ഗ്രീസില്‍ ഉണ്ടായിരിക്കുന്ന സാമ്പത്തിക പ്രതിസന്ധി മെല്ലെ ആഗോള തലത്തിലേക്ക് വ്യാപിക്കുമെന്ന് സൂചനകള്‍. നിലവില്‍ യൂറോപ്യന്‍ യൂണിയന്റെ ഭാഗമായ ഗ്രീസിനുണ്ടായിരിക്കുന്ന സാമ്പത്തിക പ്രതിസന്ധി യൂറോപ്യൻ യൂണിയനെ മൊത്തത്തിൽ ബാധിക്കും. കാരണം ഏകീകൃത കറന്‍സിയായ യൂറോയ്ക്ക് പ്രതിസന്ധിന്‍ കനത്ത തിരിച്ചടിയാണ് ഉണ്ടാക്കാന്‍ പോകുന്നത്. ഇത് ഇറ്റലി, സ്പെയിൻ, പോർച്ചുഗൽ തുടങ്ങി യൂറോപ്യന്‍ യൂണിയന്റെ മുഴുവന്‍ സാമ്പത്തിക പ്രതിസന്ധിയിലേക്ക് തള്ളിവിടും.

ഗ്രീസ് പ്രതിസന്ധി മൂലം 35,000 കോടി ഡോളറിന്റെ (ഏകദേശം 22,05,000 കോടി രൂപ) ബാധ്യതയാവും നേരിടേണ്ടിവരിക. ഇത് ഒഴിവാക്കാന്‍ ഗ്രീസിനെ യൂറോസോണില്‍ നിന്ന് പുറത്താക്കുകയേ നിവൃത്തിയുള്ളു. നിലവില്‍ നടന്ന ജനഹിത പരിശോധന പ്രകാരം സാമ്പത്തിക സഹായത്തിന് യൂറോസോനിന്റെ നിര്‍ദ്ദേശങ്ങള്‍ അംഗീകരിക്കെണ്ടതില്ല എന്ന നിലപാടാണ് ഗ്രീസ് എടുത്തിരിക്കുന്നത്. അതിനാല്‍ യൂറോപ്യന്‍ യൂണിയനില്‍ നിന്ന് ഇവര്‍ ഉടന്‍ തന്നെ പുറത്തായേക്കും.

എന്നാല്‍ പ്രതിസന്ധി അവിടം കൊണ്ട് അവസാനിക്കുന്നില്ല. ഗ്രീസ് പാപ്പരായാൽ യൂറോയുടെ കെട്ടുറപ്പ് നഷ്ടപ്പെടും. ഇത് ആഗോള സാമ്പത്തിക വളർച്ചയെയും സ്വാധീനിക്കും. ജർമനി, ഫ്രാൻസ്, ഇംഗ്ളണ്ട് എന്നീ രാജ്യങ്ങളിലെ വൻകിട ബാങ്കുകളാണ് ഗ്രീസിന് വായ്പ നൽകിയത്. ഇവർ പ്രതിസന്ധിയിലാവും. ഇത് യൂറോയ്ക്ക് ഉണ്ടാകാന്‍ പോകുന്ന തിരിച്ചടികള്‍ക്ക് തടയിടാനായി യൂറോപ്യൻ സെൻട്രൽ ബാങ്ക് അതിരുവിട്ട് പ്രവർത്തിച്ചാൽ മൂല്യം ഇടിയും.

ഇത് പലിശ നിരക്ക് കൂട്ടും. ഇറക്കുമതിയെ ബാധിക്കും. കൂടാതെ യൂറോപ്യൻ യൂണിയനെ മാത്രമല്ല, അമേരിക്കൻ സമ്പദ് ഘടനയെയും ബാധിക്കും.
യൂറോയെ സംരക്ഷിക്കാൻ
ഗ്രീസിന് വായ്പ നൽകിയ ചില ബാങ്കുകൾക്ക് യുഎസ് ബാങ്കുകൾ ഇൻഷുറൻസ് പരിരക്ഷ നൽകിയിരുന്നു. ഗ്രീസ് പാപ്പരായാൽ ഈ ബാങ്കുകളുടെ നഷ്ടം നികത്തേണ്ട ബാധ്യത യുഎസ് ബാങ്കുകൾക്കാവും. ഇതാണ് ഡോളറിന് തിരിച്ചടിയുണ്ടാകാന്‍ പോകുന്നത്. ഡോളറിൽ സ്വാധീനം ചെലുത്തുമെന്നതിനാൽ ഇന്ത്യൻ സാമ്പത്തിക രംഗവും ആശങ്കപ്പെടേണ്ടിവരും. ചുരുക്കം പറഞ്ഞാല്‍ ലോകം അടുത്ത സാമ്പത്തിക പ്രതിസന്ധിയുടെ വക്കിലാണെന്ന ആശങ്കപ്പെടുത്തുന്ന സൂചനകളാണ് ഗ്രീസില്‍ നിന്ന് പുറത്തുവരുന്നത്.