പ്രമേഹ രോഗികള്‍ക്ക് സന്തോഷവാര്‍ത്ത, ഇനി ഇന്‍സുലിന്‍ കുത്തിവയ്പ്പിന്റെ ആവശ്യമില്ല...!

ബംഗളുരു, വെള്ളി, 12 ജൂണ്‍ 2015 (16:31 IST)

പ്രമേഹ ചികില്‍സയില്‍ നിര്‍ണായക വഴിത്തിരിവുണ്ടാക്കാന്‍ പര്യാപ്തമായ പുതിയ മരുന്ന് വിപണിയില്‍ എത്തി. ടൈപ്പ് 2 പ്രമേഹ ചികില്‍സയ്‌ക്കുള്ള മരുന്നാണ് പുറത്തിറങ്ങിയത്. ഫോര്‍ക്‌സിഗ എന്ന ഈ മരുന്ന് നിര്‍മ്മിച്ചത് ബ്രിട്ടീഷ് മരുന്ന് നിര്‍മ്മാതാക്കളായ അസ്ട്രസെനെകയാണ്. ഗൂളിക രൂപത്തിലുള്ള ഫോര്‍ക്‌സിഗ, ടൈപ്പ് 2 പ്രമേഹമുള്ള പ്രായപൂര്‍ത്തിയായ രോഗികള്‍ ദിവസം ഒന്ന് എന്ന ക്രമത്തിലാണ് കഴിക്കേണ്ടതെന്ന് കമ്പനി പുറത്തിറക്കിയ പത്രക്കുറിപ്പില്‍ പറയുന്നു.

ഇന്‍സുലിന്‍ കുത്തിവെയ്‌പ്പിനുപകരമായി ഈ ഗുളിക ഉപയോഗിക്കാമെന്നാണ് കമ്പനി അവകാശപ്പെടുന്നത്. റഗുലേറ്റര്‍ ഡ്രഗ്‌സ് കണ്‍ട്രോളര്‍ ജനറല്‍ ഓഫ് ഇന്ത്യ ഇക്കഴിഞ്ഞ ഫെബ്രുവരി 25നാണ് ഫോര്‍ക്‌സിഗ മരുന്നിന് അനുമതി നല്‍കിയത്. 11801 രോഗികളില്‍ വിജയകരമായി പരീക്ഷിച്ച ഈ മരുന്നില്‍ ഇന്‍സുലിന്‍ അടങ്ങിയിട്ടുണ്ട് എന്നുള്ളതാണ് പ്രത്യേകത. സാധാരണ ഇന്‍സുലിന്‍ പോലുള്ള ഹോര്‍മോണുകള്‍ കഴിക്കാന്‍ പറ്റില്ല. എന്നാല്‍ ഗുളിക രൂപത്തില്‍ ഹോര്‍മോണ്‍ അടങ്ങിയ മരുന്ന് എത്തിയത് വിപ്ലവമായാണ് കരുതുന്നത്.

ഇന്‍സുലിന്‍ അടങ്ങിയിട്ടുള്ള ഈ മരുന്ന്, ശരീരത്തിലെ അധികമുള്ള ഗ്ലൂക്കോസിനെ മൂത്രത്തിലൂടെ പുറന്തള്ളുന്നു. കൂടാതെ ഗ്ലൈക്കേറ്റഡ് ഹീമോഗ്ലോബിന്‍, ശരീരഭാരം, രക്തസമ്മര്‍ദ്ദം എന്നിവ കുറയ്‌ക്കാനും ഈ മരുന്ന് സഹായകരമാണ്. ഏകദേശം 63 മില്യണ്‍ പ്രമേഹ രോഗികളുള്ള ഇന്ത്യയില്‍ ഏറെപ്പേരും ടൈപ്പ് 2 പ്രമേഹം ഉള്ളവരാണ്. ഇതില്‍ 40 ശതമാനം ആളുകളും ഇന്‍സുലിന്‍ കുത്തിവയ്പ്പ് ദിവസവും എടുക്കുന്നവരാണ്. മരുന്ന് വിപണിയില്‍ എത്തുന്നതോടെ ഇന്‍സുലിന്‍ കുത്തിവയ്പ്പ് എന്ന ബുദ്ധിമുട്ട് ഒഴിവാകും.

അതേസമയം ഡോക്‌ര്‍മാരുടെ നിര്‍ദ്ദേശപ്രകാരം മാത്രമെ ഈ മരുന്ന് കഴിക്കാന്‍ പാടുള്ളുവെന്നും പത്രക്കുറിപ്പിലുണ്ട്. ഈ മരുന്ന് പുറത്തിറക്കിയശേഷം അസ്ട്രസേനെകയുടെ ഓഹരി വില കുത്തനെ കൂടിയിട്ടുണ്ട്. ഇന്ത്യയില്‍ ബംഗളൂരിവിലാണ് മരുന്ന് പുറത്തിറക്കിയത്.



ഇതിനെക്കുറിച്ച് കൂടുതല്‍ വായിക്കുക :  

വാര്‍ത്ത

news

ഒന്നിനുപോയിവന്ന യാത്രക്കാരനു ബസില്ല: കണ്ടക്ടര്‍ക്ക് പിഴ

.എസ്.ആര്‍.ടി.സി ദീര്‍ഘദൂര ബസിലെ യാത്രക്കാരന്‍ ഇടയ്ക്ക് ടോയ്‍ലറ്റില്‍ പോയി തിരികെ ...

news

ഇസ്ലാമിക് സ്റ്റേറ്റ് അണുബോംബ് നിര്‍മ്മിക്കാന്‍ തുടങ്ങിയതായി റിപ്പോര്‍ട്ട്

ലോക രാജ്യങ്ങള്‍ക്കാകെ ആശങ്കയുണ്ടാക്കിക്കൊണ്ട് ഇസ്ലാമിക് സ്റ്റേറ്റ് തീവ്രവാദികള്‍ ആണവ ...

news

ഇവനാണത്രേ ലോകത്തിലെ ഏറ്റവും കറുത്ത കുഞ്ഞ്

ഓണ്‍ലൈനില്‍ ഇപ്പോള്‍ ഒരു കുഞ്ഞുവാവ ഓടി നടക്കുകയാണ്. ലോകത്തിലെ ഏറ്റവും കറുത്ത കുഞ്ഞ് എന്ന ...

news

കര്‍ഷകര്‍ക്ക് പലിശ രഹിത വായ്പാ പദ്ധതിയുമായി കേന്ദ്രസര്‍ക്കാര്‍

കര്‍ഷകര്‍ക്കായി പലിശ രഹിത വായ്പാ പദ്ധതിയുമായി കേന്ദ്രസര്‍ക്കാര്‍. 6,000 കോടി രൂപയുടെ ...