ജേജുരിയിലെ ഖണ്ഡോബ

WEBDUNIA|
ഇത്തവണ തീര്‍ത്ഥാടനം പരമ്പരയില്‍ ഞങ്ങള്‍ നിങ്ങളെ കൊണ്ടുപോവുന്നത് ജേജുരിയിലെ ഖണ്ഡോബ ക്ഷേത്രത്തിലേക്കാണ്. മറാത്തിയില്‍ “ഖണ്ഡോബാചി ജേജുരി” എന്ന പേരിലാണ് ഈ ക്ഷേത്രം അറിയപ്പെടുന്നത്.

മഹാരാഷ്ട്രയിലെ പ്രാചീന ആദിവാസി ഗോത്രമായ ധന്‍‌ഗാറുകളുടെ ഇടയില്‍ ജേജുരിയുടെ ആരാധാനയ്ക്ക് വലിയ പ്രാധാന്യമാണുള്ളത്. ഖണ്ഡോബയെ ആദിവാസികളുടെ ദൈവമായാണ് കണക്കാക്കുന്നത് എങ്കിലും മറാത്ത പാരമ്പര്യം അനുസരിച്ച് വിവാഹം കഴിയുന്ന ഉടന്‍ ദമ്പതികള്‍ ഖണ്ഡോബാ ക്ഷേത്രം സന്ദര്‍ശിക്കുന്നത് ആചാരമായി കണക്കാക്കുന്നു.

WD
പൂനെ-ബാംഗ്ലൂര്‍ ദേശീയ പാതയുടെ അരികിലായി ഫാല്‍തന്‍ പട്ടണത്തിലാണ് ജേജുരി. ഖണ്ഡോബ ക്ഷേത്രമാവട്ടെ ഒരു ചെറു കുന്നിലാണ് സ്ഥിതിചെയ്യുന്നത്. 200 പടികള്‍ കടന്ന് വേണം ഇവിടെയെത്താന്‍. മലകയറുമ്പോള്‍ ക്ഷേത്രത്തിലെ കല്‍ വിളക്കുകള്‍ നല്‍കുന്നത് ഒരു മനോഹര ദൃശ്യമാണ്. കുന്നിന്‍ മുകളില്‍ ക്ഷേത്ര പരിസരത്തു നിന്നുകൊണ്ട് ജേജൂരി ടൌണിന്‍റെ മനോഹാരിത ആസ്വദിക്കുകയും ചെയ്യാം.


ഇതിനെക്കുറിച്ച് കൂടുതല്‍ വായിക്കുക :