വീണ്ടും വെടി നിർത്തൽ കരാർ ലംഘിച്ച് പാകിസ്ഥാൻ സൈന്യം. ജമ്മു കശ്മീരിലെ പൂഞ്ച്​മേഖലയിലെ നിയന്ത്രണരേഖയ്ക്ക് സമീപം കഴിഞ്ഞ ദിവസം രാത്രി 11ഓടുകൂടിയാണ്​പാക്​സൈന്യം ഒരുതരത്തിലുള്ള പ്രകോപനവും കൂടാതെ വെടിവെപ്പ്​തുടങ്ങിയത്​.

അതേസമയം, ഇന്ത്യന്‍ സൈന്യവും ശക്തമായി തിരിച്ചടിച്ചിട്ടുണ്ട്. പൂഞ്ച്​, ഷാഹ്പൂർ, കെർനി, സൗജെയ്ൻ, മെന്ദർ ജില്ലകളിലാണ്​ പാക്​ സൈന്യത്തിന്റെ വെടിവെപ്പ്​ നടന്നത്​. കഴിഞ്ഞ ദിവസം പാകിസ്ഥാൻ നടത്തിയ വെടിവെപ്പിൽ ജനറൽ എഞ്ചിനീയറിംഗ്​ റിസർവ്​ ഫോഴ്​സിലെ തൊഴിലാളി മരിക്കുകയും രണ്ട്​ ബി.എസ്​.എഫ് ജവാൻമാർക്ക്​ പരിക്കേൽക്കുകയും ചെയ്​തിരുന്നു.