'' തനിക്ക് മേലുള്ള നീതി നിഷേധത്തിന്റെ നീണ്ട ദിനരാത്രങ്ങള്‍ക്ക് ശേഷം, ആശ്വാസത്തിന്റേയും നീതിയുടേയും നേരിയ ഒരു കിരണം ഉദിച്ചതിന്റെ സ്വാതന്ത്ര്യത്തിലാണ് താനിപ്പോഴുള്ളതെന്ന് '' പിഡിപി നേതാവ് അബ്ദുള്‍നാസര്‍ മദനി തന്റെ പുതിയ ഫേസ്‌ബുക്ക് പേജിലൂടെ പറയുന്നു.

കഴിഞ്ഞ ദിവസമാണ് മദനി ഫേസ്‌ബുക്കില്‍ പേജ് തുടങ്ങിയത്. വിന്‍ഡോസ് ഫോണിലൂടെയാണ് ആദ്യ സ്റ്റാറ്റസ് പ്രസിദ്ധീകരിച്ചിട്ടുള്ളത്. ഘട്ടത്തില്‍ താനും സോഷ്യല്‍ മീഡിയയില്‍ പങ്കാളിയാവുകയാണെന്ന് പറഞ്ഞുകൊണ്ടാണ് ആദ്യത്തെ പോസ്റ്റ്. കുടുംബത്തോടൊപ്പമുള്ള നോമ്പുതുറക്കാന്‍ ലഭിച്ച സന്തോഷവും, പലസ്തീനിലെ പ്രശ്നങ്ങളും മദനി സോഷ്യല്‍ മീഡിയയിലൂടെ പങ്കുവെക്കുന്നു.

പലസ്തീനിലെ തെരുവോരങ്ങളില്‍ പിടഞ്ഞു വീഴുന്ന നിരപരാധികള്‍ക്ക് വേണ്ടിയും , അവിടത്തെ ചോരപ്പുഴ അവസാനിച്ചു കാണാന്‍ വേണ്ടിയും ആത്മാര്‍ത്ഥമായി പ്രാര്‍ത്ഥിക്കണമെന്നും മദനി തന്റെ സ്റ്റാറ്റസിലൂടെ ആവശ്യപ്പെടുന്നു.

അബ്ദുള്‍നാസര്‍ മദനിയുടെ ആരോഗ്യസ്ഥിതി കൂടുതല്‍ വഷളായതിനെ തുടര്‍ന്ന് അദ്ദേഹത്തിന് മുപ്പതു ദിവസത്തെ ജാമ്യം സുപ്രീംകോടതി അനുവദിക്കുകയായിരുന്നു.