മണിച്ചിത്രത്താഴില്‍ മോഹന്‍ലാല്‍ വന്നതെങ്ങനെ? സിദ്ദിക്ക് ലാല്‍ ചിത്രീകരിച്ച രംഗങ്ങള്‍ ഏതൊക്കെ?

തിങ്കള്‍, 6 ഓഗസ്റ്റ് 2018 (15:32 IST)

മണിച്ചിത്രത്താഴ്, മോഹന്‍ലാല്‍, ഫാസില്‍, ശോഭന, പ്രിയദര്‍ശന്‍, Manichithrathazhu, Mohanlal, Fazil, Priyadarshan, Shobhana

മണിച്ചിത്രത്താഴ് എന്ന സിനിമ എക്കാലത്തെയും അത്ഭുതമാണ്. ഒരിക്കലും മടുക്കാത്ത ചിത്രങ്ങളുടെ പട്ടികയിലാണ് ആ ഫാസില്‍ ചിത്രത്തിന്‍റെ സ്ഥാനം. പടം റിലീസായി പതിറ്റാണ്ടുകള്‍ കഴിഞ്ഞിട്ടും ആ സിനിമയുടെ ഒരു സീന്‍ എവിടെയെങ്കിലും കാണാനിടയായാല്‍ സിനിമ മുഴുവന്‍ തീരുന്നതുവരെ കാണാനാണ് ഏവരും ശ്രമിക്കുക. അത് മധുമുട്ടം എഴുതിയ തിരക്കഥയുടെയും ഫാസില്‍ എന്ന സംവിധായകന്‍റെ കൈയടക്കത്തിന്‍റെയും വിരുതാണ്.
 
മണിച്ചിത്രത്താഴ് റിലീസ് ഡേറ്റ് തീരുമാനിച്ച് ഷൂട്ടിംഗ് ആരംഭിച്ച സിനിമയാണ്. അതുകൊണ്ടുതന്നെ ഒരു ടൈം പിരീഡില്‍ ചിത്രീകരണം പൂര്‍ത്തിയാക്കേണ്ടതുണ്ടായിരുന്നു. അതിനാല്‍ രണ്ട് യൂണിറ്റായാണ് സിനിമയുടെ ചിത്രീകരണം നടന്നത്. ഒരു യൂണിറ്റിന്‍റെ ചിത്രീകരണത്തിന് ഫാസില്‍ നേതൃത്വം നല്‍കുമ്പോള്‍ രണ്ടാമത്തെ യൂണിറ്റില്‍ സംവിധായകരായി സിദ്ദിക്ക് - ലാല്‍, പ്രിയദര്‍ശന്‍, സിബി മലയില്‍ എന്നിവരാണ് ഉണ്ടായിരുന്നത്. ഒരേ ലൊക്കേഷനില്‍ തന്നെയായിരുന്നു രണ്ട് യൂണിറ്റും പ്രവര്‍ത്തിച്ചത്. 
 
സിദ്ദിക്ക് - ലാല്‍ ടീം ചിത്രീകരിച്ചത് മണിച്ചിത്രത്താഴിലെ കോമഡി രംഗങ്ങളാണ്. ഇന്നസെന്‍റ്, ഗണേഷ്, കെ പി എ സി ലളിത തുടങ്ങിയവര്‍ ഉള്‍പ്പെടുന്ന കോമഡി രംഗങ്ങളായിരുന്നു സിദ്ദിക്കും ലാലും ഷൂട്ട് ചെയ്തത്. ആ സീനുകള്‍ ഇന്നും ഏവരെയും പൊട്ടിച്ചിരിപ്പിക്കുന്നതാണ്. ഇത്രയും സംവിധായകര്‍ വര്‍ക്ക് ചെയ്ത സിനിമയാണെങ്കിലും ഒരു സീന്‍ പോലും യോജിക്കാതെ വന്നില്ല. അതിന് കാരണം ഫാസിലിന്‍റെ മേക്കിംഗ് രീതി ഏവര്‍ക്കും അറിയാമായിരുന്നു എന്നതുകൊണ്ടാണ്.
 
സിബി മലയിലിന്‍റെയും സിദ്ദിക്ക് - ലാലിന്‍റെയും ഗുരുവാണ് ഫാസില്‍. തന്‍റെ മാനസഗുരുവായാണ് ഫാസിലിനെ പ്രിയദര്‍ശന്‍ കാണുന്നത്. അതുകൊണ്ടുതന്നെ അവര്‍ക്കിടയിലുള്ള ചേര്‍ച്ച മണിച്ചിത്രത്താഴിന് ഗുണമായി. ആരൊക്കെ ഏതൊക്കെ സീനുകളാണ് എടുത്തതെന്ന് ആര്‍ക്കും തിരിച്ചറിയാന്‍ പോലും കഴിയാത്ത വിധം ചേര്‍ന്നുകിടക്കുന്നതാണ് ആ സിനിമയിലെ ഓരോ രംഗങ്ങളും. 
 
രണ്ടാം പകുതിക്ക് ശേഷം മാത്രം വരുന്ന സണ്ണി എന്ന കഥാപാത്രത്തെ മോഹന്‍ലാല്‍ ഏറ്റെടുക്കുമോ എന്ന സംശയം ഫാസിലിനുണ്ടായിരുന്നു. എന്നാല്‍ തിരക്കഥ വായിച്ച മോഹന്‍ലാല്‍ അപ്പോള്‍ തന്നെ തന്‍റെ സമ്മതമറിയിച്ചു. മോഹന്‍ലാല്‍ വന്നതോടെ സണ്ണി എന്ന കഥാപാത്രത്തെ കുറച്ചുകൂടി വലുതാക്കുകയും ആദ്യപകുതി അവസാനിക്കുന്നതിന് മുമ്പുതന്നെ ആ കഥാപാത്രത്തെ അവതരിപ്പിക്കുകയും ചെയ്തു ഫാസില്‍.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

'പാരമ്പര്യമായി കിട്ടിയതാണ് ഈ കാർ പ്രേമം'; മനസ്സ് തുറന്ന് ദുൽഖർ

മമ്മൂട്ടിയുടെയും ദുല്‍ഖര്‍ സല്‍മാന്റെയും വാഹന പ്രേമം എല്ലാവർക്കും അറിയുന്നതാണ്. ...

news

'ഈ സൗഹൃദത്തില്‍ ഒരുപാട് സ്‌നേഹമുണ്ട്': വിഘ്‌നേഷ്

നയൻതാരയും സംവിധായകൻ വിഘ്‌നേഷും പ്രണയത്തിലാണെന്നുള്ള വാർത്തകൾ പ്രചരിക്കാൻ തുടങ്ങിയിട്ട് ...

news

നസ്രിയയുടെ വരവ് ആരാധകർ ഏറ്റെടുത്തു; ഇനി 'കൂടെ'യ്‌ക്ക് മുന്നിൽ അബ്രഹാം മാത്രം!

ജൂലൈ പതിനാലിന് റിലീസ് ചെയ്ത കൂടെ ഒരു മാസം പൂര്‍ത്തിയാക്കാന്‍ പോവുകയാണ്. സഹോദര ...

news

ഇത്തവണ മമ്മൂട്ടിയും മോഹൻലാലും നേർക്കുനേർ ഏറ്റുമുട്ടും

ഇത്തവണ ഓണത്തിന് മമ്മൂട്ടിയും മോഹന്‍ലാലും നേര്‍ക്ക് നേര്‍ മത്സരിക്കും. മമ്മൂട്ടി ...

Widgets Magazine