ഗുജറാത്ത് തെരഞ്ഞെടുപ്പിന് മുമ്പ് തന്നെ രാ​ഹു​ൽ കോ​ണ്‍​ഗ്ര​സ് ത​ല​പ്പ​ത്തേ​ക്ക്; എ.കെ. ആന്റണി കോൺഗ്രസ് ഉപാധ്യക്ഷന്‍ ?

ഗുജറാത്ത് തിരഞ്ഞെടുപ്പിന് മുമ്പ് രാഹുല്‍ കോണ്‍ഗ്രസ് അധ്യക്ഷനാകും

Rahul Gandhi ,  Congress ,  Gujarat Polls ,  ഗു​ജ​റാ​ത്ത് നി​യ​മ​സ​ഭാ തെ​ര​ഞ്ഞെ​ടുപ്പ് , രാ​ഹു​ൽ ഗാ​ന്ധി ,  കോ​ണ്‍​ഗ്ര​സ്
ന്യൂഡല്‍ഹി| സജിത്ത്| Last Modified ഞായര്‍, 19 നവം‌ബര്‍ 2017 (10:03 IST)
ഗു​ജ​റാ​ത്ത് നി​യ​മ​സ​ഭാ തെ​ര​ഞ്ഞെ​ടു​പ്പി​നു മു​മ്പ് കോ​ണ്‍​ഗ്ര​സ് അ​ധ്യ​ക്ഷ സ്ഥാ​ന​ത്തേ​ക്കു രാ​ഹു​ൽ ഗാ​ന്ധി എ​ത്തുമെന്ന് സൂചന. പാര്‍ട്ടി അധ്യക്ഷസ്ഥാനത്തേക്കുള്ള തിരഞ്ഞെടുപ്പിന്റെ സമയക്രമം നിശ്ചയിക്കാനുള്ള കോണ്‍ഗ്രസ് പ്രവര്‍ത്തകസമിതിയുടെ നിര്‍ണായകയോഗം തിങ്കളാഴ്ച നടക്കുമെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.

പാ​ർ​ട്ടിയുടെ പുതിയ പ്ര​സി​ഡ​ന്‍റി​നെ തെ​ര​ഞ്ഞെ​ടു​ക്കു​ന്ന​തി​നു​ള്ള തീ​യ്യ​തി തീ​രു​മാ​നി​ക്കു​ന്ന സ​മ്മേ​ള​ന​മാണ് ഇതെന്നാണ് പ​റ​യു​ന്ന​തെ​ങ്കി​ലും ഇ​ത് വെ​റും പേ​രി​നു മാ​ത്ര​മാ​ണ്. സോ​ണി​യ ഗാ​ന്ധി​യെ​പ്പോ​ലെ തന്നെ രാ​ഹു​ലും പാ​ർ​ട്ടി നേ​തൃ​ത്വ​ത്തി​ലേ​ക്ക് എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ടുമെന്ന കാര്യത്തില്‍ ആര്‍ക്കും സംശയമില്ല.

അതേസമയം രാഹുലിന്റെ പ്രവര്‍ത്തനങ്ങള്‍ക്ക് ശക്തി പകരുന്നതിനായി കോണ്‍ഗ്രസിലെ തലമുതിര്‍ന്ന നേതാക്കളില്‍ ഒരാളെ ഉപാധ്യക്ഷനായി നിയമിച്ചേക്കുമെന്നും അഭ്യൂഹമുണ്ട്. അതുകൊണ്ടുതന്നെ എ.കെ.ആന്റണിയായിരിക്കും കോൺഗ്രസ് വൈസ് പ്രസിഡന്റായേക്കുകയെന്നുമുള്ള അഭ്യൂഹവും കോൺഗ്രസ് വൃത്തങ്ങളിൽ ശക്തമാണ്. എന്നാൽ, ഇക്കാര്യത്തിൽ ഇനിയും ഔദ്യോഗിക സ്ഥിരീകരണമില്ല.





ഇതിനെക്കുറിച്ച് കൂടുതല്‍ വായിക്കുക :