ഉത്തര്‍പ്രദേശിലെ ബിജ്നോറില്‍ പൊലീസ് ഉദ്യോഗസ്ഥനെ അക്രമികള്‍ കഴുത്തറുത്തു കൊലപ്പെടുത്തിയ നിലയില്‍. മണ്ടാവര്‍ പൊലീസ് സ്റ്റേഷനിലെ സബ് ഇന്‍സ്പെക്ടര്‍ സഹ്റോജ് സിങ്ങാണ് കൊല്ലപ്പെട്ടത്. വെള്ളിയാഴ്ച അര്‍ധരാത്രിയോടെ ആയിരുന്നു സംഭവം.

പൊലീസ് ഉദ്യോഗസ്ഥന്‍റെ മൃതദേഹം പാതയോരത്തു നിന്നാണ് കണ്ടെത്തിയത്. മൃതദേഹത്തില്‍ നിരവധി പരിക്കുകളുടെ പാടുകള്‍ കണ്ടെത്തിയിട്ടുണ്ട്. ക്രൂരമായ രീതിയില്‍ ആണ് കൊലപാതകം നടന്നതെന്ന് പ്രാഥമിക നിഗമനത്തില്‍ വ്യക്തമായി. മൃതദേഹം പോസ്റ്റ്മോര്‍ട്ടത്തിനായി മാറ്റി. കൊലപാതകത്തില്‍ പൊലീസ് എഫ്.ഐ.ആര്‍ രജിസ്റ്റര്‍ ചെയ്തു. അക്രമികള്‍ക്കായി വ്യാപക തെരച്ചില്‍ ആരംഭിച്ചതായി പൊലീസ് അറിയിച്ചു.