന്നെ വിളിച്ച അസഭ്യവാക്കുകൾ പരാതിയിൽ നീന കുറുപ്പ് എടുത്തുപറഞ്ഞിട്ടുണ്ട്. കൈമുട്ട് ചുരുട്ടി അക്രമാസക്തമായ നിലയിൽ ടിനി ടോം തന്റെ അരികിലേക്കു വന്നെന്നും അവിടെയുള്ളവർ പിടിച്ചുമാറ്റിയതുകൊണ്ട് മാത്രമാണ് മർദ്ദനത്തിൽ നിന്ന് രക്ഷപ്പെട്ടതെന്നും പരാതിയിൽ പറയുന്നു. 

ഇത് ഒറ്റപ്പെട്ട സംഭവമല്ല. ടിനി ടോം പല അവസരങ്ങളിലും സോഷ്യൽ മീഡിയ പ്ലാറ്റ്‌ഫോമുകളിലും പൊതുസ്ഥലങ്ങളിലുമായി അസഭ്യവും അപമാനകരവുമായ വാക്കുകൾ ഉപയോഗിച്ചിട്ടുണ്ട്. അമ്മയിലെ സഹ എക്‌സിക്യൂട്ടീവ് അംഗത്തിനെതിരെ മതതീവ്രവാദം ആരോപിച്ചിട്ടുണ്ടെന്നും പരാതിയിലുണ്ട്. ഇക്കാര്യത്തിൽ അന്വേഷണം വേണമെന്നും ടിനി ടോമിനെതിരെ നടപടി സ്വീകരിക്കണമെന്നുമാണ് പരാതിയിലെ ആവശ്യം. 

മിനിമല്‍ സ്‌റ്റൈലിംഗിലൂടെ പോലും എലിഗന്‍സ് എങ്ങനെ സൃഷ്ടിക്കാമെന്നതിന് മികച്ച ഉദാഹരണമായാണ് താരത്തിന്റെ പുതിയ ചിത്രങ്ങളെന്ന് ആരാധകര്‍ പറയുന്നു. നടി തമന്ന ഭാട്ടിയ, ഹന്‍സിക മൊട്ട്വാനി, രാകുല്‍ പ്രീത് സിംഗ്, ഡയാന പെന്റി തുടങ്ങിയവര്‍ ചിത്രങ്ങള്‍ക്ക് കമന്റ് ചെയ്തിട്ടുണ്ട്. അമ്മയായിട്ടും ഫിറ്റ്‌നസിലും ലുക്കിലും കാജലിന് ഒരു മാറ്റവുമെല്ലന്നാണ് ആരാധകര്‍ പറയുന്നത്.

 

 

 

 

View this post on Instagram

 

 

 

 

 

 

 

 

 

 

 

A post shared by Kajal A Kitchlu (@kajalaggarwalofficial)

തെന്നിന്ത്യന്‍ സിനിമയിലെ സൂപ്പര്‍താരങ്ങള്‍ക്കൊപ്പമെല്ലാം വേഷമിട്ട കാജല്‍ 2020 ഒക്ടോബറിലാണ് വിവാഹിതയായത്. 2022ല്‍ ഇവര്‍ക്കൊരു കുഞ്ഞും പിറന്നു. വിഷ്ണു മഞ്ജു നായകനായ കണ്ണപ്പയിലാണ് കാജല്‍ അവസാനമായി അഭിനയിച്ചത്. ദ ഇന്ത്യന്‍ സ്റ്റോറി എന്ന സിനിമയാണ് കാജലിന്റേതായി റിലീസ് കാത്തിരിക്കുന്ന സിനിമ.

Drishyam 3

' മൂന്ന് സിനിമകൾ, മൂന്ന് അധ്യായങ്ങൾ. തകർക്കാനാവാത്ത ബന്ധം. ജോർജ്ജുകുട്ടിക്കും കുടുംബത്തിനുമൊപ്പം നടക്കുന്നതിനു നന്ദി,' മോഹൻലാൽ കുറിച്ചു. 

റിലീസിനു ശേഷമുള്ള പ്രവൃത്തിദിനങ്ങളിലും സിനിമയ്ക്കു ഡിമാൻഡ് കുറയാതെ നിൽക്കുന്നു. റിലീസ് ചെയ്തു ഏഴ് ദിവസത്തിലേക്കു എത്തിയപ്പോഴാണ് 200 കോടി നേട്ടം. 

ചിത്രത്തിലെ സൂപ്പര്‍ ഹിറ്റായിരുന്ന ഗാനമായ 'മേരെ ഹാത്ത് മേന്‍...'പോളണ്ടിലെ അതികഠിനമായ മഞ്ഞുവീഴ്ചയിലാണ് ചിത്രീകരിച്ചത്. മൈനസ് 27 ഡിഗ്രി സെല്‍ഷ്യസ് തണുപ്പായിരുന്നു അപ്പോള്‍ അവിടെ ഉണ്ടായിരുന്നതെന്ന് കജോള്‍ പറയുന്നു. ഈ മരം കോച്ചുന്ന തണുപ്പില്‍ ആമിര്‍ ഖാന്‍ കട്ടിയുള്ള ജാക്കറ്റാണ് ധരിച്ചിരുന്നത്. ഈ തണുപ്പില്‍ കട്ടി കുറഞ്ഞ സല്‍വാര്‍ കമ്മീസ് ധരിച്ച അനുഭവമാണ് കജോള്‍ ഓര്‍ത്തെടുത്തത്. തണുപ്പ് സമയത്തായിരുന്നതിനാല്‍ അന്ന് ചിത്രീകരണം നടക്കുമ്പോള്‍ തന്റെ ശരീരം പൂര്‍ണ്ണമായും മരവിച്ചെന്നാണ് കജോള്‍ പറയുന്നത്.

പോളണ്ടില്‍ വെച്ച് ഷൂട്ട് ചെയ്ത ആ പാട്ടിന്റെ ആദ്യ ഭാഗം പിന്നീട് ഒഴിവാക്കുകയും മുംബൈയിലെ സ്റ്റുഡിയോയില്‍ സെറ്റിട്ട് വീണ്ടും ചിത്രീകരിക്കുകയുമാണുണ്ടായത്. എങ്കിലും സിനിമയുടെ ഒടുവില്‍ റിലീസ് ചെയ്ത വരികളില്‍ ഈ രംഗങ്ങള്‍ അല്പം ഉപയോഗിച്ചിട്ടുണ്ട്. ആമിര്‍ ഖാനും കജോളിനുമൊപ്പം തബു, ഋഷി കപൂര്‍, കിരണ്‍ ഖേര്‍, ശരത് സക്‌സേന എന്നിവരും അഭിനയിച്ച ഫനാ ബോക്‌സോഫീസില്‍ വലിയ വിജയമായിരുന്നു. ഒരിടവേളയ്ക്ക് ശേഷമുള്ള കജോളിന്റെ തിരിച്ചുവരവ് കൂടിയായിരുന്നു സിനിമ.

 പ്രേക്ഷകരുടെ ശ്രദ്ധയ്ക്ക് എന്ന മുന്നറിയിപ്പുള്ള പോസ്റ്ററില്‍ പറയുന്നത് ഇങ്ങനെ. ' സിനിമ അവസാനിച്ചാല്‍ ഉടനെ തിയേറ്റര്‍ വിടരുത്. 3 പോസ്റ്റ് ക്രെഡിറ്റ് സീനുകള്‍ സിനിമയിലുണ്ട്. 2 പോസ്റ്റ് ക്രെഡിറ്റ് സീനുകള്‍ ടൈറ്റില്‍ കാര്‍ഡ് സമയത്തും മൂന്നാമത്തേത് എന്‍ഡ് ക്രെഡിറ്റ്‌സ് പൂര്‍ണ്ണമായി അവസാനിച്ച ശേഷവുമാണ്. അവസാന നിമിഷം വരെ കാത്തിരിക്കു, കാരണം വേട്ട ഇവിടെ അവസാനിക്കുന്നില്ല' എന്നാണ് പോസ്റ്ററിലുള്ളത്.

 

 

 

 

View this post on Instagram

 

 

 

 

 

 

 

 

 

 

 

A post shared by Cubes Entertainments®️ (@cubesentertainments)

 ആനവേട്ടയുടെയും പകയുടെയും പോരാട്ടത്തിന്റെയും കഥ പറയുന്ന ഹൈ വോള്‍ട്ടേജ് ആക്ഷന്‍ ത്രില്ലറാണ് കാട്ടാളന്‍ എന്നാണ് സൂചന. ആന്റണി വര്‍ഗീസിന് പുറമെ ദുഷാര വിജയന്‍, സുനില്‍, കബീര്‍ ദുഹന്‍ സിംഗ്, ജഗദീഷ്, സിദ്ദിഖ് തുടങ്ങിയവരും സിനിമയുടെ ഭാഗമാണ്.

ഒരു എക്‌സിക്യൂട്ടീവ് കമ്മിറ്റി യോഗത്തിന് ശേഷം അന്‍സിബയ്ക്ക് പെട്ടെന്ന് പോകേണ്ടി വന്നു. അന്നാണ് ടിനി ടോം അന്‍സിബയെ പറ്റി മോശമായി സംസാരിച്ചത്. അന്‍സിബയുടെ ഡിഎന്‍എ ശരിയല്ലെന്ന് പറഞ്ഞു. അന്ന് ഒരുപാട് പേര്‍ അവിടെയുണ്ടായിരുന്നു. ഞാനിത് അന്‍സിബയോട് വിളിച്ച് പറയാന്‍ പോവുകയാണെന്ന് അപ്പോള്‍ തന്നെ ടിനിയോട് പറഞ്ഞിരുന്നു. ടിനി അക്കാര്യം പല തവണ ആവര്‍ത്തിച്ചപ്പോഴാണ് അന്‍സിബയെ ഫോണ്‍ ചെയ്ത് കാര്യം പറഞ്ഞത്.

 ടിനിയുടെ ഈ വക ആക്രമണവും സ്ത്രീകളോടുള്ള മനോഭാവവും പ്രത്യേകിച്ച് എന്നോടും അന്‍സിബയോടും ജനറല്‍ സെക്രട്ടറി കുക്കു പരമേശ്വരനോടും കാണിക്കുന്നത് ഞാന്‍ കണ്ടിട്ടുണ്ട്. മറ്റൊരു ദിവസം ഒരു സംഭാഷണം നടക്കുന്നതിനിടെയാണ് ജിഹാദിയെന്ന പരാമര്‍ശമുണ്ടായത്. ടിനിയും ലക്ഷ്മിപ്രിയയും ഇതേ രീതിയില്‍ പലരോടും സംസാരിക്കാറുണ്ട്. അവരെ ആരും നിയന്ത്രിച്ചില്ല. അതുകൊണ്ടാണ് ഇത് തുടര്‍ന്നത്. കുറച്ചൊരു ബഹുമാനമുള്ളത് പ്രസിഡന്റിനോടാണ്. ഈ വക ടീമുമായി അമ്മ മുന്നോട്ട് പോകണമെന്ന് എനിക്ക് അഭിപ്രായമില്ല. 

പ്രശ്‌നക്കാരെ മാറ്റിനിര്‍ത്തണം, അതിനുള്ള ചങ്കൂറ്റം കാണിക്കണം. അന്‍സിബ രാജിവെച്ചപ്പോള്‍ അവിടെ ചിലര്‍ സന്തോഷം പ്രകടിപ്പിച്ചു. അടുത്ത സന്തോഷം പ്രകടിപ്പിക്കുന്നത് ഞാന്‍ രാജി വെയ്ക്കുമ്പോളായിരിക്കും. അതെനിക്ക് താല്പര്യമില്ലാത്തതുകൊണ്ട് ഞാന്‍ അവിടെ തന്നെ നില്‍ക്കും. നീന കുറുപ്പ് വ്യക്തമാക്കി.

Mammootty - Santhi Maya Devi

അടുത്ത വർഷമായിരിക്കും സിനിമയുടെ ചിത്രീകരണം നടക്കുക. കോർട്ട് റൂം ഡ്രാമയായിരിക്കും ഴോണർ. മമ്മൂട്ടിയുടേത് വക്കീൽ വേഷമാണെന്നും റിപ്പോർട്ടുകളുണ്ട്. അഭിഭാഷകയായ ശാന്തി ഗാനഗന്ധർവൻ എന്ന മമ്മൂട്ടി ചിത്രത്തിലൂടെയാണ് സിനിമ രംഗത്തേക്ക് എത്തിയത്. 

ശാന്തി മായാദേവി - മമ്മൂട്ടി ചിത്രം നിർമിക്കുക മമ്മൂട്ടി കമ്പനിയായിരിക്കും. 

സ്‌പെയിനില്‍ വിവാഹം, ചെന്നൈയില്‍ റിസപ്ഷന്‍?

അടുത്തിടെ പുറത്തുവന്ന ചില തമിഴ് മാധ്യമ റിപ്പോര്‍ട്ടുകള്‍ പ്രകാരം, അനിരുദ്ധിന്റെയും കാവ്യയുടെയും കുടുംബങ്ങള്‍ വിവാഹത്തിന് പച്ചക്കൊടി കാണിച്ചതായാണ് വിവരം. സ്‌പെയിനില്‍ വച്ച് അടുത്ത ബന്ധുക്കളും സുഹൃത്തുക്കളും മാത്രം പങ്കെടുക്കുന്ന പ്രൗഢഗംഭീരമായ ചടങ്ങുകളോടെ വിവാഹം നടത്താനാണ് ഇരു കുടുംബങ്ങളും ആലോചിക്കുന്നത്. ഇതിന് ശേഷം ചെന്നൈയില്‍ സിനിമാ-രാഷ്ട്രീയ-വ്യവസായ പ്രമുഖര്‍ക്കായി വന്‍ ആഡംബര റിസപ്ഷന്‍ സംഘടിപ്പിക്കുമെന്നും 'ഫിലിംബീറ്റ്' ഉള്‍പ്പെടെയുള്ള ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

ഈ നവംബറില്‍ തന്നെ ഇരുവരുടെയും വിവാഹമുണ്ടാകുമെന്നും ഔദ്യോഗിക പ്രഖ്യാപനം ഉടന്‍ തന്നെ വരുമെന്നും അവകാശപ്പെട്ട് ചില തമിഴ് സിനിമാ ഹാന്‍ഡിലുകളും എക്‌സില്‍ (പഴയ ട്വിറ്റര്‍) പോസ്റ്റുകള്‍ പങ്കുവെച്ചിട്ടുണ്ട്.

ഇതാദ്യമായല്ല ഈ ഗോസിപ്പ്!

അനിരുദ്ധും കാവ്യ മാരനും തമ്മില്‍ പ്രണയത്തിലാണെന്ന തരത്തിലുള്ള വാര്‍ത്തകള്‍ മുന്‍പും വലിയ രീതിയില്‍ പ്രചരിച്ചിരുന്നു. മുന്‍പ് ഇരുവരും ന്യൂയോര്‍ക്കിലും ലാസ് വെഗാസിലും ഒരുമിച്ച് സമയം ചിലവഴിക്കുന്ന ചിത്രങ്ങള്‍ ഒരു വ്‌ലോഗര്‍ പുറത്തുവിട്ടതോടെയാണ് ഈ ഗോസിപ്പുകള്‍ക്ക് തുടക്കമായത്. എന്നാല്‍ അന്ന് ഈ വാര്‍ത്തകളോട് അനിരുദ്ധ് രസകരമായ രീതിയിലാണ് പ്രതികരിച്ചത്. ദയവായി ഇത്തരം വ്യാജവാര്‍ത്തകള്‍ നിര്‍ത്തു എന്നും അന്ന് അനിരുദ്ധ് പ്രതികരിച്ചിരുന്നു. അന്ന് ആ ഗോസിപ്പുകള്‍ അടങ്ങിയെങ്കിലും വീണ്ടും വിവാഹവാര്‍ത്തകള്‍ സജീവമായിരിക്കുകയാണ്.

തമിഴ് സിനിമാ ലോകത്തെ ഒന്നാംനിര സംഗീത സംവിധായകനായ അനിരുദ്ധ്, തമിഴ് സൂപ്പര്‍താരം രജനീകാന്തിന്റെ ഭാര്യ ലത രജനീകാന്തിന്റെ സഹോദരീപുത്രന്‍ കൂടിയാണ്. സണ്‍ ഗ്രൂപ്പ് ചെയര്‍മാന്‍ കലാനിധി മാരന്റെ ഏക മകളാണ് 33-കാരിയായ കാവ്യ മാരന്‍. ഐപിഎല്‍ ലേലവേദികളിലെയും മത്സരങ്ങളിലെയും കാവ്യയുടെ സാന്നിധ്യം എപ്പോഴും സോഷ്യല്‍ മീഡിയയില്‍ വലിയ തരംഗമാകാറുണ്ട്.

ഇന്ത്യയിലെ ഏറ്റവും വലിയ സംഗീത സംവിധായകനും ഏറ്റവും വലിയ മാധ്യമ ഭീമന്റെ മകളും തമ്മിലുള്ള വിവാഹവാര്‍ത്ത കേട്ട് ആരാധകര്‍ ഇതിനകം തന്നെ ആശംസകളുമായി രംഗത്തെത്തിക്കഴിഞ്ഞു. എന്നാല്‍, നിലവിലെ പുതിയ വാര്‍ത്തകളോട് അനിരുദ്ധോ മാരന്‍ കുടുംബമോ ഇതുവരെ ഔദ്യോഗികമായി പ്രതികരിച്ചിട്ടില്ല. അതുകൊണ്ട് തന്നെ ഔദ്യോഗിക സ്ഥിരീകരണം വരുന്നത് വരെ ഈ വാര്‍ത്തകളെ ഒരു ഗോസിപ്പ് ആയി മാത്രമേ കാണാന്‍ സാധിക്കൂ.

Nitish Sahadev and Mammootty

വൻ താരനിരയാണ് മമ്മൂട്ടി ചിത്രത്തിലുള്ളത്. ജോജു ജോർജ്, സുരാജ് വെഞ്ഞാറമൂട്, ഷറഫുദ്ദീൻ, അൽഫോൺസ് പുത്രൻ എന്നിവർ ഈ സിനിമയുടെ ഭാഗമാകുമെന്നാണ് വിവരം. 

മമ്മൂട്ടി കമ്പനി നിർമിക്കുന്ന ഏറ്റവും ചെലവേറിയ ചിത്രമായിരിക്കും ഇത്. മാസ് എന്റർടെയ്നർ ഴോണറിലാണ് ചിത്രം ഒരുക്കുക. 'ഫാലിമി'ക്കു ശേഷം നിതീഷ് സഹദേവ് ഒരുക്കുന്ന മലയാള ചിത്രമാണിത്. ഡാർക്ക് ഹ്യൂമറിന് പ്രാധാന്യമുണ്ടായിരിക്കും. സിനിമയ്ക്കായി ഒരു 'ഫിക്ഷണൽ ലോകം' (സങ്കൽപ്പ ലോകം) സൃഷ്ടിച്ചായിരിക്കും ചിത്രീകരണം. ആക്ഷനും വലിയ പ്രാധാന്യമുണ്ടായിരിക്കും. നിതീഷിനൊപ്പം അനുരാജ് ഒ.ബി കൂടി ചേർന്നാണ് മമ്മൂട്ടി ചിത്രത്തിന്റെ തിരക്കഥ. അഗ്നിവേശ് രഞ്ജിത്താണ് പ്രൊജക്ട് ഡിസൈനർ.

