മക്കളെ വഴിയില്‍ കളഞ്ഞ് കാമുകനൊപ്പം പോയ യുവതി മലപ്പുറത്തെ മതപഠനകേന്ദ്രത്തില്‍ !

മക്കളെ വഴിയിൽ കളഞ്ഞ് കാമുകനൊപ്പം പോയ യുവതിയെ പൊലീസ് പിടികൂടി

AISWARYA| Last Modified ശനി, 23 സെപ്‌റ്റംബര്‍ 2017 (15:03 IST)
മക്കളെ പെരുവഴിയിൽ ഉപേക്ഷിച്ച് കാമുകനൊപ്പം പോയ യുവതിക്കെതിരെ പൊലീസ് കേസെടുത്തു. കാസർകോട് നെല്ലിക്കുന്ന് സ്വദേശിനിയും മേൽപ്പറമ്പിലെ ഇംഗ്ലീഷ് മീഡിയം സ്കൂൾ അദ്ധ്യാപികയുമായ ജയശ്രീക്കെതിരെയാണ് പൊലീസ് കേസെടുത്തിട്ടുള്ളത്.

ഭർത്താവായ മേൽപ്പറമ്പ് മറവയൽ സ്വാതി നിവാസിലെ മധുസൂദനന്റെ പരാതിയിലാണ് പൊലീസ് കേസ് രജിസ്റ്റർ ചെയ്തിരിക്കുന്നത്. കാമുകനോടൊപ്പം നാടുവിട്ട ജയശ്രീയെ മലപ്പുറത്തെ മതപഠനകേന്ദ്രത്തിൽ നിന്നാണ് പോലീസ് കണ്ടെത്തിയത്.

കാസർകോട് ചീഫ് ജുഡീഷ്യൽ മജിസ്ട്രേറ്റിന് മുന്നില്‍ ഹാജറാക്കിയ ജയശ്രീയെ, കോടതി നിർദേശപ്രകാരം മഹിളാ മന്ദിരത്തിൽ പാർപ്പിച്ചിരിക്കുകയാണ്. സ്വന്തം കുട്ടികളെ ഉപേക്ഷിച്ചത് പോയതിനാണ് പൊലീസ് കേസെടുത്തത്. സ്വകാര്യ ഇംഗ്ലീഷ് മീഡിയം സ്കൂളിലെ അദ്ധ്യാപികയായ ജയശ്രീയ്ക്കും മധുസൂദനനും പത്ത് വയസുള്ള മകളും, മൂന്നര വയസുള്ള മകനുമാണുള്ളത്.



ഇതിനെക്കുറിച്ച് കൂടുതല്‍ വായിക്കുക :