ആലിംഗനം വിനയാകും; നടിയുടെ പരാതിയില്‍ അര്‍ജുനെ അറസ്‌റ്റ് ചെയ്യുമെന്ന് അഭ്യൂഹം

ചെന്നൈ/ബാംഗ്ലൂര്‍, ശനി, 27 ഒക്‌ടോബര്‍ 2018 (20:03 IST)

  arjun sarja , sruthi hariharan , nibunan , meetoo , പൊലീസ് , നിബുണന്‍ , ശ്രുതി ഹരിഹരന്‍ , അര്‍ജുന്‍ , സിനിമ

മലയാളി നടി ശ്രുതി ഹരിഹരന്റെ പരാതിയില്‍ തെന്നിന്ത്യൻ താരം അർജുൻ സര്‍ജയെ അറസ്‌റ്റ് ചെയ്യുമെന്ന് റിപ്പോര്‍ട്ട്. ബെംഗളൂരു കബേൺ പാര്‍ക്ക് പൊലീസ് സ്‌റ്റേഷനില്‍ നടി പരാതി നല്‍കിയതോടെയാണ് പുതിയ നീക്കങ്ങള്‍ നടക്കുന്നത്.

54, 354 എ, 509 വകുപ്പുകള്‍ പ്രകാരമാണ് അര്‍ജുനെതിരെ പൊലീസ് കേസ് രജിസ്‌റ്റര്‍ ചെയ്‌തിരിക്കുന്നത്. സ്ത്രീകളെ അപമാനിക്കുന്ന തരത്തില്‍ പെരുമാറുക, സംസാരിക്കുക, അപമര്യാദയായി നോക്കുക തുടങ്ങിയ കുറ്റങ്ങള്‍ക്ക് ചുമത്തുന്ന വകുപ്പുകളാണിത്. രണ്ടുവര്‍ഷം വരെ തടവും പിഴയുമാണ് ശിക്ഷ.

മീ ടൂ വെളിപ്പെടുത്തലുകളെ തുടര്‍ന്ന് അര്‍ജുന്‍ അഞ്ച് കോടി രൂപയുടെ മാനനഷ്ടക്കേസ് നല്‍കിയതിന്റെ തൊട്ടു പിറകെയാണ് ശ്രുതി പൊലീസിൽ പരാതി നൽകിയത്. ബെംഗളൂരൂ സിറ്റി സിവിൽ കോര്‍ട്ടില്‍ അര്‍ജുന് വേണ്ടി അനന്തിരവന്‍ ധ്രുവ് സര്‍ജയാണ് മാനനഷ്ടക്കേസ് ഫയല്‍ ചെയ്തത്.

അതേസമയം, അര്‍ജുനുമായി ഒത്തുതീര്‍പ്പിന് തയ്യാറല്ലെന്നും നിയമയുദ്ധം തുടരുമെന്നും ശ്രുതി വ്യക്തമാക്കി.

അരുണ്‍ വൈദ്യനാഥൻ സംവിധാനം ചെയ്‌ത നിബുണന്‍ എന്ന സിനിമയുടെ ചിത്രീകരണ സമയത്ത് അര്‍ജുന്‍ മോശമായി പെരുമാറുകയും മാനസികമായി ആക്രമിച്ചുവെന്നുമാണ് മീ ടു വെളിപ്പെടുത്തലിന്റെ ഭാഗമായി ശ്രുതി ഫേസ്‌ബുക്ക് പോസ്‌റ്റിലൂടെ വ്യക്തമാക്കിയത്.

റിഹേഴ്‌സലിന്റെ സമയത്ത് ചിത്രത്തിന്റെ അണിയറ പ്രവര്‍ത്തകരുടെ സാന്നിധ്യത്തില്‍ മുന്‍കൂട്ടി പറയുകയോ അനുമതി ചോദിക്കുകയോ ചെയ്യാതെ അര്‍ജുന്‍ തന്നെ ആലിംഗനം ചെയ്തുവെന്നും അത് തന്നില്‍ കടുത്ത അസ്വസ്ഥത സൃഷ്ടിച്ചുവെന്നുമാണ് ശ്രുതി വെളിപ്പെടുത്തിയത്.



ഇതിനെക്കുറിച്ച് കൂടുതല്‍ വായിക്കുക :  

വാര്‍ത്ത

news

പിഞ്ചുകുഞ്ഞിനെ 19കാരി അമ്മ മുക്കിക്കൊന്നു; കാരണം കേട്ടാൽ ഏതൊരമ്മയും അമ്പരന്നു പോകും !

ഒരുമാസം മാത്രം പ്രായമായ സ്വന്തം മകനെ 19 കാരിയായ അമ്മ മുക്കിക്കൊന്നു. കൊലപാതകത്തിന്റെ ...

news

സുരേഷ്ഗോപിയെ അറസ്റ്റ് ചെയ്യാന്‍ സാധ്യത?

ആറ്റിങ്ങലില്‍ നാമജപ ഘോഷയാത്രയ്ക്ക് നേതൃത്വം നല്‍കിയ നടനും എം പിയുമായ സുരേഷ് ഗോപിയെ ...

news

‘സന്ദീപാനന്ദൻ സ്വാമിയല്ല, കാപട്യക്കാരൻ’; അക്രമം പിണറായി അറിഞ്ഞുകൊണ്ടുള്ള നാടകമെന്നും കെ സുരേന്ദ്രന്‍

സ്വാമി സന്ദീപാനന്ദഗിരി ഒരു കാപട്യക്കാരനാണെന്ന് ബിജെപി സംസ്ഥാന ജനറൽ സെക്രട്ടറി കെ ...

Widgets Magazine