ന്യൂഡല്‍ഹി|
BIJU|
Last Modified വ്യാഴം, 12 ഒക്‌ടോബര്‍ 2017 (19:58 IST)
ഡല്‍ഹി മുഖ്യമന്ത്രി അരവിന്ദ് കേജ്‌രിവാളിന്‍റെ കാര്‍ മോഷണം പോയി. സെക്രട്ടേറിയറ്റിനുപുറത്ത് പാര്‍ക്ക് ചെയ്തിരുന്ന വാഗര്‍ ആര്‍ കാറാണ് മോഷ്ടിക്കപ്പെട്ടത്. വ്യാഴ്ചാഴ്ച ഉച്ചകഴിഞ്ഞാണ് സംഭവം.
നാലുവര്‍ഷം മുമ്പ് കുന്ദന്‍ ശര്‍മ എന്ന സോഫ്റ്റ്‌വെയര്‍ എന്‍ജിനീയര്‍ കേജ്‌രിവാളിന് സമ്മാനമായി നല്‍കിയതാണ് നീലനിറമുള്ള ഈ വാഗര്‍ ആര്‍ കാര്‍. പിന്നീട് ആം ആദ്മി പാര്‍ട്ടിയിലെ പടലപ്പിണക്കങ്ങള്‍ കണ്ട് മനസുമടുത്തപ്പോള്‍ ക്കൂണ്ഡാണ്‍ ശര്‍മ കാര്‍ തിരികെ ചോദിച്ചതും വാര്‍ത്തയായിരുന്നു.
തെരഞ്ഞെടുപ്പുകാലത്ത് കേജ്‌രിവാള്‍ ഈ കാര്‍ ആയിരുന്നു ഉപയോഗിച്ചിരുന്നത്. പിന്നീട് മുഖ്യമന്ത്രിയായപ്പോള്‍ ഔദ്യോഗികവാഹനം ലഭിച്ചതോടെ ആം ആദ്മി പാര്‍ട്ടിയുടെ ആവശ്യങ്ങള്‍ക്കായാണ് ഈ കാര്‍ ഉപയോഗിച്ചിരുന്നത്.
