നിലവിലുള്ള തേ​ർ​ഡ്​ എ സി നി​ര​ക്കി​നേ​ക്കാ​ൾ കു​റ​ഞ്ഞ നിരക്കില്‍ എ സി ട്രെ​യി​ൻ യാ​ത്രയ്ക്ക്​ പു​തി​യ ഇ​ക്കോ​ണ​മി എ​സി കോ​ച്ചു​ക​ൾ ഒ​രു​ക്കാ​ൻ കേ​ന്ദ്ര ​റെ​യി​ൽ​വേ മ​ന്ത്രാ​ല​യം തയ്യാറെടുക്കുന്നു. എല്ലാ കോച്ചുകളും ശീ​തീ​ക​രി​ച്ച പു​തി​യ ട്രെ​യി​നു​ക​ളി​ലാ​ണ്​ പു​തി​യ ക്ലാ​സ്​ യാ​ത്ര ഒ​രു​ക്കു​ന്ന​തെന്ന് റെയില്‍‌വേ അറിയിച്ചു. നി​ല​വി​ലു​ള്ള ഫ​സ്​​റ്റ്​ എ ​സി, സെ​ക്ക​ന്‍ഡ് എ ​സി, തേ​ര്‍ഡ് എ സി എ​ന്നി​വ​ക്കൊ​പ്പമായിരിക്കും തേ​ര്‍ഡ് എ സി ഇ​ക്കോ​ണ​മി എ​ന്ന പേ​രി​ലുള്ള
കോ​ച്ചു​ക​ള്‍ വ​രു​ക.

ഓരോ കോ​ച്ചു​ക​ൾ​ക്കും​ ഓ​ട്ടോ​മാ​റ്റി​ക് വാ​തി​ലു​ക​ളായിരിക്കും ഉണ്ടായിരിക്കുക. താ​പ​നി​ലയുടെ ശ​രാ​ശ​രി 24 മുതല്‍ 25 ഡി​ഗ്രി​വരെ നി​ല​നി​ര്‍ത്തു​ന്ന​തി​നാ​ല്‍ മ​റ്റ്​ എ സി കോ​ച്ചു​ക​ളി​ലേ​തു​പോ​ലെ യാ​ത്ര​ക്കാ​ര്‍ക്ക്​ വി​രി​പ്പും പു​ത​പ്പും ന​ൽ​കി​ല്ലെന്നും റയില്‍‌വെ അറിയിച്ചു. പദ്ധതിയുടെ ആദ്യഘട്ടത്തില്‍ ചി​ല റൂ​ട്ടു​ക​ളി​ല്‍ മാ​ത്ര​മാ​യി​രി​ക്കും ​ചെ​ല​വ് കു​റ​ഞ്ഞ രീതിയിലുള്ള ഈ എ സി കോ​ച്ചു​ക​ളടങ്ങിയ ട്രെ​യി​നു​ക​ള്‍ ഓ​ടി​ക്കു​ക.

നി​ല​വി​ല്‍ മെ​യി​ല്‍, എ​ക്‌​സ്പ്ര​സ് ​ട്രെ​യി​നു​ക​ളി​ല്‍ സ്ലീ​പ്പ​ര്‍, തേ​ര്‍ഡ് എ.​സി, സെ​ക്ക​ന്‍ഡ് എ.​സി, ഫ​സ്​​റ്റ്​ എ.​സി എ​ന്നി​ങ്ങനെയുള്ള കോച്ചുകളാണുള്ളത്. രാ​ജ​ധാ​നി, ശ​താ​ബ്​​ദി ട്രെ​യി​നു​ക​ളി​ലും ഇ​പ്പോ​ൾ ആ​രം​ഭി​ച്ച ഹം​സ​ഫ​ര്‍, തേ​ജ​സ് എ​ന്നി​വ​യി​ലുമാണ് എ​ല്ലാ കോ​ച്ചു​ക​ളും എ.​സി​യാ​യിട്ടുള്ളത്. ക​ന​ത്ത​ചൂ​ടി​ല്‍ നി​ന്ന് യാ​ത്ര​ക്കാ​രെ ര​ക്ഷി​ക്കു​ന്ന​തി​നാ​ണ് പു​തി​യ കോ​ച്ചെ​ന്നും ക​ടു​ത്ത ത​ണു​പ്പ് ഈ ​കോ​ച്ചു​ക​ളി​ല്‍ ഉ​ണ്ടാ​കി​ല്ലെ​ന്നും റെ​യി​ല്‍ മ​ന്ത്രാ​ല​യം
അ​റി​യി​ച്ചു.