വിഷ്ണുവിന്‍റെ നമ്പരുകള്‍ - ഒരു മമ്മൂട്ടിച്ചിത്രം

ശനി, 4 ഓഗസ്റ്റ് 2018 (15:36 IST)

മമ്മൂട്ടി, ജോഷി, ലോഹിതദാസ്, Mammootty, Joshiy, Lohithadas

ഏത് കഥാപാത്രത്തെയും അതിന്‍റെ ഉള്ളറിഞ്ഞ് അവതരിപ്പിക്കാന്‍ മിടുക്കനാണ് മമ്മൂട്ടി. ഗൌരവമുള്ള കഥാപാത്രമായാലും ചിരിപ്പിക്കുന്ന വേഷമായാലും പൊലീസായാലും കള്ളനായാലും വക്കീലായാലും വല്യേട്ടനായാലും ആ കഥാപാത്രത്തോട് ഏറ്റവും സത്യസന്ധതപുലര്‍ത്താന്‍ മമ്മൂട്ടിക്ക് കഴിയാറുണ്ട്.
 
മമ്മൂട്ടിയുടെ കരിയറിലെ വ്യത്യസ്തമായ ഒരു സിനിമയായിരുന്നു കുട്ടേട്ടന്‍. അന്നുവരെ അത്തരം ഒരു കഥാപാത്രത്തെ മമ്മൂട്ടി അവതരിപ്പിച്ചിരുന്നില്ല. ജോഷിയും അത്തരം ഒരു സിനിമ മുമ്പ് ചെയ്തിരുന്നില്ല. ഗൌരവമുള്ള സിനിമകളില്‍ നിന്ന് മമ്മൂട്ടിയുടെയും ജോഷിയുടെയും വലിയ മാറ്റമായിരുന്നു കുട്ടേട്ടന്‍.
 
വിവാഹിതനായ, സ്ത്രീകള്‍ വലിയ വീക്‍നെസായ വിഷ്ണു എന്ന കഥാപാത്രത്തെയാണ് മമ്മൂട്ടി കുട്ടേട്ടനില്‍ അവതരിപ്പിച്ചത്. ‘വിഷ്ണുവിന്‍റെ നമ്പരുകള്‍’ എന്നായിരുന്നു ആദ്യം ഈ സിനിമയ്ക്ക് പേരിട്ടിരുന്നത്. പിന്നീട് കുട്ടേട്ടന്‍ എന്ന് മാറ്റുകയായിരുന്നു.
 
ലോഹിതദാസിനും അതുവരെ താന്‍ എഴുതിയിരുന്ന ഗൌരവമുള്ള സിനിമകളില്‍ നിന്ന് ഒരു റിലീഫായിരുന്നു കുട്ടേട്ടന്‍. മൂന്ന് സിനിമകളാണ് ജോഷിക്കുവേണ്ടി ലോഹി എഴുതിയത്. മറ്റ് രണ്ടെണ്ണം കൌരവര്‍, മഹായാനം എന്നിവ.
 
മമ്മൂട്ടിയുടെ ഭാര്യാവേഷത്തില്‍ കുട്ടേട്ടനില്‍ വന്നത് സരിതയായിരുന്നു. വിഷ്ണു പ്രാപിക്കാന്‍ വേണ്ടി കൊണ്ടുവരികയും പിന്നീട് മകളെപ്പോലെ നോക്കേണ്ടിവരികയും ചെയ്യുന്ന പെണ്‍കുട്ടിയായി മാതു എത്തി. തിലകന്‍, മുരളി, ഒടുവില്‍, ജഗദീഷ്, സുകുമാരി തുടങ്ങിയവരായിരുന്നു മറ്റ് പ്രധാന കഥാപാത്രങ്ങള്‍.
 
പടം മികച്ച വിജയം നേടി. കുട്ടേട്ടന്‍ എന്ന കഥാപാത്രം ഏറെ ചര്‍ച്ച ചെയ്യപ്പെടുകയും ചെയ്തു. എന്തുകൊണ്ടും വിഷ്ണുവിന്‍റെ നമ്പരുകള്‍ എന്ന പേരിനേക്കാള്‍ കുട്ടേട്ടന്‍ എന്ന പേരുതന്നെയാണ് ആ സിനിമയ്ക്ക് ചേരുക എന്ന് നിസംശയം പറയാം.



ഇതിനെക്കുറിച്ച് കൂടുതല്‍ വായിക്കുക :  

സിനിമ

news

അങ്ങനെ പേളിയെക്കുറിച്ച് ശ്രീനിഷ് അമ്മയോടും പറഞ്ഞു, ഇനി കാര്യങ്ങളെല്ലാം എളുപ്പം!

ബിഗ് ബോസിൽ സാങ്കൽപ്പിക ഫോൺ അനുവദിച്ചതാണ് ഇപ്പോഴത്തെ ചർച്ചാ വിഷയം. ഫോണിലൂടെ തങ്ങൾക്ക് ...

news

നീക്കങ്ങളെല്ലാം ചീറ്റിപ്പോയി, അമ്മയുടെ കള്ളങ്ങൾ പൊളിച്ചടുക്കിയത് ഹണി റോസ്!

നടിയെ ആക്രമിച്ച കേസിലെ പ്രോസിക്യൂട്ടറെ മാറ്റണമെന്ന താരസംഘടനയായ 'അമ്മ'യിലെ ...

news

മമ്മൂക്കാ, നിങ്ങൾ വീണ്ടും വീണ്ടും കരയിപ്പിക്കുകയാണല്ലോ...

മമ്മൂട്ടിയുടെ പേരൻപിന്റെ അന്‍പേ അന്‍പിന്‍ വീഡിയോ ഗാനത്തിന്റെ പ്രോമോ പുറത്തുവിട്ടു. സുമതി ...

news

പൃഥ്വിരാജ് ചിത്രം 'രണം' സെപ്‌തംബർ ആദ്യവാരം പ്രദർശനത്തിനെത്തും

പൃഥ്വിരാജിന്റെ ഏറ്റവും പുതിയ ചിത്രമായ രണം സെപ്തംബര്‍ ആദ്യവാരം പ്രദര്‍ശനത്തിനെത്തുമെന്ന് ...

Widgets Magazine