കെപിസിസി പ്രസിഡന്റായി തിരഞ്ഞെടുക്കപ്പെട്ട മുതിര്‍ന്ന കോണ്‍ഗ്രസ് നേതാവ് വി എം സുധീരന് ചുമതലയേറ്റു. രാവിലെ 11.45ന് പാര്‍ട്ടി ആസ്ഥാനമായ ഇന്ദിരാഭവനില്‍ നടന്ന ചടങ്ങില്‍ സ്ഥാനമൊഴിയുന്ന പ്രസിഡന്റ് രമേശ് ചെന്നിത്തല ചുമതലകള്‍ കൈമാറി.
മുഖ്യമന്ത്രി ഉമ്മന്‍ചാണ്ടിയുടെ അഭാവം ശ്രദ്ധിക്കപ്പെട്ടു. ഈ സമയം ഉമ്മന് ചാണ്ടി ഓഫീസില്‍ തന്നെ സമയം ചെലവഴിക്കുകയായിരുന്നു. ഇതു തെളിയിക്കുന്ന വെബ്കാസ്റ്റിംഗിന്റെ തത്സമയ ദൃശ്യങ്ങള്‍ വാര്‍ത്താ ചാനലുകള്‍ പുറത്തുവിട്ടു.
സ്ഥാനമൊഴിയുന്ന പ്രസിഡന്റ് രമേശ് ചെന്നിത്തല, യുഡിഎഫ് കണ്‍വീനര്‍ പി പി തങ്കച്ചന്‍, മന്ത്രിമാരായ ആര്യാടന്‍ മുഹമ്മദ്, കെസി ജോസഫ്, കെ മുരളീധരന്‍ എംഎല്‍എ, പാര്‍ട്ടി ഭാരവാഹികള്‍ തുടങ്ങിയവര്‍ ചടങ്ങില്‍ പങ്കെടുത്തു.
