പാമ്പാടി എൻജിനിയറിംഗ് കോളജ് വിദ്യാർഥിയായിരുന്ന ജിഷ്‌ണു പ്രണോയിയുടെ മരണവുമായി ബന്ധപ്പെട്ട് അധ്യാപകർക്കെതിരെ പ്രേരണകുറ്റം ചുമത്തി.

വൈസ് പ്രിൻസിപ്പൽ ശക്തിവേൽ അധ്യാപകൻ സിപി പ്രവീൺ എന്നിവരുൾപ്പെടെ അഞ്ചു പേർക്കെതിരെയാണ് കേസെടുക്കാനാണ് പൊലീസിന്റെ തീരുമാനം. ഇന്ന് തന്നെ ഇവരെ അറസ്‌റ്റ് ചെയ്യാനും അന്വേഷണം സംഘം തീരുമാനിച്ചിട്ടുണ്ടെന്നാണ് സൂചന.

അതിനിടെ, ജിഷ്‌ണുവിന്റെ മരണത്തില്‍ പ്രതിഷേധിച്ച വിദ്യാര്‍ഥികള്‍ക്കെതിരെ വധഭീഷണി മുഴക്കിയ ചെയര്‍മാന്‍ പികെ കൃഷ്ണദാസ് അന്നേദിവസം കോളജില്‍ വന്നിരുന്നില്ലന്ന് പറഞ്ഞത് കളവാണന്ന് തെളിയുന്നു. കൃഷ്‌ണദാസ് അന്ന് കോളജില്‍ വന്നതിന്റെ ദൃശ്യങ്ങള്‍ പുറത്തുവന്നു.