പാക് അധീന കശ്‌മീരില്‍ നിന്ന് പാകിസ്ഥാന്‍ പിന്മാറണമെന്ന് ഇന്ത്യ. ജമ്മു - കശ്‌മീരില്‍ പാകിസ്ഥാന്‍ ഭീകരതയെ പ്രോത്സാഹിപ്പിക്കുകയും ഭീകരതയെ പിന്തുണയ്ക്കുകയുമാണ് ചെയ്യുന്നത്. അതിനാല്‍, പാക് അധീന കശ്‌മീരിലെ നിയമവിരുദ്ധ അധിനിവേശം അവസാനിപ്പിക്കണമെന്നാണ് ഇന്ത്യയുടെ ആവശ്യം.

ജമ്മു - കശ്മീര്‍ സ്വന്തമാക്കാനുള്ള പാകിസ്ഥാന്റെ അഭിനിവേശം പല നിലയ്ക്കും പ്രകടമാകുന്നുണ്ട്. കശ്മീരിലെ സംഘര്‍ഷവും മരണങ്ങളും
മുന്‍നിര്‍ത്തി പാകിസ്ഥാന്‍ കഴിഞ്ഞദിവസം ദേശീയതലത്തില്‍ കരിദിനാചരണം നടത്തിയിരുന്നു. ഇതിനോടുള്ള പ്രതികരണമാണ് കേന്ദ്രസര്‍ക്കാര്‍ നടത്തിയത്.