Athimanoharam Movie

 ചിത്രത്തിന്റെ ജേണറെ കുറിച്ചുള്ള ആരാധകരുടെ സംശയങ്ങള്‍ക്ക് സോഷ്യല്‍ മീഡിയയിലാണ് സംവിധായകന്‍  മറുപടി നല്‍കിയിരിക്കുന്നത്. സോഷ്യല്‍ മീഡിയ സംവാദത്തിനിടെ ഒരു ആരാധകന്‍, 'തുടരും'നെക്കാള്‍ കൂടുതല്‍ ആക്ഷന്‍ രംഗങ്ങളുള്ള സിനിമയായിരിക്കുമെന്നാണ് കേള്‍ക്കുന്നതെന്നും അതാണ് എല്ലാവരുടെയും പ്രതീക്ഷയെന്നും പറഞ്ഞിരുന്നു. ഇതിനാണ് തരുണ്‍ മൂര്‍ത്തി മറുപടി നല്‍കിയത്. 'അതിമനോഹരം' ഒരു ആക്ഷന്‍ ഓറിയന്റഡ് സിനിമയല്ലെന്നും, 'തുടരും' സിനിമയുമായി സാമ്യമില്ലാത്തതിനാലാണ് ഈ പ്രോജക്ട് തിരഞ്ഞെടുക്കാന്‍ തീരുമാനിച്ചതെന്നും അദ്ദേഹം വ്യക്തമാക്കി. ''താരതമ്യങ്ങള്‍ ഒഴിവാക്കുക'' എന്നായിരുന്നു സംവിധായകന്റെ  പ്രതികരണം.

ചിത്രം ഒരു ''പോലീസ് പ്രൊസീജറല്‍ ആന്‍ഡ് ഫാമിലി ഡ്രാമ'' ആണെന്നും തരുണ്‍ മൂര്‍ത്തി വെളിപ്പെടുത്തി. ചിത്രത്തില്‍ ടി എസ് ലവലജന്‍ എന്ന പോലീസ് ഓഫീസറുടെ വേഷത്തിലാണ് മോഹന്‍ലാല്‍ എത്തുന്നത്. ഏറെക്കാലത്തിന് ശേഷം താരത്തിന്റെ സമ്പൂര്‍ണ പോലീസ് കഥാപാത്രമെന്ന പ്രത്യേകതയും ചിത്രത്തിനുണ്ട്. 

മുമ്പ് 'L366' എന്ന താല്‍ക്കാലിക പേരില്‍ അറിയപ്പെട്ടിരുന്ന ചിത്രത്തിന് വിഷു ദിനത്തിലാണ് 'അതിമനോഹരം' എന്ന പേര് ഔദ്യോഗികമായി പ്രഖ്യാപിച്ചത്. മോഹന്‍ലാല്‍ പോലീസ് യൂണിഫോമില്‍ ശബരിമല തീര്‍ഥാടകരുടെ ഇടയില്‍ നില്‍ക്കുന്ന ഫസ്റ്റ് ലുക്ക് പോസ്റ്റര്‍ പുറത്തുവന്നതോടെ സിനിമയ്ക്ക് വലിയ ശ്രദ്ധ ലഭിച്ചിരുന്നു. 

ചിത്രത്തില്‍ മീര ജാസ്മിനാണ് നായികയായി എത്തുന്നത്. രതീഷ് രവിയാണ് തിരക്കഥ ഒരുക്കുന്നത്. ആശിഖ് ഉസ്മാന്‍ പ്രൊഡക്ഷന്‍സിന്റെ ബാനറില്‍ ആശിഖ് ഉസ്മാനാണ് നിര്‍മ്മാണം. ഷാജി കുമാര്‍ ഛായാഗ്രഹണവും ജേക്‌സ് ബിജോയ് സംഗീത സംവിധാനവും നിര്‍വഹിക്കുന്നു. വിവേക് ഹര്‍ഷന്‍ എഡിറ്റിംഗും വിഷ്ണു ഗോവിന്ദ് സൗണ്ട് ഡിസൈനും കൈകാര്യം ചെയ്യുന്നു. 

ഒരു പൊളിറ്റിക്കല്‍ ത്രില്ലര്‍ സിനിമയുടെ ക്ലൈമാക്‌സ് പോലെ ഏകദേശം 10 ദിവസത്തോളം നമ്മളെ മുള്‍മുനയില്‍ നിര്‍ത്തിയാണ് സന്തോഷിപ്പിക്കുന്ന ആ വിവരം നമ്മുടെ ചെവിയിലെത്തിയത്. എന്തായാലും പറവൂര്‍കാര്‍ക്ക് അഭിമാനത്തോടെ ഒരു പുഞ്ചിരിക്കുന്ന മുഖമുള്ള മുഖ്യമന്ത്രിയെ കേരളത്തിന് സമ്മാനിക്കാനായെന്ന് പറയാം. ഒരു പക്ഷേ തെരെഞ്ഞെടുപ്പ് ഫലം വിപരീതമായിരുന്നുവെങ്കില്‍ വി ഡി സതീശന്‍ എന്ന നേതാവിന്റെ കരിയര്‍ അവസാനിച്ചേനെയെന്നും ധൈര്യമായി മുന്നോട്ട് പോകാന്‍ സതീശന്‍ കാണിച്ച ചങ്കൂറ്റത്തെ അഭിനന്ദിക്കുന്നതായും സലീം കുമാര്‍ വ്യക്തമാക്കി.

മുഖ്യമന്ത്രിയായി അധികാരമേല്‍ക്കുന്നതിന് മുമ്പ് തന്നെ ഒരു മാധ്യമം തനിക്കോട് സതീശനുമായുള്ള സൗഹൃദത്തെ കുറിച്ച് ഓര്‍മ്മക്കുറിപ്പ് ആവശ്യപ്പെട്ടിരുന്നുവെന്നും, ''ചങ്കില്‍ നിന്നെടുത്ത വാക്കുകളാണ്'' താന്‍ എഴുതിയതെന്നും അദ്ദേഹം ചടങ്ങില്‍ പറഞ്ഞു. ''വനവാസക്കാരന്റെ പട്ടാഭിഷേകം'' എന്ന തലക്കെട്ടിലാണ് ആ കുറിപ്പ് നല്‍കിയതെന്നും, ജനങ്ങള്‍ തന്നെയാണ് അദ്ദേഹത്തെ നേതൃസ്ഥാനത്തേക്ക് എത്തിച്ചതെന്നും സലിം കുമാര്‍ കൂട്ടിച്ചേര്‍ത്തു. 

2026 നിയമസഭാ തിരഞ്ഞെടുപ്പില്‍ പറവൂരില്‍ നിന്ന് ആറാം തവണയും വിജയിച്ച വി ഡി സതീശന്‍, യുഡിഎഫിനെ അധികാരത്തിലെത്തിച്ച ശേഷമാണ് കേരള മുഖ്യമന്ത്രിയായി സത്യപ്രതിജ്ഞ ചെയ്തത്. പത്ത് വര്‍ഷങ്ങള്‍ക്ക് ശേഷമാണ് യുഡിഎഫ് വീണ്ടും കേരളത്തില്‍ അധികാരത്തിലെത്തിയത്. 

1990-ല്‍ ആരംഭിച്ച തങ്ങളുടെ 32 വര്‍ഷം നീണ്ട ദാമ്പത്യ ജീവിതത്തിനിടയില്‍ അപ്രതീക്ഷിതമായി കടന്നുകൂടിയ ചില ഘടകങ്ങളാണ് വേര്‍പിരിയലിലേക്ക് നയിച്ചതെന്ന് പ്രിയദര്‍ശന്‍ സമ്മതിക്കുന്നു. ഒരു ഘട്ടമെത്തിയപ്പോള്‍ ഒരുതരത്തിലുള്ള വിരസതയും ഈഗോയുമെല്ലാം ഞങ്ങള്‍ക്കിടയില്‍ വന്നു. പിരിയുന്നതാണ് നല്ലതെന്ന് തീരുമാനിച്ചു. എന്നാല്‍ കുറച്ചുനാളുകള്‍ കഴിഞ്ഞപ്പോള്‍ പരസ്പരം മിസ് ചെയ്യുന്നതായി  തോന്നി. അങ്ങനെ വീണ്ടും ഒന്നിച്ചെന്നാണ് പ്രിയദര്‍ശന്‍ പറയുന്നത്.

10 വര്‍ഷത്തോളം പരസ്പരം വേര്‍പിരിഞ്ഞു ജീവിച്ച ശേഷമാണ് ലിസിയുമായി പ്രിയദര്‍ശന്‍ വീണ്ടും ഒന്നിക്കുന്നത്. കുറച്ചുവര്‍ഷങ്ങള്‍ കഴിഞ്ഞപ്പോള്‍ തങ്ങള്‍ക്ക് പരസ്പരം മിസ്സ് ചെയ്യുന്നതായി തോന്നിത്തുടങ്ങി. ഇതിനര്‍ഥം തങ്ങള്‍ക്കിടയില്‍ എവിടെയോ പഴയ പ്രണയം ഒളിഞ്ഞിരിപ്പുണ്ടെന്നതാണ് പ്രിയദര്‍ശന്‍ പറയുന്നു. നേരത്തെ പ്രിയദര്‍ശനും ലിസിയും തമ്മില്‍ വേര്‍പിരിഞ്ഞ വാര്‍ത്ത ആരാധകരിലും ഞെട്ടലുണ്ടാക്കിയിരുന്നു.

സംവിധായകന്‍ സിബി മലയിലിന്റെ മകന്റെ വിവാഹവേദിയില്‍ വിവാഹവേദിയില്‍ ഒരേ കാറില്‍ കൈകോര്‍ത്തുപിടിച്ച് പ്രിയദര്‍ശനും ലിസിയും എത്തിയതോടെയാണ് ഇവരുടെ പുനസ്സമാഗമം സിനിമാ ലോകത്തും സോഷ്യല്‍ മീഡിയയിലും ചര്‍ച്ചയായത്. മക്കളായ കല്യാണി പ്രിയദര്‍ശനും സിദ്ധാര്‍ത്ഥുമാണ് അച്ഛനെയും അമ്മയെയും വീണ്ടും ഒന്നിലേക്ക് നയിക്കാന്‍ പ്രധാന പങ്കുവഹിച്ചതെന്നാണ് റിപ്പോര്‍ട്ടുകള്‍.

 അതേസമയം ടിനിടോമിനെതിരെ ആരോപണങ്ങള്‍ ഉന്നയിച്ച നടി അന്‍സിബയെ കേള്‍ക്കാന്‍ അമ്മ എക്‌സിക്യൂട്ടീവ് യോഗം തീരുമാനിച്ചു. സംഘടനയ്ക്കുള്ളിലെ തര്‍ക്കം നാണക്കേടായെന്ന വിലയിരുത്തലിലാണ് താരങ്ങള്‍. ജൂണിലെ വാര്‍ഷിക പൊതുയോഗത്തിന് മുന്‍പായി പ്രശ്‌നങ്ങള്‍ പരിഹരിക്കാനാണ് ഭാരവാഹികളുടെ ശ്രമം.

Drishyam 3

' 13 വർഷമായി ഞങ്ങൾക്കൊപ്പമുള്ള ഈ യാത്രയിൽ പങ്കുചേരുന്നതിനു നന്ദി. ഈ കഥയോടു നിങ്ങൾക്കുള്ള സ്‌നേഹവും പിന്തുണയും വിശ്വാസവും ഞങ്ങളെ ഓരോ ദിവസവും കൂടുതൽ എളിയവരാക്കുന്നു,' മോഹൻലാൽ കുറിച്ചു. 58 മണിക്കൂറുകൾകൊണ്ടാണ് 100 കോടിയെന്ന നേട്ടം ദൃശ്യം 3 കൈവരിച്ചത്. 

റിലീസിനു ശേഷമുള്ള ആദ്യ അവധി ദിനമായ ഇന്നലെ (ശനി) 13.70 കോടിയാണ് ചിത്രത്തിന്റെ ഇന്ത്യ നെറ്റ് കളക്ഷൻ. വെള്ളിയാഴ്ച പ്രവൃത്തിദിനം ആയിട്ടുകൂടി ഇന്ത്യ നെറ്റ് കളക്ഷൻ 11.05 കോടിയായി. ചിത്രത്തിന്റെ വേൾഡ് വൈഡ് കളക്ഷൻ 110 കോടിയിലേക്ക് എത്തിയെന്നാണ് സാക്‌നിൽക് റിപ്പോർട്ട് ചെയ്യുന്നത്. കേരള ബോക്‌സ്ഓഫീസിൽ നിന്ന് മാത്രമായി 40 കോടിയോളം കളക്ട് ചെയ്തിട്ടുണ്ട്. 

100 കോടി നേട്ടം കൈവരിക്കുന്ന മോഹൻലാലിന്റെ അഞ്ചാമത്തെ സിനിമയാണിത്. പുലിമുരുഗൻ, ലൂസിഫർ, എമ്പുരാൻ, തുടരും എന്നീ ചിത്രങ്ങളാണ് നേരത്തെ ഈ നേട്ടം കൈവരിച്ചത്.

Ansiba Hassan and Tiny Tom

മതംമാറ്റം അടക്കം നടത്തുന്നു എന്നുപറഞ്ഞ് തന്നെ ജിഹാദി എന്നു വിളിച്ചു. അവിഹിതമുണ്ടെന്ന തരത്തിൽ മോശം കാര്യങ്ങൾ പ്രചരിപ്പിക്കുന്നു. ടിനി ടോം വ്യക്തിവൈരാഗ്യം തീർക്കുകയാണെന്നും അൻസിബ ആരോപിച്ചു. 

'അമ്മ'യുടെ കുടുംബസംഗമത്തിനു തലേന്ന് നടി നീന കുറുപ്പിനെ ടിനി ടോം കൈയേറ്റം ചെയ്യാൻ ശ്രമിച്ചതായി മറ്റുള്ളവർ പറഞ്ഞ് താൻ കേട്ടിട്ടുണ്ടെന്ന് അൻസിബ പറഞ്ഞു. നീന കുറുപ്പ് പരാതി നൽകിയിട്ടുണ്ടെന്നും അൻസിബ പറഞ്ഞു. 

Athimanoharam Movie

തുടരും സിനിമയേക്കാൾ ആക്ഷൻ രംഗങ്ങൾ അതിമനോഹരത്തിൽ പ്രതീക്ഷിക്കുന്നുണ്ടെന്നും അങ്ങനെയില്ലെങ്കിൽ ആ പ്രതീക്ഷ ഇല്ലാതാക്കാൻ അണിയറ പ്രവർത്തർ ശ്രമിക്കണം എന്നുമാണ് ആരാധകന്റെ വാക്കുകൾ. അതിനു തരുൺ നൽകിയ മറുപടി ഇങ്ങനെ, ' ഒരു ഫൈറ്റ് ഓറിയന്റഡ് സിനിമയല്ലെന്ന് പലവട്ടം പറഞ്ഞിരുന്നു. തുടരും പോലെ ഒരു സിനിമ അല്ലാത്തതുകൊണ്ടാണ് ഈ സിനിമ ചെയ്യാൻ തീരുമാനിച്ചത്. അതുകൊണ്ട് താരതമ്യങ്ങൾ ഒഴിവാക്കുക.' 

ജനുവരിയിലാണ് അതിമനോഹരം ചിത്രീകരണം ആരംഭിച്ചത്. ജൂണിൽ അവസാനിപ്പിച്ച് ഈ വർഷം തന്നെ തിയറ്ററുകളിലെത്തിയേക്കും. ആഷിക്ക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക്ക് ഉസ്മാനാണ് ചിത്രം നിർമ്മിക്കുന്നത്. മീര ജാസ്മിൻ ആണ് നായിക. 

സർവകലാശാല അസംബ്ലി ഹാളിൽ തിങ്കളാഴ്ച രാവിലെ 9.30-നാണ് ചടങ്ങ്. മമ്മൂട്ടിക്കൊപ്പം പ്രശസ്ത നാദസ്വര വിദ്വാൻ തിരുവിഴ ജയശങ്കറിന് ഡോക്ടർ ഓഫ് ലെറ്റേഴ്‌സും, പ്രമുഖ വാസ്‌കുലർ സർജൻ ഡോ. എൻ.രാധാകൃഷ്ണന് ഡോക്ടർ ഓഫ് സയൻസും വേദിയിൽ വെച്ച് സമ്മാനിക്കും.

സർവകലാശാല ചാൻസലർ കൂടിയായ ഗവർണർ രാജേന്ദ്ര വിശ്വനാഥ് അർലേക്കറാണ് പ്രതിഭകൾക്ക് പുരസ്‌കാരങ്ങൾ വിതരണം ചെയ്യുന്നത്. ചടങ്ങിൽ പ്രോ-ചാൻസലറും ഉന്നതവിദ്യാഭ്യാസ മന്ത്രിയുമായ റോജി എം. ജോൺ മുഖ്യാതിഥിയായി പങ്കെടുക്കുമെന്ന് വൈസ് ചാൻസലർ പ്രൊഫ. സി. ടി. അരവിന്ദകുമാർ വാർത്താസമ്മേളനത്തിൽ അറിയിച്ചു.

പവന്‍ കല്യാണ്‍, നാഗബാബു എന്നിവരെത്തിയതോടെ ചടങ്ങ് മെഗാ ഇവന്റായി മാറി. പവന്‍ കല്യാണ്‍ ക്ലാപ് ബോര്‍ഡ് നല്‍കിയപ്പോള്‍ സുസ്മിത കോനിഡേലയാണ് സ്വിച്ച് ഓണ്‍ നടത്തിയത്. ആദ്യ ഷോട്ട് വി വി വിനായകനാണ് സംവിധാനം ചെയ്തത്. 

'വാള്‍ട്ടെയര്‍ വീരയ്യ'ക്ക് ശേഷം ചിരഞ്ജീവിയും ബോബി കൊല്ലിയും വീണ്ടും ഒന്നിക്കുന്ന ചിത്രം എന്ന നിലയില്‍ സിനിമയ്ക്ക് പ്രതീക്ഷകള്‍ ഏറെയാണ്. എസ് തമന്‍ സംഗീതസംവിധാനം ചെയ്യുന്ന സിനിമയ്ക്ക് ക്യാമറ കൈകാര്യം ചെയ്യുക വിജയ് കാര്‍ത്തിക് കണ്ണനായിരിക്കുമെന്നാണ് റിപ്പോര്‍ട്ട്. സിനിമയില്‍ ചിരഞ്ജീവിയുടെ മകളുടെ വേഷത്തിലാണ്‍ അനശ്വര രാജന്‍ എത്തുന്നതെന്നാണ് സൂചന. എന്നാല്‍ ഇതുസംബന്ധിച്ച ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല. കെവിഎന്‍ പ്രൊഡക്ഷന്‍സാണ് സിനിമ നിര്‍മിക്കുന്നത്.

Drishyam 3

അഡ്വാൻസ് ബുക്കിങ്ങിലൂടെ 35 കോടിയാണ് ദൃശ്യം 3 നേടിയത്. ഇന്ത്യൻ ബോക്‌സ്ഓഫീസിൽ നിന്ന് മാത്രമായി 5,506 ഷോകളിൽ നിന്ന് 15.85 കോടി സ്വന്തമാക്കി. മലയാളം പതിപ്പ് 3,503 ഷോകളിൽ നിന്ന് 13.70 കോടി കരസ്ഥമാക്കി. തെലുങ്ക് പതിപ്പ് 1.50 കോടി നേടിയപ്പോൾ തമിഴിൽ 45 ലക്ഷവും കന്നഡ 20 ലക്ഷവുമാണ് സ്വന്തമാക്കിയത്. 

