സോംദേവിന്‍റെ വിജയം ചരിത്രം: ഗില്‍

ന്യൂഡല്‍ഹി| PRATHAPA CHANDRAN|
ചെന്നൈ ഓപ്പണ്‍ ടെന്നിസില്‍ മുന്‍ ലോക ഒന്നാം നമ്പര്‍ താരം കാര്‍ലോസ് മോയയ്ക്ക് മേല്‍ സോംദേവ് ദേവ് വര്‍മ്മന്‍ നേടിയ വിജയം ചരിത്രപരമാണെന്ന് കേന്ദ്ര കായിക മന്ത്രി എം എസ് ഗില്‍.

ലോകോത്തര ടെന്നിസ് കളിക്കാരനായ മോയയ്ക്ക് മേല്‍ ദേവ്‌വര്‍മ്മന്‍ നേടിയ വിജയം വളരെയധികം സന്തോഷം നല്‍കുന്നു. ദേവ്‌വര്‍മ്മന്‍ ഇന്ത്യന്‍ ടെന്നിസിന് പുതിയ പ്രതീക്ഷയാണ് നല്‍കുന്നത്. നാളത്തെ താരവും അദ്ദേഹം തന്നെയാവും, ഗില്‍ പറഞ്ഞു.

കാര്‍ലോസ് മോയയെ ഞെട്ടിച്ചുകൊണ്ട് നേടിയ വിജയത്തിലൂടെ ദേവ്‌വര്‍മ്മന്‍ ക്വാര്‍ട്ടര്‍ ഫൈനലില്‍ എത്തിച്ചേര്‍ന്നു. 4-6, 7-5, 6-4 എന്ന നിലയിലായിരുന്നു ദേവ്‌വര്‍മ്മന്‍ ജീവിതത്തിലെ ഏറ്റവും മികച്ച ജയം സ്വന്തമാക്കിയത്.

ഉയര്‍ന്നു വരുന്ന മികച്ച ടെന്നിസ് പ്രതിഭകള്‍ക്ക് കായിക മന്ത്രാലയം എല്ലാ പിന്തുണയും നല്‍കുമെന്നും ഗില്‍ പറഞ്ഞു.



ഇതിനെക്കുറിച്ച് കൂടുതല്‍ വായിക്കുക :