ജീവിതത്തില്‍ ഒന്നും നേടാന്‍ കഴിഞ്ഞില്ലെന്ന് ആത്മഹത്യാക്കുറിപ്പെഴുതി വെച്ച് 23കാരി ഷീല്‍ മഹാവര്‍ ആത്മഹത്യ ചെയ്തു. രാജസ്ഥാനിലെ ജയ്പൂരിലാണ് സംഭവം. അജ്മീറിലെ ശാസ്ത്രി നഗര്‍ സ്വദേശിയായ ഷീല്‍ സഹോദരിക്കൊപ്പമാണ് ജയ്പൂരില്‍ താമസിച്ചിരുന്നത്.

ജീവിതത്തില്‍ ഇതുവരെ ഒന്നും നേടാന്‍ കഴിഞ്ഞിട്ടില്ലെന്നും ജീവിതത്തില്‍ താന്‍ പരാജയപ്പെട്ടവളാണെന്നും ആര്‍ക്കും തന്നെ ഇഷ്ടമല്ലെന്നും പരാമര്‍ശിക്കുന്ന ആത്മഹത്യാകുറിപ്പ് പൊലീസ് കണ്ടെടുത്തിട്ടുണ്ട്. മാതാപിതാക്കളോടും സഹോദരിയോടും ക്ഷമ ചോദിക്കുന്നുവെന്നും യുവതി കുറിപ്പില്‍ വ്യക്തമാക്കുന്നുണ്ട്.

അമ്മയെയും അച്ഛനെയും നന്നായി പരിപാലിക്കാന്‍ സഹോദരിയോട് അഭ്യര്‍ത്ഥിക്കുന്നുമുണ്ട്. മൂത്ത സഹോദരിയോടൊപ്പം പഠിക്കുകയായിരുന്നു ഷീല്‍. സഹോദരി പായല്‍ സൈക്കോളജി അദ്ധ്യാപികയായി സ്വകാര്യ സ്‌കൂളില്‍ ജോലി ചെയ്ത് വരികയാണ്. വീട്ടില്‍ ആരുമില്ലാതിരുന്ന സമയത്താണ് ഷീല്‍ ആത്മഹത്യ ചെയ്തത്. പോസ്റ്റ്‌മോര്‍ട്ടത്തിന് ശേഷം ഷീല്‍ മഹാവറിന്റെ മൃതദേഹം ബന്ധുക്കള്‍ക്ക് വിട്ടുകൊടുത്തു.