ജൂൺ ഒന്നിന് സ്കൂൾ തുറക്കുകയാണ്. സ്കൂളിൽ പോകാൻ തയ്യാറെടുക്കുന്ന കോട്ടയം ജില്ലയിലെ വിദ്യാർഥികൾക് സന്തോഷ വാർത്ത. കുട്ടികൾക്ക് ജൂൺ ഒന്നിന് സ്വകാര്യ ബസിൽ സൗജന്യ യാത്ര അനുവദിച്ചു. സ്വകാര്യ ബസ് സംഘടനകളാണ് കുട്ടികൾക്കായി ഇത്തരമൊരു നടപടി സ്വീകരിച്ചിരിക്കുന്നത്.

കോട്ടയം ജില്ലാ പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ, കോട്ടയം ജില്ലാ പ്രൈവറ്റ് ബസ് ഓപ്പറേറ്റേഴ്സ് ഓർഗനൈസേഷൻ എന്നീ സംഘടനകൾ ചേർന്നൊരുക്കുന്ന ഈ പ്രവേശനോൽസവം. ഒന്നു മുതൽ പത്തു വരെയുള്ള ക്ലാസുകളിലെ വിദ്യാർഥികൾക്കാണ് ഈ സേവനം ലഭിക്കുക.

സ്വകാര്യ ബസുകൾക്കു പുതിയ തലമുറയോടുള്ള പ്രതിബദ്ധതയും സമൂഹത്തോടുള്ള ഉത്തരവാദിത്തവും ഉൾക്കൊണ്ടാണ് ഈ സൗഹൃദ തീരുമാനമെന്ന് നേതൃത്വം വ്യക്തമാക്കുന്നു. യൂണിഫോം ധരിക്കാത്ത വിദ്യാർഥികൾക്കു സൗജന്യയാത്ര അനുവദിക്കില്ല.

കടപ്പാട് : (മലയാള മനോരമ )