കോ​ണ്‍​ഗ്ര​സ് നേ​താ​വ് ശ​ശി ത​രൂ​രി​ന്‍റെ ഭാ​ര്യ സു​ന​ന്ദ പു​ഷ്ക​റി​നെ മ​രി​ച്ച നി​ല​യി​ൽ ക​ണ്ടെ​ത്തി​യ ഡ​ൽ​ഹി​യി​ലെ പ​ഞ്ച​ന​ക്ഷ​ത്ര ഹോ​ട്ട​ലിലെ മു​റി തു​റ​ക്കാ​ൻ ന​ട​പ​ടി. അന്വഷണത്തിന്റെ ഭാഗമായി പൊലീസ് സീല്‍ ചെയ്ത ഹോട്ടല്‍ ലീല പാലസിലെ റൂം നമ്പര്‍ 345 മൂന്ന് വര്‍ഷത്തിന് ശേമാണ് വിട്ടുനല്‍കുന്നത്.

മു​റി​യു​ടെ അ​വ​കാ​ശം ഹോ​ട്ട​ലി​നു വി​ട്ടു ന​ല്‍കുക​യാ​ണെ​ന്ന് മെ​ട്രോ​പൊ​ലീ​റ്റ​ൻ മ​ജി​സ്ട്രേ​റ്റ് ധ​ർ​മേ​ന്ദ​ർ സിം​ഗ് ഉ​ത്ത​ര​വി​ട്ടു.

2014 ജ​നു​വ​രി പ​തി​നേ​ഴി​നാ​ണ് സു​ന​ന്ദ പു​ഷ്ക​റി​നെ ഹോ​ട്ട​ൽ മു​റി​യി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്. തുടര്‍ന്ന് അ​ന്വേ​ഷ​ണ​ത്തി​ന്‍റെ ഭാ​ഗ​മാ​യി 2014 ജനുവരി 17നാണ് മുറി പൊലീസ് സീല്‍ ചെയ്തത്. മുറി വര്‍ഷങ്ങളായി പൂട്ടിയിട്ടിരിക്കുന്നത് വന്‍ സാമ്പത്തിക നഷ്‌ടം ഉണ്ടാകുന്നുണ്ടെന്ന് ചൂണ്ടിക്കാട്ടിയാണ് ഹോ​ട്ട​ൽ അ​ധി​കൃ​ത​ർ കോ​ട​തി സ​മീ​പി​ച്ചത്.

ഹോ​ട്ട​ൽ അ​ധി​കൃ​ത​രുടെ ആവശ്യം പരിഗണിച്ച കോടതി മു​റി​യു​ടെ നി​യ​ന്ത്ര​ണം ഹോ​ട്ട​ലി​നു ന​ല്‍കാ​ൻ വി​ധി​ച്ചെ​ങ്കി​ലും ഫോ​റ​ൻ​സി​ക് പ​രി​ശോ​ധ​നാ ഫ​ലം പു​റ​ത്തു​വ​ന്നി​ട്ടി​ല്ലെ​ന്നു ഡ​ൽ​ഹി പൊ​ലീ​സ് കോ​ട​തി​യെ അ​റി​യി​ച്ചു. എന്നാല്‍, ആ​റ് ദി​വ​സ​ത്തി​നു​ള്ളി​ൽ ഹോ​ട്ട​ൽ മു​റി തു​റ​ക്കാനുള്ള ന​ട​പ​ടി സ്വീ​ക​രി​ക്കാ​ൻ കോ​ട​തി നി​ർ​ദേ​ശം ന​ല്‍കുകയായിരുന്നു.

ഒരു രാത്രിക്ക് 55000 മുതല്‍ 61000 വരെ ലഭിക്കുന്ന സ്യൂട്ട് റൂമാണ് കേസ് സംബന്ധമായ ആവശ്യത്തിനായി അടച്ചിട്ടത്.