കാറിന്റെ ചക്രങ്ങള്‍ ശരീരത്തില്‍ കയറിയിറങ്ങി; പരിക്കേല്‍ക്കാതെ ഒരു വയസ്സുകാരി എഴുന്നേറ്റിരുന്നു

ഇത് എന്ത് അത്ഭുതം, കാറിന്റെ ചക്രങ്ങള്‍ ഒരു വയസ്സുകാരിയുടെ ശരീരത്തിലൂടെ കയറിയിറങ്ങി പിന്നെ സംഭവിച്ചത്

AISWARYA| Last Modified ശനി, 20 മെയ് 2017 (10:14 IST)
കാറിന്റെ ചക്രങ്ങള്‍ ശരീരത്തിലൂടെ കയറിയിറങ്ങിയിട്ടും പരക്കുകളേല്‍ക്കാതെ അത്ഭുതകരമായി ഒരു വയസ്സുകാരി രക്ഷപ്പെട്ടു. ബാംഗലൂരു ജെപി നഗറിലാണ് ഇത്തരത്തില്‍ കണ്ടുനിന്നവര്‍ കണ്ണടച്ചു പോകുന്ന സംഭവം ഉണ്ടായത്.

ബാംഗലൂരു ജെപി നഗറില്‍ വീടിന് മുന്നില്‍ മൂത്ത സഹോദരിയുമായി കളിച്ചുകൊണ്ടിരുന്ന കുഞ്ഞ് ഗേറ്റിന് വെളിയിലേയ്ക്ക് ഇറങ്ങുകയായിരുന്നു. ഇതേ സമയം പുറകോട്ട് എടുത്ത കാറിന്റെ പിന്‍ ചക്രവും മുന്‍ ചക്രവും കുഞ്ഞിന്റെ ശരീരത്തിലൂടെ കയറിയിറങ്ങി.

പിഞ്ചുകുഞ്ഞ് കാറിനടിയില്‍ ചതഞ്ഞരഞ്ഞെന്ന് കരുതി കരഞ്ഞു കൊണ്ട് ഓടിയെത്തിയവരെ അത്ഭുതപ്പെടുത്തി കുട്ടി എഴുന്നേറ്റിരുന്നു. ഉടന്‍ തന്നെ കുട്ടിയെ പരിശോധിച്ചെങ്കിലും പരിക്കുകള്‍ ഇല്ലായിരുന്നു. ഭയന്നതു മൂലം കരഞ്ഞെങ്കിലും കുഞ്ഞിന് മറ്റു കുഴപ്പങ്ങള്‍ ഒന്നും പറ്റിയിട്ടില്ല. ഡ്രൈവര്‍ അശ്രദ്ധമായാണ് കാര്‍ പുറകോട്ടെടുത്തതെന്ന് ദൃക്‌സാക്ഷികള്‍ പറഞ്ഞു.



ഇതിനെക്കുറിച്ച് കൂടുതല്‍ വായിക്കുക :