ദൃശ്യം 3 മുൻ ഭാഗങ്ങളെ പോലെ ഒരു സീറ്റ് എഡ്ജ് ത്രില്ലർ അല്ല. മറിച്ച് കഥാപാത്രങ്ങളിലൂടെ സഞ്ചരിക്കുന്ന ഇമോഷണൽ ഡ്രാമയും അതിനെ തുടർന്നുണ്ടാകുന്ന ഉദ്വേഗജനകമായ സംഭവങ്ങളും അടങ്ങുന്നതാണ്. ആദ്യ രണ്ട് ഭാഗങ്ങളിൽ രണ്ടാം പകുതിയിൽ സസ്‌പെൻസുകൾക്കാണ് കൂടുതൽ പ്രാധാന്യം നൽകിയിരുന്നതെങ്കിൽ മൂന്നാം ഭാഗത്ത് കഥാപാത്രങ്ങൾ കടന്നുപോകുന്ന ആത്മസംഘർഷങ്ങൾക്കാണ് പ്രാധാന്യം. വൻ ട്വിസ്റ്റുകൾ പ്രതീക്ഷിച്ചുവരുന്ന പ്രേക്ഷകരെ ഇത് ചിലപ്പോൾ നിരാശപ്പെടുത്തിയേക്കും. 

Kamal Haasan and Mohanlal

' വർഷം പലതും പിന്നിടും, പക്ഷേ നിങ്ങളിലെ കലാകാരൻ ഞങ്ങളെ വിസ്മയിപ്പിക്കുന്നതും പ്രചോദിപ്പിക്കുന്നതും തുടരും. നിങ്ങളുടെ അനശ്വരമായ യാത്രയ്ക്കു സാക്ഷിയാകാൻ സാധിച്ചത് വലിയ ഭാഗ്യമാണ് സുഹൃത്തേ. പ്രിയപ്പെട്ട മോഹൻലാലിനു ജന്മദിനാശംസകൾ,' കമൽ കുറിച്ചു. 

Mohanlal

'ചാടും ഓടും ഒച്ചവയ്ക്കും മുറ്റത്തൊക്കെ ഇറങ്ങി ഓളിയിടും മരത്തിൻമേലൊക്കെ കയറും..വീട്ടിൽ അങ്ങനെയാണ് ലാൽ. വളരെ കുഞ്ഞായിരുന്നപ്പോൾ വീട്ടിൽ നിന്നിറങ്ങി റോഡിലേക്കൊക്കെ ഓടിപോകുമായിരുന്നു. ഡ്രസൊക്കെ ഇഷ്ടമാണ്. മോതിരം ഭയങ്കര ഇഷ്ടമാണ്,' ലാലിന്റെ അമ്മ പറഞ്ഞു 

66 വയസ് ആയെങ്കിലും ഇപ്പോഴും മോഹൻലാൽ മലയാളികൾക്ക് പ്രിയങ്കരനായ ചോക്ലേറ്റ് ബോയ് ആണ്. മോഹൻലാലിന്റെ അമ്മയ്ക്ക് ലാൽ ഇപ്പോഴും കൊച്ചുകുട്ടി തന്നെയാണ്. അത്രയേറെ വാൽസല്യത്തോടെയാണ് അമ്മ മകനെ കുട്ടിക്കാലം തൊട്ട് വളർത്തിയത്. 

ഷൂട്ടിങ് തിരക്കുകൾക്കിടയിലും മോഹൻലാൽ അമ്മയെ കാണാൻ വീട്ടിലേക്ക് ഓടിയെത്താറുണ്ട്. എന്നാൽ, തന്നെ കണ്ടശേഷം അപ്പോൾ തന്നെ തിരിച്ച് പോകാനായി വരേണ്ട എന്ന് മോഹൻലാലിനോട് അമ്മ പറയാറുണ്ട്. വന്നാൽ രണ്ട് ദിവസമെങ്കിലും മകൻ തനിക്കൊപ്പം നിൽക്കണമെന്നാണ് അമ്മയ്ക്ക്. ഇത്രയേറെ ജോലിത്തിരക്കുകൾക്കിടയിൽ നിന്ന് തിടുക്കത്തിൽ വന്നു പോകാനുള്ള മകന്റെ പ്രയാസം മനസിലാക്കിയാണ് അമ്മ അങ്ങനെ പറയാറുള്ളത്. 'ഇങ്ങനെ ഓടിപിടഞ്ഞ് വന്നുപോകാൻ ആണെങ്കിൽ മക്കള് വരണ്ട,' എന്നാണ് താൻ ലാലിനോട് പറയാറെന്ന് പഴയൊരു അഭിമുഖത്തിൽ അദ്ദേഹത്തിന്റെ അമ്മ പറഞ്ഞിരുന്നു.

Mohanlal

മോഹൻലാലിനോളം മലയാളികളെ ഭ്രമിപ്പിച്ച ഒരു താരമില്ല. മലയാളികൾ മോഹൻലാലിനോട് കാണിക്കുന്നത് ഒരുതരം ഭ്രാന്ത് പിടിച്ച സ്നേഹവും വാത്സല്യവുമാണ്. ഈ 66 ന്റെ നിറവിലും മലയാളികൾക്ക് അയാൾ അയലത്തെ വീട്ടിലെ പയ്യനാണ്. ഒരു ശരാശരി മലയാളിയുടെ എല്ലാ വികാര വിക്ഷോഭങ്ങളുടേയും ശരീരഭാഷയുടേയും ആകെത്തുകയാണ് മോഹൻലാൽ. അതുകൊണ്ട് തന്നെയാണ് അയാൾ ഇത്രത്തോളം പ്രിയപ്പെട്ടതാകുന്നതും. മലയാളികളുമായി റിലേറ്റ് ചെയ്യുന്ന എല്ലാ കാര്യങ്ങളും അനായാസമായാണ് മോഹൻലാൽ തന്റെ ശരീരഭാഷയിലും മുഖഭാവത്തിലും ചടുലമായി പ്രതിഫലിപ്പിക്കുന്നത്. അതുകൊണ്ട് തന്നെ അങ്ങനെയൊരു നടനോട് മലയാളികൾക്ക് വല്ലാത്തൊരു ഇന്റിമസിയും ആരാധനയും തോന്നും. തമിഴ് മക്കൾക്ക് എക്കാലത്തും ആഘോഷിക്കാൻ ഒരു രജനീകാന്ത് ഉള്ളതുപോലെ ഇങ്ങ് മലയാളത്തിലും തലൈവരായി മോഹൻലാൽ ഉണ്ട്.

നമ്മളുമായി ഏറ്റവും അടുത്ത ഒരു വ്യക്തിയായി, അല്ലെങ്കിൽ നമ്മളെ പോലെ മറ്റൊരു വ്യക്തിയായി മോഹൻലാൽ കഥാപാത്രങ്ങളെ തോന്നുന്നിടത്താണ് അയാളിലെ താരവും നടനും നാല് പതിറ്റാണ്ടോളമായി വിജയിച്ചു നിൽക്കുന്നത്. ഒരു ടിപ്പിക്കൽ മലയാളി പ്രൊഡക്ടിനെ കാണിച്ചുതരാൻ ആരെങ്കിലും പറഞ്ഞാൽ സംശയമൊന്നും ഇല്ലാതെ നിങ്ങൾക്ക് മോഹൻലാലിലേക്ക് വിരൽചൂണ്ടാം...മോഹൻലാലിലേക്ക് മാത്രം ! 

തൊണ്ണൂറുകളിലാണ് മോഹൻലാൽ അദ്ദേഹത്തിന്റെ കരിയറിലെ ഏറ്റവും മികച്ച കഥാപാത്രങ്ങളെല്ലാം പകർന്നാടിയത്. അതിൽ മിക്കതും മലയാളികൾക്ക് പെട്ടന്ന് റിലേറ്റ് ചെയ്യാൻ പറ്റുന്ന കഥാപാത്രങ്ങളായിരുന്നു. മലയാളികളോട് ഏറ്റവും അടുത്തുനിൽക്കുന്ന കഥാപാത്രം. സ്വന്തം വീട്ടിലെ കുസൃതിയും കള്ളത്തരവും നിറഞ്ഞ ഒരു പയ്യനെ പോലെ മോഹൻലാൽ വിലസിയ കാലഘട്ടം. പിൽക്കാലത്ത് മോഹൻലാലിനെ പോലെ അയലത്തെ പയ്യൻ ഇമേജ് സ്വന്തമാക്കിയ മറ്റൊരു താരം ദിലീപാണ്. കരിയറിന്റെ പീക്ക് ടൈമിൽ ദിലീപ് വലിയ രീതിയിൽ ആഘോഷിക്കപ്പെട്ടിട്ടുണ്ട്. അഭൂതപൂർവ്വമായ രീതിയിൽ കുടുംബപ്രേക്ഷകരുടെ പിന്തുണ അക്കാലത്ത് ദിലീപ് ചിത്രങ്ങൾക്ക് കിട്ടിയിരുന്നു. പക്ഷേ ദിലീപിന്റെ 'അയലത്തെ പയ്യൻ' ഇമേജിന് കേവലം നാലോ അഞ്ചോ വർഷത്തെ ആയുസ്സേ ഉണ്ടായിരുന്നുള്ളൂ. അവിടെയാണ് മോഹൻലാൽ എത്രത്തോളം മലയാളികളുടെ പ്രിയപ്പെട്ടവനാണെന്ന് മനസ്സിലാകുന്നത്. നാല് പതിറ്റാണ്ടിലേറെയായി മോഹൻലാൽ മലയാളികൾക്ക് പ്രിയപ്പെട്ട ലാലേട്ടനായി ഇവിടെയുണ്ട്. 

ഒരു നടൻ ആവർത്തിക്കപ്പെടരുത് എന്നാണ് എല്ലാ നിരൂപകരുടെയും നിരീക്ഷണം. ഇക്കാര്യത്തിൽ മലയാളികൾ ഒഴികഴിവ് നൽകിയിരിക്കുന്നത് മോഹൻലാലിന് മാത്രമാണ്. മോഹൻലാൽ ആവർത്തിക്കപ്പെടുന്നതിന്റെ ചന്തം മലയാളികൾക്ക് ഇന്നും ആസ്വദിച്ചു തീർന്നിട്ടില്ല. വിന്റേജ് മോഹൻലാലിനെ സ്‌ക്രീനിൽ കാണാൻ കൊതിക്കുന്നവരാണ് കടുത്ത മമ്മൂട്ടി ആരാധകനായ ഞാൻ പോലും. ഗാഥ 'ഐ ഹേറ്റ് യൂ' എന്ന് പറയുമ്പോൾ ഒന്ന് കുണുങ്ങി ചിരിച്ച് മോഹൻലാൽ പറയുന്നുണ്ട് 'ഇറ്റ്സ് ഇംപോസിബിൾ'. അതെ, വിന്റേജ് മോഹൻലാലിനെ വെറുക്കുക എന്നത് ഒരു മമ്മൂട്ടി ആരാധകന് പോലും ദുഷ്‌കരമായ കാര്യമാണ്. അതുകൊണ്ടാണ് 'ഹേ മനുഷ്യാ, നിങ്ങൾ എത്ര വേണമെങ്കിലും ആവർത്തിക്കൂ' എന്ന് പ്രായഭേദമന്യേ മലയാളികൾ ഇന്നും ഒരേ സ്വരത്തിൽ ആവശ്യപ്പെടുന്നത്. 

എത്രയൊക്കെ കണ്ടു കളഞ്ഞാലും പിന്നെയും പിന്നെയും മായാജാലം തീർക്കുന്ന ലാൽ ഭാവങ്ങളുണ്ട്. അതൊരു സ്വാഭാവികമായ ഒഴുക്കാണ്. കുറച്ച് വെള്ളമെടുത്ത് ഒരു പരന്ന പാത്രത്തിൽ ഒഴിച്ചു നോക്കുക, വെള്ളം പരന്ന പാത്രത്തിന്റെ ആകൃതിയിലേക്ക് നിമിഷനേരം കൊണ്ട് മാറും. ആ വെള്ളമെടുത്ത് ഒരു കുപ്പിയിലേക്ക് ഒഴിക്കുക, വെള്ളത്തിന് പിന്നെ കുപ്പിയുടെ രൂപമാണ്. അങ്ങനെയാണ് ലാൽ ഭാവങ്ങളും. ഏത് കഥാപാത്രത്തേയും തന്നിലേക്ക് സ്വാംശീകരിക്കാൻ അപാരമായ കഴിവുണ്ട് മോഹൻലാലിന്. അത് വളരെ ബുദ്ധിമുട്ടേറിയ കാര്യമാണെങ്കിലും മോഹൻലാൽ അത് വളരെ ലാഘവത്തോടെ ചെയ്യുന്നുണ്ട് വർഷങ്ങളായി. 

Drishyam 3

ദൃശ്യം 3 മുൻ ഭാഗങ്ങളെ പോലെ ഒരു സീറ്റ് എഡ്ജ് ത്രില്ലർ അല്ല. മറിച്ച് കഥാപാത്രങ്ങളിലൂടെ സഞ്ചരിക്കുന്ന ഇമോഷണൽ ഡ്രാമയും അതിനെ തുടർന്നുണ്ടാകുന്ന ഉദ്വേഗജനകമായ സംഭവങ്ങളും അടങ്ങുന്നതാണ്. ആദ്യ രണ്ട് ഭാഗങ്ങളിൽ രണ്ടാം പകുതിയിൽ സസ്പെൻസുകൾക്കാണ് കൂടുതൽ പ്രാധാന്യം നൽകിയിരുന്നതെങ്കിൽ മൂന്നാം ഭാഗത്ത് കഥാപാത്രങ്ങൾ കടന്നുപോകുന്ന ആത്മസംഘർഷങ്ങൾക്കാണ് പ്രാധാന്യം. വൻ ട്വിസ്റ്റുകൾ പ്രതീക്ഷിച്ചുവരുന്ന പ്രേക്ഷകരെ ഇത് ചിലപ്പോൾ നിരാശപ്പെടുത്തിയേക്കും. 

Mohanlal (Drishyam 3)

ആദ്യ രണ്ട് ഭാഗങ്ങളിൽ നിന്ന് അൽപ്പം വ്യത്യസ്തമായ ഷെയ്ഡാണ് ഇത്തവണ ജോർജ്ജ്കുട്ടിക്കു ഉള്ളത്. ആദ്യ ഭാഗത്തിലെ പോലെ പെർഫോം ചെയ്യാനുള്ള സ്‌പേസും കൂടുതലാണ്. ജോർജ്ജ്കുട്ടി കടന്നുപോകുന്ന വൈകാരിക തലങ്ങളെയെല്ലാം മോഹൻലാൽ ഗംഭീരമാക്കിയിട്ടുണ്ട്. ക്ലൈമാക്‌സിനോടു അടുക്കുമ്പോഴുള്ള മോഹൻലാലിന്റെ പെർഫോമൻസ് എടുത്തുപറയേണ്ടതാണ്.

സിനിമ ഡൗൺ ആയി പോകാവുന്ന ചില സ്ഥലങ്ങളിൽ മോഹൻലാലിന്റെ പെർഫോമൻസാണ് പിടിച്ചുനിർത്തുന്നത്. മീന, അൻസിബ ഹസൻ, എസ്‌തേർ അനിൽ എന്നിവർക്കൊപ്പമുള്ള മോഹൻലാലിന്റെ കോംബിനേഷൻ സീനുകൾ പ്രേക്ഷകരെ ഒരേസമയം കരയിപ്പിക്കുകയും ഞെട്ടിക്കുകയും ചെയ്യും. ജന്മദിനത്തിൽ തന്നെ ഇത്രയും മികച്ച പെർഫോമൻസ് തങ്ങൾക്കു സമ്മാനിച്ചതിനു പ്രേക്ഷകർ മോഹൻലാലിനു നന്ദി പറയുകയാണ്. 

Drishyam 3

ദൃശ്യം 3 മുൻ ഭാഗങ്ങളെ പോലെ ഒരു സീറ്റ് എഡ്ജ് ത്രില്ലർ അല്ല. മറിച്ച് കഥാപാത്രങ്ങളിലൂടെ സഞ്ചരിക്കുന്ന ഇമോഷണൽ ഡ്രാമയും അതിനെ തുടർന്നുണ്ടാകുന്ന ഉദ്വേഗജനകമായ സംഭവങ്ങളും അടങ്ങുന്നതാണ്. ആദ്യ രണ്ട് ഭാഗങ്ങളിൽ രണ്ടാം പകുതിയിൽ സസ്‌പെൻസുകൾക്കാണ് കൂടുതൽ പ്രാധാന്യം നൽകിയിരുന്നതെങ്കിൽ മൂന്നാം ഭാഗത്ത് കഥാപാത്രങ്ങൾ കടന്നുപോകുന്ന ആത്മസംഘർഷങ്ങൾക്കാണ് പ്രാധാന്യം. വൻ ട്വിസ്റ്റുകൾ പ്രതീക്ഷിച്ചുവരുന്ന പ്രേക്ഷകരെ ഇത് ചിലപ്പോൾ നിരാശപ്പെടുത്തിയേക്കും. 

അതേസമയം ആദ്യ രണ്ട് ഭാഗങ്ങളെ വെച്ച് നോക്കുമ്പോൾ ജീത്തു ജോസഫ് മേക്കിങ് ക്വാളിറ്റിയിൽ വലിയ മാറ്റം കൊണ്ടുവന്നിട്ടുണ്ട്. അവതരണശൈലിയിലെ അതിനാടകീയത കുറയ്ക്കാൻ സംവിധായകനു ഏറെക്കുറെ സാധിച്ചു. അപ്പോഴും കല്ലുകടിയായി ചില സംഭാഷണങ്ങളും രംഗങ്ങളും ഉണ്ടെന്നത് മറക്കുന്നില്ല. ഒരു ഫാമിലി ഡ്രാമ എന്ന നിലയിൽ സമീപിച്ചാൽ ദൃശ്യം 3 നിങ്ങളെ തീർച്ചയായും തൃപ്തിപ്പെടുത്തും. മോഹൻലാൽ അടക്കമുള്ളവരുടെ പെർഫോമൻസും മികച്ചതാണ്.

Mohanlal

കാലങ്ങളായി മലയാളികള്‍ക്ക് മികച്ച വിജയങ്ങള്‍ സമ്മാനിക്കുന്നുണ്ടെങ്കിലും തുടര്‍ച്ചയായി മികച്ച സിനിമകള്‍ സമ്മാനിക്കാന്‍ മോഹന്‍ലാലിന് പലപ്പോഴും കഴിഞ്ഞിട്ടില്ല. യുവ സംവിധായകര്‍ക്ക് മോഹന്‍ലാല്‍ കാര്യമായ അവസരങ്ങള്‍ നല്‍കുന്നില്ലെന്നും വിമര്‍ശനങ്ങള്‍ പതിവാണ്. എന്നാല്‍ ദൃശ്യം 3യ്ക്ക് ശേഷം ദിലീഷ് പോത്തന്‍ ചിത്രമടക്കം ഒരുപിടി മികച്ച ചിത്രങ്ങളാണ് മോഹന്‍ലാലിന്റേതായി വരാനുള്ളത്.

