ഇടതു സര്‍ക്കാരിന്റെ പുതിയ മദ്യനയം ജൂണ്‍ 30നുള്ളില്‍ പ്രഖ്യാപിക്കുമെന്ന് എക്‌സൈസ് മന്ത്രി ടി പി രാമകൃഷ്ണന്‍. മദ്യനിരോധനം ടൂറിസം മേഖലകളില്‍ വലിയ പ്രതിസന്ധിയാണ് സൃഷ്ടിച്ചിരിക്കുന്നത്. അതുകൊണ്ടുതന്നെ ആ മേഖലകളിലെ ആശങ്ക കൂടി പരിഗണിച്ചായിരിക്കും പുതിയ മദ്യനയം പ്രഖ്യാപിക്കുകയെന്നും മന്ത്രി വ്യക്തമാക്കി.

മദ്യനിരോധനം മൂലം ടൂറിസം മേഖലയില്‍ നിന്നുളള വരുമാനത്തിന് വലിയ തിരിച്ചടിയേറ്റിറ്റുണ്ട്. ഈ ആശങ്കകൂടി പരിഗണിച്ചായിരിക്കും പുതിയ മദ്യനയം പ്രഖ്യാപിക്കുകയെന്നും സര്‍ക്കാറിന്റെ മദ്യനയം മദ്യനിരോധനമല്ല, മറിച്ച് മദ്യവര്‍ജ്ജനമാണെന്നും അദ്ദേഹം കൂട്ടിച്ചേര്‍ത്തു. യുഡിഎഫിന്റെ മദ്യനയത്തില്‍നിന്നും തീര്‍ത്തും വ്യത്യസ്തമായിരിക്കും തങ്ങളുടെ മദ്യനയമെന്നും മന്ത്രി പറഞ്ഞു.