മലയാളി, താങ്കള്‍ കണ്ണടച്ച് ഇരുട്ടാക്കുന്നു! വസ്തുകളെ മനസ്സിലാക്കതെയുള്ള CPM സ്തുതിഗീതം താങ്കളുള്‍പ്പെടുന്ന പൊതുസമൂഹത്തിനു തന്നെ വിനാശകരമാകുമെന്നുള്ള സാമാന്യബുദ്ധി ലെവലേശമില്ലാതെ പ്രതികരണങ്ങള്‍ തികച്ചും നിരാശകരമാണ്! സമരങ്ങള്‍ കേരള മണ്ണിന്‍റെ ചരിത്രത്തില്‍ പുതുമയല്ല. പഴശ്ശിയുടെ രക്ത രൂക്ഷിതമായ പോരാട്ടങ്ങള്‍ മുതല്‍ സത്യവും അഹിംസയും മാത്രം ആയുധമാക്കിയുള്ള ഗാന്ധിയന്‍ സ്വാതന്ത്ര പോരാട്ടങ്ങള്‍ വരെ കണ്ടതാണ് ഈ നാട്. പക്ഷെ സാമൂഹിക നന്‍മയ്ക്ക് വേണ്ടി നാം എടുത്തുപയോഗിച്ചു ശീലിച്ച ധര്‍ണ്ണയും, നിരാഹാരവും പോലെയുള്ള ആഹിംസയിലൂന്നിയുള്ള സമര മാര്‍ഗ്ഗങ്ങള്‍ പലപ്പോഴും സാമ്പത്തിക നേട്ടത്തിനും പകരം വീട്ടലിനും ഉള്ള ആയുധമാക്കി മാറ്റപ്പെടുമ്പോള്‍, ലോകശ്രദ്ധയും , ആദരവും പിടിച്ചു പറ്റിയ ഭാരതത്തിന്‍റെ ഈ സ്വന്തം സമരായുധത്തിന്‍റെ പ്രശസ്തിക്കും മൂര്‍ച്ചയ്ക്കും കളങ്കമേല്ക്കുകയാണ്. ന്യായമായ കാരണങ്ങള്‍ക്ക് വേണ്ടി നടത്തപ്പെടുന്ന സമരങ്ങള്‍ പോലും ഇതുമൂലം ജനശ്രദ്ധയില്‍ നിന്നും അകന്നു പോവുന്നു. എന്തും സഹിച്ചും, ക്ഷമിച്ചും, ഒട്ടൊക്കെ നര്‍മ്മ ബോധത്തോടെ വീക്ഷിച്ചും ശീലിച്ച മലയാളി ഇപ്പൊ ഇതും അവന്‍റെ നിത്യജീവിതത്തിലെ ഒരു പതി

എന്തും സഹിച്ചും, ക്ഷമിച്ചും, ഒട്ടൊക്കെ നര്‍മ്മ ബോധത്തോടെ വീക്ഷിച്ചും ശീലിച്ച മലയാളി ഇപ്പൊ ഇതും അവന്‍റെ നിത്യജീവിതത്തിലെ ഒരു പതിവ് കാഴ്ചയായി കണ്ടു പഠിച്ചിരിക്കുന്നു. സത്യത്തിനും നീതിയ്ക്കും വേണ്ടിയുള്ള സമരമാര്‍ഗ്ഗങ്ങള്‍ ഒരു വിഭാഗം സ്വാര്‍ത്ഥ താല്പര്യങ്ങള്‍ക്കായി വിനിയോഗിക്കുന്നത് കാണുമ്പോള്‍ വേദന തോന്നുന്നു. രാഷ്ട്രീയ സംഘടനകളെങ്കിലും എല്ലായിപ്പോഴും ഇത്തരക്കാര്‍ക്ക് ധനസമ്പാദനത്തിനുള്ള അക്ഷയപാത്രങ്ങളായി മാറുന്നത് കാണുമ്പോള്‍ ഒരു സംശയം മനസ്സില്‍ തോന്നിപോകുന്നു. ദൈവത്തിന്‍റെ സ്വന്തം നാട് എന്നാല്‍ ദൈവത്തെ കൂട്ടുപിടിച്ചാല്‍ എന്തും ചെയ്യാന്‍ കഴിയുന്ന നാട് എന്നാണോ അര്‍ത്ഥം?

താങ്കളുടെ ചോദ്യം പ്രസക്തമാണ്! ഏതാ നല്ല പാര്‍ട്ടി? ഉത്തരം പറയേണ്ടത് കേരള ജനതയാണ്! ഓരോ തിരഞ്ഞെടുപ്പിലും അവര്‍ ഉത്തരം കണ്ടെത്താന്‍ ശ്രമിച്ച് കൊണ്ടേയിരിക്കുന്നു! പക്ഷെ, ആവശ്യങ്ങള്‍ക്കും, അനാവശ്യങ്ങള്‍ക്കും സമരം ചെയ്യുന്ന പാര്‍ട്ടിയേതാ എന്ന് ചോദിച്ചാല്‍ ഉത്തരം ലളിതം! CPM നെ വിമര്‍ശിക്കരുത് എന്നെവിടെയും എഴുതി വെച്ചിട്ടില്ല, ഉവ്വൊ? പിന്നെ CPM നെ വിമര്‍ശിക്കുന്നതിന് കാരണം; അഖില ലോകതൊഴിലാളികളുടെ സം‍രക്ഷണത്തിന് അല്ലെങ്കില്‍ മോക്ഷത്തിന് നില നില്‍ക്കുന്നുവെന്ന് നാഴികക്ക് നാല്‍പത് വട്ടം വീമ്പളക്കുന്ന പാര്‍ട്ടിയാണ് CPM, അപ്പോള്‍ വിമര്‍ശനം തികച്ചും സ്വാഭാവീകം! സഹോദരാ! തന്‍റെയിഷ്ടം പൊന്നിഷ്ടം, മറ്റവന്‍റെയിഷ്ടം വിമ്മിഷ്ടം (കടപ്പാട് മുന്‍ഷി)

യു ഡി എഫ് -ന്‍റെ വെറും തറ രാഷ്ട്രീയം നമ്മള്‍ കണ്ടതല്ലെ. യു ഡി എഫ് ഭരിച്ചപ്പോള്‍ എം എം ഹസ്സനും കൂട്ടരും ഹര്‍ത്താലിനെതിരെ എന്തൊരു ഉപവാസവും ഗീര്‍വാണം അടിക്കലുമായിരുന്നു. ഭരണത്തില്‍നിന്നും ഇറങ്ങിയതോടുകൂടി അതെല്ലാം വിഴുങ്ങി എത്ര ഹര്‍ത്താല്‍ നടത്തി. അതുകൂടി പറയൂ സുഹ്രത്തേ.