മലയാളികള്‍ക്ക് എന്നും പ്രിയപ്പെട്ട മോഹന്‍ലാല്‍ പ്രിയദര്‍ശന്‍ കൂട്ടുക്കെട്ട് വീണ്ടും ഒന്നിക്കുന്നുവെന്ന വാര്‍ത്തയും പുറത്തുവരുന്നുണ്ട്. ആക്ഷനോ കോമഡിയ്‌ക്കോ അല്ല സംഗീതത്തിന് പ്രാധാന്യമുള്ളതാകും സിനിമയെന്നാണ് സൂചന. പ്രിയദര്‍ശന്റെ നൂറാം സിനിമയായിരിക്കും ഇത്. ഇത് കൂടാതെ തുടരും എന്ന വന്‍ വിജയത്തിന് ശേഷം തരുണ്‍മൂര്‍ത്തിക്കൊപ്പമുള്ള അതിമനോഹരവും റിലീസിനായി കാത്തിരിക്കുന്നുണ്ട്. മോഹന്‍ലാല്‍ പോലീസ് വേഷത്തിലെത്തുന്ന സിനിമയില്‍ മീരാ ജാസ്മിനാണ് നായികയാവുന്നത്.

മലയാളത്തില്‍ സംവിധായകനായി മികവറിയിച്ച ദിലീഷ് പോത്തനൊപ്പം മോഹന്‍ലാല്‍ ആദ്യമായി ഒന്നിക്കുന്ന സിനിമയും അണിയറയിലുണ്ട്. സിനിമയുടെ ഔദ്യോഗിക പ്രഖ്യാപനം ഉടനുണ്ടാവുമെന്നാണ് റിപ്പോര്‍ട്ട്.

Drishyam 3 Social Media Reactions

ദൃശ്യം 3യുടെ ആദ്യപകുതി അവസാനിക്കുമ്പോള്‍ സിനിമയ്ക്ക് മികച്ച പ്രതികരണങ്ങള്‍. ആദ്യ പകുതി അവസാനിക്കുമ്പോള്‍ കുടുംബത്തെ രക്ഷിക്കാനായുള്ള ജോര്‍ജുകുട്ടിയുടെ ഓട്ടങ്ങള്‍ അവസാനിക്കുന്നില്ല. ഇത്തവണ പക്ഷേ ആരാണ് തന്റെ പിന്നാലെയെന്ന് മനസിലാകാത്ത ജോര്‍ജുകുട്ടിയാണ് സ്‌ക്രീനില്‍.

സംവിധായകന്‍ ജീത്തുജോസഫ് പറഞ്ഞത് പോലെ ഇമോഷണലായി കണക്ട് ചെയ്തുകൊണ്ടാണ് സിനിമയുടെ ആദ്യപകുതി. ജോര്‍ജുകുട്ടിയുടെ കുടുംബത്തിനെന്താകും എന്ന ആകാംക്ഷ നിലനിര്‍ത്തികൊണ്ട് സിനിമ കൊണ്ടുപോകാനാകുന്നു എന്നതാണ് ആദ്യപകുതിയുടെ പ്രധാന പോസിറ്റീവ്. ദൃശ്യം രണ്ടാം ഭാഗത്തില്‍ മെയ്ക്കിങ്ങിനെതിരെ ഉയര്‍ന്ന വിമര്‍ശനങ്ങള്‍ക്ക് മറുപടി നല്‍കാന്‍ മൂന്നാം ഭാഗത്തിനാകുന്നുണ്ട്. പതിയെ പടരുന്ന തീ പോലെ കത്തികയറുന്ന സിനിമയുടെ ആദ്യപകുതി ഒരു ഭാഗത്തും ബോറിങ്ങാകുന്നില്ല. അങ്ങിങ്ങായി ചെറിയ സര്‍പ്രൈസുകളും സിനിമ നല്‍കുന്നുണ്ട്.

നടനെന്ന നിലയില്‍ മോഹന്‍ലാലിന്റെ സൂക്ഷ്മമായ അഭിനയ മികവ് സിനിമ പുറത്തുകൊണ്ടുവരുന്നുണ്ട്. വൈകാരികമായ അഭിനയത്തിന്റെ ഡീറ്റെയ്ലിങ്, ഡയലോഗ് ഡെലിവറി എല്ലാം എടുത്തുപറയേണ്ടതാണ്. ഓരോ നിമിഷവും തന്റെ പിന്നാലെ ആരോ ഉണ്ടെന്ന് മനസിലാക്കുകയും എന്നാല്‍ അതാരാണെന്ന് കണ്ടെത്താനാവാതെ ഇരിക്കുകയും ചെയ്യുന്ന ജോര്‍ജുകുട്ടി വലിയ ആകാംക്ഷയാണ് ആദ്യപകുതിയില്‍ സൃഷ്ടിക്കുന്നത്.

Drishyam 3

ബോക്‌സ്ഓഫീസിൽ വൻ കുതിപ്പാണ് ചിത്രം നടത്തികൊണ്ടിരിക്കുന്നത്. പ്രീ സെയിൽ ആയി മാത്രം 30 കോടി കടന്നു. ചിത്രത്തിനു മികച്ച പ്രതികരണങ്ങൾ കൂടി ലഭിച്ചാൽ ആദ്യദിന വേൾഡ് വൈഡ് കളക്ഷൻ 50 കോടിയാകുമെന്ന് ഉറപ്പ്. 

അതേസമയം ചിത്രത്തിന്റെ സെൻസർ സർട്ടിഫിക്കറ്റ് പുറത്തുവന്നിട്ടുണ്ട്. വയലൻസിനു വലിയ പ്രാധാന്യമുണ്ടെന്നാണ് വിവരം. ഒന്നിലേറെ ഫൈറ്റ് രംഗങ്ങൾ ചിത്രത്തിലുണ്ട്. 

ഭോപാലില്‍ ദാമ്പത്യപ്രശ്‌നങ്ങളുടെ പേരില്‍ ട്വിഷ എന്ന മോഡലും നോയിഡയില്‍ ദീപിക എന്ന യുവതിയും ആത്മഹത്യ ചെയ്ത സംഭവങ്ങളെ തുടര്‍ന്നാണ് കങ്കണയുടെ കുറിപ്പ്. പരസ്പരം ബന്ധങ്ങളില്ലെങ്കിലും 2 സംഭവങ്ങളും രാജ്യത്ത് വലിയ ചര്‍ച്ചയായിരുന്നു. വിവാഹിതരായ യുവതികളെ പറ്റി നിരവധി വേദനാജനകമായ വാര്‍ത്തകളാണ് ദിവസവും വരുന്നത്. വിദ്യാസമ്പന്നരായ ഈ യുവതികളില്‍ പലരും ദുരന്തങ്ങള്‍ സംഭവിക്കും മുന്‍പ് രക്ഷിക്കാന്‍ മാതാപിതാക്കളോട് അഭ്യര്‍ഥിക്കാറുണ്ട്. എന്നാല്‍ സമൂഹത്തെ പേടിച്ച് പെണ്മക്കള്‍ക്കൊപ്പം നില്‍ക്കാന്‍ ഇന്ത്യയിലെ മാതാപിതാക്കള്‍ ശ്രമിക്കാറില്ല.

 നിങ്ങളുടെ കരിയര്‍ നിങ്ങളുടെ ജീവിതത്തിലെ മറ്റെന്തിനേക്കാളും പ്രധാനമാണ്. സ്വതന്ത്രയായതിന് ശേഷം മാത്രം വിവാഹത്തെ പറ്റി ചിന്തിക്കുക. ദയവായി നിങ്ങള്‍ സ്വയം നിങ്ങളുടെ നായികയാകണം. നിങ്ങളെ രക്ഷിക്കാന്‍ ആരും വരില്ല. നിങ്ങള്‍ ആരായിരിക്കുന്നു, എന്ത് ചെയ്യുന്നു, ആരെ വിവാഹം ചെയ്യുന്നു എന്നതെല്ലാം പ്രധാനമാണ്. നിങ്ങളുടെ ജീവിതം നിങ്ങള്‍ കെട്ടിപ്പടുക്കുക. ആരുടെയും ഉപദേശം തേടരുത്. കങ്കണ പറഞ്ഞു.

 ആശിര്‍വാദ് സിനിമാസ് പുറത്തുവിട്ട ചാറ്റ് ഷോയ്ക്കിടെയാണ് മീന ഇക്കാര്യം പറഞ്ഞത്. ആദ്യഭാഗത്തില്‍ അഭിനയിക്കാമോ എന്ന് ചോദിച്ചപ്പോള്‍ വേണ്ട എന്ന് പറഞ്ഞതാണ്. ഇപ്പോള്‍ ആലോചിക്കുമ്പോള്‍ എന്തൊരു വിഡ്ഡിത്തമായിരുന്നു അതെന്ന് തോന്നുന്നു. അന്ന് മകള്‍ക്ക് 2 വയസ്സ് മാത്രമായിരുന്നു. അവളെ വിട്ടിട്ട് വരാന്‍ പറ്റില്ലെന്ന് കരുതിയാണ് പറഞ്ഞത്. ജീത്തു എന്നെ കാണുന്നതിനെ മുന്‍പെ മമ്മൂക്ക പറഞ്ഞിരുന്നു. നല്ല കഥാപാത്രമാണ്, നിനക്ക് ചേരും എന്നെല്ലാം. അപ്പോഴും എനിക്ക് ഉറപ്പില്ലായിരുന്നു. ആ കഥാപാത്രത്തെ പൂര്‍ണതയില്‍ അവതരിപ്പിക്കാനാകുമോ എന്ന ആശങ്കയുണ്ടായിരുന്നു. എന്നാല്‍ എനിക്കായി എന്ത് സൗകര്യവും ചെയ്തുതരാമെന്ന് ആന്റണി പറഞ്ഞു. അങ്ങനെയാണ് റാണിക്ക് യെസ് പറഞ്ഞത്. മീന പറഞ്ഞു.

ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മിച്ച ദൃശ്യം മലയാളത്തിലെ ആദ്യ 50 കോടി സിനിമയായിരുന്നു. മലയാളത്തിന് പുറമെ അന്യഭാഷകളിലേക്കും മൊഴി മാറ്റിയ ദൃശ്യം എല്ലാ ഭാഷകളിലും വലിയ വിജയമായിരുന്നു. മോഹന്‍ലാലിനൊപ്പം മീന, എസ്തര്‍ അനില്‍, അന്‍സിബ ഹസന്‍ എന്നിവരും സിനിമയില്‍ മുഖ്യവേഷത്തിലെത്തുന്നുണ്ട്. 2013ലായിരുന്നു ദൃശ്യം പുറത്തിറങ്ങിയത്. രണ്ടാം ഭാഗം 2021ലും റിലീസ് ചെയ്തു.

നാല്പതുകളിലാണ് പരമ്പരാഗതമായ ചിന്തകളില്‍ നിന്ന് വിട്ട് ജീവിക്കാന്‍ തുടങ്ങിയത്.

മറ്റൊരാളുമായി ഒരേ മേല്‍ക്കൂരയ്ക്ക് കീഴില്‍ ജീവിതം പങ്കിടുക എന്നത് ഇനി  ജീവിതത്തില്‍ സംഭവിക്കാന്‍ സാധ്യതയില്ലാത്ത കാര്യമാണ്. ഈ ജീവിതം കൂടുതല്‍ സ്വാതന്ത്ര്യം നല്‍കുന്നുണ്ട്. വിവാഹത്തെ പറ്റിയോ മറ്റൊരാള്‍ക്കൊപ്പമുള്ള ജീവിതത്തെ പറ്റിയോ ഇപ്പോള്‍ ചിന്തിക്കുന്നില്ല. താരം പറയുന്നു.

താന്‍ ദത്തെടുത്ത് വളര്‍ത്തുന്ന രണ്ട് പെണ്‍മക്കളാണ് തന്റെ ജീവിതത്തിന്റെ ഏറ്റവും വലിയ കരുത്തെന്ന് ചാര്‍ലീസ് തെറോണ്‍ പറയുന്നു. മുന്‍പ് അമ്മ മറ്റൊരാള്‍ക്കൊപ്പം പോകുമോ എന്നെല്ലാം മക്കള്‍ ചോദിക്കാറുണ്ടായിരുന്നു. ഇപ്പോള്‍ അവര്‍ക്ക് അങ്ങനെയുള്ള ആശങ്കകളില്ല. താരം പറയുന്നു. ഒരാള്‍ക്കൊപ്പം സ്ഥിരമായി താമസിക്കുക എന്നത് തനിക്ക് ചിന്തിക്കാനാവില്ലെന്നാണ് നടി വ്യക്തമാക്കുന്നത്.

Drishyam 3

വേൾഡ് വൈഡ് പ്രീ സെയിൽ 25 കോടിയിലേക്ക് എത്താനാണ് സാധ്യത. ഇന്ത്യൻ ബോക്സ്ഓഫീസിൽ നിന്ന് ഏതാണ്ട് 10 കോടിക്ക് അടുത്തുണ്ട്. തമിഴ്നാട്, കർണാടക സംസ്ഥാനങ്ങളിലും ദൃശ്യം 3 ക്കു ഡിമാൻഡ് ഉണ്ടെന്നാണ് റിപ്പോർട്ടുകൾ. ചിത്രത്തിനു മികച്ച അഭിപ്രായം കൂടി ലഭിക്കുകയാണെങ്കിൽ ഏതാണ്ട് 35 കോടിയാണ് ആദ്യദിന വേൾഡ് വൈഡ് കളക്ഷനായി പ്രതീക്ഷിക്കുന്നത്. 

മോഹൻലാലിനൊപ്പം മീന, അൻസിബ ഹസൻ, എസ്തേർ അനിൽ, മുരളി ഗോപി, സിദ്ധിഖ്, ആശ ശരത്ത്, ശാന്തി മായാദേവി, വീണ നന്ദകുമാർ എന്നിവരും ദൃശ്യം 3 യിൽ പ്രധാന വേഷങ്ങളിലെത്തുന്നു. 

 കഴിഞ്ഞ 9 മാസത്തിനിടയില്‍ കൃത്യമായ വര്‍ക്കൗട്ട് നടത്തി 10 കിലോ താന്‍ കുറച്ചെന്നും എന്നാല്‍ ആളുകള്‍ ഇതെല്ലാം സര്‍ജറിയാണെന്ന് പറയുന്നത് തന്നെ വേദനിപ്പിച്ചെന്നും കീര്‍ത്തി പറയുന്നു. ഇന്ന് ഞാന്‍ എന്നെ ഇങ്ങനെ കാണുന്നതില്‍ അഭിമാനിക്കുന്നു. തടിച്ചിരുന്നാല്‍ ആളുകള്‍ മെലിഞ്ഞിരിക്കാന്‍ പറയും. മെലിഞ്ഞാല്‍ തടിക്കാന്‍ പറയും. ഈ ലോകം എങ്ങനെയാണ് പ്രവര്‍ത്തിക്കുന്നത്. ചിലപ്പോള്‍ ഞാന്‍ അത്ഭുതപ്പെട്ടുപോകുന്നു.

 

 

 

 

View this post on Instagram

 

 

 

 

 

 

 

 

 

 

 

A post shared by Keerthy Suresh (@keerthysureshofficial)

 യോഗ തനിക്ക് മികച്ച മാനസികാവസ്ഥയും ആത്മവിശ്വാസവും നല്‍കിയെന്നും ശരീരത്തെ കൂടുതല്‍ സ്‌നേഹിക്കാന്‍ പഠിച്ചെന്നും കീര്‍ത്തി പറയുന്നു. ഇന്‍സ്റ്റഗ്രാമില്‍ തന്റെ വര്‍ക്കൗട്ട് വീഡിയോ പങ്കുവെച്ചുകൊണ്ടാണ് കീര്‍ത്തിയുടെ പ്രതികരണം. നിരവധി പേരാണ് കീര്‍ത്തിയുടെ പോസ്റ്റില്‍ കമന്റുകളുമായി എത്തിയിരിക്കുന്നത്. റിവോള്‍വര്‍ റീത്തയാണ് താരത്തിന്റെ അവസാനമായി പുറത്തിറങ്ങിയ സിനിമ.

രേണുകാസ്വാമി കൊലക്കേസില്‍ രണ്ടാം പ്രതിയായ ദര്‍ശന്‍ ജാമ്യത്തിനായി സുപ്രീം കോടതിയെ സമീപിച്ചിരുന്നെങ്കിലും കഴിഞ്ഞ ദിവസം കോടതി ഹര്‍ജി തള്ളിയിരുന്നു. വിചാരണ നടപടികളില്‍ പുരോഗതി അറിയാന്‍ ഒരു വര്‍ഷം കൂടി കാത്തിരിക്കാനായിരുന്നു കോടതി നിര്‍ദേശം. ഈ സാഹചര്യത്തില്‍ ദര്‍ശന്‍ കടുത്ത നിരാശയിലാണെന്ന് ഭാര്യ വിജയലക്ഷ്മി ഇന്‍സ്റ്റഗ്രാമില്‍ കുറിച്ചു. 2003 മെയ് 19നാണ് ദര്‍ശനും വിജയലക്ഷ്മിയും വിവാഹിതരായത്. വിവാഹവാര്‍ഷികം ഒന്നിച്ച് ആഘോഷിക്കാനായി വിജയലക്ഷ്മി ദിജിപി അലോക് കുമാറിന് പ്രത്യേക അപേക്ഷ നല്‍കിയിരുന്നതായി റിപ്പോര്‍ട്ടുകളുണ്ട്.

ദര്‍ശന്റെ സുഹൃത്തും നടിയുമായ പവിത്ര ഗൗഡയ്ക്ക് അശ്ലീല സന്ദേശം അയച്ചതിനെ തുയ്യര്‍ന്ന് രേണുകാസ്വാമി എന്നയാളെ തട്ടികൊണ്ടുപോയി കൊലപ്പെടുത്തി എന്നതാണ് ദര്‍ശന്റെ പേരിലുള്ള കേസ്. സംഭവത്തില്‍ 2024 ജൂണില്‍ അറസ്റ്റിലായ ദര്‍ശനും മറ്റ് പ്രതികള്‍ക്കും പിന്നീട് ജാമ്യം ലഭിച്ചിരുന്നുവെങ്കിലും കഴിഞ്ഞ വര്‍ഷം ഓഗസ്റ്റില്‍ സുപ്രീം കോടതി ജാമ്യം റദ്ദാക്കുകയായിരുന്നു.

തെറ്റായ പ്രതീക്ഷകളോടെ ആരും പണം നല്‍കി സബ്‌സ്‌ക്രൈബ് ചെയ്യേണ്ടെന്ന് താരം പറയുന്നു. നിലവില്‍ 2 പേര്‍ സബ്‌സ്‌ക്രൈബ് ചെയ്തുകഴിഞ്ഞു. അത് അഞ്ചുപേരായാല്‍ പോലും കൃത്യമായി കണ്ടന്റ് നല്‍കുമെന്ന് മഞ്ജു പറഞ്ഞു. സബ്‌സ്‌ക്രിപ്ഷന്‍ എന്നത് ഭയങ്കരമായി ദുരുപയോഗം ചെയ്തിട്ട് അതിപ്പോള്‍ പുറത്തുപറയാന്‍ പറ്റാത്ത സംഗതിയായി മാറീട്ടുണ്ട്. എനിക്ക് ഇന്‍സ്റ്റഗ്രാമില്‍ നിന്ന് സബ്‌സ്‌ക്രിപ്ഷന്‍ അറിയിപ്പ് വന്നിരുന്നു. എന്നാല്‍ പിന്നെ ഞാനും തുടങ്ങാമെന്ന് വെച്ചു. വളരെ കുറച്ചുപേര്‍ ചെയ്യുന്ന തോന്ന്യാസങ്ങള്‍ കാരണം നന്നായി ഉപയോഗിക്കാവുന്ന ഒരു പ്ലാറ്റ്‌ഫോമിനെ മോശമാക്കുന്ന നിലയിലേക്ക് വന്നിരിക്കുകയാണ്. ഞാന്‍ സബ്‌സ്‌ക്രിപ്ഷന്‍ തുടങ്ങുകയാണ്.

