മള്‍ട്ടി മോഡ് ക്യാമറയും സ്മാര്‍ട്ട് ആക്ഷന്‍ ഫീച്ചറുമായി പാനസോണിക് പി91 വിപണിയില്‍

മള്‍ട്ടി മോഡ് ക്യാമറയുമായി പാനസോണിക് പി91

Panasonic P91 , Panasonic , Smartphone , Mobile , പാനസോണിക് പി91 , സ്മാര്‍ട്ട്ഫോണ്‍ , പാനസോണിക് , മൊബൈല്‍
സജിത്ത്| Last Modified ചൊവ്വ, 21 നവം‌ബര്‍ 2017 (09:37 IST)
പാനസോണിക്കിന്റെ ഏറ്റവും പുതിയ സ്മാര്‍ട്ട്ഫോണ്‍ വിപണിയിലേക്ക്. നീല, കറുപ്പ്, ഗോള്‍ഡ് എന്നീ നിറങ്ങളില്‍ പുറത്തിറങ്ങുന്ന ഈ ഫോണിന് 6,490 രൂപയാണ് വില. വ്യത്യസ്ത മോഡുകളില്‍ വിവിധ ദൃശ്യങ്ങള്‍ പകര്‍ത്താന്‍ സാധിക്കുന്ന മള്‍ട്ടി മോഡ് ക്യാമറയാണ് ഈ ഫോണിന്റെ ഏറ്റവും വലിയ പ്രത്യേകത.

ക്യുആര്‍ കോഡ് സ്കാനിങ്ങ് നടത്തുക, ദൃശ്യങ്ങള്‍ തിരിച്ചറിയുക,
ടൈം ലാപ്സ് റെക്കോര്‍ഡ് ചെയ്യുക, സീന്‍ ഫ്രെയിം തിരഞ്ഞെടുക്കുക, എക്സ്പോഷര്‍ വാല്യു ക്രമീകരിക്കുക, മികച്ച ഫോട്ടോകള്‍ എടുക്കുന്നതിന് പോര്‍ട്രേയ്റ്റ്,
പ്രൊഫഷല്‍ മോഡുകള്‍ ഉപയോഗിക്കുക എന്നീ വ്യത്യസ്ത കാര്യങ്ങള്‍ മള്‍ട്ടി മോഡ് ക്യാമറയില്‍ ചെയ്യാന്‍ കഴിയും.

സ്മാര്‍ട്ട് ആക്ഷന്‍, സ്മാര്‍ട്ട് ജെസ്റ്റര്‍ എന്നിങ്ങനെയുള്ള രണ്ട് സവിശേഷതകളും ഫോണില്‍ ഉള്‍പ്പെടുത്തിയിട്ടുണ്ട്. എല്‍ഇഡി ഫ്ളാഷോട് കൂടിയ 8 എംപി റിയര്‍ ക്യാമറയും വളരെ താഴ്ന്ന പ്രകാശത്തില്‍പ്പോലും മികച്ച ദൃശ്യങ്ങള്‍ പകര്‍ത്താന്‍ സാധിക്കുന്ന 5 എംപി സെല്‍ഫി ക്യാമറയുമാണ് ഈ സ്മാര്‍ട്ട് ഫോണിലുള്ളത്.

അഞ്ച് ഇഞ്ച് എച്ച്‌ഡി 720പി ഐപിഎസ് ഡിസ്പ്ലെയാണ് ഫോണില്‍ ഉപയോഗിച്ചിരിക്കുന്നത്. 128 ജിബി വരെ സ്റ്റോറേജ് വര്‍ധിപ്പിക്കാന്‍ സാധിക്കുന്ന മൈക്രോഎസ്ഡി കാര്‍ഡ് സ്ലോട്ട് , ഡ്യുവല്‍ സിം കാര്‍ഡ് സ്ലോട്ട് എന്നിവയും ഫോണിലുണ്ട്. 6 മണിക്കൂര്‍ വരെ ഇന്‍റേണല്‍ ബ്രൗസിങും 9 മണിക്കൂര്‍ വരെ ഓഫ്ലൈന്‍ വീഡിയോ പ്ലെബാക്കും സാധ്യമാക്കാന്‍ കഴിവുള്ള ബാറ്ററിയാണ് ഫോണിലുള്ളതെന്നും റിപ്പോര്‍ട്ടില്‍ പറയുന്നു.



ഇതിനെക്കുറിച്ച് കൂടുതല്‍ വായിക്കുക :