Last Updated:
വെള്ളി, 3 ജൂലൈ 2015 (18:46 IST)
മകള്‍ സാറയ്‌ക്കൊപ്പമുള്ള സച്ചിന്റെ സെല്‍ഫി സോഷ്യല്‍ മീഡിയയില്‍ വൈറലാകുന്നു. പ്രധാനമന്ത്രി നരേന്ദ്ര മോഡിയുടെ സെല്‍ഫി വിത്ത് ഡോട്ടര്‍ ക്യാംപയ്‌നിന്റെ ഭാഗമായാണ് സച്ചിന്‍ തെന്‍ഡുല്‍ക്കര്‍ മകള്‍ക്കൊപ്പമുള്ള സെല്‍ഫി ഫേസ്ബുക്കില്‍ പോസ്റ്റ് ചെയ്തത്.
മന്‍ കി ബാത്ത് റേഡിയോ പരിപാടിയിലൂടെയാണ് പ്രധാനമന്ത്രി ആശയം പങ്കുവച്ചത്. ബേട്ടി ബചവോ ബേട്ടി പഠാവോ എന്ന പദ്ധതിയുടെ ഭാഗമായാണ് സെല്‍ഫി വിത്ത് ഡോട്ടര്‍ പദ്ധതി ആരംഭിച്ചത്. മകളോടൊപ്പമുള്ള സച്ചിന്റെ സെല്‍ഫിക്ക് ഇതിനോടകം ഒമ്പതു ലക്ഷത്തിലധികം ലൈക്കുകളാണ് ലഭിച്ചിരിക്കുന്നത്.
പെണ്‍കുട്ടികളുടെ ശാക്തീകരണത്തിനായി പ്രധാനമന്ത്രി നരേന്ദ്ര മോഡി പങ്കുവച്ച ആശയമാണ് സെല്‍ഫി വിത്ത് ഡോട്ടര്‍. മാതാപിതാക്കള്‍ തങ്ങളുടെ പെണ്‍മക്കള്‍ക്കൊപ്പം നിന്നു സെല്‍ഫിയെടുത്ത് #selfiewithdsaughter എന്ന ഹാഷ് ടാഗിനൊപ്പമാണ് സോഷ്യല്‍ മീഡിയയില്‍ പോസ്റ്റ് ചെയ്യേണ്ടത്.