 

 

 

 

View this post on Instagram

 

 

 

 

 

 

 

 

 

 

 

A post shared by Manju Pathrose (@manju_pathrose_official)

 നിങ്ങളില്‍ കഴിയുന്നവര്‍ സബ്‌സ്‌ക്രൈബ് ചെയ്യണം, സബ്‌സ്‌ക്രൈബ് ചെയ്തു എന്ന് കരുതി നിങ്ങള്‍ പ്രതീക്ഷിക്കുന്ന ത്രസിപ്പിക്കുന്ന രംഗങ്ങളൊന്നും അതിലുണ്ടാവില്ല. അങ്ങനെ താല്പര്യമുള്ളവര്‍ സംബ്‌സ്‌ക്രൈബ് ചെയ്യണ്ട. എന്റെ ജീവിതാനുഭവങ്ങള്‍, ചെറിയ യാത്രകള്‍, എന്നെ വിഷമിപ്പിക്കുന്ന, സന്തോഷം തരുന്ന കാര്യങ്ങളെല്ലാം പങ്കുവെയ്ക്കാനുള്ള സ്ഥലം എന്നതാണ് ഞാന്‍ ഉദ്ദേശിക്കുന്നത്. ജൂണ്‍ ഒന്നാം തീയതി മുതല്‍ വീഡിയോ ചെയ്യണം എന്ന് കരുതി ഇരിക്കുകയാണ്. നമുക്ക് ഇടയ്ക്ക് ലൈവ് ആയിട്ടും കാണാം, എല്ലാവരും സബ്‌സ്‌ക്രൈബ് ചെയ്യുക. മഞ്ജു പത്രോസ് വീഡിയോയില്‍ പറയുന്നു.

ഒരു അഭിമുഖത്തിനിടെയായിരുന്നു സബ ആസാദിന്റെ തുറന്നുപറച്ചില്‍. ''എനിക്ക് 'ആല്‍ഫ മെയില്‍' എന്ന ആശയം മനസ്സിലാകുന്നില്ല. എന്റെ കുടുംബത്തിലും സുഹൃത്തുക്കളിലും ഒരുപാട് അടിപൊളി പുരുഷന്മാരുണ്ട്. പക്ഷേ എന്നിട്ട് പോലും എനിക്ക് ആല്‍ഫാ മെയില്‍ എന്താണെന്ന് മനസിലായിട്ടില്ല. സമൂഹത്തില്‍ പുരുഷന്മാരുടെ ദൗര്‍ബല്യത്തെ പരിഹസിക്കുന്ന പ്രവണതയെ കുറിച്ചുള്ള ചോദ്യത്തിനോടായിരുന്നു സബയുടെ പ്രതികരണം. അടുത്തകാലത്തായി സോഷ്യല്‍ മീഡിയയില്‍ ആല്‍ഫാ മെയില്‍ കള്‍ച്ചര്‍ വ്യാപകമായി ചര്‍ച്ചയായിരുന്നു.

തന്റെ കരിയറിന്റെ തിളക്കത്തില്‍ നില്‍ക്കുമ്പോഴായിരുന്നു സരിതയുടെ വിവാഹവും തുടര്‍ന്നുള്ള വേര്‍പിരിയലും. രണ്ട് മക്കളെയും ഒറ്റയ്ക്ക് വളര്‍ത്തുക എന്നത് അത്ര എളുപ്പമുള്ള കാര്യമായിരുന്നില്ലെന്ന് സരിത ഓര്‍ക്കുന്നു. 'മക്കളുടെ പഠനവും അവരുടെ ഭാവിയും മാത്രമായിരുന്നു എന്റെ മുന്നിലുണ്ടായിരുന്ന ലക്ഷ്യം. ഒരു അമ്മ എന്ന നിലയിലും അച്ഛന്‍ എന്ന നിലയിലും എനിക്ക് ഒരേസമയം പ്രവര്‍ത്തിക്കേണ്ടി വന്നു. കരിയറില്‍ നിന്ന് മാറിനിന്ന് മക്കള്‍ക്കായി സമയം മാറ്റിവെക്കാന്‍ കഴിഞ്ഞതില്‍ ഇന്ന് ഞാന്‍ അഭിമാനിക്കുന്നു,' സരിത പറഞ്ഞു.

മുകേഷുമായുള്ള വിവാഹജീവിതം പരാജയപ്പെട്ടതിനെക്കുറിച്ച് പരിഭവങ്ങളോ പരാതികളോ പറയാന്‍ സരിത തയ്യാറായില്ല. പകരം, ആ അനുഭവങ്ങള്‍ തന്നെ ജീവിതത്തെ ധീരമായി നേരിടാന്‍ പഠിപ്പിച്ചുവെന്നാണ് താരം വ്യക്തമാക്കിയത്.

തന്റെ കഠിനാധ്വാനം വെറുതെയായില്ലെന്ന് തെളിയിക്കുന്നതാണ് മക്കളുടെ ഇന്നത്തെ വളര്‍ച്ചയെന്ന് സരിത വികാരാധീനയായി പറഞ്ഞു. മക്കള്‍ രണ്ടുപേരും ഇന്ന് ഉയര്‍ന്ന നിലകളില്‍ എത്തിക്കഴിഞ്ഞു. മൂത്ത മകന്‍ ശ്രാവണ്‍ മുകേഷ് ഡോക്ടറാകുന്നതിനൊപ്പം സിനിമയിലും തന്റെ സാന്നിധ്യം അറിയിച്ചിട്ടുണ്ട്. രണ്ടാമത്തെ മകനും വിദേശത്ത് ഉയര്‍ന്ന ജോലിയിലാണ്. മക്കളുടെ ഈ വിജയമാണ് ഒരു അമ്മയെന്ന നിലയില്‍ തന്റെ ഏറ്റവും വലിയ പുരസ്‌കാരമെന്ന് സരിത പറയുന്നു.

വെല്‍സ് ഫിലിം ഇന്റര്‍നാഷണലിന്റെ ബാനറില്‍ ഒരുങ്ങുന്ന ചിത്രം 'Production No. 32' എന്ന താത്കാലിക പേരിലാണ് പ്രഖ്യാപിച്ചിരിക്കുന്നത്. മണ്‍സൂണ്‍ മൂവീസും സഹനിര്‍മാണത്തിലുണ്ട്. സംവിധായകന്‍ പ്രേം കുമാറിന്റെ മുന്‍ ചിത്രങ്ങളായ '96', 'മെയ്യഴകന്‍' എന്നിവയ്ക്ക് സംഗീതം നല്‍കിയ ഗോവിന്ദ് വസന്ത തന്നെയാണ് ഈ ചിത്രത്തിനും സംഗീതം ഒരുക്കുന്നത്. 

പുതിയ സിനിമ പൂര്‍ണമായും വ്യത്യസ്തമായ സ്‌പേസിലായിരിക്കുമെന്ന് സംവിധായകന്‍ നേരത്തെ തന്നെ വ്യക്തമാക്കിയിരുന്നു. ആക്ഷനും ത്രില്ലും പ്രാധാന്യമുള്ള കഥയാണെങ്കിലും, തന്റെ സിനിമകളുടെ ആത്മാവായ ഇമോഷണല്‍ ഭാഗം കൃത്യമായി സിനിമയിലുണ്ടാകുമെന്ന സൂചനയും പ്രേംകുമാര്‍ നല്‍കുന്നുണ്ട്.

തമിഴില്‍ ഫഹദ് ഫാസിലിന്റെ ആദ്യ സോളോ ലീഡ് ചിത്രമെന്ന പ്രത്യേകതയും സിനിമയ്ക്കുണ്ട്. നേരത്തെ നിരവധി തമിഴ് സിനിമകളില്‍ ശ്രദ്ധേയ വേഷങ്ങള്‍ ചെയ്തിട്ടുണ്ടെങ്കിലും ആദ്യമായാണ് ഒരു മുഴുനീള തമിഴ് സിനിമ ഫഹദ് ഷോള്‍ഡര്‍ ചെയ്യുന്നത്.

ചിത്രത്തില്‍ ചേതന്‍, ഹരീഷ് ഉത്തമന്‍, കരുണാകരന്‍ എന്നിവരും പ്രധാന വേഷങ്ങളിലെത്തും. 'മെയ്യഴകന്‍' സിനിമയുടെ ഛായാഗ്രാഹകനായ മഹേന്ദ്രന്‍ ജയരാജാണ് ക്യാമറ കൈകാര്യം ചെയ്യുന്നത്. എഡിറ്റിംഗ് ആര്‍. ഗോവിന്ദരാജ് നിര്‍വഹിക്കും.

Drishyam 3

എക്‌സില്‍ ആരാധകരോട് സംവദിക്കവെ ആന്റണിയാണ് ദിലീഷ് പോത്തന്‍ സിനിമയെ കുറിച്ച് സംസാരിച്ചത്. ഷിബു ബേബ്ബി ജോണാകും സിനിമ നിര്‍മിക്കുക. ആസിഫ് അലിയും സിനിമയില്‍ ഒരു പ്രധാനകഥാപാത്രമായി എത്തിയേക്കുമെന്നും റിപ്പോര്‍ട്ടുകളുണ്ട്. നിലവില്‍ തരുണ്‍ മൂര്‍ത്തി സിനിമയായ അതിമനോഹരത്തിന്റെ ഷൂട്ടിംഗ് തിരക്കുകളിലാണ് മോഹന്‍ലാല്‍. ദൃശ്യം 3 ആണ് മോഹന്‍ലാലിന്റെ റിലീസിനായി തയ്യാറെടുക്കുന്ന പുതിയ സിനിമ. മെയ് 21നാകും സിനിമ റിലീസ് ചെയ്യുക.

Trisha Krishnan

നേരത്തെ മന്മഥന്‍ അമ്പു, തൂങ്കാവനം, തഗ് ലൈഫ് തുടങ്ങിയ സിനിമകളില്‍ തൃഷ കമല്‍ഹാസനൊപ്പം അഭിനയിച്ചിട്ടുണ്ട്. രജനികാന്തിനൊപ്പം പേട്ടയിലും തൃഷ സ്‌ക്രീന്‍ പങ്കിട്ടിരുന്നു. 2027ലെ ഉത്സവ സീസണിലാകും സിനിമ റിലീസ് ചെയ്യുക എന്നാണ് റിപ്പോര്‍ട്ട്. 2026 ഓഗസ്റ്റിലായിരിക്കും സിനിമയുടെ ചിത്രീകരണം ആരംഭിക്കുക.

'സ്‌കന്ദ', 'ഡബിള്‍ ഐസ്മാര്‍ട്ട്', 'ആന്ധ്ര കിംഗ് തലൂക്ക' തുടങ്ങിയ സിനിമകള്‍ പ്രതീക്ഷിച്ച വിജയം നേടാതിരുന്നതോടെ കരിയറില്‍ ശക്തമായ തിരിച്ചുവരവിനായുള്ള ശ്രമത്തിലാണ് റാം. ഇതുവരെ വിവിധ മാസ് ആക്ഷന്‍ പരീക്ഷണങ്ങള്‍ നടത്തിയെങ്കിലും ബോക്‌സ് ഓഫിസില്‍ ഇവയ്‌ക്കൊന്നും വമ്പന്‍ വിജയങ്ങളാകാന്‍ സാധിച്ചിരുന്നില്ല.

വലിയ സാങ്കേതിക മികവോടെയും പാന്‍-ഇന്ത്യന്‍ തലത്തിലുള്ള അവതരണത്തോടെയും വലിയ ബാനറിലാകും റാം പൊതിനേനി സിനിമ ഒരുക്കുന്നതെന്നാണ് സൂചന. ലെതര്‍ ജാക്കറ്റ് ധരിച്ചുകൊണ്ടുള്ള താരത്തിന്റെ ചിത്രമുള്ള സിനിമയുടെ ഫസ്റ്റ് ലുക്ക് പോസ്റ്റര്‍ നേരത്തെ പുറത്തുവന്നിരുന്നു. ദ സ്റ്റോറി ഓഫ് എ ലോണ്‍ വൂള്‍ഫ് എന്ന ടാഗ് ലൈനാണ് സിനിമയ്ക്ക് നല്‍കിയിരിക്കുന്നത്.

സിനിമയുടെ ചിത്രീകരണം ജൂണില്‍ ആരംഭിക്കുമെന്നാണ് റിപ്പോര്‍ട്ടുകള്‍. അഭിനേതാക്കളെയും സാങ്കേതിക പ്രവര്‍ത്തകരെയും പറ്റിയുള്ള വിശദാംശങ്ങള്‍ വരും ദിവസങ്ങളിലാകും പുറത്തുവരിക. താരം തന്നെയാണ് സിനിമയുടെ തിരക്കഥയും നിര്‍വഹിക്കുന്നത്.

ബെന്നി പി.നായരമ്പലത്തിന്റെ തിരക്കഥയിൽ ഷാഫി സംവിധാനം ചെയ്ത സിനിമയാണ് തൊമ്മനും മക്കളും. മമ്മൂട്ടി, രാജൻ പി.ദേവ്, ലാൽ എന്നിവർ കേന്ദ്ര കഥാപാത്രങ്ങളെ അവതരിപ്പിച്ച തൊമ്മനും മക്കളും തിയറ്ററുകളിൽ വൻ ഹിറ്റായിരുന്നു. 

തൊമ്മനും മക്കളും ഷൂട്ടിങ് നടക്കുന്ന വേളയിൽ രാജൻ പി.ദേവിന്റെ ആരോഗ്യം വളരെ മോശമായിരുന്നു. രാജൻ പി.ദേവ് ആരോഗ്യപരമായ പ്രശ്‌നങ്ങൾ ഒരുപാട് നേരിടുന്ന കാര്യം മമ്മൂട്ടിക്കും അറിയാം. രാജൻ പി.ദേവിന് മദ്യപിക്കാൻ പാടില്ലായിരുന്നു. കാൽ നീരുവന്ന് വീർക്കുന്ന പ്രശ്‌നവും അദ്ദേഹം നേരിട്ടിരുന്നു. ഇത്തരം കാര്യങ്ങളെല്ലാം അറിയുന്ന മമ്മൂട്ടി രാജൻ പി.ദേവിനെ കൂടുതൽ ശ്രദ്ധിക്കാൻ തുടങ്ങി. ഷൂട്ടിങ്ങിനെത്തുമ്പോൾ ആദ്യം ചെയ്യുക രാജൻ പി.ദേവിനെ പോയി കാണുകയാണ്. ആരോഗ്യത്തെ കുറിച്ച് ചോദിച്ചറിയും. ഇടയ്ക്കിടെ രാജൻ പി.ദേവിനെ കൊണ്ട് ഊതിപ്പിച്ചു നോക്കും. മദ്യപിച്ചിട്ടുണ്ടോ എന്ന് അറിയാനാണ് അത്. ഷൂട്ടിങ് കഴിഞ്ഞ് രാത്രി ഏറെ വൈകിയും ഇടയ്ക്കിടെ മമ്മൂട്ടി രാജൻ പി.ദേവിന്റെ മുറിയിലെത്തും. തന്റെ കണ്ണുവെട്ടിച്ച് രാജൻ പി.ദേവ് മദ്യപിക്കുന്നുണ്ടോ എന്നറിയാനാണ് സിബിഐ മോഡലിൽ മമ്മൂട്ടി രാജൻ പി.ദേവിന്റെ മുറിയിലെത്തിയിരുന്നത്. തന്റെ കണ്ണുവെട്ടിച്ച് ഒരു തുള്ളി മദ്യപിച്ചതായി അറിഞ്ഞാൽ രാജൻ പി.ദേവിനെ മമ്മൂട്ടി കണ്ണുപൊട്ടുന്ന ചീത്ത പറയും. നല്ല ഡോക്ടറെ കാണാൻ രാജൻ പി.ദേവിനെ മമ്മൂട്ടി ഉപദേശിച്ചിരുന്നു. പിന്നീട് ആരോഗ്യപരമായ പ്രശ്‌നങ്ങൾ ഗുരുതരമായതിനെ തുടർന്ന് രാജൻ പി.ദേവ് മരിച്ചു. 

അവസാനമായി തന്റെ സ്‌നേഹിതനെ കാണാൻ എത്തിയ മമ്മൂട്ടി രാജൻ പി.ദേവിന്റെ വീട്ടിൽ നിൽക്കുകയായിരുന്ന ബെന്നി പി.നായരമ്പലത്തിന്റെ അടുത്തെത്തി വേദനയോടെ പറഞ്ഞത് 'നമ്മുടെ തൊമ്മൻ പോയീട്ടാ,' എന്നാണ്. ബെന്നി പി.നായരമ്പലം തന്നെയാണ് ഒരിക്കൽ ഇക്കാര്യങ്ങൾ തുറന്നുപറഞ്ഞത്.

 'ഒരു ദുരൂഹ സാഹചര്യത്തില്‍' ഒടിടിയില്‍

'ന്നാ താന്‍ കേസ് കൊട്' എന്ന വിജയ ചിത്രത്തിന് ശേഷം കുഞ്ചാക്കോ ബോബനും സംവിധായകന്‍ രതീഷ് ബാലകൃഷ്ണ പൊതുവാളും വീണ്ടും ഒന്നിച്ച ചിത്രമാണ് 'ഒരു ദുരൂഹ സാഹചര്യത്തില്‍'. മിസ്റ്ററി-കോമഡി ത്രില്ലര്‍ സ്വഭാവത്തിലുള്ള ചിത്രം തിയറ്ററുകളില്‍ മികച്ച പ്രതികരണം നേടിയിരുന്നു. ഇപ്പോള്‍ ചിത്രം നെറ്റ്ഫ്‌ലിക്‌സിലൂടെ സ്ട്രീമിങ് ആരംഭിച്ചിരിക്കുകയാണ്. 

കുഞ്ചാക്കോ ബോബനൊപ്പം ദിലീഷ് പോത്തന്‍, സജിന്‍ ഗോപു, ചിദംബരം, ജാഫര്‍ ഇടുക്കി, രാജേഷ് മാധവ്, ഷാഹി കബീര്‍, ശരണ്യ രാമചന്ദ്രന്‍ എന്നിവരും പ്രധാന വേഷങ്ങളില്‍ എത്തുന്നു. വയനാടിന്റെ പശ്ചാത്തലത്തില്‍ കഥ മുന്നേറുന്ന ചിത്രം സസ്‌പെന്‍സും ഡാര്‍ക്ക് ഹ്യൂമറും ചേര്‍ന്ന രീതിയിലാണ് ഒരുക്കിയിരിക്കുന്നത്. 

'ഡര്‍ബി' പ്രേക്ഷകരിലേക്ക്

സാഗര്‍ സൂര്യയെ കേന്ദ്ര കഥാപാത്രമാക്കി സജില്‍ മമ്പാട് സംവിധാനം ചെയ്ത 'ഡര്‍ബി'യും ഈ ആഴ്ച ഒടിടിയില്‍ എത്തുന്നു. മെയ് 15 മുതല്‍ ആമസോണ്‍ പ്രൈം വീഡിയോയിലും മനോരമ മാക്സിലും ചിത്രം സ്ട്രീം ചെയ്യും.

