ബലാത്സംഗ കേസില്‍ കുറ്റക്കാരനെന്ന് വിധിക്കപ്പെട്ട ആള്‍ദൈവം ഗുര്‍മീത് റാം റഹീം സിങിനെ കുറിച്ച് ഞെട്ടിപ്പിക്കുന്ന വിവരങ്ങളാണ് ഓരോ ദിവസവും പുറത്ത് വന്നു കൊണ്ടിരിക്കുന്നത്. ദൈവത്തെ പോലെ കരുതിയിരുന്ന ഗുര്‍മീതിന് ശരീരം സമര്‍പ്പിക്കാന്‍ ആരാധകരായ സ്ത്രീകള്‍ക്ക് സമ്മതമായിരുന്നു പോലും. എന്നാല്‍ നിര്‍ബന്ധിതമായ കീഴ്‌പ്പെടുത്തലുകള്‍ക്ക് വിധേയരായവര്‍ അത് പുറത്ത് പറയാനും മടിച്ചതായും വിവരമുണ്ട്.

അതുമാത്രമല്ല ഗുര്‍മീതില്‍ നിന്ന് ഗര്‍ഭം ധരിക്കാനും സ്ത്രീകള്‍ ആഗ്രഹിച്ചിരുന്നതായി ആരോപണം ഉണ്ട്. അതിമാനുഷികമായ ശേഷികള്‍ കുട്ടികള്‍ക്ക് ഉണ്ടാകും എന്ന പ്രതീക്ഷയില്‍ ആയിരുന്നു പലരും ഗുര്‍മീതിന് കീഴടങ്ങിയത്. എന്നാല്‍ ഇത് സംബന്ധിച്ച് ആരും പരസ്യമായി പരാതികള്‍ ഒന്നും
ഉന്നയിച്ചിട്ടില്ല.

ദേരയിലെ ഭൂഗര്‍ഭ രഹസ്യ അറയില്‍ വലിയ സ്‌ക്രീന്‍ അശ്ലീല ചിത്രങ്ങള്‍ കാണുന്നതിനുള്ള സംവിധാനങ്ങളും ഉണ്ടായിരുന്നത്രെ. സ്ത്രീകളുമൊത്ത് രതിക്രീഡിയില്‍ ഏര്‍പ്പെടുമ്പോളും അശ്ലീല ചിത്ര പ്രദര്‍ശനം തുടരുമത്രെ.

റാം റഹീം സിങിനെതിരെ പരാതി നല്‍കിയ സ്ത്രീയും ഇക്കാര്യം പരാമര്‍ശിച്ചിരുന്നു.