രാജ്യത്തെ പെട്രോൾ ഡീസൽ ഉത്‌പന്നങ്ങളുടെ വില വർദ്ധിപ്പിച്ചു. പെട്രോൾ വില ലീറ്ററിന് 2.58 രൂപയും ഡീസലിന് 2.26 രൂപയുമാണു വർദ്ധിപ്പിച്ചത്. ‍ഡൽഹിയിൽ പെട്രോളിന് 65.60 രൂപയും ഡീസലിന് 53.93 രൂപയുമാണു പുതിയ വില. വർദ്ധന അർധരാത്രി നിലവിൽ വന്നു.

മെയ് 16ന് പെട്രോളിന് 83 പൈസയും ഡീസലിന് 1.26 രൂപയും വര്‍ദ്ധിപ്പിച്ചിരുന്നു. ആഗോള വിപണയില്‍ എണ്ണവിലയിലുണ്ടായ വര്‍ദ്ധനയും രൂപക്കെതിരെ ഡോളറിന്റെ മൂല്യം കൂടിയതുമാണ് ഇന്ധനവിലക്കയറ്റത്തിന് കാരണമെന്ന് പെട്രോളിയം കമ്പനികള്‍ അറിയിച്ചു.