'കടകന്‍' എന്ന ചിത്രത്തിന് ശേഷം സംവിധായകന്‍ ഒരുക്കുന്ന സിനിമയായതിനാല്‍ തന്നെ റിലീസിന് മുമ്പ് വലിയ ശ്രദ്ധ നേടിയിരുന്നു. ശിവരാജ്, ഫ്രാങ്കോ ഫ്രാന്‍സിസ്, പ്രവീണ്‍ എന്നിവര്‍ക്കൊപ്പം സോഷ്യല്‍ മീഡിയ താരങ്ങളായ ഹിഫ്രാസ്, ഫാഹിസ് ബിന്‍ റിഫാഹി എന്നിവരും ചിത്രത്തിലുണ്ട്. സ്‌പോര്‍ട്‌സ്-ഡ്രാമ സ്വഭാവമുള്ള സിനിമ യുവപ്രേക്ഷകരെ ലക്ഷ്യമിട്ടാണ് ഒരുക്കിയിരിക്കുന്നത്. 

 'സുരേശന്റെയും സുമലതയുടെയും ഹൃദയഹാരിയായ പ്രണയകഥ' സൈന പ്ലേയില്‍

രതീഷ് ബാലകൃഷ്ണ പൊതുവാള്‍ തിരക്കഥയും സംവിധാനവും കൈകാര്യം ചെയ്ത 'സുരേശന്റെയും സുമലതയുടെയും ഹൃദയഹാരിയായ പ്രണയകഥ' മെയ് 19 മുതല്‍ സൈന പ്ലേയിലൂടെ സ്ട്രീം ചെയ്യും. രാജേഷ് മാധവനും ചിത്ര നായരുമാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. നാടന്‍ പശ്ചാത്തലത്തില്‍ പ്രണയവും ഹാസ്യവും ചേര്‍ത്ത് ഒരുക്കിയ ചിത്രം തിയറ്ററുകളില്‍ കുടുംബപ്രേക്ഷകരുടെ ശ്രദ്ധ നേടിയിരുന്നു. ലളിതമായ അവതരണവും കഥാപാത്രങ്ങളുടെ പ്രകടനവുമാണ് ചിത്രത്തിന്റെ പ്രധാന ആകര്‍ഷണമായി വിലയിരുത്തപ്പെട്ടത്. 

'ധുരന്ധര്‍ 2' നെറ്റ്ഫ്‌ലിക്‌സില്‍

രണ്‍വീര്‍ സിങ് നായകനായി ആദിത്യ ധര്‍ സംവിധാനം ചെയ്ത പാന്‍-ഇന്ത്യന്‍ ആക്ഷന്‍ ഫ്രാഞ്ചൈസിയായ 'ധുരന്ധര്‍ 2'യും മെയ് 15 മുതല്‍ നെറ്റ്ഫ്‌ലിക്‌സില്‍ ലഭ്യമാകും. ആക്ഷന്‍-ത്രില്ലര്‍ സ്വഭാവത്തിലുള്ള ചിത്രം വന്‍ ബോക്‌സ് ഓഫീസ് വിജയത്തിന് ശേഷമാണ് ഒടിടിയിലേക്ക് എത്തുന്നത്. ആഗോള തലത്തില്‍ ഫ്രാഞ്ചൈസിയുടെ മുന്‍ ഭാഗങ്ങള്‍ ചേര്‍ന്ന് 3000 കോടിയിലേറെ കളക്ഷന്‍ നേടിയതായി റിപ്പോര്‍ട്ടുകളുണ്ട്. അതുകൊണ്ട് തന്നെ ഒടിടി റിലീസിനും വലിയ സ്വീകാര്യതയാണ് പ്രതീക്ഷിക്കുന്നത്.

മിസ്റ്റര്‍ എക്‌സ്

 ആര്യയും മഞ്ജു വാര്യരും പ്രധാനവേഷങ്ങളിലെത്തിയ തമിഴ് ആക്ഷന്‍ ത്രില്ലര്‍ ജിയോ ഹോട്ട്സ്റ്റാറില്‍ സ്ട്രീമിങ്ങ് ആരംഭിച്ചു. തിയേറ്ററുകളില്‍ സമ്മിശ്ര പ്രതികരണമായിരുന്നു സിനിമയ്ക്ക് ലഭിച്ചത്. ആര്യ, മഞ്ജു വാര്യര്‍ എന്നിവര്‍ക്ക് പുറമെ ഗൗതം കാര്‍ത്തിക്, ശരത് കുമാര്‍, അനഘ, അതുല്യ രവി, റെയ്‌സ വില്‍സണ്‍ എന്നിവര്‍ മറ്റ് പ്രധാനകഥാപാത്രങ്ങലെ അവതരിപ്പിക്കുന്നു.

Patriot

റിലീസിനു ശേഷമുള്ള രണ്ടാം തിങ്കളാഴ്ച വെറും 31 ലക്ഷമാണ് പേട്രിയറ്റ് കളക്ട് ചെയ്തത്. ഇന്ത്യ ഗ്രോസ് കളക്ഷൻ 34.81 കോടിയാണ്. ഓവർസീസിൽ 41 കോടിക്കു മുകളിൽ കളക്ട് ചെയ്തു. റിലീസ് ചെയ്തു 11 ദിവസംകൊണ്ട് 75.81 കോടിയായിരുന്നു വേൾഡ് വൈഡ് കളക്ഷൻ. 

മമ്മൂട്ടിയുടെ ആദ്യത്തെ നൂറ് കോടിക്കായി ഇനിയും കാത്തിരിക്കേണ്ടിവരും. മമ്മൂട്ടി ചിത്രങ്ങൾ 80-90 കോടിയിൽ കളക്ഷൻ അവസാനിപ്പിക്കുന്ന കാഴ്ച തുടർക്കഥയാകുകയാണ്. 125 കോടിയാണ് മഹേഷ് നാരായണൻ സംവിധാനം ചെയ്ത പേട്രിയറ്റിന്റെ ചെലവ്. തിയറ്റർ കളക്ഷൻ വെച്ച് ബോക്സ്ഓഫീസിൽ വിജയമാകാൻ പേട്രിയറ്റിനു കഴിഞ്ഞിട്ടില്ല. മറിച്ച് ഒടിടി അവകാശം റെക്കോർഡ് തുകയ്ക്കാണ് വിറ്റുപോയിരിക്കുന്നത്. 

Patriot

കേരള ബോക്‌സ്ഓഫീസിൽ നിന്ന് ഇന്ന് വെറും 30-35 ലക്ഷമാണ് ചിത്രത്തിനു കളക്ട് ചെയ്യാൻ സാധിച്ചത്. മമ്മൂട്ടിയുടെ ആദ്യത്തെ നൂറ് കോടിക്കായി ഇനിയും കാത്തിരിക്കേണ്ടിവരും. മമ്മൂട്ടി ചിത്രങ്ങൾ 80-90 കോടിയിൽ കളക്ഷൻ അവസാനിപ്പിക്കുന്ന കാഴ്ച തുടർക്കഥയാകുകയാണ്. 

125 കോടിയാണ് മഹേഷ് നാരായണൻ സംവിധാനം ചെയ്ത പേട്രിയറ്റിന്റെ ചെലവ്. തിയറ്റർ കളക്ഷൻ വെച്ച് ബോക്‌സ്ഓഫീസിൽ വിജയമാകാൻ പേട്രിയറ്റിനു കഴിഞ്ഞിട്ടില്ല. മറിച്ച് ഒടിടി അവകാശം റെക്കോർഡ് തുകയ്ക്കാണ് വിറ്റുപോയിരിക്കുന്നത്. 

 മോഡലിംഗില്‍ നിന്നും സിനിമയിലെത്തിയ പൂജ ബത്ര നിരവധി ബോളിവുഡ് സിനിമകളിലും വേഷമിട്ടിട്ടുണ്ട്. സല്‍മാന്‍ ഖാന്‍ അടക്കമുള്ള താരങ്ങളുടെ നായികയായെങ്കിലും താരത്തിന്റെ ഉയരക്കൂടുതല്‍ പലപ്പോഴും  അവസരങ്ങള്‍ നഷ്ടമാകാന്‍ കാരണമായിട്ടുണ്ട്. ഹാര്‍പേഴ്‌സ് ബസാര്‍ നടത്തിയ അഭിമുഖത്തില്‍ ഇതിനെ പറ്റി തുറന്നുസംസാരിച്ചിരിക്കുകയാണ് പൂജ. തന്നെ പോലെ സംഗീത ബിജ്‌ലാനിക്കും ഉയരക്കൂടുതല്‍ കാരണം അവസരങ്ങള്‍ നഷ്ടമായിട്ടുണ്ടെന്നും പൂജ പറയുന്നു.

സംഗീത എന്റെ ഐഡലായിരുന്നു. അതിസുന്ദരി , മോഡല്‍. അഭിനയമികവും സൗന്ദര്യവും ഉണ്ടായിട്ടും 8 വര്‍ഷമെ സംഗീതയ്ക്ക് നായികയായി നില്‍ക്കാന്‍ കഴിഞ്ഞത്. ഉയരക്കൂടുതലായിരുന്നു പ്രശ്‌നമെന്ന് അവര്‍ എന്നോട് പറഞ്ഞിട്ടുണ്ട്. സമാനമായിരുന്നു എന്റെ അവസ്ഥ. എന്റെ കഥാപാത്രങ്ങള്‍ക്ക് ഞാന്‍ എന്റെ ബെസ്റ്റ് നല്‍കി. എന്നാല്‍ എന്റെ ഉയരക്കൂടുതല്‍ നായകന്മാരെ അലോസരപ്പെടുത്തിയിരുന്നു. പല സിനിമകളും അങ്ങനെ നഷ്ടമായിട്ടുണ്ട്. എന്നാല്‍ ഞാനും സംഗീതയുമെല്ലാമാണ് പിന്നീട് വന്ന സുസ്മിത സെന്നിനും ദീപിക പദുക്കോണിനുമെല്ലാം വഴിയൊരുക്കിയത്.

നായകന് ഉയരമുണ്ടെന്ന് തോന്നിപ്പിക്കാന്‍ ക്ലോസപ്പ് ഷോട്ടുകളെടുക്കുമ്പോള്‍ കാല് വളച്ചുവെച്ചെല്ലാം നില്‍ക്കേണ്ടി വന്നിട്ടുണ്ട്. ഉയരം കുറവ് തോന്നിപ്പിക്കുന്ന തരത്തില്‍ വസ്ത്രങ്ങള്‍ ധരിക്കേണ്ടി വന്നിട്ടുണ്ട്. അതേസമയം സംഗീതയുടെ മുന്‍ കാമുകന്‍ കൂടിയായ സല്‍മാന്‍ ഖാന് ഈ ഉയരക്കൂടുതല്‍ പ്രശ്‌നമായി തോന്നിയിരുന്നില്ലെന്നും നീ ധൈര്യമായി ഹീല്‍സ് ധരിച്ചോളു എനിക്കൊരു ബുദ്ധിമുട്ടും ഇല്ലെന്നായിരുന്നു സല്‍മാന്‍ പറഞ്ഞിരുന്നതെന്നും പൂജ പറയുന്നു.

Meera Vasudev

3 മണ്ടന്‍ കല്യാണങ്ങള്‍ക്ക് വേണ്ടി ജീവിതത്തിലെ 17 വര്‍ഷങ്ങള്‍ കളഞ്ഞെന്നാണ് താരം പറയുന്നത്. ഞാന്‍ എന്റെ മകനോട് പറയാറുണ്ട്. 3 കല്യാണങ്ങള്‍ക്ക് വേണ്ടി 17 വര്‍ഷങ്ങള്‍ വെറുതെ കളഞ്ഞെന്ന്. ബുദ്ധിപരമായി വര്‍ക്ക് ചെയ്തുകൊണ്ട് ഒരുപാട് കാര്യങ്ങള്‍ ആ സമയം കൊണ്ട് ചെയ്യാമായിരുന്നു. ഇഷ്ടമുള്ള ഒരുപാട് കാര്യങ്ങള്‍. സിനിമ, ഫിറ്റ്‌നസ്, മികച്ച ഒരു കൂട്ടായ്മ എല്ലാം രൂപപ്പെടുത്തിയെടുക്കാമായിരുന്നു. പക്ഷേ സാധിച്ചില്ല. അമ്മയുടെയും അച്ഛന്റെയും സഹോദരിയുടെയും കൂടെ കൂടുതല്‍ സമയം ചെലവഴിക്കാമായിരുന്നു. എന്നെ വിലക്കുറച്ച് കണ്ടവര്‍, ബഹുമാനിക്കാത്തവര്‍ അവര്‍ക്ക് വേണ്ടി അത്തരം ബന്ധങ്ങള്‍ക്ക് വേണ്ടി ഒരുപാട് സമയം നഷ്ടപ്പെടുത്തി. മീര വാസുദേവ് പറഞ്ഞു.

2018 എന്ന സിനിമയ്ക്ക് ശേഷം ജൂഡ് ആന്റണി ജോസഫ് ഒരുക്കുന്ന സിനിമ ആക്ഷന്‍ ജോണറില്‍ ഒരുങ്ങുന്ന സിനിമയാകുമെന്നാണ് റിപ്പോര്‍ട്ട്. വിസ്മയയ്ക്കൊപ്പം മലയാളത്തിലെ പ്രമുഖ താരങ്ങളും യുവനിരയിലെ ശ്രദ്ധേയരായ നടീനടന്മാരും ചിത്രത്തില്‍ അണിനിരക്കുന്നുണ്ട്. താരനിര്‍ണ്ണയത്തെക്കുറിച്ചുള്ള കൂടുതല്‍ വിവരങ്ങള്‍ വരും ദിവസങ്ങളില്‍ പുറത്തുവിടും.

മലയാളത്തിന്റെ മഹാനടന്‍ മോഹന്‍ലാലിന്റെ മകള്‍ എന്ന നിലയില്‍ വലിയ പ്രതീക്ഷകളാണ് വിസ്മയയുടെ അരങ്ങേറ്റത്തിന് മേല്‍ ആരാധകര്‍ക്കുള്ളത്. നേരത്തെ 'ഗ്രയിന്‍സ് ഓഫ് സ്റ്റാര്‍ഡസ്റ്റ്' എന്ന കവിത സമാഹാരത്തിലൂടെ എഴുത്തുകാരിയായും തായ് ബോക്‌സിംഗിലൂടെ കായിക താരമായും ശ്രദ്ധിക്കപ്പെട്ട വിസ്മയ, തന്റെ പിതാവിന്റെ അഭിനയ പാരമ്പര്യം എങ്ങനെ വെള്ളിത്തിരയില്‍ കാഴ്ചവെക്കും എന്ന് കാണാനാണ് സിനിമാ പ്രേമികള്‍ ആകാംക്ഷയോടെ കാത്തിരിക്കുന്നത്.

''ഒരു മനുഷ്യനെ ഒരു തരത്തിലും നന്നാവാന്‍ സമ്മതിക്കില്ല'' എന്ന രസകരമായ കുറിപ്പോടെയാണ് ജ്യോതി ആശുപത്രിയില്‍ നിന്നുള്ള വീഡിയോ ഇന്‍സ്റ്റാഗ്രാമില്‍ പോസ്റ്റ് ചെയ്തത്. ആശുപത്രി കിടക്കയില്‍ നിന്നുള്ള ദൃശ്യങ്ങളും, വണ്ണം കുറയ്ക്കുമെന്ന് പറഞ്ഞ് മുമ്പ് പങ്കുവെച്ച വീഡിയോയും ചേര്‍ത്തൊരുക്കിയ ട്രോള്‍ വീഡിയോ ഇതിനോടകം സോഷ്യല്‍ മീഡിയയില്‍ ശ്രദ്ധ നേടിയിട്ടുണ്ട്. പശ്ചാത്തലമായി നടന്‍ സലിം കുമാറിന്റെ പ്രശസ്തമായ കോമഡി ഡയലോഗും താരം ഉപയോഗിച്ചിട്ടുണ്ട്.

വീഡിയോയ്ക്ക് താഴെ നിരവധി ആരാധകരാണ് ആശംസകളുമായി എത്തിയത്. ''വേഗം സുഖം പ്രാപിക്കട്ടെ'', ''തിരിച്ചുവരവ് കൂടുതല്‍ ശക്തമായിരിക്കും'' തുടങ്ങിയ ആത്മവിശ്വാസം പകരുന്ന കമന്റുകളാണ് സോഷ്യല്‍ മീഡിയയില്‍ നിറയുന്നത്.ശരീരഭാരം വര്‍ധിച്ചതിനെ തുടര്‍ന്ന് മാനസികമായി ബുദ്ധിമുട്ടുകള്‍ അനുഭവിച്ചിരുന്നുവെന്ന് ജ്യോതി കൃഷ്ണ അടുത്തിടെ തുറന്നു പറഞ്ഞിരുന്നു. നിലവില്‍ 81 കിലോ ഭാരമുണ്ടെന്നും അത് ആത്മവിശ്വാസത്തെ ബാധിച്ചുവെന്നും താരം വെളിപ്പെടുത്തിയിരുന്നു. ഇതിന് പിന്നാലെ ആരോഗ്യകരമായ ജീവിതശൈലിയിലേക്കും സ്ഥിരമായ വര്‍ക്ക്ഔട്ട് രീതിയിലേക്കും തിരികെ പോകാന്‍ തീരുമാനിച്ചിരുന്നതായും താരം വ്യക്തമാക്കിയിരുന്നു.

'ലൈഫ് ഓഫ് ജോസൂട്ടി', 'പാതിരാമണല്‍' ഉള്‍പ്പെടെയുള്ള ചിത്രങ്ങളിലൂടെ മലയാളി പ്രേക്ഷകര്‍ക്ക് സുപരിചിതയായ ജ്യോതി കൃഷ്ണ നിലവില്‍ ദുബായിലാണ് താമസം. സോഷ്യല്‍ മീഡിയയിലും സജീവ സാന്നിധ്യമായ താരം ജീവിതാനുഭവങ്ങളും വ്യക്തിപരമായ വിശേഷങ്ങളും ആരാധകരുമായി സ്ഥിരമായി പങ്കുവെക്കാറുണ്ട്.

Athiradi Trailer

ടൊവിനോയുടെ കഥാപാത്രം നെഗറ്റീവ് ഷെയ്ഡിലുള്ളതാണ്. ബേസിലും ടൊവിനോയും നേർക്കുനേർ വരുമ്പോൾ ആരാധകരും വലിയ ആവേശത്തിലാണ്. നാളെയാണ് ചിത്രം വേൾഡ് വൈഡായി റിലീസ് ചെയ്യുക. 

ഭര്‍ത്താവും പ്രശസ്ത ഡബ്ബിങ് ആര്‍ട്ടിസ്റ്റുമായ രവീന്ദ്രനാഥ് രവിയുടെ അഭാവത്തില്‍ മകളുടെ വിവാഹം വലിയ ആഘോഷമായി നടത്താനുള്ള മാനസികാവസ്ഥ തനിക്കില്ലായിരുന്നുവെന്ന് ശ്രീജ രവി കുറിപ്പില്‍ പറയുന്നു. ജീവിതത്തിലെ അതീവ വികാരഭരിതമായ ഘട്ടത്തിലൂടെയാണ് കടന്നുപോകുന്നത്, അതിനാലാണ് ചടങ്ങ് സ്വകാര്യമായി നടത്തിയത്. ക്ഷണിക്കാനോ വ്യക്തിപരമായി വിവരം അറിയിക്കാനോ സാധിക്കാതിരുന്ന എല്ലാവരോടും ആത്മാര്‍ഥമായി ക്ഷമ പറയുന്നുവെന്നും ഫെയ്‌സ്ബുക്കില്‍ പങ്കുവെച്ച കുറിപ്പില്‍ ശ്രീജ രവി കുറിച്ചു.

