നിശ്ചയിച്ചുറപ്പിച്ച വിവാഹത്തിൽ നിന്നും ഗായിക വൈക്കം വിജയലക്ഷ്മി പിൻ‌വാങ്ങി. സന്തോഷിന്റെ പെരുമാറ്റത്തിൽ വന്ന മാറ്റമാണ്​ വിവാഹത്തിൽ നിന്ന്​ പിൻമാറാൻ തന്നെ പ്രേരിപ്പിച്ചതെന്ന്​ വിജയലക്ഷി പറഞ്ഞു. വാർത്താ സമ്മേളനത്തിലുടെയാണ്​ വിജയലക്ഷ്മി​ തന്നെയാണ്​ ഇക്കാര്യം മാധ്യമ പ്രവർത്തകരെ അറിയിച്ചത്​.

വിവാഹശേഷം സംഗീത പരിപാടി നടത്താൻ സാധിക്കില്ലെന്നും ഏതെങ്കിലും സംഗീത സ്​കൂളിൽ അധ്യാപികയായി ജോലി ചെയ്താൽ മതിയെന്നും സന്തോഷ്​ പറഞ്ഞു. തന്റെ വീട്ടിൽ താമസിക്കാമെന്ന് ആദ്യം അദ്ദേഹം വാക്ക് തന്നിരുന്നു. എന്നാൽ ഇപ്പോൾ പറയുന്നത് സന്തോഷിന്റെ ബന്ധുവീട്ടിൽ താമസിക്കണമെന്നാണ്. ഇതാണ് തന്റെ തീരുമാനത്തിന് പിന്നിലെ കാരണമെന്നും ഗയിക വ്യക്തമാക്കി.

തൃശൂർ സ്വദേശി സന്തോഷുമായി മാർച്ച്​ മാസം 29നായിരുന്നു വിവാഹം നിശ്​ചയിച്ചിരുന്നത്​. പത്രത്തിൽ പരസ്യം നൽകിയശേഷമാണ്​ സന്തോഷുമായി ബന്ധപ്പെട്ടതും വിവാഹ നിശ്​ചയം വരെ എത്തിയതും. ആരുടെയും ​പ്രേരണയാലല്ല സ്വന്തം ഇഷ്​ടപ്രകാരമാണ്​ വിവാഹത്തിൽ നിന്ന്​ പിൻമാറുന്നതെന്നും വിജയലക്ഷ്​മി വ്യക്​തമാക്കി.