രാജീവ് ഗാന്ധിയെ കൊലപ്പെടുത്തിയ രീതിയില്‍ നരേന്ദ്രമോദിയെ വധിക്കാന്‍ മാവോയിസ്റ്റുകള്‍ പദ്ധതിയിട്ടു; ഞെട്ടിക്കുന്ന വെളിപ്പെടുത്തല്‍

നരേന്ദ്രമോദി, മാവോയിസ്റ്റ്, പ്രധാനമന്ത്രി, രാജീവ് ഗാന്ധി, Narendra Modi, Rajeev Gandhi, PM, Maoist
മുംബൈ| BIJU| Last Modified വെള്ളി, 8 ജൂണ്‍ 2018 (18:14 IST)
പ്രധാനമന്ത്രി നരേന്ദ്രമോദിയെ വധിക്കാന്‍ മാവോയിസ്റ്റുകള്‍ പദ്ധതിയിട്ടതായി വെളിപ്പെടുത്തല്‍. ഇതുസംബന്ധിച്ച റിപ്പോര്‍ട്ട് പൊലീസ് കോടതിയില്‍ സമര്‍പ്പിച്ചു. രാജീവ് ഗാന്ധിയെ കൊലപ്പെടുത്തിയ രീതിയില്‍ മോദിയെ വധിക്കാനാണ് പദ്ധതിയിട്ടതെന്നാണ് പുനെ പൊലീസ് പറയുന്നത്.

ഭീമ കൊറിഗാവ് കലാപവുമായി ബന്ധപ്പെട്ട് കോടതിയില്‍ സമര്‍പ്പിച്ച റിപ്പോര്‍ട്ടിലാണ് ഈ വെളിപ്പെടുത്തലുള്ളത്. മാവോയിസ്റ്റ് ബന്ധം ആരോപിച്ച് അറസ്റ്റുചെയ്തവരില്‍ നിന്ന് ഇതുമായി ബന്ധപ്പെട്ട കത്ത് ലഭിച്ചതായാണ് വിവരം.

നരേന്ദ്രമോദിയുടെ റോഡ്‌ഷോയ്ക്കിടെ അദ്ദേഹത്തെ കൊലപ്പെടുത്താനായിരുന്നു പദ്ധതിയെന്നാണ് കത്തില്‍ നിന്ന് മനസിലാകുന്നതെന്ന് സര്‍ക്കാര്‍ പ്ലീഡര്‍ കോടതിയെ അറിയിച്ചു. ഭീമ കൊറിഗാവ് കലാപവുമായി ബന്ധപ്പെട്ട് അഞ്ച് പേരെയാണ് അറസ്റ്റ് ചെയ്തിരുന്നത്. ഇതില്‍ റോണ വില്‍‌സണ്‍ എന്നയാളുടെ വീട്ടില്‍ നിന്നാണ് കത്ത് കണ്ടെത്തിയത്.
അറസ്റ്റിലായ സുരേന്ദ്ര എന്നയാളുടെ വീട്ടില്‍ നിന്നും ഇതിന് സമാനമായ കത്ത് ലഭിച്ചിരുന്നു. എന്തായാലും പ്രധാനമന്ത്രിയെ വധിക്കാന്‍ പദ്ധയിട്ടു എന്ന സൂചനകള്‍ ലഭിച്ചതോടെ പൊലീസ് കൂടുതല്‍ അന്വേഷണം നടത്തിവരികയാണ്.


ഇതിനെക്കുറിച്ച് കൂടുതല്‍ വായിക്കുക :