 സിനിമാ ജീവിതത്തിലെ അഞ്ച് പതിറ്റാണ്ട് നീണ്ട ബന്ധങ്ങളൊക്കെയും പങ്കുചേരുന്ന വലിയൊരു ആഘോഷം നടത്തണമെന്നത് വലിയ ആഗ്രഹമായിരുന്നെങ്കിലും വളരെ ചുരുങ്ങിയ സമയത്തിനുള്ളില്‍ വിവാഹ ഒരുക്കങ്ങള്‍ പൂര്‍ത്തിയാക്കേണ്ടി വന്നതിനാല്‍ വിപുലമായ ചടങ്ങുകള്‍ സംഘടിപ്പിക്കാന്‍ സാധിച്ചില്ലെന്ന് ശ്രീജ രവി പറയുന്നു. സഹോദരിമാരുടെയും അടുത്ത സുഹൃത്തുക്കളുടെയും പിന്തുണയാണ് കരുത്തായത്.  ദൈവാനുഗ്രഹവും ഗുരുക്കന്മാരുടെയും സുഹൃത്തുക്കളുടെയും പിന്തുണയും കൊണ്ട് ചടങ്ങുകള്‍ മനോഹരമായി.

വാലാട്ടി സിനിമയുടെ സംവിധായകനാണ് രവീണ രവിയെ വിവാഹം ചെയ്ത ദേവന്‍. കൂടാതെ ഫര്‍സി, ജൂബിലി എന്നീ ജനപ്രിയ വെബ് സീരീസുകളുടെ മലയാളം പതിപ്പിലും പ്രവര്‍ത്തിച്ചിട്ടുണ്ട്. അതേസമയം ഡബ്ബിംഗ് ലോകത്ത് ആറാം വയസ്സ് മുതല്‍ സാന്നിധ്യം അറിയിച്ച ആര്‍ട്ടിസ്റ്റാണ് രവീണ രവി. തെന്നിന്ത്യയിലെ മുന്‍നിര നായികമാര്‍ക്ക് ശബ്ദം നല്‍കിയിട്ടുള്ള രവീണ ലവ് ടുഡേ, മാമന്നന്‍ തുടങ്ങിയ സിനിമകളില്‍ അഭിനയിച്ചിട്ടുണ്ട്.

വിവാഹശേഷവും ദേവന്റെയും കുടുംബത്തിന്റെയും പിന്തുണയോടെ രവീണ ഡബ്ബിംഗിലും അഭിനയത്തിലും സജീവമായി തുടരുമെന്ന് ശ്രീജ രവി വ്യക്തമാക്കി. സിനിമാ മേഖലയിലെ നിരവധി പ്രമുഖരാണ് പുതിയ ദമ്പതികള്‍ക്ക് ആശംസകളുമായി രംഗത്തെത്തിയത്.

Drishyam 3

 കുടുംബത്തെ രക്ഷിക്കാനുള്ള ശ്രമത്തില്‍ കഴിഞ്ഞ 13 വര്‍ഷമായി ജോര്‍ജുകുട്ടി ജീവിക്കുന്നത് ഒരു നരകത്തിലാണ്. കുറ്റബോധം അയാളെ വേട്ടയാടുന്നു. ഓരോ നിമിഷവും താന്‍ പിടിക്കപ്പെടുമോ എന്ന ഭയമുണ്ട്. മക്കള്‍ വലര്‍ന്നു. അവര്‍ ചോദ്യങ്ങള്‍ ചോദിച്ചു തുടങ്ങുന്നു. ഈ സാഹചര്യത്തില്‍ ജോര്‍ജുകുട്ടിക്ക് ഒരു അവസാന ഓട്ടം വേണം. അതായിരിക്കും സിനിമയെന്നാണ് മോഹന്‍ലാല്‍ സിനിമയുടെ പ്രൊമോഷന്‍ പരിപാടിക്കിടെ വ്യക്തമാക്കിയത്. മൂന്നാം ഭാഗത്തില്‍ ജോര്‍ജുകുട്ടിയുടെ ആന്തരിക സംഘര്‍ഷമാകും എന്ന സൂചനയാണ് സംവിധായകനായ ജിത്തുജോസഫ് നല്‍കുന്നത്.

16 വര്‍ഷങ്ങള്‍ക്ക് ശേഷം ഇന്ദ്രജിത് ഒരു ഹിന്ദി സിനിമയില്‍ അഭിനയിക്കുന്നുവെന്ന പ്രത്യേകതയും സിനിമയ്ക്കുണ്ട്. 2010-ല്‍ പുറത്തിറങ്ങിയ ദി വെയ്റ്റിങ് റൂം എന്ന സിനിമയിലാണ് ഇന്ദ്രജിത് അവസാനമായി ബോളിവുഡില്‍ അഭിനയിച്ചത്. ഒരു സെന്‍സിറ്റീവ് വിഷയമാണ് സിനിമ സംസാരിക്കുന്നതെന്ന് സംവിധായകനായ അനുരാഗ് കശ്യപ് പറയുന്നു.  അനുരാഗ് കശ്യപിന്റെ പതിവ് ശൈലിയിലുള്ള തീവ്രമായ കഥപറച്ചില്‍ തന്നെയാകും സിനിമ പിന്തുടരുക എന്നാണ് റിപ്പോര്‍ട്ട്. പാതാള്‍ ലോക്, കോഹ്‌റ, ഉഡ്താ പഞ്ചാബ് എന്നീ സിനിമകള്‍ക്ക് രചന നിര്‍വഹിച്ച സുദീപ് ശര്‍മയും അഭിഷേക് ബാനര്‍ജിയുമാണ് സിനിമയുടെ തിരക്കഥ എഴുതുന്നത്.

സന്യ മല്‍ഹോത്ര, രാജ് ബി ഷെട്ടി, സബ ആസാദ്, സപ്ന പബ്ബി, റിദ്ധി സെന്‍, ജിതേന്ദ്ര ജോഷി എന്നിവരടങ്ങുന്ന വലിയ താരനിരയും ചിത്രത്തിലുണ്ട്. വിവിധ ഭാഷകളിലെ ശ്രദ്ധേയ അഭിനേതാക്കളെ ഒരുമിപ്പിക്കുന്ന പാന്‍-ഇന്ത്യന്‍ സ്വഭാവമുള്ള പ്രോജക്ടായാണ് ബന്ദര്‍ റിലീസിനെത്തുന്നത്. നിഖില്‍ ദ്വിവേദിയുടെ സാഫ്രണ്‍ മാജിക്വര്‍ക്‌സ് ബാനറിലും സീ സ്റ്റുഡിയോസിന്റെ സഹനിര്‍മാണത്തിലുമാണ് ചിത്രം ഒരുങ്ങുന്നത്. ടൊറന്റോ ഇന്റര്‍നാഷണല്‍ ഫിലിം ഫെസ്റ്റിവലില്‍ പ്രദര്‍ശിപ്പിക്കപ്പെട്ട ചിത്രത്തിന് മികച്ച പ്രതികരണമാണ് ലഭിച്ചതെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. 2026 ജൂണ്‍ 5-നാണ് ചിത്രം ലോകമെമ്പാടുമായി തിയറ്ററുകളില്‍ എത്തുന്നത്. 

മോഹിനിയാട്ടം

 സൈജു കുറുപ്പിനെ നായകനാക്കി കൃഷ്ണദാസ് മുരളി രചനയും സംവിധാനവും നിര്‍വഹിച്ച മോഹിനിയാട്ടം നെറ്റ്ഫ്‌ലിക്‌സിലൂടെയാണ് സ്ട്രീമിങ് ആരംഭിച്ചത്. മലയാളം, ഹിന്ദി, തമിഴ്,തെലുങ്ക്, കന്നഡ ഭാഷകളില്‍ സിനിമ കാണാനാകും. ഡാര്‍ക്ക് ഹ്യൂമറില്‍ ഒരുക്കിയ സിനിമയില്‍ സൈജു കുറുപ്പിനെ കൂടാതെ സുരാജ് വെഞ്ഞാറമൂട്, ജഗദീഷ്, വിനയ് ഫോര്‍ട്ട്, ബേബി ജീന്‍, കലാരഞ്ജിനി, ശ്രീജ രവി, അഭിറാം രാധാകൃഷ്ണന്‍, സ്വാതിദാസ് പ്രഭു. ദിവ്യ നായര്‍ തുടങ്ങി വലിയ താരനിരയും സിനിമയിലുണ്ട്.

വാഴ 2

 2026ല്‍ മലയാളത്തിലെ ഏറ്റവും വലിയ വിജയമായ സിനിമ സംവിധാനം ചെയ്തത് നവാഗതനായ സവിന്‍ ഷാ ആണ്. ജിയോ ഹോട്ട്സ്റ്റാറിലൂടെയാണ് സിനിമ സ്ട്രീം ചെയ്യുന്നത്. മലയാളം, തമിഴ്, ഹിന്ദി,തെലുങ്ക്,കന്നഡ ഭാഷകളില്‍ സിനിമ ലഭ്യമാണ്.

സിറ്റാഡല്‍ സീസണ്‍ 2

 പ്രിയങ്ക ചോപ്ര ജോനാസ് പ്രധാന കഥാപാത്രത്തെ അവതരിപ്പിക്കുന്ന സിറ്റാഡല്‍ സീസണ്‍ 2 സ്ട്രീമിംഗ് ആരംഭിച്ചു. 7 എപ്പിസോഡുകളുള്ള സീരീസ് ആമസോണ്‍ പ്രൈമിലാണ് റിലീസ് ചെയ്തിരിക്കുന്നത്. റിച്ചാര്‍ഡ് മാഡന്‍, സ്റ്റാന്‍ലി ടുച്ചി എന്നിവരാണ് സിനിമയില്‍ പ്രധാനവേഷത്തിലെത്തിയിരിക്കുന്നത്.

ഡാക്കോയ്റ്റ് : എ ലവ് സ്റ്റോറി

അദിവി ശേഷും മൃണാല്‍ ഠാക്കൂറും ആദ്യമായി ഒന്നിക്കുന്ന സിനിമ പ്രണയവും വഞ്ചനയും പ്രതികാരവുമാണ് വിഷയമാക്കിയിരിക്കുന്നത്. ആമസോണ്‍ പ്രൈമില്‍ സിനിമയുടെ സ്ട്രീമിംഗ് ആരംഭിച്ചു. തെലുങ്ക്, കന്നഡ, മലയാളം ഭാഷകളില്‍ സിനിമ കാണാനാവും.

ജീത്തു ജോസഫിന്റേതാണ് കഥയും സംവിധാനവും. നിർമാണം ആന്റണി പെരുമ്പാവൂർ. സതീഷ് കുറുപ്പാണ് ഛായാഗ്രഹണം. സംഗീതം അനിൽ ജോസഫ്. 'ഭൂതകാലം നിശബ്ദമായി തുടരില്ല' എന്നാണ് ദൃശ്യം 3 യുടെ ടാഗ് ലൈൻ.

അശ്വിനി അയ്യര്‍ തിവാരി സംവിധാനം ചെയ്യുന്ന സിനിമ ബവേജ സ്റ്റുഡിയോസിന്റെ ബാനറില്‍ പമ്മി ബവേജ, ഹര്‍മന്‍ ബവേജ, സ്മിത ബാലിംഗ എന്നിവര്‍ ചേര്‍ന്നാണ് നിര്‍മിച്ചിരിക്കുന്നത്. പബ്ലിക് പ്രോസിക്യൂട്ടറായ നെഹ രാജ്വംശ് എന്ന കഥാപാത്രത്തെയാണ് സോനാക്ഷി സിന്ഹ അവതരിപ്പിക്കുന്നത്. സാധാരണ കുടുംബത്തില്‍ നിന്നുള്ള കോടതിസ്റ്റെനോഗ്രാഫറായ സരിക റാവത്തായി ജ്യോതിക എത്തുന്നു. സാമൂഹിക നിലപാടുകളിലും ജീവിതപരിസരങ്ങളിലും വലിയ വ്യത്യാസമുണ്ടെങ്കിലും, ഒളിഞ്ഞിരിക്കുന്ന അനീതികളെ ഇരുവരും ചേര്‍ന്ന് പുറത്തുകൊണ്ടുവരാനുള്ള ശ്രമമാണ് കഥയുടെ കേന്ദ്രം.

സംവിധായകന്‍ അശുതോഷ് ഗവാരിക്കറും സിനിമയില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. കൂടാതെ പ്രീതി അഗര്‍വാള്‍, ആദിനാഥ് കോത്താരെ, ആശ്രിയ മിശ്ര, ഗൗരവ് പാണ്ഡെ, സയന്‍ദീപ് ഗുപ്ത എന്നിവരും പ്രധാന വേഷങ്ങളില്‍ എത്തുന്നു. ജ്യോതികയുടെ ഹിന്ദി പ്രോജക്ടുകളിലേക്കുള്ള മടങ്ങിവരവ് കൂടിയാണ് സിനിമ. കൂടാതെ കുറച്ച് നാളുകള്‍ക്ക് ശേഷം ശക്തമായ വേഷവുമായി സൊനാക്ഷി എത്തുന്നു എന്ന പ്രത്യേകതയും സിനിമയ്ക്കുണ്ട്.

വിജയ് തെരെഞ്ഞെടുപ്പില്‍ വിജയിച്ചതിന് പിന്നാലെ നടി തൃഷ താരത്തിന്റെ വീട്ടിലെത്തിയിരുന്നു. തൃഷയുടെ ജന്മദിനത്തിലായിരുന്നു തെരെഞ്ഞെടുപ്പ് ഫലം പുറത്തുവന്നത്. നേരത്തെ തന്നെ തൃഷയുമായുള്ള വിജയുടെ അടുപ്പമാണ് വിജയ്- സംഗീത വിവാഹമോചനത്തിന് കാരണമായതെന്ന് റിപ്പോര്‍ട്ടുകളുണ്ടായിരുന്നു. ഈ സാഹചര്യത്തില്‍ തൃഷ വിജയെ കാണാനെത്തിയത് ചര്‍ച്ചയായി മാറിയിരുന്നു.

 എന്നാല്‍ വിജയുടെ ഈ അവിഹിത ആരോപണത്തെയെല്ലാം നിസാരമാക്കികൊണ്ട് വിജയുടെ വിജയത്തില്‍ നടിമാരായ രാധിക ശരത് കുമാര്‍, ചാര്‍മി കൗര്‍, ലക്ഷ്മി മഞ്ജു തുടങ്ങിയവര്‍ തൃഷയെ അഭിനന്ദിച്ച് രംഗത്ത് വന്നിരുന്നു. സോഷ്യല്‍ മീഡിയയിലും തൃഷയ്ക്ക് പിറന്നാള്‍ സമ്മാനമായി വിജയ് മൊത്തം തമിഴ്നാട് തന്നെ നല്‍കിയെന്ന തരത്തില്‍ ട്രോളുകളും പ്രചരിച്ചിരുന്നു. ഇതിനിടെ വിജയ് തിരെഞ്ഞെടുപ്പില്‍ വിജയിച്ച രണ്ട് മണ്ഡലങ്ങളില്‍ ഒന്നായ ട്രിച്ചിയില്‍ നിന്ന് രാജിവെയ്ക്കുമെന്നും പകരം തൃഷ അവിടെ മത്സരിക്കുമെന്നും വാര്‍ത്തകള്‍ വന്നിരുന്നു.

 ഈ കോലാഹലങ്ങള്‍ക്കിടയില്‍ വിജയുടെ തിരെഞ്ഞെടുപ്പ് വിജയത്തില്‍ തൃഷയെ അഭിനന്ദിക്കുന്നവര്‍ക്കെതിരെ വിമര്‍ശനവുമായി രംഗത്ത് വന്നിരിക്കുകയാണ് നടി ഗായത്രി ശങ്കര്‍. വിജയ്ക്ക് പകരം വേറൊരു നടിയാണ് ഇങ്ങനെ അവിഹിത ആരോപണത്തില്‍ വന്നിരുന്നതെങ്കിലും പുരുഷ വര്‍ഗം ഒന്നടങ്കം അവരെ തെറി വിളിച്ച്, വീടിന് പുറത്തിറങ്ങാനാവാത്ത അവസ്ഥയിലേക്ക് എത്തിക്കുമായിരുന്നുവെന്ന് ഗായത്രി പറയുന്നു. ഇന്‍സ്റ്റഗ്രാം സ്റ്റോറിയിലൂടെയാണ് ഗായത്രി ഇക്കാര്യം പറഞ്ഞത്.

 തന്റെ സഹനടനുമായി വിവാഹേതരബന്ധത്തില്‍ ഏര്‍പ്പെട്ടിരുന്നത് ഒരു നടിയായിരുന്നുവെങ്കില്‍?, അവളുടെ പങ്കാളിയുമായുള്ള ബന്ധം അതുകാരണം തകര്‍ച്ചയുടെ വക്കിലാണെങ്കില്‍?,  അതിനെ ഇങ്ങനെ ലളിതവത്കരിക്കുകയോ , തമാശയായി അവതരിപ്പിക്കുകയോ ചെയ്യില്ലായിരുന്നു. പുരുഷസമൂഹം ഒന്നടങ്കം രോഷം കൊണ്ട് തിളച്ചേനെ. അവളെ അസഭ്യം കൊണ്ട് പൊതിഞ്ഞേനെ. ജയിക്കുന്നത് പോയിട്ട് ഒന്ന് പുറത്തിറങ്ങാന്‍ പറ്റും സാധിക്കാത്ത അവസ്ഥയിലായേനെ എന്നായിരുന്നു ഗായത്രി ശങ്കറിന്റെ പ്രതികരണം.

Patriot

റിലീസിനു ശേഷമുള്ള ആദ്യ ചൊവ്വാഴ്ചയായ ഇന്നലെ ചിത്രത്തിന്റെ ആഭ്യന്തര ബോക്‌സ്ഓഫീസ് കളക്ഷൻ വെറും 1.50 കോടിയാണ്. തിങ്കളാഴ്ച 1.70 കോടിയാണ് പേട്രിയറ്റ് കേരളത്തിൽ നിന്ന് നേടിയത്. ചിത്രത്തിന്റെ വേൾഡ് വൈഡ് കളക്ഷൻ 70 കോടിയിലേക്ക് എത്തി. ദൈനംദിന കളക്ഷൻ കുറഞ്ഞുവരുന്നതിനാൽ പേട്രിയറ്റിനു 100 കോടി എത്തുക അസാധ്യമാണ്.

റിലീസ് ചെയ്തു ആറാം ദിനത്തിലേക്കു എത്തുമ്പോൾ പേട്രിയറ്റിന്റെ കേരള ബോക്‌സ്ഓഫീസ് കളക്ഷൻ 25 കോടി കടക്കും. 125 കോടിയാണ് മഹേഷ് നാരായണൻ സംവിധാനം ചെയ്ത പേട്രിയറ്റിന്റെ ചെലവ്. ഇന്ത്യൻ ബോക്സ്ഓഫീസിൽ നിന്ന് റിലീസ് ദിനത്തിൽ 10 കോടി കളക്ട് ചെയ്ത ചിത്രം രണ്ടാം ദിനം 6.15 കോടിയായും മൂന്നാം ദിനം 5.5 കോടിയായും ചുരുങ്ങുകയായിരുന്നു. റിലീസിനു ശേഷമുള്ള ആദ്യ തിങ്കളാഴ്ച അത് മൂന്ന് കോടിക്കു താഴെ എത്തുകയും ചെയ്തു.

