അഞ്ചു കോടിയോളമുള്ള വിശ്വാസികളുടെ പ്രതീക്ഷകള്‍ തകിടം മറിച്ച് ദേര സച്ച് സേനയുടെ നേതാവ് ഗുര്‍മീത് റാം സിങിനെതിരായ കോടതി വിധി വന്നതോടെ അനുയായികള്‍ ഹരിയാനയും പഞ്ചാബും അഗ്നിക്കിരയാക്കി. ബലാത്സംഗ കേസില്‍ ഗുര്‍മീതിന് ജീവപര്യന്തം ശിക്ഷ വിധിക്കുമെന്നാണ് കരുതുന്നത്. അങ്ങനെയെങ്കില്‍ പ്രതിഷേധം ഇനിയും ആളിക്കത്താന്‍ സാധ്യതയുണ്ട്.

അതേസമയം, സ്വാമിയെ കുറിച്ച് ഞെട്ടിക്കുന്ന കഥകളാണ് പുറത്തുവരുന്നത്. ആരാധനയേക്കാള്‍ പലരും അയാളെ പേടിയായിരുന്നു. സ്വാമി ബലാത്സംഗം ചെയ്താല്‍ ശുദ്ധരാകുമെന്നാണ് ഇവിടുത്തെ സ്ത്രീകള്‍ പറയുന്നത്. ഇത്തരത്തില്‍ നിരവധി സ്ത്രീകളെയാണ് ഗുര്‍മീത് പീഡിപ്പിച്ചത്. ആള്‍ദൈവത്തിന്റെ പീഡനത്തിലൂടെ സ്വയം ശുദ്ധരായെന്ന് രണ്ട് സ്ത്രീകള്‍ വ്യക്തമാക്കുകയും ചെയ്യുന്നു.

ഗുര്‍മീത് കഴിഞ്ഞിരുന്ന ഭൂഗര്‍ഭ അറയെ കുറിച്ചും അവിടെ നടന്നിരുന്ന കാര്യങ്ങളെ കുറിച്ചും ഞെട്ടിക്കുന്ന റിപ്പോര്‍ട്ടുകളാണ് പുറത്തുവരുന്നത്. താന്‍ ദൈവമാണ് എന്ന രീതിയില്‍ ആയിരുന്നു ഗുര്‍മീത് അനുയായികളെ വിശ്വസിപ്പിച്ചിരുന്നത്.
'ഗുഹ' എന്ന് വിളിക്കപ്പെടുന്ന ഭൂഗര്‍ഭ അറയുടെ കാവല്‍ എപ്പോഴും സ്ത്രീകളെ മാത്രമാണ് ഗുര്‍മീത് ഏല്‍പിച്ചിരുന്നത് എന്നാണ് സൂചന‍. ഇത്തരത്തില്‍ തന്നെയാണ് പലരും ചതിയില്‍ പെട്ടത് എന്നും പറയപ്പെടുന്നു.