ക്രിക്കറ്റിന്റെ പുരോഗതിക്കായി ലഭിച്ചിരുന്ന തുക വ്യക്തിപരമായ നേട്ടങ്ങള്‍ക്ക് ഉപയോഗിച്ചു: കെ സി എ ഭാരവാഹികള്‍ക്കെതിരെ സി ബി ഐ അന്വേഷണം

കേരള ക്രിക്കറ്റ് അസോസിയേഷന്‍ ഭാരവാഹികള്‍ക്കെതിരെ സി ബി ഐ പ്രാഥമികാന്വേഷണം ആരംഭിച്ചു.

newdelhi, cbi, kca ന്യൂഡല്‍ഹി, സി ബി ഐ, കെ സി എ
ന്യൂഡല്‍ഹി| സജിത്ത്| Last Updated: വെള്ളി, 29 ജൂലൈ 2016 (11:53 IST)
കേരള ക്രിക്കറ്റ് അസോസിയേഷന്‍ ഭാരവാഹികള്‍ക്കെതിരെ പ്രാഥമികാന്വേഷണം ആരംഭിച്ചു. ഗുരുതരമായ ക്രമക്കേടുകളും ഫണ്ട് തിരിമറിയും നടത്തിയെന്ന പരാതിയിലാണ് അന്വേഷണം ആരംഭിച്ചത്. തിരിച്ചറിയാത്ത ഭാരവാഹികള്‍ക്കെതിരെയാണ് അന്വേഷണം നടത്തുന്നതെന്ന് സി ബി ഐ അറിയിച്ചു.

വ്യക്തമായ എസ്റ്റിമേറ്റില്ലാതെയും അസോസിയേഷന്റെ ജനറല്‍ ബോഡി യോഗത്തിന്റെ അനുമതിയില്ലാതെയും
നാലു കോടിയില്‍ പരം രൂപ അസോസിയേഷന്റെ അടിസ്ഥാന സൗകര്യ വികസനത്തിനായി ചിലവാക്കിയെന്ന പരാതിയിലാണ് അന്വേഷണം. ടെന്‍ഡര്‍ വിളിക്കാതെയായിരുന്നു ഈ നടപടിയെന്നും കണ്‍സല്‍ട്ടന്‍സി സ്ഥാപനത്തിനായാണ് പണം ചെലവഴിച്ചതെന്നും ആരോപണമുയര്‍ന്നിരുന്നു.

വിവിധ സ്റ്റേഡിയങ്ങള്‍ നിര്‍മിക്കാനായി നടത്തിയ ഭൂമിക്കച്ചവടത്തെക്കുറിച്ചും സി ബി ഐ അന്വേഷിക്കും. ക്രിക്കറ്റിന്റെ പുരോഗതിക്കായി കേരള ക്രിക്കറ്റ് അസോസിയേഷന് ലഭിച്ചിരുന്ന ഗ്രാന്‍റുകള്‍ വ്യക്തിപരമായ നേട്ടങ്ങള്‍ക്കായിരുന്നു ഭാരവാഹികള്‍ ഉപയോഗിച്ചിരുന്നതെന്ന ഗുരുതരമായ കാര്യവും സി ബി ഐയുടെ ശ്രദ്ധയില്‍പെട്ടു. ആദ്യമായാണ് ഭാരവാഹികള്‍ സി ബി ഐയുടെ നിരീക്ഷണത്തില്‍ വരുന്നത്.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം




ഇതിനെക്കുറിച്ച് കൂടുതല്‍ വായിക്കുക :