 സൂപ്പര്‍ എന്നായിരുന്നു ആര്‍ ബി ചൗധരിയുടെ നിര്‍മാണകമ്പനിയുടെ പേര്. ഗുഡ് നൈറ്റ് മോഹനുമായി ചേര്‍ന്നായിരുന്നു ചൗധരി ആദ്യ സിനിമകള്‍ നിര്‍മിച്ചത്. പിന്നീട് ഈ കൂട്ടുക്കെട്ട് പിരിഞ്ഞെഞ്ഞിലും ഗുഡ്‌നൈറ്റിന്റെ ഗുഡ് ചൗധരി തന്റെ നിര്‍മാണകമ്പനിയുടെ പേരിനൊപ്പം ചേര്‍ത്തു. തമിഴിനും മലയാളത്തിനും പുറമെ തെലുങ്ക്, കന്നഡ, ഹിന്ദി സിനിമകളും നിര്‍മിച്ചിട്ടുണ്ട്. നടന്‍ ജീവ മകനാണ്.

Patriot

റിലീസ് ചെയ്തു നാലാം ദിനമായ ഇന്നലെ 2.89 കോടി മാത്രമാണ് നെറ്റ് കളക്ഷൻ. ഞായറാഴ്ച ഇത് 5.5 കോടിയായിരുന്നു. ഇന്ത്യൻ ബോക്‌സ്ഓഫീസിൽ നിന്നുള്ള ഗ്രോസ് കളക്ഷൻ 28.95 കോടിയാണ്. വേൾഡ് വൈഡ് കളക്ഷൻ 63.04 കോടി പിന്നിട്ടു. 

125 കോടിയാണ് മഹേഷ് നാരായണൻ സംവിധാനം ചെയ്ത പേട്രിയറ്റിന്റെ ചെലവ്. ഇന്ത്യൻ ബോക്‌സ്ഓഫീസിൽ നിന്ന് റിലീസ് ദിനത്തിൽ 10 കോടി കളക്ട് ചെയ്ത ചിത്രം രണ്ടാം ദിനം 6.15 കോടിയായും മൂന്നാം ദിനം 5.5 കോടിയായും ചുരുങ്ങുകയായിരുന്നു. റിലീസിനു ശേഷമുള്ള ആദ്യ തിങ്കളാഴ്ച അത് മൂന്ന് കോടിക്കു താഴെ എത്തിയത് ചിത്രം അധികം മുന്നോട്ടു പോകില്ലെന്ന സൂചനയാണ് നൽകുന്നത്. പേട്രിയറ്റിലും മമ്മൂട്ടിക്ക് നൂറ് കോടി സാധ്യമാകില്ലെന്ന് ഇതോടെ ഉറപ്പായി. 

Mohiniyattam

പ്രമുഖ ഒടിടി പ്ലാറ്റ്‌ഫോമായ നെറ്റ്ഫ്‌ലിക്‌സിലൂടെയാണ് മോഹിനിയാട്ടം എത്തുക. മെയ് 8നാകും സിനിമയുടെ സ്ട്രീമിംഗ് ആരംഭിക്കുക. ഭരതനാട്യം സംവിധാനം ചെയ്ത കൃഷ്ണദാസ് മുരളി തന്നെയാണ് മോഹിനിയാട്ടവും ഒരുക്കിയിരിക്കുന്നത്.  ഡാര്‍ക്ക് കോമഡി ചിത്രമായാണ് മോഹിനിയാട്ടം പ്രേക്ഷകര്‍ക്ക് മുന്നിലെത്തുന്നത്. സൈജു കുറുപ്പിനൊപ്പം സുരാജ് വെഞ്ഞാറമൂട്, ജഗദീഷ്, വിനയ് ഫോര്‍ട്ട്, ബേബി ജീന്‍, കലാരഞ്ജിനി, ശ്രീജ രവി, അഭിറാം രാധാകൃഷ്ണന്‍, സ്വാതി ദാസ് പ്രഭു, ദിവ്യ നായര്‍, ശ്രുതി സുരേഷ്, കലാരഞ്ജിനി, ശ്രീജ രവി, നന്ദു പൊതുവാള്‍, നിസ്താര്‍ സേട്ട് എന്നിവരാണ് സിനിമയിലെ പ്രധാന താരങ്ങള്‍.

Patriot

5.50 കോടിയാണ് ഇന്നലെ (ഞായർ) പേട്രിയറ്റിന്റെ ഇന്ത്യ നെറ്റ് കളക്ഷൻ. ശനിയാഴ്ച 6.15 കോടി നേടിയിരുന്നു. മൂന്ന് ദിവസം കൊണ്ട് ഇന്ത്യ നെറ്റ് കളക്ഷൻ 21.65 കോടിയും ഗ്രോസ് കളക്ഷൻ 25.11 കോടിയുമായി. ഇന്ത്യക്ക് പുറത്ത് നിന്ന് മാത്രമായി 38.50 കോടിയാണ് പേട്രിയറ്റ് കളക്ട് ചെയ്തത്. ആഭ്യന്തര, വിദേശ ബോക്‌സ്ഓഫീസിൽ നിന്നായി 63.61 കോടിയാണ് പേട്രിയറ്റ് ഇതുവരെ നേടിയിരിക്കുന്നത്. 

മഹേഷ് നാരായണൻ സംവിധാനം ചെയ്ത പേട്രിയറ്റ് മേയ് ഒന്നിനാണ് വേൾഡ് വൈഡായി റിലീസ് ചെയ്തത്. ഫഹദ് ഫാസിൽ, കുഞ്ചാക്കോ ബോബൻ തുടങ്ങിയവരും പേട്രിയറ്റിൽ സുപ്രധാന വേഷങ്ങളിലെത്തിയിരിക്കുന്നു. ആന്റോ ജോസഫാണ് നിർമാണം. 

Patriot

ഇന്ത്യൻ ബോക്‌സ്ഓഫീസിൽ നിന്ന് മാത്രം രണ്ട് ദിവസംകൊണ്ട് 16.15 കോടിയാണ് പേട്രിയറ്റ് കളക്ട് ചെയ്തതെന്ന് ഇന്ത്യൻ എക്‌സ്പ്രസ് റിപ്പോർട്ട് ചെയ്യുന്നു. വേൾഡ് വൈഡ് കളക്ഷൻ 50 കോടി പിന്നിട്ടു. മമ്മൂട്ടിയുടെ ആദ്യ നൂറ് കോടി ചിത്രമാകാൻ പേട്രിയറ്റിനു സാധിക്കുമെന്നാണ് കണക്കുകളിൽ നിന്ന് വ്യക്തമാകുന്നത്. 

മഹേഷ് നാരായണൻ സംവിധാനം ചെയ്ത ചിത്രത്തിൽ മമ്മൂട്ടിക്കും മോഹൻലാലിനും ഒപ്പം ഫഹദ് ഫാസിൽ, കുഞ്ചാക്കോ ബോബൻ എന്നിവരും പ്രധാന വേഷങ്ങൾ അവതരിപ്പിച്ചിരിക്കുന്നു. ആന്റോ ജോസഫ് ആണ് നിർമാണം. 18 വർഷങ്ങൾക്കു ശേഷമാണ് മമ്മൂട്ടിയും മോഹൻലാലും സിനിമയിൽ ഒന്നിക്കുന്നത് എന്ന പ്രത്യേകതയും പേട്രിയറ്റിനുണ്ട്.

 രണ്ട് ഭാഗങ്ങളിലായി ഒരുങ്ങുന്ന ഖലീഫയുടെ ആദ്യ ഭാഗത്തില്‍ പൃഥ്വിരാജും രണ്ടാം ഭാഗത്തില്‍ മോഹന്‍ലാലുമാകും നായകന്മാരാകുക. പൃഥ്വിരാജ് രണ്ടാം ഭാഗത്തിന്റെ താരനിരയിലും ഭാഗമാകും. മാമ്പറയ്ക്കല്‍ അഹമ്മദ് അലി എന്ന മോഹന്‍ലാല്‍ കഥാപാത്രത്തിന്റെ കൊച്ചുമകനായാണ് ഖലീഫയില്‍ പൃഥ്വി എത്തുന്നത്.  സ്വര്‍ണ്ണ കള്ളക്കടത്തിന്റെ പശ്ചാത്തലത്തില്‍ വലിയ ക്യാന്‍വാസിലാണ് സിനിമ ഒരുങ്ങുന്നത്. ബോളിവുഡ് താരം നീല്‍ നിതിന്‍ മുകേഷും താരനിരയുടെ ഭാഗമാണ്.

മന്ത്രിയുടെ വാക്കുകൾ 

മലയാള സിനിമയിലെ ശ്രദ്ധേയമായ ചിത്രം 'പേട്രിയറ്റ്' കാണുകയുണ്ടായി. നമ്മുടെ കാലഘട്ടം നേരിടുന്ന ഏറ്റവും വലിയ വെല്ലുവിളികളിലൊന്നായ ഓൺലൈൻ ലോൺ ആപ്പുകളെയും ഡിജിറ്റൽ ചതിക്കുഴികളെയും വളരെ ഗൗരവത്തോടെയും എന്നാൽ കലാപരമായ മികവോടെയും ചിത്രം അവതരിപ്പിച്ചിരിക്കുന്നു.

സാങ്കേതികവിദ്യ വിരൽത്തുമ്പിൽ ലോകത്തെ എത്തിക്കുമ്പോൾ, മറുവശത്ത് പതുങ്ങിയിരിക്കുന്ന വലിയ അപകടങ്ങളെക്കുറിച്ച് കൃത്യമായ ധാരണ സമൂഹത്തിന് നൽകാൻ ഇത്തരം സിനിമകൾക്ക് സാധിക്കും. 

പാവപ്പെട്ടവന്റെ നിസ്സഹായാവസ്ഥയെ മുതലെടുക്കുന്ന ഡിജിറ്റൽ മാഫിയകൾ നമ്മുടെ സാമൂഹിക വ്യവസ്ഥിതിക്ക് തന്നെ ഭീഷണിയാണ്. കുടുംബങ്ങളുടെ സമാധാനം കെടുത്തുന്ന ഇത്തരം ക്രിമിനൽ ശൃംഖലകളെ തുറന്നുകാട്ടാൻ ഈ ചിത്രത്തിന് കഴിഞ്ഞു.

പൊതുവിദ്യാഭ്യാസ വകുപ്പ് വഴിയും തൊഴിൽ വകുപ്പ് വഴിയും നാം ഉയർത്തിപ്പിടിക്കുന്ന സൈബർ സുരക്ഷാ അവബോധത്തിന് ഒരു വലിയ കരുത്താണ് ഈ സിനിമ. യുവാക്കളും വിദ്യാർത്ഥികളും പ്രത്യേകം കണ്ടിരിക്കേണ്ട ഒന്നാണിത്. ഒരു വലിയ ക്യാൻവാസിൽ, ഗൗരവമേറിയ വിഷയം വിട്ടുവീഴ്ചകളില്ലാതെ അവതരിപ്പിച്ച ഇതിന്റെ അണിയറ പ്രവർത്തകർക്ക് എന്റെ ഹൃദയം നിറഞ്ഞ അഭിനന്ദനങ്ങൾ.

ഒന്നര പതിറ്റാണ്ടിന് ശേഷം മമ്മൂട്ടിയും മോഹൻലാലും ഒരുമിച്ച് അഭിനയിക്കുന്ന സിനിമ, കുഞ്ചാക്കോ ബോബൻ,ഫഹദ് ഫാസിൽ,നയൻതാര,രേവതി, ദർശന രാജേന്ദ്രൻ, ഇന്ദ്രൻസ് തുടങ്ങി വലിയ താരനിര അണിനിരക്കുന്ന സിനിമ, ആന്റോ ജോസഫിന്റെ മുൻകൈയ്യിൽ രൂപപ്പെട്ട ഒരു മഹേഷ് നാരായൺ ചിത്രം എന്നിങ്ങനെ ഒട്ടേറെ സവിശേഷതകൾ ഉള്ള സിനിമയാണിത്.

സിനിമയുടെ എല്ലാ പ്രവർത്തകർക്കും വിജയാശംസകൾ നേരുന്നു.

ബിഗ് ബോസ് കാലം മുതൽ തന്നെ വെറുക്കുന്ന ആട്ടിൻതോലിട്ട ചില ചെന്നായ്ക്കൾ തന്റെ പേര് നശിപ്പിക്കാൻ വേണ്ടി ബോധപൂർവ്വം കമന്റുകൾ ഇടുകയാണെന്ന് സൂര്യ ആരോപിച്ചു. അവരുടെ കുടുംബജീവിതത്തിന് അടുത്ത് ഒരു ഗസ്റ്റ് അപ്പിയറൻസ് പോലും താൻ നടത്തിയിട്ടില്ലെന്നും സജ്ന ഇപ്പോഴും തന്റെ നല്ലൊരു സുഹൃത്താണെന്നും സൂര്യ വ്യക്തമാക്കി. 

 

 

 

 

View this post on Instagram

 

 

 

 

 

 

 

 

 

 

 

A post shared by Soorya J Menon (@skmenon_)

Patriot

മമ്മൂട്ടിയാണ് ചിത്രത്തിൽ സുപ്രധാന വേഷം അവതരിപ്പിച്ചിരിക്കുന്നത്. മമ്മൂട്ടിയുടെ ഡാനിയേൽ ജെയിംസ് എന്ന കഥാപാത്രമാണ് സിനിമ മുന്നോട്ടുകൊണ്ടുപോകുന്നത്. ഡാനിയേലിനെ സഹായിക്കാൻ എത്തുന്ന കേണൽ റഹീം നായിക് എന്ന കഥാപാത്രമാണ് മോഹൻലാലിന്റേത്. 

മോഹൻലാലിന്റെ കഥാപാത്രത്തിനു പ്രാധാന്യം കുറഞ്ഞെന്നും വിളിച്ചുവരുത്തി പരിഹസിക്കുന്ന പോലെയായെന്നും മോഹൻലാൽ ആരാധകർ വിമർശിക്കുന്നു. രണ്ടാം പകുതിയിൽ മാത്രമാണ് മോഹൻലാൽ കഥാപാത്രത്തിനു സിനിമയിൽ റോളുള്ളത്. അതും ഒരു ഘട്ടംകഴിഞ്ഞാൽ തീരെ ഇല്ലാതാകുന്നു. ഇതൊക്കെയാണ് ആരാധകരുടെ കലിപ്പിനു കാരണം. കുറച്ചുകൂടി നല്ല വേഷം ലാലേട്ടനു കൊടുക്കണമായിരുന്നെന്ന് ഇവർ പറയുന്നു. 

Patriot

ട്രേഡ് ട്രാക്കർമാരായ സാക്‌നിൽക് റിപ്പോർട്ട് പ്രകാരം ഇന്ത്യൻ ബോക്‌സ്ഓഫീസിൽ നിന്ന് മാത്രം പേട്രിയറ്റ് നേടിയത് 9.8 കോടിയാണ്. വേൾഡ് വൈഡായി 29.37 കോടി കളക്ട് ചെയ്തു. കേരള ബോക്‌സ്ഓഫീസിൽ നിന്ന് മാത്രം എട്ട് കോടിയാണ് ചിത്രത്തിന്റെ കളക്ഷൻ. 

മഹേഷ് നാരായണൻ സംവിധാനം ചെയ്ത പേട്രിയറ്റ് മലയാളത്തിലെ ആദ്യദിന ബോക്‌സ്ഓഫീസ് കളക്ഷനിൽ രണ്ടാമതെത്തി. മോഹൻലാലിന്റെ എമ്പുരാൻ ആണ് ഒന്നാം സ്ഥാനത്ത്. ഫഹദ് ഫാസിൽ, കുഞ്ചാക്കോ ബോബൻ എന്നിവരും പേട്രിയറ്റിൽ സുപ്രധാന കഥാപാത്രങ്ങളെ അവതരിപ്പിച്ചിരിക്കുന്നു. 

Patriot

മലയാളത്തിൽ ആദ്യദിനം ഏറ്റവും കൂടുതൽ കളക്ട് ചെയ്തിരിക്കുന്നത് മോഹൻലാലിന്റെ എമ്പുരാൻ ആണ്. ഏതാണ്ട് 70 കോടിക്കടുത്താണ് എമ്പുരാൻ നേടിയത്. 

പേട്രിയറ്റ് എങ്ങനെ? 

18 വർഷങ്ങൾക്കു ശേഷം മമ്മൂട്ടിയും മോഹൻലാലും ഒന്നിച്ച 'പേട്രിയറ്റി'നു സമ്മിശ്ര പ്രതികരണം. രണ്ട് സൂപ്പർതാരങ്ങൾ ഒന്നിച്ചെത്തുമ്പോൾ കുറേകൂടി മാസ് സിനിമയാണ് പ്രതീക്ഷിച്ചതെന്നാണ് ഇരുവരുടെയും ആരാധകർ പറയുന്നത്. അപ്പോഴും മോശമല്ലാത്ത രീതിയിൽ ടെക്നിക്കലി വളരെ മികച്ചതാണ് പേട്രിയറ്റ് എന്നും ഇവർ സമ്മതിക്കുന്നു. 

ആദ്യ പകുതി ഗംഭീരമെന്നാണ് എല്ലാ പ്രേക്ഷകരും പറയുന്നത്. ഇന്റർവെൽ ബ്ലോക്ക് തിയറ്റർ കത്തിച്ചെന്നും ഇവർ അവകാശപ്പെടുന്നു. എന്നാൽ രണ്ടാം പകുതിയിലേക്ക് എത്തിയപ്പോൾ സിനിമയുടെ ഗ്രാഫ് അൽപ്പം താഴ്ന്നു. രണ്ടാം പകുതിയും ക്ലൈമാക്സും ശരാശരി നിലവാരമേ പുലർത്തിയിട്ടുള്ളൂവെന്നും ആരാധകർ പറയുന്നു. 

അതേസമയം ടെക്നിക്കലി മലയാളത്തിൽ വന്ന മികച്ച സിനിമകളിലൊന്നാണ് പേട്രിയറ്റ് എന്നും തിയറ്റർ എക്സ്പീരിയൻസ് ഡിമാൻഡ് ചെയ്യുന്നുണ്ടെന്നും പ്രേക്ഷകർക്കു അഭിപ്രായമുണ്ട്. മമ്മൂട്ടിയും മോഹൻലാലും ഒന്നിച്ചുള്ള രംഗങ്ങൾ സിനിമയുടെ നട്ടെല്ലാണ്. ഒരിടത്ത് പോലും ആ കഥാപാത്രങ്ങളുടെ സംഗമം കച്ചവട താൽപര്യത്തെ മുൻനിർത്തിയാണെന്ന് തോന്നിപ്പിക്കുന്നില്ല. ഇരുവരും തങ്ങളുടെ കഥാപാത്രങ്ങളെ മികച്ചതാക്കി. 

മഹേഷ് നാരായണൻ സംവിധാനം ചെയ്ത ചിത്രത്തിൽ മമ്മൂട്ടിക്കും മോഹൻലാലിനും ഒപ്പം ഫഹദ് ഫാസിൽ, കുഞ്ചാക്കോ ബോബൻ, ദർശന രാജേന്ദ്രൻ, സറിൻ ഷിഹാബ്, നയൻതാര എന്നിവരും പ്രധാന വേഷങ്ങളിലെത്തുന്നു.