പട്ടണത്തില് ഭൂതം ഹിറ്റ്
ശനി, 18 ജൂലൈ 2009( 17:46 IST )
രണ്ടാം വാരത്തിലേക്ക് കടക്കുമ്പോള് മമ്മൂട്ടിയുടെ കോമഡിച്ചിത്രം ‘ഈ പട്ടണത്തില് ഭൂതം’ ഒരു ഹിറ്റ് ചിത്രമായി മാറിക്കഴിഞ്ഞു. മികച്ച കളക്ഷനാണ് ഈ ചിത്രം നേടുന്നത്. എല്ലാ ദിവസവും ഫസ്റ്റ് ഷോ ഹൌസ് ഫുള്ളാണ്. ശനി, ഞായര് ദിവസങ്ങളിലേക്കുള്ള ടിക്കറ്റുകള് നേരത്തേ വിറ്റു തീര്ന്നുകഴിഞ്ഞു. കുട്ടികളെ ആകര്ഷിക്കാനായതോടെ ഭൂതം ലോംഗ് റണ് ഉറപ്പാക്കി.
ഈയാഴ്ച കേരളത്തിനു പുറത്ത് 25 കേന്ദ്രങ്ങളില് കൂടി പട്ടണത്തില് ഭൂതം റിലീസ് ചെയ്യുന്നുണ്ട്. ഭൂതത്തിന്റെ വമ്പന് ഇനിഷ്യല് കളക്ഷന് മറ്റു ചിത്രങ്ങളെ ബഹുദൂരം പിന്നിലാക്കി. ഹിറ്റ് ചാര്ട്ടില് രണ്ടാം സ്ഥാനത്താണ് പട്ടണത്തില് ഭൂതം.