ടി പി സെൻകുമാർ വിഷയത്തിൽ സംസ്ഥാന സർക്കാരിനെ രൂക്ഷമായി വിമർശിച്ചും പരിഹസിച്ചും പി കെ കുഞ്ഞാലിക്കുട്ടി എം‌ പി. സംസ്ഥാന സർക്കാരിനു ബുദ്ധിയുണ്ടായിരുന്നെങ്കിൽ സെൻകുമാർ വിഷയത്തിൽ ഇത്രയും വലിയ തിരിച്ചടി ഉണ്ടാകില്ലായിരുന്നെന്ന് കുഞ്ഞാലിക്കുട്ടി പറയുന്നു.

സെൻകുമാർ വിഷയത്തിൽ സർക്കാരിനേറ്റ തിരിച്ചടി കേരളത്തിനും ഇവിടത്തെ ജനങ്ങൾക്കും നാണക്കേടാണ്. ഒരടി കിട്ടുന്നതു മനസ്സിലാക്കാം. എന്നാൽ നിരന്തരം അടിയോടടി കൊള്ളുന്നതു സർക്കാരിനും ജനങ്ങൾക്കും മോശമാണെന്നും അദ്ദേഹം പറഞ്ഞു.

ബിജെപിയ്ക്ക് സംഭാവന ചെയ്ത ഖമറുന്നിസ അൻവറിനെ നിതാ ലീഗ് പ്രസിഡന്റ് സ്ഥാനത്തുനിന്ന് മാറ്റിയതിനേ കുറിച്ചും അദ്ദേഹം പ്രതികരിച്ചു. ബിജെപി ഭരണത്തെ പുകഴ്ത്തി സംസാരിക്കുന്നത് പാർട്ടി നയമല്ലാത്തതിനാലാണ് അത്തരമൊരു നടപടി പാർട്ടി സ്വീകരിച്ചതെന്ന് കുഞ്ഞാലിക്കുട്ടി വ്യക്തമാക്കി.