മാനഭംഗപ്പെടുത്താൻ ശ്രമിച്ചെന്ന പരാതിയില്‍ ടെലിവിഷൻ ഷോയായ ബിഗ്ബോസിലൂടെ പ്രസിദ്ധനായ സ്വാമി ഓമിനെതിരെ കേസ്. സ്വാമിയും അദ്ദേഹത്തിന്റെ സഹായിയായ സന്തോഷ് ആനന്ദും ചേര്‍ന്ന്
ജനക്കൂട്ടത്തിനു മുന്നിൽ‌വച്ച്
വസ്‌ത്രങ്ങള്‍ വലിച്ചു കീറിയെന്നും യുവതി പരാതിയില്‍ വ്യക്തമാക്കുന്നു.

ഫെബ്രുവരി ഏഴിന് രാജ്ഘട്ടിൽവച്ച് സ്വാമിയും സഹായിയും ചേര്‍ന്ന് പരസ്യമായി വിവസ്‌ത്രയാക്കാന്‍ ശ്രമിച്ചത്. ഇക്കാര്യം പുറത്തു പറഞ്ഞാല്‍ പരിണിതഫലങ്ങൾ അനുഭവിക്കേണ്ടിവരുമെന്ന് സ്വാമി ഭീഷണിപ്പെടുത്തിയെന്നും ഡൽഹി ഐപി എസ്റ്റേറ്റ് പൊലീസ് സ്റ്റേഷനില്‍ നല്‍കിയ പരാതിയില്‍ വ്യക്തമാക്കുന്നു.

തിങ്കളാഴ്‌ച മജിസ്ട്രേറ്റിനുമുന്നിൽ യുവതി മൊഴി നൽകുമെന്ന് പൊലീസ് അറിയിച്ചു. നേരത്തെ യുവതിയുടെ ഭർത്താവിനെ ആക്രമിക്കാൻ ശ്രമിച്ച സംഭവത്തിൽ സ്വാമി ഓമിനും സഹായിക്കുമെതിരേ കേസ് നിലവിലുണ്ട്. ബിഗ്ബോസ് പരിപാടിയില്‍ പങ്കെടുക്കുന്ന പെണ്‍കുട്ടികള്‍ക്കെതിരെ സ്വാമി ലൈംഗികമായി പെരുമാറുന്നത് പതിവ് സംഭവമാണ്.